རྔ་པའི་བུད་མེད་གཉིས་ཀྱི་གནས་སྟངས།

ཉེ་ལམ་རྔ་པ་ཀིརྟི་དགོན་པའི་དགེ་འདུན་པ་སུམ་བརྒྱ་ལྷག་རྒྱ་གཞུང་གིས་འཛིན་བཟུང་བྱེད་སྐབས། ས་གནས་མང་ཚོགས་ཀྱིས་འགོག་རྒོལ་བྱེད་མཁན་གྲས་རྔ་པ་རྫོང་མཐའ་བ་འགབ་མའི་རང་ལོ་ ༤༥ ཡིན་པའི་བུད་མེད་ཆོས་ཁོ་དང་། མཐའ་བ་གོང་མའི་རང་ལོ་ ༣༥ ཡིན་པའི་བུད་མེད་གསེར་སྐྱིད་གཉིས་ཉིན་དེར་ཉེན་རྟོག་པས་འཛིན་བཟུང་གིས་ཉིན་ཉེར་ལྔ་རིང་བཀག་ཉེར་བྱས་ཏེ། ཉེ་ཆར་ཕྱི་ཟླ་ ༥ ཚེས་ ༡༧ ཉིན་ཀློད་གྲོལ་བཏང་ཡོད་ཀྱང་། བཙོན་ཁང་ནས་ཁོང་མོ་གཉིས་ཀྱི་སྐྲ་གཏུབས་ཏེ་མགོ་རུལ་བཟོས་ཤིང་། བཙོན་ཁང་ནས་གཅར་རྡུང་མནར་གཅོད་ཚོད་མེད་བཏང་སྟེ། ད་ཆར་ནད་པ་ཆགས་ཏེ་རང་མགོ་འཐོན་དཀའ་བའི་གནས་སྟངས་ཆགས་ཡོད་འདུག  

གཞན་ཉེ་ལམ་ཕྱི་ཟླ་གསུམ་པའི་ནང་འཛིན་བཟུང་བྱས་པའི་སྐལ་བཟང་ལགས་ལ་མི་འགྱངས་བར་ཁྲིམས་ཐག་གཅོད་གཅོད་རྒྱུའི་གསལ་བསྒྲགས་བྱས་འདུག་ཀྱང་། ཁོང་ལ་ཉེས་འཛུགས་གང་ཞིག་བྱས་ཡོད་པ་གསལ་ཁ་མི་འདུག