བཀའ་ཁྲི་འཚོལ་སྟངས་ཀྱི་འགྲན་རྩོད་བགྲོ་གླེང་།

བཀའ་འོས་ཤོས་བཀྲས་མཐོང་རྒྱལ་་གྱུར་ཅིག

འདས་པའི་ཟླ་ཤས་ཀྱི་བཀའ་ཁྲི་འོས་མི་གསུམ་གྱི་བགྲོ་གླེང་ཁག་ཉན་པའི་ཁྲོད་ནས་བཀའ་ཟུར་བཀྲ་ཤིས་དབང་འདུས་ལགས་ཀྱིས་གསར་བཏོད་ཐོག་ལ་ཤུགས་བརྒྱབ་ནས་གསུངས་པ་ཉུང་ཡང་། བཀའ་ཟུར་བཀྲས་མཐོང་ལགས་དང་བློ་སེང་ལགས་གཉིས་ལ་གསར་བཏོད་ཀྱི་རྣམ་པ་ལྡན་པ་གང་ཞིག་དབུ་མའི་ལམ་དང་འབྲེལ་བའི་སྲིད་བྱུས་ཐོག་ལ་བཀའ་ཟུར་བཀྲས་མཐོང་ལགས་ཀྱི་དགོངས་གཞི་དེ་གསར་བཏོད་རྣམ་པ་ཤུགས་ཆེ་བ་དང་མངོན་གསལ་དོད་པ་འདུག་ལ། བློ་སེང་ལགས་ཁྲིམས་ཐོག་ལ་མཁས་པ་ཡིན་ཡང་”མ་འོངས་པའི་ལས་འཆར་”དེའི་ནང་གསར་བཏོད་རྣམ་པ་སྦྱོར་དངོས་མཇུག་གསུམ་ཚང་མ་ཞིག་གསལ་སྟོན་བྱེད་ཐུབ་མི་འདུག གལ་ཏེ་བློ་སེང་ལགས་ཁྲིམས་ལ་མཁས་པ་བཞིན་ཁ་གསལ་གཏིང་གསལ་གྱི་ལས་འཆར་ཞིག་སྤེལ་ན་འོས་གྲངས་ལ་ཁྱད་པར་བཟོ་སྲིད།
ལར་ནས་བློ་སེང་ལགས་ཀྱི་རྒྱབ་སྐྱོར་བ་རྣམས་ཀྱིས་བཀྲས་མཐོང་ལགས་ལ་རྒྱབ་སྐྱོར་གནང་མཁན་རྣམས་ཀྱིས་སྔར་གྱི་མཛད་རྗེས་ལ་བཀའ་དྲིན་རྗེས་དྲན་ཚུལ་དུ་འོས་འཕེན་གྱི་ཡོད་པའི་གསུངས་ཚུལ་ནི་ཏག་ཏག་བསྡད་མེད་པའི་དོགས་པ་ཆེ། ངས་ནི་བཀྲས་མཐོང་ལགས་སུ་བཀའ་དྲིན་འཇལ་བའི་ཚུལ་དུ་འོས་འཕེན་གྱི་མེད། ཁོང་ལ་བློ་སེང་ལགས་ལས་ཉམས་མྱོང་ཧ་ཅང་ཆེ་བ་ཡོད་པ་ཀུན་གྱིས་མཁྱེན་གསལ་རེད། དེའི་ཁར་སྲིད་བྱུས་ངོ་མ་དབུ་མའི་ལམ་དང་འབྲེལ་བའི་ཐོག་ལ་གསར་བཏོད་རྣམ་པ་བཀྲས་མཐོང་ལགས་ལས་ཆེ་བ་མེད་པ་ས་རིས་ཐང་གསལ་རེད།
ཡང་འགའ་ཤས་ཀྱིས་བློ་སེང་ལགས་ཀྱིས་བཤད་ཕོད་ཚུལ་གསུངས་འདུག གསུངས་ཕོད་པའི་ཁྱད་ཆོས་བཀའ་ཟུར་བཀྲས་མཐོང་ལགས་དང་བཀྲ་ཤིས་དབང་འདུས་ལགས་གཉིས་ལའང་མཆིས། འོན་ཀྱང་གང་གསུངས་པ་རྣམས་ངོ་ལྐོག་དབྱེར་མེད་དང་དྲང་བདེན་ཞིག་གསུང་རྒྱུ་ནི་ཤིན་ཏུ་གལ་ཆེ། དེ་མིན་བོད་མི་དཀྱུས་མ་རྣམས་མགོ་སྐོར་ཐེབས་སྲིད། བློ་སེང་ལགས་ཀྱིས་ད་ཕན་ལ་གསུངས་པའི་ཁྲོད་ན་ཞལ་རྫུན་གྱི་འཁོར་ལོ་བསྐོར་བ་དེ་འདྲ་མི་ཉུང་བ་མཆིས་སྙམ། ཞིབ་ཕྲ་མཁྱེན་འདོད་ཡོད་ན། རྣམ་པ་ཚོས་བོད་ཀྱི་ཆབ་སྲིད་བསྐྱར་ཞིབ་ཅེས་པའི་དྲྭ་གནས་ http://www.tibetanpoliticalreview.org གྱི་བཀའ་ཁྲི་འོས་མི་རྣམས་འོས་མིར་མ་བཞེང་སྔོན་གྱི་ཕྱག་ལས་གང་གནང་གི་ཡོད་མེད་སྐོར་འཁོད་པའི་བློ་སེང་ལགས་ཀྱི་སྐབས་དེ་ཀློག་གནང་དང་། ཅུང་བློ་ཕམ་དགོས་པ་དེ་འདྲ་འདུག དྲྭ་གནས་དེའི་ནང་འཁོད་པའི་གནས་ཚུལ་རྣམས་ཞིབ་འཇུག་གནང་ནས་བཀོད་པ་འབའ་ཞིག་འདུག ད་དུང་དེས་མ་འཐུས་ན། ཧར་ཝཌ་མཐོ་སློབ་ཀྱི་དྲྭ་རྒྱ་ལ་ཕེབས་ནས་བློ་སེང་ལགས་ཀྱི་ཁྱབ་བསྒྲགས་ཡིག་ཆ་ཁག་ཏུ་གསལ་པ་དང་མཐོ་སློབ་ཏུ་གསལ་པའི་གནས་དོན་ལ་ཞིབ་འཇུག་གནང་ན་གཙང་མ་ཆགས་ངེས་རེད།
རྫུན་གྱི་ཕྲེང་པའི་སྟར་ལ་བརྒྱུས་ནས་མི་མང་མགོ་སྐོར་ཐབས་གནང་ན་རྩ་བ་ནས་ཡག་པོ་མ་རེད་སྙམ།

བག་བྲོ་ཟེར་བའི་ཆབ་སྲིད་ཀྱི་ཚོང་བ་དེ་སྐད་ཆ་ག་རི་བཤད་ཀྱི་ཡོད་མེད་ཧ་གོ་གི་མི་འདུག།
ཁོ་ར་ངོ་སྤྲོད་ཡོད་དམ་བློ་བཟང་སེང་གེ་ལ་རྒྱབ་སྐྱོར་བྱེད་ཀྱི་ཡོད་མེད་ཤེས་ཀྱི་མི་འདུག།
ངོ་མ་དགོད་བྲོ་བོ་ཞིག་འདུག།

བསམ་བཞིན་དུ་སེམས་ཅན་དང་གངས་ཅན་པའི་ཆེད་དུ་སྲིད་པར་སྐྱེ་བ་བཞེས་པའི་སྐུ་སྐྱེ་དེས་ངེད་ཅག་ལ་སེམས་ནང་དུ་མྱོང་ཐོབ་པའི་རླབས་ཆེན་གྱི་མཛད་འཕྲིན་མཐའ་ཡས་ནས་མུ་མེད་ཀྱི་བར་དུ་ཁྱབ་ཡོད་པ་མ་ཟད། མིག་མཐོང་ལག་ཟིན་ཏུའང་ཡ་མ་ཟུང་གི་ཕྲིན་ལས་འདི་དང་འདི་འདྲ་བ་མང་པོས་རྒྱ་ཆེ་ས་ནས་བོད་རྒྱུད་ནང་བསྟན་ཡོངས་དང་ཁྱད་དུ་བོད་རིགས་སྤྱི་བྱིངས་ལ་ཡང་དང་ཡང་དུ་ཕན་ཐོག་ཡོང་ཚུལ་འདི་མཐོང་དུས་བསྟན་དགྲ་ཚར་གཅོད་པའི་ཆོས་སྐྱོང་བཀའ་སྲུང་རྣམས་གང་དུ་སོང་ཡོད་དམ་སྙམ་ནས་དོག་ཅིང་ཁྲེལ་བཞིན་ཡོད།

ངས་བསམ་ན་ཡག་པོ་ཞིག་ཐོབ་གི་རེད་བསམ་གི་མེད། བོད་མའི་རང་གི་རང་ལ་གནོད་བྱེད་ཤེས་པའི་ཏན་ཏན་གནོད་བྱེད་གི་རེད་བསམ་ནས་རེ་བ་ཆེན་པོ་མེད།

ཧ་ཧ་་་་་ཤ་གླིང་ཟླ་སྒྲོལ་ལགས་་་་ཁྱེད་ཀྱིས་༧གོང་ས་མཆོག་གི་བཀལ་དགོངས་ཞིན་གཞོན་སྐྱེས་ཤེས་ཡོན་ཅན་དང་མི་གཙང་མ་ཞིག་ལ་རྒྱབ་སྐྱོར་མ་བྱེད་པར་མི་མང་གིས་དོ་པ་བྱ་ཡུས་དང་བོད་མི་ས་ཡ་དྲུག་ལས་རང་ཉིད་ཀྱི་བུ་ཕྲུག་གཅིག་གལ་འགལ་ཆེ་བ་བརྩེ་མཁན་ཞིག་ལ་རྒྱབ་སྐྱོར་བྱེད་བར་ཡ་མཚན་རེད།

ཚ་བ་བློ་བཟང་རྒྱལ་མཚན།             ནོར་གླིང་།

ཧའ་ཧའ་ད་དངོས་ནས་བློ་སེང་ལགས་ཀྱིས་འདེངས་ཚོད་རྩ་བ་ནས་མེད་པའི་འུར་སྒྲ་ཆེན་པོས་གཏམ་བཤད་སྤེལ་བ་ལ་སྤྱི་ཚོགས་ནང་གི་རྒན་གྲས་དང་གྲ་བཙུན་བརྒྱུན་དུ་ཆབ་སྲིད་ལ་དོ་སྣང་མེད་པ་མཐོ་སློབ་ཁག་གི་ན་གཞོན་སོགས་མང་པོ་དངོས་ནས་འདོད་པ་ཁེངས་པའི་རྣམ་པ་འདུག་་དེ་ནི་ཁོང་ཚོ་ལ་ཁག་རྩ་བ་ནས་མེད་་་བློ་སེང་ལགས་ཀྱིས་ཐབས་བྱུས་རེད་་་བཙོན་ཟུར་བག་གྲོ་ལགས་ཡང་་་་གསར་གཏོད་་་དང་་་ཁྲིམས་མཁས་ཅན་གྱིས་་་ཁ་མཆུ་་་་ལ་མགོ་འགུར་བ་དེ་དངོས་ནས་ཡ་ཚན་རེད་བག་གྲོ་་་ད་གསར་གཏོད་གང་བྱ་རྒྱུ་ཡོད་ཁོང་ལ་དྲིས་དང་་་་ཡང་ན་བསམ་བློ་ཞིབ་ཕྲ་ཡང་བསྐྱར་ཐེངས་ཤིག་གཏང་ན་་ད་ལྟ་ད་དུང་ཡང་དུས་ཚོད་ཡོད་ཁྱེད་ལྟ་བུས་འོས་ཕན་མེད་དུ་གྱུར་ན་དངོས་ནས་འཕངས་བ་ལ་

དུས་བབ་ཚང་ལ་ཞུ་རྒྱར།ངས་མཆན་ཞིག་བཏབ་ཡོད་པ་དེ་མ་བཀོད་པའི་རྒྱུ་མཚན་ཅིའི་ཕྱིར་དུ་ཡིན་ནམ།གསལ་བཤད་ཞིག་གནང་ཐུབ་ན་ཕན་ཚུན་གཉིས་ཆ་ལ་དགེ་མཚན་ཆེ་བ་ཞིག་མཐོང་།

ང་རང་ཉིན་དེར། འགྲན་རྩོད་བགྲོ་གླེང་ལ་སོང་བ་ཡིན། སྐབས་དེར། དངོས་གནས་གོ་སྒྲིག་ཡག་པོ་ཞིག་བྱས་བཞག་པ་མཐོང་སོང་། དེར་བརྟེན་ཡི་རངས་བྱེད་ཀི་ཡིན་ལ། མ་འོངས་པ་ཡིན་རུང་འདི་འདྲའི་གལ་འགངས་ཆེ་བའི་ལས་དོན་རེ་རྩོམ་རྒྱུའི་སྐུལ་མ་བྱེད་འདོད་བྱུང་སོང་། རེད། མི་མང་ཡང་ཧ་ཅང་མང་པོ་འཛོམས་ཡོད་པའི་མ་འཚང་ཁ་ཆེན་པོ་དང་ཚད་ཚ་ཚ་འུར་འུར་གྱིས་སྒོ་ནས་བགྲོ་གླེང་གི་ཆ་ཤས་ལེན་སྟངས་ལ་བལྟས་ཡོང་ན། ད་ནི་མང་གཙོའི་གོ་རྟོགས་དང་འགན་འཁྲི་ཆེན་པོ་ཞིག་འཁུར་བཞིན་པའི་སྣང་བ་ཞིག་ཀྱང་ངང་གིས་སྟེར་བྱུང་། གང་ལྟར། བཀའ་ཁྲིའི་འོས་མི་རྒྱབ་སྐྱོར་བ་རེ་རེས་གནས་ལུགས་དང་རྒྱུ་མཚན་ལྡན་པའི་སྒོ་ནས་རང་ལུགས་བསྒྲུབས་སྟངས་ལ་བསམས་ཡོང་སྐབས། བག་བྲོ་ཚོར་སྣང་གི་དབང་གི་འགྲོ་བ་ལྟ་བུ་འདུག ཟླ་སྒྲོན་གྱིས་སྒམ་བརླིང་གི་རྣམ་འགྱུར་ཆེན་པོ་བསྟན་སོང་། བསོད་ནམས་རྡོ་རྗེའི་ལངས་ཕྱོགས་གསལ་སྟོན་བྱས་སོང་།

བཀའ་ཟུར་བཀྲས་མཐོང་ལགས་ཀྱི་སྔོན་མའི་བྱ་རྗེས་དག་ནི་ལྷག་བསམ་དང་ཤེས་འཇོན་གསུམ་ལྡན་གྱི་བོད་ཕྲུག་ཞིག་གིས་བོད་མི་རིགས་དང་རྒྱལ་ཁབ་ལ་ཁ་སེམས་གཉིས་མེད་ཀྱིས་ང་ཚོ་ལ་བཅངས་པའི་རླབས་ཆེན་གྱི་བྱ་བ་ཞིག་ཡིན་པས་སྙིང་ཁོངས་རུས་པའི་གཏིང་ནས་ཁོང་ལ་ཡིད་རངས་བསྔགས་བརྗོད་ཞུ་རྒྱུ་མ་ཟད། དེ་རིང་དངོས་སུ་འགྲེལ་བཤད་གནང་མཁན་ཤར་གླིང་ཟླ་སྒྲོན་ལགས་སུའང་བཀའ་དྲིན་ཆེ་ཞུ་འདོད་བྱུང་། ཡིན་ནའང་སྐུ་ངོ་བཀྲས་མཐོང་ལགས་ལ་ཆ་མཚོན་ན། ༡༽ལོ་ཚོད་ཀྱི་ཆ་ནས་དེ་ཙམ་གྱི་འོས་འཚམས་མིན་པ་དང་། ༢༽ཁོང་གི་མ་འོངས་ལས་ཆར་ལ་གཞིགས་ནའང་དེ་ཙམ་གྱི་གསར་གཏོད་གྱི་རང་བཞིན་ཅན་མིན་པ། ༣༽རྒྱ་ཆེའི་མི་མང་གི་མངོན་འདུན་ལ་བསམ་ན་ཡང་མ་འོངས་བཀའ་ཁྲི་དེ་ཁོང་མིན་པས། མིན་པ་གསུམ་གྱི་ཆ་ནས་དེ་རིང་གི་གོ་སྐབས་འདི་ཁོང་གི་ཡིན་བསམ་པའི་སྤོབས་པ་ཤིག་བདག་ལ་མི་འདུག།

བློ་སེང་ལགས་ཀྱི་རྒྱབ་སྐྱོར་བ་ཕལ་ཆེ་བ་སྐུ་གཞོགས་བག་བྲོ་ལྟ་བུ་ཤེས་ཡོན་དེ་ཙམ་མེད་མཁན་ནམ། ཤེས་ཡོན་ཡོད་ཀྱང་རང་ཉིད་ལས་ཀའི་ནང་མ་ཞུགས་མཁན་ཁག་ཡིན་སྟབས། ཁོང་ཚོས་ཉམས་མྱོང་གི་རིན་ཐང་ལ་ཚོད་བགམ་མི་ཐུབ་པར་ཐུགས་ཁག་མེད། འོན་ཀྱང་སྤྱི་ཚོགས་ནང་ལ་ཤེས་ཡོན་མཐིལ་ཕྱིན་པ་བཅད་ནས་ལས་ཀ་ལ་ཞུགས་དང་། དེ་ནས་ཉམས་མྱོང་ཞེས་པ་དེ་གལ་ཆེན་པོ་གང་འཚམས་ཡིན་མིན་ངང་ངམ་ཤུགས་ཀྱིས་རྟོགས་ངེས་རེད། ངས་ནི་ཉམས་མྱོང་ལ་རིན་ཐང་ཆེན་པོ་བརྩི་ཡི་ཡོད་པ་མ་ཟད། ཉམས་མྱོང་ཡོད་པའི་འོས་མི་རྣམ་གཉིས་ཀྱང་ཕྱག་ལས་གནང་མི་ཐུབ་པའི་རྒན་འཁོགས་དེ་འདྲ་མཐོང་གི་མི་འདུག

ལར་ནས་ང་ཚོའི་བཅའ་ཁྲིམས་རིན་པོ་ཆེ་འཁྲུངས་ནས་ལོ་ ༢༠ སོན་པར་་ད་དུང་ཟླ་ཤས་ལྷག་ཡོད། སྤྱིར་བཅའ་ཁྲིམས་རིན་པོ་ཆེའི་དགོངས་པ་ཁག་ལ་གུས་བརྩི་དང་གོང་དུ་བཀུར་གྱི་ཡོད་མོད། འོན་ཀྱང་ནར་སོན་རྒྱུ་ཡིན་སྟབས། ང་ཚོའི་སྤྱི་ཚོགས་ཀྱི་དགོས་མཁོ་དང་ཁ་གསབ་དགོས་སར་དེ་བཞིན་གནང་དགོས་པ་ཆོས་ཉིད་རེད། བློ་སེང་ལགས་དང་རྒྱབ་སྐྱོར་བ་རྣམས་ཀྱིས་བཅའ་ཁྲིམས་ནང་དུ་ཉམས་མྱོང་གསལ་མི་འདུག་ཅེས་གཟེངས་བཏོད་ནས་གསུངས་ཀྱང་། དགོས་པ་ལྷག་པར་མ་མཐོང་། གང་ཡིན་ཞེ་ན། བཅའ་ཁྲིམས་སུ་ཉམས་མྱོང་ཆ་རྐྱེན་དུ་གསལ་མེད་པ་ཀུན་གྱི་མཁྱེན་གསལ་རེད། མ་གཞི་ནས་བཅའ་ཁྲིམས་སུ་ཆ་རྐྱེན་དེ་གསལ་མེད་སྟབས་བློ་སེང་ལགས་ཀྱང་འོས་མིར་ཚུད་པ་ཤུགས་ཀྱིས་རྟོགས་ཐུབ། འོན་ཀྱང་བློ་སེང་ལགས་དང་རྒྱབ་སྐྱོར་བ་རྣམ་པས་ཆ་རྐྱེན་དེ་མེད་པར་གསུངས་པའི་ཤུགས་ལ། གསུང་སྟངས་གཞན་ཞིག་ནས་ཁོ་པ་ལའང་ཉམས་མྱོང་ཡོད་གསུངས་པ་གང་ཞིག བཅའ་ཁྲིམས་སུ་ཆ་རྐྱེན་དེ་གསལ་མི་འདུག་གསུངས་པ་ཙམ་གྱིས་ཁོ་པ་ཉིད་ནས་སོ་སོའི་ཉམས་ཆ་ཤུགས་ལ་ངོས་འཛིན་ཞུས་པར་སྙམ།

ལར་ནས་ལོ་རྒྱུས་རིང་པོ་ཡོད་པའི་རྒྱལ་ཁབ་ཁག་གི་རྩ་ཁྲིམས་ཁག་ཏུ་ཉམས་མྱོང་དགོས་ངེས་ཚིག་དེ་ཉིད་མི་གསལ་ཡང་། ཉམས་མྱོང་དགོས་པར་གསུངས་པ་དངོས་འབྲེལ་རེད། དཔེར་ན། ང་ཚོ་བོད་མི་བཙན་བྱོལ་པ་མང་ཤོས་གནས་སྡོད་བྱེད་ཡུལ་རྒྱ་གར་ལྟ་བུར་མཚོན་ན། རྒྱལ་ཁབ་ཀྱི་སྲིད་འཛིན་གྱི་འོས་མིར་ལང་བར་ཉུང་མཐར་གྲོས་ཚོགས་འོག་མའི་འཐུས་མི་ཡིན་དགོས། དེས་གང་བསྟན་པ་ཡིན་ནམ་ཞེ་ན། གྲོས་ཚོགས་ལ་ཞུགས་ནས་མང་གཙོའི་ཀ་བ་གསུམ་གྱི་གནས་ཚུལ་རྒྱུས་ལོན་དང་ཉམས་མྱོང་གསོག་ཐུབ་པའི་དགེ་མཚན་ཤུགས་ལ་རྟོགས་ཐུབ། དེ་བཞིན་ཨ་རིའི་སྲིད་འཛིན་གྱི་ཆ་རྐྱེན་གཅིག་ནི། སྲིད་འཛིན་གྱི་འོས་མིར་ལང་མཁན་དེ་ཉིད་ཨ་རི་རང་དུ་ལོ་ངོ་ ༡༤ གཏན་སྡོད་བྱེད་དགོས་པ་ཡིན། དེས་ཀྱང་རྒྱལ་ཁབ་དེའི་ནང་དུ་བསྡད་ན། རྒྱལ་ཁབ་དེའི་གནས་ཚུལ་རྒྱུས་མངའ་ཆེ་བ་ཡོང་དགོས་པ་བཤད་མི་དགོས་སྙམ། དེ་ནི་ང་ཚོས་ལས་སླ་པོས་ཤེས་ཐུབ། ང་ཚོས་འདིར་བསྡད་ནས་བོད་ཀྱི་གནས་ཚུལ་ལས་སླ་པོ་བྱས་ནས་ཤེས་མི་ཐུབ་པ་ལྟ་བུ་ཡིན།

བློ་སེང་ལགས་ད་རེས་བཀའ་ཤག་སྐབས་གསུམ་པའི་ནང་དུ་བཀའ་ཁྲི་མ་ཐོབ་པར་སྨོན་ལམ་འདེབས་ཀྱི་ཡིན། འོན་ཀྱང་བློ་སེང་ལགས་བོད་གཞུང་ལ་ཞབས་ཕྱི་ཞུ་འདོད་ཡོད་པ་ཁ་ཞེ་གཉིས་མེད་ཡིན་ན། བཀའ་ཁྲིར་མ་ཚུད་པར་བློ་ཕམ་མ་གནང་བའི་ཐོག བློན་ཆེན་ལས་ཁུངས་ཤིག་ཏུ་ཕྱག་ལས་གནང་ཐུབ་ན་ཤིན་ཏུ་བཟང་། དེ་ནས་ཁོང་གིས་དམིགས་བསལ་ནུས་པ་བཏོན་ཐུབ་ན། ངས་སྐབས་རྗེས་མའི་བཀའ་ཁྲིར་ཁོང་ཉིད་འཚོལ་རྒྱུ་ཡིན།

གྲྭ་བག་གྲོ་ལགས་ཀྱིས་བག་བྲོ་པོའི་སྒོ་ནས། རར་བ་བཟང་ས་ནས་རྒྱག་སྟངས་གསུངས་འདུག་ཀྱང་། གྲ་སྒྲིག་སྡུག་ས་ནས་བྱེད་སྟངས་ཁ་གསལ་མི་འདུག་སྙམ།
བསོད་ནམས་རྡོ་རྗེ་ལགས་ཀྱིས་བཀྲ་ཤིས་དབང་འདུས་ལགས་ལ་རྒྱབ་སྐྱོར་ལ། ང་ཀརྨ་རྡོ་རྗེས་ཀྱང་རྒྱབ་སྐྱོར་ཞུ་བཞིན་ཡོད། བསྟན་རྣམ་ལགས་ཀྱང་སྐུ་ཚེ་ཡུན་བརྟན་ཤོག །

མཛེས་མ་ཟླ་སྒྲོན་ལགས་ཀྱིས་གསུངས་པར་བདེན་ནོ་ཞུ་རྒྱུ་ཡིན། བཀྲས་མཐོང་ལགས་ཀྱིས་བཀའ་དྲིན་ལ་བརྟེན་ནས་བོད་མི་༡༠༠༠ཨ་རི་ལ་འགྲོ་ཐུབ་པ་བྱུང་བས་རྒྱུ་མཚན་གྱི་བཙན་བྱོལ་བོད་མིའི་འཚོ་བ་ཡར་རྒྱས་དང་བཙན་བྱོལ་བོད་གཞུང་གི་མང་གཙོ་ཡར་རྒྱས་དཔལ་འབྱོར་ཡར་རྒྱས་སོགས་ཕྱོགས་མང་པོ་ཞིག་ནས་ཡག་པོ་ཆགས་པ་རེད།

ང་ཚོས་ཀྱང་མང་གཙོ་གོ་སྐབས་དང་བརྟེན་ནས་བོད་གཞུང་མང་གཉིས་སུ་ཕན་ཐོགས་ཡོད་པའི་བཀྲས་མཐོང་ལགས་སུ་འོས་ཤོག་ཐོབ་ཐུབ་པའི་རྒྱབ་སྐྱོར་བྱེད་དགོས་ངེས་རེད། མ་འོང་པ་ཡང་བོད་མི་ལས་མེད་མང་པོ་ཨ་རི་དང་ནུབ་ཕྱོགས་རྒྱལ་ཁབ་ཁག་གི་ནང་དུ་སློབ་གཉེར་དང་དཔལ་འབྱོར་གྱི་ཆེད་དུ་འགྲོ་དགོས་ངེས་རེད།

ཨ་རི་གཞུང་གིས་ཆུ་སྒང་དམག་གི་ནང་མི་རྣམས་དང་བལ་ཡུལ་གྱི་སྐྱབས་བཅོལ་ལག་ཁྱེར་མེད་མཁན་རྣམས་ལེན་གྱི་ཡིན་ཞེས་གསུངས་ཡོད་པ་དང་ཁ་ན་དྲའི་གཞུང་གི་ཨ་རི་ཅ་ན་མངའ་སྡེའི་ནང་གི་བོད་མི་༡༠༠༠་ལེན་གྱི་གསུངས་ཀྱི་ཡོད་རེད། དེ་བརྟེན་བྱ་བ་འདིར་ཡག་པོ་འགྲུབ་ཐུབ་དགོས་ཚེ་སྐུ་ངོ་བཀྲས་མཐོང་ལས་ལྷག་གི་རེ་བ་རྒྱབ་ས་ཞིག་མི་འདུག་སྙམ།

བོད་རྒྱལ་ཁབ་དང་བོད་མི་རིགས་སུ་ཕུགས་རྒྱང་རིང་པོར་བསམ་བློ་བཏང་མཁན་ཞིག་ཡིན་ན་བོད་མི་རིགས་ཀྱི་འཚོ་བ་དང་སློབ་སྦྱོང་ལ་བསམ་བློ་གཏོང་དགོས་ངེས་རེད་ལ་ནུབ་ཕྱོགས་རྒྱལ་ཁབ་ཁག་གི་ཆབ་སྲིད་དང་དཔལ་འབྱོར་ཤེས་ཡོན་བཅས་སུ་ཉམས་ལེན་མ་བྱེད་པར་བོད་མི་རིགས་འདིར་ཐོབ་མི་ཐུབ་པར་ཤེས་པའི་ཐོག་ནས་བཀྲས་མཐོང་ལགས་སུ་རྒྱབ་སྐྱོར་བྱེད་ན་དོན་དང་མཐུན་པ་རེད།

ཨ་རི་དང་ཡུང་རོ་ནང་དུ་ལས་ཀ་བྱེད་མཁན་དང་སློབ་སྦྱོང་འགྲོ་འདོད་ཡོད་མཁན་ཚོས་ངོས་ནས་བཀྲས་མཐོང་ལགས་སུ་རྒྱབ་སྐྱོར་དགོས་ངེས་རེད། འདི་ནི་རང་དོན་དང་སྤྱི་དོན་གཉིས་ཀ་རེད། བཙན་བྱོལ་ནང་གི་གཞོན་སྐྱེས་ཚོས་བསམ་བློ་ཐོངས་།

ཆུ་སྒང་མི་དམངས་ཀྱིས་ཐུགས་བསམ་བཞེས་དགོས་པའི་དུས་སུ་བབ་ཡོད། ཁམས་པ་ཡིན་ཙམ་གྱིས་ཆུ་སྒང་ལ་ཕན་ཐོགས་མེད་ལ་བོད་སྤྱི་པའི་སྤྱི་དོན་གྱི་ཆེད་དུ་ཕན་ཐོགས་མེད་པར་ཤེས་དགོས། ཤེས་ཀྱི་ཡོད་ཚོད་ཀྱང་ཡིན།