ཇོ་ནང་པ་ཁོ་ནར་དུས་འཁོར་གྱི་ཉམས་བཞེས་ཡོད།

འཇིགས་མེད་ང་རོ་འམ་ནད་རོ་ཅན། ཁྱེད་ཀྱིས་མི་ཉམཆུང་ལ་སྡིག་ར་སྐུལ་རྒྱུ་མཚམས་ཞོག ཁྱེད་དང་མཁན་སྤྲུལ་གཉིས་སྦེད་དེ་མགོ་འཐོན་འདུག ཁྱེད་གཉིས་ཀྱིས་བཤད་པ་དེའི་ནང་དུ་ངར་འཛིན་དང་སྤེལ་ལད་རྐྱང་རྐྱང་ལས་བོད་བསྟན་པ་ཆབ་སྲིད་ཀྱི་སྐད་ཆ་དང་དོན་དག་ཅིག་གང་ན་ཡོད། དེ་འདྲ་ཡོད་ན་ཚིག་ཟུར་དུ་བཏོན་ནས་འདི་དང་འདི། ག་དང་འདི་ཞེས་ཀུན་ལ་ཡིད་ཆེས་ཁོང་འཕེར་ཡོང་བ་ཞིག་ཐོན་དང་ད་གཟོད་ངོས་ལེན་ཆོག ཧམ་བཤད་རྒྱུ་ཀུན་ལ་འགྲོ་ཀུན་མ་རེད། ད་དུང་མིང་ཞིག་ཟུར་དུ་བཏོན་ཡོད་ཁུལ་གྱིས་མགོ་མཐོན་པོ་མ་འགྱོགས། མགོ་ཐོག་ལ་རྨ་བཟོ་ཡོང་། སྐུ་རྩེད་ཞུས། མིང་བཏོན་མ་བཏོན་ལ་འབྲེལ་བ་ཡོད་པ་མ་རེད། གནད་ལ་ཁེལ་དགོས་པ་རེད། ཞིམ་བུ་དཀར་ནག་ལ་ཁྱེད་ཡོད་པ་མ་རེད། གཙོ་བོ་བྱི་བ་གཟུང་དགོས་རྒྱུ་དེ་རེད། ངས་ཇོ་ནང་ལ་སྨད་པའི་ཚིག་ཅིག་ག་བར་འདུག ཇོ་ནང་ནི་བསྟོད་མི་ཤེས་པ་ཁྱེད་འདྲས་བསྟོད་མི་དགོས་ལ། ང་འདྲས་ཀྱང་སྨད་དགོས་པའི་རྒྱུ་མཚན་མེད། གང་ལྟར་གང་ཡིན་པ་དེ་དེ་བཞིན་གནས་ཀིན་རེད། རྗེས་སོར་སྐད་ཆ་བཤད་ན་ངར་ངར་གཟིགས་གཟིགས་དགོས་ཀིན་མ་རེད། དེ་ནི་དུད་འགྲོ་མིའི་ཤ་ཚུགས་ཅན་གྱི་བྱེད་སྟངས་ལས་རྣམ་དཔྱོད་ཅན་ཚོས་སྙིང་རྗེའི་ཡུལ་ལས་མ་འདས་སོ།།

ཤར་མཁན་སྤྲུལ་ཁྱེད་ཀྱིས་བསྐོར་བ་མང་པོ་བརྒྱབས་ནས་ཅི་བྱེད།a ཁ་དཔེ་ལ། བཤད་ས་མནའ་མ་དང་ཉན་ས་བུ་མོ་ཟེར་བ་དང་། ད་དུང་གཡག་ལ་མི་གཅེས་ཁྲག་ལ་གཅེས།ཟེར་བ་བཞིན་ཁ་ནས་ཇོ་ནང་ཆོས་བརྒྱུད་དང་དུས་འཁོར་བཤད་ཁལ་བྱས་པ་ལས་དོན་ལ་རང་ཉིད་ལ་སྲིད་ཕྱོགས་ཀྱི་སྟེགས་བུ་སྤྱི་འཐུས་འདོད་ཀྱི་ཡོད་པ་དེ་རེད་འདུག་ག ཁ་བདེ་མདོག་དང་མགོ་སྤྱང་མདོག་མ་བྱེད། དེང་སང་ཚང་མས་གཉིད་སད་ཡོད་པ་རེད། དེ་མིན་ན་དུས་འཁོར་ཇོ་ནང་བས་མཁྱེན་རྒྱ་ཆེ་ན་དེ་ནི་ཇོ་ནང་གི་ལེགས་པའི་རྒྱན་རེད། ཇོ་ནང་མི་མཁས་གཞན་མཁས་ཟེར་མཁན་སུ་འདུག་གམ། དེ་བཞིན་དུ་ཁྱེད་ཀྱིས་བཀོད་པ་བཞིན་ཇོ་ནང་བའི་སྐྱེས་ཆེན་གོང་མ་རྣམས་དང་། དེང་སང་གི་སྐྱེས་ཆེན་རྣམས་ཀྱིས་འཇིག་རྟེན་གྱི་ཟང་ཟིང་སྤངས་ནས་རི་ཁུག་ལུང་ཁུག་ན་ལོ་དང་ཟླ་བ། རེ་འགས་ཚེ་གནང་གིན་ཡོད་པ་བཤད་འདུག་པས། ཚད་ཐུབ་གོང་མ་དེ་དག་གི་རྗེས་སུ་མི་འཇུག་པར་སྤྱི་ཚོགས་ཟང་ཟིང་འདིའི་ནང་ལ་ཅིའི་ཕྱིར་འཚང་དགོས་སམ། འདིའི་ཐོག་ནས་ཀྱང་ཁྱེད་རང་ལ་ངར་འཛིན་དང་འཇིག་རྟེན་ལ་ཞེན་ཆགས་ཇི་ཙམ་ཡོད་པ་མཚོན་ཐུབ། གཞན་ཇོ་ནང་གི་ཆོས་བརྒྱུད་པ་ཚོས་ཆོས་ཉམས་ལེན་བྱེད་པ་ལ་གཞུང་དང་སྒེར་གཉིས་ཀས་འགོག་རྐྱེན་དང་གནོན་ཤུགས་སྤྲོད་ཀྱི་ཡོད་ན་ཁག་མེད། དེ་འདྲ་ནི་མི་འདུག་རང་ཉིད་འཇོན་ན་ཇོ་ནང་གི་ཉམས་བཞེས་རྩ་ཆེན་དག་ནས་མཐར་སངས་རྒྱས་པའི་བར་དུ་འཇོན་ཐུབ་ནའང་གྲུབ་མཐའ་གཞན་གང་གིས་ཀྱང་གནོད་ཀྱིན་མི་འདུག ད་དུང་ཁྱེད་ཀྱིས་བཤད་པ་བཞིན་ཇོ་ནང་གི་སྔོན་དང་དེང་གི་སྐྱེས་ཆེན་རྣམས་ཀྱིས་ཆོས་དོན་དུ་གཉེར་བ་ལས་འཇིག་རྟེན་པའི་བྱ་བཞག་རྙོག་མའི་ནང་དུ་འཚང་ག་རྒྱག་མཁན་སུ་འདུག དོན་དངོས་སུ་ཁྱེད་ནི་ཇོ་ནང་བའི་བསྟན་འཛིན་ཞིག་མིན་པར་བསྟན་དགྲ་ཞིག་རེད། ཆོས་པ་ཆོས་བྱེད་པར་མི་འཇོག་པར་སེམས་འཁྲུགས་པར་བཟོས་ཏེ་ཁྱིམ་པའི་ལམ་དུ་འཁྲིད་ཅིང་ཟང་ཟིང་བཟོ་བ་ནི་མ་རུང་བ་ཞིག་རེད། དངོས་ནས་ཆོས་པ་ཞིག་དང་བླ་སྤྲུལ་ཞིག་མུ་འཐུད་བྱེད་འདོད་ན་ཆོས་འཇིག་རྟེན་ཆོས་བརྒྱད་ཀྱི་ཕྱོགས་འདི་མ་སེམས་མ་ཆགས་པར་ཐག་རིང་དུ་གཏོང་ཐབས་ལ་འབད་དགོས་སོ། །

དྲྭ་གྲོགས་ཚོ།
ཇོ་ནང་བའི་མཁན་པོ་ངག་དབང་རྡོ་རྗེ་ཟེར་བ་ཞིག་གིས། ཚེས་༢༢ ཨེ་ཤི་ཡ་རང་དབང་གི་གི་ཉིན་རེས་གསལ་འགྱུར་ཐོག དཔལ་དུས་ཀྱི་འཁོར་ལོའི་དབང་ཆེན་གྱི་སྐོར་ཧ་ཅིང་ཡག་པོ་ཞིག་གསུང་ཡོད་པས་ཉན་པར་འཚལ།

ནད་པ་ ལགས།
ཁྱེད་ཀྱིས་ཅི་ཟེར་གསལ་བོ་བྲིས་མི་འདུག ངས་བསམ་ན་གནད་དོན་བོད་གཞུང་གི་འབྲེལ་ཡོད་ལས་བྱེད་ཚོར་གོ་རྟོགས་ཞན་པ། དོ་སྣང་མཐོང་ཆེན་མ་བྱས་པ། ཁ་ནས་ཇོ་ནང་བ་མི་དགོས་མ་བཤད་ཡང་དོན་ལ་སྣང་མེད་འགོར་འགྱང་ཆེན་པོ་བྱས་ཡོད་པ་ནི་གསལ་བོ་གསུང་ཡང་འདུག་ཏེ། མངོན་གསལ་དོད་པོ་ཡང་རེད། ཁྱེད་ཀྱིས་དེ་ལས་གལ་ཆེན་ཅི་ཞིག་ཤེས་འདོད་རེ་བ་རྒྱབ་ཡོད་ལགས། མདོར་ན་སུ་ལན་ཡོད་གལ་ཆེན་མ་རེད། ཇོ་ནང་ལ་གཞུང་གིས་འདྲ་མཉམ་གྱི་ཐོབ་ཐང་སྤྲད་འོས་དང་མི་འོས་དེ་རྩ་བ་རེད། དེ་གསུང་རོགས་གནང་།

ཆབ་བྲག་ལྷ་མོ་སྐྱབས་ཀྱིས་གུས་པའི་མཆན་ལ་བཀའ་དྲིན་ཞུས་སྟེ། དགོངས་ཚུལ་གསུངས་བ་ལ་གུས་འདུད་ཡོད། ཁྱེད་ཀྱིས་བཅའ་ཁྲིམས་བསྐྱར་བཅོས་སྐོར་རགས་ཙམ་གླེང་བ་ཞེས་པའི་མཇུག་རྩོམ་ལ་ མི་རིགས་རང་གཅེས་མི་དམངས་ཀུན་ལ་སྟེ།། མིའི་རིགས་སྤྱི་དོན་མི་མཆོག་འགའ་རེར་བབས།།
མི་ཡུལ་འཆམ་མཐུན་ཁྱིམ་ཚང་ཆིག་སྒྲིལ་ལ།། མི་རབས་གསར་བས་བསམ་ཤེས་ཐུབ་པར་སྨོན།།
ཞེས་པ་བཞིན་བོད་མི་རིགས་ཀྱི་སྤྱི་དོན་མི་མཆོག་འགའ་རེའི་ཁུར་ཏུ་བབས་ཡོད་པ་ཙམ་མ་ཡིན་པར། མི་དམངས་ཡོངས་ཀྱིས་རང་དོན་རང་གཅེས་ཐོག་ནས་དུས་རབས་ཉེར་གཅིག་པའི་འགྲོས་དང་བསྟུན་ཏེ། འཛམ་གླིང་ཤར་ནུབ་ཀྱི་མི་རབས་གསར་བའི་བསམ་བློ་བ་དག་གིས་རྗེས་སུ་འཇུག་སྟེ། ང་ཚོ་མི་ཡུལ་ལུང་པ་འདི་ནས་འཆམ་མཐུན་དང་ཆིག་སྒྲིལ་བྱས་ནས་ཁྱིམ་ཚང་གཅིག་ལྟ་བུའི་འཁོར་ཡུག་སྐྲུན་རྒྱུར་སོགས་བོད་ཀྱི་བདེ་མཐའ་གསལ་ཐུབ་པ་ལ་ལམ་སྟོན་སླབ་བྱ་དང་སྨོན་ཚིགས་གསུངས་བ་བཞིན། ཁྱེད་ལ་ཡང་ཤེས་འཇོན་དང་ལྷག་བསམ་སྙིང་སྟོབས་སོགས་ཀྱི་གོ་ཆ་བརྟན་པོ་ཡོད་པ་དེས་བོད་སྤྱི་དམངས་གཉིས་ཀྱི་ལས་དོན་སྒྲུབ་པ་དང་བསྒྲུབ་ཐུབ་པའི་རེ་བ་དང་ཡིད་ཆེས་ཡང་ཡོད།

དབྱངས་ཅན་སྒྲོལ་མས་གསལ་བཤད་དང་སྐྱོན་བརྗོད་གནང་བ་བཀའ་དྲིན་ཆེ། ང་ནི་སྤྱིར་ཆོས་བརྒྱུད་སྤྱི་འཐུས་མི་དགོས་པར་འདོད་མཁན་ཞིག་ཡིན་ལ་བཤད་ཀྱང་ཡོད། བྲིས་ཀྱང་ཡོད། དེ་ལྟར་ང་ཡོད་པ་དེ་མེད་པར་བཟོ་འདོད་མཁན་ཞིག་ཡིན་པས་མེད་པ་ཞིག་ཡོད་པར་བཟོ་བར་རྒྱབ་སྐྱོར་བྱེད་མི་ཤེས་ལ་བྱེད་ཀྱང་མི་འདོད། དེ་ང་རང་གི་རང་དབང་དང་བསམ་ཚུལ་རེད། ཚང་མ་འདྲ་མཉམ་རེད། རྒྱུ་མཚན་དང་གནས་ལུགས་བཤད་པར་སུ་ཡང་སྐྲག་མི་དགོས། གལ་ཏེ་ངའི་བསམ་ཚུལ་འདི་ནོར་བ་དང་མི་འོས་པ་ཞིག་ཡིན་ན། ཚང་མར་བཟོད་གསོལ་ཞུ།
ཆོལ་ཁ་དང་ཆོས་བརྒྱུད་སུ་ཞིག་ལས་ཀྱང་གཞུང་རང་གཙོ་བོ་དང་གལ་ཆེན་ཡིན། ང་སྤྱི་མི་ཞིག་ཡིན། དེ་བས་ངས་གཞུང་ལ་མི་འོས་མི་འགྲིགས་པའི་བསམ་འཆར་འདོན་མཁན་ཚོར་ངོ་ཡ་བྱེད་ཐག་ཆོད་ཡིན།

དབྱང་ཅན་སྒྲོལ་མའི་གོ་རྟོགས་དང་ལྷག་བསམ། བཟོད་རྩོན་བཅས་ལ་རིན་པོ་ཆེ་གཙོས་ངེད་ཅག་མང་བོ་ཞིག་གིས་ཡི་རིང་དང་བསྔགས་བརྗོད་བྱེད་ཀྱིན་ཡོད། ད་དུང་དེ་འདྲའི་སྤུན་སྲིང་མང་དུ་ཡོང་བའི་རེ་བ་ཡོད།

ཆབ་བྲག་ལྷ་མོ་སྐྱབས་ལགས་ཁྱེད་ཀྱི་མཆན་དེ་ལ། དྲ་གྲོགས་བསྟན་འཛིན་ལགས་ཀྱིས་”བོད་གཞུང་གིས་བོད་རྒྱའི་གྲོས་མོལ་ནར་འགྱང་བྱེད་བཞིན་ཡོད་པ་ལྟར”{བོད་རྒྱའི་གྲོས་མོལ་ནར་འགྱང་བྱེད་མཁན་རྒྱ་གཞུང་རེད། བོད་གཞུང་མ་རེད། ཞྭ་ནག་པོ་མ་བསྐོན། ཧམ་པ་མ་བཤད།}གསུངས་ནས་ཚོར་བ་ཧ་ཅང་ཆེན་པོ་ཞིག་ཡོད་པའི་རྣམ་འགྱུར་ཞིག་བསྟན་ནས་ནག་ཉེས་ཆེན་པོ་བརྩི་བཞིན་འདུག ”ང་ཚོའི་རེ་བསྐུལ་ཡང་སྣང་མེད་བྱེད་བཞིན་འདུག”གསུངས་ཡོད་པ་དེ་ལ་ཚོར་སྣང་གང་ཡང་མེད་པར་རང་སར་བཞག་ཡོད་པ་དེ། ཁྱེད་སྔོན་མ་ལོ་མང་རིང་བོད་མི་མང་སྐུ་ཚབ་ལ་སྤྱི་འཐུས་རྭ་བའི་ནང་ནས་ས་སྐྱའི་སྤྱི་འཐུས་ག་ཟི་དགེ་བཤེས་ཚེ་རིང་པོ་སོགས་འཐེན་ཁྱེར་རང་ལུགས་པ་དེ་ཚོའི་གནོད་ཤུགས་ཀྱི་ད་དུང་སྐྲག་ནས་བསམ་ཚུལ་ཙམ་ཞིག་བཤད་མ་ཕོད་པ་ཡིན་ནམ།
དེ་སྔོན་ལོ་མང་རིང་ལ་རང་ཉིད་མདོ་སྨད་མི་མང་གི་སྐུ་ཚབ་བྱས་ནས་མདོ་སྨད་ས་ཁུལ་དུ་ཆེས་མང་པོ་ཡོད་པའི་ཆོས་བརྒྱུད་ཆེན་མོ་དཔལ་ལྡན་རྒྱལ་བ་ཇོ་ནང་བའི་མི་མང་གི་མངོན་འདོད་ཚིག་གཅིག་ཀྱང་ཞུས་མྱོང་མེད་པ་དེ་ལ་རྒྱུན་སྐྱོང་བྱས་ནས་བཞགས་པ་ཞིག་ཡིན།
དེ་གཉིས་གང་ཡང་མིན་ན་དྲ་གྲོགས་བསྟན་འཛིན་ལགས་ཀྱིས་མཆན་ནང་ལ་ཉིན་ཤས་སྔོན་ཨ་རིའི་དུས་དབང་སྐབས་ཇོ་ནང་པའི་མཁན་པོ་ཞིག་དང་མཉམ་དུ་ཉིན་གུང་བཞེས་ལག་མཉམ་དུ་ཟོས་པ་ཡིན་གསུང་ཡོད་པ་དེར་ཡང་སྐྱར་ཞིབ་གཟིགས་བྱོས་དང་རྩོམ་ཡིག་དེ་འོག་ཏུ་བཀོད་ཡོད་ཁྱེད་ཀྱི་གནད་ལ་ཁེལ་བ་ཞིག་གསུངས་འདུག་གམ།
བསྟན་འཛིན་གྱིས་{ཉིན་ཤས་སྔོན་ཨ་རིའི་དུས་དབང་སྐབས་ཇོ་ནང་པའི་མཁན་པོ་ཞིག་དང་མཉམ་དུ་ཉིན་གུང་བཞེས་ལག་མཉམ་དུ་ཟོས་པ་ཡིན། ཁོང་གིས། ང་ཚོ་ཇོ་ནང་པས་ག་དུས་ཡིན་ན་ཡང་བོད་གཞུང་ལ་བརྩི་བཀུར་བྱེད་ཀྱི་ཡོད། ཐ་ན་སྙན་ཞུ་མཁྲེགས་པོ་ཞིག་ཀྱང་ཕུལ་མ་མྱོང་མོད། བོད་གཞུང་གིས་བོད་རྒྱའི་གྲོས་མོལ་ནར་འགྱང་བྱེད་བཞིན་ཡོད་པ་ལྟར། ང་ཚོའི་རེ་བསྐུལ་ཡང་སྣང་མེད་བྱེད་བཞིན་འདུག བྱེད་ཐབས་འདིས་གཞིས་བཞུགས་ཇོ་ནང་དགོན་སྡེ་ལྷ་སྡེ་མང་པོ་ཞིག་ལ་བློ་ཕམ་ཆེན་པོ་བཟོས་ཡོད།
དོན་ངོ་མར་ང་ཚོས་གཞུང་གི་ཡིག་ཐོག་ནས་བོད་ཀྱི་ཆོས་བརྒྱུད་ཆེན་པོ་ལྔ་ཞེས་བརྗོད་རོགས་ཟེར་གྱིན་ཡོད་པ་ལས། ཡིན་ཅིག་མིན་ཅིག་ཇོ་ནང་པར་ཆོས་བརྒྱུད་སྤྱི་འཐུས་ཀྱི་ཐོབ་ཐང་དགོས་ཟེར་གྱིན་མེད། }
གསུངས་ཡོད་པ་དེ་ལ་ཁྱེད་ཀྱིས་ལན་འདྲ་ཆག་པོ་ཞིག་བྲིས་འདུག་གམ།

ཡང་བསྐྱར་རྩོམ་ཡིག་གཞན་ཞིག་གི་ནང་ན་ཡང་ཆབ་བྲག་ལྷ་མོ་སྐྱབས་ཁྱེད་ཀྱིས་{ ཇོ་ནང་ས་སྐྱའི་ཁུངས་གཏོགས་རེད་ཟེར་མཁན་ང་མིན། ངས་ཅང་བཤད་མེད་ལགས། དེ་ཟེར་མཁན་ས་སྐྱའི་སྤྱི་འཐུས་གཙོའི་ས་སྐྱ་བ་གང་མང་ཞིག་རེད། རྒྱུ་མཚན་དེའི་ཕྱིར་ངས་གནད་དོན་དེ་ཐོག་མར་གཙང་མ་ཁྱེད་ཅག་གི་བར་ནས་བཟོ་དགོས་རྒྱུ་གལ་ཆེན་རེད། ཡང་མིན་ན་ས་སྐྱ་གོང་མ་དང་༧རྒྱལ་བ་རིན་པོ་ཆེ་རྣམ་པ་ཚོས་ཐུགས་ཐག་བཅད་ན་གླེང་རྙོག་ཡོང་གི་མ་རེད། དེ་མིན་བཀའ་སྤྱི་ལྟ་བུས་ཐག་གཅད་གང་ཞིག་བྱས་ཀྱང་ཉོག་དྲ་ཞིག་ཡོང་ཡོང་བ་རེད། དེ་ངས་གསལ་བོ་མཐོང་གི་འདུག}
གསུངས་ཡོད་པ་དེ་ཁྱེད་ཀྱི་ནོར་འཁྲུལ་འམ་ཡང་ན་འཁྱོག་བཤད་རི་རབ་ཙམ་ཞིག་བྱས་འདུག གང་ཡིན་ཟེར་ན་༧གོང་ས་ཐམས་ཅད་མཁྱེན་པ་མཆོག་གིས་མདོ་ཡི་ལྟ་བ་གཞན་སྟོང་དབུ་མ་དང་།། རྒྱུད་དོན་རྣལ་འབྱོར་དྲུག་གི་ཉམས་ལེན་གྱིས།། ཆོས་སྐུ་མངོན་དུ་མཛད་པའི་བཞེད་སྲོལ་ཆེ།། ཇོ་ནང་པ་ཡི་བསྟན་པ་རྒྱས་གྱུར་ཅིག།། ཅེས་སོགས་གསུངས་དེ། ཐམས་ཅད་མཁྱེན་པ་ཁོང་གིས་ཐུགས་སྨོན་ཟབ་ཅིང་རྒྱ་ཆེ་བ་གནང་ནས་སིམ་ལ་བྱང་ཆུབ་ཆོས་གླིང་དུ་དཔལ་ལྡན་རྒྱལ་བ་ཇོ་ནང་བའི་བསྟན་པའི་གནས་གཞི་གསར་བཙུགས་བྱས་པ་གཅིག་པོ་མ་ཡིན་པར་༧རྗེ་བཙུན་ཏཱ་ར་ནཱ་ཐའི་སྐུ་སྐྱེས་ཁལ་ཁ་རྗེ་བཙུན་དམ་པ་བསྟན་བདག་དུ་བསྐོ་བཞགས་བྱས་དེ། སིམ་ལ་ཇོ་ནང་དགོན་དུ་དཔལ་དུས་ཀྱི་འཁོར་ལོའི་སྦྱོར་དྲུག་གསར་འཛུགས་སྐབས་སུ་ཁོང་སྐུ་ངོས་སུ་ཆེད་དུ་ཕེབས་དེ་ལོ་གའི་རང་ལ་དཔལ་འབྱོར་གྱི་ཐད་ནས་རོགས་རམ་བྱས་པ་གོ་ཐོས་འདུག་༧གོང་ས་རྒྱལ་བ་རིན་པོ་ཆེ་མཆོག་གིས་བྱམས་སྐྱོངས་མ་བྱས་པ་དང་བརྩེ་གཟིགས་མ་བྱས་པ་ཐུགས་ཐག་མ་བཅད་པ་ཞིག་ག་ལ་ཡིན།
ཡང་ངས་གོ་ཚོད་ལ་དེ་བཞིན་དུ་དཔལ་རྒྱལ་བ་༧ཀརྨ་པ་དང་ས་སྐྱ་༧གོང་མ་རིན་པོ་ཆེ་རྣམ་གཉིས་སིམ་ལ་ཇོ་ནང་མ་དགོན་དུ་ཕེབས་ནས་ལམ་སྟོན་བཀའ་སློབ་དང་རྒྱབ་སྐྱོར་མང་དག་བྱས་པ་མ་ཟད་བོད་མི་མང་སྤྱི་འཐུས་ཀྱི་དཔལ་ལྡན་རྒྱལ་བ་ཇོ་ནང་བ་ལ་ཆོས་བརྒྱུད་སྤྱི་མཚུངས་ཀྱི་ཐོབ་ཐང་སྤྲད་ན་དགག་བྱ་མེད་པས་རྒྱབ་གཉེར་བཀའ་ཡིག་སྤྲད་ཡོད་པ་སོགས་ལོ་སྔོན་མ་གསར་འགྱུར་བརྒྱུད་ལམ་ཁག་ཏུ་གསར་བསྒྲགས་བྱས་དོན་ལྟར་ན། ས་ཇོ་བར་ལ་མི་གཞན་གྱིས་སྒྲོ་བཏགས་དང་སྐུར་འདེབས་བྱས་པས་རྐྱེན་གྱི་ས་སྐྱ་༧གོང་མ་རིན་པོ་ཆེ་མཆོག་ལ་རྗེས་སུ་ཡང་བསྐྱར་ཇོ་ནང་བའི་གནད་ཡོད་མི་སྣ་ཁག་ཅིག་བཅར་བ་ལ་གསུང་དོན་ཅི་བཞིན་གུས་པས་མི་ངེས་མོད། རགས་ཙམ་ཞིག་ཞུས་ན་ཁྱེད་ཚོ་བློ་བདེ་བོ་བྱོས་དང་མི་གཞན་གྱི་ག་རེ་གསུང་ཡང་ངོས་ཀྱི་ཁྱེད་ཚོ་སྔོན་མ་ནས་རྒྱབ་གཉེར་བཀའ་ཡིག་ཕུལ་ཟིན་པ་བཞིན་ས་སྐྱ་སྤྱིའི་ངོས་ནས་དགག་བྱ་མེད་སེམས་བདེ་མོ་བྱོས། ས་སྐྱའི་ཕྱོགས་ནས་མི་རེ་ཟུང་གི་ག་འདྲ་གསུང་ཡང་ས་སྐྱ་སྤྱིའི་ངོས་ནས་དགག་བྱ་མེད་ཐག་ཆོད་ཡིན་གསུངས་ཡོད་པས་ས་ཇོ་གཉིས་ཀྱི་བར་ལ་དད་པ་དང་དམ་ཚིག་གཙང་མ་ཡིན་པ་མ་ཡིན་རྒྱུ་རེད། ས་སྐྱ་༧་གོང་མ་རིན་པོ་ཆེས་ཡང་དེ་ལྟར་ཐག་བཅད་རྒྱུ་ལས་གཞན་ཨེ་ཡོད་དམ། ད་ལོ་ས་སྐྱའི་སྤྱི་འཐུས་ཀྱི་བོད་རྒྱལ་ཡོངས་ཚོགས་ཆེན་ཐེངས་གཉིས་པའི་སྐབས་སུ་ས་སྐྱའི་ཕྱོགས་ནས་ཇོ་ནང་ཕྱོགས་ལ་དགག་བྱ་མེད་ཚུལ་གསུངས་བ་སོགས་ཀྱི་ས་ཇོའི་བར་ལ་དད་པ་དམ་ཚིག་གཙང་མ་ཡིན་པ་མཚོན་མི་ཐུབ་བམ། སྐུ་ངོ་ཁྱེད་ལྟ་བའི་མི་བཟང་བཟང་མདོག་བྱེད་མཁན་དེ་ཚོའི་འབྲེལ་བཤད་མང་ཐག་བྱས་ནས་དབུ་སྐོར་མང་དག་བྱས་པས་རྐྱེན་གྱིས་སྐུའི་གཅེན་མོ་ཨ་མ་རྗེ་བཙུན་པདྨ་ཁོང་གིས་བོད་རྒྱལ་ཡོངས་ཚོགས་ཆེན་ཐེངས་གཉིས་པའི་སྐབས་སུ་ཡང་ཇོ་ནང་བའི་དགག་ཕྱོགས་སྐོར་གྱིས་གསུངས་བཤད་ག་རེད་གནང་ཡོད་པ་མཁྱེན་སོང་ངམ།
གནས་ཚུལ་དེ་ཚོའི་རིགས་ས་སྐྱ་གོང་མ་དང་༧རྒྱལ་བ་རིན་པོ་ཆེ་རྣམ་པ་ཚོས་ཐུགས་ཐག་མ་བཅད་པས་གླེང་རྙོག་ཐོན་ཡོང་བ་ཞིག་རྩ་བ་ནས་མ་རེད། ཁོང་རྣམ་གཉིས་ཀྱི་གོང་ཞུས་ལྟར་ཇོ་ནང་བ་ལ་རྒྱབ་སྐྱོར་བྱས་ནས་དགོངས་པ་བཞེས་ཟིན་པ་ཞིག་དང་ཐུགས་ཐག་བཅད་ཟིན་པ་ཞིག་རེད། ད་ལྟ་གནད་དོན་གང་ལ་ཐུགས་ཡོད་ཟེར་ན་ཕྱོགས་རེས་དང་འཐེན་ཁྱེར་རང་ལུགས་པ་ཀླད་རྙིང་མཁྲེགས་འཛིན་ཅན་སྤྱི་སེམས་མེད་མཁན་གཡོ་རྒྱུ་ཅན་དེ་ཚོའི་འགོག་རྐྱེན་བྱེད་བཞིན་ཡོད་པར་མཐོང་སོང་། ད་ང་ཚོའི་བྱེད་དགོས་པ་ནི། ང་ཚོ་མང་གཙོའི་གཞུང་ཞིག་ཡིན་པས་བཀའ་སྤྱི་གཉིས་དང་ཆོས་རིགས་ལས་ཁུངས་མང་གཙོ་ཀ་བ་གསུམ་གྱི་གཙོའི་གནད་ཡོད་མི་སྣ་དང་ཤེས་ཡོན་པ་བོད་སྤྱིའི་ཆོས་དང་རིག་གཞུང་ལ་ལྷག་བསམ་ཅན་རྣམས་ཀྱིས་བོད་མི་མང་གི་དབུ་ཁྲིད་ནས་གནས་ལུགས་ལ་རྒྱབ་སྐྱོར་བྱ་རྒྱུ་གལ་ཆེན་དུ་མཐོང་།

དབྱངས་སྒྲོལ་ལགས་ཀྱིས། ཀརྡོ་ངས་གདོན་འདྲེར་གླུད་གཏོང་བ་མཐོང་བ་དང་། ངས་གཏོར་མ་དེ་འདྲ་བཏང་བ་ཅང་མི་དྲན་ལགས། དཔལ་ཇོ་ནང་པ་ལ་ཐོབ་ཐང་གང་མགྱོགས་ཐོབ་པའི་སྨོན་འདུན་དང་བཅས།

“བོད་གཞུང་གིས་བོད་རྒྱའི་གྲོས་མོལ་ནར་འགྱང་བྱེད་བཞིན་ཡོད་པ་ལྟར། ང་ཚོའི་རེ་བསྐུལ་ཡང་སྣང་མེད་བྱེད་བཞིན་འདུག” བོད་རྒྱའི་གྲོས་མོལ་ནར་འགྱང་བྱེད་མཁན་རྒྱ་གཞུང་རེད། བོད་གཞུང་མ་རེད། ཞྭ་ནག་པོ་མ་བསྐོན། ཧམ་པ་མ་བཤད།

ཀརྨ་རྡོ་རྗེ་ལགས། ཁྱེད་ཀྱི་དགྲ་ཤར་ན་ཡོད་ན་གཏོར་མ་ནུབ་ལ་འཕེན་ཞེས་པའི་དཔེ་བཞིན་རེད་འདུག སྔོན་མ་ཇོ་ནང་བ་ལ་ཆོས་བརྒྱུད་ཀྱི་ཐོབ་ཐང་གླེང་སློང་བྱེད་མཁན་དེ་ཤར་མཁན་སྤྲུལ་གྱིས་གསུངས་པ་རེད། ངས་སྔོན་མ་ཆོས་བརྒྱུད་ཀྱི་ཐོབ་ཐང་གང་འཚམ་ཞིག་ཡོད་གི་ཟེར་མཁན་དེ་ཡིན། གང་ཡིན་ཟེར་ན། བཙན་བྱོལ་ཁྲོད་ནས་དཔལ་ལྡན་རྒྱལ་བ་ཇོ་ནང་བ་ལ་༧ གོང་ས་སྐྱབས་མགོན་རིན་པོ་ཆེ་མཆོག་གི་གཙོས་ས་དགེ་བཀའ་རྙིང་བོན་པོ་བཅས་ཀྱི་ཆོས་བརྒྱུད་བླ་ཆེན་ཁག་གིས་ཆོས་བརྒྱུད་ཇོ་ནང་བའི་ཆོས་བརྒྱུད་དེ་སོ་སོའི་ཁོངས་གཏོགས་མ་ཡིན་པས་པའི་རྒྱབ་གཉེར་བཀའ་ཡིག་གནང་བ་མ་ཟད། ཆོས་བརྒྱུད་སྤྱི་མཚུངས་ཀྱི་ཐོབ་ཐང་སྤྲད་ན་དགག་བྱ་མེད་པར་གསུངས་ཡོད་པ་ལོ་སྔོན་མ་གསར་འགྱུར་བརྒྱུད་ལམ་ཁག་ལ་གསར་བསྒྲགས་བྱས་ཡོད་པ་ལྟར་རེད། མི་སྒེར་གྱི་ངོ་ལ་བཞག་ན་ལུང་རྟོགས་ཀྱི་བསྟན་པ་ཉམས་ལེན་བྱེད་པ་ལ་དགག་བྱ་མེད་པ་སོགས་ཀྱི་ངས་བཤད་པ་ཡིན། རྒྱུ་མཚན་དེའི་ཕྱིར་ཇོ་ནང་བའི་སྐོར་ཆོས་ཕྱོགས་ཀྱི་བྱ་བ་ཞིག་ཡིན་པས་གང་འཚམས་ཀྱི་ཐོབ་ཐང་ཞིག་ཡོད་པར་མཐོང་འདུག
ད་ལྟ་ཁྱེད་ཀྱི་ཇོ་ནང་བ་ལ་ཐོབ་ཐང་མེད་སྟངས་ལན་འདེབས་ཁ་གསལ་དགོས་ངེས་འདུག་ཟེར་པ་ཡིན་ན། བཙན་བྱོལ་གཞུང་གི་ངོས་ནས་ཇོ་ནང་བ་ལ་ཆོས་བརྒྱུད་གཞན་དང་འདྲ་མཉམ་གྱི་ཐོབ་ཐང་ཡོད་པ་མ་རེད།
གཞིས་བྱེས་ཇོ་ནང་བ་ཡོངས་ཀྱི་སྐུ་ཚབ་མཚོན་བྱེད་སྤྱི་འཐུས་ཀྱི་ཐོབ་ཐང་མེད་པ་དང་གཅིག
བཅའ་ཁྲིམས་ཡིག་ཆ་ནང་དུ་ཇོ་ནང་བའི་མཚན་འཁོད་མེད་པ་དང་གཉིས།
གཞུང་འབྲེལ་གྱི་དྲ་གནས་ཁག་གི་ནང་ཇོ་ནང་བ་ལ་ས་མིག་མེད་པ་གསུམ།
གཞུང་འབྲེལ་གྱི་ཐོག་འཛིན་སྐྱོངས་ཕྱོགས་ཇོ་ནང་བ་ལ་འབྲེལ་མེད་པ་དང་བཞི།
གཞུང་འབྲེལ་གྱི་ཐོག་དཔོན་རིགས་ཚོས་གཏམ་བཤད་བྱེད་སྐབས་སུ་ཇོ་ནང་བ་ལ་འཚམས་འདྲི་བཀྲ་ཤིས་བདེ་ལེགས་ཙམ་ཡང་མེད་པ་སོགས་དོན་ཚན་རྣམ་པ་ལྔ་བོ་འདིས་ཇོ་ནང་བ་ལ་ཆོས་བརྒྱུད་འདྲ་མཉམ་གྱི་ཐོབ་ཐང་མེད་པ་འབྲེལ་བཤད་གསལ་བོ་ཐུབ་པ་མ་ཟད་མི་མང་པོ་ཞིག་གིས་ཇོ་ནང་བ་ལ་སྣང་མེད་དང་མཐོང་ཆུང་གི་རྣམ་པ་ཡང་མཚོན་ཐུབ།

ཀརྨ་རྡོ་རྗེ་བཀའ་དྲིན་ཆེ།
དབྱངས་ཅན་སྒྲོལ་མ་ལགས
གཞན་ལ་འགྲེལ་བཤད་བཏང་བ་བཀའ་དྲིན་ཤིན་དུ་ཆེ།
ཆབ་བྲག་ལྷ་མོ་སྐྱབས་ལྟ་བའི་མཁས་པ་ཞིག་གིས་ད་དུང་འདིའི་སྐོར་ལ་དབུ་སྨོངས་འདུག་པས’ སྐུ་ཉིད་ཀྱིས་ཁོའི་བརྩོམ་ཡིག་གི་མཇུག་ཏུ་ཁོ་ལ་འགྲེལ་བཤད་གཏོང་ཐུབ་ན་བཀའ་དྲིན་དེ་བས་ཀྱང་གལ་ཆེན་འདུ་པས་བཀའ་དྲིན་གནང་རོགསཞུ།

དྲ་གྲོགས་ཤྰ་རིའི་བུ། ཁྱེད་ལ་དགོངས་འགལ་མེད་པར་ཞུ། ང་ལ་བསམ་ཚུལ་ཞིག་ཞུ་རྒྱུ་ཡོད་ས་རེད་ལགས།
ཁྱེད་ཀྱིས་༼ཤར་མཁན་སྤྲུལ་མཆོག་གིས་གསུང་པ་ལ་ཞིབ་ལྟ་བྱེད་དུས་རྒྱ་མིས་གིས་གནང་པའི་ཐོབ་ཐང་དེ་རྩོད་གིས་ཡོད་ས་འདུག༽ ཟེར་བ་དེ་ག་རེ་ཞུ་བཞིན་ཡོད། བོད་ནང་དུ་ད་ལྟའི་དུས་སུ་རྒྱ་མའི་ཐོང་ཐང་ཞིག་སྤྲད་ཡོད་པ་ཁྱེད་ཀྱིས་གོ་ཡོད་ན་མ་གཏོགས་བོད་མི་སུས་ཀྱང་བོད་མི་མང་ལ་རང་དབང་མེད་ཤགས་བྱེད་ཀྱིན་ཡོད་པ་རེད། ཡ་མཚན་པ་ལ་ཁྱེད་ཀྱིས་དེ་ག་རེ་གསུང་གིན་ཡོད། ཁྱོད་ཡང་མི་ཁྱད་མཚར་ཞིག་ཡིན་ཁོ་ཐག་རེད། ཁ་ཙམ་ཚིག་ཙམ་མ་ཡིན་པར་ངེས་པ་དོན་གྱི་བོད་ཀྱི་རྒྱལ་གཅེས་དཔའ་བོ་འམ་གཞིས་ལུས་བོད་མའི་ཆོས་སྲིད་གཉིས་ཀྱི་དབུ་ཁྲིད་༧ཀུན་གཟིགས་པན་ཆེན་སྣང་བ་མཐའ་ཡས་ཁོང་གི་དཀའ་བ་ཁྱད་དུ་བསད་ངལ་བ་དེང་དུ་ལེན་ནས་ཁོང་གིས་སྐུ་སྲོགས་སོགས་ལ་མ་འཛེམས་པར་བོད་ཀྱི་ཆོས་དང་རིགས་གཞུང་ཉམས་པ་སླར་གསོ་དང་མི་ཉམས་གོང་འཕེལ་གྱི་ཕྱིར་དུ་སྒྲུབ་བརྒྱུད་ཤིང་རྟ་ཆེན་མོ་བརྒྱད་སོགས་ཀྱི་སློབ་གླེང་སྟེ་པེ་ཅན་ནང་བསྟན་སློབ་གླིང་ཆེན་མོ་བཙུགས་ཡོད་པ་རེད། དེའི་ནང་ནས་ནང་ཇོ་ནང་བ་ལ་ཆོས་བརྒྱུད་གཞན་ལས་ལྷག་པའི་མཐོང་ཆེན་དང་རྩ་ཆེན་རྩི་བཞིན་ཡོད་པ་སོགས་དང་། དེ་བཞིན་དུ་བཙན་བྱོལ་བའི་ཁྲོད་ནས་༧རྒྱལ་བ་དོན་གྱི་བདག་པོ་གོང་ས་ཐམས་ཅད་མཁྱེན་པ་མཆོག་གིས་གང་ས་གང་དུས་འཁོར་དབང་ཆེན་མང་པོ་གསུངས་བའི་སྐབས་སུ་དཔལ་མཆོག་དུས་ཀྱི་འཁོར་ལོའི་སྒྲུབ་བརྒྱུད་འཛིན་པ་གཙོ་བོ་དེ་ད་ལྟའི་དུས་སུ་དཔལ་ལྡན་རྒྱལ་ཇོ་ནང་བ་ཆགས་འདུག་གསུང་བའི་བཀའ་སློབ་ཡང་དང་ཡང་དུ་གནང་བ་ཡང་མང་དུ་ཡོད་པ་རེད། ང་ཚོའི་ཁ་དཔེར་གནམ་ལ་ཉི་ཟླ་གཉིས་ས་རྒྱལ་པན་ཉིས་ཟེར་བཞིན་རྩ་ཆེན་དང་དུ་བཀུར་བའི་ཁོང་རྣམ་པ་གཉིས་སོགས་རྒྱལ་གཅེས་ལྷག་བསམ་སྙིང་སྟོབས་ཅན་ཚོའི་༼ལོ་རྒྱུས་དང་ཆོས་འབྱུང་སོགས་རྩིས་མེད་གནང་ཏེ་རང་ཉིད་ཀྱི་ཁེ་ཕན་གི་ཆེད་དུ་རྒྱ་གུང་ཕྲན་གྱིས་བྱེད་ལུགས་དེ་འདི་འདྲ་བེད་སྤྱོད་གནང་ན་བློ་ཕམ་འདུག དེ་འདྲ་ཡིན་དུས་ཁུངས་ལུང་གང་ཡང་མེད་པ་ཐོབ་ཐང་བསྐོར་གླེང་ཡོང་དུས་དེ་ནི་ཕུགས་ལ་གཞན་ཞིག་གིས་གནོད་ཤུགས་ཡོད་པ་ཡིན་དུས་དེ་ཚོ་རིགས་ལ་མཁྱེན་ལྡན་རྣམས་པའི་ཟབ་དགོས༽། ཟེར་བ་དེ་ང་ཚོའི་ཆོས་སྲིད་གཉིས་ཀྱི་དབུ་ཁྲིད་བོད་གངས་ཅན་པ་ལ་ལྷག་བསམ་དཀར་བས་མེས་པོ་གོང་མ་ཚོའི་ཤུལ་འཛིན་པ་རྒྱལ་པན་གཉིས་ཀྱི་གཙོའི་ཤེས་འཇོན་ལྷག་བསམ་ལྡན་པའི་གནད་ཡོད་མི་སྣ་དང་དཔལ་ལྡན་རྒྱལ་བ་ཇོ་ནང་བའི་གཙོའི་བོད་མི་བྱིངས་ཀྱི་སྐྱིད་སྡུག་ལེགས་ཉེས་ལ་བྱམས་དང་སྙིང་རྗེའི་གཟིགས་མཁན་ཚོར། ཁྱེད་ཀྱི་གོང་ཞུས་ཚིགས་དེ་རྣམས་ཀྱིས་ཁོང་རྣམས་ལ་དྲིན་ལན་ལོག་འཇལ་བྱེད་པ་མ་རེད་དམ། མི་ཁྱེད་ཀྱི་སེམས་ལ་ཤར་ཡང་ཁ་ནས་བཤད་རྒྱུ་དང་ཁ་ནས་བཤད་ན་དྲ་ཐོག་དུ་མངག་རྒྱུ་འདི་ཁྱེད་ལ་དགོས་པ་ཆེན་པོ་དང་དམིགས་ཡུལ་ཆེན་པོ་ཞིག་ཡོད་ན་མ་གཏོགས་ཡ་མཚན་པ་ཞིག་རེད་འདུག་ཨ་ཁ་ཁ། གུས་པའི་མཐོང་ཐོས་ལ་བོད་ཀྱི་ཆོས་བརྒྱུད་ཆེན་པོ་བཞི་གཡུང་དྲུང་བོན་དང་བཅས་ལྔ་ཞེས་པའི་མཚན་བྱང་ཏེ། བོད་པ་ཚོ་རྒྱ་གར་དུ་བཙན་བྱོལ་ལ་འབྱོར་རྗེས་སུ་ཆོས་བརྒྱུད་ཕྱོགས་རེས་བ་ཞིག་དང་། མི་ཕྱོགས་རེས་བ་ཞིག་གི་གསར་དུ་བཏགས་པ་ཞིག་ཡིན་པ་མཐོང་གི་ཡོད། དེའི་རྗེས་སུ་མཁྲེགས་འཛིན་རང་ལུགས་ཅན་གྱི་མི་མང་པོ་ཞིག་གིས་དེ་རྒྱུན་འཁྱོངས་བྱས་པ་ལས་བོད་ཀྱི་ཆོས་སྲིད་གཉིས་ཀྱི་དབུ་ཁྲིད་རྣམས་དང་བོད་ལ་ལྷག་བསམ་དཀར་བའི་གནད་ཡོད་མི་སྣ་ཚོའི་ནོར་འཁྲུལ་མེད་པ་ངས་འདི་ནས་ཁ་ཚོད་བཅད་ཆོག་པ་ཞིག་རེད།

གྲགས་བསོད་དང་། ཤྰ་རིའི་བུ་གཉིས་ཀྱི་ཡ་མཚན་ཅན་ཞིག་བཤད་ཡོད་གི་ཡ་ཨ་ཧ་ཧ་དེ་ཚོ་ངོ་མ་ག་རེད་ཡིན་ནི་རེད།

ཇོ་ནང་བ་ལ་ཆོས་བརྒྱུད་འདྲ་མཉམ་གྱི་ཐང་ཡོང་བའི་བརྒྱུད་རིམ་དེ་ཇི་ལྟར་འགོར་འགྱང་བྱུང་བ་དེས། བོད་གྱི་ཤེས་ཡོན་ཡར་རྒྱས་ལ་མཐོས་ཤོར་བཏང་བའི་ཟླ་བོ་འམ་མཚོན་དོན་ཆགས་ཡོད་པ་འདྲ་བོ་མི་འདུག་གམ། དེ་བཞིན་དུ་གཞུང་གི་ལས་བྱེད་ཚོས་ཕྱག་ལས་ཧིར་ཐག་ཞིག་དང་བློ་གྲོས་དང་ལྡན་པས་བྱེད་ཀྱི་ཡོད་མེད་མཚོན་བྱེད་ཞིག་མ་རེད་དམ།
ཇོ་ནང་བ་དག་ལ་ཡང་བློ་ཁོག་མ་ཡོད་པ་ཡིན་ནམ། འབྲེལ་ཡོད་མི་སྣ་ལ་ཤེས་མཇོན་བརྩོན་པ་མ་ཡོད་པ་ཡིན་ནམ། ལོ་ངོ་༡༢ ལྷག་གིས་རང་ལ་ཐེ་བོང་ཡར་བསྟན་བྱས་ནས་སྡོད་འདུག་པ་ལས། ལས་མགུལ་སྣ་ཚོགས་ཞིག་སྤེལ་ན་མི་ཆོག་གམ ཡང་ན་ཁྲིམས་ལ་གཏུག་ཤེར་བྱས་ན་མི་ཆོག་པ་ཅི་ཡོད་དམ། ངས་འདི་ནས་གློག་མཁན་རྣམས་ལ་དགོང་ཚུལ་འདྲི་བ་ཙམ་ཡིན།

དབྱངས་ཅན་སྒྲོལ་མའི་གོ་རྟོགས་ལ་ཡི་རིང་དང་། གསལ་བཤད་ལ་བཀའ་དྲིན་ཆེ་ཞུ་ཡི་ཡིན།
ཐོག་དང་བོ་ངས་ཉིད་ཀྱི་ལྷག་བསམ་རྣམ་དག་མ་གོ་བས་དགོངས་དག་ཞུ།
རེད་ཡ། བོད་ཀྱི་གཞུང་འབྲེལ་དང་། འཚོགས་པ་ཁག ཐ་ན་མི་རྒེར་ཚུན་ཆད་ཀྱིས། ད་ནས་བཟུང་། གཏམ་བཤད་དག་ཀྱི་ནང་ཡིན་ན་འདྲ། དྲྭ་རྒྱ་དག་གི་ཐོག་ཡིན་ན་འདྲ། མདོར་ན་ཡིག་ངག་གང་གི་ཐོག་ནས། བོད་ཀྱི་ཆོས་བརྒྱུད་ཆེན་པོ་ལྔ་དང་། གཡང་དྲུང་བོན་དང་དྲུག་ཟེར་ཐུབ་ན་མདུན་སྐྱོད་མགོ་བཙུགས་ཚར་བ་རེད། གཞན་པའི་འདྲ་མཉམ་གྱི་ཐོག་ཐང་རྣམ་རིམ་གྱིས་ཡོང་ཆོག་ནི་རེད། དེ་ལས་ཅི་ཡང་མེད་ནི་རེད། དེ་ལས་སླ་བོ་ཞིག་རེད།

ཡིན་ཡང་ད་བར་ལས་སླ་བོ་ཞིག་ལས་དཀའ་མོ་བྱས་འདུག་པའི་ཟོ་འདྲ་བོ་ལས་ཅི་ཡང་མཐོང་མ་སོང་། ད་བར་མི་ལོ་༡༠ ཡས་མས་ཀྱི་རིང་ཏུ་དེ་འདྲ་མ་བྱུང་པ་ནི་། གཞུང་གི་འབྲེལ་ཡོད་མི་སྣ་ལ་གོ་རྟོགས་མ་ཡོད་པ་དང་ཕྱག་ལས་ལ་ཧུར་རྩོན་ཆུང་བ་ཏན་ཏན་རེད་ལ། དེས་དབང་གིས་མཐུས་ཤོར་ཡིན་ཏ་ཡིན།
མི་མངས་དཀྱུས་དག་ལ་གོ་རྟོགས་སྤེལ་བས་མ་འདང་བ་ནི་ཇོ་ནང་བ་རང་གི་གནད་ཡོད་མི་སྣ་དང་དགོན་སྡེ་དག་གིས་ཕྱག་ལས་ཀྱི་མ་འདང་བ་རེད། ལྷག་པར་དུ། ༢༠༠༩ ལོ་ནས་རྒྱུན་ལས་དང་ལྡན་པའི་འགྲོ་ཕན་ལྷན་ཚོགས་ཟེར་བའི་འཚོགས་པ་བཙུག་ཡོད་ནི་རེད། འཚོགས་པ་འདིའི་དམིགས་ཡུལ་ཇོ་ནང་བའི་ཐོབ་ཐང་གི་ཆེད་དུ་ཡིན་ནི་རེད། དེ་ཕྱིར་ཁོང་ཚོའི་མི་དམངས་ལ་གོ་རྟོགས་མང་དུ་སྤེལ་ཡོད་དགོས་པར་ཆགས་ཡོད། གལ་ཏེ་ཁྱེད་ཚོས་གསར་འགྱུར་བརྒྱུད་ལམ་ཁག་ནས་ཐང་མང་དུ་མ་གོ་མ་ཚོར་ལུགས་ལ་བལྟས་ན་ཁོང་ཚོས་ཡང་མཐུས་ཤོར་ཆེན་པོ་བཏང་ཡོད་པ་ཏན་ཏན་མ་རེད་དམ།

ད་གང་ལྟར། རྗེས་མ་དྲི་བ་འདྲི་མཁན་བྱུང་ནས། ད་ལྟ་ནང་བཞིན་ཇོ་ནང་བ་དག་ལ་གོ་རྒྱུ་ཚོར་རྒྱུ་མ་ཡོད་ན། དབྱངས་ཅན་སྒྲོལ་མས་ལན་བྱེད་པར་དཀའ་ཚག་མེད་པར་སྣང་བས། ལན་གནང་རོགས་ཞུ་ཟེར་ནས་འབོད་བསྐུལ་ཞི་གི་ཡིན། ད་ང་ཤིན་ཏུ་དགའ་བོ་བྱུང་། ད་དུང་དྲི་བ་གལ་ཆེན་འདྲ་ཡོད་ན་ལན་ཡོད་ངེས་ཡིན།

ཀརྨ་རྡོ་རྗེ་ལགས། གཞུང་ཞབས་ལས་བྱེད་ཚོར་ངས་གང་ཡང་བཤད་མེད་སྔོན་མ་ཤར་སྤྲུལ་བྲིས་པ་དེའི་ཤེས་ཐུབ། བཙན་བྱོལ་བའི་འགྲིག་འཛུགས་གི་ཁོངས་སུ་བཅའ་ཁྲིམས་ཡིག་ཆ་སྟེང་དུ་ས་དགེ་བཀའ་སྙིང་ཇོ་ནང་དང་བོན་པོ་ཞེས་མ་འཁོད་པ་ནི་བཙན་བྱོལ་གཞུང་ཞབས་གནད་ཡོད་ལས་བྱེད་ཁག་གི་འཐུས་ཤོར་བྱས་པ་ཞིག་རེད་སྙམས་ཞུ་ཡོད་དེ་བདེན་དོན་དང་དངོས་ཡོད་ཡིན་རྒྱུ་རེད་མ་གཏོགས་༧གོང་ས་སྐྱབས་མགོན་ཆེན་པོ་མཆོག་གི་གཙོས་བོད་ཀྱི་ཆོས་བརྒྱུད་བླ་ཆེན་ཁག་དང་དགོན་སྡེ་ཁག་ཕན་ཚུན་བར་ལ་དད་པ་དམ་ཚིགས་གཙང་མ་ཡིན་པའི་དཔེ་མཚོན་འདྲ་ཁྱེད་ལ་དགོས་ན་ཡང་ངེས་ར་སྤྲོད་བྱེད་ཆོག

དབྱངས་སྒྲོལ་ལགས།
ཀརྨ་རྡོ་རྗེ་ལགས། ཞེས་པའི་ཚབ་ཏུ། བཙན་བྱོལ་གཞུང་ཞབས་གནད་ཡོད་ལགས་སུ་ཞེས་བཅོས་མི་དགོས་སམ།

དྲང་མོ་བཤད་ན། ཤྰ་རིའི་བུ་མཁས་དྲག་ནས་ངས་ཁོང་གིས་ཅི་ཟེར་ཡང་ཧ་གོ་གི་མི་འདུག་ཏེ།
ཚོད་དཔགས་བྱས་ན་ཇོ་ནང་བ་ཆོས་བརྒྱུད་ཆེན་པོ་ཞིག་མིན་པར་ཆོས་འབྱུང་ཁག་གིས་ར་འཕྲོད་བྱུང་ཡོད་པས་དེ་དག་བསིབ་ན་མ་གཏོགས་ཆོས་བརྒྱུད་འདྲ་མཉམ་གྱི་ཐོབ་ཐང་ནམ་ཡང་མི་ཡོང་པས། རེ་བ་སྟོང་པ་རེད་ཟེར་གི་ཡོད་མདོག་འདུག
འདི་སྡ་རམ་ས་ལར་ཡོད་པའི་ཇོ་ནང་འགྲོ་ཕན་ལྷན་ཚོགས་བཙན་བྱོལ་དུ་དུ་པའི་ཇོ་ནང་བ་དག་གིས་ང་ལས་ལྷག་ཞིག་གི་གོ་བ་ལོན་གྱི་རེད་ལ། ལན་ཡང་འབྱོར་གྱི་རེད་པས་ངས་ཁོང་ཚོའི་ལས་འགན་དུ་འཇོག་གི་ཡིན།
ཀརྨ་རྡོ་རྗེ་ཁྱོད་ཀྱིས་གློག་མ་ཤེས་པ་ཡིན་ནམ། སེམས་རྣལ་དུ་མ་ཕབས་པ་ཡིན། ཞིབ་མོར་གློག་དང་འདིར་དེའི་སྐོར་སྔོན་ནས་འདི་ལྟར་བྲིས་འདུག
ཡང་ཁ་ཅིག་གིས་ཇོ་ནང་ལ་ཆོས་བརྒྱུད་ཀྱི་འདྲ་མཉམ་མཚན་གནས་དེབ་སྐྱེལ་བྱས་ན། ཁ་ཆེ་དང་། ཞྭ་ལི་བ། བོ་དུང་བ་སོགས་ལ་དགོས་པས་མི་རིགས་ཟེར། ཇོ་ནང་པ་ལ་དགོན་སྡེ་དང་ཆོས་ཚོགས་༩༠ ལྷག་ཡོད། མདོ་སྔགས་གཉིས་ཀྱི་འཆད་ཉན་བཤད་གྲྭ་དང་སྒྲུབ་གྲྭ དགེ་འདུན་པའི་སྡེ་ཁྲི་ཡས་མས་ཞིག་དང་། དེ་དག་གི་ལྷ་སྡེ་མི་སྡེ་དང་བཅས་པ་ཡོད་པ་ཀུན་གསལ་ཡིན། བོད་ལ་ཁ་ཆེའི་དགོན་པ་གཅིག་ཀྱང་ཡོད་དམ། བོ་དུང་དང་ཞྭ་ལི་སོགས་ལ་ཐུན་མིན་ཡིག་ཆ་འཛིན་པའི་དགོན་སྡེ་ཡོད་དམ། འདི་དག་ལ་ས་དགེ་བཀའ་རྙིང་ཇོ་ནང་པ་ལྟ་བུའི་ཐུན་མིན་ཁྱད་ཆོས་ཟུར་དུ་མེད་པ་མཁྱེན་གསལ་རེད། དབུ་མ་གཞན་སྟོང་གི་ལྟ་བ་རྩལ་དུ་བཏོན་པ་ཡོད་པ་དང་། དུས་འཁོར་ཆེད་མཁས་པའི་དཔལ་ཇོ་ནང་པའི་ཐུན་མིན་ཁྱད་ཆོས་ལ་འགྲན་ཕོད་མཁན་སུ་ཡང་མེད་མོད། གལ་དེ་ཞྭ་ལི་བ་སོགས་ལ་ཡང་ཆོས་བརྒྱུད་ཆེ་ཆུང་ལ་མ་ལྟོས་པའི་མཚན་གནས་གནང་རིགས་ན་གནང་ཡང་ཅིའི་ཕྱིར་མི་ཆོག
ཞེས་བྲིས་འདུག
རེད་ཡ། བོད་ལ་ཆེ་ས་ནས་དབྱེ་ན་བན་བོན་གཉིས་ལས་མེད་ནི་རེད། བན་དེ་ལ་མང་དུ་དབྱེ་ན་བསྒྲུབ་བརྒྱུད་ཤིང་རྟ་བརྒྱད་ཡོད་པ་ཀུན་ཀྱིས་ཤེས་གསལ་ཡིན། འོན་ཏེ་དེའི་ནང་ནས་བསལ་དེ་ཆོས་བརྒྱུད་ཆེན་པོ་བཞི་ཟེར་དགོས་ཅིེས་ཕྱིར་ཡིན། ཆེ་ཆུང་གིས་ལོས་ཡིན། དེ་ཡིན་ཕྱིན་མི་འགྲིག་པའི་རྒྱུ་མཚན་ཇོ་ནང་པ་ཞྭ་ལི་བ་དང་བོད་པའི་ཁ་ཆེ་བ། བོ་དུང་བ། ཞི་བྱེད་བ་སོགས་ལྟ་བུའི་ཆུང་གྲིས་སུ་བཞག་ན་དངོས་ཡོད་དང་འགལ་བས་རེད། མ་ཟད་ཀུན་གཟིགས་ཕན་ཆེན་མཆོག་གིས་སྐུ་སྲོག་ལ་མ་འཛེམ་པའི་ཕྱག་ལས་གནང་བའི་གྲུབ་འབྲས་ཁག་ལ་ཆེ་མཐོང་དང་གཙིག་འཛིན་མ་བྱས་པར་སོང་མི་འདུག་གམ། དེས་གཞི་ལུས་བོད་མི་དག་ལ་བློ་ཕམ་དང་། བོད་གཞི་བྱེས་གཉིས་ཀྱི་བར་ཐག་ཅེ་རིང་དང་དུ་གཏོང་གི་ཡོད་ནི་རེད། དེ་མི་དགོས་ས་ནས་བྱེད་པ་ཞིག་མ་རེད་དམ། བསམ་བློ་ཞིབ་དུ་ཐོང་དང་།
བཙན་བྱལ་གཞུང་གིས་ཇོ་ནང་བ་ལ་ཐོབ་ཐང་སྤྲོད་མི་རིགས་ནམ་ཡང་གསུང་ཡོད་པ་གོ་མ་མྱོང་། འོན་ཀྱང་ཞིབ་འཇུག་བྱེད་དགོས་ཟེར་བ་དེ། མངོན་གྱུར་ལ་ལྐོག་གྱུར་དཔྱོད་བྱེད་ཀྱི་ངལ་བ་བརྟེན་དགོས་ཟེར་བ་དང་འདྲ་བས། དེ་ནི་འབྲེལ་ཡོད་མི་སྣ་དག གཞི་ལུས་བོད་ལ་རྒྱུས་ལོན་ཤིན་དུ་ཆུང་བའི་མཚོན་རྟགས་ཞིག་དང་། ལེགས་གཉེས་དཔྱོད་པའི་རྣམ་དཔྱོད་ཕྲ་བའི་ཅབ་ཆུང་མ་རེད་དམ་སྙམས། མ་ཟད་གལ་ཏེ་ཞིབ་འཇུག་དགོས་པའི་དབང་ཏུ་བཏང་ན། ལོ་ངོ་བཅུ་ལྷག་དུ་ཞིབ་འཇུག་འདི་བྱས་ཟེར་བ་ཞིག་སྟོན་རྒྱུ་ཡོད་དམ། ནར་འགྱང་འདི་ཙམ་བྱས་ན་དགོས་པ་ཅི་ཡོད། ནར་འགྱང་དེ་ཙམ་བྱས་ན་དེས་ཁོང་ཚོས་ཕྱག་ལས་གཞན་པ་དག་ཡང་ཅི་ཙམ་ཚག་ཚུད་བྱེད་ཀྱི་མཚོན་གྱི་མེད་དམ་སྙམས། ངས་ཡག་པོ་ཞེ་དྲག་དུ་མཐོང་གི་མེད། འོན་ཏེ་ངས་རྒྱལ་གཅེས་པ་དག་དང་གཟེར་གནས་བློ་ལྡན་དག་ལ་དྲི་བ་འདྲི་གི་ཡོད།
དེ་ལས་ཅི་ཡང་མིན། འདི་གསལ་བོ་མ་རེད་མ།

ཀརྨ་རྡོ་རྗེ་ལགས། སྔོན་མ་བོད་ནང་ལ་ཆོས་བརྒྱུད་ཆེན་པོ་འམ་སྒྲུབ་རྒྱུད་ཆེན་པོ་བརྒྱད་ཡོད་པ་བོད་ནང་གི་ལུག་རྫི་རྒད་པོ་ཡན་ཆོད་ཀྱི་ཤེས་པ་ཞིག་རེད། དེ་ཚོ་ཁྱེད་ཀྱི་གོ་མ་མྱོང་བ་དེ་བོད་ཀྱི་རིག་གཞུང་དང་དཔལ་ལྡན་རྒྱལ་བ་ཇོ་ནང་བ་ལ་མཐོང་ཆུང་དང་ཁྱེད་ཀྱི་རང་མཚང་ལྟན་པ་ཞིག་མ་རེད་དམ། ཁྱེད་ཀྱི་ཤེས་འདོད་ཡོད་ན་ད་ལྟ་ཡང་བཤད་སྒྲུབ་གཉིས་ཀྱི་ཕྱོག་ནས་རང་རྐང་ཚུགས་པ་དང་བརྒྱུད་འཛིན་མང་ཤོས་ཡོད་མཁན་ས་དགེ་བཀའ་རྙིང་ཇོ་ནང་རྣམས་རྒྱ་ཆེ་ཤོས་དེ་ཆགས་ཡོད་པ་རེད། གཞན་རྣམས་ཡང་ད་ལྟ་རྩ་བ་ནས་མེད་པ་ག་ལ་ཡིན། དེ་ཡང་ང་ཚོ་བོད་མི་སྤྱི་བོར་གནམ་ལྟན་ཡོངས་ཀྱི་བླ་ན་མེད་པའི་དབུ་ཁྲིད་འཛམ་གླིང་ཞི་བདེའི་དེད་དཔོན་ཆེན་མོ་༧གོང་ས་ཐམས་ཅད་མཁྱེན་པ་མཆོག་དང་༧ཀུན་གཟིགས་པན་ཆེན་ཨེར་ཏི་ཆོས་ཀྱི་རྒྱལ་མཚན་སོགས་ཀྱི་གཙོས་བོད་སྤྱི་ལ་ལྷག་བསམ་ཅན་དང་ཤེས་འཇོན་གཉིས་ལྡན་རྣམས་ཀྱི་༧གོང་ས་མཆོག་གི་གཙོའི་བྱེས་འབྱོར་བོད་པ་ཚོར་བཙན་བྱོལ་ལ་ཡོང་བའི་དམིགས་ཡུལ་གཙོ་བོ་ང་ཚོ་བོད་ཀྱི་ཆོས་དང་རིགས་གཞུང་ཉམས་པ་སླར་གསོ་དང་མི་ཉམས་གོང་འཕེལ་གྱི་ཕྱིར་དུ་བཙུགས་པ་ཞིག་ལ་ངོས་འཛིན་བྱེད་ཀྱིན་ཡོད་པ་རེད། ད་ལྟའི་དུས་སུ་༧གོང་ས་མཆོག་གི་མཛད་པ་ལ་ལྟོས་དང་ར་སྤྲོད་ཐུབ། ཇོ་ནང་བ་ལ་གཟིགས་སྐྱོང་གནང་བཞིན་ཡོད་པ་སོགས་གོང་དུ་གུས་པའི་ཤེས་ཚོད་ལྟར་ཤར་སྤྲུལ་ལ་བྲིས་པ་ཡིན། གུས་པའི་བསམ་ཚུལ་ལྟར་ན་ཆོས་བརྒྱུད་སྤྱི་འཐུས་དགོས་པར་མ་མཐོང་ཆོས་ལུགས་པ་ཚོར་ཆོས་རིགས་ལས་ཁུངས་ཀྱི་འཐུས་པར་སེམས། བཙན་བྱོལ་བའི་འགྲིག་འཛུགས་གི་ཁོངས་སུ་བཅའ་ཁྲིམས་ཡིག་ཆ་སྟེང་དུ་ས་དགེ་བཀའ་སྙིང་ཇོ་ནང་དང་བོན་པོ་ཞེས་མ་འཁོད་པ་ནི་བཙན་བྱོལ་གཞུང་ཞབས་གནད་ཡོད་ལས་བྱེད་ཁག་གི་འཐུས་ཤོར་བྱས་པ་ཞིག་རེད་སྙམས།

མི་ཕམ་མཆོག་ལ་མཚམས་འདྲི་ཡོད།
གུས་གིས་ཞིབ་ལྟ་ལས་ཁྱེད་ཀྱི་ཞིབ་ལྟ་ཡག་པ་འདུག་པའི་དགའ་བ་འཕེལ། ཡིན་ན་ཡང་། ལས་གང་བྱེད་ལ་སྐྱབས་མགོན་རིན་པོ་ཆེ་སོགས་སྐྱེས་ཆེན་རྣམས་གྱི་མཚན་སྨོས་པ་ནི་སྔོན་བྱུང་ཟིན་པའི་ལོ་རྒྱུས་གིས་ནག་ཉེས་ཆེ་ཤོས་ཡིན་ལ་དེང་སང་རང་རེ་གཙན་བྱོལ་གཞུང་དེ་ཡང་ད་བར་འདི་འདྲ་ལྷག་ནས་གོང་ས་མཆོག་གིས་དགོངས་པ་ཞུ་དགོས་པ་སོགས་དེ་ལུགས་ཡིན། སྐབས་དོན་ཞུ་བྱ་ལ་ཅི་ལྟེ་ཇོ་ནང་ལ་ཐོབ་ཐང་མི་སྤྲོད་པ་དེ་སུ་ཡིན་གསལ་པོ་ཞུ་ན་དེ་ནི་ལོ་རྒྱུས་དང་རྒྱལ་རབས་ཆོས་འབྱུང་སོགས་སྔོན་བྱོན་གིས་སྐྱེས་ཆེན་དམ་པ་རྣམས་པའི་གཡོ་སྒྱུ་དང་ཞེན་ཕྱོགས་སོགས་གྱིས་དྲི་མ་མ་གོས་པ་གསུང་རྩོམ་དག་ཡིན་པའི་དེ་ཚོ་ས་གཞི་འདི་ལ་གཏན་ནས་མེད་པ་བཟོ་ཐུབ་པའི་ནུས་པ་ཞིག་ལྡན་ཚེ་གཞི་ནས་ཐོབ་ཐང་ལ་རེ་བ་ཡོད་།

མི་ལུས་ཐོབ་ཀྱང་ཐོབ་ཐང་མི་རག་པ།
ཕམ་པ་ལ་ནི་ལོ་རྒྱུས་དཔང་པོ་ལངས་།
ཚང་མ་དུས་རབས་འདི་ལ་བལྟ་བཞིན་འགྲོ།
ཐིག་ནག་འོག་ནས་ཁྱེད་རང་ལུས་པ་འཚར།

ཤར་མཁན་སྤྲུལ་མཆོག་གིས་གསུང་པ་ལ་ཞིབ་ལྟ་བྱེད་དུས་རྒྱ་མིས་གིས་གནང་པའི་ཐོབ་ཐང་དེ་རྩོད་གིས་ཡོད་ས་འདུག་ག ལོ་རྒྱུས་དང་ཆོས་འབྱུང་སོགས་རྩིས་མེད་གནང་ཏེ་རང་ཉིད་ཁེ་ཕན་གིས་ཆེད་དུ་རྒྱ་གུང་ཕྲན་གྱིས་བྱེད་ལུགས་དེ་འདི་འདྲ་བེད་སྤྱོད་གནང་ན་བློ་ཕམ་འདུག དེ་འདྲ་ཡིན་དུས་ཁུངས་ལུང་གང་ཡང་མེད་པ་ཐོབ་ཐང་བསྐོར་གླེང་ཡོང་དུས་དེ་ནི་ཕུག་ལ་གཞན་ཞིག་གིས་གནོད་ཤུགས་ཡོད་པ་ཡིན་དུས་དེ་ཚོ་རིགས་ལ་མཁྱེན་ལྡན་རྣམས་པའི་ཟབ་དགོས། དེང་སང་གཞི་བྱེས་གཉིས་སུ་དམ་ཚིག་མ་ཉམས་པ་དཔལ་ལྡན་ས་སྐྱ་པ་ལྟ་བུ་རེ་གཉིས་ཡོད་པ་དེ་ལ་ཡང་གནོད་སེམས་བྱེད་ཡོང་དུས་གཏན་གཏན་ཟབ་ཟབ་གནང་དགོས།

ད་ཡང་ཆོས་ལུགས་ཀྱི་རྙོམས་སྒྲ་རེད་འདུག་ཨ་ཁ་ཁ་དེ་མི་རིགས་ཀྱི་འཐབ་རྩོད་ཡིན་ན་ཅི་མ་རུང་ཨང།

དབྱངས་ཅན་སྒྲོལ་མས་གསུང་ལ་ལྟོས་དང་།
{ ཤར་མཁན་སྤྲུལ་གྱི། ཙན་བྱོལ་བོད་གཞུང་གིས་ཇོ་ནང་ལ་ཆོས་བརྒྱུད་སྤྱི་མཚུངས་ཀྱི་མཚན་ཐོབ་དེབ་སྐྱེལ་གནང་ཡོད་པ་མ་རེད་ཟེར་འདུག་དེ་ལ་དམིགས་ཡུལ་དང་དགོས་པ་ཞིག་ཡོད་རྒྱུ་རེད། དེ་ལ་དགོས་པ་ཞིག་ཡོད་ན་ཇོ་ནང་བ་ནང་བ་ཡིན་མིན་དང་བོན་པོ་ཡིན་མིན་སོགས་དགོས་མེད་མང་པོ་མི་བྱེད་པར་གསལ་བཤད་ཞིག་བྱས་ན་ལེགས།
དེ་འདྲེའི་རིགས་སྐུ་ངོ་ཞིག་གསུང་མེད་པ་མ་ཟད་གླེན་པ་ང་འདྲ་ཞིག་ཡིན་རུང་དེ་འདྲ་མི་བཤད་ཁོ་ཐག་ཡིན་དེ་ལྟར་གསུང་ན་དགོས་པ་མེད། }ཟེར།
ཁྱོད་ཀྱི་བཤད་པ་རི་བོའི་ངོས་ཆེན་དུ། ཡིག་སྐྱོན་ཆུ་འཛིན་ནག་པོས་གཡོག་འདུག་པས། །དོན་ཀྱི་ལྗོན་ཤིང་ཡོད་ཀྱང་མི་མཐོང་བས། །དེང་ཕྱིན་དགག་ཡིག་འབྲི་ན་དག་ཆ་གཅེས། །
དེའི་ལྷག་མ་ཁྱོད་ཀྱིས་གསུང་ཚད་ནི་ཁྱོད་ཀྱིས་ངས་ཅི་ཞིག་གླེང་གི་ཡོད་ཀྱི་ཕྱོགས་ཙམ་ཡང་མ་གོ་བས་ཉོགས་གཏམ་ལས་མི་འདུག་པས་ལན་རྒྱབ་རིན་ཙམ་ཡང་མེད་པ་གློག་མཁན་དག་གིས་ཤེས་སླ།
{ Samten ཟེར་བ་ཞིག་གིས།
ཁྱོད་ཀྱིས་ག་ཚོད་ཀྱི་བགྲེལ་བཤད་རྒྱག་རུང་མདོར་བསྡུས་ནས་བཤད་ན་ཡང་ཇོ་ནང་ལ་དམིགས་བསལ་གྱི་སྤྱི་འཐུས་དགོས་ཟེར་བ་དེ་རེད་། ཁྱོད་དངོས་གནས་ཇོ་ནང་གི་ཆོས་བརྒྱུད་འཛིན་མཁན་ཞིག་ཡིན་ན་སློབ་སྦྱོང་གི་ཕྱོགས་ཡར་རྒྱས་གཏོང་དགོས་བ་ལས་སྤྱི་འཐུས་མེད་ན་ཁྱོད་ཚོ་ཆོས་ཕྱོགས་ལ་སློབ་སྦྱོང་བྱེད་རྒྱུའི་བར་ཆད་གང་འདུག
ཁྱོད་ཚོའི་དམིགས་ཡུལ་ནི་ཆོས་བརྒྱུད་གྱི་མིང་ཁ་ལ་འཁྱེར་ནས་གོ་གནས་རྩོད་རྒྱུ་དེ་མ་རེད་དམ། ཟེར། }
ངས་སྤྱི་མཐུས་དགོས་ཞེས་ཁ་ལ་ཁྱེར་མེད་ཡང་ཁྱེད་ཀྱིས་བཟོས་འདུག་པ་ལ་དམིག་ཡུལ་ཞིག་ཡོད་རྒྱུ་རེད། གལ་ཏེ་ཡིན་དུ་ཆུག་ཀྱང་། ཁྱོད་ཀྱིས་ཆོས་བརྒྱུད་གཞན་དག་ལ་བསློབ་སྦྱོང་དང་སྤྱི་མཐུས་གཉིས་ག་དགོས་ཀྱང་། ཇོ་ནང་ལ་བསློབ་སྦྱོང་ལས་སྤྱི་མཐུས་དགོས་དོན་མེད་པར་དམ་བཅས་པ་ཡིན་ནམ། མ་ཟད་ངེད་ཅག་གིས་དུས་བབ་ཐོག་ཏུ་སྤྱི་དོན་གླེང་དུས་ཁྱེད་ཀྱིས།
{ ཁྱོད་ཚོ་རྗེས་ལུས་ཐེབས་འདུག་གང་ཡིན་ཟེར་ནས་དེང་སང་ཆབ་སྲིད་དང་ཆོས་སོ་སོ་དབྱེ་པའི་དུས་ལ་སླཻབས་ཚར་རེད། གོང་ས་མཆོག་གིས་གསུང་ཁྱོད་མ་གོ་བ་ཨི་རེད། }
ཟེར་བ་སོགས ཕྱོགས་རིས་དང་མི་རྒེར་ལ་སྡང་སེམས་དམའ་འབེབས་བྱེད་པ་འདི། ཉིད་ཀྱིས་གང་ཞིག་ལ་ངོ་དགའི་ཆེད་དུ་བྲིས་པ་འདྲ་བོ་ལས་དོན་འབྲས་དབེན།
མདོར་ན་ཁྱེད་གཉིས་པོའི་སེམས་ལ་སྡང་སེམས་ཆེན་པོ་འཁོར་འདུག་ཏེ། གླེང་རྟེགས་འདི་མི་དགེར་ཕན་ཚན་མཁོན་འཛངས་བྱེད་ས་མ་ཡིན་པ་ཤེས་པར་བྱོས་ལགས།

ཤར་མཁན་སྤྲུལ་གྱི། ཙན་བྱོལ་བོད་གཞུང་གིས་ཇོ་ནང་ལ་ཆོས་བརྒྱུད་སྤྱི་མཚུངས་ཀྱི་མཚན་ཐོབ་དེབ་སྐྱེལ་གནང་ཡོད་པ་མ་རེད་ཟེར་འདུག་དེ་ལ་དམིགས་ཡུལ་དང་དགོས་པ་ཞིག་ཡོད་རྒྱུ་རེད། དེ་ལ་དགོས་པ་ཞིག་ཡོད་ན་ཇོ་ནང་བ་ནང་བ་ཡིན་མིན་དང་བོན་པོ་ཡིན་མིན་སོགས་དགོས་མེད་མང་པོ་མི་བྱེད་པར་གསལ་བཤད་ཞིག་བྱས་ན་ལེགས།
དེ་འདྲེའི་རིགས་སྐུ་ངོ་ཞིག་གསུང་མེད་པ་མ་ཟད་གླེན་པ་ང་འདྲ་ཞིག་ཡིན་རུང་དེ་འདྲ་མི་བཤད་ཁོ་ཐག་ཡིན་དེ་ལྟར་གསུང་ན་དགོས་པ་མེད།
ཇོ་ནང་ཆོས་བརྒྱུད་ལ་ཆོས་བརྒྱུད་སྤྱི་མཚུངས་ཀྱི་ཐོབ་ཐང་ཡོད་པ་རེད༧གོང་ས་མཆོག་གིས་ཆོས་བརྒྱུད་གཞན་ལས་ལྷག་པའི་དགོན་གཞིས་གསར་འདེབས་བྱས་ཡོད་པས་སྒྲུབ་བྱེད་མང་དུ་ཁྱེད་ཀྱི་གསུང་འདུག་པ་དེ་ཚོ་ཆོས་བརྒྱུད་ཕྱི་མཚུངས་ཀྱི་ཐོབ་ཐང་མེད་པ་ག་ལ་ཡིན། ༧གོང་ས་ཐམས་ཅད་མཁྱེན་པ་མཆོག་གི་དགོན་གཞི་གསར་འདེབས་དང་དམིགས་བསལ་བཤད་སྒྲུབ་ཀྱི་རྟེན་གཞིས་གསར་འཛུགས་བྱས་ནས་རྒྱབ་སྐྱོར་བྱས་ཡོད་པ་ཁྱེད་གཅིག་པོའི་བཤད་པ་ཙམ་ག་ལ་ཡིན། དེ་ཡང་མི་ཚང་མར་རླུང་ལྟར་གྲགས་བཞིན་ཡོད་པ་རེད། དེ་ལ་འགོགས་རྐྱེན་དང་ཁ་ཐུག་བྱེད་མཁན་གཅིག་ཀྱང་མེད་པ་ངས་ཁ་ཚོད་བཅད་ཆོག རྒྱ་བལ་འབྲུག་གསུམ་ན་ཡོད་པའི་ཇོ་ནང་བའི་དགོན་སྡེ་ཁག་གི་བཤད་སྒྲུབ་ཀྱི་བྱ་བ་དང་ཐོས་བསམས་སྒོམ་གསུམ་ཆོས་བརྒྱུད་གཞན་དང་གཅིག་མཚུངས་བྱེད་བཞིན་ཡོད་པ་མ་ཟད་རྡོར་ལྡན་སྨོན་ལམ་ཆེན་མོ་ཡང་ཆོས་བརྒྱུད་གཞན་དང་གཅིག་མཚུངས་ཚོགས་བཞིན་ཡོད་པ་སོགས་ལ་འགོགས་རྐྱེན་བྱེད་མཁན་ཡོད་པ་གོ་ཐོས་ཙམ་ཡང་མི་འདུག

རྒྱ་མཚན་ཡང་དག་འདྲ་ཡོད་ན་བཤད་ན་ལེགས་དགོས་མེད་མ་བཤད་ལོ།