ཁ་སང་ཕྱི་ཚེས་ ༡༣ ཉིན་གྱི་ཞོགས་པའི་ཆུ་ཚོད་ ༩ པའི་སྟེང་འོད་དཀར་དྲ་བའི་གོ་སྒྲིག་འོག རྒྱ་གར་ལྷོ་ཕྱོགས་མོན་གྷོ་འདོད་རྒུ་གླིང་གཞིས་ཆགས་སུ། སྐབས་དང་བོའི་༼ བོད་ཀྱི་གདངས་སྙན་ངག་གྱེར་འདོན་འགྲན་ཚོགས ༽ཞེས་པ་ཞིག་ཚོགས་ཡོད་འདུག་ལ། འགྲན་ཚོགས་དེའི་སྟེང་མི་ ༢༢ ཙམ་གྱིས་སྙན་ངག་གྱེར་འདོན་གྱི་ཆ་ཤས་བླངས་ཡོད་འདུག འདུ་འཛོམས་སྟེང་ས་གནས་གྲོས་ཚོགས་ཀྱི་ཚོགས་གཙོ་དང་སློབ་གྲྭ་ཁག་གི་སློབ་སྤྱི། དགའ་འབྲས་བླ་སྤྱི་དང་གྲྭ་ཚང་ཁག་གི་ཕྱག་མཛོད། དེ་བཞིན་ས་གནས་བོད་རིགས་སེར་སྐྱ་མང་ཚོགས་སོགས་ཁྱོན་བོད་མི་ ༣༠༠ ཙམ་མཉམ་ཞུགས་བྱས་ཡོད་འདུག
གནས་ཚུལ་བཏང་འབྱོར་བྱུང་བ་ལྟར་ན་ཚོགས་འདུའི་དབུ་འཛུགས་ཐོག་ཨ་ལགས་ཤིང་བཟའ་རིན་པོ་ཆེ་མཆོག་གསུང་བཤད་གནང་རྒྱུར། ང་ཚོའི་ངོས་ནས་ཐོག་མ་ནས་དམིགས་ཡུལ་ཆེན་པོ་ཞིག་བཟུང་སྟེ། དེ་རིང་གི་ལས་རིམ་འདི་གོ་སྒྲིག་ཞུས་པ་ཡིན་ལ། ལས་རིམ་འདིའི་ཁྲོད་སྙན་ངག་གྱེར་འདོན་འགྲན་ཚོགས་དང་། སྙན་ངག་དང་སྙན་ངག་པར་བྱ་དགའ་འབུལ་རྒྱུ། དེ་བཞིན་སྙན་ངག་རྩོམ་རིག་གི་ཚོགས་ཆེན་སོགས་ལས་རིམ་ཁ་ཤས་ཤིག་བསྡུ་རྒྱུ་བྱས་ཡོད། ད་ཐེངས་བོད་མི་འདུས་སྡོད་ཁག་ ༨ ཙམ་གྱི་ནང་སྔོན་འགྲོའི་འགྲན་བསྡུར་ལས་རིམ་གོ་སྒྲིག་ཞུ་བཞིན་ཡོད་ལ། སྔོན་འགྲོའི་འགྲན་བསྡུར་ནང་བྱ་དགའ་ཐོབ་མཁན་རྣམས་ཐེངས་རྗེས་མའི་དངོས་གཞིའི་རྟིང་རྩོད་འགྲན་བསྡུར་ནང་ཞུགས་ཆོག་གི་ཡོད་པ་དང་། མཐའ་མའི་འགྲན་བསྡུར་ནང་བྱ་དགའ་ཨང་དང་པོ་ཐོབ་མཁན་ལ། ཧིན་སྒོར་དྲུག་ཁྲི་ ༦༠༠༠༠ དང་། ཨང་གཉིས་པར་ཧིན་སྒོར་ཉིས་ཁྲི ༢༠༠༠༠། ཨང་གསུམ་པར་ཧིན་སྒོར་ཆིག་ཁྲི་ ༡༠༠༠༠ བཅས་གསོལ་རས་གནང་རྩིས་ཡོད་ཅེས་གསུངས་འདུག
ཐེངས་འདིའི་མོན་གྷོལ་ས་གནས་ཀྱི་སྙན་ངག་གྱེར་འདོན་འགྲན་བསྡུར་ཁྲོད། ཨང་དང་པོ་ཐོབ་མཁན་སྐུ་ཞབས་རྡོ་རྗེ་རྣམ་རྒྱལ་ལགས་ཡིན་ཞིང་། ཁོང་ལ་སྐར་གྲངས་བརྒྱ་ཆ་ ༩༨་༡༩ ཙམ་ཐོབ་སྟེ། ཧིན་སྒོར་ ༡༠༠༠ ཙམ་གྱི་བྱ་དགའ་ཐོབ་ཡོད་པ་དང་། ཨང་གཉིས་པ་ཚེ་རིང་སྟོབས་རྒྱལ་ལགས་སུ་སྐར་གྲངས་བརྒྱ་ཆ་ ༩༥་༧༠ ཙམ་ཐོབ་སྟེ། ཧིན་སྒོར་༨༠༠ ། ཨང་གསུམ་པ་འཇིགས་མེད་ལེགས་བཟང་ལགས་སུ་སྐར་གྲངས་བརྒྱ་ཆ་ ༩༥་༤ ཙམ་ཐོབ་སྟེ། ཧིན་སྒོར་ ༦༠༠ ཐོབ་ཡོད། མོན་གྷོ་ས་གནས་ཀྱི་སྙན་ངག་འགྲན་ཚོགས་ཀྱི་བྱ་དགའི་དངུལ་དེ་ལས་འགུལ་གོ་སྒྲིག་པ་བསྟན་འཛིན་ཤེས་རབ་ལགས་ཁོང་སྒེར་ངོས་བཏང་ཡོད་འདུག
གསར་འགོད་པ། དཔལ་ལྡན།
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
ངོ་མ་བཤད་ན་ཡག་པོ་རེད། འོན་ཀྱང་རང་གཞུང་ཤེས་རིག་གི་དེ་འདྲ་དྲན་མི་སྲིད་པ་རེད།
བོད་ཀྱི་རྩོམ་རིག་དུང་པ་ཆེ་བའི་ཨ་ལགས་ཤིང་བཟའ་རིན་པོ་ཆེའི་ཐུགས་འཁུར་འོག་འདི་འདྲའི་འགྲན་ཚོགས་མགོ་འཛུགས་ཐུབ་པ་ཧ་ཀྱང་དགའ་བོ་བྱུང་ཐུགས་རྗེ་ཆེ་ཞུ།
ཐེངས་འདིའི་སྙན་ངག་གྱེར་འདོན་ལེགས་གྲུབ་བྱུང་བར་བཀྲ་ཤིས་བདེ་ལེགས་ཞུ
བོད་པ་ཚོའི་ཆུང་ཆུང་འདི་སྙིང་རྗེ་འདེ་ཅིག་སྤྲོད་ལ་དང་་་ཟེར་གི་རེད་དེ་སོ་ཡར་རྒྱས་ཀྱི་
གེག་རེད་མོད་འདི་ཤེས་ཀྱི་མི་འདུག་ག་་་་་་
ལས་དོན་ལམ་ལྷུང་ཡོང་བའི་སྨོན་འདུན་ཞུ། སྔོན་འགྲོའི་སྐབས་ཡིན་ན་འོ་ཞིག་རེད། འགྲོ་སྟངས་ཡིན་ན་དཔྱད་འདེམས་མཁན་རྣམས་མི་སྣ་དྲགས་ཅན་རེ་དགོས་ངེས་རེད། དཔེར་ན་ཆབ་བྲག་ལྷ་མོ་སྐྱབས་ལྟ་བུ་མང་པོ་ཡོད་ན་མིང་དོན་མཚུངས་པའི་སྙན་ངག་གྱེར་འདོན་གྱི་འགྲན་ཚོགས་ཤིག་ཆགས་ཀྱིན་རེད། སྙན་ངག་ཡིག་ཐོག་ཙམ་མ་ཡིན་པར་ངག་ཐོག་ནས་བསྐྱོར་ཐུབ་ན་དགེ་མཚན་ཆེ་ཀི་རེད
སྒྲ་སྙན་སྨན་རྩིས་སོགས་ལ་མགོ་མ་འཁོར།
ཞེས་བ་རང་གི་བླ་མས་བསླབ་བྱ་རེད་ཐུགས་ལ་ངེས་ན་ཡག་པོ་མེད་དམ།
སྒྱུ་རྩལ་གདངས་ཉམས་སོཊ་ལ་བྱང་ཆ་དགོས།།
བརྒྱ་ཆ་སྤྲོད་མཁན་ཚོ་ལ་མ་འཚང་ཚེ།།
བྱ་དགའ་རགས་པའི་དེ་ལ་ཅི་ལྟར་ཚང་།།
འདི་ཡི་ཕྱོགས་ལ་ཀུན་གྱིས་གཟབ་པར་གྱེས།།
ལས་འགུལ་འདི་ལ་ལམ་ལྷོང་ཡོངས་པར་སྨོན།།
ཕྱི་ཚེས་༠༧ཉིན་སྦེལ་ཀོབ་ཏུ་བྱས་པ་རེད། འོན་ཀྱང་ཚོགས་སྡེ་ཁག་གིས་སྣང་མེད་བཏང་བས་རེད་དམ་ཅི་ཡིན་མི་ཤེས་མོད་དུས་བབ་ཚང་ལ་དེའི་སྐོར་གོ་རྒྱུ་འདྲ་མི་འདུག སྦེལ་ཀོབ་ཏུ་ཚོགས་པའི་གྱེར་འདོན་དེར་བྱ་དགའ་མི་འདུག་ལ། ཆབ་བྲག་ལྷ་མོ་སྐྱབས་ལགས་ཀྱིས་གསུངས་བཞིན་བརྒྱ་ཆའི་སྤྲད་ཕྱོགས་ཤིག་ཀྱང་ར་སྤྲོད་བྱས་མ་སོང་།
དེས་རྐྱེན་པས་འགྲན་བཞུགས་པ་མང་པོ་ཞིག་འདོད་པ་ཁེངས་མི་འདུག
སྙན་ངག་གྱེར་འདོན་འགྲན་ཚོགས་ཀྱི་ཨང་གཉིས་པ་ཐོབ་མཁན་འཇིགས་མེད་ལེགས་བཟང་།
http://www.youtube.com/watch?v=UD02AX8pK_0
སྙན་ངག་གྱེར་འདོན་འགྲན་ཚོགས་ཀྱི་ཨང་དང་བོ་ཐོབ་མཁན་རྡོ་རྗེ་རྣམ་རྒྱལ་གྱི་སྙན་ངག་གྱེར་འདོན།
http://www.youtube.com/watch?v=EZHKjShmKLI
ཟིན་བྲིས་འདིའི་ཐོག་སོང་དང་གནས་ཚུལ་ཅུང་ཞིབ་ཚགས་པོར་འཁོད་འདུག
https://tibettimes.net/wordpress/blogs.php?id=265&post_id=15641
རྩོམ་སྒྲིག་པ་ལགས། འགྲོ་སོང་དེ་ང་སྒེར་ངོས་ནས་བཏང་བ་མ་རེད། བྱ་དགའི་དངུལ་དེ་ང་སྒེར་ངོས་ནས་བཏང་བ་རེད། ཁ་སང་སྒྲ་ཆེ་རྐྱེན་ཉིད་ཀྱིས་མ་ཐོས་པ་ཡིན་རྒྱུ་རེད། དགོངས་དག
པར་དང་གློག་བརྙན་ངོ་དེབ་དང་ཡུ་ཐྲོབ་ནང་སོང་དང་འདུག
ཁ་སང་དྲ་ཐོག་ནས་ཐད་གཏོང་བྱེད་རྒྱུའི་འཆར་གཞི་ཡོད་མོད། གློག་ཀླད་གཡར་མ་དེས་ལས་ཀ་བྱས་མ་སོང་། དེ་བས་ཀློག་མཁན་དང་གཟིགས་འདོད་མཁན་ཡོངས་ལ་དགོངས་དག་ཞུ་བ་ཡིན།
རྗེས་སུ་ཡིད་རང་ཡོད། འདི་འདྲ་འདྲ་བའི་ལས་འགུལ་རེ་སྤེལ་ཐོབ་ན་གཞོན་སྐྱེས་ཚོ་བོད་ཡིག་ལ་མོས་པ་དྭངས་སྣང་བྱེད་པར་ཕན་ཐོག་ཡོད་ངེས། མ་ཟད་ལས་དོན་ལམ་ལྷོང་ཡོང་བའི་སྨོན་གྲངས་མེད་འདུན་ཞུ།
རྩོམ་རིག་གི་ལས་འགུལ་འདིར་ཡི་རང་བསྔགས་བརྗོད་དང་འབྲེལ་ལས་དོན་ལམ་ལྷོང་ཡོང་བའི་སྨོན་འདུན་ཞུ།
བརྒྱ་ཆ་སྤྲོད་སྟངས་སྐོར་ལ་གསལ་བཤད་ཅིག་གནང་ན་མཉམ་ཞུགས་པ་ཚོར་ཕན་ཐོགས། དཔེར་ན་སྙན་ངག་གི་ནང་དོན། སྒྱུ་རྩལ། གྱེར་དབྱངས་ཀྱི་གདངས་དང། ལུས་ཉམས། དེ་འབྲེལ་གྱི་ཆ་རྐྱེན་གཞན་དག་ཚང་དགོས་ཅི་ཡོད་རིགས།