ཉེ་ཆར་ནང་སོག་ཏུ་རྒྱ་མི་ཚོས་སོག་པོའི་འབྲོག་པ་རྣམས་ལ་གཅར་རྡུང་དང་ཕྱུག་ཟོག་མང་པོ་རླངས་འཁོར་འོག་བརྫིས་པར་བརྟེན། སོག་པོ་ཚོས་རྒྱ་རིགས་ཡོངས་སོག་པོའི་ས་ཆ་ནས་ཕྱིར་ལོག་དགོས་པའི་ངོ་རྒོལ་བྱས་འདུག
ཕྱི་ཚེས་ ༡༨ ཉིན་རྒྱ་མི་ ༢༠༠ ལྷག་སྐྱེལ་འདྲེན་རླངས་འཁོར་ཆེ་བ་བཅུ་གྲངས་ཤིག་ལ་བསྡད་དེ་ནང་སོག་ཧ་རི་གྷན་ཐུའུ་ཀ་ཁྲ་སྡེ་བའི་རྩྭ་ཐང་དུ་ཡོང་སྟེ། ལུག་བརྒྱ་གྲངས་ཤིག་རླངས་འཁོར་འོག་བརྫིས་ཏེ་སྡེབ་གསོད་བྱས་ཡོད་པར་མ་ཟད། ས་གནས་སོག་རིགས་ ༢༠ ལྷག་ལ་གཅར་རྡུང་བྱས་ཡོད་པ་དང་། དེའི་ཁྲོད་སོག་རིགས་འབྲོག་པ་པཱ་ཐར་ལ་རྨས་སྐྱོན་ཆེན་པོ་ཕོག་ཏེ་སྨན་ཁང་དུ་བསྐྱལ་ཡོད་འདུག ཕྱི་ཚེས་ ༢༣ པཱ་ཐར་གྱི་ཆུང་མ་ཡཱན་ཐའོ་ཡིས་གསར་ལམ་ཁག་ཏུ་བརྗོད་པ་ལྟར་ན། པཱ་ཐར་གྱི་ཀླད་རུས་གས་འཐོར་བྱུང་སྟེ་སྲོག་ཉེན་འཕྲད་ཡོད་འདུག གཞན་ཡང་། ཕྱི་ཚེས་ ༢༠ ཉིན་རྒྱ་ནག་ལེའོ་ཉིན་ནས་ཡིན་པའི་རྒྱ་མི་ཞིག་གིས་ནང་སོག་ཝུ་རུ་ཐའོ་བྷོ་སྡེ་བའི་རྩྭ་རའི་ནང་རླངས་འཁོར་སྐོར་ཡོང་སྟེ་ནོར་ ༡༡ རླངས་འཁོར་འོག་བརྫིས་ཏེ་བསད་ཡོད་པར་མ་ཟད། ཕྱུགས་བདག་བྷོ་ལའེ་ལ་ “དེ་རིང་རླངས་འཁོར་འོག་ཁྱོད་ཀྱི་ནོར་བརྫིས་པ་རེད། སང་ཉིན་ཁྱོད་རང་ཡང་བརྫི་སྲིད ” ཅེས་བརྙས་བཅོས་ཀྱི་སྐད་ཆ་བཤད་ཡོད་འདུག
གནས་ཚུལ་དེ་བྱུང་རྗེས་སོག་རིགས་ ༡༠༠༠ ལྷག་ས་གནས་ཞིས་ལཱ་མུའུ་ལཱོན་གྲོང་རྡལ་དུ་འཛོམས་ཏེ། རྒྱ་མི་ཚོས་སོག་པོ་མི་རིགས་ཀྱི་ཁེ་དབང་འཕྲོག་བཞིན་པར་ངོ་རྒོལ་དང་། རྒྱ་མི་དེ་ཚོ་སོ་སོའི་ལུང་པར་ཕྱིར་སློག་བྱ་དགོས་པའི་སྐད་འབོད་བྱས་སྐབས། ས་གནས་རྒྱ་གཞུང་གིས་དྲག་ཆས་ཉེན་རྟོག་དམག་མི་ ༣༠༠ ལྷག་མངགས་ཏེ་དྲག་གནོན་བྱས་ཏེ། དམག་མི་དང་ས་གནས་མི་མང་བར་འཁྲིག་འཛིང་ཤོར་ཏེ་སོག་རིགས་ ༢༠ ལྷག་ལ་རྨས་སྐྱོན་ཕོག་ནས་སྨན་ཁང་དུ་བསྐྱལ་ཡོད་འདུག ས་གནས་སྨན་པ་ཞིག་གིས་ལྷོ་སོག་པོའི་འགྲོ་བ་མིའི་ཐོབ་ཐང་བརྡ་འཕྲིན་སྟི་གནས་ཁང་ལ་གནས་ཚུལ་མཁོ་སྤྲོད་བྱས་པ་ལྟར་ན། ཉེ་ཆར་ས་གནས་སྨན་ཁང་དུ་རྨས་སྐྱོན་ཕོག་པའི་སོག་རིགས་འབྲོག་པ་མང་པོ་ཞིག་འབྱོར་ཡོད་པ་དང་། མི་རེ་འགར་རྨས་སྐྱོན་ཚབས་ཆེན་ཕོག་སྟེ་མྱུར་སྐྱོབ་བྱ་དགོས་བྱུང་ཡོད་འདུག
ད་ལོའི་ལོ་སྟོད་ལ་ས་གནས་རྒྱ་གཞུང་གི་དཔོན་རིགས་དང་ཚོང་པ་རྣམས་ངན་འབྲེལ་བྱས་ཏེ། ཞིས་ལ་མུའུ་ལཱོན་སྡེ་བའི་རྩྭ་ས་མུའུ་ཁྲི་ ༡ ལྷག་ས་གནས་སོག་རིགས་མི་མང་གི་ལག་ནས་བཙན་འཕྲོག་བྱས་ཏེ། རྒྱ་རིགས་ཚོང་བ་ཞིག་ལ་བཙོང་ཡོད་པ་རེད། སོག་རིགས་ཚོས་རྒྱ་གཞུང་ལ་རྩྭ་ས་དེ་ཕྱིར་ས་གནས་མི་མང་ལ་སྤྲོད་དགོས་པའི་ཞུ་གཏུག་ཡང་ཡང་བྱས་ཡོད་ནའང་། ཁོ་ཚོས་མང་ཚོགས་ཀྱི་རེ་སྐུལ་སྣང་མེད་དུ་བཞག་སྟེ་རྒྱ་རིགས་ཚོང་པ་ཚོར་འབྲོག་པའི་རྩྭ་ཐང་བཅད་བཟུང་བྱེད་བཅུག་པར་བརྟེན། ས་གནས་སོག་རིགས་མི་མང་དང་རྒྱ་རིགས་ཚོང་པའི་བར་འཁྲུག་འཛིང་ཤོར་ཡོད་པ་རེད།
ཕྱི་ལོ་ ༢༠༠༡ ལོ་ནས་བཟུང་རྒྱ་གཞུང་གིས་ནང་སོག་ས་ཁུལ་ཏུ་སྐྱེ་ཁམས་སྲུང་སྐྱོབ་ཆེད་ས་གནས་མི་མང་གནས་སྤོར་ཞེས་པའི་སྲིད་ཇུས་སྤེལ་མགོ་བརྩམས་ཡོད་པ་དང་། ཕྱི་ལོ་ ༢༠༠༣ ལོར་ནང་སོག་གི་རྫོང་ཁག་ ༤༤ ནང་ཕྱུག་རིགས་འཚོ་སྐྱོང་གི་འབྲོག་ལས་གཉེར་མི་ཆོག་པ་བཟོས་ཡོད་འདུག དེ་ལྟར་མི་རབས་རྒྱུད་འཛིན་གྱིས་རྩྭ་ཐང་དུ་འཚོ་བ་རོལ་ནས་འོངས་པའི་སོག་རིགས་འབྲོག་པ་རྣམས་ས་ཁུལ་གཅིག་ལ་གནས་སྤོར་དུ་བཅུག་པར་མ་ཟད། ཁྲོམ་རའི་དཔལ་འབྱོར་འཛུགས་སྐྲུན་གྱི་ཐབས་ལམ་སྤྱད་དེ་ས་དབང་བཅོས་སྒྱུར་དང་། གྲོང་སྡེ་སྤྱི་ཚོགས་གསར་འཛུགས་ཀྱི་ལས་གཞི་རྒྱ་བསྐྱེད་བྱས་ཏེ། ཁེ་ལས་པའི་མིང་ཐོག་ནས་རྒྱ་རིགས་མང་པོ་ནང་སོག་ས་ཁུལ་དུ་གནས་སྤར་ཏེ། སོག་པོ་མི་རིགས་ཀྱི་འཚོ་རྟེན་དུ་གྱུར་པའི་ས་ཆ་དང་ཐོན་ཁུངས་ཀྱི་བདག་དབང་འཕྲོག་པར་བརྟེན། དེ་སྔོན་ལྟོ་རྒྱབ་ཙམ་འཚོལ་ཆེད་ནང་སོག་ལ་བསླེབས་པའི་རྒྱ་རིགས་དེ་ཚོ། ད་ལྟ་ནང་སོག་རྩྭ་ཐང་ཆེན་པོའི་བདག་པོ་ལྟ་བུར་འགྱུར་བཞིན་ཡོད།
གནད་དོན་དེའི་ཐད་ཉེ་ཆར་ཨ་རིར་གསར་དུ་སྐྱབས་བཅོལ་ལ་འབྱོར་ཡོད་པའི་རྩོམ་པ་པོ་ཐུའུ་མཱན་ཝུའུ་ལའེ་ཅའེ་ཡིས་ཀྱང་། “ཕྱི་ལོ་ ༡༩༨༠ ལོ་ནས་བཟུང་རྒྱ་རིགས་ཚོང་པ་མང་པོས་ནང་སོག་གི་ཁེ་ལས་འཛུགས་སྐྲུན་ལ་ཁ་གཡར་ཏེ་མ་དངུལ་ཕོན་ཆེན་པོ་གཏོང་བཞིན་པར་མ་ཟད། ས་གནས་ཞིང་ཆེན་དང་ཁུལ་དང་རྫོང་། གྲོང་སྡེ་རིམ་པའི་རྒྱ་ནག་སྲིད་གཞུང་ཚང་མ་རྒྱ་རིགས་ཁེ་ལས་པ་དེ་དག་ལ་རྒྱབ་རྩར་ལངས་ཡོད་སྟབས། ཉིན་ཞིག་ནང་སོག་མི་རིགས་ཀྱི་ས་ཆ་དང་ཐོན་ཁུངས་ཀྱི་བདག་དབང་ཡོད་ཚད་རྒྱ་རིགས་ཚོས་དབང་འོག་འཆོར་རྒྱུ་ཉག་གཅིག་ཡིན་ལ། དེ་ནི་རྒྱ་གཞུང་གི་མི་སེར་སྤེལ་བའི་སྲིད་ཀྱི་གཞི་རྩའི་སྒྲོམ་གཞི་དང་མཐར་ཐུག་གི་དམིགས་ཡུལ་དེ་ཆགས་ཡོད ” ཅེས་བརྗོད་ཡོད་པ་རེད།
འདི་ལོའི་ཕྱི་ཟླ་ ༥ ཚེས་ ༡༠ ཉིན་རྒྱ་རིགས་རླངས་འཁོར་ཁ་ལོ་བ་ཞིག་གིས། ནང་སོག་ཞིས་ལིན་ཧོ་ཐི་ས་ཁུལ་གྱི་འབྲོག་པ་མུའུ་རི་ཀན་ཟེར་བ་རླངས་འཁོར་འོག་བརྫིས་ཏེ་དམར་གསོད་བཏང་བའི་རྗེས་སོག་པོ་དང་རྒྱ་རིགས་བར་འགལ་བ་སྔར་བའི་ཛ་དྲག་ཏུ་འགྱུར་མགོ་བརྩམས་ཡོད་པ་རེད།
གསར་འགོད་པ། ཚེ་རིང་རྒྱལ།
དག་སེལ་བཟོ་ཡ་གཅིག་ལ་
དགའ་ལྡན་དགོན་པའི་མཁན་པོའི་འགེབ་བསུང་བྱེད་སྟང་གཅིག་པ་རེད་ཤག་ཟེར་ཡ་དེ་འབྲས་སྤུང་སྒོ་མང་མཁན་པོ་དང་ནོར་བ་རེད་ལག་་་
ལྷག་པར་ནང་གི་ལྷག་པར་འབྲས་སྤུངས་སྒོ་མང་གྲྭ་ཚང་ནི་དེང་སང་ཕར་ཆེར་སོགས་པོའི་དགོན་པ་རེད་ང་དངོས་གནས་སེམ་པ་སྐྱོ་གི་ཡ།
ནང་སོག་གི་མི་རྣམས་ལ་རྒྱ་མིས་ཐུབ་ཚོད་གཏང་ནས་དེ་ལ་རྒྱ་གཞུང་གིས་འགེབས་གསུང་བྱེད་པ་དང་སེར་འབྲས་དགའ་གསུམ་ལ་སོགས་པའི་གདན་ས་ཁག་ལ་ཡོད་པའི་ཕྱི་ནང་གཉིས་ཀྱིས་སོག་པོའི་གྲྭ་སྒོད་དེ་ཚོས་གསར་འབྱོར་བ་དང་ཧི་མ་ལ་ཡིས་སློབས་གཉེར་བ་དེ་ཚོ་ལ་ཐུབ་ཚོད་དང་སྡུངས་སྡེག་ག་ཚོད་བྱས་ན་ཡང་མཐོང་ཆུང་ཟེད་ཀྱང་བྱས་ན་མ་ཏོག་མི་ཆོག་པ་དེ་བོད་གཞུང་སྐུ་དྲག་དེ་ཚོས་འགེབ་གསུང་བྱེད་པ་དང་ལྷག་པར་དུ་དགའ་ལྡན་དགོན་པའི་མཁན་པོའི་འགེབ་བསུང་བྱེད་སྟང་གཅིག་པ་རེད་ཤག
བོད་སོག་ཤིན་ཅང་གསུམ་རྒྱ་རིགས་ཧན་ལ་མི་དགའ་བ་མེད་པའི་ཐོག་ནས། འཆམ་མཐུན་མཉམ་བཞུགས་ཀྱིས་རྒྱ་གཞུང་ལ་ངོ་རྒོལ་མཐར་ཕྱིན་བྱ་དགོས་པའི་དུས་ཚོད་ལ་བསླེབས་ཟིན་པ་མིན་ནམ། བོད་སོག་ཤིན་གསུམ་རྒྱལ་འགྱུར་ཅིག །
འཛམ་གླིང་གི་དྲང་བདེན་ལ་དགའ་བའི་མི་མང་རྣམ་པ་ད་གཟིགས་དང་རྒྱ་ནག་དམར་ཕྱོགས་ཚང་གི་བྱ་སྤྱོད་ནི་འདི་འདྲ་ཞིག་ཡིན་པ་རེད། དུས་རྟག་པར་སྐྱག་རྫུན་བཤད་ཀྱི་ཡོད་པ་ད་ར་སྤྲོད་གསལ་བོ་ཆགས་པ་ཞིག་མ་རེད་ནས། གང་ལྟར་ཁོང་ཚོས་ག་རེ་ཟེར་གྱི་ཡོད་པ་རེད་ཟེར་ན་ཆ་མཐུན་དང་ཞི་བདེ་དུས་རབས་ཞིག་བཟོ་ཀྱི་ཡིན་ཟེར་པ་སོགས་མི་མང་ལ་མགོ་སྐོར་བྱེད་ཀྱི་ཡོད་པ་དེ་ད་ཐང་ར་སྤྲོད་གསལ་བོ་བྱུང་པ་ཞིག་རེད་བསམ་གྱི་ཡོད། མ་ཟད་བོད་ཞི་བའི་བཅང་གྲོལ་བཏང་ནས་ལོ་ངོ་དྲུག་བཅུ་འགོར་བའི་དུས་དྲན་ཞིག་སྲོང་རྩི་བྱས་པ་སོགས་དངོས་ཡོད་ཀྱི་གནས་སྟངས་ནི་བོད་བཙན་དབང་དང་མནར་གཅོད་བྱས་ནས་ལོ་ངོ་དྲུག་བཅུ་ཞིག་འགོར་བ་རེད་དེ་ནི་བོད་མི་ཙམ་མ་ཟད་འཛམ་གླིང་མི་མང་གི་དྲང་བདེན་གྱི་ཐོག་ནས་རྒྱབ་སྐྱོར་གནང་རོགས་ཞུ། བོད་སོག་གཉིས་དང་རྒྱ་ནག་དམར་ཕྱོགས་ཚང་གི་བཙན་དབང་ན་ཡོད་པའི་སྤུན་ཟླ་རྣམ་རྒྱལ་ལོ།