འཁྲུངས་སྐར་ཉིན་བཀའ་བློན་ཁྲི་པས་ད་ལྟ་འགྲེམས་སྟོན་བྱེད་བཞིན་པའི་བོད་ཀྱི་སྨན་ལུགས་གཙང་བྲིས་ཐང་གའི་འགྲེམས་སྟོན་ལ་གཟིགས་ཞིབ་རྗེས་གསུང་བཤད་གནང་བ།
བོད་ལ་རིག་གཞུང་མང་པོ་ཞིག་ཡོད་པའི་ནང་ནས་གཙོ་བོ་བཟོ་རིག་པ་དེར་རྩལ་བཏོན་པ་ཡིན་ན།ལག་བཟོ་ལྷ་རིས་དང་ལྷ་ཡི་འཇིམ་བཟོ་གཉིས་དེ་གཙོ་བོ་རེད།སྐུ་བཞེངས་རྒྱུ་འཇིམ་སྐུ་དང་གསེར་སྐུ ལི་སྐུ་སོགས་སྒྱུ་རྩལ་མང་པོ་ཞིག་རྒྱ་གར་ནས་དར་པ་དེ་དག་ད་ལྟ་ཉམས་ཆག་ཏུ་འགྲོ་ཉེ་བ་ཞིག་ཆགས་ཡོད་པ་རེད།དེ་དག་གཙོ་ཆེ་བ་སྐུ་ཐང་འབྲི་བའི་རིག་གནས་རེད།སྐུ་ཐང་འབྲི་བའི་རིག་གནས་དེ་བོད་ནང་དུས་རབས་བདུན་པ་ནས་བཟུང་དར་འགོ་ཚུགས་པ་ཞིག་རེད།སྤྱིར་བཏང་སྐུ་ཐང་འབྲི་སྲོལ་དེ་ནང་པའི་རིག་གནས་ཤིག་རེད།ལྷག་པར་དུ་སྔགས་ཀྱི་གཞུང་ནས་བྱུང་པའི་རིག་གནས་ཤིག་རེད།སྤྱིར་བཏང་སངས་རྒྱས་འཇིག་རྟེན་དུ་ཞལ་བཞུགས་པའི་སྐབས་ནས་སྟོན་པ་རང་གི་བཀའ་ཡི་གནང་བ་སྦྱིན་ནས་སངས་རྒྱས་ཀྱི་སྐུ་རས་ཀྱི་སྟེང་དུ་བྲིས་པ་ཐེངས་གཉིས་བྱུང་པ་རེད།དེ་ནས་བཟུང་སངས་རྒྱས་ཀྱི་སྐུ་རས་གཞིར་འབྲི་བའི་སྲོལ་དར་པ་རེད།
དར་ཁྱབ་ཆེན་པོ་ཕྱིན་པའི་བྲིས་ཐང་མང་ཆེ་བ་ཞིག་དེང་སང་མཇལ་རྒྱུ་ཡོད་པ་མ་རེད་དེ།ཨེ་ལོ་རཱ་དང་ཨ་ཇིན་ཏཱ་ཡི་རྩིག་པའི་ངོས་སུ་ཡོད་པའི་ལྡེབས་བྲིས་དེ་དག་སངས་རྒྱས་བྱོན་པ་ནས་དར་པའི་ནང་པའི་ཐུན་མོང་མ་ཡིན་པའི་རིག་གནས་ཤིག་རེད།དེར་རྗེས་སུ་རྒྱ་གར་ལྷོ་ཕྱོགས་ཀྱི་ལམ་སྲོལ་དང་རྒྱ་གར་བྱང་ཕྱོགས་ཀྱི་ལམ་སྲོལ་གཉིས་སུ་ཕྱེས།རྒྱ་གར་བྱང་ཕྱོགས་ཀྱི་ལམ་སྲོལ་དེ་ཡང་ནུབ་ཕྱོགས་ཀྱི་ལམ་སྲོལ་དང་ཤར་ཕྱོགས་ཀྱི་ལམ་སྲོལ་གཉིས་ཆགས།ཤར་ཕྱོགས་ཀྱི་ལམ་སྲོལ་མེ་ཐེ་ལེ་སི་དེ་ཐོག་མར་གངྒར་ཨབ་ཟེར་པ་དེ་ནས་སྟག་ཤི་ལ་དང་ཀཱ་ཤི་མིར་དེ་འདྲ་ནས་བྱུང་ཞིང་།ལམ་སྲོལ་གཉིས་དེ་བོད་དར་པ་ནས་བོད་དུ་འབྲི་སྲོལ་གཉིས་དང་གསུམ་སོགས་སུ་དབྱེ་བ་བྱུང་ཡོད་ཅིང་།སྨན་བྲིས་དེ་གཙོ་བོ་ཏག་ཤི་ལ་ཀཱ་ཤི་མིར་ནས་བོད་ཀྱི་སྟོད་ཁུལ་ཕྱོགས་ནས་མར་དར་ཁྱབ་ཕྱིན་པའི་བྲིས་སྲོལ་ཞིག་རེད།བྲིས་སྲོལ་དེ་བོད་དུ་ཧ་ཅང་རྩ་ཆེན་པོ་བརྩི་བ་རེད།བར་ལམ་བོད་རྒྱ་འོག་ཏུ་ཤོར་པའི་རྗེས་སྤྱིར་བཏང་རིག་གནས་ཚང་མར་ཉམས་ཆག་ཕྱིན་པ་རེད།དེའི་ནང་ནས་ཐང་ག་ཞིབ་འཇུག་སོགས་ལ་ཉམས་ཆག་མ་འདྲ་བ་གཉིས་བྱུང་པ་རེད། རྒྱ་མིས་བཙན་གནོན་བྱས་ཏེ་ཆེད་དུ་རིག་གནས་གཏོར་བཤིག་བཏང་པའི་དབང་གིས་ཉམས་ཆག་གཅིག་ཕྱིན་པ་རེད། དེ་ནས་ཁག་ཅིག་གིས་འཚོ་ཐབས་ཆེད་ཐང་ག་བྲིས་པ་དེ་དག་ཚད་གཞི་དང་རིག་པའི་གཞུང་ལུགས་སོགས་ལ་མ་བརྟེན་པར་ལག་རྩལ་དང་། ཚོས་གཞི་གང་བྱུང་མང་འབྱུང་འདྲ་བཏང་པ་སོགས་ཀྱིས་ཉམས་ཆག་ཕྱིན་པ་དེ་དག་ཤུགས་ཆེ་བ་བལ་ཡུལ་དུ་བྱུང་འདུག དེང་སང་ནུབ་ཕྱོགས་པའི་ཁྲོམ་ར་དེ་དག་ནང་ཚོང་ལས་ཆེད་བྲིས་བཞག་པའི་བལ་ཡུལ་གྱི་ཐང་ག་མང་པོ་འདུག ཁོང་ཚེས་དེ་བོད་ཀྱི་བྲིས་ཐང་གི་རྒྱུན་འཛིན་གྱི་ཡོད་ཅེས་བཤད་ཀྱི་ཡོད་པ་རེད། འོན་ཀྱང་། དེ་རྒྱུན་བཟུང་པ་གང་ཡང་མ་རེད། གལ་སྲིད་རྒྱུན་འཛིན་ཀྱི་ཡོད་ན་ཨང་དང་པོ་སྤུས་ཚད་ལྡན་པ་ཞིག་དགོས་པ་རེད་ལ་གཉིས་པ་དེ་གཞུང་ལུགས་ལྟར་ལྷ་སོ་སོའི་ངོ་ཐོག་ནས་བཤད་པ་ནང་བཞིན་མ་ནོར་པ་ཞིག་དགོས་ཀྱི་ཡོད་པ་རེད།
བོད་ཀྱི་ཐང་བྲིས་ཉམས་ཆག་ཏུ་འགྲོ་བཞིན་པའི་སྐབས་འདི་འདྲ་ཞིག་ལ་བུ་ཆུང་ལགས་ཀྱིས་འདས་པའི་ལོ་མང་པོ་ཞིག་ནས་དགེ་ཕྲུག་ཚོར་སྐུ་ངལ་འཛེམ་མེད་ཐོག་སློབ་སྟོན་གནང་སྟེ། ད་ཆར་དགེ་ཕྲུག་ཡག་པོ་ཐོན་འདུག་པས། མ་འོངས་པར་རིག་གནས་འདི་ཏན་ཏན་འཛིན་སྐྱོང་ཡོང་ཐུབ་པའི་གདེང་ཚོད་ཅིག་རྙེད་པ་རེད། བུ་ཆུང་ལགས་འདྲ་བའི་ལྷ་བྲིས་པ་ཚད་ལྡན་ཁོང་༧པཎ་ཆེན་སྐུ་གོང་མས་ཆེད་འཛུགས་གནང་པའི་ལྷ་བྲིས་སློབ་གྲྭ་ནས་ཐོན་པ་དང་། དམིགས་བསལ་དགེ་རྒན་ཚོའི་མདུན་ནས་ཧ་ཅང་གཏིང་ཟབ་པོ་སློབ་སྦྱོང་གནང་མྱོང་མཁན་ཞིག་རེད། ད་ལྷ་སྐུ་སྒེར་ཡིག་ཚང་དང་གཟིམ་ཆུང་གི་སྐུ་ཐང་ཞབས་ཞུ་སྒྲུབ་རྒྱུར་ཧ་ཅང་ཕན་ཐོག་བྱུང་ཡོད་པ་རེད་ལ། ཐང་གའི་རིག་གཞུང་དང་ལྷག་པར་དུ་སྨན་བྲིས་ཀྱི་ལྷ་བྲིས་རིག་གཞུང་རྒྱུད་འཛིན་ཐུབ་པར་ཕན་ཐོགས་བྱུང་པ་རེད། མ་འོངས་པར་རིག་གནས་འདི་རྩ་ཆེན་པོ་ཡིན་པ་དང་། རིག་གནས་འདི་བོད་མི་རིགས་ཀྱི་ཐུན་མོང་མ་ཡིན་པའི་ངོས་འཛིན་གྱི་སྲོག་རྩ་ཡིན་པ་འདྲ་བོ་ཞིག་ལ་ངོས་འཛིན་གནང་སྟེ་རིག་གནས་རྒྱུན་འཛིན་གནང་རྒྱུ་དེ་གལ་ཆེན་པོ་དང་། སོ་སོས་ཕྱག་ལས་གནང་རྒྱུ་དང་མི་རབས་རྗེས་མ་ཚོར་སྤེལ་རྒྱུ་གཉིས་ཆ་གཅིག་གྱུར་བྱས་ཏེ་གནང་ཐུབ་པ་ཡིན་ན། སོ་སོའི་ལྟོ་ཟེར་པ་དེ་ཞར་བྱུང་གི་སྐད་ཆ་ལས་གཙོ་བོ་མ་རེད། གཙོ་བོ་དེ་རིག་གནས་འཛིན་སྐྱོང་དང་ཆོས་ཀྱི་ཉམས་ལེན་དེ་དག་གཞོན་སྐྱེས་མི་རབས་ཚོ་ལ་སྤེལ་རྒྱུ་དེ་གལ་ཆེན་པོ་རེད།
དེ་རིང་ངས་ཐང་ག་དག་ལ་ཞིབ་ཚགས་པོས་མཇལ་པའི་སྐབས་སུ་ཚང་མ་ཧ་ཅང་ཚད་ལྡན་དང་སྲོལ་རྒྱུན་མཚོན་པ། དེ་རིང་ཁ་སང་གི་མགྱོགས་ལས་བྱེད་སྟངས་མེད་པ་དེ་དངོས་གནས་ཡག་པོ་བྱུང་འདུག ཐང་ག་ཟེར་པ་དེ་ལག་རྩལ་ཡོད་པ་རྐྱང་རྐྱང་གིས་འགྲིག་གི་མ་རེད། དེ་རིག་གནས་ཤིག་རེད་མ་གཏོགས་ལག་རྩལ་མ་རེད། ལག་རྩལ་ཞིག་ཡིན་ན་སོ་སོའི་ལག་རྩལ་གཞི་བཞག་གིས་སྲོལ་རྒྱུན་ལ་བསྟུན་མི་དགོས་པར་འདྲ་ཆགས་ཆགས་དང་གང་འདོད་འདོད་འབྲི་ཆོག་གི་རེད། སྲོལ་རྒྱུན་གྱི་ཐང་ག་དེ་དག་གང་ཡིན་པ་སྲོལ་རྒྱུན་རང་ལ་ཞིབ་ཚགས་པོའི་ཐོག་ནས་བསྟུན་དགོས་པ་ཞིག་ཡིན་དུས། དེ་ལག་རྩལ་གྱི་ངོས་ནས་རྙོག་བྲིས་བཏང་ན་འགྲིག་གི་མ་རེད། ཅེས་གསུངས་སོང་།
དུས་བབ་འདོན་ཐེངས་སྔོན་མའི་ཐོག་ཐེངས་འདིའི་ཐང་གའི་སྐོར་དང་ལྷ་བྲིས་དགེ་རྒན་ནུབ་རྒྱ་བུ་ཆུང་ལགས་ཀྱི་སྐོར་གསལ་པོར་འཁོད་ཡོད་པ་དེ་ལ་གཟིགས།
གསར་འགོད་པ། བནྡེ་སྐྱབས།
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
ཐང་ག་འབྲི་བ་ནི་ལག་རྩལ་ཡིན་བཞིན་དེ་ནི་མི་རིགས་ཀྱི་ཁྱད་ཆོས་མཚོན་པའི་སྲོལ་རྒྱུན་རང་བཞིན་ཅན་གྱི་རིག་གནས་སྒྱུ་་རྩལ་ཞིག་ཡང་རེད་ དེ་ལ་དར་རྒུད་ཀྱི་དུས་བབ་བྱུང་ཡོད་ལ་འཕོ་རྒྱུར་གྱི་རྣམས་པའང་ཡོད་བཀའ་བློན་ཁྲི་པའི་བཀའ་མོལ་བློ་ལ་འགྲོ་མ་སོང།དགོངས་འགལ་མེད་པ་ཞུ།
“སྤྱིར་ཚེ་བརྟན་གྱི་བརྟན་དེ་བ་བརྟན་ཡིན་ན་ཡང་། ཨ་ལགས་ཚེ་ཏན་ཞབས་དྲུང་ལྟ་བུའི་ཏན་ནི་ཏ་རྐྱང་ཡིན་པའི་ཁྱད་པར་རྣམས་མཁྱེན་པར་གནོངས་རོགས།”ཞེས་ཤེལ་དཀར་བློ་བཟང་ལགས་ཀྱིས་རྒྱུས་མེད་པའི་རྒྱུས་གཏམ་ཞིག་བཤད་འདུག ཨ་ལགས་ཚེ་ཏན་ཞབས་དྲུང་ཚང་གི་མཚན་ཚེ་ཏན་ཞེས་པ་དེ་ནི་ས་མིང་བླ་མར་བཏགས་པ་ཞིག་ཡིན་པ་ལས་ཚེ་བརྟན་གྱི་དོན་མ་ཡིན། ཚེ་ཏན་དགོན་པར་ཚེ་ཏན་མཁན་པོ་དང་ཚེ་ཏན་ཞབས་དྲུང་ཞེས་བླ་མ་ཆེ་ཆུང་གཉིས་ཡོད་པ་ལས་གཅིག་ཡིན། ཚེ་ཏན་ནི་ས་མིང་ཡིན་ནོ། །
ཟམ་གདོང་བླ་མས་ཡག་པོ་གསུངས་ཤག
མཁས་པས་འཁྱུག་ན་འདོམ་གང་། བླུན་པོས་འཁྱུག་ན་ཁྲུ་གང་ཟེར་སྲོལ་ཡོད་པ་བཞིན་ཐང་ག་ལག་པས་བྲིས་པའི་ལག་རྩལ་མིན་ན་ཁྱེད་རང་གི་མགོ་ཡིན་ནམ།
རིག་གནས་དང་ལག་རྩལ་གཉིས་ཅིའི་ཕྱིར་འགལ་བ་ཡིན་དགོས་པ་རེད་དམ། རྒྱུ་མཚན་བགྲང་མི་དགོས་པའི་འགྲེལ་བཤད་འདི་འདྲ་གནང་བ་ནི་ཁོང་གིས་མཁས་རྟགས་བསྟན་པའི་ཁུལ་ཡིན་རྒྱུ་རེད།
ཐང་ག་ནི་མིའི་རིགས་ཀྱི་བློའི་འཆར་སྒོས་སྐྲུན་པའི་ལོ་རྒྱུས་དང་རིག་གཞུང་ག་གེ་མོའི་དོན་སྙིང་མཚོན་པར་བྱེད་པའི་ཐབས་སམ་སྒྱུ་རྩལ་དུ་གྲགས་པ་དེ་ཡིན་པས།
འདི་ལ་མིའི་རིགས་ཀྱི་རྣམ་པར་རིག་བྱེད་དང་རིག་བྱེད་མ་ཡིན་པའི་འབྲས་བུ་ཀུན་འཇོག་དགོས་པས། ཐང་ག་ནི་རིག་གནས་དང་། རིག་གཞུང་། སྒྱུ་རྩལ། ལག་རྩལ་བཅས་ཀྱི་བདག་ཉིད་དུ་འདོད་མི་དགོས་སམ། རིན་པོ་ཆེ་མཆོག
ཐང་ག་ལག་རྩལ་མིན་ན་བོད་རང་གི་ཐུན་མིན་ཤིང་བརྐོས་རི་མོ་ལྡེབས་བྲིས་སོགས་ཀྱང་ལག་རྩལ་ག་ལ་ཡིན། དེ་ལྟ་ན་བོད་ཀྱི་ལག་རྩལ་ཞེས་པ་ངོས་འཛིན་ཇི་ལྟར་བྱེད་དགོས་སམ།
ཕྲན་ཡང་གཙུག་ལག་ཁང་ལ་མཆོད་མཇལ་འགྲོ་ཞོར་དུ་འགྲེམས་སྟོན་ཁང་དེར་བསྐྱོད་པ་ཡིན། ཐང་གའི་ཐོག་ལ་རྒྱུས་མངའ་དེ་ཙམ་མེད་ཀྱང་མཇལ་སྤྲོ་པོ་ཡོད་པ་མ་ཟད། ཐང་ག་དེ་དང་དེའི་མཚན་བྱང་ཐང་ག་རང་རང་གི་མདུན་དེར་བོད་ཡིག་ཐོག་བཀོད་ནས་ཧ་ཅང་ཡག་པོ་འདུག འོན་ཀྱང་༸རྒྱལ་མཆོག་༸བསྐལ་བཟང་རྒྱ་མཚོའི་མཚན་ལ་སྐལ་བཟང་རྒྱ་མཚོ་ཞེས་སྔོན་འཇུག་བ་ཡིག་བྲིས་མི་འདུག སྤྱིར་བུ་མོ་སྐལ་བཟང་ལྟ་བུའི་མིང་ལ་བ་ཡིག་མེད་ཀྱང་གང་ཟག་ཁྱད་པར་ཅན་འགའ་ཞིག་ལ་ཐུན་མོང་མ་ཡིན་པའི་ཐོབ་ཐང་རེ་ཡོད་པ་དེ་རང་འཇགས་བཞག་ན་ཡག་པོ་འདུག སྔོན་བྱོན་མཁས་པའི་གསུང་རྒྱུན་ལ། ༸རྒྱལ་མཆོག་༸བསྐལ་བཟང་རྒྱ་མཚོ་མ་འོངས་བསྐལ་བཟང་སངས་རྒྱས་སྟོང་གི་ནང་ཚན་ཡིན་པའི་རྟེན་འབྲེལ་གྱི་གནད་ཡིན། ཅེས་པ་ལྟར་ཐོབ་ཐང་ལ་ཡོད་པ་ལྟར་བྲིས་ན་ཡག་པོ་འདུག དཔེར་ན། སྤྱིར་ཚེ་བརྟན་གྱི་བརྟན་དེ་བ་བརྟན་ཡིན་ན་ཡང་། ཨ་ལགས་ཚེ་ཏན་ཞབས་དྲུང་ལྟ་བུའི་ཏན་ནི་ཏ་རྐྱང་ཡིན་པའི་ཁྱད་པར་རྣམས་མཁྱེན་པར་གནོངས་རོགས།
རིན་པོ་ཆེས་གསུང་པ་ལ་རྒྱུ་མཚན་ཡོད་ཀྱི་རེད་འོན་ཀྱང་ཐང་ག་རིག་གནས་ཤིག་ཡིན་པ་བརྗོད་མེད་རེད། བཟོ་བོའི་ལག་རྩལ་ཡོད་མེད་ཀྱི་དབང་གི་ལེགས་མིན་བརྗོད་རྒྱུ་ཡོད་པ་མ་ཡིན་ནམ་དེ་ནི་རིག་གནས་ཡིན་པ་མ་ཟད་ལག་རྩལ་རིན་ཐང་གཞན་ན་མེད་པ་ཞིག་ཡིན་བསམ་གྱི་འདུག་རིན་པོ་ཆེས་དེ་རིག་གནས་ཡིན་པ་ལས་ལག་རྩལ་མ་ཡིན་ཞེས་པ་རྒྱུ་མཚན་དང་དགོས་པ་ཡོད་རྒྱུ་རེད།
ཕྲན་ཡང་གཙུག་ལག་ཁང་ལ་མཆོད་མཇལ་འགྲོ་ཤོར་དུ་འགྲེམས་སྟོན་ཁང་དེར་བསྐྱོད་པ་ཡིན། ཐང་གའི་ཐོག་ལ་རྒྱུས་མངའ་དེ་ཙམ་མེད་ཀྱང་མཇལ་སྤྲོ་པོ་ཡོད་པ་མ་ཟད། ཐང་ག་དེ་དང་དེའི་མཚན་བྱང་ཐང་ག་རེ་རེའི་མདུན་དུ་བོད་ཡིག་ཐོག་བཀོད་ནས་ཧ་ཅང་ཡག་པོ་འདུག འོན་ཀྱང་༸རྒྱལ་མཆོག་བསྐལ་བཟང་རྒྱ་མཚོའི་མཚན་བྱང་ལ་སྐལ་བཟང་རྒྱ་མཚོ་ཞེས་སྔོན་འཇུག་བ་ཡིག་བྲིས་མི་འདུག སྤྱིར་བུ་མོ་སྐལ་བཟང་ལྟ་བུའི་མིང་ལ་བ་ཡིག་མེད་ཀྱང་གང་ཟག་ཁྱད་པར་ཅན་འགའ་ཞིག་ལ་ཐུན་མོང་མ་ཡིན་པའི་ཐོབ་ཐང་རེ་ཡོད་པ་དེ་རང་འཇགས་བཞག་ན་ཡག་པོ་འདུག སྔོན་བྱོན་མཁས་པའི་གསུང་རྒྱུན་ལ། རྒྱལ་མཆོག་བསྐལ་བཟང་རྒྱ་མཚོ་མ་འོངས་བསྐལ་བཟང་སངས་རྒྱས་སྟོང་གི་ནང་ཚན་ཡིན་པའི་རྟེན་འབྲེལ་གྱི་གནད་ཡིན། ཅེས་པ་ལྟར་ཐོབ་ཐང་ལ་ཡོད་པ་ལྟར་བཞག་ན་ལེགས་སོ།།
འབྲུག་སྤྲུལ་ཆོས་ཀྱི་ཉི་མས། སྙན་ངག་གི་རིག་པ་འདི་བཟོ་རིག་པའི་ངག་བཟོའི་ཁོངས་སུ་གཏོགས་ཚུལ་དང་། ཁ་ཅིག་གིས་སྒྲ་རིག་པའི་ཁོངས་སུ་བསྡུ་ཟེར་ཡང་མི་འཐད་ཅེས་ནན་གྱིས་གསུངས་ཡོད། འདི་ཡང་ཐུགས་ཤིན་ཏུ་མད།
དགེན་ལགས་ཀྱིས་གསུངས་པ་ལྟར་ན། རིག་གཞུང་ཞིག་གི་མཚོན་དོན་དུ་གྱུར་སོང་ཚེ་རིག་གནས་མ་ཡིན་པ་ཞིག་ཏུ་ཆགས་སོང་བ་འདྲ་བོ་ཞིག་རེད་པས། དེ་ལྟར་ན་བོད་ཀྱི་སྲོལ་རྒྱུན་རིག་གནས་ཀྱི་མཚོན་བྱེད་དུ་ཆགས་སོང་བའི་གླུ་བྲོ་ཡོད་ཚད་ཀྱང་རིག་གནས་མ་ཡིན་པ་ཞིག་ལོས་ཡིན་བསམས་ཏེ། བོད་ཀྱི་གླུ་གར་རིག་གནས་ཞེས་གངས་རི་ཧྲིལ་གྱིས་ཁྱབ་ཡོད་པ་དེས་ཀྱང་ངོ་།།
དུས་བབ་ཚང་གི་ཁ་བྱང་བཀོད་པ་ལྟར་ངས་ཀྱང་མོས་འདུན་ཡོད།
ཐང་ག་འབྲི་བའི་རིག་རྩལ་དེ་ལག་རྩལ་མིན་ན། དེ་ལག་པས་བྲིས་ཤིང་རྩལ་དུ་ཐོན་པ་ཞིག་མ་རེད་དམ། བླ་མ་ཟམ་གདོང་ཚང་ག་དུས་ཡིན་ནའང་མི་འདྲ་བ་ཞིག་ཤོད་ཀྱི་འདུག གཅིག་བྱས་ན་མཁས་ཚུལ་སྟོན་གྱི་ཡོད་ཀྱི་རེད། གཉིས་བྱས་ན་མི་ཡིས་བྱས་པ་བཟོས་པ་བཤད་པ་ཐམས་ཅད་ལ་དགག་པ་སྐྱོན་རྒྱུའི་གཤིས་ཀ་དེ་རྟོག་གེ་ཞིག་ལ་སྦྱང་བའི་འབྲས་བུ་ཞིག་ཡིན་གྱི་རེད།
ལག་པའི་རྩལ་དུ་ཐོན་པ་དེ་ལ་ལག་རྩ་ཟེར་དགོས། ལག་རྩལ་རིག་གནས་མིན་ན་ཡང་སེམས་ཀྱི་རིག་རྩལ་གཅིག་པོ་རིག་གཞུང་རེད་དམ། མི་ཡི་ལུས་ངག་ཡིད་གསུམ་གྱི་རྩལ་དུ་ཐོན་པའི་རིག་གཞུང་དག་ལ་རིག་གཞུང་ཞིག་བརྗོད་དགོས། དེ་ཡིན་ན་རྐང་པས་བྲོ་འཁྲབ་པ་དེ་ཡང་རིག་གཞུང་ཡིན་རྒྱུ་མ་རེད། དེ་ལྟར་ན་བོད་གཞུང་ཤེས་རིག་གྱི་ཡ་རྒྱལ་བོད་གཞུང་ཟློས་གར་གྱི་གླུ་དང་བྲོ་སོགས་ཀྱང་རིག་གཞུང་ཡིན་རྒྱུ་མ་རེད། ད་ཡིན་ན་བོད་ཀྱི་རིག་གཞུང་ཟེར་བའི་གཞུང་དེ་ཡང་བཙན་བྱོལ་བོད་གཞུང་མཉམ་དུ་མེད་པ་བཟོས་པ་ཡིན་ས་རེད།
ཨ་རོ་རྟ་ནག ཤེས་བྱ་ཆ་ཚང་ལ་རིག་གནས་ཟེར་ནི་མ་རེད། རིག་གནས་ཟེར་བ་དེ་ས་མཚམས་ཤིག་ཡོད་ནི་རེད། སྒྱུ་རྩལ་ཟེར་བ་དེ་ཡང་སྤྱི་མིང་ཞིག་རེད། སྲོལ་རྒྱུན་ཐང་ཀའི་བྲི་སྟངས་ཀྱི་རྒྱ་ལས་མ་རྒལ་བར་ཉམས་འདོན་སྟངས་དམིགས་བསལ་གྱི་སྒྱུ་རྩལ་དེ་འདྲ་བ་ཡོད་པ་རེད། དེའི་རིགས་ལ་རིག་གནས་ཟེར་ན་འགྲིག་གི་རེད། གཞན་སྒྱུ་རྩལ་ཟེར་བ་རང་གིས་ག་རེ་བྲིས་བཞག་པ་ཧ་མི་གོ་བ་གཞན་གྱིས་ཀྱང་ལྟ་མི་ཤེས་བའི་རིགས་དེང་རབས་ཀྱི་རི་མོའི་ཁོངས་ཀྱི་སྒྱུ་རྩལ་དེ་དག་ཤེས་བྱ་ཙམ་རེད་མ་གཏོགས་རིག་གནས་ཟེར་གྱི་མ་རེད་ཡ། ཤེས་བྱ་དང་རིག་གནས་སོགས་རྨང་གཞི་རྒྱུན་ཤེས་འདི་འདྲ་བ་ཙམ་ཡང་ཁྱད་པར་འབྱེད་མི་ཐུབ་པའི་རིགས་དེ་དག་ཧ་ལོག་འདུག་ཅེས་བཤད་ན་ཏག་ཏག་མ་རེད་པས། ཨ།
སྐབས་འདིར་ལག་རྩལ་དང་སྒྱུ་རྩལ་ལ་ཁྱད་ཡོད་པ་རེད་དམ།
གསར་འགྱུར་གྱི་ཁ་བྱང་འདི་ཧ་ཅང་གནད་ལ་འཁེལ་བ་ཞིག་བྲིས་འདུག
ཐང་ག་ཡང་རི་མོའི་ཁྱབ་ཁོངས་ལ་གཏོགས་པས་སྒྱུརྩལ་ཡིན་ལ་ལག་རྩལ་ཡང་ལོས་ཡིན། ཡིན་པ་ཙམ་དུ་མ་ཟད་ཕུལ་བྱུང་གི་ལག་རྩལ་ལས་རིགས་ཤིག་རེད། དེ་ཡིན་དོན་ནི་རིན་པོ་ཆེས་གསུངས་པ་ལྟར་རིག་གཞུང་ཞིག་གི་མཚོན་རྟགས་སུ་གྱུར་བའི་རི་མོ་ཞིག་ཏུ་གྱུར་པས་རེད། དེས་ན་རིག་གཞུང་ཡང་ཡིན་ལ་ལག་རྩལ་ལམ་སྒྱུ་རླལ་ཡང་ཡིན་པར་ངོས་བཟུང་ན་འོས་པར་སྙམ།
ལག་རྩལ་ནི་རིག་གནས་ཤིག་རེད། ལག་རྩལ་རིག་གནས་མ་ཡིན་སོང་ན་སྒྱུ་རྩལ་ཡང་རིག་རིག་གནས་མ་ཡིན་པར་ཐལ་སོང་བས། ཟམ་གདོང་ཚང་གི་རིག་གནས་ཞེས་པ་ནི་ཆོས་མགོ་སྲིད་ལ་གཏུགས། སྲིད་རྔ་ཆོས་ལ་སྦྱར་སོང་བའི་ཡིན་མིན་མཉམ་སྲེས་ཀྱི་རིག་གནས་ཉོག་འདྲ་བོ་དེ་ཡིན་རྒྱུ་རེད། ད་བླ་རྒན་དངོས་གནས་ཧོན་ལོག་སོང་ཟིག