ཕྱོགས་གཅིག་ནས་༸གོང་ས་མཆོག་རྒྱལ་ཁབ་དང་འཛིན་སྐྱོང་གི་དབུ་ཁྲིད་གནང་དགོས་ཞེས་གསོལ་བ་ཕུར་ཚུགས་སུ་འདེབས་དགོས་ཀྱི་ཡོད་པའི་བཀའ་མོལ་གནང་གི་ཡོད་ཀྱང་། ཕྱོགས་གཞན་ཞིག་ནས་༸གོང་ས་མཆོག་གིས་ག་ཚོད་གསུང་ཡང་དེ་འགྲོ་ས་ཁྱོན་ནས་མེད་པ་དང་བཟོ་ས་ཁྱོན་ནས་མེད་པའི་རྣམ་འགྱུར་ཞིག་བསྟན་ཡོང་གི་འདུག གྲོས་ཚོགས་ནང་རྣམ་འགྱུར་དེ་ཇེ་གསལ་དུ་འགྲོ་བཞིན་ཡོད་པའི་མཐོང་སྣང་བྱུང་སོང་། ཞེས་བཀའ་ཁྲི་མཆོག་གིས་གསུངས།
དེ་རིང་ཕྱི་ཚེས་ ༢༧ ཉིན་གྱི་སྐབས་བཅུ་བཞི་པའི་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་འཕར་མའི་ཉིན་གཉིས་པའི་སྟེང་། བཙན་བྱོལ་བོད་གཞུང་གི་ཚབ་ཏུ། ༼ བོད་མིའི་སྒྲིག་འཛུགས ༽ དང་། བོད་གཞུང་དགའ་ལྡན་ཕོ་བྲང་གི་ཚབ་ཏུ། ༼ བདེན་པ་ཉིད་རྣམ་པར་རྒྱལ་གྱུར་ཅིག༽ ཅེས་གཏན་འབེབས་གནང་སོང་། བོད་གཞུང་མང་རྒྱལ་ཡོངས་ཚོགས་ཆེན་ཐེངས་གཉིས་པའི་བསམ་ཚུལ་ཕྱོགས་བསྡོམས་ཤིག་༧གོང་ས་མཆོག་ལ་ཕུལ་པ་ལས་དོན་ཚན་ཁག་ཅིག་ལ་༧གོང་ས་མཆོག་གིས་ཞལ་བཞེས་ཐོབ་མེད་པར། དེ་རིང་སྐུ་སྒེར་ཡིག་ཚང་ནས་བཀའ་ཡིག་ཅིག་ཕེབས་ཡོད་པ་སྤྱི་འཐུས་ཚོགས་གཙོ་མཆོག་གིས་གྲོས་ཚོགས་ནང་སྙན་སྒྲོན་ཞུས་སོང་།
བཀའ་ཡིག་དེའི་ནང་། ཁ་སང་ཕྱི་ཚེས་ ༢༥ ཉིན་རྣམ་པ་ལྷན་རྒྱས་ནས་བོད་གཞུང་མང་རྒྱལ་ཡོངས་ཚོགས་ཆེན་ཐེངས་གཉིས་པའི་སྟེང་གི་སྙན་ཞུ་དང་པོ་དགོངས་བཞེས་མཛད་ཐབས་མ་གྱུར། སྙན་ཞུ་གཉིས་པའི་ནང་གསལ་སྔོན་གླེང་དང་། དོན་ཚན་དང་པོ་གསར་འཇུག་གནང་རྒྱུར་དགག་བྱ་མ་གཟིགས་ཀྱང་། དོན་ཚན་དང་པོའི་ནང་གསེས་གཉིས་པར་ ‘‘ གྲོས་ཚོགས་དང་བཀའ་ཤག་ལ་གསུང་འཕྲིན་དང་། བཀའ་སློབ་ལམ་སྟོན་གནང་རྒྱུ་ ” ཞེས་པའི་ཚབ་ཏུ་ “ གྲོས་ཚོགས་དང་བཀའ་ཤག་གི་དགོངས་པའི་དཔྱད་གཞིར་དགོངས་འཆར་གནང་རྒྱུ་ ” ཞེས་འགོད་རྒྱུ་དང་། དོན་ཚན་དང་པོའི་ནང་གསེས་གསུམ་པར། “ བཙན་བྱོལ་བོད་གཞུང་དང་བོད་མི་མང་གི་ངོས་ནས་རྒྱལ་སྤྱིའི་དབུ་འཁྲིད་རྣམ་པ་དང་། གལ་ཆེའི་མི་སྣ་ཁག་དང་མཇལ་འཕྲད་བཀའ་བསྡུར་གནང་རྒྱུ་དང་། བོད་ཀྱི་རྩ་དོན་བསྒྲུབ་སླད་སྐུ་ཚབ་དང་དམིགས་བསལ་སྐུ་ཚབ་ཁག་དུས་ཡུན་རྒྱས་བཅད་དུ་བསྐོ་བཞག་གནང་རྒྱུ་ ”ཞེས་བཀོད་ཡོད་པའི་ཚབ་ཏུ་ “ བཙན་བྱོལ་སྒྲིག་འཛུགས་དང་། བོད་མི་མང་གི་ཆེད་རྒྱལ་སྤྱིའི་དབུ་འཁྲིད་རྣམ་པ་དང་། གལ་ཆེའི་མི་སྣ་ཁག་དང་མཇལ་འཕྲད་བཀའ་བསྡུར་གནང་རྒྱུ་དང་། བཀའ་ཤག་གིས་བསྐོ་འཛུགས་བྱས་པའི་སྐུ་ཚབ་དོན་གཅོད་དང་དམིགས་བསལ་སྐུ་ཚབ་རྣམས་ལ་༸གོང་ས་མཆོག་གི་སྐུ་ཚབ་ཀྱི་མཚན་གནས་སྩལ་རྒྱུ་” ཞེས་བཅོས་བསྒྱུར་བྱ་དགོས། ཞེས་བཀོད་འདུག་ལ། དེ་བཞིན། རྒྱལ་རྟགས་སྟེང་༼ བོད་གཞུང་དགའ་ལྡན་ཕོ་བྲང་ཕྱོགས་རྣམ་རྒྱལ༽ ཞེས་པའི་ཚབ་ཏུ་༼ བདེན་པ་ཉིད་རྣམ་པར་རྒྱལ་གྱུར་ཅིག༽ ཅེས་པ་མཚན་བྱང་དུ་བསྩལ་ཡོད་པ་རེད།
གྲོས་ཚོགས་ནང་བཅའ་ཁྲིམས་བསྐྱར་བཅོས་ཀྱི་སྔོན་གླེང་དང་དོན་ཚན་དང་པོ་བཅས་ལ་བགྲོ་གླེང་གནང་སྐབས། བཀའ་ཁྲི་ཟམ་གདོང་རིན་པོ་ཆེ་མཆོག་གིས་གསལ་བཤད་གནང་དོན། དེ་རིང་གྲོས་ཚོགས་ཀྱི་བགྲོ་གླེང་ཆ་ཚང་ལ་བལྟས་རྗེས་སྔར་ལས་སེམས་འཚབ་ཆེ་རུ་ཕྱིན་སོང་། ང་ཚོས་གཞུང་མང་རྒྱལ་ཡོངས་ཚོགས་ཆེན་གཉིས་པ་ཚོགས་ཏེ་གོ་བསྡུར་དང་། ལྷག་པར་དུ་ཚོགས་འདུ་གྲོལ་བའི་རྗེས་སུ་ཚོགས་གཙོ་སྦྲེལ་པོ་དང་བཀའ་བློན་ཁྲི་པའི་ངོས་ནས་ཚོགས་ཆེན་གྱི་རེ་འདུན་༸གོང་ས་མཆོག་ལ་སྙན་སེང་ཞུས་ཏེ་ཞལ་བཞེས་ཐོབ་རེ་མེད་པ་གང་དང་། ཐོབ་རེ་ཡོད་པ་གང་ཡིན་གསལ་བོ་བྱུང་བའི་རྗེས་ལ། ༸གོང་ས་མཆོག་སྐུ་ངོ་མས་གཞུང་མང་རྒྱལ་ཡོངས་ཚོགས་ཆེན་གྱི་ཚོགས་མི་ཡོངས་ལ་ཚིག་ཐག་ཆོད་པོས་བཀའ་སློབ་རྒྱས་པ་ཞིག་གནང་བ་རེད། ང་རང་སྒེར་ལ་མཚོན་ན། དེའི་ཡར་སྔོན་དུ་བཀའ་སློབ་གནང་ནས་ཕན་ཐོགས་ཨེ་ཡོད་ན་བསམ་སོང་། དེ་ཡང་བཀའ་སློབ་གནང་བའི་རྗེས་སུ་བཀའ་ལག་བསྟར་གནང་གི་མ་རེད་བསམ་པ་ཡིན། ཕྱོགས་གཅིག་ནས་༸གོང་ས་མཆོག་རྒྱལ་ཁབ་དང་འཛིན་སྐྱོང་གི་དབུ་ཁྲིད་གནང་དགོས་ཞེས་གསོལ་བ་ཕུར་ཚུགས་སུ་འདེབས་དགོས་ཀྱི་ཡོད་པའི་བཀའ་མོལ་གནང་གི་ཡོད་ཀྱང་། ཕྱོགས་གཞན་ཞིག་ནས་༸གོང་ས་མཆོག་གིས་ག་ཚོད་གསུང་ཡང་དེ་འགྲོ་ས་ཁྱོན་ནས་མེད་པ་དང་བཟོ་ས་ཁྱོན་ནས་མེད་པའི་རྣམ་འགྱུར་ཞིག་བསྟན་ཡོང་གི་འདུག གྲོས་ཚོགས་ནང་རྣམ་འགྱུར་དེ་ཇེ་གསལ་དུ་འགྲོ་བཞིན་ཡོད་པའི་མཐོང་སྣང་བྱུང་སོང་། ཞེས་གསུངས་སོང་།
བཀའ་ཁྲི་མཆོག་གིས་བཙན་བྱོལ་བོད་གཞུང་ཞེས་པའི་ཚིག་ལ་བསྒྱུར་བཅོས་གཏོང་སྟངས་སྐོར་གསུངས་དོན། ཁ་སང་ཕྱི་ཚེས་ ༢༦ ཉིན་༸གོང་ས་མཆོག་གིས་བཀའ་གང་ཕེབས་པ་དེ་སྐུ་སྒེར་དྲུང་ཆེ་བརྒྱུད་ནས་བཀའ་བསྒྱུར་གནང་བ་རེད། སྐུ་སྒེར་དྲུང་ཆེ་བརྒྱུད་ནས་བཀའ་བསྒྱུར་བའི་སྐབས་སུ་བཀའ་སློབ་ནང་མ་གསུངས་བའི་གསར་བ་ཞིག་སྐུ་སྒེར་དྲུང་ཆེས་གསུངས་མི་འདུག བཙན་བྱོལ་བོད་གཞུང་ཞེས་པའི་ཚིག་དེ་ངས་ནམ་ཡང་བེད་སྤྱོད་བཏང་མ་མྱོང་ཞེས་༸གོང་ས་མཆོག་གིས་སྔོན་མ་གསུངས་ཡོད་ལ། སྨོན་ལམ་གྱི་གསུང་ཆོས་སྐབས་སུ་ཡང་གསུངས་ཡོད། ཕྱི་ཚེས་ ༢༥ ཉིན་དེ་ལས་ཀྱང་རྒྱས་ཤིང་རྒྱས་པ་ཞིག་ཚིག་ཐག་ཆོས་པོས་ཚོགས་བཅར་བ་ཡོངས་ལ་གསུངས་ཡོད། ༧གོང་ས་མཆོག་གིས་བཙན་བྱོལ་བོད་གཞུང་དང་བོད་མི་མང་གི་ངོས་ནས་གསུངས་བའི་ཚིག་དེ་ཞལ་བཞེས་གནང་ཐབས་མེད་པ་གསལ་བོ་ཞེ་དྲག་རེད། སྐུ་སྒེར་ཡིག་ཚང་གི་བཀའ་བསྒྱུར་བའི་རྗེས་ལ་ད་དུང་བཀའ་བསྒྱུར་བ་དེ་མ་ཡིན་པའི་རྣམ་པའི་ཐོག་བསྐྱར་དུ་སྙན་སེང་ཞུས་ཏེ། དེ་འདྲ་ཡིན་མིན་དང་དེ་ལས་གཞན་པ་ཡོད་མེད་ཀྱི་དྲི་བ་བཏང་མཐར་ཚིག་དེ་ལ་འགྱུར་བ་གཏོང་དགོས་བྱུང་བ་རེད། བཀའ་གནང་དགོས་བྱུང་བ་དེ་ང་རང་གི་བསམ་པར་༸གོང་ས་མཆོག་ལ་གནོན་ཤུགས་ཀྱི་སྟེང་ནས་ཚིག་ཏེ་ཡར་སྐུལ་སོང་བསམ་པ་ལས་སྐུ་མདུན་རང་གི་དགོངས་པའི་ནང་ཡོད་པའི་ཚིག་ཅིག་མར་གསུངས་སོང་བསམ་པ་ཞིག་དྲན་ཐུབ་མ་སོང་། ཞེས་གསུངས་སོང་།
ཟམ་གདོང་རིན་པོ་ཆེ་མཆོག་གིས་མུ་མཐུད་དུ་གསུངས་དོན། ༸གོང་ས་མཆོག་གི་བཀའ་ལས་ལྷག་པའི་གནད་འགག་ཆེན་པོའི་ཐོག་བོད་ཀྱི་རྩ་དོན་བསྒྲུབ་ཐབས་ཤིག་ཡོད་པ་ཡིན་ན། ང་ཚོར་བསྒྲུབ་རྒྱུའི་གོ་སྐབས་འགག་ཡོད་པ་མ་རེད། ད་རེབ་བཅའ་ཁྲིམས་དེ་༸གོང་ས་མཆོག་གི་ཆོག་མཆན་རག་པའི་ཐོག་བསྐྱར་བཅོས་གནང་སྟེ་ཆོག་མཆན་ཐོབ་པ་ཡིན་ན། སྐད་ཅིག་དེ་ཉིད་ནས་༸གོང་ས་མཆོག་གི་འོག་ནས་ང་ཚོ་གྲོལ་བ་རེད་ལ། ༸རྒྱལ་དབང་སྐུ་ཕྲེང་རིམ་བྱོན་གྱི་འོག་ནས་ང་ཚོའི་ཁྲིམས་བཟོ་ལྷན་ཚོགས་དེ་གྲོལ་ཚར་བ་རེད། རང་དབང་ཐོབ་ཚར་བ་རེད། དེའི་རྗེས་སུ་བཅའ་ཁྲིམས་གསར་བ་བཟོ་བ་དང་བཅའ་ཁྲིམས་གང་འདྲ་ཞིག ཚིག་གང་འདྲ་ཞིག་བེད་སྤྱོད་བཏང་ཡང་གཏོང་ཆོག་པའི་གོ་སྐབས་ཡོད་པ་རེད། བར་ལམ་གྱི་བྱུང་རིམ་མང་པོ་ཞིག་དང་ལྷག་པར་དུ་ ༢༠༠༨ ལོའི་ཚུན་གྱི་བྱུང་རིམ་མང་པོ་ཞིག་ལ་བསམ་ན། ༸གོང་ས་མཆོག་ལ་ཐུགས་ཁག་མི་འདུག་བསམ་གྱི་འདུག ༸གོང་ས་མཆོག་གི་སྐུ་དབང་རྩིས་སྤྲོད་གནང་བའི་བཀའ་དེ་འཕྱི་དྲག་མེད་ནའང་སྔ་དྲག་མེད་པའི་ངེས་པ་རྙེད་པ་དེ་ང་ཚོས་གནང་སོང་། ཞེས་གསུངས་སོང་།
གསར་འགོད་པ། དོན་གོ
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
ཐེངས་འདིའི་ཚོགས་འདུའི་ཐོག་ཏུ་མང་མོས་ཀྱིས་བོད་གཞུང་ཟེར་བའི་མིང་དེ་ལ་འགྱུར་བ་གཏོང་རྒྱུའི་མོས་མཐུན་བྱུང་མེད། ད་དུང་བདེན་པ་ཉིད་རྒྱལ་རྒྱུར་ཅིག་ཟེར་བ་དེ་ལ་ཡང་མོས་མཐུན་བྱུང་མེད།
ད་ལྟ་བོད་མིའི་སྒྲིག་འཛུགས་སུ་བསྒྱུར་བ་དང་བདེན་པ་ཉིད་རྒྱལ་རྒྱུར་ཅིག་ཅེས་མིང་བྱང་མཐོན་པོར་ཡར་བསྒྲེངས་ཟིན།
དེ་ནི་རྒྱ་མིས་བཤད་པ་ལྟར་དམངས་ཀྱི་སྲིད་དབང་སྒེར་གཅོད་བྱས་པ་ཞིག་ཡིན་པ་ལས་ཡང་དག་པའི་དམངས་གཙོའི་བྱེད་སྟངས་ཞིག་རྩ་བ་ནས་ཆགས་མེད།
དེ་འདྲ་ཡིན་ན་དང་ཐོག་ནས་རྒྱལ་ཡོངས་མི་དམངས་འཚོགས་ཆེན་ཟེར་བ་དེ་བསྐོང་འཚོགས་མ་བྱས་པར་ཐད་ཀར་༸ གོང་ས་མཆོག་དང་བཀའ་སྤྱིས་བཟོས་ན་ཡག་ཤོས་ཤིག་རེད།
ང་ལ་མང་པོ་བཤད་རྒྱུ་མེད་་་་་་་་་་་་་་་་་ཡིན་ནའང་ད་རེན་གྱི་སྤྱི་འཐུས་ཚང་མ་སྐྱག་པ་ཚ་པོ་ཚ་པོ་ཟོ།
གངས་ལྗོངས་བདེན་པ་ཉིད་རྒྱལ་གྱུར་ཅིག
ང་ལ་ཆོས་ལུགས་དང་ཆོལ་ཁའི་ཕྱོགས་འཐེན་གྱི་འདུན་པ་མེད་ཀྱང་། གང་ན་བསྙད་ཅིག་འདོགས་ས་ཡོད་ན་དེ་ལ་སྤྲོ་བ་ཆེན་པོ་ཞིག་ཡོད་མཁན་ཞིག་དང་། སྒྲོ་འདོགས་བྱ་རྒྱུ་ལ་དགའ་མཁན་ཞིག་ཡིན་པས་ཐུགས་ལ་ཕོགས་སོང་བ་འདྲ་ཡོད་ན་དགོངས་འགལ་མེད་པར་ཞུ།
ང་ཚོ་དམངས་ཕལ་བ་ཚོས་གང་བསམ་བཤད་འདུག་པ་ལ་གཟབ་བྱོས་མ་གཏོགས་གོང་མ་ཚོས་བོད་ལ་ལོག་འགྲོ་རྒྱུའི་གྲ་བསྒྲིག་རང་རེད་འདུག ཁོང་ཚོས་གཞུང་མེད་པ་བཟོས་ཏེ་སྒྲིག་འཛུགས་ལ་བསྒྱུར་བ་དེ། རྒྱ་ནག་ནས་ཁས་ལེན་ཞིག་བྱས་ཡོད་ས་རེད། གལ་སྲིད་བོད་གཞུང་དེ་མེད་པ་བཟོས་ན་ང་ཚོས་༧གོང་ས་མཆོག་གདན་འདྲེན་ཞུ་ཆོག་ཅེས་པའི་ཆབ་ཤོག་ཅིག་རག་ཡོད་ས་རེད། ཁ་སང་སྐུ་ཚབ་པས་བཤད་པ་ལྟར་ན་ཟམ་གདོང་རིན་པོ་ཆེའི་བཀའ་བློན་གྱི་ལས་ཡུན་ལོ་བཅུའི་རིང་རྒྱ་ནག་གཞུང་གི་ཕྱོགས་ནས་འགྱུར་བ་ཆེན་པོ་ཕྱིན་ཡོད་ཅེས་ཁྱབ་བསྒྲགས་བྱས་སོང་། ད་དུང་བཀའ་བློན་གསར་བ་བློ་བཟང་སེང་གེས་ཀྱང་༧གོང་ས་མཆོག་བོད་ཀྱི་རྒྱལ་ས་ལྷ་ས་ལ་གདན་འདྲེན་ཞུས་རྒྱུ་ཡིན་ཞེས་སྐད་གསེང་མཐོན་པོས་དམ་བཅའ་བྱས་སོང་། ཨ་འབྲུག་མགོན་པོ་བཀྲ་ཤིས་ཀྱིས་རྒྱ་གར་ལ་གདན་འདྲེན་ཞུས་པ་རེད། ཁོས་སླར་ཡང་བོད་ལ་གདན་འདྲེན་ཞུ་རྒྱུ་ཡིན་པ་འདྲ། གདན་འདྲེན་ཞུས་ཤོག་དང་བན་རྒན་ང་ཡང་བོད་ཀྱི་རྒྱལ་ས་ལ་འགྲོ་ཐུབ་ངེས་ཀྱིས་༧གོང་ས་མཆོག་གི་གསུང་ཆོས་ལ་སླར་ཡང་དྲི་མེད་ཀྱི་ཁ་བཏགས་ཤིག་དང་ལྷན་དུ་བཅར་རྒྱུ་ཡིན།
བོད་མི་སྒྲིག་འཛུགས།
ཅེས་པའི་ཚིག་ཐུང་འོག་ཏུ།
བོད་བདེན་པ་ཉིད་རྒྱལ་གྱུར་ཅིག
ཅེས་པའི་ཚིག་རིང་།
འདི་ལས།
བོད་བདེན་པ་ཉིད་རྒྱལ་གྱུར་ཅིག
ཅེས་པའི་སྒང་ལ།
བོད་གངས་ཅན་དམངས་གཙོའི་སྒྲིག་འཛུགས། ཅེས་པ་འདི་ཡོད་ན་མི་མཛེས་སམ།
འདི་ཕྱིས་དྲགས་ན་ཡང་་་་་་བྲིས་དགོས་བྱུང་། དགེའོ། །
བོད་དང་བོད་མིའི་ཞེས་ལྟ་བུའི་ཡུལ་དང་ཡུལ་མི་གཉིས་ཀའམ། གང་རུང་གཅིག་མཚན་གསར་པའི་ནང་ལ་ངེས་པར་དུ་དགོསལ། ཆབ་སྲིད་པའི་གཡོ་ཚིག་བོད་རྒྱལ་ཁབ་དང་གཞུང་། རང་བཙན་དང་ཁ་བྲལ་སོགས་མེད་དགོས་པ་ཡང་གནད་འགག་ཤིནད་ཏུ་ཆེ་བར་མི་འདུག་གམ། བོད་རྒྱའི་མཐུན་སྒྲིལ་འོ་ཆུ་ལྟར་གཅིག་འདྲེས་ཡོང་བའི་སྨོན་འདུན་ཡོད་ལགས། བོད་རྒྱལ་ལོ། བོད་རྒྱལ་བའི་ཞོར་ལ་རྒྱ་ཡང་རྒྱལ་འགྱུར་ཅིག ཞི་བདེ་རྒྱལ་འགྱུར་ཅིག །
ཉི་ཟླ་སྐར་གསུམ་ཞེས་པ་ཞིག་གིས་དགའ་ལྡན་ཕོ་བྲང་དེ་ས་ཡ་དྲུག་གི་གཞུང་རེད་ཟེར། དེ་ནི་དགེ་ལྡན་པའི་གཞུང་རེད། དགེ་ལྡན་པའི་གྲྭ་བ་དེ་ཚོ་ལ་སེམས་ཤུགས་ཡོད་པ་དེ་ཡང་གཞུང་དགའ་ལྡན་ཕོ་བྲང་ཡིན་ནས་རེད་མ་གཏོགས། གཞན་པ་བོད་མི་ཡོངས་རྫོགས་ལ་སེམས་ཤུགས་གཅིག་པ་བསླེབ་ལོས་དགོས། གངས་ཅན་སྲིད་གཞུང་ཕྱོགས་ལས་རྣམ་རྒྱལ་ཞེས་ཞེས་པ་ཞིག་༧སྐྱབས་མགོན་རིན་པོ་ཆེ་གནང་ཡོད་ན་ཆོལ་ཁ། ཆོས་ལུགས་ཡོངས་ཀྱིས་ཁས་ལེན་ངེས་རེད།
ཡང་གཞན་ཞིག་ནི་ང་ཚོ་དམངས་ཕལ་བ་ཚོས་རང་སྐྱོན་ཐེར་འདོན་གྱིས་བསམ་ཚུལ་བཤད་འདུག་པ་ལས། གོང་མ་ཚོས་བོད་ལ་ལོག་འགྲོ་རྒྱུའི་ཆོད་སེམས་ཡོངས་རྫོགས་རྙེད་ཚར་ཡོད་ན་གོ་ས་མ་རེད་ད། ཁོང་ཚོས་གཞུང་མེད་པ་བཟོས་ཏེ་སྒྲིག་འཛུགས་ལ་བསྒྱུར་བ་དེ། རྒྱ་ནག་ནས་ཁས་ལེན་ཞིག་བྱས་ཡོད་ས་རེད། གལ་སྲིད་གཞུང་དེ་མེད་པ་བཟོས་ན་ང་ཚོས་༧གོང་ས་མཆོག་གདན་འདྲེན་ཞུ་ཆོག ཅེས་པའི་ཆབ་ཤོག་ཅིག་རག་ཡོད་ས་རེད། ཁ་སང་སྐུ་ཚབ་པས་བཤད་པ་ལྟར་ན་ཟམ་གདོང་རིན་པོ་ཆེའི་བཀའ་བློན་གྱི་ལས་ཡུན་ལོ་བཅུའི་རིང་རྒྱ་ནག་གཞུང་གི་ཕྱོགས་ནས་འགྱུར་བ་ཆེན་པོ་ཕྱིན་ཡོད་ཅེས་ཁྱབ་བསྒྲགས་བྱས་སོང་།
ང་ཚོ་གྲོགས་ཕལ་པ་དེ་ཚོ་གཟབ་གཟབ་གནང་མ་གཏོགས།
བདེནཔ་ཉིད་རྒྱལ་གྱུར་ཅིག་ཅེས་པ་དེ་ནི་རེ་ཐག་ཆད་པའི་མི་བུ་ཞིག་གིས་ནམ་མཁའ་སྟོང་པར་སྙིང་ན་ཡུན་རིང་ཉར་བའི་ན་ཚ་དེ་སྒྲོག་པ་དང་གཉིས་སུ་མཆིས།
གངས་སྐྱེས་ཀྱིས་ང་ལ་རྣམ་དཔྱོད་མེད་ཁི་ཟེར། ང་ལ་རྣམ་དཔྱོད་ཡོད་བསམ་པ་ཞེ་ན་མེད་ཀྱང་། ༧སྐྱབས་མགོན་རིན་པོ་ཆེ་བོད་ནང་དུ་ཕེབས་ཞེས་པ་དེ་གཉའ་ཤིང་གི་བུ་ག་དང་རི་སྦལ་མགྲིན་པ་རང་རེད། རྒྱ་ལ་ཕེབས་ཐུབ་ན་ཡང་གནམ་བདེ་སྒོ་མོ་ཆེའམ། པོ་ཏ་གང་རུང་ཞིག་ཏུ་སྐུ་མཚམས་བཞུགས་རྒྱུ་རེད།
གལ་སྲིད་ཁྱེད་ཀྱིས་འདོད་པ་ནང་བཞིན་རྒྱ་བོད་གཉིས་ཀྱི་མི་རིགས་དག་ལ་ཟབ་རྒྱས་ཆོས་ཀྱི་སྒོ་འཕར་ཕྱེ་བཞིན་དད་ལྡན་གཏོང་ཕོད་ཅན་དག་གི་རེ་བ་ཡིད་བཞིན་དུ་བསྐང་ཐུབ་ན། བོད་གྱི་རྒྱལ་ས་དང་མིང་ཤོར་ཡང་བྱང་ཆུབ་སེམས་དཔའི་མཛད་རྣམ་ཞིག་རེད།
དཔེར་ན་རྒྱབ་སྐྱོར་མེད་པའི་མི་དབུལ་པོ་ཞིག་གིས་ང་ལ་གནས་ཁང་ཡོད་བྱད་ཅིག་དགོས་ཞེས་སྲིད་འཛིན་ཞིག་ལ་ཞུ་བ་ག་ཚོད་འཐེན་ཡང་སྲིད་འཛིན་དེ་བྱམས་པ་དང་བརྩེ་བའི་བདག་ཉིད་ཅན་ཞིག་ཡིན་ན་མ་གཏོགས་གནང་བ་དཀའ་ལས་རེད། བོད་མི་རེ་འབོད་ནི་དེ་ག་རང་རེད། སྐུ་ཚབ་ཚོགས་པས་ཤུགས་ག་ཚོད་རྒྱབས་ཀྱང་རྒྱ་ནག་གིས་རྣ་རྒྱབ་ལ་ཤིག་ཆུང་ཞིག་འགྲོ་བའི་ཚད་དུ་བརྩིས་མེད་པ་མཐོང་གསལ་རེད། ཡིན་ན་ཡང་རང་བཙན་རྩོད་དྲན་ན་རང་རང་ས་ལ་བསྡད་ནས་རང་ཚུགས་འཛིན་པ་གལ་ཆེན་པོ་རེད། དེ་མ་ཡིན་ན་མགྱོག་པ་རྒྱལ་ནང་ལ་ལོག་འགྲོ་ན་དགའ་ཐག་ཆོད་པ་རེད། ཁ་ཕྱོགས་དེ་རང་སྐྱོང་གཏད།
དྲང་མོར་བཤད་ན། གནས་ཚང་སོགས་མི་ཁ་ཤས་ཀྱིས་ག་དུས་ཡིན་ནའང་གཡས་བསྐོར་གཡོན་བསྐོར་ཅི་ཙམ་བྱས་ཀྱང་མདོ་དོན་༧གོང་ས་མཆོག་གིས་མ་འགྱོན་རབས་དང་། ད་དུང་བོད་བཙོང་ནས་རྒྱ་མིའི་ལག་ནས་ཁེ་ཟང་ཟ་ཡི་འདུག་འདོག་འདོག་བྱེད་གྱིན་པར་བརྟགས་ན་ཁོང་ཚོར་དཔང་རྟགས་ར་སྤྲོད་གསལ་པོ་ཞིག་སྟོན་རྒྱུ་ཡོད་ན་མ་གཏོག གང་བྱུང་གཞི་མེད་ཀྱིས་སྒྲོ་བསྐུར་སྣ་ཚོགས་བྱས་ན་བོད་མི་རྒྱ་ཆ་དགུ་ཅུ་གོ་དགུ་སེམས་ཁམས་སུ་བཟོད་མི་ཐུབ་པའི་ན་ཟུག་འབྱུང་དངོས་པས་ན། ཁྱེད་ཅག་གིས་ཚད་བརྒལ་གྱི་སྨྱོ་ཧམ་ཚད་བཟུང་ན་མི་དགའ་འམ།
བདེན་པ་ཉིད་རྣམ་པར་རྒྱལ་རྒྱུརད་ཅིག་ཅེས་པ་དེ་འབོད་ཚིག་ཡིན་ནམ་བོད་མིའི་མཚོན་རྟགས་ཡིན་ཧ་གོ་གི་མི་འདུག
གུས་པས་ལྟས་ན་བདེན་པ་ཉིད་རྣམ་པར་རྒྱལ་རྒྱུརད་ཅིག་ཟེར་བ་དེས་བོད་མིའི་ངོ་བོ་མཚོན་ཐུབ་ཀྱི་མི་འདུག དེ་ནི་འབོད་ཚིག་ཙམ་ལས་གང་ཡང་གོ་ཐུབ་ཀྱི་མི་འདུག
སྤྱི་བཏང་མིང་བརྗེད་རྒྱུ་དེ་ཕྱོགས་དང་རིས་སུ་མ་མཆིས་པའི་ཆིག་སྒྲིལ་གྱི་ཐབས་ལམ་ཞིག་ཏུ་སྣང་ན་ཡང་མིང་འདི་མ་གོམས་པ་ཡིན་ནའང་འདྲ་གང་ལྟར་བདེ་པོ་འདྲ་ཞིག་མི་འདུག།
དྲང་བདེན་གྱིས་བསླུ་བའི་མུ་ཏོ་བ་ཁྱོད་ཀྱིས་བཤད་པའི་སྐད་ཆ་དེ་དངོས་གནས་ཐལ་དྲགས་མི་འདུག་གམ། ཁྱོད་ཀྱིས་བཤད་པ་འདི་ལ་ལྟོས་ན་ཁྱོད་རྣམ་དཔྱོད་ཅན་གྱི་སྐྱེས་བུ་ཞིག་མིན་པ་ཚིག་ཐག་ཆོད་པས་བཤད་ཆོག ༸གོང་ས་མཆོག་སྐུ་ངལ་གསོ་བའི་དུས་ཚོད་ཅུང་ཟད་ཙམ་ཡང་མེད་པར་བོད་མི་དམངས་ཀྱིས་ཆེད་དུ་སྐུ་ངལ་སྐྱོན་བཞིན་ལེགས་ན། གལ་ཏེ་རིན་པོ་ཆེ་རྒྱ་ནག་ཏུ་ཕེབས་དགོས་ཚེ་དེ་ནི་བོད་མི་རིགས་དང་འབྲེལ་བ་དམ་ཟད་ཡོད་པ་སྨྲོས་ཅི་ལ་དགོས། ད་དུང་རྒྱ་ནག་མི་དམངས་གང་མང་ཞིག་ལ་རེ་ལྟོས་མཆིས་ན་དེ་ནི་རླབས་ཆེན་གྱི་ལས་དོན་གལ་ཆེན་ཞིག་ཡིན་པས་ངེས་པར་བསྒྲུབ་དགོས་པ་ཞིག་རེད། ཁྱོད་རང་རྒྱལ་ནང་དུ་སྐོར་བསྐྱོད་བྱེད་པ་དང་བསྡུར་ཐབས་ག་ལ་ཡོད། བསམ་བློ་ཡག་པོ་བཏང་ནས་སྐད་ཆ་བཤད་པ་དེ་ནི་རྣམ་དཔྱོད་ཅན་གྱི་འགྲོ་སྟངས་ཤིག་ཏུ་འཁུམས།
འོ་ད་བལྟས་མོ་འདུག་ད་བར་འཛམ་གླིང་ནང་བོད་ཞེས་རྒྱལ་ཁབ་གཅིག་ལ་ངོས་འཛིན་བྱ་བཞིན་ཡོད་ ད་དེ་རིང་ནས་རྒྱལ་ཁབ་དེ་ཚོགས་པ་གཅིག་ལ་བསྒྱུར་སོང
་ད་རྒྱལ་དར་དེ་ཡང་དམར་པོ་སྐར་མ་ཅན་གཅིག་ཟོས་ན་རྒྱ་གུང་གྲན་ལ་སྐད་ཆ་ཤོས་བདེ་བ་མི་ཡོང་ངམ་ དེ་བཞིན་རྒྱལ་གླུ་དེ་ཡང་མེད་པར་བཟོས་ནས་རྒྱ་ཡི་རྒྱལ་གླུ་གཏང་ན་ལེགས་ གང་ལྟར་ཡང་དཔོན་རིགས་ཚོར་དཀའ་ངལ་ནམ་ཡང་འཕྲད་མི་སྲིད་
གྱོང་འབངས་མི་དམངས་ཚོར་རག་གི་རེད་་་་བདེན་པ་ཉིད་རྒྱས་དགོས་ན་་་་་དང་ཐོག་རང་ཉིད་ཀྱི་ཚོགས་པ་ཁག་དང་བསྒྲིགས་བཙུགས་ཁག་ནང་བདེན་པ་ཉིད་དང་དྲང་བདེན་ལག་ལྟར་བྱ་དགོས་དེ་རྗེས་གཞན་ལ་བདེན་པ་ཉིད་སྐད་ཆ་བཤད་ན་ལེགས་
ད་ལྟའི་བོད་གཞུང་གི་མིང་གསར་དེ། ཡག་པོ་ཞིག་ལྟོས་དང་ཚོགས་པ་སྒེར་ཞིག་གི་མིང་ལས་རྒྱལ་ཁབ་གཅིག་གི་མིང་ཡིན་པ་འདྲ་བོ་གཏན་ནས་མི་གདའ། དཔེར་ན་རྒྱ་གར་ནང་། ཀོང་རེས་སི་སྒྲིག་འཛུགས་ཚོགས་པ་དང་། བྷི་རྗི་པི་སྒྲིག་འཛུགས་ཚོགས། རྒྱ་གར་དམར་ཤོག་སྒྲིག་འཛུགས་ཚོགས་པ་ལ་སོགས་པ་བཞིན།
ད་ནི་དགའ་ལྡན་ཕོ་བྲང་ཕྱི་བསྡུ་བྱེད་པ་དང་ལྷན།
བོད་གཞུང་ཡང་ཕྱི་བསྡུ་མཛད་སོང་།
གཞུང་མེད་ན་འབངས་མེད་ཅིང་། འབངས་མེད་ན་དཔོན་ཡང་མེད།
ད་ནི་ང་ཚོ་ཅི་ཡང་མེད་ཁི།
ས་ཡ་དྲུག་གིས་རེ་བ་དགའ་ལྡན་ཕོ་བྲང་ལ་ཡོད་བ་ནང་བཞིན་བོད་མིའི་སྒྲིག་འཛུགས་ལ་མི་ཡོང་། དགའ་ལྡན་ཕོ་བྲང་གི་བཀའ་བློན་ཁྲི་པ་ཟེར་ན་ལེན་པ་ལས་བོད་མིའི་སྒྲིག་འཛུགས་ཀྱི་བཀའ་བློ་ཁྲི་པ་ཟེར་ན་རྒད་མོ་སློང་བ་འདྲ་།
ག་དུས་ཡིན་ཡང་བདེན་པ་ཉིད་རྣམ་པར་རྒྱལ་བ་ལས་བདེན་པ་རྫུན་དུ་འགྱུར་བ་མི་སྲིད་།
ང་ཚོ་རྒྱ་ལས་མ་རྒྱལ་ན་བདེན་པ་ཉིད་རྒྱལ་དང་མ་རྒྱལ་མི་འདུག་།
གངས་ཅན་རང་དབང་དམངས་གཙོའི་སྒྲིག་འཛུགས།
གངས་ཅན་རང་དབང་དམངས་གཙོའི་ལྷན་ཁང་།
གངས་ཅན་པའི་དམངས་གཙོའི་སྒྲིག་འཛུགས།
ཤར་དཀྱིལ་མང་གཙོའི་ལས་སྒྲིག་འཛུགས།
ཤར་དཀྱིལ་མང་གཙོའི་ལས་འགུལ་ཚོགས་པ།
གངས་ལྗོངས་བོད་ཀྱི་དམངས་གཙོ།
གངས་ལྗོངས་བོད་མིའི་དམངས་གཙོ།
གངས་ཅན་བོད་རིགས་དམངས་གཙོ།
དེས་ན་ཡུལ་བོད་དང་། གངའ་ཅན་། གངས་ལྗོངས། བོད་ལྗོངས། ཡུལ་མི་བོད་མི། བོད་རིགས། གངས་ཅན་པ། གངས་ལྗོངས་པ་སོགས་ནི། མི་རིགས་གཅིག་མཚོན་བྱེད་ངེས་པར་དུ་དགོས་ལ།
ཡང་། བོད་རྒྱལ་ཁབ་བ། རྒྱལ་ཁབ། རང་བཙན། གཞུང་དང་། ཡང་ན། ཁ་བྲལ་སོགས་ལ་སྦྱར་རུང་བའི་ཚིག་རྣམས་བེད་སྤྱོད་མེད་ན་ལེགས་སོ་སྙམ། དགེའོ། །
འཁོང་ར་མ་བྱེད་དང་བཙན་བྱོལ་བའི་སྒྲིག་འཛུགས་ཞེས་བཏགས་ན་སྐྱོན་མེད་ཀྱང་རྒྱལ་ཐིག་ནང་(བོད་)ཞེས་པའི་མིང་འདི་མེད་ན་ཉེན་ཁ་དེ་ཆེ་པར་སེམས་(བོད་)ཞེས་པ་འདི་ས་མཐོའི་བོད་འདི་མ་གཏོགས་གཞན་ཡོད་མ་རེད་ལ་
གངས་རི་ནི་འཛམ་གླིང་ནང་གང་སར་ཡོད་པས་ན་དེ་ཙམ་ངོ་མི་ཆེ་བར་མངོན།
(བོད་)ཞེས་པའི་མིང་འདི་ནི་བོད་གཅིག་པུ་མ་གཏོགས་འཛམ་གླིང་ཡུལ་གྲུ་ག་བ་ལ་མེད་པའི་ཕྱིར། དེས་ན་
(བོད་བདེན་པ་ཉིད་རྒྱལ་གྱུར་ཅིག)
དང་ཡང་ན་
(བོད་གངས་ཅན་པའི་བདེན་པ་ཉིད་རྒྱལ་གྱུར་ཅིག)
ཡང་ན་
(བོད་ཀྱི་བདེན་པ་ཉིད་རྣམ་པར་རྒྱལ་བར་གྱུར་ཅིག)
ཞེས་གང་རུང་ཞིག་བརྗོད་ན་ཤིན་ཏུ་ལེགས་པར་སེམས། བོད་ཞེས་པ་འདི་རྒྱལ་ཐིག་ནང་བཞག་པ་ཡིན་ན་དགོས་པ་དང་རྒྱུ་མཚན་མང་པོ་ལྡན་ཡོད་ལ། གཞན་སུ་ཡི་ཡང་ལོག་པར་སྤྱོད་མི་ཐུབ་པ་མ་ཚད། གལ་སྲིད་བོད་ཞེས་པ་དེ་མེད་ན་མི་སྒེར་བས་རྒྱལ་ཐིག་ལོག་པར་སྤྱོད་པའི་ཉན་དང་། ཚོགས་པ་འདི་ཡང་དཀྱུས་མ་ཞིག་ལས་མི་རིགས་ཞིག་གི་འཐབ་རྩོད་ཀྱི་ཚོགས་པ་ཞིག་དང་དམིགས་ཡུལ་གཏན་ནས་མཚོན་མི་ཐུབ་ཀྱི་མི་འདུག་པས་རྒྱལ་ཐིག་ནི་མི་འགྱུར་བ་དང་ཇི་སྲིད་ནམ་གནས་བར་བརྟན་དགོས་ན་ངེས་པར་དུ་(བོད་)ཞེས་བའི་ཚིག་འདི་མེད་ན་ཕུང་ཚབ་ཆེ་ཤོས་དེ་ཡིན་པར་མངོན་ནོ། གྲོགས་པོ་ཚོས་ཐུགས་བསམ་བཞེས་རོག???????????????????????
ངས་བྱས་ན། དུས་ད་ལྟའི་བར་གྱི་མིང་བྱུང་བ་ལྟར། དབུ་མའི་ལམ་གྱི་དོན་འབྲས་མ་སྨིན་བར་ལ་ལས་འགུལ་གྱི་རྣམ་པ་ཐོན་པའི་མིང་གཅིག་དང་།
དབུ་མའི་ལམ་གྱི་སྲིད་འཇུས་ཀྱིས་བོད་རྒྱ་གཉིས་སྨན་བྱུང་ཉིན་དེ་ནས། ཡང་། ཕྱིར་སྡོད་བོད་མིའ་སྒྲིག་འཛུགས་ལྟ་བུའ་མིང་གཅིག་བཅས་གོ་རིམ་མ་འཆོལ་བ་གཅིག་མ་མཐའ་ཡང་བློ་ངོར་འབང་སྒྲིགས་དགོས་མི་འདུག་གམ་སྙམ། སེམས་ཀྱི་མ་བཟོད་པའི་བསམ་འཆར་ཙམ་མོ། དགེའོ། །
ངོ་མ་ཐ་སྙད་འདི་དག་དང་དེ་རིང་ཁ་སང་གི་ལག་ཁྱེར་གསར་བཟོ་འདི་དག་བསམ་ན། ངོ་མ་བོད་མི་རྡོག་མ་ཆ་བོ་ས་ཆ་གང་ལ་འདེད་འདོད་ཡིན་པ་མི་ཤེས་ཀི གོ་ལ་འདིའི་སྟེང་ནས་བོད་མི་རྒྱལ་ཁབ་ཀྱི་ངོ་བོ་གང་ཡང་མེད་པར་ཏཱ་ལའི་བླ་དང་ཁོང་གི་འཁོར་བྱེ་བྲག་པ་ཙམ་ལས་བོད་མི་སྐྱེ་བོ་ཡོངས་བདེ་སྐྱིད་དང་རང་དབང་ཆོས་ལུགས་དད་མོ་ཡོད་ཟེར་བ་དེ་དངོས་སུ་ལག་ལྟར་བྱས་པ་ཙམ་ལས་སེམས་ངོར་འཆར་རྒྱུ་ཞིག་མི་འདུག ཨ་ཨ་ ཆབ་སྲིད་ན་འདི་ད་ངོ་མ་མགོ་རྙོག་རེད། ཨ་ཡོ་ཤེ ད་མི་བ་གི
གཞུང་གི་མི་སྣ་ཚོའི་ཚིག་གཅིག་བཤད་ནས་བཟུང་སྟེ་ཁ་ལ་ཁྱེར་བའི་གཏམ་༧་གོང་ས་མཆོག་གང་དུ་ཡོད་ན་དེར་བོད་མིའི་གཞུང་དེར་ཡོད་ཟེར་བ་མང་པོ་ཐོས་པའི་རྐྱེན་གྱི་བཙན་བྱོལ་བོད་གཞུང་དེ་བོད་ཕྱི་ནང་གཉིས་ཀའི་ཚབ་མཚོན་གྱི་གཞུང་ཞིག་ཡིན་པ་རློམ་བཞིན་ཡོད། འོན་ཀྱང་ཁ་སང་དེ་རིང་གི་སྤྱི་ཚོགས་ཁྲོད་ནས་ང་མཁས་ཁོ་མཁས་ཀྱི་སྐུ་ངོ་ཚོའི་བོད་གཞུང་ཟེར་བའི་ཐ་སྙད་འདི་ཁུར་མ་ཐོབ་པའི་གནས་གཏོང་ཞིག་བྱུང་སོང་བ་འདི་ད་ནི་ཕལ་ཆེར་སྐུ་ངོ་ཚོ་སེམས་ཤུགས་ཆགས་སོང་བ་འདྲ། ད་ནི་བོད་གཞུང་ཟེར་བའི་ཐ་སྙད་དེ་སྒྲིགས་འཛུགས་ཤིག་གི་ངོ་བོ་མཚོན་པའི་མིང་ཞིག་ལ་བསྒྱུར་ཚེ་ངོ་མ་སོ་སོ་ལ་རང་དབང་གི་གཞུང་ཞིག་བརྩོད་རྒྱུ་མེད་པ་གཞིས་ནས་ཤེས་སོང་།
གཞུང་མང་ཚོགས་ཆེན།་་་་་་་འབུམ་དྲུག་ཅུ།
གངས་ལྗོངས་རང་དབང་དམངས་གཙོའི་སྒྲིག་འཛུགས་་་་་་་ཨུ་ཚུགས་ངང་རྨེག་མེད་དུ་བཏང་བའི་རྣ་རྒྱབ་ཀྱི་འབོད་ཚིག
༸བཀའ་ཡིག་་་་་་་་་”ཐམས་ཅན་མཁྱེན་པ་”ཚོས་ཡར་འཐེན་མར་འཐེན་བྱེད་པའི་ཤོག་ཧྲལ།
གྲོས་ཚོགས།་་་་་་་་་་་་དག་ཡིག་འཛིན་གྲྭ
གཞིས་ལུས་བོད་མིའི་མངོན་འདོད་་་་་་་་་སུས་ཀྱང་བེད་སྤྱོད་བྱེད་ཆོག་ཆོག་གི་ཚིག་སྐམ་པོ།
གཞུང་་་་་བཅའ་ཁྲིམས་ནས་གཏན་དུ་ཕུད་པའི་ཚིག་རོ། གལ་ཏེ་གཞུང་ཞེས་བེད་སྤྱོད་གཏོང་མཁན་ཡོད་ཚེ། དེ་ནི་0fficial ཟེར་བ་ལས་Government ལ་གཏན་ནས་མི་འཇུག་པའི་ངེས་ཚིག་གསར་པ།
རྒྱལ་རྟགས་དང་རྒྱལ་དར་་་་་སང་ཉིན་གྱི་འགྲེམས་སྟོན་དངོས་རྫས།
ད་ནི་མིང་གསར་པ་འདོགས་རྒྱུས་མཚོན་པའི་ལས་ཀ་མང་པོ་ཡོད་་་་དཔེར་ན་བོད་མིའི་སྒྲིག་འཛུགས་ཀྱི་སྨན་རྩིས་ཁང། བོད་མིའི་སྒྲིག་འཛུགས་ཀྱི་བདེ་ལེགས་སྨན་ཁང་། བོད་མིའི་སྒྲིག་འཛུགས་ཀྱི་ཟློས་གར་སོགས་དང་། ལྷན་ཁང་ཡོང་རྫོགས་ཀྱི་ལས་ཤོག་དང་ལས་ཐམ་བཟོ་རྒྱུ་སོགས་་་་་་་་་་་་་
བྱུང་ན། ད་ལྟའི་བཙན་བྱོལ་བོད་གཞུང་གི་མིང་གསར་དེ་། བོད་སྐད་དང་ཨིན་སྐད་གཉིས་གཅིག་མཚུངས་ཅིག་བྱུང་ན་མི་ལེགས་སམ། དེ་ནས་དེ་ཡང་རྒྱ་ནག་པོའི་སྐད་སོགས་ལ་བསྒྱུར་བདེ་བ་ཅིག་དགོས་འདུག་ལགས། བོད་རྒྱལ་ལོ། །
བློ་མཐུན་རྣམ་པས་སྔ་ནོར་ལྡོག་ཤེས་ཀྱིས་ཕྱིར་མེས་རྒྱལ་གྱི་ཁྱིམ་ཚང་ཆེན་པོར་ལོག་ནས་དཔོན་ས་ཟིན་ཞིང་འདོད་དོན་ཡིད་བཞིན་དུ་འགྲུབ་པའི་སྨོན་འདུན་ཡོད།
ཡིན་ནའི། བོད་མི་མང་གི་འཐབ་རྩོད་མུ་མཐུད་དུ་གནས་རྒྱུ་ཡིན་པར་མ་ཟད། འུ་ཐུག་གི་ལས་འབབ་ཞིག་ལ་གཞོལ་མི་སྲིད་པའང་མིན་པས། ཁེ་བཟང་ལེན་མཁན་ཤོག་ཁག་གི་རྗེས་སུ་འབྲངས་རྒྱུ་ཡིན་ནམ། བོད་མི་མང་གི་རྗེས་སུ་འབྲངས་མིན་མི་རེ་ངོ་རེ་ཡི་མདུན་དུ་བཤམས་ཡོད། བཀྲ་ཤིས་བདེ་ལེགས།
ཡ་ཡ། ང་དགུ་ལོ་ལ། བོད་ཀྱི་རྒྱལ་ས་ཤོར། ཉིས་སྟོང་བཅུ་གཅིག་ལོ་ལ་བོད་རྒྱལ་ཁབ་ཀྱི་མཚན་བྱང་ཤོར། འགྲིགས་སོང་། ༧གོང་ས་མཆོག་རྒྱལ་ནང་ལོག་རྒྱུའི་གྲ་བསྒྲིགས་རེད། ཁྱེད་ལ་བོད་ཀྱི་རྒྱལ་ཁབ་མ་དགོས་ན་ང་ཚོ་དགོས་རྒྱུ་མེད་གང་ཡང་མེད་། མཉམ་དུ་ལོག་འགྲོ། ཕེབས་ཤོག དབུ་མིའི་ལམ་གྱི་སྙིང་དོན་རང་སྐྱོང་རེད། རང་སྐྱོང་གི་སྙིང་དོན་བོད་ཀྱི་སྒྲིག་འཛུགས་རེད། ངོ་མ་ཀྲུང་གོས་མི་རིགས་གཞན་དང་འདྲ་བའི་ཐོབ་ཐང་སྤྲད། ཡིད་ཆེས་དང་བྱམས་བརྩེ་ཡོད་ན་ཕལ་ཆེ་དེ་ཁེ་བཟང་ཆེ་ས་རེད། རྒྱལ་གར་ཚ་བའི་རོང་དུ་མི་ལྔ་བཅུ་ལ་དཀའ་ངལ་མྱོང་བའི་མི་སེར་རྣམས་ལོག་འགྲོ། བོད་ལ་ལོག་འགྲོ། ཨ་ཞང་གི་ཁྱིམ་དུ་ལོག་འགྲོ།
བོད་མིའི་སྒྲིག་འཛུགས་།། ཞེས་པ་འདི་ བཙན་བྱོལ་བོད་གཞུང་མེད་པ་བཟོས་པའི་ཚབ་རེད་།
དེ་རིང་ནས་ཟུང་བཙན་བྱོལ་བོད་གཞུང་ཟེར་བ་ཞིག་འཇིག་རྟེན་འདིའི་ཐོག་མེད་པ་ཆགས་པ་དང་། བོད་གཞུང་ཟེར་བ་དེ་མེད་པ་ཆགས་ནས་ལོ་༥༠་སོང་རེད་
འོང་ཀྱང་དགའ་ལྡན་ཕོ་བྲང་ཟེར་བ་དེ་ད་དུང་འགྲོ་ཞིན་པ་མ་ཚད་༧གོང་ས་མཆོག་དང་མཁས་དབང་ཟམ་གདོང་གཉིས་ཀའི་ནུས་ཤུགས་དེ་དག་གིས་དགའ་ལྡན་ཕོ་བྲང་སླར་ཡང་གྲགས་པའི་རྩེ་་རུ་བཀོད་ངེས་།
གངས་ལྗོངས་རང་དབང་དམངས་གཙོ་སྒྲིག་འཛུགས། འདི་ཉིད་རྒྱལ་གྱུར་ཅིག
གངས་ལྗོངས་རང་དབང་དམངས་གཙོའི་སྒྲིག་འཛུགས གངས་ལྗོངས། གངས་རི། ཁ་བ་ཅན། བསིལ་ལྡན་ལྗོངས།
བོད་མིའི་སྒྲིག་འཛུགས འདི་ལ་རིག་པ་ཞིག་བཏང་འདུག ག བོད་མའི་སྒྲིག་འཛུགས་གང་དུ་ཡོད་པ་རེད། བོད་ལ་ཕྱི་ནང་གཉིས་ཟེར་གྱི་ཡོད་པ་རེད། གཞིས་བཞུགས་བོད་པ་དང་། བཙན་བྱོལ་བོད་པ། འོ་ན། སྒྲིག་འཛུགས་འདི་གཞིས་བཞུགས་དང་བཙན་བྱོལ་གཉིས་ཀྱི་སུ་འཛིན་སྐྱོང་བྱེད་ཀྱི་ཡོད་པ་རེད། བཙན་བྱོལ་བ་རེད། ཨོ ད་གསལ་བོ་རེད། བཙན་བྱོལ་བོད་མིའི་སྒྲིག་འཛུགས། བཙན་བྱོལ་དུ་ཡོད་པའི་བོད་མིའི་སྒྲིག་འཛུགས། གང་ལྟར་ང་ཚོ་ལ་སྒྲིག་འཛུགས་ཤིག་མེད་པའི་སྡུག་བསྔལ་ཡོད་ཀྱི་རེད་བསམ་བསམ་མ་བྱུང་།
ད་འདི་འདྲ་ཡིན་པ་རེད། ༸གོང་ས་མཆོག་གིས་བསྩལ་གནང་བའི་གངས་ལྗོངས་རང་དབང་དམངས་གཙོའི་སྒྲིག་འཛུགས་ཞེས་པ་འདི་ལ་ཡ་བྱེད་མཁན་གྱི་སྤྱི་འཐུས་མེད་སོང་བ་ཡིན་རྒྱུ་རེད།
ད་འགྲིག་གི་ཡོད་པ་རེད། ཕ་མ་བོད་ནང་དུ་ཡོད། གཉེན་ཉེ་བོད་ནང་ཡོད། ཞེ་འདང་ཡང་བོད་ནང་དུ་ཡོད།
ཁ་བ་ཅན། ང་གསོན་པོར་གནས་པ་སྒྲིག་འཛུགས་ཤིག་མེད་པས་ནོངས་པ་ཅི་ཡང་མིན།
ད་དེ་འདྲ་བྱེད། ཐོན་ཕྱག་མི་འགྱངས་པར་ཞུ་ངེས་ཡིན།
ད་ཡིན་ན་ལྟད་མོ་འདུག
ཀྱེ་མ། ཀྱེ་ཧུད། དྲ་གྲོགས་རྣམ་པ་ཚོ་་་་་་་་་་་་་ཡིད་ཕངས་པ་ལ། ཞེ་མུག་པ་ལ། དེ་རིང་སྤྱི་འཐུས་ལྷན་ཚོགས་ཀྱིས་ཁ་སང་༧གོང་ས་མཆོག་གིས་གསོལ་རས་སུ་བསྩལ་བའི་༼ གངས་ལྗོངས་རང་དབང་དམངས་གཙོའི་སྒྲིག་འཛུགས ༽ ཞེས་བོད་གཞིས་བྱེས་གཉིས་ཀ་མཚོན་ཐུབ་ཅིང་། འཐབ་རྩོད་ཀྱི་ངོ་བོ་གསལ་བོར་བསྟན་ཡོད་པའི་རིན་བྲལ་གྱི་མིང་ཚིག་དེ་རྨེག་མེད་དུ་བཏང་སོང་།
གོང་གི་མིང་དེ་མཐོང་ཡོང་དུས་ཆུ་བཞི་སྒང་དྲུག་ཟེར་བ་ལྟ་བུའི་ཚོགས་སྡེ་སྤྱིར་བཏང་བ་ཞིག་ལས་ཅི་གང་གོ་རྒྱུ་མི་འདུག
དེ་ལས༼ གངས་ལྗོངས་དམངས་གཙོ་ཕྱོགས་ལས་རྣམ་རྒྱལ། ༽ ཞེས་བཏགས་ན་ཅི་འདྲའི་མིང་དོན་མཚུངས་པ་ཞིག་རེད་ཨང་དྲན་སོང་།
ངས་ཀྱང་ཐེངས་མང་པོར་བྲིས་མྱོང་ལ་བཤད་ཀྱང་མྱོང་། ཆོལ་གསུམ་བོད་མིའི་བརྟན་བཞུགས། ལས་བྱེད་པའི་བརྟན་བཞུགས། ཟེར་བ་སོགས་མ་ཡིན་ཡིན་ཁུལ་གྱིས་༧གོང་ས་མཆོག་ལ་བརྟན་བཞུགས་ཕུལ། བཀའ་བཞིན་བསྒྲུབ་པའི་མཆོད་པས་མཉེས་པར་བྱེད་རྒྱུའི་ཁས་བླངས་དམ་བཅས། ༧གང་གིས་མཛུབ་མོ་གར་བསྟན་ཤར་ཡིན་པར་ངོས་ལེན་རྒྱུའི་ཁས་བླངས།་དུས་ནས་དུས་སུ་ཡེ་ཤེས་དབྱིངས་བཅད་གནང་རྒྱུའི་གསོལ་འདེབས་ཞུས་། འོན་ཀྱང་གནད་འགག་དང་གཉན་འཕྲང་ཅན་གྱི་དུས་སུ་བཀའ་སློབ་ཟབ་གསལ་གནང་བའི་སྐབས་དྭོགས་དྲི་སྣ་ཚོགས་བྱེད་པ་ནི་ངོས་གངས་ཅན་པ་ཚོ་བསོད་ནམས་འབྲི་བཞིན་པའི་མངོན་རྟགས་རང་རེད། ད་ང་ཚོ་བོད་པ་རྣམས་ཅི་དྲག
གཞུང་མང་རྒྱལ་ཡོངས་ཚོགས་ཆེན།།
འཚོགས་དང་མ་ཚོགས་མི་འདུག།
སྐུ་ངོས་འགའ་ཡིས་བཀོད་པར།།
འགྱུར་བ་ཅུང་ཟད་མི་འདུག།
དྲི་བ་ཞིག་ཡོད་ཁ་སང་༸གོང་ས་མཆོག་གིས་གསུངས་པའི་“གངས་ལྗོངས་རང་དབང་དམངས་གཙོའི་སྒྲིག་འཛུགས” ཡང་ན། “ གངས་ལྗོངས་རང་དབང་དམངས་གཙོའི་ལྷན་ཁང་” ཞེས་པ་དེ་ཅེས་ཕྱིར་མ་བཏགས་པ་རེད། ངོ་མ་བཤད་ན་བཙན་བྱོལ་མོད་མིའི་སྒྲིག་འཛུག་ལས་ཚིག་གཞན་དེ་གཉིས་ལ་ཁྱབ་མི་ཆེ་འམ།
ད་ལན་མང་ཚོགས་ཀྱི་སྤྱི་མོས་སུ་སོང་བའི་བསམ་ཚུལ་ཞིག་ལ་༧གོང་ས་མཆོག་གིས་དབུ་བྱས་པས་བརྩི་བཀུར་མ་བྱས་པར”བོད་གཞུང་”ཞེས་པ་འདི་རྨེག་མེད་བཏང་རུང་། དེའི་ཚབ་ཏུ་༧གོང་ས་མཆོག་གིས”གངས་ལྗོངས་རང་དབང་དམངས་གཙོའི་སྒྲིག་འཛུགས།”ཞེས་པ་ཞིག་གནང་ཡོད་པ་དེ་མི་འཇོག་དོན་གང་ཡིན་ནམ། ལར་ནས་བོད་མི་མང་ལ་ཁྱད་པར་མེད་ན་ང་གཅིག་བུའི་བློར་མ་སོང་རུང་བྱེད་ཐབས་ཅི་ཡོད།
གཙོ་བོ་ལས་དོན་སྒྲུབ་དགོས་པ་ལས་མིང་ལ་གང་བཏག་རུང་གཞིས་བྱེས་བོད་མིའི་སྲིད་གཞུང་ཡིན་མིན་ལ་ཁྱད་པར་མེད་ཚུལ་བཤད་ན་ཡང་ཤོག་བུ་དཀར་བོའི་ངོས་ལ་སྣག་ཚ་ནག་པོས་བྲིས་ཚར་བའི་རྗེས་སུ་གང་བཤད་རུང་། ཁ་བཤད་མི་བདེན། ཡིག་ཆུང་བདེན། ཞེས་པར་གྱུར་བ་མིན་ནམ།
གསུང་བ་ལ་མངོན་པར་སྟོད་དོ་ཟེར་བ་ལས་ཅི་ཡང་བཤད་མི་ཤེས་ཀི
ད་ནི་མཚན་བྱང་གཏན་འཁེལ་བྱུང་བས་དགའ་བསུ་ཞུ།