ཨ་རིའི་ཨར་ཀན་སིའི་གཙུག་ལག་སློབ་གྲྭའི་གོ་སྒྲིག་འོག ཁ་སང་ཕྱི་ཚེས་ ༡༡ཉིན་༧གོང་ས་མཆོག་མཐོ་སློབ་དེའི་འགན་འཛིན་གཙོས་པའི་འབྲེལ་ཡོད་ལས་བྱེད་ཚོའི་ཕེབས་བསུའི་ཁྲོད་ཨོར་ཀན་མངའ་སྡེར་ཆིབས་བསྒྱུར་བསྐྱངས་ཡོད་འདུག་ལ། སྐབས་དེར་༧གོང་ས་མཆོག་གིས་མཐོ་སློབ་དེར་འཚོགས་བཞིན་པའི་༼འཚེ་མེད་ཞི་བའི་ཐབས་ལམ་སྣ་ཚོགས་༽ཞེས་པའི་བགྲོ་གླེང་སྟེང་། ས་གནས་མི་མང་ཆིག་ཁྲི་ ༡༠༠༠༠ བརྒལ་བར་བཀའ་གནང་དོན། ང་ཚོ་འགྲོ་བ་མི་རིགས་ནི་སྤྱི་ཚོགས་ལ་བརྟེན་པའི་སེམས་ཅན་ཞིག་ཡིན་པའི་ཆ་ནས་གང་ཟག་སྒེར་གྱི་བདེ་སྐྱིད་དེ་སྤྱིའི་ཚོགས་པ་ཞིག་ལ་བརྟེན་དགོས་ཀྱི་ཡོད་པ་ལས། རུས་སྦལ་གྱི་སྒོ་ང་བཞིན་སྐྱེས་མ་ཐག་མ་ཡི་བྱམས་བརྩེར་བརྟེན་མི་དགོས་པ་དེ་འདྲ་མིན་ལ། ང་ཚོའི་རང་བཞིན་ལ་ཡོད་པའི་ང་རྒྱལ་དེ་མིའི་རྣམ་དཔྱོད་དང་འདོད་རྔམ་ལས་བྱུང་བ་ཞིག་རེད། གཞི་རྩའི་ཆ་ནས་འགྲོ་བ་མིའི་རང་གཤིས་ཞི་འཇམ་ལྡན་པ་ཞིག་རེད། དེང་སྐབས་སྨན་གྱི་ཚན་རིག་པ་ཚོས་ཁོང་ཁྲོ་རྒྱུན་རིང་ལངས་པ་ཡིན་ན། རང་ཉིད་ཀྱི་ལུས་པོའི་འཕྲོད་བསྟེན་ལ་གནོད་ཀྱི་ཡོད་པ་ར་སྤྲོད་བྱས་ཡོད་ལ། བྱམས་པ་དང་བརྩེ་བས་ཀུན་ནས་བསླངས་པའི་ལས་འཚེ་བ་མེད་པ་དང་།ཞེ་སྡང་གིས་ཀུན་ནས་བསླངས་པའི་ལས་འཚེ་བ་རེད། ཅེས་གསུངས་ཡོད་འདུག སྐབས་དེར། གཙུག་ལག་སློབ་གྲྭ་དེའི་ངོས་ནས་༧གོང་ས་མཆོག་ལ་ Doctor of Humane letters ཞེས་པའི་མཁས་པའི་གཟེངས་རྟགས་ཤིག་ཕུལ་ཡོད་པར་མ་ཟད། དེ་ནི་༧གོང་ས་མཆོག་གིས་མི་ཚེ་ཧྲིལ་པོར་འགྲོ་བ་མིའི་བཟང་སྤྱོད་དང་ཆོས་ལུགས་མཐུན་སྒྲིལ། དེ་བཞིན་བོད་དོན་འཐབ་རྩོད་བཅས་ཀྱི་ཐད་སྐུ་ངལ་མཛད་མེད་གནང་བར་ངོས་འཛིན་གནང་པ་ཞིག་ཡིན་འདུག ཉིན་དེའི་ཕྱི་དྲོར། ༧གོང་ས་མཆོག་གིས་གཙུག་ལག་སློབ་གྲྭའི་སྦ་ཌ་ཝལ་ཊོན་ཨེ་རི་ནར་ཞེས་པར་མི་མང་༡༢༠༠༠ ལྷག་ལ་༼དུས་རབས་གསར་པའི་འཚེ་མེད་ཞི་བའི་ཐབས་ལམ་༽ཞེས་པའི་བརྗོད་གཞིའི་ཐོག་བཀའ་སློབ་སོགས་གནང་ཡོད།
གསར་འགོད་པ། དཔལ་ལྡན།
ང་ཚོ་འཚོ་བཞིན་གནས་པའི་འཇིག་རྟེན་འདིའི་ནང་དུ་ལྟ་བ་རྟེན་འབྱུང་དང་སྤྱོད་པ་འཚེ་བ་མེད་གཉིས་ནི་ཆོས་ཀྱི་རྒྱལ་པོ་སངས་རྒྱས་བཅོམ་ལྡན་འདས་ཀྱིས་གསུངས།
དེ་གཉིས་ལས་ལྟོས་གྲུབ་རིག་པའི་སྐོར་དེ་ནང་པ་དང་ཚན་རིག་པ་ཚོས་ཆེས་ངོ་མཚར་དུ་འཛིན་པའི་རིགས་པ་ཡང་དག་གཅིག་ཡིན།
བྱམས་བརྩེ་དང་རྟེན་འབྱུང་དེ་གཉིས་འཛམ་གླིང་ཁྱོན་ལ་ཆེས་ཆེར་གསལ་བར་མཛད་པའི་གངས་ཅན་གྱི་ཆེས་རླབས་ཆེན་གྱི་༸གོང་ས་མཆོག་ལ་གཟེངས་རྟགས་གྲངས་མེད་ཅིག་ཐོབ་པ་དེ་བོད་མི་རིགས་ཀྱིས་ངོས་ནས་མཛེས་རྒྱན་ཞིག་ཆགས་ཡོད།
དེས་༸ མགོན་པོ་ཐུགས་རྗེའི་བདག་ཉིད་ཅན་གང་དེའི་མཚན་སྙན་གྲགས་ཀྱང་འཛམ་གླིང་ཡོངས་སུ་ཁྱབ་བཞིན་ཡོད་པ་དེ་ཧ་ཅང་གི་བཀྲ་ཤིས་པའི་བྱ་བ་དང་མཛད་འཕྲིན་ངོ་མཚར་ཅན་ཞིག་རེད།
མཚན་ཡང་དག་པར་བརྗོད་པ་ལས་ཀྱང་། བཀྲ་ཤིས་ཀུན་གྱི་བཀྲ་ཤིས་པ།།
གྲགས་པའི་བཀྲ་ཤིས་སྙན་གྲགས་དགེ།
ཞེས་གསུངས་པ་ལྟར་བཀྲ་ཤིས་པར་གྱུར་ཅིག་གུ།
ཨ་རིག་དགེ་མཐོང་ལགས་དངོས་གནས་རེད། ༸མགོན་པོ་གང་ཉིང་ལ་ཕྱག་འཚལ་ཞིང་མཆོད་དོ་སྐྱབས་སུ་མཆིའོ།
བོད་མི་འགའ་ཞིག་གདོན་འདྲེ་ཆགས་ལ་ཉེ།
དད་མེད་བྲག་ཕུག་བྱང་བསྟན་ལྟ་བུ་ལ། །ཐུགས་རྗེ་ཉི་མ་ནམ་ཡང་འཆར་དུས་མེད་ཞེས་པ་བཞིན་ལས་དང་སྐལ་བ་མེད་ན་སངས་རྒྱས་དངོས་སུ་བྱོན་ན་ཡང་། ཉིད་ཀྱིས་སྡིག་པ་ཆུ་ཡིས་མི་འཁྲུད་ལ། །ཐུགས་རྗེའི་ཕྱག་གི་ནམ་ཡང་སེལ་ཐབས་མེད། ཞེས་གསུངས་པ་བཞིན་རང་གི་ལས་ངན་བསགས་པ་ལ་འགྱོག་ཤོས་དེ་དོན་མེད་པའི་བྱང་སེམས་ཆེན་པོ་རྣམས་ལ་ལོགས་ལྟ་བསྐུར་འདེབ་ལས་ལྷག་ཏུ་སྡིག་གསོག་སའི་ཡུལ་མེད་པས་དེ་ཚོ་ནི་སྙིང་རྗེ་བའི་གནས་ངོ་མ་དེ་རེད། སྐུ་ཚེ་རི་དབང་བཞིན་དུ་བརྟན་པ་དང་། །རྒྱུད་འཛིན་ཉི་ཟླ་བཞིན་དུ་རབ་གསལ་ཞིང་། །སྙན་གྲགས་ནམ་མཁའ་ལྟ་བུར་ཁྱབ་གྱུར་ནས། །ཞི་བདེའི་ཉི་མ་ནམ་ཡང་རྒྱལ་གྱུར་ཅིག །ཇི་སྲིད་ནམ་མཁའ་གནས་ཀྱི་བར་དག་ཏུ། །མགོན་པོ་ཉིད་ཀྱི་སྟོན་འཁོར་ཐོག་མ་རུ། །སྐྱེ་བའི་བདེན་འབྲས་ལྷ་དང་བླ་མ་ཡིས། །བདེན་པའི་སྨྲེ་གསོལ་དཔང་པོ་ཉིད་བཞག་ནས། དེ་བཞིན་འགྱུར་བར་སྙིང་ནས་ལན་བརྒྱར་སྨོན། གོང་ས་མཆོག་མཁྱེན་ནོ།གོང་ས་མཆོག་མཁྱེན་ནོ།གོང་ས་མཆོག་མཁྱེན་ནོ།གོང་ས་མཆོག་མཁྱེན་ནོ།གོང་ས་མཆོག་མཁྱེན་ནོ།གོང་ས་མཆོག་མཁྱེན་ནོ།གོང་ས་མཆོག་མཁྱེན་ནོ།གོང་ས་མཆོག་མཁྱེན་ནོ།གོང་ས་མཆོག་མཁྱེན་ནོ།གོང་ས་མཆོག་མཁྱེན་ནོ།གོང་ས་མཆོག་མཁྱེན་ནོ།གོང་ས་མཆོག་མཁྱེན་ནོ།གོང་ས་མཆོག་མཁྱེན་ནོ།
མགོན་པོ་གང་གི་མཛད་འཕྲིན་ནི་ཕྱོགས་མཐར་ཁྱབ་ཅིང་། བོད་མི་རེ་ཟུང་གིས་ད་དུང་ཟུར་ས་བྱས་ཏེ་ཅིག་ཅིག་འཇོན་མ་སོང་རབས་ཟེར་ནས་འདུག འཛམ་གླིང་གི་མི་རིགས་འདྲ་མིན་དང་ཆོས་ལུགས་མཚུངས་མིན་ཀུན་གྱིས་ཉིན་རེའི་བཀའ་གསུང་རེ་ལ་གསེར་སྲང་སྟོང་ལས་ལྷག་པའི་རིན་ཐང་འཇོག་གི་ཡོད་ཀྱང་། བོད་པ་དྲེད་པོ་ཁག་ཅིག་ངྷ་ས་ནས་གསུང་ཆོས་ཞུ་རུ་ཡང་མི་འགྲོ། འདི་ལྟར་ལྟོས་ཡོང་ན་ནོར་བུ་ལག་ན་ཡོད་དུས་ནོར་བུའི་ནོར་ངོ་མི་ཤེས་ཞེས་པའི་དཔེ་ལྟར་རེད་བསམ་གི