ཨ་རིའི་ཕོ་བྲང་དཀར་པོས་ཕྱི་ཚེས་ ༡༦ ཉིན་སྲིད་འཛིན་ཨོ་བྷ་མས་༸གོང་ས་མཆོག་ལ་མཇལ་འཕྲད་གནང་སྟེ། བོད་ཀྱི་རིག་གཞུང་དང་འགྲོ་བ་མིའི་ཐོང་ཐང་སྐོར་ལ་བཀའ་མོལ་གནང་རྒྱུ་ཡིན་པ་བསྒྲགས་འདུག
དེ་རིང་ཕྱི་ཚེས་ ༡༦ ཉིན། ཨ་རིའི་ཕྲོ་བྲང་དཀར་པོས་སྲིད་འཛིན་ཨོ་བྷ་མ་༸གོང་ས་མཆོག་དང་མཇལ་འཕྲད་གནང་རྒྱུ་ཡིན་པ་བསྒྲགས་ཡོད་པ་དང་། མཇལ་འཕྲད་སྐབས་ཨ་རིའི་ངོས་ནས་བོད་ཀྱི་རིག་གཞུང་དང་བོད་མིའི་འགྲོ་བ་མིའི་ཐོབ་ཐང་སྲུང་སྐྱོབ་ཀྱི་ཐད་ལ་རྒྱབ་སྐྱོར་ཤུགས་ཆེན་པོ་གནང་རྒྱུ་ཡིན་པ་གསལ་བསྒྲགས་གནང་འདུག ཐེངས་འདིའི་མཇལ་འཕྲད་དེ་ཨ་རིའི་ཕོ་བྲང་དཀར་པོའི་དཔེ་མཛོད་ཁང་དུ་དུས་ཡུན་སྐར་མ་ ༣༠ རིང་གནང་རྒྱུ་ཡིན་འདུག
ཨོ་བྷ་མ་༸གོང་ས་མཆོག་ལ་མཇལ་འཕྲད་གནང་རྒྱུ་ཡིན་པའི་གནས་ཚུལ་བསྒྲགས་མ་ཐག ཨ་རིར་གནས་སྡོད་རྒྱ་ནག་གཞུང་ཚབ་ཀྱིས་མཇལ་འཕྲད་དེ་ཕྱིར་འཐེན་བྱ་དགོས་ལུགས་བརྗོད་ཡོད་པར་མ་ཟད། རྒྱ་ནག་ཕྱི་འབྲེལ་ལྷན་ཁང་གི་མགྲིན་ཚབ་པ་ཧོང་ཧྲི་ཡིས་“ང་ཚོས་རྣམ་པ་གང་རུང་གི་ཐོག་ནས་ཏཱ་ལའི་བླ་མ་དང་མཇལ་འཕྲད་གནང་རྒྱུར་མཐའ་གཅིག་ཏུ་ངོ་རྒོལ་ཡོད་” ཅེས་བརྗོད་དེ། རྒྱ་གཞུང་གི་ངོས་ནས་ཨ་རིའི་སྲིད་འཛིན་ཨོ་བྷ་མ་༸གོང་ས་མཆོག་ལ་མཇལ་འཕྲད་གནང་རྒྱུར་ངོ་རྒོལ་བྱས་ཡོད་འདུག
སྔོན་མ་ཕྱི་ལོ་ ༢༠༡༠ ཟླ་ ༢ ཚེས་ ༡༨ ༸གོང་ས་མཆོག་དང་སྲིད་འཛིན་ཨོ་བྷ་མ་རྣམ་གཉིས་ཕོ་བྲང་དཀར་པོའི་ཁང་བརྩེགས་འོག་མའི་ས་ཁྲའི་ཁང་ཆེན་ནང་མཇལ་འཕྲད་ཐེངས་དང་པོ་དེ་གནང་ཡོད་པ་རེད།
གསར་འགོད་པ། ཚེ་རིང་རྒྱལ།
སྲིད་འཛིན་ཨོ་བྷ་མ་དང་༸གོང་ས་སྐྱབས་མགོན་ཆེན་པོ་གཉིས་འཇལ་འཕྲད་བྱུང་བ་ཧ་ཅིང་ཡག་པོ་རེད།་ རྒྱལ་ལོ་རྒྱལ་ལོ་བོད་རྒྱལ་ལོ།
སྲིན་འཛིན་བྷ་རག་ལ་བསོད་སྡེ་ཆེན་པོ་ལྡན་ཟིག
གནས་ཚུལ་འདི་ནི་༧་གོང་ས་མཆོག་གི་གཟི་བརྗིད་དང་རང་རིགས་བོད་མི་ཡོངས་ལ་སྤྲོ་བ་འཕེལ་བའི་གཏམ་བཟང་ཞིག་ཡིན་དང་།
རྒྱ་ནག་ལ་ཡང་གདའ་ལན་གསར་པ་ཞིག་་ཡིན་པ་རེད་འདུག།
བོད་རྒྱལ་ལོ།
དེ་རིང་༧གོང་ས་མཆོག་དང་ཨོ་བྷ་མགཉིསམཇལའཕྲད་གནང་བ་དེ་ལ་བོད་མི་ཕལ་ཆེར་ལ་དགའ་ཚོར་ཚད་མེད་དང་རེ་བ་དང་ཡིད་ཆེས་ཀྱང་ཆེར་སོང་ཡོད།་ དགའ་ཚོརསྐྱེས་འོས་ཀྱང་ཆབ་སྲིད་ཀྱི་འཐད་ལ་རེ་བ་དང་ཡིད་ཆེས་གང་ཡང་བྱེད་རྒྱུ་མེད་དེ། ཨོ་བྷ་མ་ནི་བོད་མི་རིགས་དེ་རྒྱ་མི་ཀྱི་ཆ་ཤས་རེད་ཟེར་མཁན་མི་མཐའ་ཤ་ཅན་ཞིག་ཡིན་པའི་ཕྱིར་རོ།
འོ་ད་རེས་ཡིན་ན་མགྲོན་པོ་ཁྱིམ་ལ་སླེབས་དུས་ཨོ་བྷ་མ་ཡང་འཛམ་གླིང་མི་མང་ལ་ངོ་ཚ་ནས་༸གོང་ས་མཆོག་དང་མི་མཇལ་ཐབས་མེད་ཞིག་བྱུང་བ་མིན་ནམ། དེ་ལྟར་མ་བྱས་ན་སྟོབས་ཆེན་ཨ་རི་ཟེར་བའི་མིང་དེ་འཛམ་གླིང་ལ་ཇི་ལྟར་འགྲེལ་བཤད་རྒྱག ད་ཡིན་ན་སྐྱིད་གི་འོ་བྷ་མ་ཡང་། མི་གཏོང་རྒྱུ་རེད་ལག་པ་རེད། གཏོང་རྒྱུ་རེད་དཀར་ཡོལ་རེད། ཅེས་པའི་དཔེ་ལྟར་རེད། ད་བལྟ་དགོས་ཡ་འཁྲུགས་པོ་འདུག ཧ་ཧ་་་་
༧གོང་ས་མཆོག་ཨ་རིའི་སྲིད་འཛིན་ཨོ་བྷ་མ་དང་མཇལ་འཕྲད་གནང་པ་འདི་ནི་ཨོ་བྷ་མ་རིང་ཉིད་ཀྱི་གཟི་བརྗེད་ཡིན་པ་མ་ཟད་ཨ་རིའི་མི་མང་གི་ཁོང་ལ་ཡིད་ཆེས་ཆེ་རུ་བྱིན་ཡོད་པ་རེད་བསམ་གྱི་འདུག་གང་ཡིན་ཟེར་ན་༧གོང་ས་མཆོག་ལ་དགའ་མཁན་ཨ་རིའི་གྲོས་ཚོགས་གོང་འོག་གི་འཐུས་མི་རྣམས་ཀྱི་ཁོང་ལ་༧གོང་ས་མཆོག་དང་མཇལ་འཕྲད་གནང་རོགས་ཞེས་གསུང་གི་ཡོད་པ་དེ་རེད་འདྲ་སོང་ཙང་ཨ་རིའི་མི་མང་གི་ཁོང་ལ་རྒྱབ་སྐྱོར་ཡོད་པ་རེད། རྒྱ་ནག་དམར་ཕྱོགས་རྒྱལ་ཁབ་ཚང་ངོ་ཚ་བྱེད་དགོས་བྱུང་པ་རེད་དེ་ནི་དྲང་བདེན་ལ་དགའ་མཁན་མི་མང་གི་ཁོང་ཚོ་ལ་གནོད་ཤུགས་སྤྲད་པ་ཞིག་རེད། འདི་ལྟར་དམར་ཕྱོགས་ཚང་ངོ་ཚ་བྱུང་པ་འདི་ཁོང་ཚོ་ལ་ལན་ཞིག་སྤྲད་པ་རེད་བསམ་བྱུང་དྲང་བདེན་མ་བྱས་ན་འགྲོ་ས་མེད་པ་བསྟན་པ་ཞིག་རེད་དྲན་སོང་། བོད་རྒྱལ་ལོ།
འདི་གཏམ་བཟང་ཞིག་རེད། འོན་གྱང་ད་ངས་འདི་ནས་ཨོ་བྷ་མ་ལས། ཨ་རིའི་མི་དམངས་དང་ལྷག་པར་དུ་གྲོས་ཚོགས་མཐུས་མི་རྒྱབ་སྐྱོར་གནང་མཁན་དག་ལ་ཆེད་དུ་བཀའ་ཀྲིན་སྙིང་བཅིང་གིས། བཀའ་དྲིན་ཤིན་ཏ་ཆེ་ཞུ་རྒྱི་ཡིན། ང་ཚོ་བོད་པ་ད་ལྟ། བྱ་གྲིབ་ཀྱི་འཁྱག་དུས། ཁ་རླང་གིས་ཀྲོ་དུས་ལ་སླེབས་ཡོད། ཞུ་རྒྱུ་ཡིན།
ཞོར་དུ་བོད་རིགས་སྤུན་ཟླ་ཚོ་ཀུན་ལ་ཞུ་རྒྱུ་ཞིག་ལ། ཇོ་ནང་བ་ཁོ་ན་སའི་གོ་ལའི་ཐོག་གྱི། དཔལ་དུས་ཀྱི་འཁོར་ལོའི་ཉམས་བཞེས་ཀྱི་ཆེད་ལས་སྲོག་འཛིན་པ་ཡིན་པ་ཤེས་ཀྱི་ཡོད་དམ། གལ་ཏེ་མེད་ན། དུས་བབ་ཐོག་གཟིགས་དང་དེར་རྒྱས་པ་ཡོད་ལགས།
དེ་ནི་ཨོ་བྷ་མའི་གཟི་བརྗིད་ཅིག་ལས་༧གོང་ས་མཆོག་ལ་མཚོན་ན་ནག་རིལ་དེ་དང་མ་མཇལ་ཡང་ཆོག་པ་རེད། སྲིད་ཕྱོགས་ནས་བསམ་ན་རྒྱ་ནག་ལ་ལན་ཞིག་སྤྲད་པ་རེད།
དགའ་བསུ་དང་རྟེན་འབྲེལ་ཞུ། དམར་གཞུང་དོགས་པ་རྣམ་རྟོག་ཚ་སྟབས། སྐད་ངན་ཤོར་གྱི་འདུག
གནས་ཚུལ་འདི་དེ་སྔོན་ནས་ཆབ་སྲིད་དབྱེ་ཞིབ་པ་མང་པོས་ཚོད་དཔག་བྱས་ཐུབ་ཡོད་པ་རེད། སྲིད་འཛིན་ཨོ་བྷ་མས་མཇལ་འཕྲད་འདི་ཨ་རི་མི་དམངས་དང་གྲོས་ཚོགས་ཀྱི་གནོན་ཤུགས་ལ་བརྟེན་ནས་བྱུང་བ་ཞིག་ཀྱང་རེད།