ཕྱི་ཚེས་ ༢༢ ཉིན་ཀིརྟི་རིན་པོ་ཆེ་མཆོག་ནས་རྒྱ་གཞུང་གིས་རྔ་པ་ཀིརྟི་དགོན་གྲོང་གཉིས་ལ་ཧ་ང་བའི་དྲག་གནོན་བྱས་ཏེ། མུ་མཐུད་དུ་གྲྭ་བ་རྣམས་འཛིན་བཟུང་བཙན་འཁྲིད་དང་མང་ཚོགས་ལ་གཅར་རྡུང་དྲག་གནོན་བྱས་ཏེ་ཛ་དྲག་གི་གནས་སྟངས་འོག་ཚུད་ཡོད་པའི་ཐད། གཞིས་བྱེས་གཉིས་ཀྱི་ཀིརྟིའི་དགོན་མ་ལག་ཐམས་ཅད་ཀྱི་ངོ་ཚབ་གནང་སྟེ། སྟོན་པ་དང་བསྟན་པ་གཅིག་ཏུ་གྱུར་པའི་འཛམ་གླིང་ཤར་ནུབ་ཀྱི་དགོན་སྡེ་དང་གྲྭ་ཚང་། ཆོས་ཚོགས། ཆོས་གྲོགས་ཡོངས་ལ་འབོད་སྐུལ་གྱི་གསུང་འཕྲིན་ཅིག་བོད་རྒྱ་དབྱིན་གསུམ་གྱི་ཐོག་ནས་ཕུལ་འདུག
གསུང་འཕྲིན་ནང་། རྒྱ་གཞུང་གིས་རྔ་པ་ཀིརྟིའི་དགོན་གྲོང་སྤྱི་དང་ལྷག་པར་དུ་རྔ་པ་ཀིརྟིའི་དགོན་ཆེན་འདི་ཉིད་བཙོན་ཁང་ལྟ་བུའི་ངོ་བོར་བསྒྱུར་ནས་གྲྭ་པ་ཉིས་སྟོང་ལྔ་བརྒྱ་ལྷག་གིས་སྡུག་སྦྱོང་མནར་གཅོད་ཉིན་མཚན་མི་འཁྱོལ་བའི་དཀའ་བ་མྱངས་དང་མྱོང་བཞིན་པར་མ་ཟད། ཉེ་སྔོན་དོ་དམ་འོག་ཟླ་བ་གཅིག་དང་ཞག་དྲུག་སོང་མཚམས་ཕྱི་ཟླ་ ༤ ཚེས་ ༢༢ ཐོ་རངས་གྲྭ་པ་ ༣༠༠ ལྷག་དུས་གཅིག་ཏུ་ཕྱི་ལ་བཙན་ཁྲིད་ཟིན་པ་དང་། ད་དུང་ཡང་ཁྲིད་དང་འཁྲིད་བཞིན་པའི་གནས་ཚུལ་གོ་བཞིན་འདུག་ན། གྲྭ་པ་རྣམས་ཀྱི་ཚེ་སྲོག་ལའང་ཉེན་ཁ་ཆེ་ཞིང་སྡུག་སྦྱོང་མནར་གཅོད་ཚད་མེད་མྱོང་བཞིན་པར་མ་ཟད། ཆོས་ཀྱི་སྡེ་ཆེན་པོ་འདི་ཉིད་རྨེག་མེད་དུ་འཇོམས་པའི་སྲིད་བྱུས་ངན་པ་ལག་ལེན་དུ་བསྟར་མུས་ལ་བརྟེན། ད་ལམ་ ༸སྙན་སེང་མི་ཞུ་ཐུ་མེད་ལ་དགོན་སྡེ་དང་གྲྭ་ཚང་། ཆོས་ཚོགས། ཆོས་ཀྱི་གྲོགས་པོ་རྣམས་ནས་རྔ་པ་ཀིརྟིའི་དགོན་ཆེན་འདི་ཉིད་ཛ་དྲག་གི་གནས་སྟངས་ཡ་ང་བ་ལས་མྱུར་དུ་སྐྱོབ་པའི་སྐྱབས་འཇུག་དང་འབྲེལ་རྒྱབ་སྐྱོར་གྱི་ངོ་བོ་མཚོན་པའི་ལས་འགུལ་གཞི་རྒྱ་ཆེ་ཙམ་ཞིག་སྤེལ་གནང་ཡོད་པ། ཞེས་འབོད་སྐུལ་སྐྱབས་འཇུག་གནང་འདུག
གསར་འགོད་པ། ཚེ་རིང་རྒྱལ།
རྔ་བ་ཀིརྟི་དགོན་གྲོང་ཡོངས་ལ་རྒྱ་དམར་གྱིས་དྲག་གནོན་བྱེད་བཞིན་པ་དེར་ངེད་བོད་མི་ཡོངས་ལ་དེང་སྐབས་ཀྱི་སེམས་ངལ་ཆེ་ཆོས་ཤིག་ཆགས་བསྡད་ཡོད། གང་ལྟར་ཐབས་ཤེས་གང་བྱེད་རན་འདུག དཀོན་མཆོམ་མཁྱེན། བོད་མིའི་ལས་སྐལ་ལ་གཟིགས་དང་།
སྐྱབས་རྗེ་བཀའ་ཟུར་ཀིརྟི་རིན་པོ་ཆེ་ནང་བཞིན་བླ་ཆེན་དང་དབོན་ཆེན། ཚོང་བ་ཆེན་པོ་དང་རིག་གཅིག་ཁྱད་ལས་པ། གང་ལྟར་འཛམ་གླིང་ཤར་ནུབ་ཀུན་གྱི་བོད་མི་ཡོངས་ཀྱི་ནུས་པ་མཉམ་འབྲེལ་གྱིས་ཨ་མདོ་རྔ་བའི་ཛ་དྲག་གི་གནས་སྟངས་ལ་ཐུགས་འཁུར་གནང་རན་རེད།
བདེན་དོན་རྩོད་ལེན་གྱི་ཆེད་དུ་རང་སྲོག་བློས་བཏང་ལ་ཡ་ང་དང་བག་ཚ་མེད་པ་གཞིས་བྱེས་ཆོལ་གསུམ་སྤུན་ཟླ་ཡོངས་ལ་ཞུ་རྒྱུ།
ཕྱོགས་གཅིག་ལ་དཀའ་ངལ་འཕྲད་ན་ཕྱོགས་ཐམས་ཅད་ནས་རུབ་དགོས་པ་དེ་ང་ཚོའི་ལས་འགན་ཡིན་ཙང་།
རང་ས་རང་ས་ལ་ནུས་པ་གང་ཡོད་ཀྱིས་བདེན་པ་རྩོད་པ་ནི་དུས་སུ་བབ་པ་དང་སྐབས་དང་ཁེལ་བ་ཡིན་པས།
མཐུན་སྒྲིལ་རྡོག་རྩ་གཅིག་དྲིལ་གྱི་འབོད་སྐུལ་དང་སེམས་ཤུག་མི་འཆག་པར་མགོ་ནག་བོད་མི་ཡོངས་ཀྱི་འཛམ་གླིང་ཁྱོན་ཡོངས་ཀྱི་ཐོག་ཏུ་བདེན་པའི་འབོད་སྒྲ་སྒྲོོག་པར་ཀུན་གྱིས་མ་འཆུག་པར་ནུས་ཤུག་གོང་བུ་ཅིག་དྲིལ་བྱེད་རོག་ཞེས་འབོད་བསྐུལ་ཞུ་གི་ཡོད།
རྔ་བ་ཁུལ་གྱི་དགོན་སྡེ་ཡོངས་ལ་གདུང་སེམས་མཉམ་བསྐྱེད་སྙིང་ནས་ཡོད།
བསྟན་སྲུང་དབང་པོར་བཅོལ་ནས་ཁྱོད་སྒྲུབ་ཀྱི། །དམ་བསྐུལ་གཡར་དམ་གཉེན་པོ་མི་གཡེལ་བར། །ཉེས་མེད་བརྙེས་སུ་བརྩམ་པའི་རྒྱ་དམར་གྱི། །སྲོག་དབུགས་སྙིང་དང་བཅས་པ་ད་ལྟ་ལོང།
སྐད་གྲགས་མིན་པར་ཕན་སེམས་ཁོ་ནའི་ཆེད་དུ་ཡིན་ཡག་པོ་འདུག་་་་
གང་ལྟར་གཞིས་བཞུགས་བོད་མི་ཚོའི་དཀའ་ངལ་སེལ་ཐབས་ལ་འབད་རྒྱུ་གལ་ཆེན་པོ་རེ།