༧གོང་ས་མཆོག་གི་གསུང་འཕྲིན་ལག་ལེན་བསྟར་ཕྱོགས་ཐོག་འཆར་འགོད་ཚོགས་ཆུང་ཞིག་བཙུགས་ཏེ། ཕྱི་ཚེས་ ༢༣ བར་སྙན་ཐོ་འབུལ་དགོས་པའི་ཐག་གཅོད་གནང་སོང་།
ཕྱི་ཚེས་༡༨ཉིན་གྲོས་ཚོགས་ནང་༧གོང་ས་མཆོག་གི་གསུང་འཕྲིན་ཐད་བགྲོ་གླེང་ཞིབ་ལྷུག་གནང་མཐར་དོན་ཚན་གསུམ་ཅན་གྱི་གྲོས་ཆོད་ཅིག་བཞག་སྟེ། ༸གོང་ས་མཆོག་གིས་བོད་མིའི་ཆོས་སྲིད་གཉིས་ཀྱི་མཛད་ཁུར་མུ་མཐུད་བཞེས་རྒྱུར་གསོལ་འདེབས་ཞུས་ཡོད་ཀྱང་། ཕྱི་ཚེས་༡༩ཉིན་༸གོང་ས་མཆོག་གིས། སྐུ་སྒེར་ཡིག་ཚང་བརྒྱུད་དེ་སྔོན་གསུང་འཕྲིན་ནང་ཞིབ་གསལ་འཁོད་པ་ལྟར། ཁོང་གི་དགོངས་བཞེད་ཀྱི་ཐག་གཅོད་དེར་འགྱུར་བ་མེད་སྐོར་གསལ་བཤད་ཀྱིས་གྲོས་ཆོད་དེ་ཕྱིར་སློག་གནང་ཡོད་སྟབས།
དེ་རིང་སྔ་དྲོར་བསྐྱར་དུ་སྤྱི་འཐུས་གྲོས་ཚོགས་ནང་གཞུང་འབྲེལ་གྲོས་ཆོད་གྲོས་འཆར་ཞིག་ཕེབས་ཏེ། “དང་པོ། ད་ཆ་༸གོང་ས་མཆོག་གི་གསུང་འཕྲིན་དགོངས་དོན་ཉམས་ལེན་ཞུ་ཕྱོགས་ཐད་འཆར་གཞི་ཞིབ་ཕྲ་ཞིག་བསྒྲིག་རྒྱུ་གལ་གནད་ཆེ་སྟབས།ཚོགས་གཙོ་ལྷན་རྒྱས་ནས་ལས་འཆར་ཚོགས་ཆུང་ཞིག་བསྐོས་འཛུགས་གནང་སྟེ།ཚོགས་ཆུང་དེས་འདི་ཟླའི་ཕྱི་ཚེས་༢༣འགྱངས་མེད་ལས་འཆར་སྙན་ཐོ་ཞིག་གྲོས་ཚོགས་སུ་འབུལ་ཐུབ་པ་དགོས་རྒྱུ། གཉིས་པ།ལས་འཆར་དེའི་ཐོག་གྲོས་ཚོགས་སུ་བགྲོ་གླེང་གིས་འབྱུང་འགྱུར་གྱི་ལས་རིམ་གོ་སྒྲིག་གནང་རྒྱུ་བཅས་ཀྱི་སྤྱི་མོས་མང་མོས་གྲོས་ཆོད་གནང་རྒྱུ” ཞེས་བཀོད་པ་དེར་སྤྱི་མོས་ཐོག་གཏན་འབེབས་གནང་སོང་།
འདི་ནི་དངོས་གནས་ཁོང་གི་དགོངས་པ་བསྒྲུབ་རྒྱུའི་ལམ་དུ་ཞུགས་པ་ཡིན་པས་དགའ་བསུ་ཞུ།
ཤག་སྒང་པ་ལགས། ཉེ་ལམ་བོད་ཀྱི་དུས་བབ་ཀྱི་ལས་བྱེད་ལ་འཕོ་འགྱུར་གྱི་དབང་གིས་ལས་བྲེལ་ཧ་ཅང་ཆེ་སྟབས། རྩོམ་སྒྲིག་པའི་གཏམ་དང་གསལ་བསྒྲགས། མི་སྣ་ངོ་སྤྲོད་དང་དཔེ་དེབ་ངོ་སྤྲོད་སོགས་མང་པོ་ཞིག་དུས་ལྟར་དྲ་ཐོག་ལ་སྤེལ་མ་ཐུབ་པ་མ་ཟད། ཐ་ན་གསར་འགྱུར་དང་རྩོམ་ཡིག་མང་པོ་ཞིག་ཀྱང་དུས་ལྟར་འདོན་སྤེལ་མ་ཐུབ་པར་ལྷག་ཡོད།
ཉིན་འགའི་སྔོན་མཆན་བུ་འདེབས་མཁན་སྐོར་ཞིག་གིས་ཐུགས་སྣང་ཆེན་པོས། ད་ཆར་རྩོམ་སྒྲིག་པའི་གཏམ་འབྲི་ཐུབ་ཀྱི་ཡོད་མེད་ཀྱི་སྐད་ཆ་ཞིག་བཤད་ཡོད་པ་མཐོང་མ་ཐག བློ་འཚབ་ཅིག་སྐྱེས་ཏེ་དུས་བབ་ཚགས་པར་གྱི་ཇུས་འགོད་པ་ལགས་སུ་མངགས་བཀོལ་བྱས་ཏེ། ཚགས་པར་འདོན་ཐེངས་སྔ་ཕྱིའི་རྩོམ་སྒྲིག་པའི་གཏམ་རྣམས་དྲ་ཐོག་ལ་འཇོག་རོགས་ཞུས་ཡོད་ཀྱང་། ཁོང་ལ་ཉམས་མྱོང་མེད་པའི་དབང་གིས་སྤྱིའི་འདོན་ཐེངས་ཀྱི་གྲངས་ཀ་མི་གསལ་བ་མ་ཟད། ད་དུང་རྩོམ་སྒྲིག་པའི་གཏམ་འགའ་ཡང་ལྷག་ཡོད་ཚོད་འདུག་པས་ན། དེ་དག་ཀྱང་ཡག་བཙོག་དང་བཟང་ངན་ལ་མ་ལྟོས་པར་གང་མགྱོགས་བསྐྱར་བཅོས་དང་། ལྷག་འཕྲོས་རྣམས་ཀྱང་ཁྱེད་ཅག་གི་སྤྱན་ལམ་དུ་འབུལ་ངེས་ཡིན།
བཀུར་འོས་དུས་བབ་ལགས། དེ་རིང་དུས་ཚོད་ཕྲན་བུ་བྱུང་བས། ཡུན་རིང་ནས་གཟིམ་བཞུགས་པའི་བོད་ཀྱི་དུས་བབ་རྩོམ་སྒྲིག་པའི་གཏམ་གྱི་སྒེའུ་ཁུངས་ནང་འཛུལ་འཕྲལ། དུས་ཚེས་གཅིག་ཏུ་རྩོམ་སྒྲིག་པའི་གཏམ་བརྒྱད་ཏག་ཏག་སྤེལ་གནང་འདུག་པར། དགའ་བ་དང་ཡ་མཚན་ཟུང་གིས་ལྟ་ཀློག་བྱས་པ་ཡིན། འཐབ་ལམ་གྱི་ངོ་བོ་འཚོལ་བ་ཟེར་བར་མཆན་བུ་ཞིག་བྲིས་ཀྱང་བཀག་ནས་མེད་གསུངས་པའི་རྒྱུ་མཚན་མ་ཤེས། གང་ལྟར་སླར་ཡང་དཔྱད་གཏམ་སྤེལ་པར་རྟེན་འབྲེལ་ཐུགས་རྗེ་ཆེ་ཞུ།
ཚོགས་ཆུང་གི་ཚོགས་མི་བཀའ་བློན་ཁྲི་པ་མཁས་དབང་ཟམ་གདོང་བློ་བཟང་བསྟན་འཛིན་མཆོག་དང་། སྤྱི་འཐུས་ཚོགས་གཞོན་རྒྱ་རི་སྒྲོལ་མ་ལགས། སྤྱི་འཐུས་ཆབ་བྲག་ལྷ་མོ་སྐྱབས་ལགས་གསུམ་ལ་ཐུགས་གཏན་འཁེལ་འདུག
འཆར་འགོད་ཚོགས་ཆུང་མིང་དོན་མཚུངས་སམ། ད་ལྟའི་སྤྱི་འཐུས་ཀྱི་ལག་པ་འཕྱིས་ས་རེད། བོད་མི་དམངས་ཀྱི་མིག་འབུར་ལྟོད་ས་མ་ནོར་བ་གྱིས།
༸གོང་ས་སྐྱབས་མགོན་མཆོག་ལ་ལྷ་ཕྱག་གྲངས་མེད་སྔོན་དུ་བཏང་ཏེ། དེ་རིང་ཁོང་ཉིད་ནས་བོད་མིའི་འཕྲལ་ཕུགས་ཁོ་ནར་གཟིགས་ནས་སླར་ཡང་གསུང་འཕྲིན་རིན་པོ་ཆེ་ཕྱིར་སློག་མ་གནང་ན། སྤྱི་འཐུས་འདི་ཚོས་མ་འོངས་བོད་ཀྱི་ཕུགས་རེ་བསྐྱུར་གྲབས་རེད། དུས་གསུམ་སངས་རྒྱས་ཁྱེད་ལ་རྟག་ཏུ་འདུད་དོ།།
དངོས་གནས་ནམ་རིང་སྒྲུང་གིས་འཁྱོལ་ཐབས་མེད།
བཀུར་འོས་སྤྱི་འཐུས་ལྷན་རྒྱས་ཀྱིས་བོད་མི་རིགས་ཀྱི་འཕྲལ་ཕུགས་རྒྱང་གསུམ་ལ་དགོངས་པ་བཞེས་ཏེ། ༸གོང་ས་མཆོག་གིས་ཅི་གསུང་བཀའ་སྒྲུབ་གནང་རྒྱུ་ནི་གཡོལ་དུ་མེད་པའི་ལོ་རྒྱུས་ཀྱི་འགན་དབང་ཞིག་དང་། མི་ལོ་ལྔ་བཅུའི་རྗེས་ཀྱི་གནད་དོན་གལ་ཆེ་ཤོས་ཤིག་ཡིན་སྟབས། ལོ་རྒྱུས་ཀྱི་ཟིན་ཐོ་འདི་བཞིན་འབྱུང་འགྱུར་བོད་མི་རིགས་སྤྱི་ཡི་འཚོ་གནས་དང་འབྲེལ་ཡོད།
མདོར་ན། སྡུག་ས་ནས་བཤད་ན། ༸གོང་ས་མཆོག་ལ་ང་ཚོས་སྐྱབས་འཇུག་དང་རེ་འབོད་ཡང་ཡང་ཞུས་ཆོག་ཀྱང་། འཆི་བ་མི་རྟག་པར་ང་ཚོས་སྐྱབས་འཇུག་དང་རེ་བ་ཇི་ལྟར་ཞུ་གི་ཡིན་ནམ།