ཟླ་འདིའི་ཕྱི་ཚེས་ ༣ ཉིན་མཚོ་སྔོན་ཟི་ལིང་གྲོང་ཁྱེར་དུ་སྙིང་རྗེ་རོགས་སྐྱོར་ཚོགས་པ་དང་། ཀན་ལྷོ་ཁུལ་ན་གཞོན་རྩོམ་པ་པོའི་མཐུན་ཚོགས། གངས་རིའི་བུ་མོའི་རྩོམ་སྒྲིག་ཁང་ཐུན་མོང་གི་གོ་སྒྲིག་འོག ༼ བྱམས་བུད་མེད་རྩོམ་རིག་བྱ་དགའི་མཛད་སྒོ ༽ ཞེས་པའི་ཆེས་ཐོག་མའི་སྐྱེས་མའི་རྩོམ་རིག་འགྲན་བསྡུར་གྱི་བགྲོ་གླེང་ཚོགས་འདུ་དེ་བསྡུས་ཡོད་འདུག
མཛད་སྒོ་དེའི་སྟེང་མདོ་དབུས་ཁམས་གསུམ་གྱི་མི་རིགས་སློབ་ཆེན་ཁག་གི་དགེ་རྒན་ཆེན་མོ་དང་། གཞུང་འབྲེལ་དུས་དེབ་དང་ཚགས་པར་ཁག་གི་རྩོམ་སྒྲིག་པ། དེ་བཞིན། རིག་གཞུང་ཞིབ་འཇུག་པ་དང་ཆེད་མཁས་པ་ ༣༠ ཙམ་ཆེད་ཕེབས་གནང་ཡོད་ཅིང་། ཐེངས་འདིའི་སྐྱེས་མའི་རྩོམ་ཡིག་འགྲན་བསྡུར་དེ་ལ་བྱ་དགའི་རིམ་པ་ ༡༢ ཙམ་ཡོད་ཅིང་། བྱ་དགའི་དངུལ་དང་མཉམ་དུ་གཟེངས་བསྟོད་ཕྱག་འཁྱེར་ཡང་བསྩལ་ཡོད་འདུག
མཛད་སྒོའི་ཐོག་ནུབ་བྱང་མི་རིགས་སློབ་གྲྭ་ཆེན་མོའི་དགེ་རྒན་བདུད་ལྷ་རྒྱལ་ལགས་དང་། གཅན་བཀྲ་བྷོ། ལྷ་སའི་ན་གཞོན་རྩོམ་པ་པོ་གྲགས་ཆེན་བསྟན་པ་དར་རྒྱས་དང་། རྨོག་རུ་ཚེ་རིང་དོན་གྲུབ་སོགས་ཀྱིས་སྐྱེས་མའི་རྩོམ་རིག་འགྲན་བསྡུར་གྱི་མྱོང་ཚོར་དང་འབྲེལ་ཏེ། བོད་པའི་རིག་གནས་འཕེལ་རྒྱས་དང་སྤྱི་ཚོགས་མཐུན་སྒྲིལ། ལྷག་པར་དུ་བོད་པའི་བུད་མེད་ཀྱི་ནུས་པ་གོང་མཐོར་གཏོང་རྒྱུར་ཕན་ནུས་རླབས་ཆེན་ལྡན་པའི་ལས་འགུལ་དེར་ལེགས་བཅོས་དང་། ཡར་རྒྱས་གཏོང་ཕྱོགས་བཅས་ལ་དགོངས་འཆར་ཡང་གསུངས་ཡོད་འདུག
བུད་མེད་ལ་ཟུར་ཟ་བྱས་ནའང་འདྲ། བུད་མེད་ལ་བསྟོད་པ་བྱས་ནའང་འདྲ། བུད་མེད་ཀྱི་རང་བཞིན་དེ་འགྱུར་ཆོག་ཆོག་ཡོད་པ་མ་རེད། ལར་བོད་ནང་དུ་བྱ་བཞག་གང་འདྲ་ཞིག་སྤེལ་ཀྱང་དགྲ་བོ་རྒྱ་དམར་གྱི་མདུན་དུ་བོད་རིགས་ཡོངས་རྫོགས་སེམས་ཤུགས་ཀྱིས་མ་བཞག་པར་རྡོག་རྩ་གཅིག་ལ་སྒྲིལ་ཐུབ་པས་རེད། དེ་བུད་མེད་གཅིག་པུའི་སྐད་ཆ་ཞིག་ཀྱང་མ་རེད། རང་མི་རིགས་ཞེས་རྩ་བའི་རྩེ་ལ་སྐྱེལ་ཐུབ་ཀྱི་ཡོད། དེ་ཕལ་ཆེར་རང་སྲིད་རང་སྐྱོང་ངམ་དབུ་མའི་ལམ་གྱི་དགོས་མཁོ་དང་དགེ་མཚན་ཞིག་ཀྱང་ཡིན་རྒྱུ་རེད།
འགྲོ་བ་མི་རྣམས་ཀྱི་བྱུང་རབས་ཁྲོད་དུ་བུད་མེད་ནི། ཆེས་གླེང་རིན་ཡོད་པ་ཞིག་སྟེ། བུད་མེད་མེད་ན་མི་བུའི་འཇིག་རྟེན་གྱི་ཕྱེད་ཀ་ནམ་ཡང་ཡོད་མི་སྲིད་པས། བུད་མེད་ལ་བརྟེན་པའི་ཕན་ནུས་དང་། བུད་མེད་ལ་བརྟེན་པའི་བྱམས་བརྩེའི་རིན་ཐང་ནི། སུས་ཀྱང་ཚོད་འཛིན་དཀའ་བ་ཞིག་རེད། འོན་ཀྱང་། ང་ཚོ་བོད་མིའི་སྤྱི་ཚོགས་ཁྲོད་དུ་བུད་མེད་ཀྱི་ལས་དབང་ནི། ཆེས་ཡ་ང་བའི་གནས་ཤིག་ཏུ་གྱུར་ཡོད།
ལྡོག་ཕྱོགས་ནས་འཇལ་ན་ཡང་བུད་མེད་ཚོ་འདྲ་མཉམ་མ་རེད་སུས་ཟེར། ཚེ་བརྟན་སྒྲོན་མ་མའོ་ཡི་དགའ་རོགས་བྱས་ནས་རྒྱ་བོད་གཉིས་ཀ་ཕ་མ་གཅིག་གི་བུ་ཕྲུག་ཡིན་ཚུལ་དང་བོད་ལ་བཅིངས་གྲོལ་ཐོབ་ཡོད་ཚུལ་བཤད་ཡོད་ལ། ཟམ་གདོང་རྡོ་རྗེ་ཕག་མོས་ཏྰ་ལའི་བླ་མས་མོ་ལ་གནོད་ཤུགས་སྤྲོད་སོང་ཟེར་ནས་རྒྱ་ནག་ལ་སྐྱབས་བཅོལ་དུ་སོང་ཡོད། ད་དུང་ཧྭན་ཧོང་དང་ཨེ་ལན་ཟླ་བ་སྒྲོན་མས་ལྷ་སར་འཐེན་པའི་ལྕགས་ལམ་ནི་ལྷ་ཡུལ་ལ་འཐེན་པའི་ལམ་གུང་ཁྲན་ཏང་གིས་བཟོས་ཚུལ་བླངས་ཡོད། ཨོ་་་་དཔའ་རུས་དབྱངས་ཅན་ལྷ་མོས་་ཀྲུང་གོའི་ཕྱི་བསྡོད་བོད་པའི་རིགས་གནས་ཚོགས་པ་ཨ་རི་ན་བཙུགས་འདུག
ཧོབ་དེ་བསམ་ན་དགའ་དགོས་པ་ཞིག་རེད་། འོན་ཀྱང་ཞིབ་ཏུ་བསམ་ན་འདི་ལྟར་བྱེད་ཕོད་པ་དང་བསྒྲུབས་ཕོད་པ་ནི་བུ་མེད་བརྒྱ་ཆའི་བཅུ་ཙམ་རེད། བུ་མེད་བརྒྱ་ཆའི་དགུ་བཅུ་ཙམ་གྱི་རང་གི་ཁྱོ་བོ་དང་ནང་མའི་བར་དུ་འདྲ་མཉམ་རྩོད་རྒྱུ་ལས་མི་རིགས་དང་རྒྱལ་ཁབ་གྱིས་ཐོབ་ཤོར་བར་འགྲན་རྩོད་བྱེད་པའི་མིག་རྒྱང་མི་འདུག །མདོར་ན་རང་ཉིད་ཀྱི་མ་འོང་བའི་ཁྱིམ་ཚང་དང་ཁྱོ་བོ་སོགས་ཀྱི་ཆེད་དུ་ཉིན་མཚན་དུས་དྲུག་དུ་འཁོར་བའི་སེམས་འཚབ་འདིའི་ནང་ནས་མི་ལོ་བཅུ་ཕྲག་འགའ་ལངས་ཐུབ་རྒྱུ་མ་རེད་འདོད།
ངའི་འདི་ནས་ཁྱེད་ཅག་སྐྱེད་མ་ཚོར་མཐོང་ཆུང་དང་ཟུར་ཟ་བྱས་པ་གཏད་ནས་མིན། འདི་ངའི་མཐོང་བའི་ཁྱེད་ཅག་གི་ལྷན་སྐྱེས་ཀྱི་གཤིས་ཀ་ཞིག་ཡིན།
འདི་ནི་ཐོས་པ་ཙམ་གྱིས་དགའ་འོས་པ་ཞིག་རེད། ད་དུང་གཙན་བྱོལ་ནང་དུ་རྒྱ་རི་སྒྲོལ་མ་བཀའ་ཁ྄ིར་འཁོད་ན་གཟི་བརྗིད་ཆེ་ཡང་ངེད་ཅག་གིས་ད་དུང་བུད་མེད་ལ་གོ་སྐབས་དང་ཡིད་ཆེས་སྤྲད་མེད། དེར་ར་འཕྲོད་པ་ཞིག་ནི་ཐོབ་ཐང་དགོས་ཀྱི་འདུག་ཟེར་བ་ཁ་ཙམ་དུ་ཟད། གཙན་བྱོལ་ཁ྄ོད་ཀྱི་བུད་མེད་དག་ལ་ཤེས་ཡོན་དང་། ལྷག་བསམ། སྙིང་སྟོབས་དང་འཇོན་ཐང་སོགས་ནི་བུ་དག་དང་བསྡུར་ན་མ་ལྷག་ན་མ་དམན་པ་ཡོད་ལ་ཁ་གྲངས་ཡང་དོ་མཉམ་པ་ཡོད། འོན་ཀྱང་གཞུང་ཞབས་གནད་ཡོད་ནང་བརྒྱ་ཆ་བཅུ་ཡས་མས་ལས་ཡོད་བཟོ་མི་འདུག
ལས་རིགས་དེ་འདྲ་སྤེལ་ཐུབ་ན་ཕོ་མོ་འདྲ་མཉམ་ཡོང་ཐུབ་རྒྱུ་རེད་ཡག་པོ་རེད།
བཟང་ཕྱོགས་གི་བྱ་བཞགས་རིགས་ལ་ཡང་དམར་བོའི་རྒྱུག་ཁྱུ་དེ་ཚོའི་ཀ་རེ་བྱེད་རྒྱུ་ཡིན་ན།