ཟླ་དགུ་བའི་གྲོས་ཚོཊ་ནང”བོད་མིའི་གཞུང་གི་སྒྲིག་འཛུཊ”སུ་བསྒྱུར་རྒྱུ་ཡིན།

ང་ཚོའི་བཙན་འབྱོལ་བོད་གཞུང་འདི་བལ་ཡུལ་གྱི་གཞུང་ལྟར་བརྟན་པོ་རྩ་བ་ནས་མི་འདུག གཞུང་ཞེས་པའི་ཐ་སྙད་འདི་དགོས་ཀྱི་མི་འདུག་ཟེར་མཁན་ཡང་ཁོང་རྣམ་པ་རེད། དགོས་ཀྱི་འདུག་ཟེར་མཁན་ཡང་ཁོང་རྣམ་པ་རེད།

དཱ་བྱེད་རྒྱུ་མང་པོ་འདི་ཡག་པོ་རང་ཡོད་མ་རེད་བསམ་གྱི་འདུག

གང་ལྟར་འཕེལ་རིམ་འདིའི་སྐོར་ལ་སྐད་ཆ་ཞིག་མི་བཤད་ཐུ་མེད་ཆགས་འདུག་པས་རིང་མིན་བརྗོད་རྒྱུ་ཡིན།

གསར་འབྱོར་ལགས་ཧ་ཅང་ཡག་པོ་གསུངས་འདུག་ཡི་རང་ཡོད། བོད་གཞུང་ཞེས་པའི་མིང་འདི་ང་ཚོ་དང་ལས་བྱེད་པ་གོང་དཔོན་པོ་ནས་འོག་མི་སེར་བར་སུ་ལ་ཡང་བརྗེ་བསྒྱུར་བྱ་རྒྱའི་འདོད་པ་མེད་བཞིན་དུ་དེ་བརྗེ་དགོ་བའི་གསལ་བཤད་དུ་དགག་བྱ་དང་། དགོས་པ་གང་མང་གསུངས་བྱུང་། འོན་ཀྱང་དེ་དག་ནས་གནད་འགག་ཆེ་ཤོས་ཡུལ་ཁྲིམས་དང་འགལ་བ་ཡིན་པའི་གནད་དོན་འདི་ངས་ཧ་ཅང་གི་ཉེན་ཁ་ཞིག་ཏུ་མཐོང་སོང་། གང་ཞེ་ན་གང་ཟག་སྒེར་བ་ཞིག་ལ་མཚོན་ན་དེ་ཙམ་ཉེན་ཁ་མེད་མོད། འོན་ཀྱང་གཞུང་ངམ་ཚོགས་པ་ཆེན་པོ་ཞིག་ལ་མཚོན་ན་ཉིན་ཞིག་དཀའ་ངལ་འཕྲད་དེ་ཁྲིམས་ཐོག་ཏུ་སོང་དུས་གདེང་ཚད་མེད་པ་མ་ཟད་ཕམ་ཁའི་རྒྱུ་གཙོ་བོ་ཞིག་ཏུ་སེམས། དེས་ན་ཉིད་ཀྱིས་སྔར་བཞིན་དེའི་སྐོར་གྱི་གནད་དོན་རེ་གླེང་བའི་རེ་བ་ཡོད། གནད་དོན་འདི་ང་ཚོས་བོད་གཞུང་ཞེས་པའི་མིང་བསྒྱུར་དགོ་དང་མི་དགོས་ཀྱི་ས་མཚམས་ཤིག་ཏུ་མཐོང་བས་ཡིན་ལགས།
གསལ་བཤད་ཅིག་ལ། རྒྱ་གར་གྱི་ཁྲིམས་ལ་ཡུལ་ཁྲིམས་ཞེས་པ་འདི། ད་ལྟའི་ང་ཚོའི་བཙན་བྱོལ་བོད་གཞུང་ལ་ལྟོས་ནས་དེ་ལྟར་འབོད་བཞིན་ཡོད་པ་ལས། སྤྱིར་རྒྱ་གར་གྱི་ཁྲིམས་འདི་བོད་ཀྱི་ཡུལ་ཁྲིམས་མ་ཡིན་པ་དང་། དེ་དང་འགལ་ན་ཡུལ་ཁྲིམས་དང་འགལ་མི་དགོས་པ་དཔེར་ན་རྒྱ་གར་གྱི་ཁྲིམས་འགལ་བ་སུ་སིར་གནས་སྡོད་བོད་པ་འགའ་རེ་བཞིན་ནོ། སྤྱིར་ན་ཁྱེད་ལྟ་བུ་ལ་གསལ་བཤད་མི་དགོས་ཀྱང་གནས་དེ་ཙམ་ལ་ཡང་རྨོངས་པའི་རིག་འདོན་པ་འགའ་རེ་མཆིས་ན་དེ་དག་ལ་རྨོངས་སེལ་ཆེད་དུ་ཞར་བྱུང་ཙམ་ཡིན།

དབུས་བོད་མིའི་སྒྲིག་འཛུགས་དང་བོད་མིའི་གཞུང་གི་སྒྲིག་འཛུགས་སོགས་བཙན་བྱོལ་བོད་མིའི་ཚོགས་སྡེ་འདི་ལ་མིང་ག་རེ་བཏགས་ཀྱང་ཁྱད་པར་གང་ཡང་མེད་ཚུལ་གསུངས་བཞིན་པའི་མི་འདི་དག་གིས་གནས་སྐབས་རིང་བོད་མིའི་ཁ་བཀག་ཐབས་ཤིག་དང་རྒྱ་མིའི་མིག་བཙུམ་ཐབས་ཀྱི་སྲིད་བྱུས་སྐྱུག་དྲོ་བ་ཞིག་གི་ཟློས་གར་འཁྲབ་ཀྱིན་ཡོད་པ་འདི་ལོ་ངོ་སྟོང་ཕྲག་ལྷག་རིང་སྟོན་པ་སངས་ཀྱི་ཆོས་ལ་སློབ་ཅིང་དེང་རབ་མང་གཙོའི་ཕྱི་གསལ་ནང་གསལ་གྱི་སྲིད་ལ་སྦྱངས་པའི་མི་ཞིག་གི་བྱེད་སྟངས་རེད་མི་འདུག དོན་དང་མཐུན་པའི་མིང་དང་མིང་དང་མཐུན་པའི་དོན་ཞིག་དགོས་ཀྱི་ཡོད་པ་ནི་འདས་མ་འོངས་ད་ལྟ་གསུམ་གང་ལ་ལྟས་ཀྱང་གལ་ཆེན་ཞིག་ཡིན་པ་ནི་བཤད་མ་དགོས་པ་ཞིག་རེད། མིང་དོན་མི་མཚུངས་པའི་སྲིད་བྱུས་ཀྱི་ཟློས་གར་འདིས་མཐའ་ན་ད་ལྟའི་བོད་མི་རང་ཉིད་ཀྱི་མངོན་འདོད་ཙམ་ཡང་སྒྲུབ་ཐུབ་ཀྱི་མེད་ན་མ་འོངས་བ་ན་དེ་བས་ཀྱང་བཤད་མ་དགོས་པ་ཞིག་རེད། བོད་མིའི་ཆབ་དཔལ་རིག་གསུམ་ལོ་རྒྱུས་ཀྱི་རྒྱུན་ཉམས་པར་སྐྱོང་བཞིན་པའི་བོད་མིའི་གུང་བུ་གཅིག་ཏུ་བསྡུས་པའི་ཚོགས་སྡེ་འདིའི་འཇི༹ན་སྐྱོང་བྱེད་མཁན་ནི་དེའི་གཞུང་མིན་ཚེ། ང་ཚོ་བཙན་བྱོལ་དུ་ཡོང་བ་ཡང་རང་ཉིད་ཀྱི་དཀའ་སྡུག་མ་གཟོད་པར་གནད་དོན་ལ་གཡོལ་ཆེད་ཙམ་ཡིན་པ་ལས་ལོ་ངོ་སྟོང་ཕྲག་གི་བོད་མིའི་རྒྱལ་རབས་རིམ་བྱུང་གི་རྒྱལ་ཁབ་ཆེན་པོ་འདི་ཡོངས་སུ་རྫོགས་ཚར་བ་མ་ཡིན་ནམ། བོད་མི་ཚོའི་སེམས་ཁུངས་སུ་ད་བར་འདས་པའི་ལོ་རྒྱུས་ཀྱི་བརྒྱུན་སྐྱོང་བ་དང་ད་ལྟའི་དཀའ་སྡུག་གི་གདོང་ལེན་པ་མ་འོངས་བདེ་སྐྱིད་ཀྱི་འཚོལ་སྙེགས་མཁན་ནི་ད་ལྡའི་བཙན་བྱོལ་བོད་མིའི་གཞུང་འདི་ཡིན་བསམ་བཞིན་བཅལ་ཁྲལ་འབུལ་དང་བདེ་སྡུག་ཞུ་བ་སོགས་སེམས་ཀྱི་ཁ་ཕྱོགས་གཅིག་ཏུ་བསྡུ་བའི་ནུས་པ་ནི་གཞུང་ཞེས་པའི་ཡིག་འབྲུ་འདི་ལས་བྱུང་བ་ཡིན་ནའང་། གློ་བུར་ཏུ་སེམས་ཀྱི་འཇི༹ན་ཐག་ཆད་པའི་གནས་སྟངས་འདི་ལྟ་བུ་བྱུང་དུས་མ་འོངས་བདེ་སྐྱིད་ཀྱི་རྒྱབ་བརྟེན་རྟག་བརྟན་བྲག་རི་བཞིན་སྒོམ་མཁན་གྱི་མི་དག་ལ་མཚོན་ན་སྐུ་ཐག་ཆད་པའི་ཤོག་བྱ་བཞིན་ཁ་ཕྱོགས་བརླགས་སྟེ་གཅིག་སྡུས་ཀྱི་ནུས་པའི་སྟོབས་ཤུགས་མེད་པར་ཆགས་ཀྱི་ཡོད། དེའི་རྐྱེན་གྱིས་ཟླ་ངོ་ཁ་ཤས་ཤིག་གི་རིང་ལའང་བོད་མི་མི་ཉུང་བ་ཞིག་གིས་སེམས་ཀྱི་འཇི༹ན་ཐག་གསར་བ་ཞིག་འཚོལ་བཞིན་ཡོད་པ་ནི་བོད་ཀྱི་གཞོན་ནུའི་ལྷན་ཚོགས་འདི་ཆགས་ཀྱི་ཡོད་པ་སོགས་ཀྱིས་མཚོན་བོད་ཕྱི་ནང་གཉིས་སུ་འགྱུར་ལྡོག་ཆེན་པོ་ཞིག་འགྲོ་བཞིན་ཡོད་པས། མི་མང་གི་སེམས་ཁམས་དང་འབྲེལ་བའི་སྲིད་བྱུས་ལ་འགྱུར་བ་གཏོང་དུས་ངེས་པར་གཟབ་གཟབ་བྱས་སྟེ་ཕྱི་ནང་གསང་གསུམ་མཐོང་བའི་སྒོ་ནས་ཐག་གཅོད་གནང་རྒྱུ་ཧ་ཅང་གལ་ཆེན་རེད་དྲེན་གྱི་འདུག ད་བར་བོད་ཀྱི་དབུ་མེད་ལྷན་ཚོགས་དང་བོད་ཀྱི་གཞོན་ནུའི་ལྷན་ཚོགས་ད་དུང་བོད་མིའི་སྐྱིད་སྡུག་དང་ཚོགས་སྡེ་ཁག་ལས་གང་རུང་ཞིག་བོད་ཕྱི་ནང་གཉིས་ཀྱི་བོད་མིའི་སྟོབས་ཤུགས་ནུས་པ་གཅིག་ཏུ་བསྡུས་པའི་རེ་བའི་སྐྱབས་ཡུལ་ཞིག་མི་ཆགས་དོན།འདི་དག་ལ་བོད་མིའི་མངོན་འདོད་ཡོངས་སུ་སྒྲུབ་ཐུབ་པའི་གཞུང་ཞེས་པའི་མིང་དོན་མཚུངས་པའི་ནུས་པ་དེ་མེད་པས་རེད། གང་ལྟར་མི་རིགས་དང་རྒྱལ་ཁབ་ཞིག་གི་ལས་དོན་སྒྲུབ་དུས་དེའི་མི་མང་གི་སེམས་ཀྱི་རེ་བའི་སྟོབས་ཤུགས་གཅིག་ཏུ་བསྡུ་བའི་ནུས་པ་དེ་ངོ་འཇི༹ན་དང་མཐོང་ཆེན་བྱེད་རྒྱུ་ནི་ལས་དོན་ལེགས་འགྲུབ་ཡོང་བའི་ཆ་རྐྱེན་གཙོ་བོ་ཞིག་ཡིན། དེ་དང་ཆབས་གཅིག་ཤེས་ལྡན་མི་སྣ་དང་ཆབ་སྲིད་པའི་རྣམ་དཔྱོད་གཉིས་དོ་མཉམ་པའི་སྒོ་ནས་འགྲོ་ཐུབ་ཚེ་ད་ལྟའི་ང་ཚོའི་དཀའ་རྙོག་འདི་དག་ཡོང་མི་སྲིད་པ་ལྟ་བུ་ཞིག་རེད་ཡིན་ནའང་བློ་ཕམ་དགོས་པ་ཞིག་ལ་ང་ཚོས་ཤེས་ལྡན་པ་དང་ཆབ་སྲིད་པ་ལས་མི་མང་ལ་བསམ་བློ་བཏང་མི་འདུག

མིང་ལས་དོན་གཙོ་བོ་ཡིན་པས། རྒྱལ་སྤྱིའི་སྤྱི་ཚོགས་དང་ཁྱད་པར་རྒྱ་གར་གྱི་ཁྲིམས་དང་བསྟུན་དགོས་རྒྱུ་གལ་ཆེ་བར་མཐོང་།

ད་ཧ་གོ་སོང་། ཟམ་གདོང་བླ་མས་བོད་ཀྱི་ལས་འགུལ་བཀག བོད་ཀྱི་གནད་དོན་ཁས་ལེན་བྱེད་ཀྱི་མེད་བཞིན་དུ་སྐུ་ཚབ་རིམ་གཏོང་བྱས། ད་དུང་བོད་གཞུང་གཏོར། ད་ག་རེ་རེག་འདུག རྒྱ་ནག་ཤིན་ཧྭ་གསར་ཁང་གིས་གསལ་བོ་དག་པོ་དཔྱད་བརྗོད་སྤེལ་འདུག་ག ད་ལྟ་གཞི་ནས་མི་མང་ལ་ཁ་གཡར་ནས་ཡིན་མདོག་སྟོན་བཞིན་པ་མ་ཡིན་ནམ། བོད་མི་རྣམས་སྙིང་རྗེ། ཤི་བོ་རྣམས་སྙིང་རྗེ།

བསྐུར་འོས་ཚོགས་གཙོ་མཆོག་གི་བོད་མི་མང་གི་མངོན་འདོད་ལ་ཐུགས་ཁུར་རྒྱ་ཆེན་པོ་བཞེས་པ་ལ་ཡི་རང་དང་མཛད་འཆར་རྣམས་གེགས་མེད་ལམ་སློང་ཡོང་པའི་ཡིད་ཆེས་དང་རེ་བ་ཆེན་པོ་བྱེད་ཀྱི་ཡོད།
ཡིན་ན་ཡང་རྒྱ་མི་དམར་པོ་འདི་མགོ་འཕང་ཇེ་མཐོ་དང་དཔལ་འབྱོར་ཇེ་རྒྱས་ཧམ་བཤད་ཇེ་ཆེ། བཙན་བྱོལ་བོད་མི་ཚོས་འགྱུར་ལྡོག་ཇེ་མང། རྒྱ་མིའི་མངོན་འདོད་སྒྲུབ་རྒྱུ་ཇེ་མང་ཏུ་སོང་དགོས་པའི་བསྒྲིག་བཟོ་འདི་འཇིག་རྟེན་བཀོད་པ་པོ་ཞིག་གི་བྱས་པ་མ་རེད། འདི་ནི་ཧམ་པ་རི་ཙམ་བྱས་ན་བདེན་པ་གཡག་ཙམ་ཐོབ་ཞེས་པ་དེ་ཆེ་ཆུང་ལ་བརྟེན་ནས་བྱུང་བ་ཞིག་ཏུ་ཡིན་པར་འདོད། འདིར་བཙན་བྱོལ་དུ་གནས་སྡོད་པ་འདི་ནི། སྒྱེ་མི་ལོ་ལྟག་པའི་གཉའ་ཤིང་ལྗིད་པོ་ཞིག་དང་། སྒུར་མི་ལོ་ཐག་ནག་གི་ཞགས་པ་ནག་པོས་བཅིང་བ་ཞིག་ལ་ཚུད་ཡོད་དུས། ག་ཚོད་ཙམ་གྱི་འགྲོ་ཞི་མི་ལས་འཇམ་པ་དང་། འདུག་རི་བོང་ལས་གཙུག་པ་ཞིག་བྱས་ན་ཡང་། ཚོད་མེད་པའི་རྒྱ་མི་དམར་པོ་འདིས་བྱེད་སྟང་དང་བཤད་སྟང་འདི་ཚོ་ལ་ཞིབ་ཚག་པོས་ལྟ་ཉན་བྱེད་དུས་ཕ་བསད་པས་མི་ཚད་བུ་གི་ལྤགས་པ་བཤུ་སྟང་སྡུག་པོ་འདི་ནི།
བོད་གངས་ཅན་མི་ཡི་ཤ་ཁྲག་རུས་གསུམ་ལས་གྲུབ་པ་ཞིག་ཡིན་ནས་བཟུང་དུས་ནམ་ཡང་བརྗེད་མི་ཐུབ་པ་དང་དུས་ནམ་ཡང་དངོས་རྒྱུད་ཤུགས་གསུམ་ནས་ལེ་ལེན་རྔ་དང་རྔ་ལྕགས་སྐྱེ་ལེན་བྲག་དང་ཤུག་པ་ཞིིག་སྤྲད་མ་ཐུབ་ན་རང་གར་ག་འདྲ་བྱས་ནས་བཞག་མི་ཐུབ་པའི་ཚོར་སྣང་ཆེན་པོ་ཞིག་ལྡོག་ཏུ་མེད་པར་ཡོད་པར་བརྟེན།
ང་ཚོ་བཙན་བྱོལ་བོད་མི་ཡོངས་ཀྱི་མངོན་འདོད་དང་དགོས་པ་ནི་རང་གི་རྒྱལ་ས་རང་མིའི་ལེན་ན་དགའ་བ་དང་སྤྲོ་བ་ཞིག་ལས་དེ་ལ་མི་དགའ་བ་དང་མི་འདོད་པ་ཞིག་འཇིག་རྟེན་སྲིད་པ་གསུམ་གྱི་གནས་འདི་ན་སུ་ཡང་མེད། ཡིན་ན་ཡང་གླེན་པ་བྱེད་སྟང་མ་ཤེས་པ་དག་དགྲ་བོའི་སྒྱོག་གི་མདུན་སར་འཆོང་རྒྱག་བྱེད་ན་རང་ལུས་ཚལ་པར་བཏང་འགྲོ་བ་ཞིག་ལས་དེ་ལ་རྒྱལ་ཁ་གང་ཡང་མེད་པ་བཞིན། བཙན་བྱོལ་བོད་མིའི་བསྒྲིག་འཛུག་གི་དབུ་ཁྲིད་པའི་གཞིས་བྱེས་ཡོངས་ཀྱི་གྲོས་འདེབས་དང་འདེམས་ཐོན་ལས་བྱུང་བའི་བཀའ་བློ་ཁྲི་པ་མཆོག་དང་། བོད་མི་མང་སྤྱི་མཐུས་ལྷན་ཚོགས། བོད་ཀྱི་ཆེས་མཐོའི་ཁྲིམས་ཁང་གསུམ་ནི། གཞིས་བྱས་བོད་མི་ཡོངས་ཀྱི་རྟེན་གཞི་འདི་ཡིན་པས། སྨན་པ་ནད་པའི་གནད་ལ་མཁས་པ་དང་། ཤིང་མཁན་ཤིང་གི་གནད་ལ་མཁས་པ་ཡིན་ཙང་ཁོང་རྣམ་པས་ཕྱག་ལས་བཀའ་བསྡུར་གང་གནང་བ་དེ་རྒྱ་ཆེའི་བོད་མི་མང་ལ་ཕན་ཐབས་དང་། རྒྱ་ཆེའི་བོད་མི་མང་གི་མངོན་འདོད་སྒྲུབ་པ་རྐྱང་གཅིག་ལས་རྒྱ་མི་དམར་པོའི་དབང་འཛིན་གཅིག་བསྡུས་པ་ལྟ་བུ་རྩ་བ་ཉིད་ནས་མིན་ཙང་དེ་བོད་མི་རིགས་འདི་ཉིད་ཀྱི་ལོངས་ཕྱོགས་དང་སྒྲུབ་ཕྱོགས་སོགས་ལ་ནོར་འཕྲུལ་གཏན་ནས་ཡོང་མི་སྲིད།
ཡིན་ན་ཡང་རང་རང་གི་མངོན་འདོད་གང་ཡོད་པ་དེ་གླེང་སྟེགས་འདི་ཉིད་ཀྱི་སྟེང་དུ་བཤད་པ་དེ་དགོས་ངེས་པ་ཞིག་དང་བཤད་དགོས་པ་ཞིག་ཡིན་པས་དེ་ལ་བཀག་འགོགས་སུས་ཀྱང་བྱེད་མི་རུང་། དེ་ལ་དབུ་ཁྲིད་རྣམ་པས་ཁོང་ཁྲོ་དང་ཞེ་ཁྲེལ་ཡང་ཡོང་མི་སྲིད། མི་སུམ་བཅུ་ལ་སྣང་བ་སུམ་ཅུ་དང་། གཡག་དྲུག་ཅུ་ལ་རྭ་ཅོ་དྲུག་ཅུ་ཡོད་པ་མཁྱེན་མཁྱེན་པ་ཡིན་ཙང་བཤད་པ་འདི་ཚོ་མང་གཙོའི་ཁེ་དབང་ལོངས་སུ་སྤྱོད་པའི་འབྲས་རྟགས་ཡང་དག་ཞིག་ཡིན་པས། ངེས་པར་དུ་བཤད་དགོས་པ་དང་བཤད་འོས་པ་ཞིག་ཡིན། ཕྱི་ནང་སུ་གི་ལྟས་ན་དེ་ལ་འཚེར་སྣང་དང་ཞེད་སྣང་སོགས་ཀྱི་དགོང་པ་གཏན་ནས་བཞེས་མི་དགོས་པར་སེམས། ནམ་རྒྱུན་ཕྱི་གསལ་ནང་གསལ་ཞེས་འདི་འདྲའི་རང་དབང་ལོངས་སུ་སྤྱོད་རྒྱུ་ཡོད་པ་དང་སྤྱོད་ཆོག་པ་ཞིག་ཡོད་དུས་ང་ཚོའི་བདེན་པ་འདི་དངོས་ར་འཕྲོད་པ་ཡིན། དཔེར་ན་རྒྱ་མི་དམར་པོ་ལྟ་བུ་ལ་མཚོན་ན། སྲིད་དང་ཁེ་དབང་ཡོད་ཚད་གཞུང་གི་སྟང་འཛིན་གྱི་འོག་ཏུ་བཅུམ་ནས། སྒེར་གྱི་སྟེང་དུ་སྲིད་ཀྱི་དབང་བེད་གཏན་ནས་སྤྱོད་མི་ཆོག་པའི་ཕྱི་ཤུབ་མཛེས་པོ་འདི་ཉིད་ཡོད་ནས་བཟུང་། རང་དབང་གི་ལམ་ཁ་གཏན་ནས་མེད་པ་ཡིན་པ་འདི་བྱུང་བ་རེད། དེར་བརྟེན་གུས་པས་ཀྱང་འདིར་བཤད་འདོད་པ་ཞིག་ལ། བཅའ་ཁྲིམས་བསྐྱར་བཅོས་ཀྱི་དུས་སུ་གུས་པའི་རེ་བ་ལ་ངེས་པར་དུ་རྒྱལ་རྟགས་ཀྱི་ནང་དུ་(གཞུང་)ཞེས་པའི་ཐ་སྙད་ཞིག་ཡོད་ན་དེ་ནི་ཤིན་ཏུ་དགེ་མཚན་ཆེ་བ་མ་ཚད་སྒྲུབ་ཕྱོགས་ལ་ཡང་དགོས་པ་ཆེན་པོ་ཡོད་པར་སྣང་། རྒྱལ་རྟགས་ཀྱི་ནང་དུ་(བདེན་པ་ཉིད་རྣམ་པར་རྒྱལ་གྱུར་ཅིག) ཞེས་པའི་པར་དེ་ཐོག་མར་མཐོང་དུས་སུ་སེམས་ནང་དུ་མི་དགའ་བ་དང་ཉམས་དམའ་བའི་ཚོར་བ་ཤུགས་ཆེན་པོ་བྱུང་སོང་། ངོས་ལ་སེམས་ཚོར་ཡོད་པ་བཞིན་བོད་མི་བྱིང་ལ་ཡང་གཅིག་མཚུངས་ཡིན་པ་བཤད་མ་དགོས་པར་སེམས། ཡིན་ན་ཡང་ཁྱེད་རྣམ་པའི་དགོང་འཆར་དང་དགོས་པ་ལ་བརྟེན་ནས་ཕྱག་ལས་རྣམས་ནོར་འཕྲུལ་དང་རྒྱུ་མཚན་མེད་པ་རེད་ཞེས་ངས་ལག་ཐལ་མོ་སྦྱོར་ནས་ཞུ་གི་མེད། ངོས་རང་གི་སེམས་ཚོར་ཞུས་པ་ཡིན། ངོས་ཀྱི་བསམ་འཆར་ནི་རྒྱལ་ཐིག་ནང་དུ། (བོད་གཞུང་མང་རྣམ་རྒྱལ་ཕོ་བྲང་།) (བོད་གཞུང་ཕྱོགས་ལས་རྣམ་རྒྱལ།) (བོད་བདེན་པའི་གཞུང་ཕྱོགས་ལས་རྣམ་རྒྱལ།)(བོད་གཞུང་རྩེ་ཕོ་བྲང་ཕྱོགས་ལས་རྣམ་རྒྱལ། ) བོད་མིའི་སྒྲིག་འཛུག་གཞུང་ཕྱོགས་ལས་རྣམ་རྒྱལ། ) སོགས་(གཞུང་)ཞེས་པ་འདི་ཡོད་ན་བོད་ཡོད་པར་མཚོན་པ་དང་། བོད་ཀྱི་རྒྱལ་ཁབ་ཡིན་པར་མཚོན་པ་དང་། བོད་མིའི་ཕོ་བྲང་ཡིན་པར་མཚོན་པ་དང་། བོད་མིའི་མངོན་འདོད་སྒྲུབས་ཏུ་ཡོད་པར་མཚོན་པ་སོགས་ཀྱི་དགོས་པ་ཆེན་པོ་ཡོད། དེ་མིན་སྨོན་ལམ་འདིས་དགག་ཕྱོགས་ཀྱི་མཚོན་དོན་ཀྱང་མང་པོ་ཡོད་པར་སྣང་།

འཇམ་ཚུལ་ལགས།
རྒྱ་གར་གྱི་ཡུལ་ཁྲིམས་ནང་དུ་བོད་རྒྱལ་ཁབ་ཟེར་བ་ཞིག་འཛམ་གླིང་ཐོག་ཏུ་ཡོད་མི་ཆོག་ཞེས་བྲིས་ཡོད་པ་རེད་དམ། ཡིན་གཅིག་མིན་གཉིས་་་་བོད་རྒྱལ་ཁབ་ཟེར་བ་ཞིག་མེད་་་་སྒྲིག་འཛུགས་ཆུང་ཆུང་ཞིག་ཡིན་ལབ་དགོས་པ་རེད་དམ། སྒྲིག་འཛུགས་དེ་ཡང་ཏང་མི་ཁྲི་ཚོ་བརྒྱད་ཀྱི་བཀའ་བཀོད་རྒྱུད་འཛིན་འོག་གི་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་རྒྱལ་ཁུངས་ཡིན་ལབ་དགོས་པ་རེད་དམ།

རྒྱ་གར་གཞུང་གི་དགྲ་བོ་ངོ་མ་གོང་ཁྲན་ཏང་ཆགས་ཀྱི་ཡོད་པར་ལས་བོད་རྒྱལ་ཁབ་ཆགས་ཀྱི་མེད་པ་ཡང་ཤེས་ཀྱི་མེད་པས། ཨ་རི་རྩ་ནས་དམག་གི་གནམ་གྲུ་༡༨༠་ཉོས་ནས་གྲལ་སྒྲིག་བྱས་བསྡད་ཡོད་པ་དེ་བཙན་བྱོལ་བོད་གཞུང་གཏོར་རྐྱེན་རེད་བསམ་བྱུང་བས།

དོན་ངོ་མ་་་་ང་ཚོ་རྒྱ་མི་ཡིན་་ང་ཚོས་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་བཅའ་ཁྲིམས་སུ་དང་ལེན་བྱེད་ཀྱི་ཟེར་བསྡད་ན་རྒྱ་གར་གཞུང་གིས་ལས་སླ་པོ་བཞག་གི་མ་རེད་དོ། གནས་ཚུལ་འདིར་ཤེས་པ་བྱོས།

ང་རང་ཚོས་ངོས་ནས་ང་ཚོ་རྒྱ་ཁུངས་ཡིན་དང་རྒྱ་ཁུངས་ཡིན་ལབ་བསྡད་ན་ཕྱིའི་རྒྱལ་ཁབ་ཁག་གི་བོད་དོན་རྒྱབ་སྐྱོབ་བ་ཚོ་ལ་དཀའ་ངལ་འཕྲད་ཀྱི་ཡོད། གོང་ཁྲན་ཏང་གིས་ངོ་ནས་ཕྱི་རྒྱལ་བ་ཁྱོད་ཚོ་ལ་རྒྱ་ནག་གི་ནང་སྲིད་ལ་ལག་པ་འཆམ་རྒྱུའི་མཐོང་ཐང་མེད་ཞེས་སྡུག་ར་བསྐུལ་གྱི་ཡོད་པ་ཡང་མཐོང་མ་སོང་ངམ།

བོད་དོན་རྒྱབ་སྐྱོས་བ་རྣམས་ཀྱིས་བོད་རྒྱལ་ཁབ་ལ་རྒྱབ་སྐྱོར་བྱས་ཀྱི་ཡོད་པ་ལས་བཙན་བྱོལ་སྒྲིག་འཛུགས་སུ་རྒྱབ་སྐྱོབ་བྱས་བསྡད་པ་མ་རེད། ༢༠༠༨་ལོར་ཡུང་རོ་གྲོས་འཚོགས་ཀྱི་འཐུས་མི་ཚོས་༧གོང་ས་མཆོག་ལ་ཁྱེད་རང་གི་བོད་རང་བཙན་རྩོད་དང་ང་ཚོས་རྒྱབ་སྐྱོབ་ཡོད་ཞེས་དངོས་སུ་ཞུས་བསྡད་པར་མཐོང་མྱངས་མེད་པས།

ཁྱེད་ཀྱི་ཆེད་དུ་དེ་ཙམ་ཡིན། རང་གིས་རང་མེད་པ་བཟོ་རྒྱུའི་ཕྱོགས་སུ་གོམ་ཁ་མ་སྐྱོད་རོགས་ཞེས་ཞུ་རྒྱུ་ཡིན།

ཉི་ཟླ་སྐར་ལགས་ཀྱི་གསུངས་པར་བདེན་པ་རེད། རྗེས་སུ་ཡིད་རུང་ཡོད། ཐུགས་རྗེ་ཆེ་ཞེས་ཀྱང་ཞུ་རྒྱུ་ཡིན།

དྲ་གྲོགས་་་་གནས་ཚང་ཟེར་བའི་མི་འདི་ནི་དུས་བབ་ཐོག་གི་མཆན་འདེབས་པ་ཡག་ཕྱོགས་ཤིག་དང་རྒྱུས་མངའ་ཆེ་ཤོས་ཤིག་རེད་འདུག་དྲན་བཞིན་ཡོད། ཁྱེད་ཀྱི་མཆན་བུ་རྣམས་ག་དུས་ཡིན་ནའང་བཀླགས་ཀྱི་ཡོད། མི་ཁྱེད་ཀྱི་བཤད་པའི་སྐད་ཆ་རྣམས་སུ་དང་བ་ཆེ་རེ་ནས་ཆེ་རེ་འགྲོ་བཞིན་ཡོད།

ང་ཅོ་རིའི་སེམས་ཀྱི་གནས་ཚང་ཞིག་ཏུ་འགྱུར་བཞིན་ཡོད། དགོངས་ཚུལ་མང་ཙམ་གསུང་རོགས་ཞེས་རེ་བ་ཞུ་རྒྱུ་ཡིན། དགའ་པོ་ཡོད་།

བློ་བཟང་རྒྱལ་མཚན་ལགས། གལ་སྲིད་ཁྱེད་ཡིན་ན། གནས་ཚུལ་འདིའི་སྐོར་སུ་ལ་འདྲི་ས་རེད། ཡང་ན་གཡུགས་འཇོག་རྒྱུ་ཡིན།

ད་གཞུང་གི་ལས་བྱེད་ཀྱི་གླད་པ་ནང་འབུ་འཛིན་ཚར་ས་འགུ ཕར་བསྒྱུར་ཚུར་བསྒྱུར་བྱེད་ནས་ཆི་བཟོ་ལ་རེད། ཡིད་རྩ་བ་ཉིད་ནས་མི་མཆིས།།

བརྩེ་བའི་དྲ་གྲོགས་རྣམས་པ་ལག་།
ད་དངོས་གནས་ག་རེ་ཟེར་གི་ཡོད་རེད་ཟམ་གདོང་དང་པེན་པ་གཉིས་ནས་ཡང་གཅར་ག་རེ་་་་་་་་
བོད་རྒྱལ་ཁབ་འདི་ཁོང་སྐྱ་སེར་གཉིས་གི་ཀུ་རེ་སྩེད་བྱེད་འདྲ་ཡིན་ནི་ཨེ་རེད་་་་
དེ་མིན་འདི་འདྲ་བྱས་ན་ད་ང་ཚོ་གདན་ས་གསུམ་གཙོས་པའི་བོད་མི་མང་ལང་ཐག་ཆོད་ཡིན་ད་་
དུག་ཚེར་དམར་པོའི་གསུང་ཡ་དངོས་གནས་རེད་ཤག་་

ཞེན་པ་དཀར་བའི་རིག་འདོན་པ་དག ཁྱེད་ཅག་གིས་དོན་དངོས་རང་མི་རིགས་འདིའི་ལས་དོན་དང་། ཁེ་ཕན་ལ་བསམ་ན་རང་གི་འདོད་ཕྱོགས་ཙམ་དང་དགའ་ཕྱོགས་ཙམ་གྱིས་ལབ་གླེང་མི་བྱེད་པར་འགན་ཞིག་ཁུར་དགོས་རེད། ལྷག་དོན་དུ་རྒྱ་ཆེས་མི་མང་གིས་འདམས་པའི་ལས་བྱེད་པ་རྣམས་དང་། གནད་ཡོད་མི་སྣ་དག་ལ་ཁ་ཚིག་ངན་པ་ཞུ་ཕྱོགས་ལ་གཟབ་གལ་ཆེ། གང་ཡིན་ཞེ་ན། ཁྱེད་ཀྱིས་བྲིས་པའི་མཆན་དེ། མི་ཁྲི་སྟོང་མང་བོ་ཞིག་གི་མིག་མདུན་དུ་ཤར་བཞིན་པས་ན་དེ་དག་ལ་གོ་རྟོགས་ཡར་བསྐྱེད་དང་། མིག་དཔེ་ཡར་སྟོན་ཕྱོགས་ལ་འགན་ཁུར་དགོས།

༼མ་ཟད་གསར་འགྱུར་འདི་ནི་བོད་མི་རིགས་ཀྱི་མ་འོངས་ལས་དོན་དང་འབྲེལ་བའི་གཞི་རྩའི་གནད་འགག་ཅིག་ཏུ་མཐོང་བའི་ཐོག་ནས་སྔར་༧གོང་ས་མཆོག་གིས་གཙོ་བཀའ་ཁྲི་དང་འཐུས་མི་རྣམས་ནས་གསལ་བཤད་རིམ་པ་གནང་བའི་གནད་དོན་དག་དྲན་པར་བྱས་ཏེ་ཅི་དགའི་བགྲོ་གླེང་བྱེད་རྒྱུ་ད་ལྟའི་ང་ཚོའི་གནད་འགག་ཅིག་རེད།༽
སྤྱིར་གསར་འགྱུར་འདི་ཡོང་དགོས་པ་ཡང་མི་མིང་གི་ཤུགས་རྐྱེན་ཁོ་ན་རེད་མ་གཏོགས་གནད་ཡོད་མི་སྣ་དག་གི་འདོད་ཚུལ་ཙམ་མ་ཡིན་པ་ཡང་ཤེས་དགོ་བ་ཞིག་རེད།

དེས་ན་རིག་འདོན་པ་དག་གི་བསམ་ཚུལ་གྱིས་དམངས་ལ་ཡང་ཤུགས་རྐ྄ེན་གང་ཙམ་ཐེབས་བཞིན་པས་ན་གོང་དུ་ཞུས་པ་ལྟར། སྒེར་གྱིས་འདོད་ཕྱོགས་དང་དགའ་ཕྱོགས་ཙམ་མ་ཡིན་པར་ཀུན་ཁྱབ་ཀྱི་བསམ་བློ་ཞིག་གིས་ཕུགས་རྒྱང་རིང་པོའི་འཐབ་རྩོད་ལས་དོན་ཕྱོགས་ལ་གཞོལ་རྒྱུ་གལ་ཆེའོ།།

བོད་མིའི་གཞུང་གི་སྒྲིག་འཛུགས་ཞེས་པ་ཡུལ་མིའི་ཁྲིམས་མཐུན་ཞིག་ཡིན་ན། བོད་གཞུང་སྒྲིག་འཛུགས་ཀྱང་ཡུལ་འདིའི་ཁྲིམས་སུ་མི་འགྱུར་རམ།

ཚེ་རིང་ལགས་སུ་ཞུ་རྒྱུར། སྤྱིར་གསར་འགོད་པ་ཞིག་ཡིན་ན། གནད་དོན་ཞིག་གང་དུ་ཡོད་ཀྱང་དེ་ལ་ཐེངས་བརྒྱར་བཅར་འདྲི་ཞུ་དགོས་ཀྱང་། གསལ་གསལ་ཐང་ཐང་གིས་བཙིར་འདེད་བྱ་རྒྱུ་ལས་འགན་ཡིན་ལ། ལྷག་པར་དུ་ང་ཚོ་སྐྱབས་བཅོལ་བོད་མི་ཞིག་ལ་མཚོན་ན་ཡང་། ལོ་འདིའི་ནང་ལ་བྱུང་བའི་ཡ་མཚན་ཅན་གྱི་གནས་ཚུལ་འདི་དག་མཐར་གཏུག་ན་བོད་མི་མང་སྤྱི་འཐུས་ལ་ཐུག་ཡོད་སྟབས། སྒྱུ་མ་ཕུ་འདེད་བྱ་དགོས་པ་འདི་ཡང་བོད་པའི་གསར་འགོད་པའི་འོས་འགན་དུ་མཐོང་། བོད་པའི་བདེན་དོན་འཐབ་རྩོད་དེ་མར་ཐལ་བའི་རྡུལ་དུ་བརྫི་རྒྱུ་དང་། ཡར་རྒྱལ་ཁའི་རྩེ་མོར་བསྒྲེང་རྒྱུ་གང་ཞིག་ཡིན་རུང་ད་ལྟའི་ཆར་བཀའ་སྤྱི་གཉིས་ལས་ང་ཚོར་རེ་བའི་མིག་གི་ལྟ་ས་ཞིག་མེད། ཚོགས་གཙོས་ལན་དྲང་མོར་རྒྱག་མིན་ཇི་ལྟར་ཡང་། ངས་ཚོགས་གཙོར་བཏོན་པའི་དྲི་བ་ཡོད་ཚད་རྒྱ་ཆེའི་མི་མང་གི་དྲི་བ་ཡིན་ལ། ཚོགས་གཙོས་ང་ལ་གསལ་བཤད་ལན་འདེབས་བྱས་པ་དག་ཀྱང་རྒྱ་ཆེའི་མི་མང་་གི་དོགས་སེལ་རེད།

སྤྱིར་མི་མང་གི་བསམ་ཚུལ་ལ་ཉན་ནས་ལས་དོན་སྒྲུབ་ཀྱི་ཡོད་མེད་མི་ཤེས་འོན་ཀྱང་ད་སྐབས་མི་མང་གི་བསམ་ཚུལ་ལྟར་ན་སྒྲིག་འཛུགས་ཞིག་གི་ངོ་བོའི་ཐོགས་བཞག་པ་ཡིན་ན་དེ་འདོད་པ་མེད་པའི་ནམ་པ་མང་པོ་ཞིག་ཡོང་གི་འདུག་དེ་འདྲ་ཡིན་དུས་བོད་མིའི་གཞུང་གི་སྒྲིག་འཛུགས་སུ་གཏན་འབེབས་སུ་གནང་ཐུབ་ན་དགེ་མཚན་གང་ཙམ་ཡོད་ངེས་རེད།

བཀུར་བར་འོས་པའི་བཀའ་ཁྲི་དང་ཚོགས་གཙོ་མཆོག་གི་གཙོས་གནད་ཡོད་ལྷན་རྒྱས་ནས་དམངས་ཀྱི་བསམ་ཚུལ་ལ་ཐུགས་བསམ་བཞེས་པ་བཀའ་དྲིན་ཆེ་ཞུ་འདོད་བྱུང་། སེམས་ཅན་ཁ་སངས་རྒྱས་ཀྱིས་མི་ཆོད་པའི་དཔེ་ལྟར། ཁྱེད་རྣམ་པར་མཛད་དཀའ་ཡོད་པ་ཡང་ང་ཚོ་མི་མང་གིས་ཤེས་ཀྱིན་ཡོད་ལ། ང་ཚོ་བོད་མི་རིགས་ཀྱི་བདེ་སྡུག་གི་དོན་དུ་ལྷག་བསམ་ཟོལ་མེད་གྱིས་ཧུར་ཐག་བྱེད་པར་ཡིད་ཆེས་གཙང་མ་ཡོད། དེས་ན་གཙོ་བོ་ང་ཚོ་མི་རིགས་ཀྱིས་འཐབ་རྩོད་འདི་མི་ལོ་ཅི་ཙམ་གནས་དགོ་ཡང་སྲ་བརྟན་དུ་གནས་ཐུབ་པའི་ཕྱོགས་ལ་ཐུགས་བསམ་བཞེས་པ་ལས་། འགན་ཅི་ཡང་མི་ཁུར་ཞིང་རྒྱལ་སྤྱིའི་གནས་བབ་དང་།ཡུལ་ཁྲིམས་ལ་རྒྱུས་མངའ་མེད་པའི་བཤད་ལ་དགའ་བ་དག་གིས་ཅི་བཤད་ལ་གསན་འཇོག་མི་མངའ་བར་ཞུ། གང་ཡིན་ཞེ་ན། དེ་དག་ནི་དམིགས་རྒྱང་ཐུང་བའི་རྐྱེན་གྱིས་གཤིན་རྗེ་མ་མཐོང་ན་འཇིགས་པ་ངོ་མི་ཤེས་པའི་གྲལ་དང་། ཡང་འགའ་རེས་ཤེས་བཞིན་ཏུ་དམིགས་ཡུལ་རེའི་ཆེད་དུ་བསམ་བཞིན་མི་སེམས་དཀྲིགས་པའི་གོ་སྐབས་འཚོལ་བར་སེམས། གལ་ཏེ་ལྷག་བསམ་ཅན་གྱི་མི་སེར་འགའ་རེར་གོ་བརྡ་མ་འཕྲོད་པ་དང་གོ་རྟོགས་ཀྱིས་དབང་གིས་བསམ་ཚུལ་ཡོད་ངེས་ཅན་ཡིན་ཡང་དེ་དག་ལ་རྒྱབ་ལྗོངས་ཀྱི་གནས་ཚུལ་དང་། མ་འོངས་མདུན་བསྐྱོད་ཀྱི་དགག་དགོས་རྣམས་སྔར་བཞིན་འགྲེལ་བརྗོད་གནང་ན་གོ་རྟོགས་འཐོབ་པའི་ཡིད་ཆེས་ཡོད། དེ་མིན་ད་སྐབས་ཧོར་བརྒྱུག་ཅིག་ཤོར་ན་ཧ་ཅང་གི་ཉན་ཚབས་ཅན་ཏུ་མཐོང་གི་འདུག་ན་དེ་དོན་དཔྱད་ཞིབ་ཡོད་པར་ཞུ།།

རིག་འདོན་པ་འགའ་རེས་འདི་ལྟར། བོད་གཞུང་དང་བོད་རྒྱལ་ཁབ་ཅེས་པ་མ་གཏོགས་མི་དགོས་ཟེར། བདེན་པ་ཡིན་རྒྱུ་རེད། ང་ཚོ་སུ་ལ་ཡང་ཁྱེད་ཀྱི་འདོད་པ་ལྟར་དགོ་ཡོད། འོན་ཀྱང་ད་ལྟ་ང་ཚོ་གང་ན་བསྡད་ཡོད། ང་ཚོ་སྡོད་ས་འདི་རང་གི་ས་ཆ་རེད་དམ་གཞན་གྱི་རེད། གལ་ཏེ་ང་ཚོ་ལ་ཉིན་གཅིག་ས་འདིར་མི་འདོད་བཞིན་དུ་བསྡད་མི་ཆོག་པའི་གནས་སྐབས་ཤིག་བསླེབ་ན་དེ་རྐྱེན་གང་ལ་བརྟེན་ནས་བསླེབ། སྐབས་དེར་ང་ཚོའི་བརྟེན་ས་ཁྲིམས་མ་གཏོགས་གཞན་ཡོད་དམ། ཁྲིམས་ས་ནས་ཕ་རོལ་བོས་གང་ཞིག་ཁྲིམས་འགལ་ཏུ་རྩི་རྒྱུ་རེད། དེ་དུས་འགྱོད་པ་སྐྱེ་མཁན་ང་ཚོའམ་ང་ཚོའི་ཕྱི་རབས་པ་དག་ཡིན་ངེས་པས་ན་ད་ལྟ་ནས་ང་ཚོ་ཚང་མས་རིག་པ་སྒྲིམ་སྟེ་མཐུན་སྒྲིལ་གྱི་རྣམ་པ་ཕྱི་གསལ་ནང་གསལ་དགྲ་ཡིས་གོ་ན་སྙིང་རྩ་འདར་བ་ཞིག་དང་གཉེན་གྱིས་གོ་ན་དཔའ་སྙིང་རྒྱས་པ་ཞིག་བྱེད་བཞིན་མ་འོངས་ཕུགས་རྒྱང་རིང་པོའི་ལས་དོན་དང་། ཁེ་ཕན་ལ་བསམ་གཞིག་བྱེད་རྒྱུ་ལས། ཅི་ཡོང་ཆ་མ་འཚལ་བའི་ཐ་སྙད་ཅིག་ལ་གནད་ཀྱི་དམ་པ་མ་མཐོང་ངོ།།

ད་འཕྱི་སོང་བ་རེད། བློ་མཐུན་བྱེད་འདུན་སྔོན་ལ་བསྟན། དང་ལེན་མ་བྱས་ཚེ་ཡང་བསྐྱར་དྲན་འཕྲུལ་སྟོན་བཞིན་པ་མིན་ནམ། སྲིད་དོན་ནི་རྩེད་མོ་ཞིག་རེད་དེ། རྩེད་སྟངས་ཨེ་འདྲ་ཞིག་རེད་དམ།

ལྷག་པར་དུ་བོད་ཚིག་ཐོག་དང་རྒྱ་ཡིག་ཐོག་ཟེར་བའི་དཔེ་བཞིན་བོད་ཚིག་ཐོག་གི་སྲོལ་རྒྱུན་ཡང་དུས་ཡུན་ཐུང་ངུའི་ནང་གཏོར་ཆོག་ན། རིག་གཞུང་སྲུང་སྐྱོབ་ཀྱང་ཁ་བཤད་ཙམ་མ་གཏོགས་སུས་ཀྱང་བཤད་སྟངས་བསྒྱུར་ཆོག་ཆོག་ཅིག་མ་ཡིན་ནམ།

མང་གཙོའི་རྒྱལ་ཁབ་ཤིག་གི་ལས་བྱེད་པ་ཚོས་མི་དམངས་ཀྱི་བསམ་ཚུལ་ལ་གུས་བཀུར་བྱེད་དགོས་པ་ནི་ལྡོག་ཏུ་མེད་པའི་འགན་ཁུར་ཞིག་རེད། སྤྱི་འཐུས་ཚོགས་གཙོ་མཆོག་གིས་མི་དམངས་ཀྱི་བསམ་ཚུལ་བདག་པོ་བརྒྱབས་ཀྱི་ཡོད་པ་དེ་ནི་བཙན་བྱོལ་བོད་གཞུང་མང་གཙོ་ཡི་ཕྱོགས་སུ་གོམ་ཁ་བསྒྱུར་གྱི་ཡོད་པའི་དཔང་རྟགས་ཤིག་ཀྱང་རེད།

བོད་རྒྱལ་ཁབ་ཀྱི་སྐྱིད་སྡུག་འདྲེས་མའི་ལོ་རྒྱུས་ནང་དུ་བོད་གཞུང་ཞེས་པའི་མིང་ཚིག་འདི་ནི་བོད་མི་རིགས་ཀྱི་འདས་ཟིན་པའི་དཔའ་པོ་ཚོའི་རྣམ་ཤེས་འཁོར་སར་དང་གསོན་པོ་ཚོའི་སེམས་ཀྱི་རྟེན་གཞི་རེད། བོད་གཞུང་ཞེས་པའི་མིག་ཚིག་འདི་མེད་པ་བཟོས་པ་ཡིན་ན་བོད་རྒྱལ་ཁབ་ཀྱི་ལོ་རྒྱུས་ཐོག་གི་ཉེས་ཅན་པ་ཞིག་ཆགས་ངེས་ཡིན་ནོ།

བཙན་བྱོལ་བོད་གཞུང་གི་བཅའ་ཁྲིམས་བསྒྱུར་བཅོས་སྐབས་སུ་བསྒྱུར་མི་རུང་བའི་མིང་ཚིག་དང་རྒྱལ་རྟགས་བཅས་གནས་སྐབས་རིང་བསྒྱུར་བཞག་ཡོད་རྣམས་སླར་གསོལ་བྱ་རྒྱུ་ཡིན་པའི་དགོངས་ཚུལ་ཡོད་པར་བཀའ་དྲིན་ཆེ་ཞུ་རྒྱུ་ཡིན།

བཙན་བྱོལ་བོད་གཞུང་ཞེས་པའི་མིང་ཚིག་འདིར་རང་འཇག་བཞག་དགོས་པ་ལས་དེ་ལ་བཙན་བྱོལ་བོད་མིའི་གཞུང་གི་སྒྲིག་འཛུགས་ཞེས་ཚིག་ལྷག་རྒྱབ་དགོས་པ་དེ་འདྲ་མེད། དེ་ཡང་སྒྲིག་འཛུགས་ཞེས་པ་ནི་ཚོགས་ཁག་ཚང་མ་ལ་ཡོད་ཀྱང་གཞུང་ཞེས་ནི་རྒྱལ་ཁབ་ཁོ་ན་ལ་མ་གཏོགས་མེད།

དེར་བརྟེན་སྒྲིག་འཛུགས་ཞེས་པའི་མིང་ཚིག་འདི་ནི་དགོས་མཁོ་མེད། བོད་རྒྱལ་ཁབ་དང་བཙན་བྱོལ་བོད་གཞུང་ཟེར་དགོས་པ་ལས་བོད་མིའི་སྒྲིག་འཛུགས་ཟེར་བའི་མིང་ཚིག་འདི་དགོས་མཁོ་མེད། བོད་མིའི་སྒྲིག་འཛུགས་ཞེས་པའི་མིང་ཚིག་འདིས་བོད་རྒྱལ་ཁབ་ཟེར་བ་ཞིག་མེད་པ་ཚོགས་ཁག་ཆུང་ཆུང་ཞིག་བསྟན་གྱི་ཡོད་སྟབས་སྒྲིག་འཛུགས་ཞེས་པའི་མིང་ཚིག་འདི་དགོས་མཁོ་མེད་ངེས་ཡིན།

དཔེར་ན་གཞོན་ནུའི་སྒྲིག་འཛུགས་ཟེར་བ་དང་ཆུ་སྒང་སྒྲིག་འཛུགས་ཟེར་འདྲ་ཡོད་ཀྱང་གཞོན་ནུའི་གཞུང་ཟེར་བ་དང་ཆུ་སྒང་གཞུང་ཟེར་དེ་འདྲ་མེད་པ་རེད། ཅིའི་ཕྱིར། གཞོན་ནུ་དང་ཆུ་སྒང་སོགས་ཚོགས་པ་ཡིན་པ་ལས་རྒྱལ་ཁབ་མིན་པས་རེད།

དབྱིན་ཡིག་ནང་་་་ Administrationཟེར་བ་དང་བོད་ཡིག་ནང་དུ་སྒྲིག་འཛུགས་ཞེས་པ་གཉིས་དོན་གཅིག་རེད།
དབྱིན་ནང་དུ་་་་Government་་་ཟེར་་བ་དང་བོད་ཡིག་ནང་དུ་སྲིད་གཞུང་ཞེས་པ་གཉིས་དོན་གཅིག་ཏུ་འདོད།

བོད་རྒྱ་ཆེན་མི་དམངས་ཀྱིས་འདོད་པ་ཡོད་པ་ནི་་་་Government་་དང་སྲིད་གཞུང་ཡིན། Administration་ཟེར་བའི་ཚིག་འདི་དང་བཙན་བྱོལ་བོད་མིའི་སྒྲིག་འཛུགས་ཞེས་པའི་མིང་ཚིག་འདི་གཉིས་བཀའ་ཁྲི་ཟམ་གདོང་བླ་མའི་ལས་ཡུན་རྫོགས་མཚམས་སུ་ཁོང་ཕྱིར་ཕུལ་རོགས་བྱོས། བོད་མི་རིགས་དང་བོད་རྒྱལ་ཁབ་ལ་དགོས་མཁོ་མེད།

གཉིས་ནས་རྒྱལ་རྟགས་ཀྱི་མཚན་བྱང་བརྗེས་པོ་རྒྱག་ཡོད་རེད། འདི་ཡང་བསྐྱར་གསོལ་བྱ་དགོས། བོད་རྒྱལ་ཁབ་ཀྱི་རྒྱལ་རྟགས་སུ་བོད་རྒྱལ་ཁབ་མཚོན་བྱེད་དང་བོད་ཀྱི་སྲིད་གཞུང་མཚོན་བྱེད་ཤིག་དགོས་པ་ལས་སྨོན་ཚིག་འདྲ་བའི་བདེན་པ་ཉིད་རྒྱལ་གྱུར་བཅུག་ཟེར་བ་འདི་འདྲ་རྩ་ནས་འགྲིག་གི་མེད།

སྔོན་མ་༧གོང་ས་མཆོག་གིས་སྲིད་དབང་འཛིན་སྐབས་སུ་བོད་གཞུང་དགའ་ལྡན་ཕོ་བྲང་ཕྱོགས་ལས་རྣམ་རྒྱལ་ཞེས་ཡོད་པ་རེད། དེང་སྐབས་མང་གཙོས་འོས་འདེབས་བྱས་པའི་བཀའ་སྤྱི་གཉིས་ཀྱིས་སྲིད་དབང་འཛིན་པའི་དུས་སུ་བོད་གཞུང་མང་གཙོ་ཕོ་བྲང་ཕྱོགས་ལས་རྒྱལ་ཞེས་བཏགས་དགོས་ངེས་རེད་འདོད།

བོད་གཞུང་མང་གཙོ་ཕོ་བྲང་ཕྱོགས་ལས་རྣམ་རྒྱལ།།།། ༧གོང་ས་མཆོག་གིས་ཕོ་བྲང་པོ་ཏྭ་ལ་འདི་ནི་མང་གཙོའི་ཕོ་བྲང་ཞིག་ཏུ་སྒྱུར་བཞིན་ཡོད་པ་ནི་བོད་མི་རིགས་ཀྱི་ཆེད་དུ་རེད་འདོད། ལོ་རྒྱུས་ལྡན་པའི་ཕོ་བྲང་པོ་ཏྭ་ལ་འདི་ནི་བོད་མི་རིགས་ཀྱི་རྒྱལ་ཁང་རེད། ཕོ་བྲང་འདིའི་ནང་དུ་མང་གཙོ་ཚད་དང་ལྡན་པའི་སྲིད་གཞུང་ཞིག་འཛུགས་དགོས་པ་ནི་༧གོང་ས་མཆོག་གི་བཀའ་དགོངས་དང་ཡོངས་སུ་མཐུན་གྱི་ཡོད་པ་འདོད།

བོད་གཞུང་མང་གཙོ་ཕོ་བྲང་ཕྱོགས་ལས་རྣམ་རྒྱལ་་་ང་ཚོའི་སེམས་ཀྱི་དམིགས་རྟེན་ཡིན།
བོད་གཞུང་མང་གཙོ་ཕོ་བྲང་ཕྱོགས་ལས་རྣམ་རྒྱལ་་་་་༧གོང་ས་མཆོག་གི་གསོལ་བསྩལ་ཡིན།
བོད་གཞུང་མང་གཙོ་ཕོ་བྲང་ཕྱོགས་ལས་རྣམ་རྒྱལ་་་་གདོང་དམར་བོད་ཀྱི་བླ་སྲོག་ཡིན།།།།

ད་སྤྱི་མཐུས་རྒྱག་པ་དེའི་ཟེར་ལུག་ལབསྟས་ན་དཀའ་ཁྲི་དང་སྤྱི་མཐུས་དེ་ཚོས་༧གོང་ས་མཆོག་གི་བགྲེས་ཡོལ་མཛད་པ་དེ་ཁོང་ཚོའི་མདོད་ཐོག་རྟ་སྒྱུག་རེད་ཤག་