སྤྱི་འཐུས་ཀརྨ་ཆོས་འཕེལ་ར་བཟི་འདུག་ཟེར།

ད་གཟིགས་དང་ང་ཚོའི་ཚོགས་གཙོ་ཟུར་པ་སང་གི་རིན་ཐང་ཅན་གྱི་བྱས་རྗེས་གཅིག་རྗེས་གཉིས་མཐུད་བྱས་ནས་ཡོང་གི་འདུག་དེ་འདྲ་ཞིག་ཡིན་པས་དབུ་གཙང་སྤྱི་འཐུས་ནས་ཟེགས་པ་མིན་ནམ།  འོན་ཀྱང་ཟིན་བྲིས་སྤེལ་མཁན་འགའ་ཤས་ཞིག་གིས་ཡོད་ཌོབ་ནང་དུ་ཀརྨ་ཆོས་འཕེལ་ལ་བཀའ་བརྒྱུད་ཞྭ་མོ་གྱོན་ནས་འདྲ་མིན་ཞིག་བཟོ་བཞིན་པ་དེ་ཡང་ཡག་པོ་མི་འདུག་གང་ཡིན་ཞེ་ན་དེ་ཆོས་རྒྱུད་ལ་གནོད་ཀྱི་རེད་དེ་འདྲ་མི་བྱེད་པའི་རེ་བ་བཅས།

ཀརྨ་ཆོས་འཕེལ་སྤྱི་མཐུས་ནས་དགོངས་ཞུ་བྱས་ན་ལེགས། མ་གཞི་ར་མ་བཟི་ན་བོད་གཞུང་གི་སྤྱི་མཐུས་ལ་ཚུད་ཀྱི་མེད་ཚུལ་མི་མང་པོའི་བཤད་ཀྱི་འདུག་བདེན་པ་མིན་ནམ། གནའ་སྔ་མོ་རྒྱལ་ཁབ་ཆུང་ཆུང་གཅིག་ལ་མོ་རྩིས་ནང་ཆར་པ་ཞིག་བབས་རྗེས་ཉིན་བདུན་གི་རིང་ཆར་ཆུ་དེ་འཐུང་ན་སྨྱོ་་འགྲོ་རྒྱུ་ཡིན་པ་གསལ་སྒྲགས་བྱས་ཀྱང་། ཡུལ་དེའི་རྒྱལ་པོ་ལས་ཉིན་བདུན་ལ་འདོང་པའི་ཆུ་ཉར་ཚག་བྱེད་མ་ཐུབ་པ་བརྟེན། རྒྱལ་པོ་མ་གཏོགས་མི་ཚང་མ་མྱོ་བས་རྒྱལ་པོ་ཁོ་རང་ཡང་སྨྱོ་ཆུ་དེ་འཐུང་བའི་ལོ་རྒྱུས་འདྲ་བོ་མིན་ནམ།
གང་ལྟར་ད་ཕྱིན་སྤྱི་མཐུས་ཡིན་ཚེ་ཆང་རག་འཐུང་མི་མཆོག་པའི་རྩ་ཁྲིམས་ཡོད་པ་གནང་རོགས་ཞུ་རྒྱུ་ཡིན།

དྲ་གྲོགས་རྣམ་པས་དགོངས་ཚུལ་མང་ཤོས་ཤིག་ནི་སེམས་ཚོར་དང་།ལ་རྒྱ་ལས་གྲུབ་པའི་ང་རྒྱལ་གྱི་ངོ་བོར་གྲུབ་འདུག་པས་དྲ་གྲོགས་ཚོར་ཅི་ཁག་་་་ལས་འགུལ་པར་གནས་ཚང་གཡར་སའི་རྒྱ་གར་བླ་མ་དེས་ཀྱང་ང་རང་བོད་ལ་དགའ་བས་ང་ཚོ་ནང་ཚགས་བྱས་ཆོག་གི་རེད།འོན་ཀྱང་ཁྱེད་ཚོ་བོད་ཀྱི་མགོ་ཁྲིད་བྱེད་མཁན་ལ་མི་འདི་ལྟ་བུ་འཁེལ་ན་ཧ་ཅང་སྐྱོ་བོ་རེད།ཁྱེད་ཚོས་གནས་ཚུལ་འདི་དབུས་ལས་ཁུངས་སུ་ཞུ་ཐུབ་ན་ཡག་པོ་ཡོད་རེད།ང་རང་བོད་པའི་མཐོ་རིམ་མི་སྣ་ཁག་དང་འབྲེལ་བ་ཡོད།ངས་ཀྱང་ཞུ་ངེས་ཡིན་ཞེས་བཤད་འདུག་་་
འབྲོང་བུ་སོག་ཚས་ཀརྨ་ཆོས་འཕེལ་ལ་རྒྱབ་སྐྱོར་ཁོ་ན་བྱེད་པ་ལས་དྲང་གཏམ་མི་འདུག་་་ཁོ་རང་བོད་མི་མང་དང་ཀརྨ་ཆོས་འཕེལ་གཉིས་ལས་ཀརྨ་ཆོས་འཕེལ་རྩ་ཆེར་བརྩི་མཁན་ཞིག་རེད།སྤྱི་ཚོགས་ནང་ལ་མི་འདི་འདྲ་ཡོད་ཆོག་གི་རེད།
ཅོ་རི་ཉི་མས་རྒྱུན་དུ་རང་བཙན་དང་བོད་མི་རིགས་བཤད་ཀྱིན་ཡོད།མཁས་དབང་བློ་བཟང་སེང་གེ་ལ་ཁ་གཏོང་བཞིན་ཡོད།ད་ཐེངས་དྲང་ཚུགས་སུ་གནས་མི་འདུག་གཱ་་་སྐྱོ་བོ་རེད།སྒེར་གྱི་ཞེན་ཁོག་གི་ཆེད་དུ་བོད་མིའི་མཚན་མཐོང་དང་།གཟི་བརྗིད།ལ་རྒྱ་ཚང་མ་བརྗེད་འགྲོ་བ་ཡོང་སྲིད་པ་རེད།ཅོ་རི་ལ་དྲན་སྐུལ་ཙམ་ཡིན།
གནས་ཚང་ངམ་མདོ་སྨད་ཚང་གི་ཀླུ་ཁོ་རྒྱུན་དུ་ཁ་ནང་དུ་འཁོར་ཡོད་པ་ཤེས་གསལ་རེད།

ཨ་ཁ་ཁ། ད་ལྟ་དྲ་ཐོག་གི་མི་ཁ་ཤས་ཀྱི་སྐུ་ངོ་སྤྱི་འཐུས་ཀརྨ་ཆོས་འཕེལ་ར་བཟི་བ་འདི་དགེ་མཚན་ལྟ་བུར་ངོམ་སོ་བྱེད་ཀྱིན་འདུག
ང་ལ་སྤྱི་འཐུས་ར་བཟི་ཞིག་མི་དགོས་པའི་རྒྱུ་མཚན།
ངས་ད་ལྟ་ཁ་གསལ་པོ་བྱས་ནས་བཤད་རྒྱུ་ཞིག་ལ། ངས་བཀའ་བརྒྱུད་པའི་ཆོས་ལུགས་ལ་དམའ་འབེབ་བྱེད་ཀྱིན་མེད་ལ། དེ་བས་སྐུ་ངོ་སྤྱི་འཐུས་ཀརྨ་ཆོས་འཕེལ་ལ་དམའ་འབེབ་བྱེད་ཀྱིན་མེད། ངས་རང་ཉིད་བོད་མི་ཞིག་ཡིན་པའི་འགན་དེ་ཁུར་ནས། ངས་རང་ཉིད་སྙུག་འཛིན་པ་དཀྱུས་མ་ཞིག་ཡིན་པའི་འགན་དེ་ཁུར་ནས་བཤད་ཀྱིན་ཡོད། སྤྱི་འཐུས་ར་བཟི་ལ་འོས་འཕེན་མཁན་བཀའ་བརྒྱུད་པའི་གྲྭ་པ་རེད་ཟེར། འོན་ཀྱང་ཁོང་ལ་འོས་ཐོབ་ཚར་བའི་རྗེས་ཁོང་བོད་མི་མང་གི་སྤྱི་འཐུས་ཤིག་ཆགས་ཚར་བ་རེད་མ་གཏོགས་བཀའ་བརྒྱུད་པའི་སྤྱི་འཐུས་ཁོ་ན་མ་རེད། ང་ཡང་བོད་མིའི་སྒྲིག་འཛུགས་ལ་དཔྱ་ཁྲལ་འཇལ་མཁན་གྱི་བོད་མི་ཞིག་ཡིན་པའི་ཆ་ནས་ང་ལ་སྤྱི་འཐུས་འདི་འདྲ་ཞིག་མི་དགོས་ཞེས་ངས་སྐད་གསེང་ཐོན་པོས་བསྒྲགས་པ་ཡིན། ཉེ་ཆར་ངས་བྷེལ་འཇམ་དུ་ཡོད་པའི་ངའི་གྲོགས་པོ་རྩོམ་པ་པོ་ཞིག་ལ་སྤྱི་འཐུས་ཀྱི་འོས་གཞི་གསལ་བསྒྲགས་བྱས་འདུག་པ་དེར་ཁྱེད་ལ་རེ་བ་དང་ཚོར་སྣང་ཅི་བྱུང་ཞེས་སྐད་ཆ་འདྲི་སྐབས། ཁོང་གིས་ལན་དུ་ན་གཞོན་གསར་པ་མང་པོ་ཞིག་སླེབས་འདུག་ནའང་། ད་དུང་སྔོན་ཆད་ཀླད་རྙིང་མཁྲེགས་འཛིན་པ་དེ་ཚོ་ཡང་སླེབས་འདུག་པས། དམིགས་བསལ་རེ་བ་གསར་པ་ཅང་འཛིན་གྱི་མེད་ཟེར། ངེད་གཉིས་སྐད་ཆ་དེ་བཤད་ནས་ཟླ་ཤས་ལས་མ་སོང་གོང་ཁོང་གིས་བཤད་པའི་སྐད་ཆ་དེས་བསྟན་དོན་ལྷང་ལ་བུད་སོང་།

དྲ་གྲོགས་རྣམས་ནས་བསམ་ཚུལ་བཏོན་སའི་ཁ་ཕྱོགས་ཀརྨ་པ་ར་བཟི་མ་ཡིན་པར་གཙོ་བོ་བཀའ་རྒྱུད་པ་ལ་རེ་བསྐུལ་ཞུ་ན་ཡག་ས་མིན་འགྲོ། ར་བཟི་འདི་ལེགས་བཅོས་མ་བཏང་ན་མ་འོངས་པར་མུ་མཐུད་དུ་གཉེན་ཁ་བཟོ་སྲིད།

དངོས་གནས་མི་འགའ་རེ་སྙིང་རྗེ་བའི་ཡུལ་རེད་གང་ཞེ་ན་རང་ཕྱོགས་ལའང་
ཤ་ཚ་ཞེན་ཁོག་བྱེད་འདོད་ཀྱང་བྱེད་མི་ཤེས་བ་དཀར་ནག་དང་ཡག་སྩོགས་དབྱེ་མི་ཤེས་བ་སོགས་མདོར་ན་མུན་ནག་སྟུགས་པོའི་ནང་གཟུགས་རེས་གང་ཡང་མ་མཐོང་པར་རྣམ་རྟོག་གིས་རྐྱེན་པའི་ཀུ་ཅོ་སྒྲོགས་པ་དང་གཉིས་སུ་མ་མཆིས་པའི་སྙིང་རྗེ་རེད།ད་དུང་ཁ་ནང་ལ་སྐོར་ནས་སྐྱོན་དེ་ལས་ཆེར་བསགས་མཁན་མང་རབས་དང་ཐ་ན་མཚན་མ་སྨོས་པ་ཙམ་ལས༸གོང་ས་མཆོག་ལ་ཡང་བོད་སྐྱལ་བའི་ནག་ཉེས་སོགས་བགྲེང་མཁན་དེ་སོགས་ཉེན་ཁ་ཅན་མང་པོ་ཕེབས་འདུག་རེད་ངའི་ཧ་གོ་གི་ཡོད་ང་ཚོ་ད་དུང་ནད་སྙིང་གི་དྲ་རྒྱ་དེ་ལས་ཐར་ཡོད་མ་རེད་གང་ལྟར་མང་པོ་བྲིས་ཀྱང་ཕན་གི་མ་རེད་གཙོ་བོ་སྔར་གང་བྱུང་ལ་སྔར་དུས་ཐོག་དུ་སྐྱོན་བརྗོད་དང་དག་སེར་བྱེད་དགོས་རེད།
ད་ཐེང་འདི་ཧ་ཅང་གནས་ཚུལ་ཉེན་ཅན་དང་དམིགས་དཔེ་ངན་པ་ཡིན་པས་ཁོ་ལ་འོས་འཕེན་མཁན་རྣམས་ནས་འགན་ཁུར་ཏེ་མང་གཙོས་ལམ་སྲོལ་བཞིན་སྔ་འགྱོད་ཕྱི་བསྡོམས་ནན་པོ་བྱེད་བཅུག་དགོས་རེད་དེ་མིན་མུན་ནག་ནང་གི་ཞེན་ཁོག་དང་ཤ་ཚ་དེ་རང་གཞན་གཉིས་སུ་ཕན་ལས་གནོད་ཆེ་བ་ཧ་གོ་ན་བཟང་།དུང་ཆེན་ཁ་ཕར་སྐོར་ནས་འབུད་པ་ལས་ཁ་ཚུར་རང་གི་སྣ་མཆོག་ནང་སྐོར་ན་སྐད་ཚ་དྲག་ནས་ནང་བསམ་བློ་ཡང་དག་ཞིག་འཁོར་བའི་རེ་བ་ཡོད་རེད་འོ།།

ཡང་བཙན་བྱོལ་བོདམིའི་སྒྲིག་འཛུགས་ཀྱི་སྐུ་ཚབ་ཀྱི་ཞབས་འདྲེན་ཞུས་འདུག་ག ད་ངོ་ན་ངོ་ཚ་ཞེས་པ་དེ་མི་ཤེས་པར་ཁྱི་ལས་སྡུག་ཅིག་ཡིན་ས་རེད། བོད་མི་མང་གི་ཚབ་མཚོན་པའི་འཐུས་མི་ཞིག་ཡིན་པར་མ་ཟད་ད་དུང་བོད་ཀྱི་ཆོས་བརྒྱུད་ཅིག་གི་སྐུ་ཚབ་བྱས་ནས་སྤྱི་འཐུས་ཀྱི་གྲལ་དུ་སླེབས་པ་མ་ཡིན་ནམ། དེས་ན་ད་ཡིན་ན་ཁྲིམས་ཀྱིས་དབང་བསྒྱུར་བྱས་ནས་འཐུས་མིའི་གྲལ་ནས་རྒྱང་ཕུད་མི་ཐུབ་ཏུ་ཆུག་ཀྱང། བཀའ་བརྒྱུད་པ་ཡོངས་ངོ་ཚ་བོ་བཟོས་པ་དེ་བདེན་པའི་ཕྱོགས་སུ་ལངས་ནས་འབོད་སྒྲ་ཞིག་སྒྲོག་དགོས་པའི་དུས་ལ་བབ་པ་མིན་ནམ། རྐུན་རྒྱབ་ཇག་ལངས་མི་བྱེད་པར་རང་བཞིན་གསལ་བོར་བསྟན་པ་ལ་རྒྱབ་ལངས་བྱེད་མཁན་ཡོད་ན་རང་གི་རང་གཤིས་ཀྱང་གསལ་བོར་བསྟན་པ་རེད།

སྟོང་ལོ་གསར་པའི་བགྲང་བྱ་བརྒྱད་པར་བོད་མིའི་ཟུང་ཁྲག་ཡུར་དུ་དྲངས། །
དེ་ཡིས་བདུད་རྩི་ཆང་ཞིག་བསྙལ་ཏེ་ཡོ་རོབ་གླིང་ནས་ཀརྨ་བཟི། །

གཉིས་ཐིག་གཅིག་གཅིག་ཡོས་ཀྱི་ལོ་ལ་མདོ་སྨད་རྔ་བར་མི་རོ་བརྩེགས། །
མདོ་སྟོད་དཀར་མཛེས་དམག་གིས་གཅུན་ཏེ་ཆོས་འཕེལ་ཆང་གིས་ར་རོར་གྱུར། །

སྤྱི་སེམས་མི་ཁུར་བོད་ཀྱི་མི་དམངས་ལུང་ཁུག་ལ་རྒྱའི་ཆང་གིས་བཟི། །
སྒེར་འཁོན་སླད་དུ་སྤྱི་འཐུས་བདམས་ན་ལྟད་མོ་ལོ་རྒྱུས་ངོས་འཇོག།

ཆོས་འཕེལ་པའི་བྱ་སྤྱོད་དང་འདྲ་བ་ཞིག་ལ་་་་་་་་
ཁ་སངས་ཨ་རིའི་སྤྱི་འཐུས་ཤིག་གིས་རང་ལ་སྐྱེས་དམན་ཡོད་བཞིན་དུ་་དྲ་ལམ་ནས་བུ་མོ་ཞིག་ལ་པར་བསྐུར་དང་ཆགས་གཏམ་བཤད་པས་མི་མང་གིས་སྐྱོན་བརྗོད་མང་པོ་བྱས་བས་དགོངས་པ་ཞུས་འདུག གནས་ཚུལ་འདི་ན་http://www.huffingtonpost.com/2011/06/16/anthony-weiner-press-conference_n_878120.html འདུག

དྲ་གྲོགས་ཅོ་རི་ཉི་མ་ལགས་སུ་གསལ་བཤད། གསར་འགྱུར་འདི་དྲང་བདེན་ཡིན་མིན་གྱི་དོགས་གནས་གཅིག་ཀྱང་མེད། གོ་སྒྲིག་པས་བརྗོད་པ་ལྟར་ན། ཀརྨ་པ་ཆོས་འཕེལ་གས་ཀྱིས་ཁ་པར་འབྱོར་ཏེ་གནམ་གྲུ་ཕྱིར་འགྱངས་ཆགས་སོང་ཟེར་ཡང་། ལས་འགུལ་གོ་སྒྲིག་པས་དྲ་ཐོག་ནས་ཞིབ་འཇུག་བྱེད་སྐབས་གནམ་གྲུ་ (Kingfisher)ཕྱི་ཚེས་ ༡༢ ཉིན་དུས་ཐོག་ཏུ་པུ་ན་རུ་འབྱོར་ཡོད་འདུག
ཕྱི་ཚེས་ ༡༤ ཉིན་གྱི་ཞོགས་པའི་ཆུ་ཚོད་ ༩ བའི་ཐོག་ཟས་བཅད་ངོ་རྒོལ་གྱི་ལས་འགུལ་དབུ་འཛུགས་མཛད་སྒོ་ཡོད་ཀྱང་། སྐབས་དེར་སྤྱི་འཐུས་ཀརྨ་ཆོས་འཕེལ་ལགས་སྐྱོད་ཐུབ་མེད་པར། ཉིན་གུང་ཆུ་ཚོད་ ༡༢ ཡས་མས་ཤིག་ལ་ལས་འགུལ་སྤེལ་སར་འབྱོར་འདུག་སྟབས། ཕྱི་ཚེས་ ༡༣ ཉིན་གྱི་དགོང་མོ་མུ་མཐུད་ཨ་རག་མཆོད་ཡོད་པའི་དོགས་པ་བྱུང་ཡོད།
སྤྱིར་ལས་འགུལ་གང་ཞིག་ཡིན་རུང་གོ་སྒྲིག་པ་གཅིག་ལས་ཡོད་མི་ཆོག་པའི་ཁྲིམས་སྒྲིག་གང་དུའང་གསལ་ཁ་མེད་པ་ལྟར། ཐེངས་འདིའི་ལས་འགུལ་ལ་ཡང་གོ་སྒྲིག་བྱེད་མཁན་ཚོགས་པ་ལྔ་ཡོད་སྟབས། མ་མཐར་ལས་འགུལ་གོ་སྒྲིག་བྱེད་མཁན་དང་སྤྱི་འཐུས་ཀརྨ་ཆོས་འཕེལ་སྲུང་མཁན་བཅས་མི་གཉིས་ལས་མི་ཉུང་བ་ཞིག་ཡོད་པ་རིག་པས་རྟོགས་ནུས་སོ།།

གསར་འགོད་པ་བཀྲ་ཤིས་དོན་འགྲུབ་ལགས་སུ་ཆེད་ཞུ། གཅིག་ནས་གསར་འགྱུར་འདི་དྲང་བདེན་ཡིན་མིན་གྱི་དོགས་པ་སྐྱེས་སའི་ས་ཆ་མང་པོ་ཞིག་འདུག
དཔེར་ན། ༼༼ཕྱི་ཚེས་ ༡༣ གྱི་ཕྱི་དྲོར་ལས་འགུལ་གོ་སྒྲིག་པ་གནམ་ཐང་ལ་ཕེབས་བསུར་བཅར་སྐབས་ཀརྨ་ཆོས་འཕེལ་ལགས་ར་བཟི་ཡོད་འདུག

ཀརྨ་ཆོས་འཕེལ་ལགས་ཕྱི་ཉིན་ཚེས་ ༡༤ ཉིན་གྱི་མཛད་སྒོའི་སྟེང་དུས་ལྟར་ཕེབས་ཐུབ་མེད་པ་མ་ཟད། ཉིན་གུང་ཙམ་ལ་ཁོང་གཉིད་སད་སྐབས། ལས་འགུལ་གོ་སྒྲིག་པས་ལས་འགུལ་སྤེལ་སར་ཕེབས་ན་ཡག་པོ་མེད་ཚུལ་བཤད་ཀྱང་། ཁོས་ཨུ་ཚུགས་ཀྱིས་ཉིན་གུང་ཙམ་ལ་ལས་འགུལ་སྤེལ་སར་བསླེབས་ཡོད་པ་དང་། ༽༽ཞེས་བྲིས་འདུག་པས་སྤྱི་ཚེས་༡༣་ཉིན་ཆང་གིས་བཟི་ནས་སྤྱི་ཚེས་༡༤་ཡི་ཉིན་དགུང་ཙམ་མ་གཏོགས་གཉིད་ཉལ་བ་དང་ཉིན་དགུང་གཉིད་སད་དུས་ར་བཟི་དངས་མེད་པར་དེ་འདྲ་ཡོང་སྲིད་ཀྱི་མ་རེད། སྐད་ཆ་འདིའི་ནང་དུ་རྫུན་ཆེན་ཞིག་འདུག་སྙམ།

ལས་འགུལ་གོ་སྒྲིག་པས་ཀརྨ་ཆོས་འཕེལ་ལགས་སུ་ལས་འགུལ་སྤེལ་སར་ཕེབས་ན་ཡག་པོ་མེད་ཚུལ་གསུངས་ཡོད་པ་རེད་ཟེར་དུས་་་་་་ལས་འགུལ་གོ་སྒྲིག་པ་ཡང་ཉིན་དགུང་བར་དུ་ཀརྨ་ཆོས་འཕེལ་ལགས་ཀྱི་ཉལ་ཁང་ནང་དུ་བཞུགས་ཡོད་པར་བསྟན་གྱི་འདུག་པས་འདིར་རྫུན་ཆེན་གཉིས་པ་རེད་འདུག་སྙམ།

ལས་འགུལ་གོ་སྒྲིག་པ་སྤྱི་ཚེས་༡༤་ཡི་ཉིན་མོའི་ཉིན་དགུང་ལས་སྤེལ་སའི་ས་ཆ་ལ་ཡོད་དམ། ཀརྨ་ཆོས་འཕེལ་མཉམ་དུ་ཡོད། གལ་སྲིད་ཀརྨ་ཆོས་འཕེལ་མཉམ་དུ་ཡོད་ན་གོ་སྒྲིག་པ་ཁོང་རང་ཡང་རྗེས་ལུས་ཐད་ཡོད་པས་ཁོང་གཉིས་འདྲ་འདྲ་རེད།
གལ་སྲིད་སྤྱིོ་ཚེས་༡༤་ཡི་ཉིན་དགུང་ཀརྨ་ཆོས་འཕེལ་ཉལ་ཁང་ནང་དུ་ལས་འགུལ་གོ་སྒྲིག་པ་མེད་ན་ར་བཟི་དངས་མེད་པར་ཇི་ལྟར་ཤེས་ཐུབ་བམ། སྐད་ཆ་འདིའི་ནང་དུ་རྫུན་གྱི་འཁོར་ལོ་ཞིག་སྐོར་གྱི་འདུག་སྙམ་མོ།

རྒྱལ་གཅེས་པ་སྤྱི་འཐུས་ཀརྨ་འཕེལ་ལགས་ཆང་གིས་བཟི་རབས་དང་༢༠༠༨ལོར་ཡུང་རོ་གྲོས་འཚོགས་ནང་དུ་ལས་དོན་བསྒྲུབས་མ་ཐུབ་པའི་གནད་དོན་ལྷག་ཡོད་པར་བཤད་མཁན་ཚོ་བདེན་པ་མ་རེད། ༢༠༠༨་ལོར་ཀརྨ་ཆོས་འཕེལ་ལགས་ཀྱིས་གང་བཤད་བརྙན་དཔར་འདིར་གཟིགས་རོགས་ཞུ།།།།
http://www.youtube.com/watch?v=cq4eIYbxl0g&feature=fvsr
མ་ཉེས་ཁ་གཡོག་གིས་ས་རྒྱ་ཆད་ནི་མ་རེད། བཀའ་བརྒྱུད་པ་ལ་མཐོང་ཆུང་བྱེད་པར་བཞག་ན་དགའ་གི་རེད་འདོད། དེང་རབས་སྔོན་མའི་ནང་དུ་དགེ་ཆོས་མཆོག་ཆང་བཟི་ཡིན་རབས་བཤད་ནས་བཙོན་དུ་བཅུག་པ་རེད། དེང་སང་རྒྱལ་གཅེས་པ་ཀརྨ་ཆོས་མཆོག་ཆང་གིས་བཟི་རབས་བཤད་ཀྱི་ཡོད་པའི་གནད་དོན་འདི་འདྲ་ཡག་པོ་མ་རེད།

རྒྱལ་གཅེར་ཚོ་མིག་ནང་གི་ཚེར་མ་ཆགས་ཡོང་དུས་སུ་རྒྱལ་ཁབ་རྩ་མེད་འགྲོ་བའི་སྔོན་བརྡ་ཡིན་པར་འདྲ།

གྲོགས་པོ་ལགས་ཀྱིས་བྱེད་སྟངས་དེ་སྤྱི་སྒེར་གང་ལ་འབྲེལ་མེད་ཤིག་རེད། ཁྱོད་དང་ང་གཉིས་བར་མ་གཏོགས། ང་གཉིས་ཡང་གཉིས་ཕུང་གིས་ལས་ངན་བྱེད་སྟངས་ཤིག་རེད། དེ་རིང་༡༧།༠༦།༡༡ ༠༣་ ༠༠ རེད།

དང་པོ་གནས་ཚུལ་འདི་ཐབས་སྐྱོ་བོ་འདྲ་ཞིག་བྱུང་འདུག་སྙམ་སོང་། འོན་ཀྱང་དེ་ནི་གནས་ཚུལ་ཐོས་མ་ཐག་པའི་གློ་བུར་བའི་ཚོར་བ་ཞིག་གི་ངོས་ནས་ཞུ་གི་ཡོད། སྤྱིར་བཏང་བྱས་ན་ཀརྨ་ཆོས་འཕེལ་གྱི་གནས་ཚུལ་དེ་ཚོ་གང་ཡང་མ་རེད། མངོན་པར་གསལ་མ་གསལ་དང་། སྐྱོན་གབ་སྦས་བྱེད་མཁས་མ་མཁས། མགོ་བདེ་རིག་གྲུང་བྱེད་ཐུབ་མ་ཐུབ་ཀྱི་གནད་དོན་ཙམ་རེད། དེ་ལས་གཞན་པའི་བོད་སྤྱི་བའི་དོན་ལ་ཕུ་དཀྲུག་མདའ་དཀྲུག་བྱེད་མཁན་ནི་མགོ་གཞུང་ཞབས་རྒན་གྲས་དག་གི་ནང་ན་ཡང་ཁེངས་ནས་ཡོད། དེ་ཚོར་ཞིབ་འཇུག་རྒྱུས་ལོན་གཏིང་ཟབ་བྱོས་དང་གཞི་ནས་ཁྱོད་ལ་རྙེད་རྒྱུ་ཞིག་ཡོད། ཀརྨ་ཆོས་འཕེལ་གྱིས་ཆང་སྐྱོན་ཁུར་བ་དངོས་ཡོད་རེད། འོན་ཀྱང་ཁོང་ལ་སྐྱོན་རྐྱང་ལས་ཡོན་ཏན་གཅིག་ཀྱང་མེད་པ་རེད་དམ་ལབ་ན་རྩ་བ་ནས་མ་རེད། ཁོང་ཡོན་ཏན་ཆེན་པོ་ཡིན། མ་གཞི་གནས་ཚུལ་མང་པོ་ཤེས་རྒྱུ་མང་སོང་ན་འདི་ལྟ་བུའི་གནས་ཚུལ་ཆུང་ཚགས་རིགས་ལ་རྣ་བ་གཏོད་ན་མི་འདོད་གི དྲྭ་གྲོགས་རྣམས་ཀྱིས་སྐྱོན་གཅིག་པོ་ལ་མི་བསམ་པའི་རེ་བ་ཡོད།

གནད་དོན་འདི་ལ་དབུས་གཙང་དང་བཀའ་བརྒྱུད་མི་མང་གིས་བསམ་བློ་མ་བཏང་ཚེ། འདི་ལ་སྤྱི་འཐུས་སམ་སྤྱི་འཐུས་རྒྱུན་ལས་ནས་འདིའི་ཐོག་ཐག་གཅོད་ནན་པོ་བྱེད་དགོས་སྙམ། གནས་ཚུལ་འདི་དགའ་མི་དགའ་ཐོག་ཞིག་གི་སྐད་ཆ་མ་རེད། འདི་བོད་མི་མང་གིས་ཞབས་འདྲེན་རེད་ཡ། མི་ངན་གར་སོང་ས་ན་གཏམ་ངན་དང་ཝ་མོ་གར་སོང་ས་ན་ཝ་དྲི་ཞེས་པའི་དཔེ་ལས་མ་འདས་པས། འདིའི་ཐོག་ལ་མི་མང་གིས་ཡིག་ངག་གཉིས་ཐོག་ནས་བློ་གཟུར་བོར་གནས་པའི་བསམ་ཚུང་གང་མང་མང་འདོན་གལ་ཆེ།

སྤྱི་མཐུས་ཀརྨ་ཆོས་འཕེལ་ལགས།
ཐེངས་འདིའི་ཁྱོད་ཀྱི་བྱ་སྤྱོད་དེ་སྐྱུག་བྲོ་བ་ཞིག་རེད།
འདི་ནི་བོད་སྤྱི་བའི་མཚན་ཤུལ་བྱས་པ་རེད།
ང་རང་ཉིད་བློ་ཕམ་གྱི་གནས་སུ་ཡོད།

ཡང་་་་་་ཀརྨ་ཆོས་འཕེལ་ཟེར་བ་དེས་་་་་་་བོད་རིགས་སྤྱི་དང་། ཡང་སྒོས་བཀའ་བརྒྱུད་པའི་བོད་མི་རིགས་་ཀྱི་རྩ་དོན་ལ་ལྷག་བསམ་བཅིང་བའི་འབྲས་བུ་དུས་སུ་སྨིན་མི་འདུག་གམ། འུ་ཚོ་གངས་ཅན་པའི་སྤྱི་དོན་གྲུབ་འབྲས་ལྡན་པ་དང་། ༧གོང་ས་མཆོག་གིས་ཐུགས་རེ་ནང་བཞིན་འགྲུབ་དགོས་པ། གྲོས་ཚོགས་ཀྱི་ལས་དོན་ཕུན་སུམ་ཚོགས་པ་དང་འཐུས་ཚང་ཚད་ལྡན་འབྱུང་དགོས་ན། ཁོ་པ་གྲོས་ཚོགས་རང་གི་སྒྲིགས་དོན་བཞིན་དགོངས་ཞུས་ཀྱི་ལམ་ཁ་ཞིག་བསྟན་ན་མ་གཏོགས་ཐབས་གཞན་གང་ཡང་མེད་པ་རེད། མ་རེད་དམ་དྲྭ་གྲོགས་ཚོ།

ཁ་སང་བོད་ཀྱི་དུས་བབ་ནས་གནས་ཚུལ་འདི་མཐོང་སྐབས། སྐྱོན་བརྗོད་གཅིག་བྱེད་དགོས་བསམ་ནས་ལག་པ་འགུལ་ཚར་བ་ཡིན། འོན་ཀྱང་བསམ་བློ་ཞིག་གཏོང་དུས་ང་ཚོའི་རྩོམ་ཡིག་དང་མཆན་འབྲི་མཁན་ཚོས། བོད་གཞུང་གི་ལས་བྱེད་ཞིག་གིས་ནོར་འཕྲུལ་ཅུང་ཟད་གཅིག་ཤོར་བ་མཐོང་ན་ལམ་སང་ཚང་ཁ་ཤིག་ཤིག་གིས། གནམ་རྡིབ་པ་དང་། ས་རལ་སོང་བ་ལྟར་དུ་ཧང་སང་མདོག་གིས་སྐྱོན་བརྗོད་ཁ་མིན་སྣ་མིན་བྱེད་ཅིང་། རྒྱ་ནག་གི་དཔོན་རིགས་ཚོས་བོད་ནང་ལ་མ་དྲངས་བའི་གཙན་གནོན་དང་གདུག་རྩུབ་ཇི་ལྟར་གཏོང་ཡང་ཡ་མཆུ་ལས་རླངས་པ་འཐུལ་ཕོད་མཁན་ཉུང་ཉུང་ཡིན་པའི་ཕྱི་འཇམ་ནང་རྩུབ་གྲོད་པུ་མགོ་འདི་ཚོའི་བྱེད་བབ་ལ་བསམ་བློ་གཏོང་དུས་དཀར་མ་ཆོས་འཕེལ་ལ་སྐྱོན་བརྗོད་བྱེད་འདོད་ཀྱི་བློ་དེ་རང་འགག་ཏུ་གྱུར་སོང་།

དྲ་གྲོགས་ཚང་མས་མཆན་བུ་གནང་སྐབས་བསམ་ཞིབ་ཀྱིས་ཐོག་ནས་གནང་རོགས།སྤྱི་འཐུས་རྙིང་པའི་ན་ཚ་དང་།ལས་རིམ་ཡོངས་སུ་རྫོགས་པ་ཞིག་མཇུག་བསྒྲིལ་ཚར་བ་རེད།ད་ནི་སྤྱི་འཐུས་གསར་པ་རེད།
ང་ཚོ་མི་མང་གིས་ཀྱང་སྤྱི་འཐུས་རྙིང་པ་ཚོ་བཤད་པ་མིན་པར།རྙིང་པའི་ལེའུ་དེ་བཅད་མཚམས་བཞག་ནས་གསར་པ་ཚོས་ག་རེ་བྱེད་ཀྱིན་འདུག་་་་་
མི་རེ་རེ་ཡི་དངོས་ཡོད་ནག་ཉེས་ཐེར་འདོན་བྱེད་དགོས་པ་རེད།
དེ་མིན་སྔོན་ཆད་ཀྱི་དེ་བཤད་བསྡད་ནའང་ང་ཚོ་མི་མང་གི་ངོས་ནས་སྤྱི་འཐུས་གསར་པ་ཚོ་ལ་ན་ཚ་རྙིང་པ་ཞིག་ངོ་སྤྲོད་བྱས་པ་དང་འདྲ།
གྲོགས་པོ་ཚོ།བསམ་ཞིབ་གནང་རོགས།

འདི་ཚོའི་རིགས་དངོས་གནས་དྲང་གནས་ང་ཚོ་བོད་མི་མང་གི་ཞབས་འདྲེན་རེད་ཡ། ད་དུང་བོད་མིང་མང་གི་ཚོགས་གཙོ་ཟུར་བ་དང་བཀའ་བརྒྱུད་སྤྱི་འཐུས་ཡིན་ཟེར་གྱིན་ཡོད་པ་རེད། ངོ་མ་ངོ་ཚ་བྱེད་རེད།

ང་རང་ནི་རྒྱུན་དུ་ཀརྨ་ཆོས་འཕེལ་དགའ་མཁན་ཞིག་དང་།མི་ལ་ནོར་འཕྲུལ་རེ་ཟུང་ཡོང་རྒྱུར་དེ་ཙམ་གྱིས་ཡ་མཚན་བྱེད་ཀྱིན་མེད།
ཡིན་ནའང་།ད་ཐེངས་ཀྱི་གནས་ཚུལ་ངོ་མ་རེད།གོམ་བགྲོད་པ་ཚང་མས་ཁོའི་མི་མཐོང་སར་སྡིགས་ར་བསྐུལ་བ་དང་།ཚོགས་གཏམ་བཏང་བ།མཆི་ཞགས་འཕངས་བ་སོགས་བྱས་ཡོད་འདུག
ད་དུང་གོ་སྒྲིག་པས་སྤྱི་འཐུས་ལྷན་ཁང་ལའང་འཁང་ར་དང་མཉམ་དུ་རྗེས་ཕྱོགས་གཟབ་གཟབ་བྱེད་དགོས་པའི་འབོད་སྐུལ་བྱས་ཡོད་འདུག
ད་ཐེངས་གཅིག་པོ་མ་རེད།ལོ་སྔོན་ཞིག་ལའང་ཕྱི་རྒྱལ་གནམ་ཐང་ནས་ལྷག་པ་རེད།འབྲས་སྤུངས་བློ་གསལ་གླིང་གི་མཛད་སྒོའི་ཉིན་ཡང་༸གོང་ས་མཆོག་གི་འཁྲིས་སུ་འཁྱར་འཁྱོར་བྱེད་བཞིན་ཡོད་པ་རེད།སྐབས་དེར་ཧོབ་ལེ་གནམ་ཐང་ནས་བཀག་འགོག་བྱས་པ་རེད།སྟབས་ཡག་ནས་ཨ་རུ་ན་ཅལ་བློན་ཆེན་རྡོ་རྗེ་མཁའ་འགྲོ་སླེབས་ཏེ་ཁོ་གཉིས་ཀྱིས་ལག་འཐམ་རེས་བྱས་པ་སོགས་ཀྱིས་སྒོ་སྲུང་བས་དམིགས་བསལ་བཏང་བ་རེད།
འདི་ཚང་མ་ཁོའི་སྐྱོན་རེད།ཁོ་ལ་སྐྱོན་ཞིག་ཡོད་པ་ནི་ར་བཟི་བ་དེ་རེད།ཡོན་ཏན་གྱི་ཕྱོགས་ནས་འང་མེད་པ་མ་རེད།མཐོང་ཆོས་སུ་གྲུབ་པའི་སྐྱོན་ཡོན་གཉིས་ཡོད་པ་རེད།ངས་བསམ་ན་ད་ཐེངས་གཅིག་པོར་ཁོ་གུ་ཡངས་ལ་གཏོང་དགོས་པ་རེད།
རྗེས་ཕྱོགས་ནས་ཕྱི་ལོགས་སུ་འགྲོ་རྒྱུ་མི་འདུག་་་་ནང་ལོགས་ཚོགས་འདུ་རྐྱང་པ་དང་།ཕྱི་མི་ལ་འབྲེལ་ལམ་སོགས་བྱེད་རྒྱུའི་ཁོ་ལ་དམིགས་བསལ་ལས་ཀ་ཞིག་མངགས་དགོས་ཀྱིན་འདུག
དེ་ལྟར་བྱས་ན་ཁོ་བོས་ཕན་སའང་མང་པོ་ཡོད།

ངའི་ཨ་ཕ་ར་བཟི་བ་ཞིག་ཡིན། ཁོ་བཟི་བའི་སྐབས་སུ་རང་ཉིད་བྱས་ཉེས་གང་ཞིག་བྱས་ཡོད་མེད་མི་ཤེས། ཕྱི་ཉིན་ཉེས་པ་རེ་རང་ཉིད་ཀྱིས་བསགས་ཡོད་ན་རང་ཉིད་མིན་པའི་དག་འབུད་བྱེད་བཞིན་ཡོད། དེ་ནང་བཞིན་ར་བཟི་བ་སུ་ཡིན་རུང་བཟི་བའི་སྐབས་སུ་རང་ཉིད་ཀྱིས་གང་བྱས་མི་ཤེས། བཟི་དྭངས་འགྲོ་བའི་སྐབས་སུ་ཁ་སང་གི་གནས་ཚུལ་བཤད་ཀྱང་མི་ཕན།ཁོས་གསལ་བཤད་སྟབས་བདེ་ཞིག་གིས་གནས་ཚུལ་མཐའ་དག་ཡོངས་སུ་གསལ་བར་བྱེད་པ་ཡིན། ཁོ་དབང་ཐང་ཅན་ཞིག་ཡིན་ན་ཁོའི་ཕྱོགས་འཛིན་མཁན་གྱི་མི་ཇེ་མང་དུ་སང་ནས་མཐར་ཉེས་མིང་ཡོད་ཚད་ཁྱེད་རང་རེད་ཅེས་དྲང་བཤད་བྱེད་མཁན་ཚོར་བཙན་གྱིས་འགེབས་པ་ཡིན། དེ་དུས་སླར་ཡང་སྔར་བཞིན་ཆགས་འགྲོ་གི་རེད་ལ། སྔར་བཞིན་གདོང་པ་ལ་སྤུ་སྐྱེ་ཡོང་གི་རེད།

བོད་ཡིག་ལས་རང་སྐྱ་ཐུབ་པ་མི་ཤེས་པ་ང་འདྲ་དག་དང་། མི་རིགས་ཆེན་པོ་དང་སྐད་ཡིག་ཆེན་པོའི་དབང་ཞབས་ལ་ཤོར་བའི་གདོང་དམར་བའི་སྐད་ཡིག་ལ་མཚོན་ན་རང་སྐད་ཐོག་གི་བརྒྱུད་ལམ་འདི་དག་ལ་རྟེན་འབྱུང་གི་འབྲེལ་བ་ཞིག་ཡོད། དེའི་ཕྱིར་ངས་རྒྱུན་དུ་མཐོང་ཆེན་བྱེད་ཀྱི་ཡོད། ཡིན་ཡང་རང་ཚུགས་ཐུབ་པ་གལ་ཆེན་པོ་རེད། རྩོམ་སྒྲིག་པའི་གསལ་བཤད་དེ་ནི་དེ་འདྲའི་སྟབས་བདེ་ཞིག་རེད་ཨང་། འོན་ཀྱང་གསལ་བཤད་གནང་བར་ཐུགས་རྗེ་ཆེ་ཞུ་བ་ལགས།

སྤྱི་འཐུས་ཀརྨ་ཆོས་འཕེལ་ལགས།
ནག་ཉེས་ཀྱི་བྱ་སྤྱོད་འགོག་སྲུང་བྱེད་པའི་ཐབས་ལམ་མཆོག་ཏུ་གྱུར་བ་ནི་རང་ཉིད་ལ་སྟངས་འཛིན་བྱ་རྒྱུ་དེ་རེད། << འདི་ནི་༧གོང་ས་མཆོག་གི་བཀའ་སློབ་ཡིན།>>

སྤྱིར་བཏང་བྱས་ན་ངས་ཀརྨ་ཆོས་འཕེལ་ལ་ནོར་འཁྲུལ་ཡོད་མ་རེད་ལབ་ཐུབ་ཀྱི་མེད་མོད། དེ་རིང་གི་གསར་འགྱུར་འདི་ལ་གནད་གཅིག་འདུག གཅིག་ནས་གསར་འགོད་པ་སུ་ཡིན་མི་འདུག་ལ། གཉིས་ནས་བཟི་གཏམ་ཅི་ཞིག་བཤད་མིན་ཡང་གསལ་བཤད་བྱས་ནི་འདུག དེའི་ཕྱིར་གསར་ཁང་གི་གནས་ཚུལ་ཡོང་ཁུངས་གསལ་བཤད་དགོས་པ་མ་ཚད་འགན་ཁུར་དགོས་པ་ཡིན། སྤྱིར་ཆུང་ཆུང་ཆེན་པོ་བཟོ་བ་དང་ཆེན་པོ་ཆུང་ཆུང་བཟོ་བ་འདི་འདྲ་དག་ནི་གསར་ཁང་དག་གི་ཐུན་མོངས་ཀྱི་འུར་ལྟངཞིག་དང་། དེས་ཐོག་ད་ཐེངས་མི་སྒེར་གྱི་ཁོག་དུག་ལྷན་དུ་འདྲེས་པ་ཙམ་ལས་ཅི་ཡང་མིན་པར་སེམས་སོ།།

རྐམ་ཆོས་འཕེལ་ར་བཟི་བའི་གསར་འགྱུར་དེ་དངོས་ཡོད་གནས་ཚུལ་ཡིན་ན་སྐད་ཆ་ཅི་ཞིག་བཤད་ཡོད་མེད་ཐད་གསལ་འདོན་བྱས་ན་བཟང་སྙམ །