མདུན་ངོས།
About Us
  • English
Advertisement
བོད་ཀྱི་དུས་བབ།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
བོད་ཀྱི་དུས་བབ།
English
No Result
ཆ་ཚང་གཟིགས།

སྲིད་དབང་རྩིས་སྤྲོད་ཀྱི་དགོང་མོ་གཉིད་སྐྱིད་པོ་ཁུག་སོང་།

བོད་ཀྱི་དུས་བབ།
༢༠༡༡/༠༤/༡༨
Share on FacebookShare on TwitterShare on EmailShare on Whatsapp

ད་ཆར་ངོས་ཀྱིས་ཏཱ་ལའི་བླ་མའི་ཆབ་སྲིད་ཀྱི་འགན་དབང་ཆ་ཚང་བ་མང་ཚོགས་ཀྱིས་འོས་འདེམས་བྱས་པའི་སྒྲིག་འཛུགས་ལ་དགའ་སྤྲོ་དང་སྤོབས་པ་ཆེན་པོའི་ཐོག་རྩིས་སྤྲོད་བྱས་ཡོད། ཅེས་༧གོང་ས་མཆོག་གིས་གསུངས་འདུག

སི་ཌན་ངལ་སེལ་ཚོགས་པའི་གོ་སྒྲིག་འོག ཕྱི་ཚེས་ ༡༦ ཉིན་༧གོང་ས་མཆོག་གིས་སི་ཌན་སོ་ཊོཀ་ཁོམ་ཝ་ཊར་ཕ་རན་ཌི་གྲོས་ཚོགས་ཚོགས་ཁང་དུ། ཡུལ་དེའི་ས་གནས་མི་མང་ ༣༠༠༠ བརྒལ་བར་༼ཏཱ་ལའི་བླ་མར་ཐུག་འཕྲད་༽ཅེས་པའི་བརྗོད་གཞིའི་ཐོག་བཀའ་སློབ་གནང་ཡོད་འདུག་ལ། སྐབས་དེར་ཁོང་གིས་མི་མང་ཚོར་ཆབ་སྲིད་དབང་ཆ་རྩིས་སྤྲོད་བྱས་དོན་སྐོར་ངོ་སྤྲོད་གནང་དོན། དེ་སྔོན་ངོས་རང་བོད་དུ་ཡོད་དུས་དམངས་གཙོའི་ལམ་ལུགས་སུ་མཐའ་གཅིག་ཏུ་རྒྱབ་སྐྱོར་བྱེད་མཁན་ཞིག་ཡིན། ༡༩༥༣ ལོར་ངོས་ཀྱིས་བོད་དུ་བསྒྱུར་བཅོས་ཚོགས་པ་ཞིག་གསར་འཛུགས་བྱས་ཡོད་ཀྱང་། རྒྱ་གཞུང་གིས་གུང་ཁྲན་ཏང་གི་ལམ་སྲོལ་ལྟར་བཅོས་བསྒྱུར་གཏོང་རྒྱུ་ཡིན་ཚུལ་བརྗོད་སྟབས། བསྒྱུར་བཅོས་བྱེད་སྟངས་ཏང་དང་རྒྱབ་འགལ་དུ་སོང་ཡོད། རྒྱུ་རྐྱེན་དེ་དག་ལ་བརྟེན་ཏེ་ ༡༩༥༩ ལོར་བོད་མི་ཆིག་འབུམ་ལྔ་ཁྲི་ཙམ་རྒྱ་གར་ལ་བྲོས་བྱོལ་དུ་ཡོང་དགོས་བྱུང་ཡོད། ཅེས་དང་།

 ཡང་༧གོང་ས་མཆོག་གིས་མུ་མཐུད་དེ། ངོས་རང་ལོ་མང་རིང་བོད་ཀྱི་ཆོས་སྲིད་གཉིས་ཀྱི་མགོ་ཁྲིད་བྱས་ཡོད་དུས། ཆོས་སྲིད་ཀྱི་འཛིན་སྐྱོང་ཐ་དད་བྱ་དགོས་ཞེས་བརྗོད་ན་ཏོག་ཙམ་ཁྱད་མཚར་ཞིག་འདུག་ཀྱང་། ༢༠༠༡ ལོར་བོད་མི་ཚོས་ཆབ་སྲིད་མགོ་ཁྲིད་ཐད་ཀར་འོས་བསྡུའི་ལམ་ནས་བདམས་ཐོན་བྱས་ཡོད་པ་ན་བཟུང་སྟེ། ངོས་ཀྱི་གནས་སྟངས་ཕྱེད་རྒན་ཡོལ་དུ་བསྒྱུར་ཡོད། ངོས་རང་ཕྱེད་རྒན་ཡོལ་བྱས་ཏེ་ལོ་ངོ་  ༡༠ ཙམ་བསྡད་པ་འདང་ངེས་ཤིག་ཆགས་ཡོད། ངོས་རང་ལའང་འགྲོ་བ་མིའི་ཐོབ་ཐང་དགོས་ཀྱི་ཡོད་པ་རེད། ཅེས་གསུངས་ཡོད།

བཙན་བྱོལ་བོད་གཞུང་ལ་འཛིན་སྐྱོང་དབང་ཆ་རྩིས་སྤྲོད་བྱས་པའི་ཚོར་སྣང་ཐད་གསུངས་དོན། ད་ཆར་ངོས་ཀྱིས་ཏཱ་ལའི་བླ་མའི་ཆབ་སྲིད་ཀྱི་འགན་དབང་ཆ་ཚང་བ་དེ་མང་ཚོགས་ཀྱིས་འོས་འདེམས་བྱས་པའི་སྒྲིག་འཛུགས་ལ་དགའ་སྤྲོ་དང་སྤོབས་པ་ཆེན་པོའི་ཐོག་ནས་རྩིས་སྤྲོད་བྱས་ཡོད། དེའི་སྟབས་ཀྱིས་ལོ་ངོ་ ༤༠༠ ཙམ་སོང་བའི་ཏཱ་ལའི་བླ་མའི་བོད་མིའི་ཆབ་སྲིད་མགོ་ཁྲིད་བྱ་རྒྱུའི་ལམ་སྲོལ་དེ་གཟི་བརྗིད་ངང་མཇུག་བསྒྲིལ་པ་རེད། ཕྱི་ཟླ་ ༣ ཚེས་ ༡༩ ཉིན་ཏེ། ངོས་ཀྱིས་སྲིད་དབང་མང་ཚོགས་ཀྱིས་འོས་འདེམས་བྱས་པའི་སྒྲིག་འཛུགས་ལ་རྩིས་སྤྲོད་བྱས་པའི་དགོང་མོ་དེར་གཉིད་ཧ་ཅང་སྐྱིད་པོ་ཞིག་ཁུག་བྱུང་། ཞེས་གསུངས་འདུག  

ཡུལ་དེའི་ཉིན་གསུམ་རིང་གི་མཛད་འཕྲིན་སྐབས་༧གོང་ས་མཆོག་གིས། སྙན་གྲགས་ཅན་གྱི་ནོ་བྷེལ་འགྲེམས་སྟོན་ཁང་ལ་ Nobel Museum  ཞིབ་གཟིགས་གནང་མཐར་སྨྱུ་གུ་གཅིག་དང་སྤྱན་ཤེལ། སྤྱོད་འཇུག་གི་ཕྱག་དཔེ་ཞིག་བཅས་བསྩལ་ཡོད་འདུག་ལ། སྐབས་དེར་ས་དེ་གའི་སོག་རིགས་མང་ཚོགས་ལའང་དམིགས་བསལ་བཀའ་སློབ་ཞིག་གནང་ཡོད་པ་རེད།

ཕྱི་ཚེས་ ༡༧ ཉིན་གྱི་སྔ་དྲོར་གོང་ས་མཆོག་གིས་ལུན་ཌ་གྲོང་ཁྱེར་གྱི་སློབ་གྲྭ་ཞིག་ཏུ། གྲོང་ཁྱེར་ཁག་ ༥༠ ནས་བཅར་བའི་སློབ་ཕྲུག་ཚོར་བཀའ་སློབ་གནང་ཡོད་འདུག་ལ། དེའི་རྗེས་གྲོང་ཁྱེར་དེའི་ཡེ་ཤུའི་ཚོགས་ཁང་ཆེན་པོ་ཞིག་ཏུ་འཚོགས་བཞིན་པའི་གསོལ་འདེབས་སྨོན་ལམ་ཞིག་གི་ཐོག་ཕེབས་ཏེ། ཚོགས་ཞུགས་པ་ ༡༠༠༠ ལྷག་ལ་བཀའ་སློབ་གནང་སྟེ། ངོས་རང་དམིགས་བསལ་སྨོན་ལམ་ཚོགས་ཆེན་སྟེང་བཅར་ཐུབ་པ་འདི་གཟི་བརྗིད་ཅིག་ཏུ་ཚོར་བྱུང་། ཚོགས་ཆེན་འདིའི་རིགས་ཀྱིས་ཆོས་ལུགས་མཐུན་སྒྲིལ་ཡོང་རྒྱུར་ཕན་ཐོགས་ཡོང་གི་ཡོད། ཆོས་དད་བྱ་རྒྱུ་དེ་ལྷ་ཁང་ནང་ཙམ་མིན་པར་ལྷ་ཁང་གི་ཕྱི་ལའང་ཁྱབ་ཐུབ་པ་ཞིག་དགོས། ཆོས་དད་ལྷ་ཁང་ཁོ་ནར་ལུས་པ་ཡིན་ན་དེ་ཙམ་གྱི་ནུས་པ་ཐོན་ཐུབ་ཀྱི་མེད། ཅེས་གསུངས་ཡོད། སི་ཌན་གྱི་ཆིབས་བསྒྱུར་ལེགས་པར་གྲུབ་རྗེས། ཕྱི་ཚེས་ ༡༧ ཉིན་ཌན་མག་ཏུ་ཕེབས་ཏེ་མཛད་འཆར་ཁག་མུ་མཐུད་སྐྱོང་བཞིན་ཡོད་འདུག

                                                                                                           གསར་འགོད་པ། དཔལ་ལྡན།  

འབྲེལ་ཡོད་གསར་འགྱུར།

Mobile App

ཞིང་གཤེགས་དམ་པ་མཆོག་སྤྲུལ་ཧཱུྃ་ཀར་རྡོ་རྗེ་རིན་པོ་ཆེ་ལགས་སུ་སྙིང་སྟོབས་གཟེངས་རྟགས་ཕུལ།

ཆུ་ཚོད་ ༡༩ སྔོན་ལ།
༧གོང་ས་མཆོག གསུང་འཕྲིན།

༸གོང་ས་མཆོག་ནས་ནོ་སྦེལ་ཞི་བདེའི་གཟེངས་རྟགས་བཞེས་མཁན་ལྕམ་མཱ་རི་ཡ་ལགས་སུ་འཚམས་འདྲི་མཛད།

ཆུ་ཚོད་ ༢༡ སྔོན་ལ།
ཁུང་ཙིའི་སློབ་མའི་བསླབ་བྱ།
Mobile App

རྒྱ་གཞུང་གིས་འཆར་གཞི་ལྡན་པའི་སྒོ་ནས་ཞིང་ལྗོངས་ལྔའི་བོད་ཁུལ་སློབ་གསོ་བཅོས་སྒྱུར་དང་མཐོ་རྒྱུགས་ཁྲོད་བོད་ཡིག་གདམས་གསེས་ལག་བསྟར་བྱས་པའི་སྐོར་རགས་ཙམ་གླེང་བ།

༢༠༢༥/༡༠/༡༣
པར། བདག་དབང་། བོད་ཀྱི་དཔེ་མཛོད་ཁང་།
Mobile App

གསར་འགྱུར་མེ་ལོང་ལོ་ ༡༠༠ འཁོར་བའི་རྗེས་དྲན།

༢༠༢༥/༡༠/༡༡
FILE - Venezuelan opposition leader Maria Corina Machado gestures at a protest ahead of the Friday inauguration of President Nicolas Maduro for his third term, in Caracas, Venezuela January 9, 2025. [File photo: Reuters/Maxwell Briceno]
Mobile App

༢༠༢༥ ལོའི་ནོ་སྦེལ་ཞི་བདེའི་གཟེངས་རྟགས་ལྕམ་མཱ་རི་ཡ་ཁོ་རི་ནཱ་མཱ་ཆཱ་ཌོ་ལགས་སུ་ཐོབ།

༢༠༢༥/༡༠/༡༠
བོད་རིགས་དཔོན་པོ་བསྟན་འཛིན་དང་རྒྱ་ནག་གཞུང་གི་ཆོས་ལུགས་ལས་དོན་བཀག་སྡོམ་གྱི་བཅའ་ཁྲིམས། པར་དུས་བབ་ཀྱིས་བསྒྲིགས།
Mobile App

ཆོས་ལུགས་ལ་དད་མོས་བྱས་པའི་ཉེས་མིང་འོག་བོད་རིགས་དཔོན་པོ་ཞིག་གནས་དབྱུང་བཏང་།

༢༠༢༥/༡༠/༡༠

མཆན། 7

  1. མངའ་རིས་བུ། says:
    ལོ་ 14 སྔོན།

    གཟུ་གནས་ལགས།
    དགེ་འདུན་པས་བསོག་འཇོག་བྱེད་རུང་ངམ།
    བསོག་འཇོག་བྱས་ན་བསོག་འཇོག་གི་ལྟུང་བ་ཕོག་པ་འདུལ་གཞུང་ལས་བཤད་མི་འདུག་གམ།བསོད་ནམས་ཟད་པ་རང་རེད།
    འདུལ་བའི་གཞུང་སོགས་ལ་ལྟ་རྩམ་ཀྱང་མི་བྱེད་པ་དགེ་འདུན་པ་ཞིག་ཡིན་ན།
    དེ་མིན་མི་སྐྱ་ཞིག་ཡིན་ན་འདུལ་བའི་སྐོར་ལ་རྩོད་པ་བྱེད་པར་མ་ཡོང་ན་ལེགས།
    གཟུ་བོར་གནས་ན་དེ་ཚོར་དཔྱོད་ཤེས་གྱིས།

    Reply
  2. གཟུ་གནས་བློ་ལྡན། says:
    ལོ་ 14 སྔོན།

    གོང་དུ་མངའ་རིས་བུ་ཟེར་བ་འདིས་ཟུར་ཟ་བྱེད་སྟངས་ལ་གཟིགས་དང། ད་དངོས་གནས་བོད་ལ་བསོད་ནམས་ཏོག་ཙམ་ཡོད་པ་འདི་ཆུད་ཟོས་སུ་གཏོང་བཞིན་མི་འདུག་གམ། དངུལ་དངུལ་ཁང་ནང་མ་བཅུག་ན་གསང་སྤྱོད་ནང་བཅུག་དགོས་པ་ཨེ་རེད། དངུལ་ཁང་ནང་མ་བཅུག་ན་ཀརྨ་པ་ལ་ཇི་བྱུང་ལྟར་ཡོང་ངེས་རེད། དད་ལྡན་འབངས་ཀྱིས་ཕུལ་བ་འབངས་རང་གི་ཆེད་དུ་གཏོང་བཞིན་ཡོད་པ་ཞིབ་འཇུག་ཡག་པོ་བྱས་ནས་བལྟ་དགོས། སློབ་ཕྲུག་ཁྲི་ཁ་ཤས་དང། དགེ་འདུན་པ་ཁྲི་ཙམ་ལ་ལོ་གཅིག་ནང་འགྲོ་སོང་ག་ཚོད་གཏོང་བཞིན་ཡིན་པ་ཁྱེད་ཀྱིས་ཨེ་ཤེས། མ་ཤེས་ན་ངས་ཞུ་ཆོག།
    སྤྲུལ་སྐུ་ཨོ་རྒྱན་ཉི་མའི་རེ་བ་ཡག་པོ་འདུག ཡིན་ནའང་འཛམ་གླིང་ནང་པའི་ཆོས་འབྱུང་སོ་སོ་ནས་འགོ་འཛུགས་ཏེ་བྲིས་ན་མི་ཆོག་པ་ག་ལ་ཡོད། དེང་སང་ལོ་རྒྱུས་འབྲི་རྒྱུ་ལས་ཆོས་ཉམས་ལེན་བྱེད་རྒྱུ་གལ་ཆེ། ཆོས་ཀྱི་རྟོགས་པ་སངས་རྒྱས་ལྟ་བུ་ཅིག་ཡོད་ན་ལོ་རྒྱུས་མི་ཡིས་བྲིས་ཡོང་གི་རེད། སེམས་ཁྲལ་མ་བྱེད། ང་རང་ཚོས་བོད་ཀྱི་ཆོས་འབྱུང་ཡག་པོ་གཅིག་བྲིས་དང་། ཡུལ་ལུང་གཞན་གྱི་རང་རང་གིས་ཏག་ཏག་བྲིས་ཡོང་ཀི་རེད།

    མཐར། བསིལ་ལྡན་ལྗོངས་འདིར་ཕན་བདེ་མ་ལུས་པ།།
    གང་ལས་འབྱུང་བའི་བསམ་འཕེལ་ཡིད་བཞིན་ནོར།།
    རྗེ་བཙུན་བློ་བཟང་བསྟན་འཛིན་རྒྱ་མཚོ་ཡི།།
    སྐུ་ཚེ་བརྟན་ཅིང་མཛད་འཕྲིན་རྒྱས་གྱུར་ཅིག།

    Reply
  3. ཀརྨ་རྡོ་རྗེ། says:
    ལོ་ 14 སྔོན།

    ༸གང་སྐུ་༸སྐུ་ཚེ་ཡུན་བརྟན་ཤོག །

    Reply
  4. མངའ་རིས་བུ། says:
    ལོ་ 14 སྔོན།

    ད་སྔར་རྒྱ་གར་པཎ་གྲུབ་རྣམས་ཀྱིས་ཇི་ལྟར་གནང་བ་བཞིན་བྱེད་དགོས་ཚེ།
    ཆོས་གོས་རྣམ་གསུམ་དང་ཞབས་རྗེན་པ་ལྷུང་ཟད་འཁྱེར་ཏེ་ཕེབས་རྒྱུ་ལས་མེད།
    ཀོ་བའི་ལྷམ་དང་གོས་ཆེན་ཐེར་མ་ལས་སོགས་ཀྱི་གོས་སྤོང་དགོས།
    ལག་འདོགས་ཆུ་ཚོད་དང་དངུལ་ཁང་དུ་དངུལ་འཇོག་རྒྱུ་ལས་སོགས་གསོག་འཇོག་གི་ལས་རྣམས་སྤོང་དགོས།
    ད་ལྟའི་བོད་ཀྱི་དགེ་འདུན་པ་རྣམས་ཀྱིས་བསྣམ་བཞིན་པའི་གྲྭ་ཆས་དེ་དག་དོར་ནས་ཝར་ནའི་སྐུ་བརྙན་དེ་དག་དང་འདྲ་བར་ཆོས་གོས་དམར་སེར་གསུམ་པོ་དེ་ལས་ལྷག་ཅིག་གོན་མི་ཆོག་པ་བྱེད་དགོས།
    དེ་ནས་བཟློག་གཏོར་རྒྱབ་རྒྱུ་དང་གསང་སྔགས་ཀྱི་དབང་བསྐུར་དཀྱིལ་འཁོར་བཞེངས་སྒྲུབ་ལས་སོགས་གསང་སྔགས་ཀྱི་ཆོ་ག་དེ་དག་མེད་པར་བཟོ་དགོས།
    རླུང་རྟ་གཏོང་རྒྱུས་མཚོན་པའི་འཇིག་རྟེན་པའི་བྱ་བཞག་དེ་དག་སྔར་པཎ་གྲུབ་རྣམས་དང་སྟོན་པ་བཅོམ་ལྡན་འདས་ཀྱིས་གནང་བ་མེད་པས་དེ་དག་ཀྱང་མེད་པ་བཟོ་དགོས།
    ད་མང་པོ་འདུག
    བོད་ཀྱི་ནང་པ་དེ་རྒྱལ་ཁབ་གཞན་དང་མི་འདྲ་བའི་ཁྱད་ཆོས་དེ་དག་གང་ལས་བྱུང་ངམ།
    རྒྱུ་མཚན་དེ་ཡིས་བོད་ཀྱི་ནང་པར་ཅི་ཅིག་མག་མག་ཟེར་དགོས་དོན་བྱུང་བ་རེད་སྙམ།

    Reply
  5. དྲང་བདེན་གྱིས་བསླུས་པའི་མུ་ཏོ་བ། says:
    ལོ་ 14 སྔོན།

    རྒྱལ་བསྟན་འཇིག་རྟེན་འདི་ནས་ཡལ་གྱིས་དོགས་པའི་སྨྲེ་སྔགས།
    ༧གོང་ས་མཆོག་གཙོ་བྱས་པའི་འཛམ་གླིང་ཤར་ནུབ་ཀྱི་བཀུར་འོས་ནང་པའིི་གཙོ་འཛིན་ལྷན་རྒྱས་ཀྱི་ཞབས་དྲུང་དེར་སྒོ་གསུམ་གུས་པས་ཞུ་གསོལ་འདེབས་སྙིང་།

    དེ་ཡང་རྒྱལ་བ་རྫོགས་པའི་སངས་རྒྱས་གང་ཉིད་ཀྱིས་མགུལ་ནས་གསུངས་ཤིང་ཚད་མ་གསུམ་གྱིས་དག་པའི་ཕན་བདེའི་འབྱུང་གནས་རྒྱལ་བསྟན་རིན་པོ་འདི་ཉིད་འཛིན་སྐྱོང་སྤེལ་གསུམ་ལ་མངའ་བརྙེས་པའི་དགེ་འདུན་ལ་རབ་བྱུང་ངུར་སྨྲིག་གི་སྡེ་དང་། གོས་དཀར་ལྕང་ལོའི་སྡེ་སྟེ་གཉིས་སྔོན་སྟོན་པ་ཞལ་བཞུགས་དུས་ནས་རྒྱ་གར་དུ་བྱུང་བ་བཞིན། རྗེས་ནས་བྱང་རྒྱུད་ནང་བསྟན་བོད་དང་རྒྱ་ནག འབར་མའི་ནང་པ་དང་། ལྷོ་རྒྱུད་ནང་བསྟན་ཤྲི་ལང་གའི་ནང་པ་སྟེ་མང་དུ་བྱུང་བ་རེད། དེ་དག་ལས་སྡེ་གཉིས་ཞེས་པ་དེ་ལ་མདོའི་རབ་བྱུང་དང་དགེ་བསྙེན་གཉིས་ལ་ངོས་འཛིན་ཚུལ་ཞིག་དང་། ཡང་བོད་ལ་མཚོན་ན་གཙོ་བོ་མདོ་སྔགས་ཀྱི་ཉམས་བཞེས་གཙོ་ཆེ་ཆུང་གིས་སྒོ་ནས་ཕྱག་སྲོལ་དང་ན་བཟའ་མཆོད་སྟངས་ལ་ཡང་ཁྱད་པར་བྱུང་བ་རེད་ལ། རབ་ཏུ་བྱུང་བ་དག་གིས་ནི་བསྒྲུབ་པའི་བསླབ་བྱ་གཞི་བདུན་དང་། དགག་པའི་བསླབ་བྱ་ལྟུང་བ་སྡེ་ལྔའི་གནང་བཀག་གིི་ལག་ལེན་སྡེ་བ་སོ་སོའི་ཆོ་གའི་འགྲོས་དང་མཐུན་པར་ཉམས་བཞེས་གནང་བ་དང་། ཁྱིམ་པའི་ཆོས་ལ་གནས་པ་རྣམས་ཀྱིས་ཀྱང་མདོ་ལ་མཚོན་ན་སྣ་གཅིག་ནས་ཡོངས་རྫོགས་བར་གྱི་བསླབ་བྱ་སྲུང་བ་དང་། སྔགས་པའི་ཁྱིམ་པ་བ་རྣམས་ཀྱིས་ཀྱང་སྔགས་ཕྱི་ནང་གི་ཆ་མཐུན་དང་དངོས་ཀྱི་བསྐྱེད་རིམ། རྫོགས་རིམ། རྫོགས་ཆེན་གསུམ་གྱི་ཉམས་བཞེས་གནད་དུ་འཁྱོལ་ཞིང་། རྩ་བ་དང་ཡན་ལག་གི་དམ་ཚིག་ལ་གནས་ནས་བསྟན་པ་དྲི་མ་མེད་པར་བསྐྱངས་པ་རེད། དེ་ཡིན་དུས་གནའ་བོའི་དམ་པའི་ཕྱག་བཞེས་ལ་གྱེན་དུ་གཟིགས་པ་ལས་དེང་སང་གི་ཁྲེལ་མེད་དེ་ཚོའི་ལམ་ལུགས་ལ་གཡང་དུ་མི་མཆོང་བར་ཞུ་རྒྱུའི་ཆེད་དུ་རེ་བསྐུལ་དོན་ཚན་དགུ་ལས།

    ༡༽ རྒྱལ་སྤྱིའི་ནང་པའི་ཆེ་དགུ་དག་བསྐངས་འཚོགས་ཀྱིས་སྔར་རྒྱ་གར་ནས་རྒྱ་ནག་དང་། བོད། ཤྲི་ལང་ག འབར་མ་བཅས་ལ་སངས་རྒྱས་ཀྱི་བསྟན་པ་མདོ་སྔགས་གཉིས་ཇི་ལྟར་བརྒྱུད་ཚུལ་དང་། གནའ་དེང་གི་ཤར་ནུབ་ཡུལ་གྲུ་ཀུན་ཏུ་སངས་རྒྱས་བསྟན་པའི་བྱེད་པོ་དག་གི་བཀའ་དྲིན་ལ་གཟེངས་བསྟོད་ཕུལ་ཏེ། རྒྱལ་སྤྱིའི་ནང་པའི་ཆོས་འབྱུང་ཞེས་པ་ཞིག་སྐད་རིགས་ཀུན་འདུས་ཤིག་བཟོ་བསྐྲུན་བྱ་དགོས་པར་སེམས།

    ༢༽ མདོ་སྔགས་གཉིས་བསྟན་པ་རྣམ་དག་ཡིན་པ་ལ་མཁྱེན་རབ་དང་ལྡན་པ་དག་གིས་ཇི་བཞིན་པ་རྟོགས་ཀྱང་། མ་རིག་པའི་ལིང་ཏོག་ཆེས་མོད་པའི་དེང་དུས་ཀྱི་ནང་པ་ཁེ་འཆེ་བ་མང་པོ་ཞིག་གསང་སྔགས་ལ་འཆོལ་རྙོག་ཏུ་སྤྱོད་པ་དང་། འགའ་ཞིག་གིས་གསང་སྔགས་ནང་པའི་ཆོས་མ་ཡིན་པ་སྨྲ་བ་མང་པོ་ཞིག་འབྱུང་བཞིན་འདུག་པས། མང་ཚོགས་ཀྱིས་ལྟར་བཏུབ་པའི་ཡིག་ཆ་ཞིག་སྲིད་འདིའི་སྐྱེ་དགུའི་མིག་ལམ་བསྟར་ཐུབ་ན་དགེ་མཚན་ཆེ་བར་མཐོང་།

    ༣༽ དེང་སང་གཙོ་ཆེ་བ་རྒྱ་ནག་དང་ཐེ་ཝན། ཧོང་ཀོང་དང་སིངྒ་པུར། ཨིན་ཌོ་ནེ་ཤི་ཡ་དང་མ་ལེ་ཤི་ཡ་སོགས་སུ་སྤྲུལ་སྐུ་དང་མཁན་པོ། དགེ་བཤེས་དང་བླ་མ། ཆོས་དགེ་རྣམ་དག་མ་ཡིན་པ་མང་པོ་ཞིག་གིས་དངུལ་དང་གོ་སའི་ཆེད་དུ་ཁྲེལ་དང་ངོ་ཚ་མཐའ་དག་སྤངས་ཏེ། རབ་བྱུང་དང་བསྙེན་རྫོགས་ཀྱི་ཁྲིམས་འཆལ་ཡང་ཆོས་གོས་རྣམ་གསུམ་ལུས་ལ་བསྒོ་བཞིན་ཁྲིམས་ལྡན་བརྫུ་བ་དང་། རྟོགས་པ་མེད་ཀྱང་རྟོགས་ལྡན་བརྫུ་བ་དག་གིས་སེམས་ཅན་མང་པོ་ཞིག་མགོ་བོ་བསྐོར་ཞིང་། དོན་ལྡན་བཙུན་པ་དག་ལ་རིན་ཐང་མེད་པར་བཟོ་བཞིན་པ་འདིས་སངས་རྒྱས་ཀྱི་བསྟན་པ་ཡུན་དུ་གནས་པ་དང་། ལྟ་བ་ཡང་དག་དང་ཡང་དག་མ་ཡིན་པ་ཤན་ཕྱེ་བ་ལ་གནོད་ངེས་པས་ཅི་ནས་ཀྱང་ཡོ་བསྲང་ཞིག་གནང་དགོས་ཤིང་། དགེ་སྦྱོང་མགོ་རེག་གི་གཟུགས་སུ་གནས་ན་རབ་བྱུང་ཡིན་པས་མ་ཁྱབ་པ་དང་། གོས་དཀར་ལྕང་ལོ་ལྡན་ཚད་རྟོགས་ལྡན་ཡིན་པས་མ་ཁྱབ་པ་ཞིག་ངེས་པར་དུ་བཟོས་དགོས་པར་སེམས།

    ༤༽ གང་ལྟར་ཡང་འབྱོར་ལྡན་དག་གིས་བྱས་རྗེས་འདིས་རྒྱལ་བསྟན་ཡུན་ཏུ་གནས་པ་ལ་ཕན་ཐོགས་ན་དེས་འགྲིག་ཀྱང་། རྒྱལ་བསྟན་གྱི་སྙིང་པོ་ལུང་དང་རྟོགས་པའི་ཆོས་རྣམ་པ་གཉིས་རེད། ཁོང་ཚོའི་རྒྱུད་ལ་དེ་གཉིས་ཀ་མེད་པ་མ་ཟད། ཁོ་ཚོས་རྗེས་འབྲངས་པ་དག་མགོ་རྨོངས་སུ་བཅུགས་ཏེ་རྒྱུ་མཚན་གང་གིས་བསྒྱུར་ཐབས་བྲལ་བའི་ངན་གཡོའི་ལྟ་བ་ཁོ་ནར་བསླབ་ཀྱི་འདུག ལྟ་བ་རྣམ་དག་ཡོད་མཁན་དག་ལ་བརྙས་དམོད་དང་བསྐུར་འདེབས་གཏོང་བཞིན་པ་འདིས་འདུག་བཟོད་བྲལ་བའི་གནས་ཚུལ་ཞིག་ཏུ་མཐོང་།

    ༥༽ བོད་བརྒྱུད་ནང་བསྟན་གཙོར་བྱས་པའི་ནང་པའི་བསྟན་པ་ཡོངས་རྫོགས་ལ་ལུང་རིགས་ཚད་མ་གསུམ་གྱིས་དག་པའི་རྒྱུ་མཚན་རྣམ་དག་ཡོད་པས། རྒྱལ་སྤྱིའི་བཀུར་འོས་དགེ་བའི་བཤེས་གཉེན་ཆེན་པོ་དག་རང་དབང་ལྡན་པའི་ཡུལ་གྲུ་དགེ་བ་ཞིག་ཏུ་བགྲོ་གླེང་ལ་ཕེབས་ན། སྔོན་འཕགས་པའི་ཡུལ་དུ་བཀའ་བསྡུ་ཐོག་མཐའ་བར་གསུམ་དུས་ཀྱི་གནས་བརྟན་ཆེན་པོ་དག་དང་། རྒྱ་ནག་ལ་མཚོན་ན་ཆོས་རྒྱལ་དྷརྨ་བྷོ་དྷི་སོགས་པཎ་ཌི་ཏ་རྣམས་དང་། ཤྲི་ལངྒ་ལ་ཆོས་རྒྱལ་མྱ་ངན་མེད་ཀྱི་སྐུ་སྲས་རྣམ་ཉིས་སོགས་དགེ་བའི་བཤེས་གཉེན་ཆེན་པོ་དག་དང་། བོད་གངས་ཅན་ལྗོངས་ལ་མཚོན་ན་ཤིང་ལྟ་ཆེན་པོ་བ་མཁན་སློབ་ཆོས་གསུམ། མར་མི་དྭགས་གསུམ། གོང་མ་རྣམ་ལྔ། རྗེ་ཡབ་སྲས་གསུམ་སོགས་ངེས་པ་དོན་གྱི་བསྟན་འཛིན་གྱི་རྒྱལ་པོ་རྣམས་དང་། གཞན་ཡང་ཉེ་ཆར་བོད་ནས་མཁན་ཆེན་འཇིགས་མེད་ཕུན་ཚོགས་མཆོག་གིས་ཀྱང་སྐུ་ཚེ་གང་རྒྱལ་བསྟན་དག་ཐེར་ལ་ཐུགས་གཞོལ་ནས་དེ་དག་གིས་གྲུབ་འབྲས་ཤིན་ཏུ་ལེགས་པ་བྱུང་ཡོད་པས། བསྟན་པ་རིན་པོ་ཆེ་ཕྱོགས་ཀྱི་ཐ་གྲུ་ཀུན་ཏུ་རྒྱས་པ་དང་། ཇི་སྲིད་བསྐལ་བ་མ་སྟོང་བར་ཡུན་དུ་གནས་པ་ལ་དགོས་པ་བརླབས་ཆེན་ཞིག་མཆིས་པས་རྣམ་པ་ལྷན་རྒྱས་ནས་ཐུགས་ཡེངས་མི་གནང་བར་ཞུ།

    ༦ གལ་སྲིད་བགྲོ་གླེང་བསྐང་ཚོགས་བྱུང་ན། རྒྱལ་བསྟན་གྱི་ངོ་བོ། བསྟན་པའི་ཆེ་བ་དང་། བསྟན་བའི་བརྒྱུད་རིམ། བསྟན་འཛིན་གྱི་མཚན་ཉིད། རྒྱལ་ཁབ་དང་ཡུལ་ལུང་གང་རུང་ཞིག་ཏུ་ནང་ཆོས་ཀྱི་དགེ་རྒན་གནང་སྟེ་བསྟན་པ་སྤེལ་དགོས་ན། རབ་བྱུང་གི་སྡེའི་བཅས་ཁྲིམས་དང་། གོས་དཀར་ལྕང་ལོའི་བཅས་ཁྲིམས། དེ་གཉིས་ཀའི་བླ་སློབ་ཀྱི་མཚན་ཉིད། དེ་གཉིས་ཀྱི་གོས་ཀྱི་བྱེ་བྲག ནང་བསམ་བློའི་འཁྱེར་སོ། སྤྱིའི་སྤྱོད་ལམ་སོགས་ཡིག་ཐོག་ཏུ་བཀོད་དེ་རྒྱལ་ཁབ་རིམ་པའི་ཕྱི་སྲིད་དང་ནང་སྲིད་ལས་ཁུངས་ཁག་ལ་སྐྱེལ་ཐུབ་པ་གནང་བ་དང་། མཚན་ཉིད་དེ་དག་མ་ཚང་ན་དགེ་རྒན་དང་དགེ་བའི་བཤེས་གཉེན་གྱི་མཚན་ཁུར་མི་ཆོག་པ་བྱས་ན། སངས་རྒྱས་ཀྱིས་རུང་མཐུན་གྱི་འདུལ་བ་བསྡུས་པ་ཞིག་གསུངས་པ་ལ་དགོས་པ་ལ་བརླབས་ཆེན་ཞིག་ཡོད་ངེས་པས་དེ་ལ་གཞིར་བྱས་ཏེ་དེང་དུས་དང་མཐུན་པའི་འདུལ་བ་འཁྱེར་བདེ་བ་ཞིག་གནང་ན་བཀའ་དང་མི་འགལ་ཞིང་ལེགས་པར་སེམས།

    ༧༽གལ་སྲིད་བསྟན་དག་ཐེར་གནང་ཐུབ་ན་དེ་ཉིད་ཉམས་སུ་ལེན་པ་པོ་གང་ཟག་རྣམས་ལམ་ལོག་ཏུ་མི་འགྲོ་བའི་ཆེད་དུ་རེད་ལ། བསྟན་པའི་ཆེ་བ་འདོན་པའི་ཆེད་དུ་ཡང་རེད། དེ་ལ་ཤུགས་སྣོན་རྒྱག་མ་ཐུབ་ན་༧གོང་ས་མཆོག་གཙོར་གྱུར་པའི་རྒྱལ་སྤྱིའི་ནང་པའི་གཙོ་འཛིན་དག་རང་གི་བཞུགས་གདན་སྲུང་བ་ཙམ་ལས་དོན་གྱིས་སྟོང་པར་མཐོང་། གང་ཡིན་ཞེ་ན་འཁོར་མང་པོ་བསྡུ་བ་ཆབ་སྲིད་པས་ཀྱང་ནུས་ལ། དངུལ་མང་པོ་བསགས་པ་ཚོང་པས་ཀྱང་དེ་བས་ནུས། མཚན་དང་སྙན་གྲགས་བསྒྲུབ་པ་ལ་འཇིག་རྟེན་འདིའི་ཤེས་ཡོན་པ་མང་པོ་ཞིག་གིས་ནུས་ཡོད། ཡིན་ནའང་བསྟན་པ་དག་ཐེར་བྱེད་པ་དེ་རང་ཉིད་དེ་ལ་༼༧སྤྱི་ནོར་གོང་ས་མཆོག ༧རྒྱལ་དབང་ཀརྨ་པ། ༧འཁྲུལ་ཞིག་རིན་པོ་ཆེ། ༧ས་སྐྱ་གོང་མ་རིན་པོ་ཆེ། ༧དགེ་ལྡན་ཁྲི་པ།༽གནས་ཤིང་དེའི་དགོས་དོན་མཐར་ཐུགས་རྟོགས་པའི་གང་ཟག་ཅིག་ལས་གཞན་གྱིས་རྟོགས་དཀའ་བའི་ཕྱིར་ན། རྒྱལ་ཁབ་ག་གེ་མོ་དང་ཆོས་བརྒྱུད་ག་གེ་མའི་ནང་པའི་དབུ་འཛིན་རྣམས་ཀྱིས་ཀྱང་རང་གི་སོ་ག་སྲུང་བ་ཙམ་མ་ཡིན་པར་ནང་པའི་ངོ་བོ་བརླགས་ལ་ཉེ་བའི་དུས་འདིར་ཤུགས་སྣོན་རྒྱག་རོགས་གནང་། ༧གོང་ས་མཆོག་ཁྱེད་ལྟ་བུ་འགྲོ་དོན་རྒྱ་ཆེ་ལ་སྙན་གྲགས་ལྡན་པ་བཞུགས་པའི་དུས་རྒྱལ་སྤྱིའི་ནང་པའི་ལྟ་སྤྱོད་ལ་ཞིབ་འཇུག་མ་གནང་ན་གཞུག་ནས་སུས་ཀྱང་མི་ཐུབ་པར་ངེས་སོ།
    ༨༽ དགེ་འདུན་གྱི་སྡེ་གཉིས་པོ་དེ་ལ་ཕྱིའི་སྤྱོད་པ། ནང་གི་ཉམས་རྟོགས། མཁྱེན་པའི་ཡོན་ཏན་ཏེ། ལུང་དང་རྟོགས་པས་བསྡུས་པའི་ཡོན་ཏན་དེ་དག་ཡོད་ན་རིན་ཐང་དང་ཆེ་མཐོང་འདྲ་མཉམ་བཟོ་ཐུབ་ན་དེང་སང་ལྟ་བུའི་རབ་བྱུང་མ་ཡིན་ཡང་རབ་བྱུང་དུ་བརྫུ་བའི་ལུགས་ངན་དེ་འདོར་ཐུབ་པ་དང་། དཔེར་ན་ཁྱིམ་པའི་རྟེན་ལས་རབ་ཏུ་བྱུང་འདོད་ན་དེའི་རྟགས་བླང་ན་དགག་བྱ་མེད་པ་མ་ཟད་དགོས་པ་ལྡན་པས་ཆོག་པ་དང་། རབ་བྱུང་རྟེན་ལ་གནས་ལ་མ་ཐུབ་ན་ཁྱིམ་པའི་མཆོད་འོས་སུ་ཞུགས་ཆོག་པ་བྱ་རྒྱུའི་ལུགས་དང་མཐུན་པའི་བཀའི་བསྡུ་བ་ཞིག་འབྱུང་བ་ལ་བསྒུག་ཡོད། ཐེག་པ་གོང་འོག་གི་བསླབ་བྱ་རྒྱས་པ་གཞུང་ལས་ཤེས་པ་ལས་འདིར་འགོད་ཐབས་བྲལ།

    ༩༽ སླད་ནས་གསལ་བཤད་བྱ་རྒྱུ་ལ། རྒྱ་དཀར་ནག བོད། བལ་ཡུལ། འབྲུག ཤྲི་ལངྒ། ཐེ་ལན་ཊི། ཐེ་ཝན། ཧོང་ཀོང་། སིངྒ་པུར། མ་ལེ་ཤི་ཡ། ཨིན་ཌོ་ནེ་ཤི་ཡ། འབར་མ། ཁམ་པོ་ཌི་ཡ་སོགས་ཤར་ཕྱོགས་ཀྱི་རྒྱལ་ཁབ་ཁག་དང་། གཞན་ཡང་ཨ་རི། ཁེ་ན་ཊ། ཨའུ་སི་ཊརེ་ལི་ཡ། དབྱིན་ཡུལ་སོགས་ནུབ་ཕྱོགས་ཀྱི་རྒྱབ་ཁབ་ཁག་ཏུ་གཞོན་སྐྱེས་ལྷག་བསམ་ཅན་མང་པོ་ཞིག་གིས་གླ་མེད་ཐོགས་བརྟག་དཔྱད་ཀྱི་ལས་འགུལ་འདི་ལ་ཞུགས་བཞིན་ཡོད། ཁོང་ཚོའི་བྱ་བ་གཙོ་བོ་དེ་ཆབ་སྲིད་དང་མི་འབྲེལ་བར་གཙོ་བོ་ཆེ་བ་རྒྱལ་ཡོངས་ནང་པའི་གཙོ་འཛིན་དག་གིས་ཆོས་ལ་བྱས་རྗེས་བཟང་ངན་གང་བཞག་ལ་ཞིབ་བཤེར་གནང་རྒྱུ་དང་། ལས་བྱེད་པ་དེ་དག་སྐྱ་སེར་གཉིས་ཀ་ཡོད་པ་མ་ཟད་རྟེན་ཡང་ཕོ་མོ་གཉིས་ཀ་ཡོད། ཁོ་ཚོ་སྡོད་སའི་གནས་ཀྱང་དགོན་པ་དང་། གྲོང་ཁྱེར། གྲོང་སྡེ་འདྲ་མིན་ལ་གནས་བཅས་ཤིང་། མི་རིགས་ཀྱང་མ་ངེས་པ་ཡིན་ལ། ལྟ་བ་ཡང་མ་ངེས་པ་རེད། གྲུབ་འབྲས་ཕྱོགས་བསྡུས་ཀྱི་དེབ་རྒྱལ་ཕྱིའི་ཐོག་འགྲེམས་སྤེལ་བྱ་རྒྱུའི་གྲོས་ཆོད་བཞག་ཡོད་པས་ངེས་པར་དུ་སྐྱེས་འགྲོའི་སྤྱན་ལམ་བསྟར་རྒྱུ་ཡིན། རྒྱུ་མཚན་དེའི་ཕྱིར་ན་ད་ནས་བཟུང་རྣམ་པ་ལྷན་རྒྱས་ཀྱིས་ཐུགས་གཟབ་སྟེ་སྡོམ་པ་མེད་ན་ཆོས་གོས་རྣམ་གསུམ་མ་བཞེས་རོགས་ཞེས་འབོད་བསྐུལ་ཞུ་རྒྱུ་ཡིན།

    ཞེས་པ་འདི་ནི་ཆུང་ནས་ཆོས་སྒོར་ཞུགས་ཤིང་ཆོས་དང་དེར་འཛིན་ལ་སྙིང་ཐག་པ་ནས་དད་འདུན་བརྟན་པའི་སྤྲུལ་མིང་ཨོ་རྒྱན་ཉི་མ་འབོད་པས་ཤི་ན་ཁ་ཆེམས་ཡིན་ལ། གསོན་ན་ལམ་དེ་ལ་འབད་འབུང་རྒྱ་ཆེ་རུ་གཏང་རྒྱུའི་དམ་བཅའ་བཅས་ཕུལ། མཁྱེན་ལྡན་ཀློག་པ་པོ་དག་གིས་ཐུགས་ཁུར་ཆེ་བཞེས་ཀྱིས་རྒྱབ་བསྐྱོར་ཡོད་ན་ལུང་རིགས་གཉིས་ལྡན་གྱི་རྩོམ་ཤོག་སྤེལ་ཏེ་བྱ་བ་འདི་ལམ་དུ་ལྷུང་བ་ལ་ཐུགས་སྨོན་དང་རྒྱབ་སྐྱོར་གནང་བར་ཞུ།
    སྤྱི་ལོ་༢༠༡༡ཟླ་བ་༠༢་པའི་ཚེས་༡༡ལ་ཕུལ།

    Reply
  6. སྨར་ཀླུང་དཔའ་ལ། says:
    ལོ་ 14 སྔོན།

    ༄༅། འགྲོ་འདུལ་འཕགས་མཆོག་སྤྱན་རས་གཟིགས་དབང་དངོས། །གངས་ཅན་མགོན་པོ་བསྟན་འཛིན་རྒྱ་མཚོ་གང་། །སྐུ་ཚེ་བརྟན་ཅིང་ཕོ་བྲང་གྲུ་འཛིན་ཆེར། །མྱུར་དུ་ཁྲིར་འགོད་བོད་འབང་བདེ་ལྡན་ཤོག མཛད་འཕྲིན་ཡར་ཟླ་ལྟར་རྒྱས་པའི་གསོལ་སྨོན་རྩེ་གཅིག་ཏུ་བྱེད་བཞིན་ཡོད། གངས་ཅན་མགོན་པོ་ཁྱེད་མཁྱེན་ནོ། འཛམ་གླིང་རྒྱལ་ཁམས་ཀུན་ཏུ་ཞི་བདེ་དང་ནང་མཐུན་གྱི་ཉི་མ་ཆེས་ཆེར་གསལ་བར་གྱུར་ཅིག ཛཿཡནྟུ།

    Reply
  7. ནད་པ says:
    ལོ་ 14 སྔོན།

    རབ་འབྱམས་རྒྱལ་བ་ཀུན་གྱི་མཛད་པའི་འཁུར། །
    སྙིང་སྟོབས་ཕྲག་པར་བཟུང་བའི་རླབས་ཆེན་གྱི། །
    འཕྲིན་ལས་ཀུན་ཕན་ནམ་མཁའི་སྙིང་པོ་ཅན། །
    བཞེད་པ་ཇི་བཞིན་ལྷུན་གྱིས་འགྲུབ་པར་ཤོག །

    Reply

དཔྱད་མཆན་སྤེལ། Cancel reply

Your email address will not be published. Required fields are marked *

སྤྱི་ཚོགས་དྲ་གནས།

ཁྱབ་བསྒྲགས།

དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།

གློག་འཕྲིན།

editor@tibettimes.net | office@tibettimes.net

ཁ་པར།

+91-98823-47075 | +91-92189-38041 | +91-81972-44372

Welcome Back!

OR

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist

No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese