ངའི་ཚ་བོ་གཉིས་དང་ང་ཚོས་རྩ་དོན་འདི་གསོན་པོར་ཉར་རྒྱུ་ཡིན། འཇིགས་མེད་ཀྱི་འདས་གྲོངས་གོད་ཆག་འདིས་ང་ཚོའི་རེ་འདུན་མཚམས་བཅད་མེད་ལ། ཁོང་གི་བུ་རྣམས་ཀྱིས་ང་ཚོའི་ནང་མིའི་ལོ་རྒྱུས་མུ་མཐུད་ངེས་ཡིན་ཟེར།
ཁ་སང་ཕྱི་ཚེས་ ༢༢ ཉིན་སྲས་འཇིགས་མེད་ནོར་བུའི་ནང་མིས་གསར་འགོད་གསལ་བསྒྲགས་ཤིག་སྤེལ་ཏེ། ཕ་ཤུལ་བུ་འཛིན་དང་བུ་ཤུལ་ཚ་བོས་བཟུང་སྟེ། བོད་མི་རིགས་དང་རྒྱལ་ཁབ་ཀྱི་དོན་དུ་ཡབ་དམ་པ་སྟག་མཚེར་རིན་པོ་ཆེ་མཆོག་དང་། སྲས་འཇིགས་མེད་ནོར་བུ་གཉིས་ཀྱི་དགོངས་དོན་བཞིན་བོད་རང་བཙན་གོམ་བགྲོད་མུ་མཐུད་སྤེལ་རྒྱུ་ཡིན་ཞེས་བསྒྲགས་འདུག
གསལ་བསྒྲགས་དེའི་ནང་བསྟན་དོན། ཐོག་མར་ངེད་ཀྱིས་བྷི་ལིམ་མིན་ཊོན་གྱི་གྲོང་ཁྱེར་སྤྱི་ཁྱབ་པ་མཱར་ཀ་ཀུར་ཟན་དང་བྷི་ལིམ་མིན་ཊོན་གྲོང་ཁྱེར་ལ་ང་ཚོ་གསར་འགོད་གསལ་བསྒྲགས་འདི་སྐྱོང་བའི་གོ་སྒྲིག་བྱས་པ་ལ་ཐུགས་རྗེ་ཆེ་ཞུ་གི་ཡིན།
བདུན་ཕྲག་སྔོན་མའི་ནང་ང་ཚོའི་ཁྱིམ་ཚང་འདི་གོད་ཆག་ཆེན་པོ་ཞིག་གིས་མནར་བྱུང་། ཕ་དང་བུ། སྤུན་དང་ཁྱོ་ག་བཅས་ཡིན་པའི་འཇིགས་མེད་ནོར་བུས་ང་ཚོའི་ཡབ་དམ་པའི་ཕྱག་ལས་ཀྱི་མཇུག་སྐྱོང་བའི་གོམ་བགྲོད་བྱེད་མུས་སུ་ཡོད་སྐབས་དེར་མོ་ཊས་བརྡབས་ཏེ་སྐུ་སྲོག་ཤོར་པ་རེད།
སྡུག་བསྔལ་འདི་ནི་ཧ་ཅང་གཏིང་ཟབ་པ་དེ་ལྟ་མོད་ཀྱང་། ང་ཚོས་ཁོང་ཉིད་ཀྱིས་དམིགས་ཡུལ་རྒྱ་ཆེན་པོ་ཞིག་ལ་ལས་ཀ་བྱེད་བཞིན་པ་དེ་ཤེས་ཡོད།
ང་དང་འཇིགས་མེད་ཀྱི་བུ་རྒན་པ་བསྟན་འཛིན་དང་། བུ་འབྲིང་བ་རྒྱལ་མཚན་བཅས་ནས་ཁོང་གིས་བདུན་ཕྲག་སྔོན་མའི་ནང་ཧྥི་ལོ་རི་ཌའི་ནང་མགོ་འཛུགས་བྱས་པའི་གོམ་བགྲོད་དེ་མཇུག་སྒྲིལ་ཕྱིར་གོམ་བགྲོད་པ་གཞན་རྣམས་དང་ལྷན་དུ་མཉམ་ཞུགས་བྱ་རྒྱུ་ཡིན། འཇིགས་མེད་ཀྱི་བུ་ཆུང་བའི་མིང་ལ་རང་བཙན་ཞེས་འབོད།
ལྟག་མཚེར་རིན་པོ་ཆེ་ཞེས་གྲགས་པའི་ང་ཚོའི་ཡབ་ཐུབ་བསྟན་འཇིགས་མེད་ནོར་བུ་མཆོག་གིས་ལོ་མང་པོའི་སྔོན་ནས་རང་བཙན་གྱི་ཕྱག་ལས་གནང་སྟེ། ཨ་རི་དང་ཁེ་ཎ་ཌ། ཐའེ་ཝན་བཅས་སུ་རང་བཙན་གོམ་བགྲོད་དང་རྐང་འཁོར་བསྐོར་བསྐྱོད་ཀྱི་ལས་འགུལ་བརྩམས་ཡོད། ང་ཚོའི་ཡབ་དམ་པའི་སྐུ་ཚེའི་མཇུག་དེར་ཁོང་གི་སྐུའི་འཕྲོད་བསྟེན་ཇེ་ཞན་དུ་ཕྱིན་སྐབས་སུ། ངའི་སྤུན་འཇིགས་མེད་ནོར་བུས་བོད་མི་དམངས་ཀྱི་བདེ་སྡུག་ལ་ངོ་སྤྲོད་དང་གོ་རྟོགས་སྤེལ་བའི་ལས་འགུལ་འདི་ཕྲག་ཏུ་བཞེས་ཡོད།
ཐེངས་འདིའི་གོད་ཆག་འདིས་ངའི་པཱ་ལགས་དང་ངའི་སྤུན་གྱི་རྨི་ལམ་མུ་མཐུད་ནས་བྱེད་པའི་ང་ཚོའི་དོན་གཉེར་འདི་འགོག་མི་ཐུབ་ལ། ངའི་ཚ་བོ་གཉིས་དང་ང་ཚོས་རྩ་དོན་འདི་གསོན་པོར་ཉར་རྒྱུ་ཡིན། འཇིགས་མེད་ཀྱི་འདས་གྲོངས་གོད་ཆག་འདིས་ང་ཚོའི་རེ་འདུན་མཚམས་བཅད་མེད་ལ། ཁོང་གི་བུ་རྣམས་ཀྱིས་ང་ཚོའི་ནང་མིའི་ལོ་རྒྱུས་མུ་མཐུད་ངེས་ཡིན། ང་ཚོར་གྱོང་གུད་ཆེན་པོ་ཐེབས་པ་འདིས་ང་ཚོ་འགོག་མི་ནུས་པ་མ་ཟད། དེས་མཐའ་གཅིག་ཏུ་ང་ཚོའི་ངར་ཤུགས་ཇེ་ཆེར་གཏོང་གི་རེད།
འཛམ་གླིང་གང་སར་གནས་པའི་སྤྱི་ཚོགས་དང་མི་མང་གིས་ང་ཚོ་ལ་ཧ་ལས་པའི་རྒྱབ་སྐྱོར་དང་བརྩེ་སེམས་གནང་བྱུང་། ང་ཚོས་གོ་སྐབས་འདི་བཟུང་ནས་ ཁྱེད་རང་ཚོ་རེ་རེ་བཞིན་གྱི་བརྩེ་སེམས་དང་བཀའ་དྲིན་ལ་ཐུགས་རྗེ་ཆེ་ཞུ་འདོད་བྱུང་།
ང་ཚོས་ཁྱེད་ཚོ་ ཧྥི་ལོ་རི་ཌཱ་ལ་ཕེབས་ནས་གོམ་བགྲོད་ལ་ཞུགས་རྒྱུར་གདན་འདྲེན་ཞུ་གི་ཡོད། ང་ཚོས་ ཕྱི་ཚེས་ ༢༣ ཉིན་གོམ་བགྲོད་པ་རྣམས་དང་ལྷན་དུ་མཉམ་ཞུགས་བྱེད་གི་ཡོད། གལ་སྲིད་ཁྱེད་རང་ཉིན་མཐའ་མ་སྟེ་ ཕྱི་ཟླ་ ༢ ཚེས་ ༢༦ རེས་གཟའ་སྤེན་པ་ཉིན་ང་ཚོ་དང་མཉམ་ཞུགས་བྱེད་ཐུབ་ནའང་ང་ཚོས་དགའ་བསུ་ཞུ་བ་ཡིན།
ང་ཚོའི་ཁྱིམ་ཚང་གིས་འཇིགས་མེད་ནོར་བུའི་རྗེས་དྲན་གྱི་མྱ་ངན་འདུ་འཛོམས་ཤིག་སྤྱི་ཟླ་ ༣ ཚེས་ ༡ ཉིན་བྷི་ལིམ་མིན་ཊོན་གྲོང་ཁྱེར་སྤྱི་ཁང་དུ་བྱེད་རྩིས་ཡོད། དེ་ནི་ཆུ་ཚོད་དྲུག་པ་ནས་ཆུ་ཚོད་བརྒྱད་པའི་བར་ཡིན།
མེ་ཏོག་གི་ཆུན་པོའི་དོད་དུ་ང་ཚོས་ཞལ་འདེབས་བྱུང་བ་རྣམས་ལེན་གི་ཡིན་ལ། ཞལ་འདེབས་དེ་རྣམས་ནི་ཤུལ་ལུས་བུ་གུ་གསུམ་གྱི་ཡིད་ཆེས་ཐེབས་རྩ་ལ་འཇོག་གི་ཡིན། ཀུན་དགའ་ནོར་བུས་ཞེས་བཀོད་འདུག
གསར་འགོད་པས་ཁོང་ལ། དེ་རིང་བོད་ནང་གི་བོད་མི་རྣམས་ལ་གསུང་འཕྲིན་གང་ཡོད་ཅེས་དྲིས་པའི་ལན་དུ། ཁོང་གིས། ང་ཚོ་བོད་པ་ཚང་མས་མཁྲེགས་པོ་གནང་རོགས། བོད་རང་བཙན་ནི་ང་ཚོའི་དམིགས་འདུན་རེད། ང་ཚོ་མི་ཐོག་གསུམ་འདིར་བསྡད་ནས་བོད་རང་བཙན་བརྩོན་ལེན་བྱེད་ཀྱི་ཡོད། ཅེས་གསུངས་སོང་།
སྲས་འཇིགས་མེད་ནོར་བུ་ལགས་ལ་མྱ་ངན་གུས་འདུལ་དང་།
ཁྱིམ་ཚང་ལ་གདུང་སེམས་མཉམ་སྐྱེད་ཞུ།
འདི་བསམ་དུས་ཅོ་རི་སེམས་པ་སྡུག ཞེས་བྲིས་ན་གནས་ཚུལ་སྐྱོ་ལྷང་ངེ་བ་དེས་དྲངས་པའི་སེམས་ཚོར་སྟོན་པའི་འབོད་སྒྲ་འོན་པས་གོ་ཐུབ་ཞིག་ཡོང་ངེས། ཅིའི་ཕྱིར་ཞེ་ན་སུ་ལའང་གནས་ཚུལ་འདི་གོ་དུས་སྐྱོ་སྣང་ཞིག་ལས་བློ་བདེ་སྣང་ཞིག་ཡེ་ནས་མི་ཤར། དེ་ཨེ་རེད་ཅོ་རི་ཉི་མ་ལགས། ངག་འཆལ་བ་དགོངས་ན་འཐོལ་ལོ་བཤགས།
ཕ་རྒྱུད་བུ་འཛིན་དང་རིགས་གཅིག་རྐང་འཛིན་གྱི་ཐོག་ནས་བོད་རྒྱལ་ཁབ་དང་བོད་རིགས་ཀྱི་ཆེད་དུ་ཚེ་སྲོག་གི་འགྲོ་སོང་བཏང་གི་ཡོད་པ་འདི་ལ་སྙིང་ཐག་པ་ནས་ཐུགས་རྗེ་བཀའ་དྲིན་ཆེ་ཞུ་རྒྱུ་ཡིན།
སྲས་འཇིགས་མེད་ལགས་ཀྱིས་ང་ཚོ་བོད་མི་ཁོག་ན་སྙིང་དང་སྙིང་ལ་བོད་རིགས་ཀྱི་ཟུངས་ཁྲག་ཡོད་མཁན་ཚོ་ལ་ངར་ཤུགས་གནང་བྱུང་ལ་སྤོབས་པ་ཀྱང་གནང་བྱུང།
བུ་དཔའ་པོ་འཇིགས་མེད་ནོར་བུ་རེད།
ཤི་སྲོག་ལ་ཐུག་ཀྱང་མ་འཇིགས་ཐལ།
བོད་གངས་ཅན་དཔའ་བོའི་གྲལ་དུ་བཞུགས།
ངེད་རང་བཙན་བ་ཚོས་གུས་ཞབས་ཞུ།
བོད་མི་རིགས་བདེན་དོན་བརྩད་མི་དང་།
བོད་རྒྱལ་དར་གནམ་ལ་འཕྱར་མཁན་གྱི།
བུ་འཇིགས་མེད་ནོར་བུའི་ཚེ་སྲོག་ལ།
གོད་བར་ཆད་བྱུང་བར་བློ་ཕམ་ཆེ།
ཕ་ཤི་ཀྱང་ལས་དོན་སྒྲུབ་མཁན་ལ།
བུ་སྟག་ཕྲུག་འདྲ་བ་ཡོད་པ་འདི།
བོད་རང་བཙན་ཐོབ་པའི་ས་བོན་རེད།
དེར་བསམ་དུས་ཅོ་རི་སེམས་པ་བདེ།
བཙན་པོའི་རྒྱུད་འཛིན་པ་ཞིག་ཡིན་ན་འདི་འདྲ་ཞིག་དགོས་ལ།
མཐའ་བཞི་དབང་དུ་བསྡུས་དུས་ཀྱང་འདི་འདྲའི་ཁྱིམ་རྒྱུད་ཅིག་ཡོད་པས་ཡིན་རྒྱུ་རེད།
༸ཨ་རིར་བཞུགས་ཀྱང་ཨ་སྒོར་མི་གཉེར་བར།།
ཨ་ཕའི་རྒྱུད་པ་འཛིན་པའི་རང་བཙན་བུ།།
ཨ་མའི་བུ་དང་འཇིགས་མེད་སྟག་གི་བུ།།
ཨ་ཁུའི་ཚ་བོ་རྟག་ཏུ་རྒྱལ་གྱུར་ཅིག།
སྲས་དམ་པ་མཆོག་གི་བུ་ཆེ་ཆུང་གཉིས་ཀྱི་གནང་སྟངས་འདིས་སེམས་འགུལ་ཐེབས་བྱུང་། གསར་འགོད་གསལ་བསྒྲགས་འདི་བཀླགས་པས་བདག་གི་མིག་ལ་མཆིལ་ཞགས་འཁོར་བྱུང་།
ཡབ་གཞིས་ལྟག་འཚེར་རིན་པོ་ཆེའི་བུ་དང་ཚ་བོ་རྣམས་ཀྱིས་བོད་མི་རིགས་ལ་བཅིངས་པའི་ལྷག་བསམ་འདི་ཀུན་ནས་རྒྱལ་གྱུར་ཅིག
ཨ་ཤུ་རེ་གོ་བོད་མི་ཚོ་གཟིགས་དང་གོང་དུ་ཀུན་དགའ་ལགས་ནས་གསུང་བའི་
ཁོང་གི་ཚ་བུ་འབྲིང་བ་རྒྱལ་མཚན་ནོར་བུ་ནི་དངོས་གནས་རང་ལོ་དགུ་ལ་སོན་མ་
ཐག་བའི་བྱིས་བ་ཞིག་རེད་ཁོང་གི་ཕ་ཤུལ་བུ་ཡིས་སྐྱོང་བའི་སེམས་ཤུགས་དེ་ནི་བོད་གངས་ཅན་པ་རྣམས་ཀྱི་ལོ་རྒྱས་ཀྱིས་རྡོ་རིང་ཞིག་དུ་བཀོད་ངེས་རེད།
ད་དུང་ཚ་བུ་རྒན་པ་བསྟན་འཛིན་ནོར་བུ་ཡང་རང་ལོ་བཅུ་གསུམ་ལ་སོན་མ་ཐག་ཡིན།མདོར་ན་ཡབ་གཞེས་ཚང་གི་དབུ༸གོང་ས་མཆོག་གི་ཁྲིད་ནས་འཇུག་རང་ལོ་ལྔ་ལ་སོན་མ་ཐག་བའི་བུ་ཆུང་རང་བཙན་ནོར་བུས་བསྐྱངས་ནས་རང་མི་རིགས་
འདིས་ཆེད་དུ་ཐ་ན་གཅེས་བའི་ལུས་སྲོག་ཀྱང་ཕུལ་བའི་དྲན་ལན་འདི་ནམ་ཞིག་ལ་འཇལ་ཐུབ་བམ།།།།
སྲས་འཇིགས་མེད་ནོར་བུ་ལགས་ཀྱི་ཁྱིམ་ཚང་ལ་གདུང་སེམས་མཉམ་སྐྱེད་ཞུ།
རང་རེའི་གནས་སྟངས་སྐྱོ་བོ་འདི་འདྲ་ཞིག་གི་སྟེང་ལ་ཆག་སྒོ་འདི་འདྲ་འབྱུང་དོན་ཅི་ཞིག་ཡིན་ནམ།།།