༡༩༨༩ ལོའི་ཟླ་ ༣ ཚེས་ ༨ཉིན་ནི་རྒྱ་གཞུང་གིས་བོད་མིར་དྲག་གནོན་བྱས་པའི་ཉིན་མོ་ཞིག་དང་འཁེལ་ཡོད་སྟབས། བོད་གཞུང་ཆོས་རིག་ལས་ཁུངས་ཀྱི་གོ་སྒྲིག་འོགདེ་རིང་ཕྱི་ཚེས་༨ཉིན་གྱི་ཞོགས་པའི་ཆུ་ཚོད་༨ དང་ཕྱེད་ཀའི་སྟེང་། བཞུགས་སྒར་ངྷ་ས་ཐེག་ཆེན་ཆོས་གླིང་གཙུག་ལག་ཁང་དུ། རྣམ་རྒྱལ་གྲྭ་ཚང་མཁན་རིན་པོ་ཆེ་མཆོག་གིས་དབུས་བོད་གཞུང་དམངས་གཙོའི་ཀ་བ་གསུམ་གྱི་མཛད་གཙོ་རྣམས་དང་། དེ་བཞིན་ལྷན་ཁང་ཁག་གི་དྲུང་ཆེ་དང་སེར་སྐྱ་མང་ཚོགས་བཅས་ཁྱོན་མི་ ༣༠༠ལྷག་འདུ་འཛོམས་ཐོགམི་རིགས་ཀྱི་བདེན་དོན་ཆེད་རང་སྲོག་བློས་བཏང་བའི་རྒྱལ་གཅེས་དཔའ་བོ་དཔའ་མོ་རྣམས་ལ་རྗེས་དྲན་གྱི་སྨོན་ལམ་ཞིག་ཚོགས་འདུག
མཛད་སྒོའི་སྟེང་བོད་གཞུང་ཆོས་རིག་བཀའ་བློན་ཆེ་རིང་ཕུན་ཚོགས་མཆོག་གིས་འབོད་སྐུལ་སྒྲོག་སྦྱོང་གནང་བའི་ནང་། ཕྱི་ལོ་༡༩༨༩ཟླ་ ༣ ཚེས་ ༨ཉིན་ནི་རྒྱ་ནག་མི་མང་སྤྱི་མཐུན་རྒྱལ་ཁབ་ཀྱིས།ཞི་བདེ་དང་རང་དབང་ངང་གནས་པའི་བོད་ཀྱི་བདག་པོ་བོད་མིའི་སྟེང་། མི་སྤྱོད་ལས་འདས་པའི་དྲག་གནོན་བྱས་ཏེ་ད་བར་མནར་གཅོད་དང་གཉའ་གནོན། བཤུ་གཞོག་བཅས་བྱས་པའི་ཁྲོད། རྒྱལ་གཅེས་དཔའ་པོ་སེར་སྐྱ་ཕོ་མོ་རྒན་དར་གཞོན་གསུམ་གྲངས་ལས་འདས་པ་ཞིག་དུས་མིན་རྐྱེན་ལམ་དུ་སོང་བ་དང་། བོད་མི་ཁྲི་ཚོ་མང་པོ་བཙོན་འཇུག་འོག་ཚུད་དེ་དམྱལ་བ་མི་ཡུལ་དུ་འཕོས་པ་ལྟ་བུའི་སྡུག་བསྔལ་མྱངས་དང་མྱོང་བཞིན་ཡོད་པས།ང་ཚོས་ཁོང་རྣམས་ཀྱིས་སྙིང་སྟོབས་ལ་རྗེས་དྲན་ཞུ་རྒྱུ་ཡིན། ཚེས་བཀོད་འདུག
དཔལ་ལྡན་གྱིས་བསྡུས།
ཨ་རོ་ཀླད་དམར། བསྡུ་སྒྲིག་བྱས་དང་ན་དོ་ཟླ་མི་འདུག་ཟེར་དུས།
༼ རྣམ་རྒྱལ་གྲྭ་ཚང་མཁན་རིན་པོ་ཆེ་མཆོག་གིས་དབུས་བོད་གཞུང་དམངས་གཙོའི་ཀ་བ་གསུམ་གྱི་མཛད་གཙོ་རྣམས།༽བྲིས་འདུག འདི་བདེ་མོ་ཞིག་རེད་དམ། ཧཧཧཧཧ
དཔེ་ཡག་པོ་བྱས་འདུག་ཡིན་ན་ཡང་དཔའ་བོ་འདས་པོ་རྣམས་ཀྱི་དགོངས་པ་དང
རང་སྲོག་བློས་གཏང་བའི་དམིགས་ཡུལ་འགྲུབ་འབྲས་ལ་ཤུགས་སྣོན་རྒྱག་དགོས་རེད་མ་ཏོག་ཁ་བདེ་བོ་འདྲ་བཤད་ན་འགྲིགས་གི་མི་འདུག་
ད་དུང་དཔའ་རྒོད་ལྷ་སྲས་འཇིགས་མེད་ནོར་བུ་མཆོག་ལྷག་འདུག་པས་བློ་ཕམ་ཡོད། བོད་གཞུང་གི་མཛད་གཙོ་རྣམ་པས་དེ་འདྲ་མ་གནང་རོགས། བཟང་པོ་ལ་བཟང་འདུག་མ་གསུངས་ན་བཟང་པོ་ཡིད་ཆད། ངན་པ་ལ་ངན་འདུག་མ་གསུངས་ན་ངན་པ་མགོ་མཐོ་ཟེར་སྲོལ་ཡོད་པ་ལྟར་ངས་ཀྱང་བོད་གཞི་བྱེས་གཉིས་ཀྱི་རང་བཙན་པ་ཚོའི་ཚབ་བྱས་ནས་དཔའ་པོ་ཐུབ་བསྟན་དངོས་གྲུབ་མཆོག་དང་ལྷ་སྲས་འཇིགས་མེད་མཆོག་རྣམ་གཉིས་ཀྱི་མཛད་ཕྱོགས་སུ་གུས་བཀུར་དང་རྗེས་དྲན་བྱེད་ཀྱི་ཡིན།