ཡུལ་ཤུལ་སྐྱེ་རྒུ་མདོའི་བཞི་གཅིག་བཞིའི་ས་འགུལ་དོན་རྐྱེན་སྐོར་གྱི་དངོས་བྱུང་གློག་བརྙན་༼ཉམས་ཉེས་ནང་གི་རེ་བ༽ཞེས་པ་རྒྱ་གཞུང་གིས་བཀག་སྡོམ་བྱས་ཡོད་འདུག
འོད་ཟེར་ལགས་ཀྱི་དྲ་ཐོག་ཏུ་གནས་ཚུལ་སྤེལ་བ་ལྟར་ན། ཉེ་ཆར་བོད་ནང་གི་དགེ་འདུན་པ་ཞིག་གིས་སྔར་ལོའི་ཁམས་སྐྱེ་རྒུ་མདོའི་བཞི་གཅིག་བཞིའི་ས་འགུལ་དོན་རྐྱེན་སྐོར་སྐབས་ཀྱི་དངོས་བྱུང་གནས་ཚུལ་དང་། བོད་ཀྱི་ས་ཁུལ་གཞན་ནས་འོང་བའི་བོད་མི་རྣམས་ཀྱིས་ཁམས་སྐྱེ་རྒུ་མདོའི་མི་མང་ལ་རོགས་སྐྱོར་བྱས་པའི་གནས་ཚུལ་བསྡུ་སྒྲིག་བྱས་ཏེ་༼ཉམས་ཉེས་ནང་གི་རེ་བ༽ཞེས་པའི་དངོས་བྱུང་གློག་བརྙན་ཞིག་བཟོས་ཏེ། སྐྱེ་རྒུ་མདོ་གྲོང་བརྡལ་གྱི་ཚོང་ཁང་ཁག་གསུམ་ནང་ཚོང་འགྲེམས་བྱས་ཡོད་ཀྱང་། རྒྱ་ནག་གཞུང་གི་འབྲེལ་ཡོད་མི་སྣས་གཞུང་གི་ཆོག་མཆན་མེད་པར་གློག་བརྙན་དེ་ཕྱིར་ཚོང་བྱ་མི་ཆོག་ཚུལ་བརྗོད་དེ་འོད་སྡེར་རྣམས་གཞུང་བཞེས་བཏང་ཡོད་འདུག་ལ། ཟ་ཁང་ཞིག་ཏུ་གློག་བརྙན་དེ་སྟོན་བཞིན་ཡོད་པ་མཐོང་སྟེ། གློག་བརྙན་འོད་སྡེར་དང་བཅས་གཞུང་བཞེས་བཏང་ཡོད་པ་མ་ཟད། དངུལ་གྱི་ཉེས་ཆད་ཀྱང་བཅད་ཡོད་འདུག དེ་བཞིན། གློག་བརྙན་བསྡུ་སྒྲིག་བྱེད་མཁན་དགེ་འདུན་པ་དེའི་གྲྭ་ཤག་སྔོག་བཤེར་བྱས་ཏེ་བརྙན་འཁོར་ ༣༠༠༠ ལྷག་དང་། ལག་འཁྱེར་གློག་ཀླད། ཐང་ག ཁྱིམ་ཆས་སོགས་བསྡོམས་རྒྱ་སྒོར་ཁྲི་ ༣ ལྷག་གི་ཅ་དངོས་གཞུང་བཞེས་བཏང་ཡོད་འདུག
གསར་འགོད་པ། དོན་གོ
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
ངས་ལག་ཏུ་ཡོང་ལ་ཡོད། མི་འགྱངས་པར་ཁྱེད་ཅག་གི་མིག་ལམ་དུ་བསྟར་ངེས།
དྲ་ཚིགས་ནས་བལྟས་ན་དེ་ཙམ་ཡག་པོ་མི་འདུག་་་་་དེ་ལས་འོད་སྡེར་ཞིག་རེག་ན་དངོས་གནས་ཡག་པོ་ཡོད་རྒྱུ་རེད་ཡ
ཨ་རིའི་རླུང་འཕྲིན་ཁང་ (http://www.voanews.com/tibetan/news/ )གི་དྲ་ངོས་སུ་དུམ་བུ་གསུམ་བྱས་ནས་བཀོད་འདུག
ཉམས་ཉེས་ནང་གི་རེ་བ་ཞེས་པའི་གློག་བརྙན་འདི་དྲ་བ་གང་ནས་ལྟ་ཐུབ་ཀྱིན་འདུག དྲ་གྲོགས་དག་གིས་གསུང་རོགས་ཀྱིས།
ལྐོག་ཤེས་ལགས་ཀྱི་གསུང་བ་བཞིན་ཆ་ཚང་དབོན་ངན་མིན་ལ་དབོན་རེ་བ་ཅན་གང་འཚམ་ཡོད་ངེས་རེད།
ཁ་སང་ཡུལ་ཤུལ་གྱིས་སྐད་འབོད་བྱས་འདུག་ཟེར་། ང་ཚོས་ཁོ་ཚོའི་རྒྱབ་འདུན་ལ་ཞིབ་ཚགས་པའི་བལྟ་དགོས། ས་འགུལ་མ་བྱུང་བའི་སྔོན་ལ་སྐྱེས་དགུ་མདོའི་ཁང་ས་བརྒྱ་ཆ་བདུན་ཅུ་དཔོན་པོ་དང་ཁོ་ཚོའི་གཉེན་ཉེ། དེ་མིན་དཔོན་ངན་ཚོར་ལྐོག་འབྲེལ་ཡོད་པའི་ཕྱུག་པོ་ཚོའི་རེད་ཟེར།བཞི་མདོ་སོགས་ས་བཟང་ས་མི་ཉུང་བ་ཞིག་་རྒྱ་མི་དང་ཁ་ཆེ་ཚོའི་ལག་ལ་ཤོར་འདུག་ཟེར། ཁོ་ཚོ་ཚང་མ་རུལ་སུང་བ་རེད་ཟེར། ས་འགུལ་བྱུང་རྗེས་སུ་མཚོ་ལྷོའི་ཁུལ་དཔོན་བསྟན་ཁོ་ཡུལ་ཤུལ་ཁུལ་གྱི་ཧྲུའུ་ཅི་་ལ་མངགས་ནས་ཁང་ས་ཡོད་ཚད་གཞུང་བཞེས་བྱས་ནས་འཛུགས་བསྐྲུན་བྱས་རྗེས་སུ་ཚང་མ་འདྲ་མཉམ་བྱས་ནས་སྤྲོད་དགོས་ཞེས་བཤད་འདུག དམངས་ཚོགས་དཀྱིས་མ་ཚོ་ཁོ་ལ་དགའ་གི་འདུག ས་དེའི་དཔོན་པོ་ཚོ་དང་ཕྱུག་པོ་ཚོ་མ་དགའ་བས་གོང་རིམས་ལ་གཏུག་གཤེར་བྱེད་ཀིན་འདུག་ཟེར། དེའི་ཕྱིར་ད་ཐང་གི་སྐད་འབོད་འདི་དཔོན་ངན་ཚོས་དམངས་ཚོགས་མི་ཤེས་མཁན་འགའ་སྐུལ་སློང་བྱས་ཏེ་སོ་སོའི་ཁང་ས་ཕྱིར་རེག་ཐབས་ཀྱི་་ཆོམ་འཕྲུལ་འདྲ་མིན་ནམ། བསྟན་ཁོའི་རྒྱབ་ལྗོངས་ལ་བལྟས་ན་བོད་ཀྱི་རིག་གནས་ལ་ཤ་ཚ་དང་བྱས་རྗེས་ཡོད་མཁན་ཞིག་རེད། བསྟན་ཁོས་ཡུལ་ཤུལ་ནས་བོད་ཀྱི་སློབ་གྲ་ཆེན་མོ་ཞིག་འཛུགས་རྒྱུའི་འཆར་གཞི་ལ་མཚོ་སྔོན་གྱི་མགོ་གཙོ་རྒྱ་མོ་ཞིག་ཡོད་པས་ཆོག་མཚན་བཀོད་མི་འདུག
དྲ་གྲོགས་བསྟན་འཛིན་ཤེས་རབ་ལགས། ད་ཟེར་གི་ན་ཟེར་སྲོལ་ལ་བལྟས་ན། སྐད་ཆའི་རྒྱབ་ན་སྐད་ཆ་མང་པོ་ཞིག་བཤད་བཞིན་འདུག་མོད། དོན་ལ་རྒྱ་གཞུང་གི་བྱ་སྤྱོད་དེ་ལ་ཞེ་ས་བརྒྱབ་པར་མ་རངས་པ་དེ་རེད་ལ། ཤུ་རེ་གོ ཞེ་ས་ཟེར་བ་དེ་ལ་ཞིབ་འདང་རྒྱག་རྒྱུ་མང་པོ་ཡོད་ཡཱ། ཚིག་ལ་ཞེ་ས་ཡིན་ཡང་། དོན་ལ་ཞེ་སར་མི་འགྲོ་བ་ཁག་ཅིག་དང་། ཚིག་ལ་ཞེ་ས་མིན་རུང་། དོན་ལ་ཞེ་ས་ཆགས་འགྲོ་བ་ཅི་རིགས་འདུག དཔེར་ན། ༼ བཙན་བཀའ་བཏང་སོང་༽ ཞེས་པ་ལྟར་བུར་མཚོན་ན། ༼ བཙན་བཀའ ༽ ཞེས་པའི་ཚིག་ཟུར་ན་ཞེ་ས་ཡོད་མོད། དོན་ལ་ཞེ་སར་མི་འགྲོ
༼ གཞུང་བཞེས ༽ ཞེས་པ་འདིའི་ཚིག་ཟུར་ན་ཞེ་ཚིག་ཡོད་མོད། གནས་ཚུལ་འདི་རིགས་བྱུང་སྐབས། སྔ་མོ་ནས་བོད་ཀྱི་དུས་བབ་གསར་ཤོག་གིས་རྒྱུན་འཇགས་སུ་བེད་སྤྱོད་གཏོང་བཞིན་པའི་ཚིག་ཅིག་ཡིན། གལ་སྲིད་ཞེ་སར་འགྲོ་བའི་དབང་དུ་བྱས་ཀྱང་། གནས་ཚུལ་དེ་མཚོན་ཐུབ་པའི་ཚིག་གསར་པ་ཞིག་གློ་བུར་དུ་བརྙེད་མ་སོང་། ཁྱོད་ཀྱི་བསམ་ཚུལ་བྱས་ན། ༼ འཕྲོག་བཅོམ ༽ ཟེར་དགོས་མོད། གསར་འགོད་ཀུན་སྤྱོད་རིག་པའི་གཞུང་ལུགས་ལྟར་ན། གསར་འགྱུར་གང་ཞིག་ཡིན་རུང་གསར་འགོད་པའི་བསམ་ཚུལ་དང་། དགའ་སྐྱོ་ཆགས་སྡང་གི་ཤན་ཞུགས་མི་རུང་བ་ནི། གསར་འགྱུར་གྱི་རྩ་དོན་དང་པོ་ཡིན།
ཡ་ཁོ་རེ རྒྱ་ནག་གིས་བརྡུང་གཅོག་འཕྲོག་གསུམ་གྱི་ལས་འགུལ་ཟེར་ནས་ཕྱི་ཕྱོགས་སུ་བོད་མི་ཚོར་ཚིག་མཚོན་གྱིས་རྡུང་རྡེག་བྱས་དང་བྱེད་མུས་ཡིན་ཡང་། ཁོ་རང་ཚོས་གདོང་འབག་འཐུག་པོ་དེའི་འོག་ནས་སྡིགས་སྔོག་འཕྲོག་གསུམ་གྱི་ལས་ངན་སྤེལ་ཏེ། སྡིགས་རའི་འཇིགས་སྐུལ་དང་སྔོག་བཤེར་གྱི་འཇིགས་སྐུལ། འཕྲོག་བཅོམ་གྱི་འཇིགས་སྐུལ་ཏེ། འཇིགས་སྐུལ་གསུམ་གྱིས་ཉམ་ཆུང་གྲངས་ཉུང་མི་རིགས་རྡོག་རྫིས་སུ་གཏོང་བཞིན་འདུག ཨ་ཧ་་་་ཕོ་་་ཤི་་་རེ་་་་་་་་་་་་་་་་་་་་་་་་་
ཤུ་རེ་ཁོ། ད་མིང་ཚིག་སྤྱོད་སྟངས་ཚུན་ཆད་ནས་འདི་འདྲ་ཞིག་ཏུ་གྱུར་འདུག ཡིན་ངོ་མ་འཕྲོག་བཅོམ་བྱས་འདུག་པ་དེ་རེད་མོད། གཞུང་བཞེས་ཡིན་ན་ཅིག་ཟེར་ནས་ཞེ་ས་འདྲ་ཞིག་འབུལ་བཞིན་འདུག ཁྱོད་ཚོས་རྒྱ་དམར་ག་འདྲའི་ཞེ་ས་ཞིག་བྱས་རུང་ཐོབ་རྒྱུ་ཅང་ཡོད་ནི་མ་རེད། དེ་ལས་དོན་ངོ་མ་བོ་ཚིག་ཇི་བཞིན་པས་བཤད་ཀི་བསྡད་ན་དེ་ཡག་གི་རེད།