རྒྱལ་ཁབ་འདིའི་ནང་དུ་ཡོང་མཁན་ཞིག་སྟེ། བོད་མི་ཞིག་གི་དངོས་ནས་བཤད་ན། ང་དང་བཅས་པའི་བོད་མི་བརྒྱད་རྒྱལ་ཁབ་འདིའི་བུད་མེད་ཚོའི་མཉམ་དུ་ཡོང་བ་རེད། ཁ་ཤས་ཤིག་ད་ལྟའི་འཆར་ཁ་ཁར་ཡང་སོང་ཟིན་པ་ཡིན། ང་རང་མ་རྩིས་པའི་འདིར་ཡོད་མཁན་གྱི་བོད་མི་བདུན་དེ་ནི་རྒྱལ་ཁབ་འདིར་ཡོང་དུས་སུ་བཟའ་ཚང་བྱས་དེ་ཡོང་བ་རེད་འདུག
ང་རང་དེང་ཐོག་འདིར་ཡོང་དུས་སུ། ངའི་མཛའ་མོ་དང་ངེད་གཉིས་དགའ་རོགས་ཀྱི་མིང་ཐོག་ནས་ང་རང་རྒྱལ་ཁབ་འདིར་འབྱོར། ང་རང་རྒྱལ་ཁབ་འདི་ལ་འཛུལ་བའི་ལག་ཁྱེར། ཐོངས་ཆེན་སྟེང་དུ་ཡང་ཡུལ་སྐོར་བ་ཞེས་བྲིས་ཡོད་ལ། དེ་ཡང་ཟླ་ངོ་གཅིག་ཏག་ཏག་ལས་མེད། ཐོངས་ཆེན་དེ་རེག་པ་ལ་ཡང་རྒྱལ་ཁབ་འདི་ནས་ཁོ་མོའི་ཕ་མ་གཉིས་ཀྱིས་ང་རང་གི་མིང་ཐོག་ལ་སྒྲོ་ལོར་བདུན་སྟོང་ལྔ་བརྒྱ་ཞིག་བཞག་འདུག་པ་དེ་ཡི་བཀའ་དྲིན་ཡང་ཡིན་ས་རེད། ང་རང་རྒྱལ་ཁབ་འདིར་སྟབས་བདེ་བོའི་ངང་ཐར་བ་རེད།
ཟླ་ངོ་གཅིག་འདས་སོང་། དེ་ནས་ཐོངས་ཆེན་ཞུ་རུ་སོང་དུས་སུ། ཟླ་ངོ་གསུམ་རིང་གི་ཡུལ་སྐོར་བའི་ཐོངས་ཆེན་ཞིག་སྤྲད་སོང་། ཟླ་ངོ་གསུམ་གྱི་རྗེས་སུ་ད་གཟོད་ལས་ཀ་བྱེད་ཆོག་པའི་ཐོངས་ཆེན་ཟླ་ངོ་དྲུག་ལ་རེག དེ་ཡང་རྒྱ་གར་ནས་འཁུར་ཡོང་བའི་ཡིག་ཆ་དེ་དག་གིས་ཕན་ཐོག་ཆེན་པོ་བྱུང་། ཡིག་ཆ་དེ་དག་ནི་ནག་ཅན་མིན་པའི་བདེན་དབང་དུ་གཉེན་རྟོག་པའི་རྒྱབ་གཉེར། སྐྱེས་ཚེས་ལག་ཁྱེར། རྒྱ་གར་ཁྲིམས་དཔོན་ཞིག་གི་ས་ནས་གཞུང་ནས་ཕྱི་ལོག་་སུ་འགྲོ་བར་བཀག་རྒྱ་མེད་པའི་ཡི་གེ་ཞིག་དང་ཐམ་ག
ལས་ཀ་འཚོལ་བའི་འགོ་བརྩམས། དེ་ཡང་ལམ་འགྲོ་བྱུང་ཟེར་ན་རེད། དཀའ་ལས་ཞེ་དྲག་མ་བྱུང་བར་མགྲོན་ཁང་སྐད་གྲགས་ཅན་ཞིག་གི་ནང་དུ་ལས་ཀ་རེག་སོང་། ཟླ་ངོ་ཁ་ཤས་ཀྱི་རྗེས་སུ་མ་བྱན་ཆེན་མོ་ཆགས། ལས་ཀ་ནི་དངོས་ནས་ཡག་གི ཆ་རྐྱེན་ཡང་བཟང་གི དེ་ནས་མཛའ་མོའི་རེ་འདོད་ལྟར། ལས་ཀ་དེ་ལས་ཐོན་ནས་རྒྱལ་ཁབ་འདིའི་རྒྱལ་ས་རུ་གནས་སྤོར།
ལོ་ངོ་གཉིས་དང་ཕྱེད་ལྷག་གི་རྗེས་ཀྱི་དེ་རིང་ང་ལ་ཁོང་ཚོའི་རྒྱལ་ཁབ་ཀྱི་ཐོབ་ཐང་ལག་ཁྱེར་སྤྲོད་རྒྱུའི་སྐད་ཆ་བྱུང་བ་ལྟར། ངེད་གཉིས་ཀྱིས་དེ་ལ་ཡིག་ཆ་དག་སྔར་རྒྱུན་ལྟར་གྲྭ་སྒྲིག་བྱས་པ་ཡིན། ཟླ་ངོ་གཉིས་ཀྱི་རྗེས་སུ་དུས་ཆད་བཟོས་པ་ལྟར། དེ་རིང་ནི་ཟླ་ངོ་གཉིས་འདས་པ་རེད་ལ། ངེད་གཉིས་ལས་ཁུངས་སུ་བཅར་བ་ཡིན།
དང་བོ་ཁོ་མོ་ཁྲིད་དེ་བུད་སོང་། ངའི་བུ་མོ་ལ་བལྟས་དེ་ཁོ་མོར་སྒུག་ནས་བསྡད། སྐར་མ་བཞི་བཅུའི་རྗེས་སུ་ང་རང་སྐད་བཏང་སོང་། ནང་དུ་སླེབས་དུས་དྲི་བ་གཏོང་མཁན་ནི་བུད་མེད་གཉིས་རེད། ང་ལ་ཁྱེད་ལ་དྲི་བ་ཁ་ཤས་ཤིག་གཏོང་དགོས་ཀྱི་ཡོད། དེ་ལ་དབྱིན་སྐད་སྟེང་ནས་བྱེད། ཧེས་པོའི་སྟེང་བྱེད་ཟེར། ངས་དབྱིན་སྐད་གདམས་པ་ཡིན།
ངེད་གཉིས་ག་དུས་ཐུག་མིན། ཟླ་ཚེས། ལོ། གཉེན་མ་སྒྲིག་པའི་རྒྱུ་མཚན། ཁོ་མོ་ལ་གཉེན་འབྲེལ་ག་ཚོད་ཡོད་མེད། ང་རང་དེ་དག་དང་འབྲེལ་བ་ཡོད་མེད། ཁོ་མོའི་གྲོགས་པོ་གྲོགས་མོ་ག་ཚོད་ངོ་ཤེས་མིན། ལས་ཀ་གང་བྱེད་བཞིན་པ་དང་གང་བྱས་མྱོང་བ། རླངས་འཁོར་ཡོད་མེད། གཏོང་ཤེས་མིན། དྲི་བ་དེ་དག་ལ་ལན་མི་ཐེབས་པ་གཅིག་ཀྱང་མི་འདུག སྟབས་་བདེ་བོ་རེད། དེ་ནས་དེ་རིང་ནས་ཁྱེད་རང་ལ་ཐོབ་ཐང་ལག་ཁྱེར་རེག་གི་རེད། ཤོག་བུ་འདི་གཉིས་སྐོང་ནས་འདྲ་དཔར་གཉིས་འཁུར་ནས་ཤོག་ཟེར།
བར་སྐབས་ཤིག་ལ་ང་རང་སླར་ཡང་སྐད་གཏོང་གི་འདུག བུད་མེད་ཐོབ་ཐང་ལག་ཁྱེར་བཟོ་མཁན་ར་ཤི་ཡ་བུད་མེད་དེས། ང་ལ་ཁྱེད་རང་གི་རྒྱལ་ཁབ་གང་རེད་ཟེར། ངས་བོད་རེད་ཅེས་བཤད་པ་ཡིན། ཁོ་མོས་ད་ལྟ་ཁྱེད་རང་ལ་ཐོབ་ཐང་ལག་ཁྱེར་སྤྲོད་ཀྱི་ཡོད་པ་རེད། དེ་ཡིན་དུས་ཁྱེད་རང་རྒྱལ་ཁབ་གང་ནས་ཡིན་མིན་འབྲི་དགོས་པ་ཡིན་དུས། ངས་གློག་ཀླད་ནང་དུ་ག་ཚོད་བཙལ་ཡང་བོད་ཟེར་བའི་རྒྱལ་ཁབ་ཞིག་གཏན་ནས་རྙེད་ཐུབ་ཀྱི་མི་འདུག དེ་ཡིན་དུས་ད་ལྟ་བོད་ཟེར་བའི་རྒྱལ་ཁབ་ཞིག་གློག་ཀླད་ནང་གི་རྒྱལ་ཁབ་སོ་སོའི་རེའུ་མིག་ནང་དུ་གཏན་ནས་མི་འདུག དགོངས་དག ངས་གང་ལྟར་ས་མིག་ནང་དུ་རྒྱལ་ཁབ་ཞིག་གི་མིང་འབྲི་དགོས་པ་རེད་ཅེས་བཤད་སོང་།
ངས་ཁོ་མོ་ལ་འདི་ལྟར་བཤད། དྲང་བདེན་གྱི་སྐད་ཆ་ཞིག་བཤད་ན། བོད་ཟེར་བའི་རྒྱལ་ཁབ་ཞིག་ཡོད་པ་ཁྱེད་རང་གིས་ཀྱང་ཕལ་ཆེར་ཤེས་ཀྱི་ཡོད་ངེས་རེད།
སྤུན་ཟླ་ཚོ། ཁྱེད་ཅག་ཕྱི་རོལ་རྒྱལ་ཁབ་གང་དུ་ཡོད་དམ། ཁྱེད་ཀྱི་རྒྱལ་ཁབ་དེ་ཡི་ཐོབ་ཐང་ལག་ཁྱེར་བཟུང་ཡོད་ཚེ། དེ་ཡི་སྟེང་དུ་རྒྱལ་ཁབ་གང་གི་མིང་བྲིས་ཡོད་དམ། དྲང་བོར་ལན་རེ་ཐོབས་ཤིག
ངའི་བསམ་ཚུལ་ལྟར་ཡིན་ན་འདི་ལ་དཀའ་ངལ་འཕྲད་དོན་མི་འདུག
བོད་ནི་རྒྱ་ནག་གི་ཆ་ཤས་ཤིག་ཡིན་ཞེས་པའི་ཚིག་འདི་ཡོངས་གྲགས་རེད།
སྤུན་ཟླ་ཁྱེད་ཅག་གིས་རང་རང་གི་བསམ་ཚུལ་གསུངས་པ་དེར་དགའ་ནས་ཡོད། རེད་དེ། ངའི་རེ་བ་ལ་དྲ་ཐོག་གི་སྤུན་ཟླ་ཆེས་མི་ཉུང་བ་ཞིག་གིས་འདིའི་སྐོར་གླེང་ན་བསམ་ཡང་། ཁྱེད་ཅག་མི་ཁ་ཤས་ཤིག་མ་གཏོགས་སླེབས་མི་འདུག་པ་དེ་ནི་དངོས་ནས་སེམས་པ་ཅུང་སྐྱོ་བྱུང་།
ཁྱེད་རང་གནས་སའི་རྒྱལ་ཁབ་ཀྱི་ཐོབ་ཐང་ལག་འཁྱེར་རག་གི་ཡོད་པ་གོ་ནས་དགའ་ཡོད།
ཡོ་རོབ་ནང་སྐྱབས་བཅོལ་ཞུ་མཁན་གི་ལག་ཁྱེར་ཚང་མའི་ནང་རྒྱལ་ཁོངས་རྒྱ་ནག་ཞེས་འབྲི་གི་འདུག་ལ་ངའི་ངོ་ཤེས་པ་བུ་མོ་གཉིས་གཉེན་སྒྲིག་ཐོག་ནས་སླེབས་འདུག་ཁོ་གཉིས་གི་ལག་ཁྱེར་ནང་ལ་འང་རྒྱ་ནག་ཞེས་བྲིས་འདུག་གོ། ཡོ་རོབ་ནང་ཧོ་ལན་དང་ འཇར་མན་ སྦེལ་ལྗམ་ སུད་སི་ གི་རིད་སི་བཅས་ནང་དེ་འདྲ་བྲིས་གི་འདུག། དེ་མིན་ངས་ཧ་གོ་མ་སོང།
དེ་ནི་གཙོ་བོ་སོ་སོས་སྐད་ཆ་བཤད་ཐུབ་མིན་ལ་རག་ལས་འདུག། ངའི་གྲོགས་པོ་ཞིག་ཨ་རིའི་བུ་མོ་ཞིག་དང་ཆང་ས་རྒྱག་ནས་ལག་ཁྱེར་ལེན་དུས་དེའི་དཀའ་ངལ་འཕྲད་འདུག ཐེངས་དང་པོས་ལས་བྱེད་རྣམས་གྱིས་རྒྱ་ནག་དང་རྒྱ་གར་གཉིས་གང་རུང་ཞིག་འབྲི་རྒྱུ་ཨུ་ཚུགས་བྱས་འདུག་མོད་ཁོས་ཨུ་ཚུགས་གྱིས་རྩོད་པ་རྒྱག་ནས་མཐའ་མཇུག་བོད་པ་ཞེས་འབྲི་ཐུབ་འདུག
གནས་ཚུལ་འདིའི་ཐད་ལ་བརྒྱུད་ལམ་ཁ་ཤས་ཤིག་འདུག ཆང་ས་ཐོག་ནས་ཕྱིར་སྐྱོད་མཁན་རྣམས་ལ་དཀའ་ངལ་འདི་ཡོང་གི་འདུག ས་ཁྲ་ཐོག་ཏུ་བོད་ཆེས་པའི་རྒྱལ་ཁབ་མེད་པ་གསལ་པོ་རེད ། དེ་སྔོན་ཡོད་ཀྱང་ད་ལྟ་རྒྱ་ནག་གིས་དབང་བསྒྱུར་འོག་ཤར་བ་རེད་ཅེས་གསལ་བྱེད་དྲང་བོར་བཤད་དགོས །
ཨ་རི་ལ་ཆང་ས་ཐོག་འགྲོ་མཁན་ཕྲན་གྱི་གྲོགས་མོ་ཞིག་ལའང་དྲི་བ་འདི་ཡོང་སྟབས་དཀའ་ངལ་དེ་ག་རང་འཕྲད་འདུག མོས་དྲང་བཤད་བྱས་ཏེ་སྐྱེས་ས་བོད་ནང་རེད །རྒྱ་གར་ནང་སྐྱབས་བཅོལ་ལ་ཡོང་བ་ཡིན་ཞེས་བཤད་དུས། ས་ཁྲ་གཞིར་རྒྱ་ནག་རེད་ཅེས་མིང་ཐོ་བཀོད་སོང་ཟེར །
ཇར་མིན་ལས་ལ་སྐྱོད་མཁན་བོད་མི་ལ་ལས་སྐྱེ་ཡུལ་དྲིས་དུས་རྒྱ་ནག་རང་བརྒྱབ་འདུག
སྐྱབས་བཅོལ་ཡིན་ཞེས་རྒྱལ་ཁབ་གཞན་ལ་ཐོ་འགོད་བྱེད་མཁན་རྣམས་ལ་དཀའ་ངལ་འདི་ཡོང་གི་མི་འདུག