མདུན་ངོས།
About Us
Advertisement
བོད་ཀྱི་དུས་བབ།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
བོད་ཀྱི་དུས་བབ།
No Result
ཆ་ཚང་གཟིགས།

སྐད་ཡིག་སྲུང་སྐྱོབ་ཀྱི་བསམ་ཚུལ་ཕྱོགས་སྡོམ།

བོད་ཀྱི་དུས་བབ།
༢༠༡༡/༠༧/༡༨
Share on FacebookShare on TwitterShare on EmailShare on Whatsapp

ཁ་སང་གཟའ་ཉི་མའི་ཉིན་གངས་སྐྱིད་དུ་བོད་སྐད་ཡིག་སྐོར་གྱི་བགྲོ་གླེང་ཚོགས་འདུ་ཞིག་ཚོགས་ཏེ། མ་འོངས་པར་ལག་ལེན་དངོས་ཀྱི་ཐོག་ནས་བོད་སྐད་ཡིག་སྲུང་སྐྱོབ་ཡོང་ཐབས་ཐད་བསམ་ཚུལ་ཕྱོགས་སྡོམ་གྱིས་རྒྱབ་སྐྱོར་མཚན་རྟགས་བཀོད་སོང་།

ཟླ་འདིའི་ཚེས་ ༡༧ ཉིན། གངས་སྐྱིད་དཔེ་མཛོད་ཚོགས་ཁང་གསར་བའི་ནང་བོད་ཀྱི་སྐད་ཡིག་རྒྱུན་འཛིན་ཚོགས་པའི་གོ་སྒྲིག་འོག  ༼བོད་ཀྱི་སྐད་ཡིག་གི་ད་ལྟའི་གནས་བབ་དང་འབྱུང་འགྱུར་གྱི་འཕེལ་ཕྱོགས་གླེང་བ༽ཞེས་པའི་བགྲོ་གླེང་ཚོགས་འདུ་ཞིག་ཚོགས་ཏེ། བཀའ་སྤྱི་གཉིས་ཀྱིས་བསྒྲུབས་ཟིན་པའི་སྐད་ཡིག་སྲུང་སྐྱོབ་སྐོར་གྱི་དགེ་སྐྱོན་དང་།  མ་འོངས་པར་བཀའ་སྤྱི་གཉིས་ཀྱིས་ངེས་པར་དུ་བསྒྲུབ་དགོས་པའི་སྐད་ཡིག་སྲུང་སྐྱོབ་ཀྱི་ཐབས་ལམ་དང་དེ་ལག་ལེན་བསྟར་ཕྱོགས་བཅས་བརྗོད་གཞི་གཉིས་ཐོག  སྔ་དྲོའི་ཆུ་ཚོད་ ༩ ནས་ཕྱི་དྲོའི་ཆུ་ཚོད་ ༤ པའི་བར་ཕན་ཚུན་བགྲོ་གླེང་དང་དྲི་བ་དྲིས་ལན་བཅས་གནང་སོང་། བགྲོ་གླེང་ཚོགས་འདུ་སྟེང་ས་རཱ་མཐོ་སློབ་ཀྱི་དགེ་རྒན་དང་སྤྱི་འཐུས་ཟུར་པ་ཆབ་བྲག་ལྷ་མོ་སྐྱབས་དང་། ནོར་གླིང་མཐོ་སློབ་ཀྱི་སློབ་སྤྱི་དང་སྤྱི་འཐུས་ལས་ཐོག་སྒྲོལ་དཀར་སྐྱབས། དཔེ་མཛོད་པར་སྐྲུན་སྡེ་ཚན་གྱི་རྩོམ་སྒྲིག་པ་ན་གཱ་སངས་རྒྱས་བསྟན་དར། ཨ་རིའི་ཨིན་ཌའི་ཡ་ན་མཐོ་སློབ་ཀྱི་དགེ་རྒན་དགེ་འདུན་རབ་གསལ།  དེ་བཞིན་དྷ་སའི་ཉེ་འདབས་ཁུལ་གྱི་སློབ་གྲྭ་དང་ཤེས་ཡོན་ཚོགས་སྡེ་ཁག་ཏུ་དགེ་རྒན་གྱི་ཕྱག་ལས་གནང་བཞིན་པའི་ཤེས་རབ་དར་རྒྱས་དང་། རེབ་མདོ་སེང་གེ་སོགས་གདན་ཞུས་བགྲོ་གླེང་པ་ ༡༥  དང་། ཟུར་ཞུགས་པ་བཅས་མི་གྲངས་ ༦༠ ཙམ་གྱིས་ཆུ་ཚོད་ ༨ ཙམ་གྱི་རིང་བགྲོ་གླེང་དང་གྲོས་བསྡུར་བསམ་ཚུལ་གནང་སོང་།

གསར་འགོད་པའི་བཅར་འདྲིའི་སྐབས། སྐད་ཡིག་རྒྱུན་འཛིན་ཚོགས་པའི་ཚོགས་གཙོ་འབྲོག་རུ་ཆོས་གྲགས་ལགས་ཀྱིས་ ༼ང་ཚོའི་གཞུང་གི་ཁྲིམས་དང་སྒྲིག་ཡིག་ནང་དུ་སྐད་ཡིག་སྲུང་སྐྱོབ་སྐོར་གྱི་ཡིག་ཆ་མང་པོ་ཞིག་ཡོད་པ་རེད་དེ། ལག་ལེན་གྱི་ཐོག་ནས་འཐུས་ཤོར་ཆེན་པོ་འགྲོ་བཞིན་ཡོད་སྟབས། མ་འོངས་པར་ལག་ལེན་འབབ་ཐུབ་རྒྱུར་ཐབས་ཤེས་གནང་དགོས་རྒྱུ་གལ་ཆེན་པོ་རེད། ༽ ཅེས་བརྗོད་དེ། བགྲོ་གླེང་གི་དམིགས་ཡུལ་གཙོ་བོ་ནི་སྐད་ཡིག་སྲུང་སྐྱོབ་ལས་དོན་དེ་ཁྲིམས་དང་སྒྲིག་གཞི་ཙམ་ཡིག་ཆ་ནང་འཁོད་རྒྱུ་ཁོ་ནས་ཙམ་མ་ཡིན་པར། དེ་དངོས་སུ་སྤྱི་ཚོགས་ཁྲོད་ལག་ལེན་ལ་འབེབས་རྒྱུ་གལ་ཆེན་པོ་ཡིན་སྟབས།  ད་ལྟའི་བར་བཙན་བྱོལ་སྤྱི་ཚོགས་ནང་ཤེས་ཡོན་སློབ་གསོ་རང་གི་སྟེང་ཕྱག་ལས་གནང་མྱོངས་མཁན་གྱི་ཤེས་ལྡན་པ་ཁག་ཅིག་གདན་ཞུ་གནང་སྟེ། སོ་སོའི་འདས་པའི་ཉམས་མྱོང་གཞི་ལ་བཞག་ཐོག་མ་འོངས་པར་བོད་རང་གི་སྐད་ཡིག་སྲུང་སྐྱོབ་སྐོར་ལ་ཁ་ཡོད་ལག་ཡོད་ཀྱིས་སྒྲུབ་ཐབས་ཅི་ཞིག་ཡོད་མེད་སྐོར་བསམ་ཚུལ་བསྡུ་རུབ་གནང་རྗེས། ཐེངས་འདིར་མཉམ་ཞུགས་གནང་མཁན་གྱི་བགྲོ་གླེང་པ་དང་ཟུར་ཞུགས་པ་ཡོངས་ཀྱི་རྒྱབ་གཉེར་མཚན་རྟགས་དང་བཅས།  འཆར་ཟླ་ ༨ པའི་ནང་བཀའ་སྤྱི་གཉིས་ལ་སྙན་ཞུར་འབུལ་རྒྱུ་དེ་ཡིན་སྐོར་གསལ་བཤད་གནང་སོང་།

བགྲོ་གླེང་སྐབས་སུ་བཙན་བྱོལ་གཞུང་གི་ངོས་ནས། མ་འོངས་པར་ཤེས་ཡོན་སློབ་སྟོན་ཚོགས་ཆུང་དང་། སློབ་དེབ་རྩོམ་སྒྲིག་ཚན་ཆུང་དང་། སློབ་གྲྭ་ཁག་གི་སློབ་སྤྱི་དང་དྲུང་ཆེ། དེ་བཞིན་ཤེས་ཡོན་འཛིན་སྐྱོང་སྡེ་ཁག་དག་གི་གནད་ཡོད་ལས་གནས་བཅས་ཀྱི་ཐོག  བོད་རང་གི་སྐད་ཡིག་ལ་མཁས་ཤིང་སློབ་གསོའི་ལས་དོན་ལ་ཉམས་མྱོང་དང་མཁྱེན་རྒྱ་ཡོད་མཁན་གྱི་རིགས་བསྐོ་འཇོག་དགོས་པ་དང་། གཞོན་སྐྱེས་ཚོར་བོད་སྐད་ཡིག་གི་གཞི་རྩ་འཇགས་ཐུབ་ཆེད། ཤེས་ཡོན་སྲིད་བྱུས་གསར་བ་དེ་དམའ་རིམ་ནས་མཐོ་རིམ་བར་མུ་མཐུད་ལག་བསྟར་ཐུབ་རྒྱུར་འབད་བརྩོན་བྱ་དགོས་སྐོར། དེ་བཞིན། སློབ་མའི་སེམས་ཁམས་དང་འཚམ་པའི་ཀློག་དེབ་སྣ་ཚོགས་དང་། འགུལ་རིས་བརྙན་ཕབ་སོགས་བསྒྱུར་སྐྲུན་དང་རྩོམ་སྒྲིག་གི་སྡེ་ཚན་ཞིག་གསར་དུ་འཛུགས་དགོས་པ་སོགས་ཀྱི་ཐད་གླེང་སློང་ཤུགས་ཆེན་པོ་གནང་སོང་ལ།  སྐབས་དེར། བོད་ཀྱི་དཔེ་མཛོད་ཁང་གི་ལོ་རྒྱུས་ཉམས་ཞིབ་པ་མགོ་ལོག་དམ་ཆོས་དཔལ་བཟང་ལགས་ཀྱིས་༼ དགེ་རྒན་གྱི་དཔུང་སྡེ་ཚད་ལྡན་ཞིག་མེད་ཚེ་ཇི་ལྟར་བྱས་ཀྱང་ཡོང་ཐབས་མེད་པ་ཞིག་རེད། དགེ་རྒན་གྱི་དཔུང་སྡེ་ཚད་ལྡན་ཞིག་ཡོང་བར་དགེ་རྒན་ལ་ལྟ་རྟོག་བྱེད་མཁན་གྱི་ཚོགས་སྡེ་ཞིག་གསར་འཛུགས་བྱ་དགོས༽ ཞེས་བརྗོད་སོང་།

གཞན་ཡང་། བོད་ཀྱིས་སྐད་ཡིག་རྒྱུན་འཛིན་ཚོགས་པའི་ངོས་ནས།  ལོ་སྔོན་མའི་ནང་བོད་གཞུང་གི་ལྷན་ཁང་བརྒྱད་དང་གཞུང་འབྲེལ་མ་ཡིན་པའི་ཚོགས་པ་ཁག་བཅས་ལ་སྙན་ཞུ་ཕུལ་ཏེ།  དུས་རྒྱུན་ཕྱག་ལས་ཁྲོད་བོད་ཡིག་བེད་སྤྱོད་ཀྱི་ཚད་ཇེ་མཐོར་གཏོང་ཐབས་ལ་སྒྲིག་གཞི་བཟོ་དགོས་པའི་རེ་སྐུལ་ཞུས་ཡོད་པ་དང་། དེ་བཞིན། བོད་གཞུང་གི་སྒྲིག་གཞིའི་འོག་ཡོད་པའི་རྒྱ་བལ་འབྲུག་གསུམ་གྱི་ལས་ཁུངས་མ་ལག་ཁག་ནང་། ལས་བྱེད་སྐོ་འཇོག་སྐབས་བོད་ཡིག་གི་ཤེས་ཚད་ཡག་པོ་ཡོད་མེད་ཐད་རྒྱུགས་ལེན་ཚད་གཞི་བཟོ་དགོས་པ་སོགས་ཀྱི་ཐད། མི་མང་ ༡༧༠༠ ཡི་མཚན་རྟགས་བཀོད་པའི་སྙན་ཞུ་ཞིག་ཕུལ་ཏེ། བོད་སྐད་ཡིག་བེད་སྤྱོད་ཀྱི་ཁོར་ཡུག་རྒྱ་བསྐྱེད་གཏོང་ཐབས་ལ་གྲོས་ཆོད་འཇོག་དགོས་པའི་སྙན་ཞུ་ཞིག་སྤྱི་འཐུས་རྒྱུན་ལས་ཕུལ་མྱོངས་ཡོད་འདུག  དེ་བཞིན། ཕྱི་ཟླ་ ༡༠ པའི་ནང་བོད་གཞུང་ཤེས་རིག་ལྷན་ཁང་ལའང་སྙན་ཞུ་ཞིག་ཕུལ་ཏེ།  སྐད་ཡིག་རྒྱུན་འཛིན་ཚོགས་པའི་ངོས་ནས་བཙན་བྱོལ་སྤྱི་ཚོགས་ཁྲོད་ཀྱི་ཚད་ལྡན་གྱི་ཤེས་ཡོན་པ་ཁག་ཅིག་སྒྲིག་འཛུགས་གནང་སྟེ།  བཙན་བྱོལ་སློབ་གྲྭ་ཁག་གི་སློབ་མའི་ནང་ལས་ལ་བསྐྱར་ཞིབ་དང་ཞི་དག་གི་ཐད། ཕྱོགས་རོགས་ལྟ་རྟོག་གི་སྐྱོར་བསྐྱོད་ལས་འགུལ་ཞིག་སྤེལ་འདུན་ཡོད་པས། དེའི་ཐད་ཤེས་རིག་ལས་ཁུངས་ནས་མཐུན་རྐྱེན་སྦྱོར་གནང་ཡོང་བའི་རེ་སྐུལ་སྙན་ཞུ་ཞིག་ཀྱང་ཕུལ་ཡོད་འདུག  ཡིན་ནའང་། ད་ལྟའི་ཆར་འབྲེལ་ཡོད་སྡེ་ཁག་ནས་བརྡ་ལན་ཅི་ཡང་སྤྲད་མེད་པ་རེད།

 

བོད་ཀྱི་སྐད་ཡིག་རྒྱུན་འཛིན་ཚོགས་པ་ནི་ཕྱི་ལོ་ ༢༠༠༥ ལོར་གསར་དུ་བཙུགས་ཤིང་། ཚོགས་པ་འདིར་ད་ལྟ་ཚོགས་མི་ ༡༠༠ ལྷག་ཡོད་འདུག 

 

གསར་འགོད་པ། ཚེ་རིང་རྒྱལ།

 

མཆན། 7

  1. མི་རྟག་པས་ཟིན་པའི་ཤ་རུས says:
    ལོ་ 12 སྔོན།

    དངོས་གནས་རེད་། བཙན་བྱོལ་ནང་དུ་བོད་སྐད་གཙང་མ་ཁོ་ནའི་ཐོག་ནས་སྐད་ཆ་བཤད་མཁན་གཅིག་ཀྱང་མི་འདུག་ལ་བོད་གོས་གྱོན་མཁན་ཡང་དཀོན་པོ་རེད་འདུག། ད་ ང་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་

    Reply
  2. སྤྲོ་ཚིགས་དགེ་འདུན says:
    ལོ་ 12 སྔོན།

    བོད་ཡིག་བོད་སྐད་ཟེར་བ་འདི་ངེས་བར་སྲུང་སྐྱོབ་བྱེད་དགོས་ན། ཐོགས་མར་ལས་ཁུང་ཁག་ནས་འགོ་འཛུགས་དགོས། དེ་ལྟར་བྱས་ན་མི་རེ་རེ་ནས་ལག་ལེན་ལ་གཞོར་ངེས་རེད། དེ་མིན་སྟོང་པ་རེད། རང་འགོ་གང་ཐོན་བྱོས།

    Reply
  3. ལྷག་པ་ཚེ་རིང༌། says:
    ལོ་ 12 སྔོན།

    ༄ །སེམས་ཤུགས་དང་ཤེས་ཡོན་ཅན་པ་ཉུང་ཤས་ཤིག་གིས་གྲོས་ཆོད་འཇོག་པ་དང་མཚན་རྟགས་བསྡུ་རུབ་གནང་བ་རྣམས་རྗེས་སུ་ཡི་རངས་དང་རྒྱབ་སྐྱོར་ཞུ་བའི་གནས་ཡིན་མོད། འོན་ཀྱང་ཇི་སྲིད་དུ་བོད་མི་སྤྱི་བོ་གནམ་བསྟན་ཕལ་ཆེར་གྱིས་རང་ཉིད་ད་ལྟ་ཡང་བོད་མི་ཞིག་ཡིན་པ་དང༌། མ་འོངས་པར་ཡང་རང་གི་ཕྲུག་གུ་རྣམས་བོད་མི་གཙང་མ་ཞིག་ཏུ་ཉར་རྒྱུའི་ཆོད་སེམས་གཙང་མ་ཞིག་བསྐྲུན་མ་ཐུབ་པ་དེ་སྲིད་དུ་ཁག་པོ་རེད། ད་ལྟའི་བཙན་བྱོལ་ནང་གི་བོད་སྐད་ཡིག་ཉམས་སྟངས་ཀྱི་མྱུར་ཚད་ལ་དཔྱོད་སྐབས་རི་ཉོར་བ་ཐག་པས་སྡོམ་དཀའ་ཞེས་པའི་དཔེ་རང་རེད་དོ༎

    Reply
  4. གྲགས་བསོད་ says:
    ལོ་ 12 སྔོན།

    སྐད་ཡིག་སྲུང་སྐྱོར་ལས་འགུལ་བ་རྣམས་ལ་ཐུགས་རྗེ་ཆེན་ཞུ་བ་དང་ཆབས་གཅིག་ཏུ། བདག་ལ་དྲི་བ་གཅིག་དྲི་འདོད་བྱུང་དེ་ཡང་རྣམ་པ་ཚོས་ཚོགས་པ་འདི་གཙུགས་ནས་ད་བར་དུ་སྐད་ཡིག་སྲུང་སྐྱོར་ཐད་ཐབས་ལམ་གང་དང་གང་ལྤེལ་ཡོད་དམ།

    Reply
  5. ཀུན་དགའ། says:
    ལོ་ 12 སྔོན།

    སྐད་ཡིག་སྲུང་སྐྱོབ་ཐད་ལ་ཚོགས་འདུ་ཅི་ཙམ་འཚོགས་ནས་གྲོས་ཆོད་གྲོས་གཞི་ག་ཚོད་བཞག་པ་ཡིན་ནའང་། གཞི་རྩའི་བཙན་བྱོལ་སྒྲིག་འཛུགས་ཀྱི་བཅའ་ཁྲིམས་ནང་ཁ་གཡང་ཙམ་མ་ཡིན་པར་དངོས་སུ་ལག་ལེན་ཕྱག་བསྟར་གནང་ཐུབ་དགོས། དེ་ཡང་དང་ཐོག་སྒྲིག་འཛུགས་ཀྱི་ལྷན་ཁང་ཁག་ནས་དབུ་བཙུགས་ཕྱི་འབྲེལ་གྱི་ཡིག་རིགས་དང་རྩིས་ཞིབ་སྐོར་ལྟ་བུའི་ཕྱི་ཡིག་བེད་སྤྱོད་མ་བྱས་ཐབས་མེད་རིགས་ཕུད། དེ་མིན་ཐ་ན་བྱུང་འཛིན་དང་གསལ་བསྒྲགས་ལྟ་བུ་ནས་བཟུང་ལས་དོན་ཆེ་ཕྲ་གང་ཡིན་བོད་ཡིག་ཐོག་ལག་ལེན་བྱ་དགོས་པར་མ་ཟད། ལས་བྱེད་དང་ལས་མི་གང་ཡིན་དང་ཐོག་ནས་བོད་ཡིག་གཙོར་བཟུང་གིས་ཡིད་ཚད་གཏོང་དགོས། དེ་མིན་ཁ་གཡང་ཁོ་ནས་ནམ་ཡང་ང་ཚོའི་སྐད་ཡིག་ཇི་ལྟར་སྲུང་སྐྱོབ་བྱེད་ཐུབ། མདོ་དོན་ལྷན་ཁང་དང་ཚོགས་པ་ཁག་ནས་འགོ་བཙུགས་ཏེ་རིམ་བཞིན་སྤྱི་ཚོགས་ལ་རྒྱ་ཁྱབ་ཏུ་གཏོང་དགོས་པ་ཞིག་ཏུ་མཐོང་། ངས་བསམ་ན་རང་གཞུང་དང་རང་རིགས་ཀྱིས་རང་གི་སྐད་ཡིག་ལ་མཐོང་ཆེན་གྱིས་བདག་པོ་མ་བརྒྱབ་པར་སྔར་བཞིན་ཁ་གླེང་ཙམ་གྱིས་ག་ལ་ཕན། གང་ལྟར་དངོས་གནས་སྐད་ཡིག་སྲུང་སྐྱོབ་བྱེད་མི་བྱེད་བཀའ་ཤག་གསར་པའི་མ་འོངས་ཤེས་རིག་སྟངས་འཛིན་གནང་མིན་བལྟ་བ་རེད།

    Reply
  6. སེར་སྨད་བློ་དགའ། says:
    ལོ་ 12 སྔོན།

    ལས་འགུལ་དེའི་རིགས་ལ་སྔ་ཕྱི་བར་གསུམ་དུ་རྒྱབ་སྐྱོར་ཞུ་ངེས་ཤིག་ཡིན་པའི་ཆ་ནས། དཀའ་ངལ་ཆེ་ཤོས་དེ་ཁ་བཤད་ཆུ་ཡི་སྦུ་བ་དང་མིང་རྟགས་ཆུ་ཡི་གཉེར་མ་དེ་རྣམས་གཙོ་བོ་མ་ཡིན། ལག་ལེན་གསེར་གྱི་ཐིགས་པས་དམིགས་ཡུལ་འགེངས་ཐབས་བྱེད་དགོས་པ་དེ་དག་རེད་སྙམ།

    Reply
  7. པད་མ་དཀར་པོ། says:
    ལོ་ 12 སྔོན།

    སྐད་ཡིག་ལ་སྲུང་སྐྱོབ་བྱེད། མི་རིགས་ལ་སྲུང་སྐྱོབ་བྱེད། རྒྱལ་བཙོངས་པ་ངོ་ཤེས་པ་བྱེད། དེ་ནི་བོད་མིའི་ལས་འགན་ཡིན།་བོད་ཞེན་ཡོད་པ་ཀུན་གྱི་དོ་སྣང་བྱེད། བཅའ་ཁྲིམས་བསྐྱར་བཅོས་སྐོར་ལ་དཔྱད་གཏམ་འབྲི་མཁན་ཀུན་ལ་འཚམས་འདྲི་ཡད། ལེགས་ཉེས་ཤེས་ན་མཁས་པ་ཡིན། རྫུན་དང་ལེགས་ཉེས་ཤན་འབྱེད་མ་ཐུབ་ཚེ། དེ་ནི་ལྐུགས་པ་ལྐུགས་རྐྱང་ཡིན། ངས་ཁ་སྔོན་བཞག་པའི་དྲ་གྱའི་ནང་དགའ་ལྡན་ཁྲི་པ་ཟུར་བ་ 101་ ནས་རྒྱ་ཡིས་ངོས་འཛིན་བྱས་པའི་པཎ་ཆེན་རྫུན་མ་དང་ཐུག་འཕྲད་བྱས་ཡོད་འདུག་ཟེར་བྲིས་ཡོད། ད་ལྟོས་དང༌། དྲ་གྱ་དེའི་ནང་ཁྲི་ཟུར་ 101་ནས་པཎ་ཆེན་རྫུན་མ་ཐུག་འདུག ད་ཁོང་ཚོའི་བྱ་སྟངས་དེ་སུ་ལ་སྐྱག་སྐྱག་རེད། ལྟོས་དང༌། http://www.nagbausa.org/

    Reply

དཔྱད་མཆན་སྤེལ། Cancel reply

Your email address will not be published. Required fields are marked *

སྤྱི་ཚོགས་དྲ་གནས།

ཁྱབ་བསྒྲགས།

དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།

གློག་འཕྲིན།

editor@tibettimes.net | office@tibettimes.net

ཁ་པར།

+91-98823-47075 | +91-92189-38041 | +91-81972-44372
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese

Welcome Back!

OR

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist