རང་གི་བདེན་མཐར་ཡིད་ཆེས་དགོས།

བཀའ་ཟུར་ཞེ་བོ་ལགས་ཀྱིས་གནད་འགག་ཅན་གསུངས་འདུག ང་ཚོ་འཛམ་གླིང་གི་ས་ཕྱོགས་གང་དུ་ཆས་ནའང་ཤ་དང་རུས་པའི་འབྲེལ་ཐག་དེ་ནམ་ཡང་དོར་ཐབས་མེད་སྟབས། ང་ཚོས་རང་གི་རྒྱལ་ཁབ་དང་རང་གི་མི་རིགས་རང་གི་རིག་གཞུང་རང་གི་རང་དབང་བཅས་དུས་ནམ་ཡང་བློས་གཏོང་བྱེད་རྒྱུ་མེད།

དར་རྒུད་ཟེར་བ་དེ་འཇིག་རྟེན་སྤྱི་ཡོངས་སུ་འདས་ད་ལྟ་མ་འོངས་པ་བཅས་སུ་བྱུང་འབྱུང་བཞིན་འབྱུང་བར་འགྱུར་བར་སོང་ང་ཚོས་ནམ་ནམ་སེམས་ཤུགས་མ་ཆགས་པར་རང་གི་བདེན་མཐའ་དེ་རང་གིས་སེལ་ཐུབ་པར་ཡིད་ཆེས་བྱས་ཏེ་བོད་ཕྱི་ནང་དང་ཕྱོགས་བཞི་མཚམས་བརྒྱད་ནས་མུ་མཐུད་ཤུགས་སྣོན་རྒྱག་དགོས།

འཛམ་གླིང་ལ་འགྱུར་བ་འགྲོ་བ་ལྟར་རྒྱ་ནག་ལའང་འགྱུར་བ་བཞིན་ཡོད། བོད་དེ་ཡང་ནམ་ཞིག་འགྱུར་བ་ཞིག་འགྲོ་རྒྱུར་ང་ཚོས་ཡིད་ཆེས་བརྟན་པོ་བྱེད་དགོས།

གཞང་དང་དམངས་ཀྱི་སེམས་པ་གཅིག་ཏུ་བསྒྲིལ་ཐུབ་ན་བསྒྲུབས་ནས་མ་འགྲུབ་པའི་བྱ་བ་གཅིག་ཀྱང་འཛམ་གླིང་འདི་ནང་མེད་ཅེས་ངས་ཤ་དང་རུས་པའི་འབྲེལ་ཐག་དམ་པོས་བཅིངས་པའི་གངས་ཅན་གྱི་དོང་དམར་བོད་མི་ཚོར་ཞུ་འདོད་བྱུང་།