ཟླ་འདིའི་ཕྱི་ཚེས་ ༦ ནས་ ༨ བར་གྱི་ཉིན་གསུམ་རིང་། རྒྱ་གར་བྱང་ཤར་ཨ་རི་ན་ཅལ་མངའ་སྡེ་པད་མ་བཀོད་དུ་གྲུབ་དབང་པདྨ་ནོར་རིན་པོ་ཆེ་མཆོག་གི་དགོན་པ་༼ ངེས་གསང་སྔགས་བྱང་ཆུབ་དར་རྒྱས་གླིང་ ༽གི་གཙུག་ལག་ཁང་རྟེན་བརྟེན་པ་དང་བཅས་ལེགས་འགྲུབ་ཀྱི་མཛད་སྒོ་རྒྱས་པ་ཞིག་བསྡུས་ཡོད་འདུག མཛད་སྒོའི་སྐུ་མགྲོན་གཙོ་བོར་དཔལ་ཡུལ་གདན་རབས་བཅུ་གཉིས་པ་སྐྱབས་རྗེ་རིན་པོ་ཆེ་མཆོག་དང་བཙན་བྱོལ་བོད་གཞུང་ཆོས་རིག་བཀའ་བློན་ཚེ་རིང་ཕུན་ཚོགས་མཆོག ཨ་རུ་ན་ཅལ་མངའ་སྡེ་གྲོས་ཚོགས་ཀྱི་འཐུས་མི་ཨ་ལོ་ལི་བྷང་དང་ས་གནས་རྫོང་དཔོན། དེ་བཞིན། ཏི་ཛུ་དང་མེའོ་ས་གནས་མགོ་འཛིན་དང་རྙིང་མའི་སྤྱི་འཐུས་རྣམ་གཉིས་བཅས་ཕེབས་ཡོད་འདུག མཛད་སྒོའི་ཐོག་མར་གཙུག་ལག་ཁང་སྒོ་འབྱེད་ཀྱི་དར་མཚོན་བཅད་པ་དང་། འབྲེལ་ཡོད་ལས་སྣེ་དག་གིས་དགོན་པ་ངོ་སྤྲོད་དང་འབྲེལ་བྱ་བའི་གོ་རིམ་སྙན་སྒྲོན་ཞུས་ཤིང་། ཉིན་རྒྱབ་གླིང་བྲོ་བདེ་ཆེན་རོམ་མོའི་གཙོས་པའི་གཞས་སྣ་འཁྲབ་སྟོན་བྱས་ཡོད།
ཕྱི་ཚེས་ ༧ ཉིན་གྱི་སྔ་དྲོར་ཨ་རུ་ན་ཅལ་མངའ་སྡེ་སྤྱི་ཁྱབ་བློན་ཆེན་རྡོ་རྗེ་མཁའ་འགྲོ་མཆོག་ཕེབས་ཏེ། གཙུག་ལག་ཁང་ཐོག་བརྩེགས་གཉིས་པའི་སྟེང་ཡོད་པའི་སྐུ་གསུང་ཐུགས་ཀྱི་རྟེན་རྙིང་དང་རིས་སུ་མ་ཆད་པའི་སྐྱེས་ཆེན་དམ་པ་རྣམས་ཀྱིས་སྐུ་གདུང་། དངོས་རྫས་གསར་རྙིང་གི་རྒྱལ་སྤྱིའི་འགྲེམས་སྟོན་ཁང་། དེ་བཞིན། རྒྱལ་བའི་བཀའ་བསྟན་གྱིས་གཙོས་པའི་བོད་ཀྱི་ཆོས་བརྒྱུད་ཆེན་པོ་བཞིའི་ཕྱག་དཔེ་རྣམས་བཞུགས་སའི་དཔེ་མཛོད་ཁང་བཅས་སྒོ་འབྱེད་མཛད་ཡོད་འདུག དེའི་རྗེས་མངའ་སྡེ་བློན་ཆེན་མཆོག་གིས་གསུང་བཤད་གནང་ཞིང་། ཀློ་བ་དང་མོན་པ། བོད་རིགས་བཅས་ནས་གཞས་སྣ་འཁྲབ་སྟོན་བྱས་ཡོད་འདུག ཕྱི་ཚེས་ ༨ ཉིན་གྱི་སྔ་དྲོར་སྐྱབས་རྗེ་རིན་པོ་ཆེའི་ཞབས་བརྟན་ཚེ་སྒྲུབ་གནང་ཞིང་། ཕྱི་དྲོར་རིན་པོ་ཆེ་མཆོག་གིས་དད་ལྡན་སེར་སྐྱ་མི་མང་ལ་གཏེར་སྟོན་མི་འགྱུར་རྡོ་རྗེའི་གཏེར་ཆོས་འོད་དཔག་མེད་ཀྱི་བཀའ་དབང་བསྩལ་ཡོད་འདུག
གཙུག་ལག་ཁང་དེ་ནི། ཕྱི་ལོ་ ༢༠༠༣ ལོར་༸གོང་ས་ཆིབས་བསྒྱུར་སྐབས་དགོན་ས་བྱིན་གྱིས་བརླབས་ཤིང་གཙུག་ལག་ཁང་གི་རྨང་རྡོ་དང་བྱང་ཆུབ་ལྗོན་ཤིང་བཙུགས་ཏེ། མ་འོངས་པར་ས་འདིར་དཔལ་ཡུལ་པད་ནོར་རིན་པོ་ཆེའི་ཆོས་བརྒྱུད་ཀྱི་དགོན་པ་ཞིག་བཞེང་འཆར་ཡོད་པ་དེ་ཧ་ཅང་ཡག་པོ་རེད། ཆོས་བརྒྱུད་གྲྭ་ཚང་གི་སྒྲིག་འཛུགས་དང་། མི་མང་ལ་ནང་ཆོས་ངོ་སྤྲོད་བྱ་རྒྱུར་ཕན་ཐོགས་ཆེན་པོ་ཡོང་གི་རེད། ཅེས་དང་། དགོན་པའི་སྒོའི་གཡས་གཡོན་ལ་རྒྱལ་ཆེན་བཞི་རྫིག་པོ་དེ་འདྲ་བྲིས་ཏེ་ཕན་ཐོགས་ཨེ་ཡོད་མི་ཤེས་ཏེ། སྲིད་པ་འཁོར་ལོ་དང་མཐུན་པ་སྤུན་བཞིའི་རི་མོ་བྲིས་ཏེ་མཆོད་མཇལ་བ་ཚོར་འགྲེལ་བཤད་བརྒྱབ་ན་ཕན་ཐོགས་ཡོང་གི་རེད། ཅེས་བཀའ་གནང་ཡོད་འདུག དེ་རྗེས་པདྨ་ནོར་རིན་པོ་ཆེ་མཆོག་ཕེབས་ཏེ་དགོན་པའི་མཚན་ལ་༼ ངེས་གསང་མདོ་སྔགས་བྱང་ཆུབ་དར་རྒྱས་གླིང༽ ཞེས་གསོལ་ཡོད་འདུག
འཇང་གཡུ་ལྷ་ཐོགས་འགྱུར་ལགས་ ངས་་༼ བོད་པའི་བླ་མ་རྣམས་ཀྱི་༽་ ཞེས་བཤད་པ་ལས་ཆོས་ལུགས་གང་ཡིན་བཤད་མེད་ལ་དེ་རྣམས་ཀྱི་ཁྱད་པར་ཤེས་ཀྱི་ཡང་མེད་ དིང་སྐབས་བཙན་པོའི་དུས་རབས་ཀྱི་རྗེས་ལ་བྱུང་མྱོང་མེད་པའི་བོད་པ་རྣམས་གཅིག་འགྱུར་ཞིག་བྱུང་བཞིན་ཡོད་པས་ཁྱེད་རང་གྱི་བརྩེ་མོ་་དེ་རིགས་མ་བརྩེས་ན་དགའ་ ལྷག་པར་དུ་ཁྱེད་རང་གྲ་པ་མིན་ན་རང་གི་བུ་ཕྲུག་རྣམས་ལ་བརྩེ་མོ་རྙིང་པ་དེ་མ་བརྩེས་ན་ལེགས་སོ།
འཇིགས་མེད་རང་གི་སེམས་དྭོགས་དེ་བདེན་པ་རེད། འོན་ཀྱང་བསྒྱུར་བ་གཏོང་ཐུབ་མཁན་ཅིག་མ་བྱུང་བར། བྱང་ཆུབ་དར་རྒྱས་གླིང་དར་རྒྱས་ཤོག་སྨོན་རྒྱུ་ཙམ་ལས་མ་འདས་སོ། །
ངའི་ལྟོས་ན་ཡང་དགོན་པ་འདི་སྡོག་ཕྱོགས་ཞིག་ཡིན་གྱི་རེད་གང་ཡིན་ཟེར་ན་ དགོན་པ་འདི་དགེ་ལུགས་པ་མ་རེད་མོ ཨ་ལ་བརྩེ་མོ་ཡིན་ད་ ཧཧཧཧ
གང་ལྟར་ཡང་གཙུག་ལག་ཁང་རྟེན་བརྟེན་པ་དང་བཅས་ལེགས་འགྲུབ་བྱུང་བ་བཀྲ་ཤིས་བདེ་ལེགས་གྲངས་མེད་ཞུ།།
ཡུལ་ཁྲིམས་དང་མཐུན་པ་བྱས་ཡོད་བཞག་རེད་ རྩ་བའི་སངས་རྒྱས་ཤིང་སྡོང་འོག་ལ་བཞུགས་ནས་དཀའ་བ་བཅད་ནས་སངས་རྒྱས་ནའང དེ་ཡི་རྗེས་གྲངས་པ་ཡིན་ཟེར་མཁན་བོད་པའི་བླ་མ་རྣམས་ཀྱི་དེ་དྲའི་དགོན་པ་ཆེན་པོ་དང་རྒྱས་སྤྲོད་ཆེན་པོ་གནང་བ་དེས་ངའི་སེམས་ལ་དྲི་བ་མང་པོ་ཞིག་འཁོར་བཞིན་འདུག་ ངས་ལྟས་ན་ཁོང་ཚོའི་གནང་སྟངས་དེ་སངས་རྒྱས་ཀྱི་གནང་སྟངས་ཀྱི་སྡོག་ཕྱོགས་་སུ་གནང་བ་ཞིག་མཐོང་གི་འདུག་ དེ་ལྟར་ཡིན་ནམ།