འབོ་ར་རུ་དམ་དྲག

རྒྱ་གར་ལྷོ་ཕྱོགས་ནས་བསོད་ནམས་ལགས་ཀྱིས་གནས་ཚུལ་བཏང་འབྱོར་བྱུང་བ་ལྟར་ན། འདི་ལོའི་གསུམ་བཅུའི་དུས་དྲན་སྐབས་དང་། བཙན་བྱོལ་ནང་གི་བཀའ་སྤྱིའི་འོས་བསྡུའི་ཉིན་མདོ་སྨད་བླ་བྲང་བསང་ཆུ་རྫོང་དུ། རྒྱ་ནག་གཞུང་གི་ཉེན་རྟོག་པས་དམ་དྲག་ཤུགས་ཆེན་བྱས་ཡོད་འདུག

ཧོར་ཟླ་ ༢ བའི་ཚེས་ ༡༡ ཉིན་ནི་བསང་ཆུ་རྫོང་འབོ་ར་ས་ཁུལ་ལ་མཚོན་ན། ལོ་རྒྱུས་ཐོག་དམིགས་བསལ་གྱི་ཉིན་མོ་ཞིག་ཆགས་ཡོད་སྟབས། ཉིན་དེར་དད་ལྡན་མི་མང་ཚོས་རང་སྟེང་གི་དྲི་མ་མ་སྦྱངས་ན། ༧གོང་ས་མཆོག་ལ་མཇལ་མི་ཐུབ་ཟེར་བའི་གླེང་ཕྱོགས་ཤིག་གི་ཐོག་ནས། སྡིག་བཤགས་ཏེ་དགེ་བ་བསྒྲུབ་རྒྱུའི་སེམས་ཐག་བཅད་པ་ལྟར། ཉིན་འདི་འགར་འབོ་ར་ས་ཁུལ་དུ་ཁ་བ་བབས་ཏེ་གནམ་གཤིས་ཤིན་ཏུ་འཁྱགས་ནའང་། མང་ཚོགས་ཚོས་༧གོང་ས་མཆོག་ལ་དམ་ཚིག་གཡོ་བ་མེད་པར་སྡེ་འདབས་ནས་རྐྱང་ཕྱག་དང་། ཕྱག་མེ་ཏོག་མ་སོགས་འཚལ་ཏེ་དགོན་པའི་འདབས་སུ་བསླེབས་ཡོད་འདུག

ཕྱི་ཟླ་ ༣ ཚེས་ ༡༩ ཉིན་ཞང་སྲིད་གཞུང་གིས་སྡེ་བ་སོ་སོའི་སྡེ་དཔོན་དང་དགོན་པའི་གལ་ཆེའི་མི་སྣ་འབོད་འགུག་གིས་ཚོགས་འདུ་བསྐངས་ཏེ། ད་ལྟའི་རྒྱ་ནག་གི་སྲིད་ཇུས་ལ་ངོ་རྒོལ་བྱ་རྒྱུ་མིན་པའི་ཁས་ལེན་གནང་དགོས་སྐོར་དང་། གལ་སྲིད་ངོ་རྒོལ་རིགས་བྱུང་ཚེ་བཙོན་འཇུག་དང་ཉེས་རྡུང་། སྲོག་ཐོག་སོགས་གཏོང་སྲིད་པའི་འཇིགས་སྐུལ་བྱས་ཡོད་ཡོད་པ་མ་ཟད། དགོན་པའི་གྲྭ་བ་ཚོར་དེང་ཕྱིན་གནས་ཚུལ་གང་ཡང་འབྱུང་མི་འཇུག་པའི་འགན་ལེན་དགོས་པའི་མིང་རྟགས་ཀྱང་བཙན་གྱིས་འགོད་དུ་བཅུག་ཡོད་འདུག

ཕྱི་ཟླ་ ༣ ཚེས་ ༢༠ ཉིན་བཙན་བྱོལ་དུ་བཀའ་སྤྱིའི་འོས་བསྡུའི་ཉིན་དེར། ས་ཁུལ་དེའི་མང་ཚོགས་ཀྱིས་དགའ་སྤྲོའི་རྣམ་འགྱུར་སྟོན་ཆེད། དགོང་མོར་བསང་གཏོང་བ་དང་ཤོག་སྦག་སྒྲོན་པ། རླུང་རྟ་བསྐུར་རྒྱུའི་གྲ་སྒྲིག་སོགས་བྱས་ཡོད་ཀྱང་། ཀན་ལྷོ་ཁུལ་དང་བསང་ཆུ་རྫོང་སོགས་ཀྱི་དྲག་ཆས་དམག་མི་དང་ཉེན་རྟོག་པ་མང་པོས་དགོན་པའི་མཐའ་བསྐོར་ཏེ། དགོན་གྲོང་གཉིས་ཀྱི་མང་ཚོགས་ཚོར་འགྲོ་སྐྱོད་ཐོག་དམ་དྲག་ཤུགས་ཆེན་བྱས་ཡོད་འདུག

རང་སྟེང་གི་དྲི་མ་མ་སྦྱངས་ན། ༧གོང་ས་མཆོག་ལ་མཇལ་མི་ཐུབ།

རང་སྟེང་གི་དྲི་མ་མ་སྦྱངས་ན། ༧གོང་ས་མཆོག་ལ་མཇལ་མི་ཐུབ།

རང་སྟེང་གི་དྲི་མ་མ་སྦྱངས་ན། ༧གོང་ས་མཆོག་ལ་མཇལ་མི་ཐུབ།

གསར་འགོད་པ། དཔལ་ལྡན།