རིས་མེད་མཐུན་ཚོགས།

ལས་འགུལ་འདུ་འདྲའི་རིགས་མུ་མཐུད་སྤེལ་ཐུབ་ན་ང་ཚོ་བོད་པ་ཚང་ཡར་རྒྱུས་མགྱོགས་པོར་འགྲོ་ཐུབ་རྒྱུ་རེད། ངས་སྙིང་ཁུངས་རུས་པའི་གཏིང་ནས་ཁྱེད་ཚོ་ལས་དཀའ་འདིའི་མགོ་འཇུག་བར་གསུམ་ལ་ཕྱག་ལས་གནང་མཁན་ཚོར་ཐུགས་རྗེ་ཆེ་ཞུ་བ་ཡིན།

ཟླ་འདིའི་ཕྱི་ཚེས་ ༢༡ ནས་ ༢༣ བར་ཉིན་གསུམ་རིང་༼ མགོ་ལོག་གཅིག་སྒྲིལ་རྫོང་འོག་གི་དགོན་སྡེ་ཡོངས་དང་སྡེ་ཁག་ཡོངས་རིས་མེད་མཐུན་ཚོགས་སྐབས་དང་པོའི་བགྲོ་གླེང་ཚོགས་འདུ ༽ དེའི་སྟེང་གསེར་རྟ་བླ་རུང་ལྔ་རིག་ནང་བསྟན་སློབ་གླིང་གི་མཁན་ཆེན་ཚུལ་ཁྲིམས་བློ་གྲོས་མཆོག་དང་། རྭ་རྒྱ་ཤེས་རིག་ནོར་བུའི་གླིང་གི་སློབ་དཔོན་ཆེན་མོ་འཇིགས་མེད་རྒྱལ་མཚན་མཆོག་རྣམ་གཉིས་གཙོས་པའི་
དར་ཐང་ སྙིང་མ་དགོན།
སྟག་ལུང་སྙིང་མ་དགོན།
སྨིན་ཐང་ སྙིང་མ་དགོན།
སྦྲ་གསར་སྙིང་མ་དགོན།
གདོང་རྫོངས་ སྙིང་མ་དགོན།
ཨ་བཟོད་ སྙིང་མ་དགོན།
ལྕམ་མདའ་ཇོ་ནང་དགོན།
ཁང་གསར་ཉིན་ཡོས་ཇོ་ནང་དགོན།
ལུང་དཀར་གསར་དགོན།
ཁང་གསར་ཉིན་ཡོས་གསར་དགོན་སོགས་ས་གནས་དགོན་ཁག་བཅུའི་དགོན་བདག་དང་། མགོ་ལོག་ཁུལ་མང་ཚོགས་སྒྱུ་རྩལ་ཁང་དང་གཅིག་སྒྲིལ་རྫོང་ཆོས་ལུགས་དོ་དམ་ཁང་བཅས་ཀྱི་སྐུ་ཚབ། དེ་བཞིན། སྡེ་ཤོག་དང་ས་གནས་མི་མང་གི་སྐུ་ཚབ་བཅས་མཉམ་ཞུགས་ཐོག་དཔལ་ཡུལ་དར་ཐང་དུ་ཚོགས་འདུག་ཚོགས་འདུ་དེའི་སྟེང་དགོན་སྡེ་ཁག་གི་གྲྭ་བའི་སྤུས་ཚད་ཇེ་མཐོར་གཏོང་རྒྱུ་དང་། གྲྭ་གཞོན་ཡོངས་ལ་རྫོང་གཅིག་གྱུར་གྱི་བསླབ་གཞི་བཟོས་ཏེ་གཅིག་གྱུར་གྱི་རྒྱུགས་ལེན་ལག་བསྟར་བྱ་རྒྱུ། ས་གནས་མང་ཚོགས་ཚོས་མེས་པོ་གོང་མའི་ཡ་རབས་སྤྱོད་བཟང་རྒྱུན་འཛིན་ལ་འབད་བརྩོན་བྱ་རྒྱུ། མི་མང་གི་སྣེ་ཁྲིད་པ་དང་ཞིང་དང་རྫོང་རིམ་པའི་མགོ་ཁྲིད། དགོན་སྡེའི་བླ་སྤྲུལ་ཐུན་མོང་ཐོག་ཁྲིམས་མཐུན་དང་དམངས་གཙོའི་ལམ་ནས་བོད་པའི་སྲོལ་རྒྱུན་རིག་གནས་སྲུང་སྐྱོབ་དང་ཁོར་ཡུག་གཅེས་ཉར་སོགས་གྲོས་གཞི་དོན་ཚན་ ༡༠ ཡི་ཐོག་བགྲོ་གླེང་གནང་མཐར། དོན་གནད་ཁག་ཅིག་ཟུར་འདོན་གྱིས་ལག་བསྟར་བྱ་རྒྱུ་དང་། རིས་མེད་མཐུན་ཚོགས་དེ་མུ་མཐུད་རྒྱུན་སྲིང་ཡོང་རྒྱུ་བཅས་ལ་གྲོས་ཆོད་བཞག་འདུག

གསར་རྙིང་ཇོ་གསུམ་གྱི་དགོན་སྡེ་ཁག་རེད་ལགས།

ཁུངས་ལྡན་གནས་ཚུལ་འབྱོར་གསལ་ལྟན​་ན། ཟླ་འདིའི་ཕྱི་ཚེས་༦ ནས་༨ བར་ཉིན་གསུམ་རིང་<<ཁམས་གསེར་རྟའི་ནང་བསྟན་རིགས་གནས་དར་སྤེལ་ཚོག​ས་འདུ་ཐེངས་དང་པོ་>>ཞེས་པའི་བརྗོད་གཞིའི་ཐོག་ཚོགས་ཆེན་ཞིག་འཚོག​ས་ཡོད་པ་དང་།
ཚོགས་ཐོག་ཏུ་ཁམས་གསེར་རྟ་རྫོང་ཁོངས་ནས་དགོན་ཁག་ཡོངས་རྫོགས་ཀྱི་​མཁན་སྤྲུལ་དགེ་བསྐོས་སོགས་གནད་ཡོད་མི་སྣ་གཙོ་བོ་ཉིས་བརྒྱ་ལྷག་དང་གསེར་རྟ་བླ་རུང་དགོན་གྱི་མཁན་ཆེན་ཚུལ་ཁྲིམས་བློ་གྲོས་སོགས་དང་མ​ཉམ་ཞུགས་ཐོག་དགོན་སྡེ་ཁག་ག…གི་ནང་ཆོས་བཤད་སྒྲུབ་ཀྱི་བསྟན་པ་​སྔར་ཡོད་སླར་གསོ་དང་མ་ཉམས་དར་སྤ​ེལ་གཏོང་དགོས་སྐོར་དང་། ལྷག་པར་དུ་དུས་རབས་ཉེར་གཅིག་པའི​་དགེ་འདུན་པའམ་ནང་པ་བ་ཞིག་བྱེད་​ཐུབ་པའི་འབད་རྩོན་ལྷོད་མེད་གནང་​དགོས་སྐོར་དང་། དེ་བཞིན་སྐྱ་བོ་ཚོའི་ནང་དུ་ཡང་ད​གེ་བ་བཅུའི་ཁྲིམས་དང་ལྡན་དགོས་པ​་མ་ཟད།
གཞི་རིམ་མང་ཚོགས་ནང་དུ་ཡིག་རྨོང​་གི་དཀའ་ངལ་སེར་པའི་ཐབས་ལམ་སྣ་ཚ​ོགས་གོ་སྒྲིག་བྱེད་བཞིན་ཡོད་པ་ར​ེད། དཔེ་མཚོན་ཙམ་ཞུས་ན། ཀ་ཁ་ཙམ་མི་ཤེས་མཁན་རྣམས་དང་དེ་ལ​ས་ཏོག་ཙམ་ཡི་གེ་སྦྱོར་ཀློག་ཤེས་​མཁན་རྣམས་ལ་འོས་བབ་ཀྱི་དགེ་རྒན་​གོ་སྒྲིག་བྱེད་བཞིན་ཡོད་པ་སོགས།​ ལས་རིམ་སྣ་ཚོགས་གཏན་འབེབས་བྱུང་​ཡོད་པ་རེད། གོང་གི་གྲོས་ཆོད་དེ་དག་ཀྱང་མང་མ​ོས་དང་སྤྱི་མོས་གང་རུང་གི་སྒོ་ན​ས་ཚོགས་ཐོག་ཏུ་ཐག་གཅོད་བྱུང་བ་ཞ​ིག་ཡིན་པ་མ་ཟད། དེ་དག་རིམ་པའི་ལག་བསྟར་ཡོང་ཆེད་​དང་།
དེར་དཀའ་ངལ་བྱུང་རིགས་ལ་དཔལ་འབྱ​ོར་དང་སློབ་གསོ་དེ་བཞིན་དགོན་པའ​ི་དཔེ་འཁྲིད་མཁན་པོ་དང་། ཡུལ་ཚོའི་ནང་དགེ་རྒན་རེག་མིན་སོ​གས་ཀྱི་མཚོན་པའི་དཀའ་ངལ་རིགས་ལ་​གཏོང་ལེན་དང་རྒྱབ་སྐྱོར་བྱེད་མཁ​ན་གྱི་ཚོགས་པ་ཞིག་ཀྱང་ཆེད་འཛུགས​་གནང་ཡོད་པ་རེད། ཚོགས་པ་དེ་ཡང་མང་གཙོའི་འགྲོ་སྟང​ས་གཞིར་བཟུང་གི་ཐོག་འོས་ཤོག་གི་​ལམ་ནས་ཚོགས་གཙོ་ཚོགས་གཞོན་གྱི་ག​ཙོས་ཚོགས་མི་གཅུ་གསུམ་ལས་གྲུབ་པ​འི་ཚོགས་ཆུང་ཞིག་ཀྱང་བསྐོ་འཛུགས​་གནང་ཡོད་འདུག