ལས་འཆར་ཚོཊ་ཆུང་གི་སྙན་ཐོ་གྲོས་ཚོགས་ནང་སྙན་སྒྲོན།

དགའ་ལྡན་ཕོ་བྲང་ཞེས་པའི་མིང་བྱང་ཡང་སྐབས་བསྟུན་འགྱུར་བ་གཏོང་དགོས་ཞེས་༸གོང་ས་མཆོག་གིས་ལམ་སྟོན་ནན་ཏན་དུ་གསུང་དོན་གང་ལ་ཐུག་གི་ཡོད་པ་རེད། ད་ལན་བཅའ་ཁྲིམས་བསྐྱར་བཅོས་ལ་དེ་རྩ་བ་ནས་གླེང་གི་མེད་པ་འདི་གནད་དོན་ག་རེ་བརྟེན་ནས་འགག་བསྡད་ཀྱི་ཡོད་པ་རེད།

༸གོང་ས་མཆོག་གིས་གྲོས་ཚོགས་སུ་ཕེབས་པའི་གསུང་འཕྲིན་ནང་བོད་ཀྱི་རྒྱལ་རབས་རིམ་བྱུང་གི་འཕེལ་ཕྱོགས་ངོ་སྤྲོད་གནང་ཡོད་པ་དེ་བཙན་བྱོལ་བོད་མིའི་བཅའ་ཁྲིམས་ཀྱི་སྔོན་གླེང་ནང་བཀོད་ན་ཏག་ཏག་རེད་མ་གཏོགས། ད་ལན་ལས་འཆར་ཚོགས་ཆུང་གིས་སྔོན་གླེང་གསར་པ་ཞིག་བཟོས་ཡོད་པ་དེ་ད་ལན་༸གོང་ས་ཆེན་པོས་གནང་བའི་གསུང་འཕྲིན་གྱི་ནང་གསལ་བའི་བོད་ཀྱི་ལོ་རྒྱུས་གསུང་ཕྱོགས་དང་ཏག་ཏག་སྡོད་ཀྱི་མི་འདུག མདོར་ན་བཅའ་ཁྲིམས་བཟོ་སྐབས་གྲོས་ཆོད་གླེང་བ་འདི་རིགས་ཏག་ཏག་སྡོད་ཀྱི་མ་རེད་སེམས།
དེ་ཡང་ལས་འཆར་འཆར་ཚོགས་ཆུང་གིས་བཟོས་པའི་སྔོན་གླེང་ནང་། ཕྱི་ལོ་ ༡༦༤༢ ལོར་གཞུང་ས་དགའ་ལྡན་ཕོ་བྲང་དབུ་བརྙེས་ཏེ་ྋགོང་ས་ལྔ་པ་ཆེན་པོས་ཆོས་སྲིད་ཀྱི་མངའ་དབང་བཞེས་པ་ནས་བཟུང་གཞུང་དགའ་ལྡན་ཕོ་བྲང་དེ་ཆོལ་གསུམ་བོད་རིགས་ཡོངས་ཀྱི་ཁྲིམས་མཐུན་གྱི་གཞུང་དུ་གྱུར་ཅིང༌། རྒྱལ་དབང་སྐུ་ཕྲེང་ན་རིམ་གྱིས་སྲིད་དབང་བསྐྱངས། ཕྱི་ལོ་ ༡༩༥༠ ལོར་ྋགོང་ས་སྐུ་ཕྲེང་བཅུ་བཞི་པ་ཆེན་པོ་མཆོག་གིས་ཆབ་སྲིད་ཀྱི་མངའ་དབང་བཞེས་ཤིང༌། ༡༩༥༡ ལོར་རྒྱ་ནག་མི་དམངས་སྤྱི་མཐུན་རྒྱལ་ཁབ་དང་མཉམ་གྲོས་མཐུན་དོན་ཚན་བཅུ་བདུན་བཙན་འོག་ཏུ་འཇོག་དགོས་བྱུང་སྟེ་དགའ་ལྡན་ཕོ་བྲང་པའི་གཞུང་ས་གནས་གཞུང་ལྟ་བུར་གྱུར་ཀྱང༌། བོད་མིའི་ཁྲིམས་མཐུན་གྱི་གཞུང་གི་ངོ་བོར་རྒྱུན་གནས་ཐོག ྋགོང་ས་མཆོག་གི་སྔར་ཡོད་སྐུ་དབང་ལ་འགྱུར་བ་མེད་པ་གྲོས་མཐུན་དུ་གསལ། རྒྱ་དམར་དཔུང་དམག་གིས་གྲོས་མཐུན་རྩིས་མེད་དང་དྲག་གནོན་དབང་གིས་ྋགོང་ས་མཆོག་དང་བཀའ་ཤག་བཅས་རྒྱ་གར་དུ་བཙན་བྱོལ་དུ་ཕེབས་དགོས་བྱུང་བ་དང༌། དེ་འཕྲལ་གྲོས་མཐུན་དོན་ཚན་བཅུ་བདུན་རྩིས་མེད་ཀྱི་གསལ་བསྒྲགས་བསྐྱངས། གཞིས་བྱེས་བོད་མི་ཡོངས་ཀྱིས་ྋགོང་ས་མཆོག་དང་ཁོང་གི་བཀའ་ཤག་གང་དུ་ཡོད་པ་དེར་བོད་མིའི་ཁྲིམས་མཐུན་གྱི་གཞུང་ཡོད་པར་ཡིད་ཆེས་དང་ངོས་འཛིན་བྱེད་བཞིན་པ་ཡིན།

༸རྒྱལ་བ་རིན་པོ་ཆེ་བཀའ་དགོངས་ལྟར། བསྒྱུར་བ་བཏང་ན། ཕྱི་ནང་གསང་གསུམ་ནས་བསྒྱུར་བ་གཏོང་ཤོག དེ་མིན་ན། བཙན་བྱོལ་སྐྱིད་སྡུག་གི་དམངས་གཚོའི་ཀ་བ་གསུམ་གྱི་གནས་ལས། རང་བཞིན་གྱིས་རྩ་དགོངས་ཞུས་ན། སྤྱི་སྒེར་གཉིས་ཀ་ལ་ཕན་བགྱིད་རེད།

་་་་བསོད་བདེ་དམན་པ་ཞིག་ཏུ་མི་བརྩི་བར། བྱུང་རབས་ཀྱི་དོན་སྙིང་ལྡན་པའི་གོ་སྐབས་ཤིག་ཏུ་བརྩི་བ་ནི། དོན་ལྡན་པ་ཞིག་ལས་མ་འདས་པས། རྗེས་སུ་ཡི་རང་གི་གནས་སོ། །

འཇིགས་བྲལ་བསྟན་འཛིན་ཟེར་བ་དེས་སྨྲ་བརྗོད་རང་དབང་གི་ཁོར་ཡུག་བཟུང་ནས་གོ་སྐབས་བཙལ་ཏེ། སྔ་ཕྱི་མང་པོར་གཞི་མེད་ཀྱིས་སྣེ་འདོགས་དང་རྒྱ་ནག་གི་གླེང་ཕྱོགས་ལྟ་བུའི་ཚིག་མཚོན་མང་དག་ཅིག་གི་རྩེ་མོ། བོད་གཞུང་གི་ཆེས་མཐོའི་མི་སྣའི་ཁྲོད་ཀྱི་བཀའ་བློན་ཁྲི་པ་དང་ཤེས་རིག་བཀའ་བློན། གྲོས་ཚོགས་ཀྱི་མི་སྣ་སོགས་སུ་གཏད་དང་གཏོད་བཞིན་པ་རེད། དངོས་ཡོད་དང་རྒྱུ་མཚན་རྒྱབ་ལྗོངས་ལ་ཁྱེར་ནས་མདུན་དུ་བུད་ཤོག་དང་དགའ་བསུ་ཞུ་ཆོག
གཟིགས་དང་། དཔེར་ན་འདིའི་ཟིན་བྲིས་ནང་། (ཟམ་གདོང་གིས་བཏོན་པའི་ལས་འཆར་འདི་དག་གིས་ག་རེ་དཔང་རྟགས་བྱེད་བཞིན་འདུག་ཟེར་ན། རྒྱ་ནག་གཞུང་གིས་ཏཱ་ལའི་བླ་མས་འཁྲབ་སྟོན་རེད་ཟེར་བ་དོན་དངོས་ཆགས་རྒྱུ་ཡིན་པའི་ལས་འཆར་ཞིག་བཏོན་ཡོད་པ་དེ་རེད། )ཅེས་བྲིས་འདུག ལྟོས་དང་ཁོས་བཤད་པའི་སྐད་ཆ་དེ་ཚོ་གཞི་ཡོད་ཅིག་རེད་དམ་གཞི་མེད་ཅིག་རེད། བཀའ་ཁྲི་མཆོག་གིས་སྒྲོག་སྦྱང་གནང་བའི་ལས་འཆར་ཚོགས་ཆུང་གི་རྒྱབ་གཉེར་སྙན་ཐོའི་ནང་གསལ་པོ་རེད། ད་དུང་ཁོས་༸གོང་ས་མཆོག་གི་གསུང་འཕྲིན་ལོག་འགྲེལ་བྱས་ཏེ། (ད་ལྟའི་བཙན་བྱོལ་བོད་གཞུང་གི་ཆབ་སྲིད་ཀྱི་ངོ་བོ་དང་ལས་དོན་བྱེད་ཕྱོགས་གཉིས་ཀ་ངེས་པར་འགྱུར་བ་འགྲོ་དགོས་པའི་ལམ་སྟོན་རེད།) ཟེར། འདི་ཟླའི་ཚེས་༢༢ ཉིན་རྒྱ་ནག་གཞུང་འབྲེལ་གསར་གནས་མི་དམངས་ཉིན་རེའི་ཚགས་པར་སྟེང་། བློ་སེང་སྲིད་གཞུང་ལ་རྒོལ་བརྡུང་གི་ཡིག་ཆའི་ནང་། མ་འོང་པར་དྲག་སྤྱོད་ཀྱི་རྣམ་པའི་ཐོག་ནས་བོད་རང་བཙན་རྩོད་སྲིད་པར་མ་ཟད། བོད་ནང་དུ་མུ་མཐུད་ངན་བྱུས་དང་འཁོན་འཛིན་གྱི་ས་བོན་གཏོར་སྲིད། ཅེས་འཁོད་པ་དང་བསམ་བློའི་འཁོར་ཕྱོགས་འདྲ་པོ་མི་འདུག་པས།
བཀའ་ཁྲི་མཆོག་གིས་གསུང་ན། ( ཀ ༽ ཕྱོགས་གཅིག་ནས་༸གོང་ས་མཆོག་གི་བཀའི་ཕེབས་སྒོ་གཞིར་བཟུང་བཅའ་ཁྲིམས་ཀྱི་སྒྲོམ་གཞི་ལ་འགྱུར་བ་གཏོང་བའི་བསྐྱར་བཅོས་དང་འབྲེལ་འོས་འདེམས་བྱས་པའི་མགོ་ཁྲིད་རྣམས་ཀྱིས་ཆབ་སྲིད་དང་འཛིན་སྐྱོང་གཉིས་ཀའི་འགན་ཁུར་ཆ་ཚང་ཐུབ་པའི་ཆ་རྐྱེན་བསྐྲུན་རྒྱུ། ཁ ༽དེ་དང་ཆབས་ཅིག་ཕྱོགས་གཞན་ནས་གསུང་འཕྲིན་རིན་པོ་ཆའི་ནང་ “ ངོས་རང་བོད་ཀྱི་ཡུལ་མི་ཞིག་ཡིན་པ་དང་། བོད་མི་རིགས་དང་རྒྱལ་དབང་སྐུ་ཕྲེང་བར་ལས་སྨོན་གྱི་འབྲེལ་བའི་དབང་གིས་རྒྱ་ཆེའི་མང་ཚོགས་ཚང་མའི་ཡིད་ཆེ་བློ་གཏད་ཡོད་པ་དེ་སྲིད་དུ་ངོས་ནས་བོད་ཀྱི་བསྟན་སྲིད་སྤྱི་དོན་ཡལ་བར་འདོར་མི་སྲིད།” ཅེས་པའི་ཞལ་བཞེས་བཟང་པོ་ལ་འཁྲིལ་ཏེ་༸གོང་ས་སྐུ་ཕྲེང་བཅུ་བཞི་པ་མཆོག་གིས་གཞིས་བྱེས་བོད་རིགས་ཡོངས་ཀྱི་བླ་ན་མེད་པའི་སྐྱབས་མགོན་དང་། བླང་དོར་ལམ་སྟོན་པའི་མཛད་ཁུར་རྒྱུན་སྐྱོང་ཡོང་བའི་གསོལ་འདེབས་ཞུ་རྒྱུའི་བརྒྱུད་ལམ་གསར་བ་ཞིག་འཚོལ་ཐུབ་པའི་ཐབས་ཤེས་གནང་དགོས་པའི་རྒྱབ་གཉེར་ཞུ་རྒྱུ་ཡིན། )ཞེས་བསྟན་པའི་དགོངས་དོན་ཁོ་པའི་བསམ་བློའི་ནང་ཇི་ལྟར་ཤོང་མིན་ལ་མ་ལྟོས་པར་ངོ་ཚ་ཁྲལ་མེད་ཀྱིས་བཤད་རྒྱུར།
(ཁ་ཕྱོགས་གང་དུ་འགྲོ་མིན་མི་གསལ་བའི་གཏམ་བཤད་གནང་ཡོད་པ་དང་། གསུང་འཕྲིན་གྱི་གནད་ཆེའི་དགོངས་པ་སྐོར་ཅིག་རྩ་བ་ནས་གླེང་སློང་གནང་མེད།) ཟེར། འདི་གཅིག་པུའི་ཐོག་ནས་ཁོ་པ་སྤྱི་དོན་ལ་སེམས་ཁུར་བྱེད་ངེས་ཤིག་ཡིན་མིན་གསལ་པོ་བསྟན་པ་རེད། ད་རུང་(བོད་རྒྱ་ཞི་མོལ་ལྟ་བུ་སོགས་དགའ་ལྡན་ཕོ་བྲང་གིས་བོད་ཀྱི་སྲིད་སྐྱོང་བའི་བྱེད་ཕྱོགས་རང་བཞིན་གྱིས་འགག་འགྲོ་བ་ཡིན་པས་རང་བཞིན་ནུས་མེད་དུ་འགྲོ་རྒྱུ་ཡིན།) ཟེར་བཞིན་རྐང་བརྡབ་ལག་བརྡབ་བྱེད་ཀྱིན་འདུག་ལ། བོད་རྒྱ་ཞི་མོལ་ནི་སྐྱབས་མགོན་རིན་པོ་ཆེའི་བླ་བྲང་གིས་ལངས་ཕྱོགས་ཤིག་སམ། བོད་རྒྱ་ཞི་མོལ་ཚོགས་ཆུང་བླ་བྲང་དེའི་སྲིད་ལས་ཕྱོགས་སྐྱོད་པ་ཞིག ཡང་ན་བཀའ་བློན་ཁྲི་པ་བླ་བྲང་དེའི་སྒེར་ཉར་མི་སྣ་ཞིག་ལས་བསམ་བློ་འཁོར་གྱི་མི་འདུག
ཁོས་མུ་མཐུད་དོན། (བོད་དོན་འདི་ཏཱ་ལའི་བླ་མའི་གནད་དོན་མིན་པ་གསལ་པོ་བཟོ་དགོས་པ་སྟེ། )ཟེར་ནས་ཧམ་བཤད་བྱེད་པར་གཞིགས་ན། ཧ་ལམ་བཀའ་བློན་ཁྲི་པ་དང་སྤྱི་འཐུས་ཚོགས་གཞོན་གྱིས་བོད་དོན་༸གོང་ས་མཆོག་སྒེར་གྱི་གནད་དོན་ཞིག་ཏུ་ཆེད་བསྒྱུར་གནང་ཡོད་པ་ལྟབུ་བསྟན་འདུག དྲ་གྲོགས་ཚོས་ཁོ་པའི་སྐད་ཆ་དེ་ཚོའི་རྒྱབ་ལྗོངས་ལ་ཞིབ་དཔྱོད་གནོངས་དང་། དཀྲོག་གཏམ་འདི་ཚོའི་རིགས་ཆེད་སྤེལ་བྱས་ཏེ། སྤྱི་ཚོགས་ནང་ཟིང་སློང་བཟོ་མ་དགོས་ན་ཡག་པོ་རེད། གལ་སྲིད་ཁོ་པར་དེ་འདྲའི་ལས་དོན་མ་བྱས་ན་ལྟོ་གོས་མི་རྙེད་པ་ཡིན་ན་ང་ཚོས་རིམ་པས་ལྟ་ཆོག་གི་རེད། སྤྱིར་བཏང་ཁོའི་སྔ་ཕྱི་བར་གསུམ་གྱི་བྱས་ཉེས་མང་པོ་ཞིག་གང་མགྱོགས་སྤྱི་ཚོགས་ནང་གསལ་པོ་ཆགས་ཀྱི་རེད་སྙམ། ལྷག་པར་དུ་རྒྱལ་བ་རིན་པོ་ཆེའི་གསུང་འཕྲིན་ཚིག་རིས་ཇི་བཞིན་དྲངས་ཏེ། ད་ལྟའི་བཙན་བྱོལ་བོད་གཞུང་གི་ཆབ་སྲིད་ཀྱི་ངོ་བོ་དང་ལས་དོན་བྱེད་ཕྱོགས་གཉིས་ཀ་ངེས་པར་འགྱུར་བ་འགྲོ་དགོས་པའི་ལམ་སྟོན་ཡིན་སྟངས་སྡིངས་ཆ་འདི་བརྒྱུད་དེ་སྤྱི་ཚོགས་ནང་གསལ་པོ་བཟོ་དགོས་ཀྱི་ཡོད།
ད་ཐེངས་ཀྱི་ལས་འཆར་ཚོགས་ཆུང་ནང་བཀའ་བློ་ཁྲི་པ་ཕེབས་ཡོད་པ་དེ། བཙན་བྱོལ་སྤྱི་ཚོགས་ནང་རྒྱུས་མངའ་ཆེས་ཤོས་ཀྱི་གྲས་དང་ལོ་ངོ་བཅུ་ཕྲག་གི་བཀའ་ཁྲིའི་ཐུགས་འགན་འཇུག་སྐྱོང་གནང་བཞིན་པ། ༸གོང་ས་མཆོག་གི་བཀའ་དགོངས་ལ་ཐུགས་ཞིབ་ཆེས་ཤོས་ཀྱི་གྲས་དང་ད་ཡོད་བཙན་བྱོལ་སྒྲིག་འཛུགས་ཀྱི་ཁྲིམས་ཡིག་མང་ཆེ་བའི་འཛུགས་བསྐྲུན་ཆ་ཤས་བཞེས་མྱོང་བ་སོགས་ཀྱིས་ཡིན་པ་ལས། སྒེར་འཁོན་རྒྱུན་སྐྱོང་བ་རྩ་གཏོར་གཏོང་བའི་ཆེད་མིན་པ་རྩ་བའི་ཆ་ནས་ངེས་ཤེས་རྙེད་ཐུབ་པ་ཞིག་རེད།

མི་གཅིག་གི་དབང་འཛིན་པའི་དུས་སྐབས་རྫོགས་ཟིན་པ་བདེན་ཡང་། ༧གོང་ས་སྐྱབས་མགོན་པོའི་མཚན་གནས་རྗེས་འབྲེལ་དང་བྲལ་བའི་ཆབ་སྲིད་ལམ་ལུགས་ཤིག་མེད་ན་མང་གཙོ་མི་ཡོང་པའི་ཚིག་ཐག་སུས་ཀྱང་མ་བཅད་ལ། ༧རྒྱལ་བ་བསྟན་འཛིན་རྒྱ་མཚོ་ལྟ་བུའི་མཁས་མཛངས་ཀྱི་༧རྒྱལ་བ་རིན་པོ་ཆེ་རིམ་པར་བྱོན་པ་ཡིན་ན། ང་ཚོའི་བཅའ་ཁྲིམས་ཀྱི་སྒྲོམ་གཞི་ལ་ཅིའི་ཕྱིར་འགྱུར་བ་གཏོང་དགོས་ཀྱི་ཡོད་ན། ༧རྒྱལ་བ་རིན་པོ་ཆེ་འདིའི་ཐུགས་རྗེ་ཀློང་གི་མ་འོངས་བོད་དེ་མངོན་འགྱུར་བྱེད་དགོས་ཚེ། ཁོང་གི་འགན་ཁུར་ཆེན་པོ་གསུམ་དང་འབྲེལ་བའི་ལྟ་སྤྱོད་ལ་རྗེས་འཇུག་བོད་མི་མང་དག་ཅིག་བྱོན་དགོས་ཚེ། དེས་འཛམ་གླིང་སྤྱི་ནས་ཁྱིམ་ཚང་གཅིག་གི་འཚོ་བ་ཚུན་ཆུད་དུ་བདེ་སྐྱིད་སྤྲོད་རྒྱུའི་གོམས་གཤིས་རུས་གསེང་དུ་འཇགས་དགོས་ཚེ། ༧རྒྱལ་བ་རིན་པོ་ཆེའི་མཁས་མཛངས་དང་ཡ་མ་བྲལ་བའི་བཅའ་ཁྲིམས་ཤིག་དགོང་ངེས་ལ། ༧རྒྱལ་བ་རིན་པོ་ཆེས་དོན་དམ་མི་གཅིག་དབང་འཛིན་གནང་གི་མེད་པས་ད་ལྟའི་ལུགས་སྲོལ་འདིས་མང་གཙོ་ཁོ་ལག་རྫོགས་རྒྱུར་དོན་དམ་པས་ཅི་ཞིག་གནོད་ཀྱི་ཡོད་ན། སུ་ཞིག་གིས་མ་འོངས་བོད་མི་རིགས་འདིའི་ཁ་སྟབས་ཁོ་ནར་བསམས་ནས་འདི་དང་འདིས་གནོད་ཀྱི་འདུག་ཅེས་སྨྲ་ཐུབ་མཁན་ཞིག་བོད་པ་ཕར་ཞོག ས་ཡི་གོ་ལ་འདིར་མི་ཞིག་ཨེ་ཡོད་ན། ང་ལ་དོགས་པ་ཡིན།

ད་གང་ཤེས།
བཀའ་ཁྲི་མཆོག་ཚོགས་ཆུང་འདིར་བཞུགས་དགོས་དོན་གང་ཡིན་ནམ།
སྤྱི་འཐུས་ཚོས་མ་འཇོན་པ་ཡིན་ནམ།
གཙོ་བོ་རྒྱ་ནག་གིས་བརྗོད་གསལ།
ཏ་ལི་བླ་མ་བགྲེས་ཡོལ་ཞུས་ཀྱང་རུང་མ་ཞུས་ཀྱང་རུང།
ལྐོག་གཡོ་ངན་བྱུས་ཀྱིས་བཀས་བཀོད་རྒྱུད་འཛིན་རང་འགྲོ་རྒྱུ་རེད་ཅེས་པར་གདོང་ལེན་གནང་དགོས་པ་རེད།
ད་ཟམ་གདོང་རིན་པོ་ཆེ་ནས་ཀྱང་༧གོང་ས་མཆོག་གི་བཀའ་དགོངས་ལ་རྒྱབ་སྐྱོར་མ་ཞུས་པ་ལྟ་བུར་ཆགས་འགྲོ་ཉེན་འདུག
གཞུང་མང་ཚོགས་ན་ཡང་གསོལ་འདེབས་ཞིག་འབྲི་རྒྱུ་ལས་རྣམ་དཔྱོད་འདོན་མི་ཐུབ།
གཞན་ཡང་ཡེ་ཤེས་དབྱིངས་དཔྱད་སྔར་ཡོད་མེད་པ་བཟོས་ནས་གསར་བཟོ་བྱེད་དགོས་དོན་གང་ཡང་ཡོད་པ་མ་རེད།
ད་མི་མང་ཚོ་མགོ་བོ་རྨོངས་སུ་བཅུག་སོང།
མདོར་ན་འཇིག་བྲལ་བསྟན་འཛིན་ལགས་ཀྱིས་གསུང་པར་རྒྱབ་སྐྱོར་ཡོད།

སྤྱིར་ཐེངས་འདིའི་ལས་འཆར་ཚོགས་ཆུང་ནང་བཀའ་ཤག་བསྡད་ཡོད་པ་དེ་ཅུང་ཡ་མཚན་ཞིག་ཡིན་མོད། ༧གོང་ས་མཆོག་གི་བགྲེས་ཡོལ་དང་འབྲེལ་ཏེ། དགའ་ལྡན་ཕོ་བྲང་གཞུང་གི་ཆབ་སྲིད་ཀྱི་འགན་དབང་ལ་བསྒྱུར་བཅོས་གཏོང་དགོས་པ་དང་། བཙན་བྱོལ་བོད་མིའི་བཅའ་ཁྲིམས་ནང་གི་ཏཱ་ལའི་བླ་མའི་མཚན་གནས་རྗེས་འབྲེལ་གྱི་དོན་ཚན་ཡོངས་ལ་བསྒྱུར་བཅོས་གཏོང་དགོས་སྟབས། བཀའ་ཁྲི་ཟམ་གདོང་རིན་པོ་ཆེ་མཆོག་ནི་སྔོན་མ་བཅའ་ཁྲིམས་ཟིན་བྲིས་ཚོགས་ཆུང་ནང་ཡོད། རྒྱུ་མཚན་དེ་འདྲ་ཞིག་ལ་བརྟེན་ཏེ་ཐེངས་འདིར་ཁོང་ཆེད་དུ་ལས་འཆར་ཚོགས་ཆུང་ནང་བསྐོ་འཛུགས་བྱས་པ་མིན་འགྲོ་སྙམ།

བཀའ་ཁྲི་མཆོག་གིས་གྲོས་ཚོགས་སུ་གསུང་འཕྲིན་འགྲེལ་བརྗོད་ཀྱི་བཀའ་སློབ་གནང་སྐབས་ཁ་ཕྱོགས་གང་དུ་འགྲོ་མིན་མི་གསལ་བའི་གཏམ་བཤད་གནང་ཡོད་པ་དང་། གསུང་འཕྲིན་གྱི་གནད་ཆེའི་དགོངས་པ་སྐོར་ཅིག་རྩ་བ་ནས་གླེང་སློང་གནང་མེད། འདི་ནི་གསུང་འཕྲིན་གསལ་པོ་ཡོད་བཞིན་འགྲེལ་བརྗོད་བྱེད་དགོས་པའི་རྒྱུ་མཚན་གཙོ་བོ་ཆགས་ཡོད། བཀའ་ཁྲི་མཆོག་གིས་གྲོས་ཚོགས་སུ་འགྲེལ་བརྗོད་གནང་ཕྱོགས་བཞིན་ད་ལན་གཤམ་གསལ་གནད་དོན་དེ་དག་གི་ཐད་༸གོང་ས་མཆོག་གི་དགོངས་པ་དང་ལྡོག་ཕྱོགས་སུ་ལངས་ཡོད་པར་ངོས་འཛིན་བྱེད་ཀྱི་ཡོད། དེ་ནི་གཤམ་གསལ་གྱི་གནད་དོན་དེ་རེད།

བཙན་བྱོལ་བོད་མིའི་བཅའ་ཁྲིམས་ཀྱི་སྒྲོམ་གཞི་ལ་གཞི་རིམ་གྱི་འགྱུར་བ་བཏང་ཏེ་ཡུལ་མིའི་རྒྱལ་ཁབ་ཀྱི་ངོ་བོར་བསྒྱུར་དགོས་པར་གསུངས་པ་དང་། དེ་མཚམས་མ་འོངས་བོད་ཀྱི་རྩ་ཁྲིམས་འཆར་ཟིན་དང་ཆབ་སྲིད་ལམ་སྟོན་སོགས་༸གོང་ས་མཆོག་གི་མཚན་གནས་རྗེས་འབྲེལ་གྱིས་སྤེལ་བའི་སྲིད་དོན་གྱི་ཡིག་ཆ་འགའ་ཤས་རང་བཞིན་ནུས་མེད་དུ་འགྲོ་རྒྱུར་གསུངས་པ་འདི་ཡང་བཅའ་ཁྲིམས་བསྐྱར་བཅོས་སུ་”༸གོང་ས་མཆོག་གི་མཚན་གནས་རྗེས་འབྲེལ་གྱི་ཆབ་སྲིད་དང་འཛིན་སྐྱོང་གི་བྱེད་སྒོ་གང་ཡང་མ་དགོས་”པ་ཞིག་བཟོས་པའི་ཉིན་ནས་༸གོང་ས་མཆོག་གི་མཚན་གནས་རྗེས་འབྲེལ་བོད་ཀྱི་ཆབ་སྲིད་སྐོར་གྱི་ལས་དོན་བོད་རྒྱ་ཞི་མོལ་ལྟ་བུ་སོགས་དགའ་ལྡན་ཕོ་བྲང་གིས་བོད་ཀྱི་སྲིད་སྐྱོང་བའི་བྱེད་ཕྱོགས་རང་བཞིན་གྱིས་འགག་འགྲོ་བ་ཡིན་པས་རང་བཞིན་ནུས་མེད་དུ་འགྲོ་རྒྱུ་ཡིན་ལ། འདི་ནི་༸གོང་ས་མཆོག་གིས་བོད་དོན་འདི་ཏཱ་ལའི་བླ་མའི་གནད་དོན་མིན་པ་གསལ་པོ་བཟོ་དགོས་པ་སྟེ་མཚན་གནས་དང་བཅས་པ་བོད་ཀྱི་སྲིད་གཞུང་གི་བྱེད་སྒོ་གང་ཡང་བྱེད་མི་དགོས་པ་ཞིག་བཟོ་དགོས་པའི་མིག་མདུན་གྱི་རྒྱུ་མཚན་གཙོ་བོ་གཅིག་ཡིན་པས་ཟློག་ཐབས་གང་ཡང་མེད་པ་ཞིག་ཡིན། མཛད་ཕྱོགས་འདི་ལ་འགྲེལ་བཤད་གཞན་པ་ཞིག་ཞུས་ན། ད་ལྟའི་བཙན་བྱོལ་བོད་གཞུང་གི་ཆབ་སྲིད་ཀྱི་ངོ་བོ་དང་ལས་དོན་བྱེད་ཕྱོགས་གཉིས་ཀ་ངེས་པར་འགྱུར་བ་འགྲོ་དགོས་པའི་ལམ་སྟོན་རེད།

འདི་དག་གི་ཐད་ཕྲན་གྱི་བསམ་ཚུལ་གསལ་པོ་ཞིག་ཁ་བརྡ་དང་། བང་ཆེན། དུས་བབ་ཟིན་བྲིན་བཅས་སུ་སྤེལ་ཡོད་པ་དེ་དག་ལ་ཞིབ་གཟིགས་གནང་རོགས།

མང་ཚོགས་ཀྱི་ཚོགས་ཆེན་ཟེར་བའི་འཐུས་ཚབ་དེ་ཚོས་ཆབ་སྲིད་དོག་རྩ་དང་༸རྒྱལ་བའི་དགོངས་གཏིང་ངོ་མ་རྟོགས་མིན་སྣ་ཚོགས་སོང་། གསུང་འཕྲིན་རིན་པོ་ཆེའི་དཀའ་གནད་དང་རྒྱབ་འགལ་འགྲོ་སྲིད་པས། ཡིད་གཟབ་གནང་ན་མ་གཏོགས་སླར་ཡང་༌༌༌༌༌༌༌༌༌༌༌