འདས་པའི་ལོ་མང་རིང་རང་གི་ཟུངས་ཁྲག་གིས་ཡི་གེ་བྲིས་ཏེ་འཛམ་གླིང་མཉམ་འབྲེལ་རྒྱལ་ཚོགས་སོགས་སུ་བོད་དོན་གཏུག་བཤེར་གནང་མཁན་རྒྱ་གར་བ་སྐུ་ཞབས་མཱ་ཧེ་ཤི་ལགས་ཀྱིས། ཟླ་གཉིས་ལྷག་གི་ཡར་སྔོན་དུ་རྒྱ་གར་གྱི་གྲོང་ཁྱེར་མེལ་ཆེ་ནས་མགོ་འཛུགས་ཀྱིས་བལ་ཡུལ་དུ་ཡོད་པའི་སྟོན་པ་སངས་རྒྱས་བཅོམ་ལྡན་འདས་ཀྱི་འཁྲུངས་ཡུལ་གནས་མཆོག་ལུམ་བྷི་ནི་བར་བོད་དོན་གོམ་བགྲོད་ཀྱི་ལས་འགུལ་ཞིག་སྤེལ་ཡོད་ཅིང་། ཟླ་འདིའི་ཕྱི་ཚེས་ ༡༡ ཉིན་རྒྱ་གར་གྱི་མངའ་སྡེ་ཁག་གི་གོམ་བགྲོད་མཇུག་བསྒྲིལ་ཏེ། རྒྱ་གར་དང་བལ་ཡུལ་ས་མཚམས་ས་སོ་ན་ལེ་རུ་བགྲོད་སྐབས་བལ་ཡུལ་མཐའ་སྲུང་དམག་མིས་བཀག་འགོག་བྱས་འདུག
དེ་ནི་ཁོང་གིས་རླངས་འཁོར་ཞིག་གི་སྟེང་ “བོད་སྐྱོབ་རོགས། བོད་ལ་རང་དབང་དགོས་” ཞེས་པའི་འབོད་ཚིག་འཁོད་པའི་འཕྲེད་དར་དང་མཉམ་དུ་རྒྱ་གར་གྱི་མེས་པོ་དམ་པ་གན་དྷི་དང་༸གོང་ས་མཆོག་གི་སྐུ་པར་སོགས་བཞག་ནས་སྐྱོད་ཀྱི་ཡོད་སྟབས། བལ་ཡུལ་མཐའ་སྲུང་དམག་མིས་ཁོང་ལ་བལ་ཡུལ་གྱི་ས་མཚམས་བརྒལ་ཆོག་པའི་ལམ་ཡིག་ཡོད་མེད་ལ་མ་ལྟོས་པར། བལ་ཡུལ་རྒྱལ་ཁོངས་ནས་བོད་དོན་དང་འབྲེལ་བའི་ལས་འགུལ་སྤེལ་མི་ཆོག་ཚུལ་བཤད་དེ་བཀག་ཉར་འདྲི་རྩད་བྱས་ཡོད་པར་མ་ཟད། ཁོང་དང་མཉམ་དུ་གོམ་བགྲོད་བྱེད་བཞིན་པའི་རྒྱ་གར་བ་ཞིག་ལ་གཅར་རྡུང་ཡང་གཏང་ཡོད་འདུག ཁོང་གིས་ས་མཚམས་ནས་གོམ་བགྲོད་མཚམས་འཇོག་མ་བར་ཕྱིར་ཝ་ར་ན་སི་བར་ཡོང་སྟེ་མཚམས་འཇོག་གནང་ཡོད་འདུག
སྐུ་ཞབས་མཱ་ཧེ་ཞཱ་ལགས་ནི། བོད་རང་བཙན་མ་ཐོབ་པར་འཚེ་མེད་ཞི་བའི་ལམ་ལ་བརྟེན་ཏེ་བོད་དོན་རྒྱབ་སྐྱོར་གནང་རྒྱུ་དང་རང་གི་ལུས་ཀྱི་ཟུངས་ཁྲག་མ་རྫོགས་བར་ལས་འགུལ་སྤེལ་མཚམས་མི་འཇོག་པའི་དམ་བཅའ་འཇོག་མཁན་ཞིག་ཡིན་པ་མ་ཟད། འདས་པའི་ལོ་མང་རིང་ཁོང་གིས་༼ བོད་རང་བཙན་དང་རྒྱ་གར་གྱི་བདེ་འཇགས༽ ཞེས་པའི་འབོད་ཚིག་འོག་རྒྱ་གར་མངའ་སྡེ་དང་གྲོང་ཁྱེར་མང་ཆེ་བའི་ནང་བོད་དོན་དྲིལ་བསྒྲགས་སྐྱོར་སྐྱོད་བྱས་ཡོད་ལ། རང་གི་ཟུངས་ཁྲག་གིས་སྙན་ཞུ་བྲིས་ཏེ་རྒྱ་གར་གྱི་སྲིད་བློན་གཙོས་པའི་འཛམ་གླིང་གི་དབུ་ཁྲིད་མང་པོར་བོད་དོན་ཐོག་རྒྱབ་སྐྱོར་ཡོང་བའི་འབོད་སྐུལ་ཞུས་ཡོད།
གསར་འགོད་པ། དོན་གོ
ཞོར་ལ་འདི་འདྲ་ཞིག་ཀྱང་དྲན་སོང་། བོད་མི་ཚོས་བཀའ་བློན་འདྲ་བླུག་ནས་འུར་ལངས་ཁུལ་བྱས་ཀྱང་རྒྱ་རྒན་ཚོ་བློ་བདེ་བོར་བསྡད་ཡོད་ལ། བོད་པས་མཐའ་མཇུག་གི་རྒྱལ་ཁར་འདོད་བཞིན་པ་དེ་ཁོ་ཚོར་མཚོན་ནའང་རྒྱལ་ཁ་ཞིག་ཡིན་པས་བློ་མི་བདེ་དོན་ཡང་ཅི་ཡོད། ངོ་མ་ཁོ་ཚོ་ལ་གནོད་ཤ་སྟག་ཅིག་ཐོན་ན། ད་མི་འདི་ང་ཚོ་ལ་དགོས་ཡ་མི་འདུག་བསམ་པ་ཙམ་གྱིས་འགྲིག་གི་འདུག་ག དེས་ན་རྒྱ་གར་མི་མང་འུར་ལངས་ན་ཁོ་ཚོར་གནོད་ཐག་ཆོད་ཡིན་པས་་་་་ཡང་རླངས་འཁོར་ཞིག་མངགས་དགོས་ཐུག་སོང་བ། སྐུ་ཞབས་མཱ་ཧེ་ཤི་ལགས་ཀྱི་ཆེད་དུ་མྱ་ངན་གུས་འདུད་ཞུ།
འོག་གི་འཆན་འགོད་མཁན་དག་གསོན་ཅིག རྒྱ་གར་བས་རྒྱབ་སྐྱོར་སྐབས་ལ་ཐུགས་རྗེ་ཆེ་འདྲ་ཞུས། ཡང་བོད་མི་ཚོས་གླུ་གཞས་ཕ་རོ་མ་རོ་ལེན་སྐབས་ཨ་ལ་ལ་སྙན་པ་ལ་ཟེར་བས་ཡོང་གི་མ་རེད། གདམ་ཀ་གཉིས་ལས་མེད། རྒྱ་ནག་དགོས་སམ་རྒྱ་གར་དགོས། རང་རྐྱ་ཐུབ་པ་ནི་ཡོང་གི་མ་རེད། རྒྱ་སྐད་དགོས་སམ་ཧིན་དྷི་དགོས། བོད་མི་ཚོས་སྐད་མཁས་འདོགས་སྟོན་ས་ཞིག་ནི་ཅིས་ཀྱང་དགོས་པ་རེད། ཕ་ཡུལ་ལ་ཧིན་དྷིའི་སློབ་དེབ་འདྲ་བསྐུར་མྱོང་ངམ། ཀླད་པའི་རྒྱ་ལའང་ཤར་ཡོད་རྒྱུ་མ་རེད། ད་དེ་རིང་ནི་ཧིན་དྷི་ཡག་པོ་སྦྱོངས། རང་གི་བུ་ཚ་ལའང་ཧིན་དྷི་བསླབ། རང་བཙན་འཐོབ་རུང་མ་འཐོབ་རུང་འབྲུག་དང་བལ་བོ་ལྟར་ཕྱི་རབས་བོད་པའི་བློ་ཐག་ཉེ་ས་དེ་རྒྱ་གར་ཆགས་ཀྱི་རེད། ང་ཕ་ཡུལ་ལ་ཐོན་ཉིན་ནས་བྱིས་པ་ཚོ་ཧིན་དྷི་འཁྲིད་ཀྱི་ཡིན།
ཐུགས་རྗེ་ཆེ་ཞུ།
༼ བོད་རང་བཙན་དང་རྒྱ་གར་གྱི་བདེ་འཇགས༽ཞེས་པ་ནི། ཧིན་སྐད་དུ། ༼ཏིབྦཏ ཀ ཨཇྰད ཨོོར བྷྰརཏ ཀ སུརཀྴྰ༽ ཞེས་པའི་སྐད་འབོད་འདི་བོད་མི་སྒེར་པ་རང་བཙན་རྩོད་ལེན་འདོད་པ་རྣམས་ཀྱིས་རམ་འདེགས་མཐར་འཁྱོང་བྱེད་གལ་ཆེ་བ་མིན་ནམ། དགེའོ། །
སྐུ་ཞབས་མཱ་ཧེ་ཞཱ་ལགས། ཐུགས་རྗེ་ཆེ་ཞུ་རྒྱུ་ཡིན། ཁྱེད་ཀྱིས་སྔོན་མ་ཡང་ཟུངས་ཁྲག་གི་བྲིས་པའི་བོད་དོན་ལས་འགན་སྦེལ་པར་གསར་ལམ་ཁག་ཏུ་མཐོང་བྱུང་། དེ་རིང་ཡང་ལས་འགན་འདི་འདྲ་བསྒྲུབས་ཀྱི་ཡོད་དེ་བོད་མི་ངོ་ཚ་མེད་མཁན་རྣམས་སུ་སེམས་འགུལ་ཐད་ཡ་འདྲ་གཅིག་འདུག
སྐུ་ཞབས་ཁྱེད་ཀྱིས་ལས་དོན་སྒྲུབ་ཕྱོགས་དང་བོད་ནང་གི་བོད་མིའི་རེ་འདུན་ཡོངས་སུ་མཐུན་འདུག་པས་དགའ་པོ་ཡོད། ཐུགས་རྗེ་ཆེ།