དེ་རིང་དབུས་གཙང་སྤྱི་འཐུས་ཀྱི་འོས་བསྡུ་འཕར་མའི་སྔོན་འགྲོའི་གྲུབ་འབྲས་གསལ་བསྒྲགས་བྱས་པར། ཨང་དང་པོ་ཟླ་བ་ཕུན་སྐྱིད་ལགས་སུ་འོས་གྲངས་ ༣༦༩༡ དང་། ཨང་གཉིས་པ་འཇིགས་མེད་འབྱུང་གནས་ལགས་སུ་ ༣༡༥༦ ། ཨང་གསུམ་པ་ཨོ་རྒྱན་བསྟན་འཛིན་ལགས་སུ་ ༢༤༨༦ བཅས་རེད།
དེ་རིང་ཞོགས་པ་ཆུ་ཚོད་ ༡༠ བའི་ཐོག་གངས་སྐྱིད་ཕྱི་དྲིལ་ལྷག་པ་ཚེ་རིང་ཚོགས་ཁང་དུ། དབུས་འོས་བསྡུ་ལྷན་ཁང་གིས་སྐབས་བཅོ་ལྔ་པའི་དབུས་གཙང་སྤྱི་འཐུས་འོས་བསྡུ་འཕར་མའི་སྔོན་འགྲོའི་འོས་བསྡུའི་གྲུབ་འབྲས་ཕྱིར་བསྒྲགས་བྱས་པ་ལྟར་ན། ཟླ་སྔོན་མའི་ཚེས་ ༡༩ ཉིན་རྒྱ་བལ་འབྲུག་གསུམ་གྱི་ས་གནས་ཁག་ཏུ་ཉིན་བརྒྱ་དུས་གཅིག་ལ་འོས་བསྡུ་འཕར་མའི་སྔོན་འགྲོ་བླུགས་ཡོད་ཅིང་། ཐེངས་འདིའི་སྔོན་འགྲོའི་འོས་གཞིའི་ནང་ས་གནས་ཁག་ ༥༦ ཙམ་ནས་དེབ་སྐྱེལ་བྱེད་མཁན་ ༤༥༨༧༤ བྱུང་ཡོད་པའི་ཁྲོད། དངོས་སུ་ཆ་ཤས་ལེན་མཁན་ ༡༥༤༥༥ བྱུང་སྟེ། མཐར་འོས་མི་ ༡༠ སྐབས་བཅོ་ལྔ་པའི་དབུས་གཙང་སྤྱི་འཐུས་སུ་བདམས་ཐོན་བྱུང་འདུག་ལ། དེ་དག་ལས་ཟླ་བ་ཕུན་སྐྱིད་ལགས་སུ་ ༣༦༩༡ དང་། འཇིགས་མེད་འབྱུང་གནས་ ༣༡༥༦། ཨོ་རྒྱན་བསྟན་འཛིན་ ༢༤༨༦། པདྨ་རྡོ་རྗེ་ ༡༦༩༣། ཆེ་བརྟན་ནོར་བུ་ ༡༤༡༥། རིན་ཆེན་ཚེ་རིང་ ༡༣༦༣། ཚེ་རིང་དབང་ཕྱུག་ ༡༣༣༥། བསོད་ནམས་བཟང་པོ་ ༡༡༧༩། སྒོ་དྲུག་སྐལ་བཟང་ཕུན་ཚོགས་ ༡༠༡༥། བྱ་ཉང་ཚེ་རིང་ལྷ་སྐྱབས་ ༩༨༧ བཅས་ཡིན་འདུག
གསར་འགོད་ལྷན་ཚོགས་ཐོག་དབུས་འོས་བསྡུའི་འགན་འཛིན་འཇམ་དཔལ་ཆོས་བཟང་ལགས་ཀྱིས་བརྗོད་པ་ལྟར་ན། གོང་གསལ་འོས་མི་བཅུ་ལས་ ༤ དངོས་གཞིའི་འོས་མིར་བདམས་འཆར་ཡོད་འདུག ཐེངས་འདིར་འོས་བསྡུའི་ནང་དེབ་སྐྱེལ་བྱེད་མཁན་མང་པོ་བྱུང་ཡོད་ནའང་། འོས་བསྡུའི་ཆ་ཤས་དངོས་སུ་ལེན་མཁན་དེ་ཙམ་བྱུང་མེད་སྟབས། མ་འོངས་པའི་དངོས་གཞི་འོས་བསྡུ་སྐབས་མང་ཚོགས་ནས་སྔར་ནས་དོ་སྣང་བྱ་དགོས་སྐོར་བརྗོད་ཡོད། དངོས་གཞི་འོས་བསྡུའི་ཉིན་མོ་དེ་དང་ཐོག་ཕྱི་ཟླ་ ༩ པའི་ཚེས་ ༡༡ ཉིན་གཏན་འཁེལ་བྱས་ཡོད་ཀྱང་། འདེམས་ཐོན་སྤྱི་འཐུས་གཉིས་ཕྱི་ཟླ་དགུ་པའི་གྲོས་ཚོགས་སུ་བཅར་རྒྱུར་དམིགས་ཏེ། ཕྱི་ཟླ་ ༩ ཚེས་ ༤ ཉིན་སྔ་བསྣུར་བྱས་ཡོད་ཟེར།
གསར་འགོད་པ། དཔལ་ལྡན།
![A large crowd walks in a market area outside Dadar station in Mumbai, India, Friday, March 17, 2023. [AP Photo/Rajanish Kakade]](https://tibettimes.net/wp-content/uploads/2026/04/Screen-Shot-2026-04-02-at-5.36.58-PM-360x180.png)
ཟླ་བ་ཕུན་སྐྱིད་ལ་བཟོ་ལྟ་གལ་ཡོད་པ་མ་རེད། ཁོས་གོ་སྐབས་འདྲ་མིན་དམ་འཛིན་བྱས་ནས་སྔོན་འགྲོའི་འོས་ཤོག་ཆེད་བདེ་ལེགས་སྨན་ཁང་གི་ལས་འཆར་ལ་འགྱུར་བ་བཏང་ནས་སྔ་བསྣུར་གྱིས་ལ་དྭགས་སོགས་ཡུལ་གྲུ་འགའ་ཞིག་ལ་གཞུང་གི་འགྲོ་གྲོན་དང་གོ་སྐབས་བེད་སྤྱད་ནས་རང་དོན་བསྒྲུབས་པ་གསལ་པོ་རེད་འདུག རྒྱ་ཆེའི་སྤུན་ཟླ་ཚོ་ཡིད་མ་ཆེས་ན་བདེ་ལེགས་སྨན་ཁང་གི་ལས་འཆར་ལ་ཞིབ་འཇུག་བྱོས་དང་ཁ་གསལ་ཆགས་ཡོང་། ད་བར་དུ་ཁ་ཕྱོགས་གསལ་པོ་མེད་པརཨ་ཁུ་་ཁྲོ་ཐུང་ངོ་མ་བྱས་ནས་བསྡད་པ་ལས་ངོ་གདོང་དམར་བརྗེན་དེ་ད་དུང་ཡང་གསལ་པོར་རྟོགས་ཐུབ་མེད་པ་རེད། འོས་བསྡུ་ཆེན་མོའི་སྐབས་ཁོང་ལ་བརྒྱ་ཆ་མ་ལོངས་པ་དེ་ཡང་མི་དམངས་ཀྱིས་གནས་ཚུལ་རོབ་ཙམ་ཤེས་པས་ཡིན། ད་ཐེངས་འདི་འདྲ་ཆགས་པ་ནི་གོང་ཞུས་ཀྱི་ས་གནས་འགའ་ཞིག་ལ་ཆེད་བསྐྱོད་ཀྱིས་ཟློས་གར་འཁྲབ་ནས་བྱུང་བ་ཞིག་རེད། དངོས་གནས་སྤྱི་དོན་ལ་བསམས་ནས་འོས་བླུག་འདོད་ཡོད་ན་ཨོ་རྒྱན་བསྟན་འཛིན་དང་འཇིགས་མེད་འབྱུང་གནས་གཉིས་ལ་བླུག་ན་བྱས་རྗེས་ཡོད་མཁན་གཉིས་རེད་འདུག
མི་གྲངས་མང་བའི་དབུས་གཙང་ཆོལ་ཁའི་མི་༣༠༤༡༩ག་བ་ཕྱིན་པ་ཡིན་ན་ཡང་བོད་དོན་ལ་སེམས་ཤུག་མེད་པ་ཡིན་ནམ་ཡང་ན་དབུས་གཙང་ཆོལ་ཁ་ལ་སྤྱི་མཐུན་བརྒྱད་ལས་མི་དགོས་པ་ཡིན་ཡང་སྲིད་གང་རྟལ་བོད་གཞུང་གི་སྒོར་མོ་ཆ་ཚང་ཚར་སོང་
ཨ་ཁྱེད་མཚར། དེབ་སྐྱེལ་བྱེད་ངེས་ལས་དངོས་དུ་འོས་བླུགས་ངེས་བརྒྱ་ཆ་སུམ་ཅུ་སོ་གསུམ་ལྷག་ཙམ་ལས་མི་འདུག
འདིའི་འོས་དངོས་གཞིའི་སྐབས་འོས་ཐོབ་པ་ཚོར་སྤྱི་འཐུས་ཀྱི་སྤྱིའི་བརྒྱ་ཆ་མ་ལོང་པའི་ཉེན་ཁ་མེད་པ་རེད་མི་འདུག་པས། སྐབས་དེ་དུས་ག་རེ་བྱ་རྩིས་ཡོད་ན།
ད་རེས་དབུས་གཙང་འོས་འཕར་མའི་འོས་གྲངས་གཉིས་ནས་གཅིག་སྨན་སྩིས་སློབ་དཔོན་སྨན་རམས་པ་པདྨ་རྡོ་རྗེ་ལགས་སུ་དབུས་གཙང་བོད་མི་ཡོད་དོ་ཅོག་ནས་འོས་ཐོབ་པ་གནང་ཐུབ་ན་བཙན་བྱོལ་སྤྱི་ཚོགས་ཀྱི་འཕྲོད་བསྟེན་དང་ཡངས་དགོས་བོད་ཀྱི་སྨན་རྩིས་གཉིས་་ཀྱི་གཞུང་འདི་འཛམ་གླིང་སྡེང་ཆར་ཟེངས་སུ་སྟེགས་ཐུབ་པའི་རེ་བ་ཆེན་པོ་ཡོད་བོད་མི་ཚངས་མས་སྐྱོན་དང་ཡོན་ཏན་གཉིས་ཀ་ལྟས་ཏེ་འདམས་ཆ་བྱ་དགོས་པ་ལས་སྐྱོན་ཁོ་ན་གཟིགས་ན་ནོར་བ་རེད་་་་་་་སྐྱོན་མེད་ཀྱི་གང་ཟག་ནི་ཡོང་མི་སྲིད་དོ་
ཟླ་བ་ཕུན་སྐྱིད་དང་། ཨོ་རྒྱན་བསྟན་འཛིན་རྣམ་གཉིས་དྲག་ཤོས་རེད་འདུག་བསམ་བྱུང་།
བོད་ཆས་ཙམ་ཡང་མི་གྱོན་མཁན་འདི་བོད་བསྟན་པ་ཆབ་སྲིད་ཀྱི་ལས་ཀ་ཞིག་འགྲུབ་རྒྱུུ་ཕལ་ཞོག་ངོ་མ་ཞབས་འདྲེན་རེད