རྒྱལ་སྤྱིའི་འགྲོ་བ་མིའི་ཐོབ་ཐང་ཚོགས་ཆེན་ཐེངས་ ༡༦ པ་དེ་ཁ་སང་ནས་མགོ་འཛུགས་ཀྱིས་ཕྱི་ཟླ་ ༣ ཚེས་ ༢༥ ཉིན་བར་སུད་སིའི་གྲོང་ཁྱེར་ཇི་ནི་ཝར་འཚོགས་བཞིན་ཡོད་ཅིོང་། ཚོགས་ཐོིག་ཏུ་ཚོགས་བཅར་བས་རྒྱ་གཞུང་གིས་བོད་ནང་གི་འགྲོ་བ་མིའི་ཐོབ་ཐང་རྡོག་རོལ་དང་བོད་ཀྱི་ཆོས་རིག་གཏོར་བཤིག་གཏོང་བཞིན་པར་གླེང་སློང་བྱས་ཡོད་འདུག
དེའི་ཐད་སུད་སིར་གནས་སྡོད་བོད་གཞུང་སྐུ་ཚབ་དོན་གཅོད་བསྟན་འཛིན་བསམ་འཕེལ་ལགས་ཀྱིས་བརྗོད་ན། ཐེངས་འདིའི་ཚོགས་འདུའི་སྟེང་བོད་གཞུང་དོན་གཅོད་དང་གཞུང་འབྲེལ་མིན་པའི་ཚོགས་པ་ཁག་གིས། བོད་ནང་གི་འགྲོ་བ་མིའི་ཐོབ་ཐང་གནས་སྟངས་སྤྱི་དང་། ལྷག་པར་དུ་བོད་ཀྱི་དགོན་སྡེ་ཁག་ཏུ་རྒྱ་གཞུང་གིས་དམངས་གཙོ་དོ་དམ་ཨུ་ཡོན་ལྷན་ཁང་ཟེར་བ་ཞིག་ཆེད་འཛུགས་ཀྱིས། རྒྱལ་གཅེས་ཆོས་གཅེས་སློབ་གསོའི་ལས་འགུལ་སྤེལ་བ་དང་དགེ་འདུན་པ་ཚོར་བཙན་གྱིས་༧གོང་ས་མཆོག་ལ་མཚན་སྨད་བྱེད་འཇུག་པ། དེ་བཞིན་བོད་ཀྱི་བླ་སྤྲུལ་ཡང་སྲིད་ལ་སྟངས་འཛིན་བྱེད་པ་སོགས་ཛ་དྲག་གནས་སྟངས་ཁག་ཅིག་སྙན་སེང་ཞུས་ཡོད་ཟེར།
དེ་མིན། ཐེངས་འདིའི་ཚོགས་ཆེན་གྱི་སྐབས་སུ་རྒྱལ་ཁབ་ཁག་འདྲ་མིན་ནས་ཕེབས་པའི་ཚོགས་པའི་སྐུ་ཚབ་ཀྱིས། རང་རང་གི་རྒྱལ་ཁོངས་ཀྱི་འགྲོ་བ་མིའི་ཐོབ་ཐང་གནས་སྟངས་སྐོར་ངོ་སྤྲོད་བྱས་ཡོད་པ་རེད།
འགྲོ་བ་མིའི་ཐོབ་ཐང་རྩོད་ས་ཡོད་པ་འདི་ཡང་། ཤིན་ཏུ་བཟང་། རང་གི་ཐོབ་ཐང་རྩོད་ཐུབ་མ་ཐུབ་ནི། སོས་སོའི་འགན་བླངས་མ་བླངས་ལ་རག་ལས་པ་རེད། འགྲོ་བ་མིའི་ཐོབ་ཐང་སྐོར་འཚོགས་པ་ཙམ་གྱིས་རྗེས་སུ་ཡི་རང་ཡོད།
ཚོགས་པ་འདིའི་ཨ་བ་ཨ་རི་རེད། ཚོགས་པ་འདིའི་ཨ་མ་རྒྱ་ནག་རེད། བོད་དང་ཁ་ཆེ་ཚོ་སྙིང་རེ་བརྗེ། སྐྱབས་སུ་ལ་རེ་དགོས་མི་ཤེས་ཀི།
རྒྱལ་སྤྱིའི་འགྲོ་བ་མིའི་ཐོབ་ཐང་ཚོགས་ཆེན་ཟེར་བ་འདི་མིང་ཙམ་མ་གཏོགས་མི་མང་ལ་དགེ་མཚན་གང་ཡང་མེད་པ་མིག་མཐོང་ལག་ཟིན་རེད།
ཤེལ་དཀར་བློ་བཟང་གིས་བཤད་པ་བདེན་པ་འདུག འགྲོ་བ་མིའི་ཐོབ་ཐང་ཚོགས་ཆེན་ཅི་ཙམ་འཚོགས་ཀྱང་ཕན་ཐོགས་ཡོད་བ་མ་རེད། གང་ལྟར་བོད་ནང་ལ་མུ་མཐུད་ནས་དམར་གསོད་དང་མནར་གཏོང་ངེས་རེད།
རྒྱལ་ཁབ་སོ་སོའི་ཚོང་འབྲེལ་གྱི་ཁེ་ཕན་ཁོ་ནར་བལྟ་བ་ལས་དངོས་ཡོད་དང་མཐུན་པའི་འགྲོ་བ་མིའི་ཐོབ་ཐང་རྩོད་མཁན་ཁག་པོ་རེད། རྒྱལ་ནག་གིས་འགྲོ་བ་མིའི་ཐོབ་ཐང་རྡོག་རོལ་རྩིས་མེད་ཇི་ཙམ་བཏང་ཡང་ད་དུང་རྒྱལ་ནག་གུང་ཁྲན་ལ་སྤྲེལ་ལད་འཁྲབ་མཁན་ཇེ་མང་ཇེ་མང་དུ་འགྲོ་བཞིན་འདུག འཛམ་གླིང་འདིར་དཔལ་འབྱོར་གྱི་རྒྱབ་རྩ་མེད་ན་བདེན་པ་དང་དྲང་བདེན་ཞེས་པ་ཁ་ཙམ་རེད།།