ཟླ་འདིའི་ཕྱི་ཚེས་ ༢༡ ཉིན་དགུང་ལོ་ ༨༣ ཡིན་པའི་བོད་ཀྱི་གསོ་རིག་ཆེད་མཁས་པ་དང་དགེ་རྒན་ཆེན་མོ་བྱམས་པ་འཕྲིན་ལས་མཆོག་ལ་སྐུ་སྙུང་ཞིག་གི་དབང་གིས་སྨན་བཅོས་བྱས་ཀྱང་ཕན་ཐོགས་མ་བྱུང་བར་ལྷ་ས་ནས་སྐུ་གཤེགས་ཡོད་འདུག ཁོང་སྐུ་གཤེགས་རྗེས་བོད་རང་སྐྱོང་ལྗོངས་ཀྱི་དམར་ཤོག་དྲང་ཆེ་ཀྲང་ཆི་ལིན་དང་དམར་ཕྱོགས་དྲུང་ཆེ་གཞོན་པ། བོད་རང་སྐྱོང་ལྗོངས་ཀྱི་དྲུང་ཆེ་པདྨ་འཕྲིན་ལས་སོགས་མྱ་ངན་ཚོགས་འདུར་ཞུགས་ཤིང་། བྱམས་པ་འཕྲིན་ལས་མཆོག་གི་ནང་མིར་འཚམས་འདྲི་ཞུས་ཡོད་པ་རེད།
བོད་ཀྱི་གསོ་རིག་དང་གནམ་རིག་སྐར་རྩིས་ཀྱི་ཆེད་མཁས་པ་བྱམས་པ་འཕྲིན་ལས་ལགས་ནི། ༡༩༢༨ ལོར་ལྷ་ས་ནས་སྐུ་འཁྲུངས་པ་དང་། སྔ་གཞུག་ཏུ་བོད་ལྗོངས་སྨན་རྩིས་ཁང་གི་འགན་འཛིན་གཞོན་པ་དང་འགན་འཛིན། དམར་ཤོག་དྲུང་ཆེ། བོད་ལྗོངས་གསོ་རིག་སློབ་གླིང་གི་འགན་འཛིན། བོད་རང་སྐྱོང་ལྗོངས་འཕྲོན་བསྟེན་ལས་ཁུངས་ཀྱི་འགན་འཛིན་གཞོན་པ་དང་བོད་རང་སྐྱོང་ལྗོངས་ཚན་རྩལ་མཐུན་ཚོགས་ཀྱི་ཚོགས་གཙོ། ཀྲུང་གོའི་ཚན་རྩལ་མཐུན་ཚོགས་ཀྱི་ཚོགས་གཙོ་གཞོན་པ་སོགས་ཀྱི་འགན་བཞེས་ཡོད།
འདས་པའི་མི་ལོ་ ༦༠ ལྷག་གི་རིང་ཁོང་གིས་མང་ཚོགས་ཀྱི་འཕྲོད་བསྟེན་ཐོག་ཕྱག་ལས་རླབས་ཆེན་གནང་ཡོད་པ་མ་ཟད། བོད་ཆོལ་ཁ་གསུམ་གྱི་སློབ་ཕྲུག་སྟོང་ཕྲག་མང་པོར་བོད་ཀྱི་གསོ་བ་རིག་དང་སྐར་རྩིས་སྐོར་གྱི་སློབ་འཁྲིད་གནང་ཡོད་ལ། ལྷག་པར་དུ་བོད་ཀྱི་གསོ་བ་རིག་པ་དང་བོད་ཀྱི་སྨན་རྫས་རིག་པ། བོད་ཀྱི་གསོ་རིག་ལོ་རྒྱུས་རིག་པ། གནམ་རིག་སྐར་རྩིས་རིག་པ་སོགས་ལ་གཏིང་ཟབ་པོས་ཞིབ་འཇུག་བྱས་ཏེ། སྔ་གཞུག་ཏུ་བརྩམས་ཆོས་ ༢༠ ལྷག་དང་དཔྱད་རྩོམ་བ ༡༠༠ ལྷག བསླབ་དེབ་ ༡༣ བཅས་བརྩམས་ཡོད། དེ་དག་ལས་༼བོད་ཀྱི་གསོ་རིག་རྒྱུད་བཞིའི་ཚོན་ལྡན་འགྲེམ་ཐང༽ཞེས་པ་བོད་རྒྱ་དབྱིན་གསུམ་ཐོག་བསྒྱུར་ཡོད་ཅིང་། ༼བོད་ཀྱི་གསོ་རིག་མཁན་པོ་རིམ་བྱོན་གྱི་མཛད་རྣམ་མདོར་བསྡུས༽དང་༼གསོ་རིག་རྒྱུད་བཞིའི་སྣང་བརྙན་གཅེས་བསྡུས༽སོགས་ལ་བྱ་དགའ་ཡང་ཐོབ་ཡོད་འདུག
གསར་འགོད་པ། དོན་གོ
ཀྱེ་མ་ཀྱེ་ཧུད།
བཀའ་དྲིན་མཚུངས་ཟླ་མེད་པའི་དགེ་བའི་བཤེས་གཉེན་ཆེན་པོ་ཐུགས་བརྩེ་བ་དང་ལྡན་པའི་སློབ་དཔོན་ཁྱེད་ཀྱིས་ཉམ་ཐག་གདུལ་བྱ་ཡོངས་ཀྱི་ཆེད་དུ་མཁས་བཙུན་བཟང་གསུམ་གྱི་སྐྱེས་བུ་དམ་པའི་རྣམ་ཐར་བཟང་བོ་ཡུན་རིང་དུ་མི་སྐྱོང་བར་གློ་བུར་དུ་འཇིག་རྟེན་གཞན་ཡུལ་དུ་གཤེགས་པར་མཛད་པ་ནི་ཅི་ཞིག་དགོངས་ལགས་སམ།
གྲོགས་མངའ་རིས་བུ་ལགས།ཁོང་གི་མཚན་བྱམས་པ་འཕྲིན་ལས་རེད་བྱམས་པ་ཕུན་ཚོགས་མ་རེད།གནས་ཚུལ་གསལ་བོ་བྱས་ནས་གཟིགས་རོགསདང་མཆན་སྤེལ་རོགས།
ངོ་མ་ཕངས་པོ་རེད།
རླབས་ཆེན་གྱི་སྐྱེ་བོ་དེ་འདྲ་འཇིག་རྟེན་འདི་ནས་ཕེབས་པའི་དུས་སུ་སེམས་ལ་དངངས་ཚབ་ཅིག་རང་བཞིན་གྱི་ཡོང་གིན་འདུག ང་རང་ཚོའི་མི་རབས་འདིས་མི་རབས་སྔོན་མ་ཚོའི་ཤུལ་བཞག་རྣམས་རྒྱན་འཛིན་ཐུབ་ཀྱི་ཡོད་དམ་མེད་ཀྱི་དོགས་པ་དང་རྣམ་རྟོག་ཅིག་སླེབས་ཡོང་གིན་འདུག གལ་ཏེ་ཁོང་ཚོའི་བཞག་པའི་རིན་བྲལ་གྱི་རིག་གནས་དང་ལེགས་བྱང་སོགས་རྒྱན་འཛིན་ལེགས་པ་ཞིག་བྱ་མ་ཐུབ་ཚེ། ངོ་མ་ངོ་ཚ་ཞིག་རེད། དེ་བས་ཁོང་འདྲ་བའི་ཤེས་ལྡན་གྱི་མཁས་པ་མང་དག་ཤིག་ཡོང་ཐུབ་པའི་སྨོན་ལམ་ཡོད་།
སྐུ་ཞབས་མཁས་དབང་བྱམས་པ་ཕུན་ཚོགས་ལགས་སྐུ་གཞན་དུ་གཤེགས་པར་མྱ་ངན་ཞུ།
ཁོང་ནི་བོད་མི་རིགས་ལ་རླབས་ཆེན་གྱིས་བྱེད་བྱས་འཇོག་མཁན་ཅིག་རེད།
ལྷག་པར་དུ་ཁོང་གིས་བྲིས་པའི་སྨན་རྩིས་ཀྱི་ལོ་རྒྱུས་ཀྱིས་མཚོན་པའི་བོད་ཀྱི་ལོ་རྒྱུས་དྲང་བདེན་སྨྲ་བ་པོ་ཡང་དག་པ་ཞིག་ཡིན་པར་ཤེས་ཐུབ་པ་འདུག
དེ་མིན་བོད་ཀྱི་ལོ་རྒྱུས་འབྲི་བ་པོ་དེ་དག་གིས་བྲིས་པ་རྣམས་ཕྱོགས་ལྷུང་གིས་བཟི་ནས་ལོ་རྒྱུས་ཀྱི་ལམ་ཁ་དེ་ཀྱག་ཀྱོག་གི་ཚུལ་དུ་བཟོས་ཡོད།
སྨན་པ་བྱམས་པ་འཕྲིན་ལས་ལགས་་དམར་ཤོག་དྲུང་ཆེ་གནང་བ་གོ་་མ་མྱོང་ ཁོང་གལ་སྲིད་དམར་ཤོག་གི་དྲུང་ཆེ་གནང་ཡོད་ན་ཁོང་གུང་ཁྲན་ཏང་མི་ཡིན་དགོས་ཀྱི་རེད་ རྒྱ་མི་དང་གུང་ཁྲན་ཏང་ལ་དགའ་མཁན་གྱི་མི་ཞིག་ཨ་ཡིན་བསམ་གྱི་འདུག་ གང་ལྟར་བོད་ཀྱི་མཁས་པ་མཛད་རྗེས་ཡོད་མཁན་ཞིག་ཡིན་པས་མྱ་ངན་དང་གུས་བཏུས་ཞུ།
དམ་པ་ཁོང་གི་སྐུ་ཚེ་མཐའ་འཕྱོངས་ཞིང་མཛད་པ་མཐར་ཕྱིན་པའི་རླབས་ཆེན་བྱ་བཞག་མཐའ་དག་ལ་རྗེས་སུ་ཡི་རངས་ཞུ།དམ་པ་དང་ཚེ་འདིར་མཇལ་འཕྲད་མ་བྱུང་བ་ཧ་ཅང་བློ་ཕམ་ཆེ།
དགོངས་ལོ་ཡག་པོ་ཞི་དྲག་ཐོབ་འདུག་ཡིན་ན་ཡང་མྱ་ངན་ཞུ་འདོད་བྱུང་
ཨོྂ་མ་ཎི་པདྨེ་ཧཱུྂ་ཧྲཱི༔
མྱ་ངན་ཞུ། །
ཨོཾ་མ་ཎི་པདྨེ་ཧཱུཾ་ཧྲཱིཿཨོཾ་མ་ཎི་པདྨེ་ཧཱུཾ་ཧྲཱིཿཨོཾ་མ་ཎི་པདྨེ་ཧཱུཾ་ཧྲཱིཿཨོཾ་མ་ཎི་པདྨེ་ཧཱུཾ་ཧྲཱིཿཨོཾ་མ་ཎི་པདྨེ་ཧཱུཾ་ཧྲཱིཿཨོཾ་མ་ཎི་པདྨེ་ཧཱུཾ་ཧྲཱིཿཨོཾ་མ་ཎི་པདྨེ་ཧཱུཾ་ཧྲཱིཿཨོཾ་མ་ཎི་པདྨེ་ཧཱུཾ་ཧྲཱིཿཨོཾ་མ་ཎི་པདྨེ་ཧཱུཾ་ཧྲཱིཿཨོཾ་མ་ཎི་པདྨེ་ཧཱུཾ་ཧྲཱིཿཨོཾ་མ་ཎི་པདྨེ་ཧཱུཾ་ཧྲཱིཿཨོཾ་མ་ཎི་པདྨེ་ཧཱུཾ་ཧྲཱིཿཨོཾ་མ་ཎི་པདྨེ་ཧཱུཾ་ཧྲཱིཿཨོཾ་མ་ཎི་པདྨེ་ཧཱུཾ་ཧྲཱིཿཨོཾ་མ་ཎི་པདྨེ་ཧཱུཾ་ཧྲཱིཿཨོཾ་མ་ཎི་པདྨེ་ཧཱུཾ་ཧྲཱིཿཨོཾ་མ་ཎི་པདྨེ་ཧཱུཾ་ཧྲཱིཿཨོཾ་མ་ཎི་པདྨེ་ཧཱུཾ་ཧྲཱིཿཨོཾ་མ་ཎི་པདྨེ་ཧཱུཾ་ཧྲཱིཿཨོཾ་མ་ཎི་པདྨེ་ཧཱུཾ་ཧྲཱིཿཨོཾ་མ་ཎི་པདྨེ་ཧཱུཾ་ཧྲཱིཿཨོཾ་མ་ཎི་པདྨེ་ཧཱུཾ་ཧྲཱིཿཨོཾ་མ་ཎི་པདྨེ་ཧཱུཾ་ཧྲཱིཿཨོཾ་མ་ཎི་པདྨེ་ཧཱུཾ་ཧྲཱིཿཨོཾ་མ་ཎི་པདྨེ་ཧཱུཾ་ཧྲཱིཿཨོཾ་མ་ཎི་པདྨེ་ཧཱུཾ་ཧྲཱིཿཨོཾ་མ་ཎི་པདྨེ་ཧཱུཾ་ཧྲཱིཿཨོཾ་མ་ཎི་པདྨེ་ཧཱུཾ་ཧྲཱིཿཨོཾ་མ་ཎི་པདྨེ་ཧཱུཾ་ཧྲཱིཿཨོཾ་མ་ཎི་པདྨེ་ཧཱུཾ་ཧྲཱིཿཨོཾ་མ་ཎི་པདྨེ་ཧཱུཾ་ཧྲཱིཿཨོཾ་མ་ཎི་པདྨེ་ཧཱུཾ་ཧྲཱིཿཨོཾ་མ་ཎི་པདྨེ་ཧཱུཾ་ཧྲཱིཿཨོཾ་མ་ཎི་པདྨེ་ཧཱུཾ་ཧྲཱིཿཨོཾ་མ་ཎི་པདྨེ་ཧཱུཾ་ཧྲཱིཿཨོཾ་མ་ཎི་པདྨེ་ཧཱུཾ་ཧྲཱིཿཨོཾ་མ་ཎི་པདྨེ་ཧཱུཾ་ཧྲཱིཿཨོཾ་མ་ཎི་པདྨེ་ཧཱུཾ་ཧྲཱིཿཨོཾ་མ་ཎི་པདྨེ་ཧཱུཾ་ཧྲཱིཿཨོཾ་མ་ཎི་པདྨེ་ཧཱུཾ་ཧྲཱིཿཨོཾ་མ་ཎི་པདྨེ་ཧཱུཾ་ཧྲཱིཿཨོཾ་མ་ཎི་པདྨེ་ཧཱུཾ་ཧྲཱིཿཨོཾ་མ་ཎི་པདྨེ་ཧཱུཾ་ཧྲཱིཿཨོཾ་མ་ཎི་པདྨེ་ཧཱུཾ་ཧྲཱིཿཨོཾ་མ་ཎི་པདྨེ་ཧཱུཾ་ཧྲཱིཿཨོཾ་མ་ཎི་པདྨེ་ཧཱུཾ་ཧྲཱིཿཨོཾ་མ་ཎི་པདྨེ་ཧཱུཾ་ཧྲཱིཿཨོཾ་མ་ཎི་པདྨེ་ཧཱུཾ་ཧྲཱིཿཨོཾ་མ་ཎི་པདྨེ་ཧཱུཾ་ཧྲཱིཿཨོཾ་མ་ཎི་པདྨེ་ཧཱུཾ་ཧྲཱིཿཨོཾ་མ་ཎི་པདྨེ་ཧཱུཾ་ཧྲཱིཿཨོཾ་མ་ཎི་པདྨེ་ཧཱུཾ་ཧྲཱིཿཨོཾ་མ་ཎི་པདྨེ་ཧཱུཾ་ཧྲཱིཿཨོཾ་མ་ཎི་པདྨེ་ཧཱུཾ་ཧྲཱིཿཨོཾ་མ་ཎི་པདྨེ་ཧཱུཾ་ཧྲཱིཿཨོཾ་མ་ཎི་པདྨེ་ཧཱུཾ་ཧྲཱིཿཨོཾ་མ་ཎི་པདྨེ་ཧཱུཾ་ཧྲཱིཿཨོཾ་མ་ཎི་པདྨེ་ཧཱུཾ་ཧྲཱིཿཨོཾ་མ་ཎི་པདྨེ་ཧཱུཾ་ཧྲཱིཿཨོཾ་མ་ཎི་པདྨེ་ཧཱུཾ་ཧྲཱིཿཨོཾ་མ་ཎི་པདྨེ་ཧཱུཾ་ཧྲཱིཿ