རྔ་པ་ཀིརྟི་དགོན་པར་རྒྱ་གཞུང་གིས་དམ་དྲག་དང་། རྒྱལ་གཅེས་སློབ་གསོ་མུ་མཐུད་སྤེལ་བཞིན་ཡོད་འདུག་ལ། རྔ་པ་རྫོང་གི་མཐོ་རིམ་ལས་བྱེད་རྣམས་དང་། ཐ་ན་སློབ་གྲྭའི་དགེ་རྒན་ཚུན་ཆེད་སྐོང་གིས་དགེ་འདུན་པ་ཚོར་སློབ་གསོའི་བྱ་འགུལ་ཐོག་ཤུགས་སྣོན་བཞིན་ཡོད་འདུག སྐད་ཆ་བཤད་མཁན་གཙོ་བོ་གཅིག་ནི་རྔ་པ་རང་སྐྱོང་ཁུལ་གྱི་འཐབ་ཕྱོགས་གཅིག་གྱུར་ཁང་གི་ཚེ་པོས་ཀྲང་ཞེས་པ་དེ་ཡིན་འདུག་ལ། ཁོང་ཚོས་དགོན་པ་གཏོར་དང་མི་གཏོར། ཆོས་སྒོ་རྒྱག་དང་མི་རྒྱག་ང་ཚོ་ལ་སྐད་ཆ་གང་ཡང་བཤད་རྒྱུ་མེད། དེ་ནི་ཁྱེད་རང་ཚོའི་རྣམ་འགྱུར་ལ་རག་ལས་ཡོད་ཚུལ་དང་། དགོན་པའི་དགེ་འདུན་པ་ཁག་ཅིག་གིས་ཕྱི་ཕྱོགས་ལ་གནས་ཚུལ་འགྲེལ་བརྗོད་བྱེད་ཀྱིན་འདུག་སྟབས་དེ་ཚོ་རང་དགར་འཇོག་རྒྱུ་མིན་སྐོར་སོགས་བརྗོད་འདུག
ཕྱི་ཚེས་ ༡༢ ཉིན་མི་མང་དང་དམག་མི་གདོང་ཐུག་བྱུང་སྐབས། མི་མང་གིས་གལ་སྲིད་དགེ་འདུན་པ་རྣམས་བཙོན་ཁང་དུ་འཁྲིད་རྒྱུ་ཡིན་ན། ང་ཚོས་རང་སྲོག་འབེན་བཙུགས་ཀྱིས་དགེ་འདུན་པ་ཚོར་སྲུང་སྐྱོབ་བྱ་རྒྱུ་ཡིན་ཚུལ་བརྗོད་སྐབས། དེར་ཡོད་ཉེན་རྟོག་པ་ཚོས་ཤི་ཐུབ་མཁན་ཚོས་མཛུབ་ཐེལ་རྒྱོབ་ཟེར་སྐབས། མང་ཚོགས་འཚང་ཁ་ཤིག་ཤིག་གིས་མི་ ༣༠༠ ལྷག་གིས་མཛུབ་ཐེལ་བརྒྱབ་ཡོད་སྟབས་མཚམས་འཇོག་བྱས་ཡོད་འདུག ཕྱི་ཚེས་ ༡༥ ཉིན་གྱི་མཚན་མོ་དགོན་པའི་གླིང་བར་ལ་ལྟ་སྲུང་བྱེད་མཁན་དྲག་ཆས་དམག་མི་དང་ཉེན་རྟོག་མི་སྣ་སྐོར་ཞིག་གི་རླངས་འཁོར་གྱིས་གྲྭ་དཔལ་ཁོ་ལགས་ཀྱི་གྲྭ་ཤག་གི་རྭ་བ་གཏོར་ཡོད་འདུག
ཉེ་ལམ་ཕྱི་ཟླ་ ༣ ཚེས་ ༢༠ ཙམ་ནས་དགོན་པའི་ནང་གི་སྨན་ཁང་སྒོ་བརྒྱབ་ཡོད་སྟབས། ད་ཆར་དགེ་འདུན་པ་རྣམས་ལ་རྒྱུན་ལྡན་སྨན་བཅོས་ཐད་དཀའ་ངལ་འཕྲད་བཞིན་ཡོད་འདུག ཕྱི་ཟླ་ ༣ ཚེས་ ༡༦ནས་ད་བར་དགོན་པའི་དགེ་འདུན་པ་ ༡༠༠ ལྷག་གར་སོང་ཆ་མེད་དུ་གྱུར་ཡོད་པ་དང་། ཉེ་ལམ་གྲྭ་ཕུན་ཚོགས་ལགས་ཀྱིས་རང་ལུས་མེར་བསྲེགས་བཏང་སྐབས། མཚོ་སྔོན་ཟི་ལིང་དུ་ཡོད་པའི་རྩོམ་པ་པོ་སྒོ་ཤེས་རབ་ལགས་ཕྱིར་རྔ་པར་ཕྱིན་ཡོད་ཀྱང་། དུས་དེ་ནས་བཟུང་ད་བར་ཁོང་གར་སོང་ཆ་མེད་ཆགས་ཡོད་འདུག་ལ། འབྲེལ་ཡོད་ཚོས་ལམ་བར་ནས་རྒྱ་གཞུང་གིས་འཛིན་བཟུང་བྱས་པར་ངོས་འཛིན་བྱེད་ཀྱི་ཡོད་འདུག
བཞུགས་སྒར་ཀིརྟིའི་བྱེས་པ་གྲྭ་ཚང་གི་བོད་གནས་འབྲེལ་མཐུད་པ་བློ་བཟང་ཡེ་ཤེས་དང་ཀ་ཉག་ཚེ་རིང་གཉིས་ཀྱིས་བཏང་འབྱོར་བྱུང་།
རྔ་པ་ཀིརྟི་དགོན་པའི་སྐྱ་སེར་ཡོངས་སུ་རྫོགས་པ་ལ་སྙིང་ནས་ཡི་རང་ཞུ་རྒྱུ་དང་ཆོལ་ཁ་གསུམ་གྱི་བོད་མི་དང་ལྷག་པར་དུ་བཙན་བྱོལ་དུ་ཡོད་པའི་བོད་མི་རྣམས་ལྷོད་ལྷོད་བྱས་ནས་མ་བཞུགས་པར་ཀིརྟི་དགོན་པའི་གནས་སྟངས་ཛ་དྲག་ལ་ཐུགས་བསམ་བཞེས་རོགས།
ངོ་ཤེས་གཅིག་གིས་བཤད་ན་རྔ་བ་ཁུར་ནས་མི་སྐྱ་བཅུ་ལྷག་་་་་གསུམ་པའི་བཅུ་དྲུག་གི་རྗེས་ནས་བོར་སོང་ཟེར།
ང་ཚོས་འབྱོན་པ་ནི་ཕྱིའི་རྒྱལ་ཁབ་ཁག་ལ་འབོད་སྐུལ་ཞུ་རྒྱུ་དང་།རོགས་རམ་ཐབས་ཤེས་འཚོལ་རྒྱུ་དེ་རེད།
ཕྱི་ཕྱོགས་ནས་དོ་སྣང་ཡོང་ཐབས་ལ་ང་ཚོས་མར་མེ་ཁྲོམ་སྐོར་ཙམ་གྱིས་ཕན་པ་མི་འདུག་པས་དྲིལ་བསྒྲགས་ཀྱི་ནུས་ཤུགས་ཆེ་ཙམ་འདོན་དགོས་པ་མ་ཟད་རྒྱལ་སྤྱིའི་མི་མང་གིས་དོ་སྣང་སླེབས་ཐུབ་པ་ཞིག་དགོས་ཀྱིན་འདུག
ད་རེས་སྤྱིར་བོད་ཡུལ་གང་སར་དམ་དྲགས་བྱེད་བཞིན་པ་དང་།ལྷག་པར་ཨ་མདོ་རྔ་བ་ཁུལ་དུ་དམ་དྲགས་བྱེད་བཞིན་པ་དེ་ཁོ་ནའི་ཆེད་དུ་དམིགས་ཏེ་རྡ་ས་ནས་ལྡི་ལི་བར་དུ་ཞི་བའི་གོམས་བགྲོད་ཞིག་མགོ་འཛུགས་བྱེད་དགོས་པ་དེ་གལ་ཆེན་པོར་མཐོང་བཞིན་འདུག་པས་སུ་ཞིག་གིས་ལས་འགུལ་འདིའི་མགོ་ཁྲིད་ན་ང་རང་གིས་དེ་ལ་རྒྱབ་སྐྱོར་བྱེད་རྒྱུ་མ་ཟད་རང་ཉིད་ཀྱང་དང་བླངས་ཀྱི་གོམ་བགྲོད་པ་ཞིག་ཡིན།
གཞི་ལུས་བོད་མི་ཡི་སྙིང་སྟོབས་ཇེ་བརྟན་རེད།
རྒྱ་མི་དམར་པོས་དམ་བསྒྲགས་ཇེ་བརྟན་རེད།
བཙན་བྱོལ་བོད་མི་ང་ཚོར་ཐབས་ཅི་ཡོད།
མ་གསང་དྲང་གཏམ་གསུང་དང་བཙན་བྱོལ་བ།
དེར་ཡོད་ཉེན་རྟོག་པ་ཚོས་ཤི་ཐུབ་མཁན་ཚོས་འཛུབ་ཐེལ་རྒྱོབ་ཟེར་སྐབས། མི་མང་ཚོས་འཚང་ཁ་ཤིག་ཤིག་གིས་མི་ ༣༠༠ ལྷག་གིས་མཛུབ་ཐེལ་བརྒྱབ་བཅུག་པ་འདི་གཡོ་སྒྱུ་ཆེན་པོ་ཞིག་ཡིན་ངེས། དེ་ཕྱིར་མཛུབ་ཐེལ་བརྒྱབ་མཁན་དག་ལ་བོད་མི་རང་གིས་ལྟ་རྟོགས་མ་བྱས་ན། ཁོང་ཚོར་གཉེན་ཁ་ཧ་ཅང་ཆེན་པོ་ཡོད་ངེས་ཏེ། རྗེས་སུ་ཁོ་ཚོ་རིམ་པའི་གར་སོང་ཆེ་མེད་དུ་གྱུར་ཁོ་ཐག་ཡིན།