དེ་རིང་སྔ་དྲོར་ལྡི་ལིའི་རྒྱ་ནག་གཞུང་ཚབ་ཁང་གི་སྒོ་མདུན་དུ། ལྡི་ལི་ཁུལ་གྱི་བོད་རིགས་མཐོ་རིམ་སློབ་མ་ལྔ་བཅུ་ལྷག་དང་། ས་གནས་བོད་རིགས་གཞོན་སྐྱེས་ཁ་ཤས་བཅས་ཁྱོན་སྐྱ་སེར་ ༦༠ ལྷག་གིས་རྔམ་སྟོན་ཁྲོམ་སྐོར་གཞི་རྒྱ་ཆེན་པོ་ཞིག་བྱས་ཡོད་འདུག དེ་ནི་རྒྱ་དམར་དྲག་པོའི་དམག་དཔུང་གིས་བོད་ས་ཡོངས་རྫོགས་དྲག་པོས་དབང་བསྒྱུར་དང་། ཉེས་མེད་བོད་མི་ཁྲི་སྟོང་མང་བོ་དམར་གསོད་བཏང་སྟེ། ལོ་ངོ་ཧྲིལ་བོ་ལྔ་བཅུ་ང་གཉིས་འཁོར་བའི་མྱ་ངན་རྗེས་དྲན་བྱས་པ་ཞིག་ཡིན་འདུག
སློབ་བུ་སྦྲ་རིགས་ཐོགས་མེད་ལགས་ཀྱིས་གནས་ཚུལ་མཁོ་སྤྲོད་བྱས་པ་ལྟར་ན། ལྡི་ལི་མཐོ་སློབ་ས་གནས་གཞོན་ནུས་སྣེ་ཁྲིད་དེ་སྤེལ་བའི་བོད་ཀྱི་གཞོན་སྐྱེས་ཚོའི་ལས་འགུལ་དེ་ནི། དེ་རིང་ཉིན་གུང་ནས་བཟུང་རྒྱ་གར་གྱི་ཚགས་པར་དང་བརྙན་འཕྲིན་ཆེ་ཁག་ཚང་མས་དོ་སྣང་ཆེན་པོས་ཐད་གཏོང་བྱེད་བཞིན་ཡོད་འདུག་ལ། ངོ་རྒོལ་བྱེད་མཁན་དག་ལ་ཉིན་ཤས་སྔོན་ནས་བོད་རང་བཙན་སློབ་ཕྲུག་ཚོགས་པའི་གོ་སྒྲིག་འོག དེང་རབས་ཞི་བའི་ངོ་རྒོལ་ཐབས་ཇུས་ཀྱི་སྦྱོང་བརྡར་སྤྲད་ཡོད་པར་བརྟེན་ས་གནས་རྒྱ་གར་ཉེན་རྟོག་དམག་མི་ཚོར་ཅི་བྱེད་འདི་བྱེད་མེད་པ་ཞིག་བཟོས་ཡོད་འདུག འོན་ཀྱང་། མཐའ་མར་དམག་མི་འབོར་ཆེན་བསླེབས་ཏེ་ངོ་རྒོལ་བྱེད་མཁན་དག་རེ་རེ་བཞིན་འཛིན་བཟུང་བྱས་ཡོད་འདུག་ལ། ཁྲིམས་ཞིབ་པ་ཚོས་ཉིན་རྒྱབ་ཆུ་ཚོད་གསུམ་པ་བར་ཁྲིམས་ཞིབ་པས་མཐར་བདུན་ཕྲག་གཅིག་རིང་བཙོན་འཇུག་བྱ་རྒྱུའི་ཐག་གཅོད་བྱས་ཡོད་འདུག
བཙན་འཛུལ་དང་དམར་གསོད་བྱས་ཏེ་ལོ་ངོ་ ༥༢ འཁོར་བའི་མྱ་ངན་རྗེས་དྲན།
བཙན་འཛུལ་དང་དམར་གསོད་བྱས་ཏེ་ལོ་ངོ་ ༥༢ འཁོར་བའི་མྱ་ངན་རྗེས་དྲན།
བཙན་འཛུལ་དང་དམར་གསོད་བྱས་ཏེ་ལོ་ངོ་ ༥༢ འཁོར་བའི་མྱ་ངན་རྗེས་དྲན།
བཙན་འཛུལ་དང་དམར་གསོད་བྱས་ཏེ་ལོ་ངོ་ ༥༢ འཁོར་བའི་མྱ་ངན་རྗེས་དྲན།
བཙན་འཛུལ་དང་དམར་གསོད་བྱས་ཏེ་ལོ་ངོ་ ༥༢ འཁོར་བའི་མྱ་ངན་རྗེས་དྲན།
བཙན་འཛུལ་དང་དམར་གསོད་བྱས་ཏེ་ལོ་ངོ་ ༥༢ འཁོར་བའི་མྱ་ངན་རྗེས་དྲན།
འདི་ལྟ་བུའི་ལས་འགུལ་ནི་དུས་ལ་བབ་པའི་ལས་འགུལ་ཞིག་རེད། ཚོགས་པ་དེ་དག་ཀྱང་གྲག་འགུལ་མེད་པར་མི་སྡོད་པར། ལས་ཁུངས་བསྲུངས་ནས་མི་སྡོད་པར། ཕྱི་རོལ་ཏུ་ཐོན་ནས་རྒྱལ་སྤྱིའི་གསར་འགྱུར་བརྒྱུད་ལམ་ཁག་ཏུ་ཁྱབ་བསྒྲགས་ཀྱི་ཐབས་ལམ་གསར་བ་རེ་བཙལ་ན་མི་ལེགས་སམ། རྒྱ་ནག་དམངས་གཙོ་བ་ཚོས། མགྲིན་པ་འགག་རག་བར་དུ་སྐད་བརྒྱབ་ནས། ལོའུ་ཞོ་པོ་ནོ་པེལ་བྱ་དགའ་སྤྲོད་དུ་བཅུག་སོང་། འུ་ཚང་གི་གཉན་དང་ཐེའུ་རང་། གངས་རིའི་ཉི་དགའ། སྒྱིས་ཚང་སྟག་སྨུག དུས་འཁོར་ཐབས་མཁས་སོགས་བདག་པོ་མེད་པར་འགྱུར་དོན་ཅི། ཚོགས་པ་དེ་དག་དགོས་དུས་འཇམ་ཐིང་ཐིང་གྱུར་བ་ནི་ནད་ཅིག་མིན་ནམ། ནང་ཁུལ་གྱི་དཔལ་འབྱོར་འཕྲོག་རྩོད་དང་གོ་གནས་འཕྲོག་རྩོད་དག་གསར་འགྱུར་བརྒྱུད་ལམ་དུ་སླེབས་པའི་ཚབ་ཏུ། ཁྱོད་ཚོ་ཡར་ལངས་ཞུ་ཞེས། འདྲེ་མེ་འབུད་དམ་ཨ་འཇམ་དུ་འབོད་པས་རེ་བ་སྙིང་ནས་ཞུ་བའོ།།
རང་གི་ལང་ཕྱོགས་ཤིག་འཁྱེར་ནས་འདི་ལྟར་ལས་འགུལ་གཞན་ལ་སེམས་འགུལ་འཐེབ་པ་ཞིག་སྤེལ་འདུག་པར་དགའ་བསུ་སྙིངནས་ཞུ། གསན་སྐབས་འདི་འདྲར་ཚོར་བ་དྲག་པོ་ཞིག་གི་འོག་ནས་དགེ་ལས་སྐྱོན་ཆེ་བ་འགྱུར་ཉེན་ཁ་ཡང་ཡོད་པས་ཡིད་གཟབ་བྱོས་ཤིག་བོད་ཀྱི་བུ་དང་བུ་མོ། ཡག་བྱུང་། ཐུགས་རྗེ་ཆེ།
ན་གཞོན་ཚོའི་སེམས་ཤུགས་དང་དེང་རབ་དང་འཚམས་པའི་ངོ་རྒོལ་བྱེད་སྟངས་འདི་ཧ་ལས་པ་ཡག་པོ་རེད་། ཐུགས་རྗེ་ཆེ་ དུས་་ཚུད་ ༡༥ ཐོག་པ་རི་སིའི་བོད་རིགས་ཚོས་ ཀྲུར་ཨེ་ཕེལ་ ནས རྒྱ་ནག་གཞུང་ཚབ་ཁང་བར་ ཞིའི་ཁྲོམ་སྐོར་གནང་རྒྱུ་རེད་འདུག་ལགས། བོད་རྒྱལ་ལོ།
ན་གཞོན་ལ་རྒྱ་ཅན་རྣམས་ལ་ཐུགས་རྗེ་ཆེ།
ཁྱེད་རྣམས་ཀྱི་སྙིང་སྟོབས་དེ་ཇི་སྲིད་སྲིད་མཐའ་མ་རྫོགས་བར་གནས་ངེས།
དེ་རིང་སྔ་དྲོ་བལ་ཡུལ་མཆོད་རྟེན་ཉེ་འགྲམ་གཙོས་བོད་མི་གནས་ཡུལ་ཁག་ལ་བལ་ཡུལ་ཉེ་རྟོགས་པ་མང་པོ་བཀྲམ་ནས་ལྷ་སར་སླེབ་པ་ལྟ་བུའི་དམ་དྲག་བྱེད་བཞིན་འདུག མཆོད་རྟེན་ཕྱོགས་ལ་འགྲོ་སའི་གཞུང་ལམ་གང་སར་བཀག་ནས་བལ་ཡུལ་ཡུལ་མིའི་ལག་འཁྱེར་མེད་པར་གཏང་གི་མི་འདུག
གཤེགས་ཟིན་པའི་དཔའ་བོ་དཔའ་མོ་རྣམས་ལ་མྱ་ངན་གྱི་གུས་འདུད་ཞུ་གི་ཡོད་ལ་དེ་རིང་གི་དཔའ་ངར་དང་རྒྱལ་ཞེན་གྱིས་ཕྱུག་པའི་གཙུག་ལག་སློབ་གཉེར་བ་འདི་རྣམས་ལ་སྙིང་རུས་པའི་གཏིང་ནས་ཐུགས་རྗེ་ཆེ་ཞུ་གི་ཡོད།ཁོང་ཚོའི་འདྲ་པར་རེ་རེ་མཐོང་དུས་ང་རང་རང་དབང་མེད་པར་མིག་ཆུ་ཤོར་གྲབ་བྱས་སོང༌།ང་ཚོའི་བོད་ཀྱི་རང་དབང་འཐབ་འཚོལ་དེ་ནི་རྒྱ་དམར་གྱི་རེ་བ་ལྟར་དུས་ཚོད་འགྱངས་ཐབས་བྱས་ན་ཡལ་འགྲོ་བ་ཞིག་མིན་པ་ནི་དེ་རིང་གཞོན་སྐྱེས་རྣམས་ནས་ལན་འདེབས་གསལ་བོ་ཞིག་བྱས་པ་རེད་ལ།
མ་འོངས་པའི་གཞོན་སྐྱེས་རྣམས་ཀྱང་དེ་རིང་གི་གཞོན་སྐྱེས་དཔའ་བོ་དཔའ་མོ་འདི་ཚོ་འདྲ་བར་མཆོང་ནས་ཡོང་རྒྱུ་ཡིན་པ་རྒྱ་དམར་གྱིས་ཀྱང་ཚོད་དཔག་བྱེད་ཐུབ་ངེས་རེད།དེ་རིང་འདིར་ཡང་རྒྱ་ནག་གཞུང་ཚབ་ཁང་མདུན་དུ་སུམ་ཅུ་དུས་དྲན་སྲུང་བྱས་སོང་།ང་ཚོ་འདིར་བོད་རིགས་ཉུང་ཉུང་ཞིག་ལས་མེད་ནའང་ས་གནས་བོད་དོན་རྒྱབ་སྐྱོར་བ་ཚོ་དང་མཉམ་དུ་ཕྱིན་པ་ཡིན།ཕར་ཆེར་མི་ལྔ་ཅུ་དྲུག་ཅུ་ཞིག་འདུག།ང་ཚོ་རྒྱ་ནག་གཞུང་ཚབ་ཁང་གི་མདུན་དུ་འཛོམས་ནས་གསར་འགོད་གསལ་བསྒྲགས་སྤེལ་བ་རེད།རྒྱ་མིས་བཙལ་འཛུལ་བྱས་རྗེས་ཀྱི་བོད་ཀྱི་ལོ་ངོ་ལྔ་ཅུའི་རིང་གི་ལོ་རྒྱུས་མདོར་
དང༌།ད་ལྟའི་བོད་ནང་གི་གནས་སྟངས།དེ་རིང་དུས་དྲན་ངོ་སྤྲོད་དང་༸གོང་ས་མཆོག་ནས་དེ་རིང་སུམ་ཅུའི་དུས་དྲན་ཐོག་བསྩལ་བའི་བཀའ་སློབ་སྒྲོག་སོགས་བྱས་པ་རེད།ང་རང་ཡང་དེ་རིང་གི་འཛིན་གྲྭར་དགོངས་པ་ཞུས་ཏེ་དེར་བཅར་བ་ཡིན་ལ་གསར་འགོད་པ་ཡང་ཕར་ཆེར་མི་བཅུ་ལྷག་ཕེབས་འདུག
རྒྱ་ཞེན་ལྷག་བསམ་གྱིས་ཕྱུག་པའི་ན་གཞོན་ཚོ་ལ་ངོས་ནས་རྗེས་སུ་ཡི་རངས་དང་ཐུགས་རྗེ་ཆེ་ཞུ་ཁྲིམས་ལུགས་ཀྱི་ཤེས་ཚད་དང་ལྡན་པའི་སྒོ་ནས་མདུན་དུ་དོན་ན་ངོ་མ་གཟི་བརྗིད་འདུག སྤུན་ཟླ་ཚོ་རྡོག་རྩ་གཅིག་ཏུ་སྒྲིལ་མཐུན་པའི་དཔང་རྡང་སྦྲེལ། བོད་རྒྱལ་ལོ།
བུ་རྒོད་ཚོ། ལམ་འགྲོ་ཡོང་བར་ཤོག
ན་གཞོན་སློབ་ཆེན་པ་ཚོའི་སྙིང་སྟོབས་དང་ལ་རྒྱ་འདི་ན་མངོན་འདུག།
ངོ་མ་བཟང་གི། ན་གཞོན་ཟེར་དུས་ལང་ཚོའི་ངར་ཤུག་འདི་འདྲ་ཞིག་དགོས། ན་གཞོན་ཉོབ་ཐོ་དེ་ན་གཞོན་གྱི་གྲལ་ལ་ཡང་མི་ཚུད། གོང་གི་དཔར་དེ་ཚོ་མཐོང་དུས་སེམས་སྐྱིད་པོ་འདྲ་ཞིག་བྱུང་། ཡིད་ཚིམ་པོ་འདྲ་ཞིག་བྱུང་། མུ་མཐུད་ནས་རང་དབང་མ་ཐོབ་བར་དུ་་་་་་་་་་་་་་་་་་་་་་་་་་་་་་་་་་་་་་་་་་་་་
ལས་འགུལ་བ་ཡོངས་ལ་བཅོས་མིན་གྱི་ཐུགས་རྗེ་ཆེ་མུ་འཐུད་ནས་རེ་བ་དང་ཡིད་ཆེས་ཡོད།
དཔའ་བོ་དཔའ་མོ་ཁྱེད་ཚོས་ངོ་རྒོལ་གནང་བར་སྙིང་ཐག་པ་ནས་ཐུགས་རྗེ་ཆེ་ཞུ།
ངེས་དོན་གྱི་དཔའ་བོ་དཔའ་མོ་མ་འོངས་བའི་སོན་རྩ་མི་རིགས་འདིའི་བདག་པོ་ཁྱེད་ཅག་ལ་རྗེས་སུ་ཡི་རིང་མཚོན་བྱེད་ཐུགས་རྗེ་ཆེ་ཞུ་རྒྱུ་དང་ལས་འགུལ་ཅི་སྤེལ་ཐམས་ཅད་གེགས་མེད་ལམ་འགྲོ་ཡོངས་བའི་སྨོན་འདུན་ཞུ།