མོན་གྷོ་འདོད་རྒུ་གླིང་ས་གནས་འཐུས་ཚོགས་ཀྱིས་སྐབས་བཅུ་བཞི་བའི་བོད་མི་མང་སྤྱི་འཐུས་ཚོགས་དུས་བཅུ་གཅིག་པའི་སྟེང་སྙན་ཞུ་ཞིག་ཕུལ་ཏེ།གྲོས་ཚོགས་ནས་༸གོང་ས་མཆོག་བགྲེས་ཡོད་མི་གནང་བར་མུ་མཐུད་ཆབ་སྲིད་ཀྱི་ཐུགས་འགན་བཞེས་དགོས་པའི་གསོལ་འདེབས་གནང་དགོས་པའི་རེ་སྐུལ་གནང་ཡོད་འདུག
ཐེངས་འདིའི་སྐབས་བཅུ་བཞི་བའི་སྤྱི་འཐུས་གྲོས་ཚོགས་སྟེང་༸གོང་ས་མཆོག་གིས་དམིགས་བསལ་གསུང་འཕྲིན་ཕེབས་ཡོད་པའི་ཐོག་སྤྱི་ཚོགས་ཁྲོད་གླེང་སློང་ཤུགས་ཆེར་བྱུང་ཡོད་ལ།མོན་གྷོ་འདོད་རྒུ་གླིང་ས་གནས་འཐུས་ཚོགས་ཀྱི་ངོས་ནས། ཐེངས་འདིའི་བོད་མི་མང་སྤྱི་མཐུས་ལྷན་ཚོགས་ཀྱི་གྲོས་ཚོགས་ཚོགས་དུས་བཅུ་གཅིག་པའི་ཐོག ༸སྤྱི་ནོར་༸གོང་ས་སྐྱབས་མགོན་ཆེན་པོ་མཆོག་ནས་བཀའ་རྩའམ་གསུང་འཕྲིན་ཕེབས་མིན་ལ་མ་ལྟོས་པར་བགྲེས་ཡོལ་ཕེབས་བཞེད་ཅི་ནས་ཀྱང་མི་ཡོང་བའི་ཐད། སྤྱི་འཐུས་རྣམ་པའི་དགོངས་པ་བཞེས་ཕྱོགས་མི་མང་གི་མངོན་འདོད་ལྟར་གནང་སྐྱོང་གསོལ་འདེབས་དགོས་པའི་གྲོས་ཆོད་བཞག་ཡོད་པ་ལྟར། ཐེངས་འདིར་ས་གནས་ཚོགས་གཙོ་གཞོན་གཉིས་ཆེད་དུ་གྲོས་ཚོགས་སུ་བཅར་ཏེ། གྲོས་ཚོགས་ལ་སྙན་ཞུ་ཞིག་ཕུལ་ཡོད་འདུག
སྙན་ཞུ་ནང་བསྟན་དོན་གཙོ་བོ་ནི། ༸གོང་ས་མཆོག་བགྲེས་ཡོལ་ཕེབས་བཞེད་སྐོར་ད་རེས་གྲོས་ཚོགས་ཚོགས་ཐེངས་འདིར་གྲོས་བསྡུར་སླད་ཕེབས་ངེས་ལགས་ན། ཁྲིམས་བཟོ་ལྷན་ཚོགས་བཀུར་འོས་སྤྱི་འཐུས་རྣམས་ནས་འཕྲུལ་མཛངས་རྣམ་དཔྱོད་ཀྱི་ལམ་ནས། གལ་འགངས་ཆེ་བའི་གནད་དོན་འདིར་ཁྲིམས་ཀྱི་ཁ་ལོ་སྒྱུར་ཕྱོགས་མི་མང་གི་མངོན་འདོད་ལྟར་ཡོང་སླད་དགོངས་པ་བཞེས་མ་ནོར་བའི་ཐོག ༸གོང་ས་མཆོག་བོད་ཀྱི་ཆོས་སྲིད་གཉིས་ཀྱི་དབུ་ཁྲིད་མུ་མཐུད་གནང་སྐྱོང་གསོལ་འདེབས་ཕུར་ཚུགས་སུ་འདེབས་དགོས་ནན་བསྐུལ་ཞུ་རྒྱུ་ཡིན། ཞེས་འཁོད་ཡོད་པ་དང་། ཐེངས་འདིའི་སྙན་ཞུ་དེ་སྤྱི་འཐུས་གྲོས་ཚོགས་གཙོས། སྐུ་སྒེར་ཡིག་ཚང་། བཀའ་བློན་ཁྲི་པ་མཆོག དེ་བཞིན་བཀའ་བློན་གཞན་ཡོངས་ལ་ཕུལ་ཏེ་༸གོང་ས་མཆོག་གིས་བོད་མིའི་ཆབ་སྲིད་ཀྱི་ཐུགས་འགན་མུ་མཐུད་བཞེས་དགོས་པའི་གསོལ་འདེབས་བྱ་རྒྱུར་རེ་སྐུལ་ཞུས་ཡོད་འདུག
གསར་འགོད་པ། དོན་གོ
མོན་གྷོ་འདོད་རྒུ་གླིང་ནི་གཞིས་ཆགས་དང་།དགོན་སྡེ་མང་པའི་བཙན་བྱོལ་ནང་གི་ཁོར་ཡུག་གལ་ཆེའི་ཞིག་རེད།ཡིན་ཡང་ཁོར་ཡུག་འདིའི་ནང་ན་རུལ་དྲི་ཁ་བའི་དབང་འཛིན་པའི་ཕྱོགས་གཏོགས་ཧ་ཅང་མང་ལ།དབང་འཛིན་པ་དེ་དག་གི་བསམ་ཚུལ་དང་ལྟ་གྲུབ་མ་མཐུན་པའི་རིགས་ཁོར་ཡུག་འདི་ནས་རྒྱང་འཕུད་གཏོང་བའི་ལུགས་སྲོལ་ཞིག་ཡོད།
ཁོང་ཚོ་ལ་དམག་ཤུགས་དང་།ཉེན་རྟོག་པའི་དབང་ཤུགས་མེད་པས་ལོ་རབས་བརྒྱའི་སྔོན་གྱི་ཨུ་རུ་སུའི་སྲིད་གཞུང་རྙིང་པ་སོགས་ཀྱི་དབང་འཛིན་པའི་བྱེད་སྟངས་ཇི་བཞིན་ཡོང་དཀའ་ནའང་།ཁོ་ཚོའི་དབང་ཤུགས་གཅིག་བསྒྲིལ་གྱི་མཚན་རྟགས་བསྡུ་རུབ་བྱེད་པའི་ལུགས་སྲོལ་བཙན་པོ་ཞིག་ཡོད།
དཔེར་མཚོན་ཙམ་ཞུས་ན་ས་གནས་ལས་ཐོག་པ་དང་དབུས་སློབ་གྲྭའི་སློབ་སྤྱི་གཉིས་ལྟ་གྲུབ་མ་མཐུན་པའི་རྐྱེན་གྱིས་དབུས་སློབ་སྤྱི་ས་གནས་ནས་ཕྱིར་འཕུད་གཏོང་དགོས་པའི་མཚན་རྟགས་ཉེར་གཅིག་ཐེངས་མ་གཉིས་སུ་བསྡུས་པ་དང་།
བུད་མེད་ཚོགས་པའི་ཚོགས་གཙོ་པདྨོ་ལགས་དགའ་བོ་དང་ཐུག་འཕྲད་བྱས་པ་དེ་ས་གནས་གཞུང་མང་ཚོགས་ཆུང་གི་བཀའ་དང་འགལ་ལུགས་ཀྱིས་མཚན་རྟགས་བཅུ་གྲངས་ཤིག་བསྐྱོན་ཏེ་ཛ་དྲག་ཚོགས་པའི་དྲུང་ཆེ་དང་།བུད་མེད་ཚོགས་གཙོ་ནས་ཕྱིར་འཕུད་གཏོང་དགོས་པར་བཤད་པ་དང་།
སྤྱི་འཐུས་ཚུལ་ཁྲིམས་འོད་ཟེར་གྱིས་རྒན་གསོ་ཁང་ཡར་རྒྱས་སུ་གཏོང་དགོས་པའི་སྐད་བརྒྱབ་པར་བརྟེན་མཚན་རྟགས་བཅོ་བརྒྱད་བསྡུས་ཏེ་ཕྱིར་འཕུད་གཏོང་དགོས་པའི་གཞུང་ལ་སྙན་ཞུ་བརྒྱབ་པ་དང་།
རྨོག་རུ་བསྟན་པ་མི་མང་གིས་འོས་ཤོག་བརྒྱུད་ས་གནས་འཐུས་མིའི་འོས་མི་རྩེ་ཕུད་དུ་སོན་པར་མཚན་རྟགས་བཅོ་ལྔ་བསྡུས་ཏེ་རྨོག་རུ་བསྟན་པ་མོན་གྷོ་ས་གནས་ཀྱི་མི་ཁོངས་མིན་པར་བཤད་པ་དང་།
ཀླུ་མཁར་བྱམས་ཀྱིས་༸གོང་ས་མཆོག་ལ་བླ་རྒན་ཞེས་པར་བསྙད་དེ་མདོ་སྨད་མི་མང་དང་ཀླུ་མཁར་བྱམས་ཁ་དང་ཁ་སྤུ་དབྱེ་འབྱེད་བྱེད་དགོས་པའི་ཁང་ཚན་ཁག་བཅུ་བདུན་གྱི་མཚན་རྟགས་བསྡུས་ཏེ་ཚོགས་སྡེ་ཁག་ལ་བཏང་བ་སོགས་རྒྱུན་སྲོལ་ཅན་གྱི་ལམ་ངན་འདི་ནི་དུས་རབས་བཅུ་ཙམ་ཞིག་ནས་བོད་ལ་དར་བའི་སྲོལ་རྒྱུན་མཁྲེགས་པོ་ཞིག་རེད་དམ།
རྨོངས་དད་ཀྱི་ས་ཞིང་སྟེང་འོན་ལྐུགས་ཀྱི་འབྲས་བུ་སྨིན་དྲགས་པ་ཡིན་ནམ།
ད་དུང་བོད་པའི་སྤྱི་ཚོགས་ཁྲོད་འོན་ལྐུགས་ཀྱི་བརྒྱ་ཆའི་བརྒྱད་ཅུ་ཟིན་འདུག
ད་ཡིན་ན་མི་འདི་དག་གིས་སྔར་བོད་རྒྱལ་ཁབ་བསྐྱལ་ཚར་བའི་མ་ཆོག་པར་ད་དུང་ཡང་བོད་དོན་བསྐྱལ་རྩིས་འཆིང་བཞིན་པས། ནག་ཕྱོགས་མུན་པའི་གཡུལ་ལས་རྒྱལ་བར་ཤོག བོད་དོན་བསྐལ་བར་གནས་པའི་བཀྲ་ཤིས་སྩོལ།
ང་ཚོས་ངེས་པར་དུ་༧རྒྱལ་བའི་དགོངས་པ་མཐར་ཐུག་ལ་སློབ་སྦྱོང་བྱེད་དེ་བོད་མི་རིགས་འདི་རང་གི་རྐང་པའི་སྒང་ལ་ལངས་ཐབས་བྱེད་དགོས་པ་ལས་འགན་ཡོངས་རྫོགས་༧སྐྱབས་མགོན་རིན་པོ་ཆེ་སྟེང་ལ་གཡུགས་བཞག་ན་གཏན་ནས་མི་འགྲིགས།
གསུམ་དུས་གསུང་འཕྲིན་ནང་”ངོས་ཀྱིས་སྲིད་དབང་རྩིས་སྤྲོད་བྱ་རྒྱུའི་བསམ་ཚུལ་འདི་འགན་འཁུར་བྱེད་འདོད་མེད་པའམ། སེམས་ཤུགས་ཆག་པ། བོད་མིའི་བདེན་དོན་གྱི་འཐབ་རྩོད་བློས་བཏང་བ་བཅས་གཏན་ནས་མིན་པར་བོད་མི་རིགས་ཀྱི་འཕྲལ་ཕུགས་ཁེ་ཕན་ཁོ་ནའི་ཆེད་དུ་དམིགས་པ་ཞིག་ཡིན་པས་ཁྱེད་ཚོའི་རེ་སྐུལ་དང་ལེན་བྱ་ཐབས་མ་བྱུང་ཡང༌། བོད་མི་ཡོངས་ཀྱིས་ཇི་སྲིད་ངོས་ལ་ཡིད་ཆེས་བློས་འགེལ་ཡོད་པ་དེ་སྲིད་དུ་ངོས་རང་བོད་ཀྱི་ཡུལ་མི་ཞིག་ཡིན་པས་རང་འགན་ངེས་པར་བསྒྲུབ་རྒྱུར་བརྟེན། རིམ་བཞིན་གནད་དོན་འདིའི་དགག་དགོས་རྒྱུ་མཚན་རྣམས་གོ་རྟོགས་ཀྱིས་ངོས་ཀྱི་ཐག་གཅོད་ལ་མོས་མཐུན་དང་ལེན་བྱེད་པའི་ཡིད་ཆེས་ཡོད།” ཅེས་དང་།
སྤྱི་འཐུས་སུ་བརྩལ་བའི་གསུང་འཕྲིན་ནང་གསལ་དོན། ༼སྐབས་འདིར་ནན་བརྗོད་བྱ་རྒྱུ་ཞིག་ལ། བར་སྐབས་དེར་བཙན་བྱོལ་བོད་མིའི་སྡོད་སྒར་ཁག་གིས་མཚོན་བོད་ཕྱི་ནང་གི་མང་ཚོགས་དང༌། མི་སྒེར་མང་པོས་ལྷག་བསམ་ཟོལ་མེད་ཀྱིས་ངོས་ལ་སྔར་བཞིན་ཆབ་སྲིད་ཀྱི་འགན་ཁུར་མུ་མཐུད་བྱ་དགོས་རེ་བསྐུལ་བྱུང་ཡང༌། ངོས་ཀྱི་སྲིད་དབང་རྩིས་སྤྲོད་བྱ་རྒྱུའི་བསམ་ཚུལ་འདི་འགན་ཁུར་བྱེད་འདོད་མེད་པའམ། སེམས་ཤུགས་ཆག་པ། བོད་མིའི་བདེན་དོན་འཐབ་རྩོད་བློས་བཏང་བ་ཞིག་གཏན་ནས་མ་ཡིན་པར་བོད་མིའི་འཕྲལ་ཕུགས་ཀྱི་ཁེ་ཕན་ཁོ་ནའི་ཆེད་དུ་དམིགས་པ་ཞིག་ཡིན། བོད་དོན་བདེན་མཐའ་མ་གསལ་བར་བཙན་བྱོལ་བོད་མིའི་སྒྲིག་འཛུགས་འདི་རྒྱུན་གནས་ཐུབ་པ་དང༌། བོད་མིའི་དྲང་བདེན་གྱི་འཐབ་རྩོད་རྒྱུན་སྐྱོང་ཐུབ་པ་ཞིག་དགོས་གལ་ཤིན་ཏུ་ཆེ་ཞིང༌། ཅི་སྟེ་ད་དུང་ལོ་བཅུ་ཕྲག་འགའ་ཤས་མུ་མཐུད་གནས་དགོས་པ་བྱུང་ན་ངོས་ནས་འགོ་ཁྲིད་བྱེད་མ་ཐུབ་པའི་དུས་ཤིག་ངེས་པར་ཡོང་རྒྱུ་ཡིན་པ་ནི་ཚང་མས་ཤེས་གསལ་དང༌། ད་ལྟ་ངོས་རང་བདེ་ཐང་ཡོད་སྐབས་ནས་བཙན་བྱོལ་བོད་མིའི་སྒྲིག་འཛུགས་ཀྱི་འགན་ཁུར་ཆ་ཚང་ྋརྒྱལ་བ་རིན་པོ་ཆེར་བརྟེན་མི་དགོས་པར་རང་ཚུགས་ཐུབ་པ་ཡོང་རྒྱུའི་གོམས་གཤིས་འཇགས་ཐབས་སུ། ལམ་སྲོལ་འདི་ད་ལྟ་ནས་ལག་བསྟར་བྱེད་རྒྱུ་བྱུང་ན་དཀའ་ངལ་འཕྲད་ཚེ་སེལ་ཐབས་སུ་ངོས་ཀྱིས་མཐུན་འགྱུར་བྱེད་ཐུབ། དེ་མིན་འདི་མུར་ལུས་ཏེ་ནམ་ཞིག་གློ་བུར་ངོས་ཀྱི་འགོ་ཁྲིད་མེད་པའི་དུས་སྐབས་ཤར་ཚེ་ཅི་བྱ་གཏོལ་མེད་ཀྱི་གནས་ཚུལ་ཞིག་ཡོང་སྲིད་པས་དེ་འདྲ་མི་ཡོང་ཆེད་ད་ལྟ་ནས་ངེས་པར་ལག་ལེན་བྱེད་དགོས་པ་དེ་བོད་མི་ཡོངས་ཀྱི་གལ་ཆེའི་ལས་འགན་ཞིག་ཏུ་གྱུར་ཡོད། ངོས་རང་བོད་ཀྱི་ཡུལ་མི་ཞིག་ཡིན་པ་དང༌། བོད་མི་རིགས་དང་རྒྱལ་དབང་སྐུ་ཕྲེང་དབར་ལས་སྨོན་གྱི་འབྲེལ་བའི་དབང་གིས་རྒྱ་ཆེའི་མང་ཚོགས་ཚང་མའི་ཡིད་ཆེས་བློ་གཏད་ཡོད་པ་དེ་སྲིད་དུ་ངོས་ནས་བསྟན་སྲིད་སྤྱི་དོན་ཡལ་བར་འདོར་མི་སྲིད་ཅིང༌། བོད་ཀྱི་རྩ་དོན་སྒྲུབ་ཐབས་དང༌། ཆོས་ཕྱོགས་ཀྱི་བྱེད་སྒོ་མཐའ་དག་རྒྱུན་འཁྱོངས་ངེས་པར་བྱེད་རྒྱུར་ཚང་མས་བློ་གཡེང་མི་དགོས།༽ ཞེས་གསུངས་འདུག་པས་ཚང་མས་བསམ་བློ་ཡག་པོ་བཏང་དགོས་ལ་གཞན་ཟེར་རྗེས་འབྲངས་དང་གཡམ་རྒྱུག་ནམ་ཡང་བྱེད་མི་རུང་།
༸གོངས་ས་སྐྱབས་དགོན་ཆེན་པོའི་སྐུ་ཚེ་རིང་བ་དང་དགོངས་དོན་ལྷུན་གྱི་གྲུབ་པ་ཤོག་་ ལྷག་བསམ་ཡིན་ཁུལ་གྱི་རྒྱ་བའི་བཀའ་ལ་དགགས་ཆ་བྱེད་མཁན་ཚང་མ་ཕམ་པར་ཤོག་ བཀའ་ཁྲི་གསར་པའི་མཛས་ཕྲིན་རྒྱས་པ་ཤོག་