ཡེ་མན་གཞུང་དམངས་བར་ཁྲག་དྲི་བྲོ་བའི་འཁྲུག་རྩོད་རིམ་པར་བྱུང་མཐར་ལོ་ ༣༢ རིང་སྲིད་དབང་སྒེར་སྤྱོད་བྱེད་མཁན་སྲིད་འཛིན་སཱ་ལེ་ཡིས་དམངས་གཙོ་བཅོས་སྒྱུར་བྱ་རྒྱུའི་ཁས་ལེན་བྱས་འདུག
ཉེ་ཆར་དཀྱིལ་ཤར་ཡུལ་གྲུའི་ས་ཁུལ་མང་པོ་ཞིག་ཏུ་མང་ཚོགས་ཚོས་སྲིད་དབང་གཅིག་སྡུད་ལམ་ལུགས་མགོ་རྟིང་སློག་རྒྱུའི་གསར་བརྗེ་ལས་འགུལ་བསྟུད་མུར་སྤེལ་མགོ་ཚུགས་ཡོད་པའི་ཁྲོད། ཡེ་མན་ (Yemen) ཡར་ལངས་ནི་ཤུགས་ཆེ་གྲས་ཤིག་ཆགས་ཡོད་ཅིང་། གཞུང་དང་གསར་བརྗེ་ཕྱོགས་ཁག་བར་འཐབ་འཛིང་ཐེངས་མང་བྱུང་སྟེ། ཕན་ཚུན་གྱི་དམག་མི་དང་མི་སེར་ལ་ཤི་རྨས་ཀྱི་གོད་ཆག་ཚབས་ཆེན་ཐེབས་ཡོད།
ཉིན་འགའི་གོང་ལོ་ ༣༢ རིང་སྲིད་དབང་སྒེར་སྤྱོད་བྱེད་མཁན་ཡེ་མན་རྒྱལ་ཁབ་ཀྱི་སྲིད་འཛིན་སཱ་ལེ་( Ali Abdullah Saleh)ཡིས་གསར་བརྗེ་ཡར་ལངས་པའི་དགོས་འདུན་ཐད་གསལ་བསྒྲགས་ཤིག་སྤེལ་ཏེ། ཡེ་མན་མི་མང་གི་བདེ་འཇགས་ཆེད་དུ་ ༢༠༡༡ གི་ལོ་མཇུག་བར་དུ་ད་ལྟའི་གཞུང་གི་རྩ་ཁྲིམས་ལ་བསྐྱར་བཅོས་དང་། གྲོས་ཚོགས་འཐུས་མི་འོས་འདེམས་བྱ་ཕྱོགས་ཀྱི་སྒྲིག་གཞི་གཏན་འབེབ། དེ་བཞིན་འོས་བསྡུའི་ལམ་ལུགས་ཐོག་སྲིད་འཛིན་འོས་འདེམས་བྱ་རྒྱུ་བཅས་ཁས་ལེན་ཡོད་ཚུལ་བརྗོད་འདུག
ཕྱི་ཚེས་ ༢༢ ཉིན་གྱེན་ལངས་ངོ་རྒོལ་ཤོག་ཁག་གི་མགྲིན་ཚབ་པ་ཁཱའ་ཊན་(Mohammed Qahtan)ལགས་ཀྱིས་ང་ཚོའི་དགོས་འདུན་ནི། སྲིད་འཛིན་སཱ་ལེ་ཡིས་གང་མགྱོགས་སྲིད་འཛིན་ལས་དགོངས་ཞུ་བྱ་དགོས་པ་དེ་ཡིན་ཡང་། སྲིད་འཛིན་གྱི་ད་ལྟའི་བཤད་སྤྱོད་ལ་གཞིག་ན་ང་ཚོའི་དགོས་འདུན་སྣང་མེད་ཀྱིས་ལོ་རྗེས་མིའི་ལོ་མགོ་བར་སྲིད་འཛིན་གྱི་གོ་གནས་བཟུང་སྟེ། ལས་དོན་ཕྱོགས་མང་པོ་ཞིག་ལ་བར་ཆད་དང་བཀག་རྒྱ་བཟོ་འདོད་པ་དེ་རེད། ཅེས་བརྗོད་འདུག
གཟའ་འཁོར་སྔོན་མའི་ནང་སྲིད་འཛིན་གྱི་བཀོད་འདོམས་འོག་གཞུང་དམག་གིས་གྱེན་ལངས་གསར་བརྗེ་བར་དྲག་གནོན་བྱས་ཏེ། མི་མང་ལ་ཤི་རྨས་ཚབས་ཆེན་ཕོག་རྗེས་གཞུང་གི་མཐོ་རིམ་དཔོན་རིགས་ཁག་ཅིག་དང་། དམག་དོན་དཔོན་རིགས་ཁག་ཅིག་སོ་སོའི་ལས་གནས་ནས་ཕྱིར་འཐེན་གྱིས་གསར་བརྗེའི་མི་མང་གི་ཕྱོགས་སུ་ལངས་རྒྱུ་ཡིན་པ་གསལ་བསྒྲགས་བྱས་ཡོད་ཅིང་། དེ་ལ་སྲིད་འཛིན་སཱ་ལེ་ཡིས་དམག་ཤུགས་ནང་ཁུལ་ལ་ཁ་བྲལ་བྱུང་བ་འདིས་རྒྱལ་ཁབ་ཀྱི་ཁྱོན་ཡོངས་ལ་ཤུགས་རྐྱེན་ངན་པ་ཐེབས་ངེས་རེད། ཅེས་བརྗོད་འདུག
སྲིད་འཛིན་སཱ་ལེ་དང་ཁོང་གི་གཞུང་ནི་དེ་སྔ་དཀྱིལ་ཤར་ཡུལ་གྲུའི་ཨ་རིའི་མཉམ་སྒྲིལ་ཤོག་གཏོགས་ཤུགས་ཆེ་གྲས་ཤིག་ཡིན་པ་མ་ཟད། ཡེ་མན་ནང་དང་ཨ་རབ་གླིང་དུ་ཡོད་པའི་ཨོལ་ཁཱ་ཊ་(al Qaeda) དྲག་སྤྱོད་རིང་ལུགས་པར་ཨ་རི་དང་མཉམ་དུ་ཁ་གཏད་གཅོག་མཁན་གཙོ་གྲས་ཤིག་ཀྱང་ཆགས་ཡོད། འོན་ཀྱང་། ཐེངས་འདིའི་དོན་རྐྱེན་ཐད་ཨ་རིའི་དྲུང་ཆེ་ལྕམ་ཁི་ལེ་ཊོན(Hillary Clinton)ཡེ་མན་མི་མང་ལ་འགྲོ་བ་མི་སྤྱི་མཚུངས་ལྟར་རང་དབང་དང་ཐོབ་ཐང་དགོས་པ་རེད། གཞུང་དམངས་བར་ཞི་མཐུན་ཐོག་གྲོས་མོལ་ཡོང་རྒྱུར་ཨ་རིའི་གཞུང་ནས་རྒྱབ་སྐྱོར་བྱ་རྒྱུ་ཡིན། ཞེས་བརྗོད་འདུག
གསར་འགོད་པ། བནྡེ་སྐྱབས།
དམངས་གཙོ་ཡོང་པར་མི་དམངས་ལ་ཤེས་ཡོན་ལེགས་པོ་ཞིག་དགོས་དེ་མིན།
བལ་ཡུལ་ནང་བཞིན་ཆགས་རྒྱུ་རེད།
སྔར་རྒྱལ་པོས་བཟུང་དུས་ཡུལ་ལ་བདེ་སྐྱིད་ཡོད།
ད་ཆ་སྲིད་དོན་པ་ཚོ་ནང་འཁྲུགས་རྒྱབ་སའི་ཡུལ་ཞིག་ཆགས་ཡོད།
དམངས་གཙོ་དམངས་གཙོ།
གང་དམངས་གཙོ།
དམངས་གཙོ་ཡང་དག་པ་ཞིག་ཡོང་པར་ཤེས་ཡོན་ལ་དོ་སྣང་བྱེད་པ་སྔོན་དུ་འགྲོ་དགོས།་གཞི་ནས་དམངས་གཙོ་བྱུང་ན་ཤིན་ཏུ་ལེགས།
དམངས་གཙོར་བསྒྱུར་བཅོས་བྱས་ཐུབ་པ་ནི་གཟི་བརྗིད་རེད། གང་ལྟར་འདས་ཟིན་པ་ཐམས་ཅད་ཚར་བ་རེད། མ་འོངས་པའི་ལོ་ཟླ་ནང་ང་ཚོས་རེ་བའི་ཁྲོད་དམངས་གཙོའི་ལམ་ལུགས་ལ་སྒུག་རྒྱུ་ལས་མེད།
དམངས་གཙོར་བསྒྱུར་བཅོས་བྱས་ཐུབ་ན་དེ་ལས་དགེ་ཚན་ཆེ་བ་ཞིག་མ་མཐོང་།
གང་ལྟར་འདས་ཟིན་པ་ཐམས་ཅད་ཚར་བ་རེད། དེ་བས་དམངས་གཙོའི་ལམ་ཁ་དེར་རེ་བའི་ཁྲོད་སྒུག་དགོས།
དཀོན་མཆོག་མཁྱེན། མི་དེའི་ཁ་ཁོ་རང་ལ་ལྟས་ནས་གྱོང་རག་མདོག་ཁ་པོ་ཞིག་འདུག ཡ་ཡ་་་ད་ཡག་པོ་རེད། ལུང་པ་རེ་རེ་ཡིན་ནའང་དཀའ་ངལ་ནང་མ་ལྷུང་རོགས་བྱས་ན་་་་་་་་་་་་་་་་་་་་་་་་་་་་་་་
སྲིད་དབང་གཅིག་སྡུད་པའི་པགས་པ་བཤུ་བཞིན་བཤུ་བཞིན་ཨེ་ཤ་ཡའི་སྒལ་ཚིགས་སུ་སླེབས་འདུག་པས། ག་ལེར་རྒྱ་དམར་གཞུང་གིས་ཀྱང་མེ་ཏོག་སྤྲུ་མ་ལྟ་བུའི་སྐད་ཆ་ཞིག་མི་བཤད་ཀ་མེད་ཐུག་ཚོད་རེད། འདི་ལྟར་དམངས་གཙོ་རྒྱལ་ཞིང་། མི་མང་རྒྱལ་བའི་རྣམ་པ་ཤུགས་ཆེ་རུ་འགྲོ་བཞིན་མཆིས།