སྐྱེས་མའི་རྩོམ་རིག་འགྲན་བསྡུར།

བུད་མེད་ལ་ཟུར་ཟ་བྱས་ནའང་འདྲ། བུད་མེད་ལ་བསྟོད་པ་བྱས་ནའང་འདྲ། བུད་མེད་ཀྱི་རང་བཞིན་དེ་འགྱུར་ཆོག་ཆོག་ཡོད་པ་མ་རེད། ལར་བོད་ནང་དུ་བྱ་བཞག་གང་འདྲ་ཞིག་སྤེལ་ཀྱང་དགྲ་བོ་རྒྱ་དམར་གྱི་མདུན་དུ་བོད་རིགས་ཡོངས་རྫོགས་སེམས་ཤུགས་ཀྱིས་མ་བཞག་པར་རྡོག་རྩ་གཅིག་ལ་སྒྲིལ་ཐུབ་པས་རེད། དེ་བུད་མེད་གཅིག་པུའི་སྐད་ཆ་ཞིག་ཀྱང་མ་རེད། རང་མི་རིགས་ཞེས་རྩ་བའི་རྩེ་ལ་སྐྱེལ་ཐུབ་ཀྱི་ཡོད། དེ་ཕལ་ཆེར་རང་སྲིད་རང་སྐྱོང་ངམ་དབུ་མའི་ལམ་གྱི་དགོས་མཁོ་དང་དགེ་མཚན་ཞིག་ཀྱང་ཡིན་རྒྱུ་རེད།

ལྡོག་ཕྱོགས་ནས་འཇལ་ན་ཡང་བུད་མེད་ཚོ་འདྲ་མཉམ་མ་རེད་སུས་ཟེར། ཚེ་བརྟན་སྒྲོན་མ་མའོ་ཡི་དགའ་རོགས་བྱས་ནས་རྒྱ་བོད་གཉིས་ཀ་ཕ་མ་གཅིག་གི་བུ་ཕྲུག་ཡིན་ཚུལ་དང་བོད་ལ་བཅིངས་གྲོལ་ཐོབ་ཡོད་ཚུལ་བཤད་ཡོད་ལ། ཟམ་གདོང་རྡོ་རྗེ་ཕག་མོས་ཏྰ་ལའི་བླ་མས་མོ་ལ་གནོད་ཤུགས་སྤྲོད་སོང་ཟེར་ནས་རྒྱ་ནག་ལ་སྐྱབས་བཅོལ་དུ་སོང་ཡོད། ད་དུང་ཧྭན་ཧོང་དང་ཨེ་ལན་ཟླ་བ་སྒྲོན་མས་ལྷ་སར་འཐེན་པའི་ལྕགས་ལམ་ནི་ལྷ་ཡུལ་ལ་འཐེན་པའི་ལམ་གུང་ཁྲན་ཏང་གིས་བཟོས་ཚུལ་བླངས་ཡོད། ཨོ་་་་དཔའ་རུས་དབྱངས་ཅན་ལྷ་མོས་་ཀྲུང་གོའི་ཕྱི་བསྡོད་བོད་པའི་རིགས་གནས་ཚོགས་པ་ཨ་རི་ན་བཙུགས་འདུག

འདི་ནི་ཐོས་པ་ཙམ་གྱིས་དགའ་འོས་པ་ཞིག་རེད། ད་དུང་གཙན་བྱོལ་ནང་དུ་རྒྱ་རི་སྒྲོལ་མ་བཀའ་ཁ྄ིར་འཁོད་ན་གཟི་བརྗིད་ཆེ་ཡང་ངེད་ཅག་གིས་ད་དུང་བུད་མེད་ལ་གོ་སྐབས་དང་ཡིད་ཆེས་སྤྲད་མེད། དེར་ར་འཕྲོད་པ་ཞིག་ནི་ཐོབ་ཐང་དགོས་ཀྱི་འདུག་ཟེར་བ་ཁ་ཙམ་དུ་ཟད། གཙན་བྱོལ་ཁ྄ོད་ཀྱི་བུད་མེད་དག་ལ་ཤེས་ཡོན་དང་། ལྷག་བསམ། སྙིང་སྟོབས་དང་འཇོན་ཐང་སོགས་ནི་བུ་དག་དང་བསྡུར་ན་མ་ལྷག་ན་མ་དམན་པ་ཡོད་ལ་ཁ་གྲངས་ཡང་དོ་མཉམ་པ་ཡོད། འོན་ཀྱང་གཞུང་ཞབས་གནད་ཡོད་ནང་བརྒྱ་ཆ་བཅུ་ཡས་མས་ལས་ཡོད་བཟོ་མི་འདུག