ཕྱི་ལོ་ ༢༠༠༨ལོར་མདོ་ཁམས་འབའ་ཐང་རྫོང་སྒང་རི་ལུང་པའི་རི་འགོར་བོད་ཡིག་དང་རྒྱ་ཡིག་གཉིས་ཐོག བོད་རང་བཙན་གྱི་བསྒྲགས་གཏམ་བཀོད་པའི་འཕྲེད་དར་སྒྲེང་མཁན་དང༌། འབའ་ཐང་སྤོ་གུར་གཤིས་ཞང་ཉེན་རྟོག་ལས་ཁུངས་ལ་འབར་གས་གཡུག་མཁན་བཅས་ཀྱི་ཉེས་འཛུགས་འོག ད་བར་སྒང་རི་ལུང་པའི་རི་མགོ་དང་ཤིང་ནགས་ཁྲོད་བཅས་སུ་གབ་ཡིབ་ཀྱིས་ཉེན་གཡོལ་གྱི་བྱེད་བཞིན་པའི་ན་གཞོན་རྡོ་དཀར་ལགས་ཉེ་ཆར་ཕྱི་ཟླ་ ༣ ཚེས་ ༢༢ ཉིན་ལི་ཐང་རྨ་བྱ་ཐང་དུ་རྒྱ་ནག་གི་ཉེན་རྟོག་པས་འཛིན་བཟུང་བྱས་ཏེ། ད་ཆར་འབའ་ཐང་རྫོང་ལ་རྩིས་སྤྲོས་བྱས་ཡོད་འདུག
རྡོ་དཀར་ལགས་ནི་ཕ་སྒོ་ཚེ་རིང་དང༌མ་ཨ་སྐལ་གཉིས་ཀྱི་བུ་ཡིན་ཞིང༌། ད་ལོ་རང་ལོ་ ༢༦ ཡིན་འདུག ཆུང་དུས་ཕ་མ་གཉིས་བཟའ་ཚང་ཁ་གྱེས་པའི་དབང་གིས་ཨ་མའི་གསོ་སྐྱོང་འོག་རྒྱ་ཡིག་སློབ་སྦྱོང་བྱས་ཡོད།
༢༠༠༨ལོར་སྒང་རི་ལུང་པར་བོད་རྒྱ་གཉིས་ཐོག་བོད་རང་བཙན་གྱི་བསྒྲགས་ཡིག་བསྒྲེངས་པ་དང་། དེའི་རྗེས་འབའ་ཐང་སྤོ་གུར་གཤིས་ཞང་ཉེན་རྟོག་ལས་ཁུངས་སུ་འབར་གས་གཡུག་པ་བཅས་ཀྱི་ཉེས་འཛུགས་བྱས་ཏེ་འཛིན་བཟུང་བཀའ་རྒྱ་བཀྲམས་ཡོད། ད་བར་ཉེན་རྟོག་པས་ཁོང་གི་ཁྱིམ་དང་གཉེན་ཉེ་ཚང་མའི་ཁྱིམ་ལ་སྔོག་བཤེར་ཡང་ཡང་བྱས་ཡོད་པ་མ་ཟད། ཁོང་གི་ནག་ཉེས་ནི་སྤྲུལ་སྐུ་བསྟན་འཛིན་བདེ་ལེགས་དང་གཅིག་པ་ཡིན་ལུགས་དང༌། སུ་ཞིག་གིས་ཁོང་སྦས་བསྐུངས་སོགས་ཀྱི་རྒྱབ་རྩ་བྱས་པ་ཡིན་ན། ཁོང་དང་ནག་ཉེས་གཅིག་མཚུངས་ཡོད་སྐོར་གྱི་འཇིགས་སྐུལ་བྱས་ཡོད།
ད་ཆར་ཁོང་གི་ནང་མི་སྤུན་མཆེད་ཚོས་གནས་ཚུལ་འདྲི་རྩད་མ་ཕོད་པའི་ཛ་དྲག་གི་གནས་སྟངས་འོག བོད་གཞུང་དང་རྒྱལ་སྤྱིའི་སྤྱི་ཚོགས་ལ་འབོད་སྐུལ་གྱིས་མྱུར་སྐྱོབ་ཡོང་བའི་འབོད་སྐུལ་ཞུ་བཞིོན་ཡོད་འདུག
བོད་མི་མང་སྤྱི་འཐུས་རྒྱུན་ལས་ཆབ་སྲིད་སྡེ་ཚན་ནས་འབའ་བ་སྐལ་བཟང་རྒྱལ་མཚན་གྱིས་བཏང་འབྱོར་བྱུང་།
སྨར་ཀླུང་དཔལ་ལའི་གསུང་བ་ནང་བཞིན་རེད་བོད་ཀྱི་རྒྱལ་གཅེས་དཔའ་བོ་དཔའ་མོ་རྣམས་ཁྲིམས་ལ་ཡོད་མཁན་དང་ད་ཆ་འདས་གྲོང་སོང་བའི་རིགས་གང་ཡིན་ཡང་།
ང་ཚོ་རང་དབང་ལུང་པ་ཡོད་མཁན་དེ་དོ་སྣང་བྱས་ན་ཡག་པོ་འདུག
ཆབ་སྲིད་ཀྱི་བཙོན་པ་ཡིན་ཞེས་ཕྱི་རྒྱལ་ལ་འགྲོ་སའི་ལག་ཆ་ལྟ་བུ་མ་ཡིན་པར་དོན་ངོ་མའི་ཐོག་ནས་བོད་མི་ཡོངས་ཀྱི་བདེ་དོན་དུ་རང་གི་ལུས་ལོངས་སྤྱོད་ཕོང་པ་མེད་པར་གཏང་གནང་བའི་སྒྲོ་དཀར་ལགས་ཀྱིས་གཙོས་པའི་བོད་ནང་གི་ཆབ་སྲིད་བཙོན་པ་ཡོངས་ལ་ཉེས་མེད་གནར་གཅོད་བྱེད་མི་ཆོག་པ་དང་འགྲོ་བ་མི་ཡི་རང་དབང་ངེས་པར་དུ་ཕྱིར་སྤྲོད་དགོས་པའི་སྐད་འབོད་གཞོན་ནུ་དང་དགུ་བཅུ་གསུམ་གཙོས་པའི་ཚོགས་པ་ཡོངས་ནས་ནུས་ཤུགས་ཡོད་རྒུ་བཏོན་གནང་ཡོང་བའི་འབོད་བསྐུལ་ཡང་ཡང་ཞུ་གི་ཡོད།།