ཐེ་ཝན་ཧྲི་ཤིན་གཙུག་ལག་སློབ་གྲྭ་ཆེན་མོའི་གོ་སྒྲིག་འོག ཟླ་འདིའི་ཕྱི་ཚེས་ ༢༤ ཉིན་སློབ་ཆེན་དེའི་ཚོགས་ཁང་ཞིག་ཏུ་བརྗོད་གཞི་མི་འདྲ་བ་ཁག་གསུམ་གྱི་ཐོག་མཁས་པའི་བགྲོ་གླེང་ཞིག་ཚོགས་ཡོད་ཅིང་། བགྲོ་གླེང་སྟེང་རྒྱ་རིགས་མཁས་དབང་དང་སློབ་ཕྲུག་སོགས་ཁྱོན་མི་ ༡༠༠ ཙམ་མཉམ་ཞུགས་བྱས་ཡོད་འདུག
སྐབས་དེར་གཏམ་བཤད་པ་ཚོས་འགྲོ་བ་མིའི་ཐོབ་ཐང་དང་ཁྲིམས་ལུགས། དེ་བཞིན་བོད་ཀྱི་གནད་དོན་ཐོག་གཏམ་བཤད་བྱས་ཡོད་ལ། བོད་དོན་གྱི་བརྗོད་གཞིའི་ཐོག་ཐེ་ཝན་བོད་གཞུང་སྐུ་ཚབ་དོན་གཅོད་ཟླ་བ་ཚེ་རིང་ལགས་གདན་ཞུས་བྱས་ཡོད། སྐབས་དེར་ཁོང་གིས་དུས་ཡུན་ཆུ་ཚོད་གཉིས་རིང་བོད་ཀྱི་ལོ་རྒྱུས་དང་བོད་ཀྱི་གནད་དོན། བོད་ཀྱི་གནད་དོན་སེལ་རྒྱུར་ཐབས་ལམ་ཇི་ཡོད་ཐོག་གཏམ་བཤད་བྱས་ཡོད་པར་མ་ཟད། མཇུག་ཏུ་སློབ་ཕྲུག་ཚོར་དྲི་བ་དྲིས་ལན་གྱི་གོ་སྐབས་ཀྱང་སྤྲད་ཡོད་འདུག
དཔལ་ལྡན་གྱིས་བསྡུ་སྒྲིག་བྱས།
