བོད་གཞུང་འཕྲོད་བསྟེན་ལས་ཁུངས་ཀྱིས། བཙན་བྱོལ་བོད་མི་ཡོངས་ལ་གཞི་རིམ་གཉིས་པ་དང་གསུམ་པའི་སྨན་བཅོས་ལྟ་སྐྱོང་ཚད་ལྡན་ཡོང་ཆེད། འཕྲོད་བསྟེན་ཉེན་སྲུང་ལྟ་བུའི་ཛ་དྲག་སྨན་བཅོས་ཉེན་སྐྱོབ་ལས་གཞི་ཞིག་གཞུང་མང་གཉིས་མཉམ་རུབ་ཐོག་ལག་བསྟར་བྱ་རྒྱུ་ཡིན་ཟེར།
བོད་གཞུང་འཕྲོད་བསྟེན་ལས་ཁུངས་ཀྱི་གོ་སྒྲིག་འོག དེ་རིང་ཕྱི་ཚེས་ ༩ ཉིན་གྱི་ཞོགས་པའི་ཆུ་ཚོད་ ༡༠ དང་ཕྱེད་ཀའི་སྟེང་། བོད་གཞུང་ཕྱི་དྲིལ་ལྷག་པ་ཚེ་རིང་ཚོགས་ཁང་དུ། འཕྲོད་བསྟེན་ལས་ཁུངས་ཀྱིས་གསར་འགོད་གསལ་བསྒྲགས་ཤིག་བསྐྱངས་ཡོད་ཅིང་། སྐབས་དེར་འཕྲོད་བསྟེན་བཀའ་བློན་དཔལ་འབྱོར་ཚེ་རིང་མཆོག་གིས་གནས་ཚུལ་སྒྲོག་སྦྱོང་གནང་དོན། ད་ལྟ་བོད་མིའི་སྡོད་སྒར་ཁག་ཏུ་དགོས་ངེས་ཀྱི་གཞི་རིམ་འཕྲོད་བསྟེན་ལྟ་སྐྱོང་རྨང་གཞི་འཛུགས་སྐྲུན་བྱས་ཏེ། འཕྲོད་བསྟེན་གནས་བབ་འོས་འཚམ་ཞིག་ཏུ་བསླེབས་ཡོད་ཀྱང་། སྨན་ཁང་དུ་ཡུན་རིང་སྡོད་དགོས་པའི་གཞི་རིམ་གཉིས་པ་དང་གསུམ་པའི་སྨན་བཅོས་དགོས་རིགས། ས་གནས་ཕྱི་ལུགས་སྨན་ཁང་ཁག་ཏུ་བསྟེན་རྒྱུར་འཕྲོད་བསྟེན་ལས་ཁུངས་ཀྱིས་འགྲོ་གྲོན་བརྒྱ་ཆ་གང་འཚམ་རེ་གནང་བཞིན་ཡོད་ཀྱང་། འགྲོ་གྲོན་ཆེ་ཞིང་མང་ཚོགས་ལ་ཕན་ཐོགས་དེ་ཙམ་ཐུབ་ཀྱི་མེད་སྟབས། བཙན་བྱོལ་བོད་མི་ཡོངས་ལ་གཞི་རིམ་གཉིས་པ་དང་གསུམ་པའི་སྨན་བཅོས་ལྟ་སྐྱོང་ཚད་ལྡན་ཡོང་ཆེད། བོད་མིའི་དང་བླངས་འཕྲོད་བསྟེན་ཚོགས་པའི་དམིགས་ཡུལ་གཞིར་བཟུང་། འཕྲོད་བསྟེན་ཉེན་སྲུང་ལྟ་བུའི་ཛ་དྲག་སྨན་བཅོས་ཉེན་སྐྱོབ་ལས་གཞི་ཞིག་གཞུང་མང་གཉིས་མཉམ་རུབ་ཐོག་ལག་བསྟར་བྱ་རྒྱུ་ཡིན། ཞེས་གསུངས་སོང་།
དཔལ་འབྱོར་ཚེ་རིང་མཆོག་གིས་མུ་མཐུད་དུ་སྒྲོག་སྦྱོང་གནང་དོན། ཕྱི་ཟླ་ ༤ ཚེས་ ༤ ཉིན་ནས་མགོ་འཛུགས་ཀྱིས་མ་འོངས་པའི་ཟླ་དྲུག་ནང་ངེས་པར་ཐོ་འགོད་བྱ་དགོས་ཤིང་། ལས་གཞི་དེ་ཕྱི་ཟླ་ ༡༠ ཚེས་ ༡ ཉིན་དངོས་སུ་མགོ་འཛུགས་བྱ་རྒྱུ་ཡིན་པར་མ་ཟད། དེ་ནི་དེང་དུས་དང་མཐུན་ཞིང་གསར་གཏོད་རང་བཞིན་ལྡན་པ་ཞིག་ཡིན་སྟབས། སྔོན་ཚུད་ནས་རྟོག་ཞིབ་ཡག་པོ་གནང་དགོས། སྤྱིར་ལས་གཞིའི་ནང་ཞུགས་མིན་མི་སྒེར་སོ་སོ་འདོད་པ་ཡིན་ཡང་། སྨན་བཅོས་ལྟ་སྐྱོང་ལས་གཞིའི་ཁོངས་སུ་ཞུགས་འདོད་མེད་མཁན་ཚོར་ཟླ་ ༡༠ ཚེས་ ༡ ཉིན་ནས་ཛ་དྲག་སྨན་བཅོས་མཐུན་འགྱུར་འཐོབ་ཐབས་མེད། སྨན་བཅོས་ལྟ་སྐྱོང་ལས་གཞིའི་ཁོངས་མི་ལྔ་ཅན་གྱི་ཁྱིམ་ཚང་ཞིག་ལ་གཞི་རིམ་གཉིས་པ་དང་། གསུམ་པའི་སྨན་བཅོས་འགྲོ་གྲོན་ཆེད་ལོ་རེར་ཧིན་སྒོར་འབུམ་གཅིག་འཐོབ་རྒྱུ་དང་། ནང་མི་ལྔ་ཅན་གྱི་དུད་ཁྱིམ་རང་ངོས་ནས་བསྡུ་ཆ་ཧིན་སྒོར་ ༣༥༦༥།༠༠ ལས་འབུལ་དགོས་ཀྱི་མེད། ཞེས་གསལ་བསྒྲགས་ནང་བཀོད་འདུག
མཇུག་ཏུ་གསར་འགོད་པས་སྨན་བཅོས་ལྟ་སྐྱོང་ལས་གཞི་དེར་དུས་ཡུན་ཅི་ཙམ་འགོར་གྱི་ཡོད་མེད་དྲིས་པར། དཔལ་འབྱོར་ཚེ་རིང་མཆོག་གིས་བརྗོད་དོན། སྨན་བཅོས་ལྟ་སྐྱོང་ལས་གཞི་དེ་ཕྱི་ཟླ་ ༡༠ ཚེས་ ༡ ཉིན་ནས་དངོས་སུ་མགོ་འཛུགས་བྱ་རྒྱུ་ཡིན་སྟབས། མ་འོངས་པའི་ཟླ་དྲུག་ནང་འདོད་མོས་ཡོད་མཁན་ཚོས་དུས་ལྟར་ཐོ་འགོད་བྱ་དགོས། དུས་འགྱངས་སུ་སོང་ན་ཐོ་གཞུང་ནང་ཚུད་ཐབས་ཡོད་པ་མ་རེད། ང་ཚོས་ལོ་བསྟུད་དེ་ལས་གཞི་དེའི་གནས་སྟངས་ལ་གཟིགས་ཏེ་ལག་ལེན་ཡག་པོ་བསྟར་རྒྱུ་ཡིན། ཞེས་བརྗོད་བྱུང་། ཡང་ཁོང་ལ། རེག་དུག་དང་གཉན་ནད་སོགས་བཅོས་དཀའ་བའི་ནད་གཞི་ཡོད་རིགས་ལ་མཐུན་འགྱུར་དེ་ཐོབ་ཀྱི་ཡོད་མེད་དྲིས་པར། ན་ཚ་དེའི་རིགས་ད་སྔ་འཆར་གཞི་གང་ཡང་མེད། སྨན་བཅོས་ལྟ་སྐྱོང་ལས་གཞི་འདི་མགོ་བཙུགས་མ་ཐག་ཡིན་སྟབས། ད་དུང་མི་འདང་ས་མང་པོ་ཞིག་ཡོད་ངེས་རེད། ཅེས་ལན་བསྐྱོན་བྱུང་།
གསར་འགོད་པ། དཔལ་ལྡན།
་་་ན་ཚ་དེའི་རིགས་ད་སྔ་འཆར་གཞི་གང་ཡང་མེད། སྨན་བཅོས་ལྟ་སྐྱོང་ལས་གཞི་འདི་མགོ་བཙུགས་མ་ཐག་ཡིན་སྟབས། ད་དུང་མི་འདང་ས་མང་པོ་ཞིག་ཡོད་ངེས་རེད། ་་
མི་འདང་ས་དེ་རོགས་དངུལ་ཡིན་ནམ། ལྷག་བསམ་རེད། མ་འབྱོན་པ་རེད། འཇོན་ནུས་ཀྱང་འགྱིད་ལུགས་ཀྱིས་མ་བྱས་པ་རེད། འདི་རིང་འདི་ཙམ་གྱིས་གྲིག་པ་བྱས།
སྨན་རྩིས་ཁང་གི་ལས་བྱེད་གཙོ་བོ་དེ་ཨེཌྶ་བགོས་ནད་མ་ན་བར་དུ། ཛ་དྲག་སྨན་བཅོས་ཐོག་གཞུང་མང་མཉམ་རུབ་བྱ་རྒྱུ་མིན་པ། བོད་མིའི་ལས་བྱེད་ཀྱི་གཤིས་ཀ་ངན་པ་དེ་ངས་ཤེས་བགྱིད་ཡོད།
ད་བཟུང་ནས་བོད་ཕྱི་ནང་གཉིས་ཀྱི་བོད་མིའི་ལས་བྱེད་སུ་ཡིན་ནའང་གཟབ་གཟབ་བྱས་ན་མ་གཏོགས། ཉོབ་ཆ་གཟེད་ཡོང་གདའ། །
འཕྲོད་བསྟེན་བཀའ་བློན་མཆོག་ཞབས་བཏེག་གཞག་རན་མཚམས་ཏག་ཏག་འདིར་གཞི་རྒྱ་ཆེ་བའི་འཆར་གཞི་ཕེབས་སྟངས་འདི་ཡང་མ་འོངས་ཀྱི་ཞབས་བཀྱག་དང་འབྲེལ་བའི་ཆབ་སྲིད་ཁྲབ་སྟངས་ཤིག་ཡིན་པར་འདོད། ཡག་པོ་འདུག དགོས་མཁོ་ཡང་རེད།
ཨེ་མ་ཧོ་༏༏࿋࿋࿋ ༜བོད་གཞུང་འཕྲོད་བསྟེན་གྱི་ཡང་དེ་ཙམ་ནུས་པ་སྟོན་ཐུབ་ཀྱི་མ་རེད་ལ་སྨན་རྩིས་ཁང་གི་་ཡང་ག་ལ་ཐུབ་ཚང་མ་ཉི་མ་གང་འཁྱོལ་དང་༸གོང་ས་མཆོག་ལ་མདུན་དུ་སྤྲེ་སླད་བྱ་འཁན་ཀྱང་ཀྱང་རེད་དོ་དོ་
དྲ་གྲོགས་ཚོ་།།།་རེག་དུགས་སྲིན་འབུ་འཁྲུགས་པའི་ནད་གཞི་ནི་དངོས་ནས་ཉེན་ཁ་ཆེ་པོ་རེད་དེ་འདྲ་སོང་ཙང་ང་ཚོ་བོད་ཀྱི་ཕོ་གསར་དང་མོ་གསར་ཚང་མས་ཟབ་ཟབས་ངེས་པར་དུ་བྱ་དགོས་ནད་གཞི་འདིས་ང་ཚོ་བོད་ཕྱི་ནང་གི་བོད་མི་ཡོངས་ལ་དཀའ་ངལ་ཅེན་པོ་སྤྲད་སྲིད་པ་རེད་།།་གང་ལ་ཞེས་བོད་ནང་ལ་རྒྱ་གཞུང་ངོས་ནས་གཞང་ཚོང་མ་འམ་སྨད་ཚོང་མ་མང་པོ་ཁྱབ་སྤེལ་བྱེད་བཞིན་ཡོད་པས་བོད་ནང་ལ་ཉེན་ཁ་འདི་རེད་་་ད་རྒྱ་གར་ནི་མ་འོངས་པར་འཛམ་གླིང་ནང་ནད་གཞི་འདི་ཡིས་ཟིན་པའི་མི་འབོར་མང་ཤོས་ཆག་སྲིད་པས་་དེས་བོད་མི་ཚོར་ཡང་དཀའ་ངལ་ཞོར་ལ་འཕྲད་ངེས་་རེད་པས་ཟབ་ཟབ་ངརས་པར་བྱ་རོགས་གྲོགས་པོ་ཚོ་
སྨན་རྩིས་ཁང་གིས་དབྱིན་ཡིག་གཙོ་བོ་ཤེས་མཁན་ཚོར་གོ་སྐབས་ཡག་པོ་གནང་ནས་བོད་ཡིག་ཤེས་མཁན་ཚོར་མཐོང་ཆེན་གནང་གིན་མེད་པ་འདྲ།
ང་ཚོས་རེག་དུག་ན་ཚ་ཞེས་པ་དེ་གང་ཞིག་ལ་ངོས་འཛིན་དགོས། ནད་རྟགས་ཅི་ཞིག་དང་དེ་བཅོས་ཐབས་གཙོ་བོ་གང་ཞིག་ཡིན།
ཟུར་དུ་ཨེ་ཙི་ན་ཚ་ཟེར་བ་དེ་བཅོས་ཐབས་ཡོད་མེད་དང་ནད་ཡོད་དག་དྲག་བསྐྱེད་བྱེད་པའི་ཐབས་ལམ་ཡོད་མེད་སོགས་དྲ་གྲོགས་རྣམ་པས་གསལ་བཤད་ཙམ་གསུང་རོགས་ཞུ།།