མགོ་ལོག་ཁུལ་གྱི་སློབ་མ་བཞི་བརྒྱ་ལྷག་གིས་རྨ་ཆེན་གངས་རིའི་འདབས་སུ་གཏེར་ཁ་སྔོག་འདོན་བྱེད་བཞིན་པའི་ལས་གཞི་མཚམས་འཇོག་ཐད་གོམ་བགྲོད་ཀྱི་ལས་འགུལ་ཞིག་སྤེལ་ཡོད་འདུག
མགོ་ལོག་ས་གནས་བོད་མི་ཞིག་གིས་ཨེ་ཤ་ཡ་རང་དབང་རླུང་འཕྲིན་ཁང་ལ་གནས་ཚུལ་མཁོ་སྤྲོད་བྱས་པ་ལྟར་ན། ཉེ་ལམ་མཚོ་སྔོན་ཞིང་ཆེན་མགོ་ལོག་བོད་རིགས་རང་སྐྱོང་ཁུལ་མི་རིགས་དགེ་ཐོན་སློབ་གྲྭའི་སློ་མ་ ༤༠༠ ལྷག་གིས་མགོ་ལོག་ཁུལ་ནས་གོམ་བགྲོད་ཀྱིས་རྨ་ཆེན་གངས་རིའི་ཉེ་འདབས་སུ་ཡོད་པའི་གཏེར་ཁ་སྔོག་འདོན་ས་ཚིགས་ཤིག་ཏུ་བསྐྱོད་དེ། འདས་པའི་ལོ་མང་རིང་གཏན་སྡོད་ཀྱིས་གཞི་རྒྱ་ཆེ་བའི་གཏེར་ཁ་སྔོག་འདོན་གྱི་ལས་གཞི་སྤེལ་བཞིན་པ་དེ་མཚམས་འཇོག་བྱ་དགོས་པའི་རེ་འདུན་བཏོན་ཡོད་འདུག་ལ། དེ་དང་མཉམ་དུ་རྒྱ་ནག་གི་འབྲེལ་ཡོད་ཚན་པར་རྨ་འབྲི་རྫ་གསུམ་གྱི་མགོ་ཁུངས་དང་བོད་ཀྱི་གནས་རི་ཁག དེ་བཞིན་རང་བྱུང་ཁོར་ཡུག་ལ་གཏོར་བཅོམ་གཏོང་བཞིན་པའི་རིགས་མྱུར་ཏུ་མཚམས་འཇོག་བྱ་དགོས་པའི་དགོས་འདུན་ཡང་བཏོན་ཡོད་འདུག
ཉིན་དེར་སློབ་མ་ ༤༠༠ ལྷག་གཏེར་ཁ་སྔོག་ཡུལ་ཏུ་ཕྱིན་རྗེས། ས་གནས་གནད་ཡོད་དཔོན་རིགས་དང་ཉེན་རྟོག་པ་ཕྱིན་ཏེ་སློབ་མ་རྣམས་ཕྱིར་ལོག་དགོས་ཚུལ་བཙན་བཀའ་བཏང་ཡོད་ཀྱང་། སློབ་ཕྲུག་དེ་དག་གིས་ཞི་བའི་ཐོག་ནས་ཁ་ལན་སོགས་གང་ཡང་སློག་མེད་སྟབས་འཛིན་བཟུང་རིགས་ཀྱི་གནས་ཚུལ་བྱུང་མི་འདུག
གསར་འགོད་པ། དོན་གོ
གཞན་ཡང་། ཧོང་ཀོང་སློབ་ཆེན་གྱི་ཆབ་སྲིད་སྡེ་ཁག་གི་དགེ་རྒན་ཆེན་མོ་ཁྲིན་ཡུས་ཀྱིས་ཀྱང་། རྒྱ་གཞུང་གིས་དྲག་གནོན་གྱི་བྱེད་ཐབས་དེར་འགྱུར་བ་མ་བཏང་བ་ཡིན་ན། ཤིན་ཅང་གི་གནད་དོན་སྔར་བས་ཛ་དྲག་ཏུ་འགྱུར་རྒྱུའི་ཉེན་ཁ་ཡོད་པ་དང་། པེ་ཅིན་སྲིད་གཞུང་གིས་མུ་མཐུད་ཡུ་གུར་མི་རིགས་ཀྱི་ཆོས་དད་རང་དབང་དང་སྐད་ཡིག་སློབ་གསོར་བཀག་སྡོམ་བྱས་ཚེ། དུས་ནམ་ཡང་གཞི་རྩའི་གནད་དོན་མཐའ་དག་སེལ་ཐབས་བྲལ་བར་མ་ཟད། དེང་སྐབས་རྒྱ་ནག་གི་ནོར་འཁྲུལ་ཅན་གྱི་སྲིད་ཇུས་ལམ་ལུགས་འོག་ཉིན་རེ་བཞིན་དབུལ་ཕྱུག་ཀྱི་ཧེ་བག་ཆེ་རུ་འགྲོ་བཞིན་པ་དང་། དཔལ་འབྱོར་ཁེ་ཕན་འཐབ་རྩོད་ཁྲོད་ཡུ་གུར་མི་རིགས་ཀྱི་སེམས་ལ་ཕོག་ཐུག་ཆེན་པོ་བཟོ་བཞིན་པ་འདིས། མི་རིགས་ཡར་ལངས་ཀྱི་འདུ་ཤེས་སྔར་བས་དྲག་ཏུ་འགྱུར་སྲིད་པ་བརྗོད་འདུག་འདུག་བཞིན། ཡུ་གུར་དང་བོད་པ་གཉིས་ཀྱིས་འཐབ་རྩོད་ངོ་བོ་མི་གཅིག་ཀྱང་མགོ་ལོག་སློབ་མ་ཚོས་ལས་འགུལ་འདི་ལྟར་བུ་མི་མཐུད་དུ་བོད་ས་ཡོངས་རྫོགས་ནས་སྤེལ་རྒྱུ་གལ་ཆེན་པོ་རེད།
སློབ་མ་དེ་ཚོའི་བྱ་བ་ལམ་སློང་ཡང་བར་སྨོན་པ་ཡོད།
ད་ལྟ་གཏེར་ཁ་སྔོག་བཞིན་ཡོད་པ་དེ་ལ་ཏན་ཏན་འགྱུར་བ་ཞིག་འགྲོ་རྒྱུ་རེད་ཐུགས་རྗེ་ཆེ།
ལས་འགུལ་འདི་འཛམ་གླིང་ཞི་བདེའི་དེད་དཔོན་ཆེན་མོ་༧སྐྱབས་མགོན་༧གོང་ས་༧ཐམས་ཅད་མཁྱེན་པས་དུས་རྒྱུན་གསུངས་བའི་དགོངས་པ་དང་མཐུན་གྱིན་འདུག་དཔེ་མི་ཟད་པ་ཡག་པོ་རེད།
མདོ་དབུས་ཁམས་གསུམ་གྱིས་སློབ་མ་དང་ཤེས་ཡོན་པ་ཚོའི་སྣ་ཁྲིད་ནས་ལས་འགུལ་འདི་ལྟ་བུ་མི་མཐུད་དུ་རྒྱུན་སྐྱོངས་བྱ་རྒྱུ་གལ་ཆེན་པོ་རེད།
མདོ་སྨད་མགོ་ལོག་གི་སློབ་ཕྲུག་ཚོས་ལས་འགུལ་སྤེལ་བ་ལ་རྗེས་སུ་ཡི་རང་དང་བཅས་ཐུགས་རྗེ་ཆེ་ཞུ་བ་ཡིན། ཧ་ཅང་ཡག་པོ་རེད་ཐུགས་རྗེ་ཆེ།
ལས་འགུལ་འདིའི་རིགས་དེ་བོད་ཆོལ་ག་གསུམ་དང་ས་ཁུལ་ཡོངས་རྫོགས་ལ་ཁྱབ་ཐུབ་ན་ཅི་མ་རུང། ཡི་ན་ཡང་ད་དུང་སྔོན་དང་འདྲ་བ་ས་ཁུལ་འགའ་ཞིག་ལ་ལས་འགུལ་སྤེལ་དུས་འགའ་ཞིག་གིས་བསྟན་མོ་བལྟོས་ནས་འདུག་པ་འདི་མཐོང་དུས་ཕྱི་དགྲ་ལས་ནང་དགྲའི་གདུག་ཅེས་པའི་ཚིག་འདི་བསམ་ཤེས་བྱེད་མི་ཐུབ་བོ།
འཚེ་བ་མེད་པའི་ཞི་རྒོལ་དེ་ལ་ཡི་རངས་ཡོད་ལ །
ཁྱེད་ཚོས་ལས་འགུལ་ལ་རྒྱབ་སྐྱོར་ཡོད་ཐུགས་རྗེ་ཆེ།
བོད་ནང་གི་གཞོན་སྐྱེས་ཚོའི་སེམས་ཤུགས་དང་སྙིང་སྟོབས་ལ་རྗེས་སུ་ཡི་རང་ཡོད།
ལས་འགུལ་ཧ་ཅང་ཡག་པོ་སྤེལ་འདུག མུ་མཐུད་དུ་རྒྱུན་སྐྱོངས་ཐུབ་པས་སྨོན་འདུན་ཡོད།
ལས་འགུལ་སྤེལ་སྟེངས་དེ་ཐབས་ལམ་ཡག་ཤོས་ཞིག་རེད། ཤེས་ཡོན་པ་དང་བསམ་བློ་བ་དེ་ཚོས་སྣེ་ཁྲིད་པའི་ལས་འགུལ་༧སྐྱབས་མགོན་རིན་པོ་ཆེའི་བཀའ་དགོངས་དང་མཐུན་པ་མ་ཟད་གྲུབ་འབྲས་ཡང་བཟང་པོ་ཡོད་ངེས་ཅན་རེད།
ཁོང་ཚོའི་ལྷག་བསམ་དང་སྙིང་སྟོབས་ལ་རྗེས་སུ་ཡི་རང་ཡོད། བོད་ཀྱིས་ས་གནས་ལ་དཏེར་ཁ་སྔོག་འདོན་ཚད་ལས་བགལ་བ་དེ་ཚོ་འཚམས་འཇོག་མ་བྱས་ན། མུ་མཐུད་དུ་ཞི་བའི་ངོ་རྒོལ་བྱ་ཐུབ་ན་རྒྱ་ནག་ལ་གནོད་ཤུགས་ཏན་ཏན་ཡོང་རྒྱུ་རེད།