ངས་༧གོང་ས་མཆོག་བོད་དུ་ཕེབས་ཐུབ་རྒྱུར་འབད་བརྩོན་བྱ་རྒྱུ་ཡིན།

ཆབ་བྲག་ལྷ་མོ་སྐྱབས་ལ།
ཆོས་ཁྲིར་བཞུགས་མཁན་མཁན་པོ་ཡིན་ན་སྲིད་སྟེགས་སྟེང་དུ་བཞུགས་མཁན་མཁན་པོ་ཅི་ལ་མིན་ཞེས་བཤད་ཨེ་ཐུབ།
སྤྱིར་ཁྲི་པ་ཞེས་པའི་མིང་འདི་རྗེས་གྲུབ་ཀྱི་མིང་ཞིག་ཡིན་པ་རེད་མ་གཏོགས་འདོད་རྒྱལ་ལམ་གང་དྲན་དྲན་ཞིག་གཏན་ནས་མ་རེད།
དེ་བས་ཁྲི་ལ་འདུག་མཁན་དང་རྐུབ་སྟེགས་ལ་འདུག་མཁན་ཡང་ཁ་ཁར་ཕྱེ་དགོས་པ་རེད།
དེས་ན་ད་ལྟ་བར་དུ་བོད་ཀྱི་སྲིད་སྐྱོང་བ།ཁྲི་ལ་བཞུགས་མཁན་རྐྱང་རྐྱང་གི་ཁ་ལག་བརྒྱུད་ནས་ཡོང་བས་ཁྲི་པ་ཞེས་བཏགས་རུང་ཁོ་ཚོར་བཏགས་ཆོག་པའི་རྒྱུ་མཚན་འདྲ་ཆགས་པོ་ཞིག་བཤད་རྒྱུ་ཡོད་ཚད་དུ་འདུག་པས་ཁྱེད་ལ༼ཆོས་ཁྲིར་བཞུགས་མཁན་ཁྲི་པ་ཡིན་ལ་རྒྱལ་ཁྲིར་བཞུགས་མཁན་ཡང་ཁྲི་པ་ཅིས་མིན། ༽ཞེས་པའི་གཏན་ཚིགས་ལས་གཞན་ཅི་ཞིག་བཤད་རྒྱུ་ཡོད།
ད་རུང་ཁྱེད་ལ་རྩེད་མཚར་ཞིག་བཤད་ན།གོང་གི་དྲི་བ་འདིས་ངོས་ཐད་ནས་མཐོང་བའི་རྒན་ཆབ་བྲག་ཚང་ནི་ཞྭ་མོ་གོན་པའི་སྤྲེའུ་དེ་དང་གཅིག་མཚུངས་རེད་དོ།།

ཆོས་ཁྲིར་བཞུགས་མཁན་ཁྲི་པ་ཡིན་ལ་རྒྱལ་ཁྲིར་བཞུགས་མཁན་ཡང་ཁྲི་པ་ཅིས་མིན། རྒྱུ་མཚན་དེའི་ཕྱིར་བཀའ་བློན་ཁྲི་པ་ཞེས་པའི་ཐ་སྙད་དེ་བྱུང་བ་རེད། དེ་ཡང་སུས་གསུངས་པ་མཁྱེན་ནམ།
ཁྲི་པ་ཞེས་པའི་ཐོག་མའི་བྱུང་རིམ་ཇི་ལྟར་ཡང་ད་ལྟ་བཀའ་བློན་ཁྲི་པ་ཟེར་བ་འདི་སྲིད་སྐྱོང་གི་གོ་གནས་མཐོ་ཤོས་ཤིག་ཆགས་ཡོད་པ་ཁས་ལོས་ལེན།

སྲིད་སྐྱོང་བ་མཁས་དབང་བློ་བཟང་སེང་གེ་ལགས་ལ་བཀྲ་ཤིས་བདེ་ལེགས་ཞུ།

ཆབ་བྲག་ལྷ་མོ་སྐྱབས་ལགས་ཀྱིས་ཁྲི་པ་ཞེས་བའི་ཐ་སྙད་འདི་དབང་འཛིན་རིམ་པའི་གོ་གནས་ཤིག་གི་ཆེད་དུ་བེད་སྤྱད་བྱས་པའི་ཐ་སྙད་ཞིག་ཏུ་བཤད་པ་འདི་བདེན་དུ་ཆུག་མོད།ཡིན་ནའང་འདི་ཆོས་ཕྱོགས་ཀྱི་མཐོ་རིམ་མི་སྣ་དག་ལ་བེད་སྤྱད་བྱས་པ་༼དགའ་ལྡན་ཁྲི་པ།འབྲས་སྤུང་ཁྲི་པ།ཚོགས་ཆེན་ཁྲི་བ་༽ཞེས་མང་དུ་བཀོལ་སྤྱོད་བྱས་འདུག་པས་ན་ཆོས་ཕྱོགས་ཀྱི་ཤུགས་རྐྱེན་ཐེབས་པའི་ཐ་སྙད་ཞིག་ཏུ་ཡིན་ཚོད་འདུག
དེ་བས་སྤྱིར་ཁྲི་པ་ཞེས་པའི་ཐ་སྙད་འདི་ལ་སྲིད་ཕྱོགས་ཀྱི་དྲི་མ་མི་བྲོ་བ་ཙམ་དུ་མ་ཟད་ཁྲི་པ་ཞེས་པའི་ཐ་སྙད་འདི་ཐོས་ཐེངས་རེར་ཆོས་ལུགས་ཀྱི་དབུ་ཁྲིད་ཅིག་གི་སྣང་བརྙན་ཁྲ་ལམ་མེར་ཤར་བས།
ད་ལྟ་ཆོས་ཀྱི་དབུ་ཁྲིད་ཚོས་སྲིད་ལ་ཐེ་བྱུས་དང་སྲིད་ཀྱི་དབུ་ཁྲིད་ཚོས་ཆོས་ལ་ཐེ་བྱུས་བྱེ་བྲག་མ་བྱས་ན་བཟང་བར་གསུངས་བའི་དུས་སྐབས་འདི་ལྟ་བུ་ཞིག་གི་གསེང་ནས་ཐ་སྙད་རལ་བོ་འདི་དག་ཡང་རྔ་ལམ་དུ་བརྫངས་ནས་སྲིད་ཕྱོགས་ནས་བསམ་གཞིགས་བྱས་ན་བསམ་གཞིག་བྱེད་རྒྱུ་ཡོད་པའི་ཐ་སྙད་གསར་པ་སྲིད་སྐྱོང་པ་ལྟ་བུ་ཞིག་བཏགས་ན་མི་མཛེས་སམ་བསམ་མོ།།

བཀའ་ཁྲི་བློ་བཟང་སེང་གེ་མཆོག་གི་སྲིད་དབང་གི་གོ་མིང་ཐད་ཁོང་གིས “ད་ལྟའི་ཆར་ང་རང་བཀའ་བློན་ཁྲི་པ་རེད། མ་འོངས་པར་སྲིད་སྐྱོང་དང་བཀའ་བློན་ཁྲི་པ་གང་ཆགས་མིན་གྲོས་ཚོགས་ལ་རག་ལས་ཡོད་པ་རེད། དེ་རིང་གཙོ་ཆེ་ཤོས་མི་མང་རང་ལ་གསུངས་བཤད་གནང་བ་ཡིན་པས། མི་མང་ལ་དགོངས་ཚུལ་ག་རེ་ཡོད་པ་དེ་གཞིར་བཞག་པའི་ཐོག་ནས་འགྲོ་དགོས་ཀྱི་ཡོད། ང་རང་ཡང་མི་མང་གིས་བདམས་པའི་མགོ་ཁྲིད་ཅིག་ཆགས་ཡོད་སྟབས། མི་མང་གི་བསམ་ཚུལ་ལྟར་གྲོས་ཚོགས་ཀྱིས་ཐག་གཅོད་ག་རེ་གནང་པ་དེར་མོས་མཐུན་གཙང་མ་ཞུ་རྒྱུ་ཡིན།” ཞེས་གསུངས་འདུག་ན། སྐབས་དོན་གྱི་ཐག་གཅོད་ཐོག་མ་མཚན་གནས་ཆགས་འདུག་པས་མི་མང་གི་བསམ་ཚུལ་བསྡུ་ལེན་དེ་གལ་ཆེན་པོ་མིན་ནམ།

སྲིད་སྐྱོང་ཁྲི་པ།

བཀའ་བློན་ཁྲི་པ་དང་བཀའ་བློན། བཀའ་ཤག་བཅས་ཀྱི་མིང་སྒྱུར་སྐོར།
ཁྲི་པ་ཞེས་པ་འདི་དབང་འཛིན་རིམ་པའི་གོ་གནས་མཐོ་ཤོས་རིགས་ཤིག་གི་ཆེད་སྤྱོད་ཐ་སྙད་ཅིག་ཆགས་ཡོད་པས་འདི་རང་སོར་འཇོག་གལ་ཆེ་ན་ཡང་བཀའ་བློན་ཞེས་པ་རྒྱལ་པོའི་བཀའ་བཞིན་དམངས་དོན་སྒྲུབ་མཁན་གྱི་བློན་པོའི་དོན་ཡིན་པས་བརྗེས་ན་ལེགས།
མ་འོངས་བོད་དེ་ཡུལ་མིའི་སྲིད་སྐྱོང་ཞིག་བྱ་རྒྱུ་བཅའ་ཁྲིམས་ཀྱི་དགོངས་དོན་ཡིན་པས་སྲིད་སྐྱོང་ཞེས་པ་འདི་བོད་ཀྱི་འདས་མ་ད་གསུམ་གང་གི་ཆ་ནས་ཀྱང་འོས་འཚམ་ཞིག་ཡིན་པས་བཀའ་བློན་ཁྲི་པ་ཞེས་པའི་མིང་འདི་སྲིད་སྐྱོང་ཁྲི་པ་ལ་བརྗེ་སྒྱུར་གནང་ན་བཀའ་བློན་གཞན་དག་ཀྱང་རང་བཞིན་གྱིས་སྲིད་སྐྱོང་པ་ཞེས་པར་འགྱུར་འོས།
བཀའ་ཤག་ཅེས་པའི་མིང་འདིར་སྲིད་སྐྱོང་གཙོ་འཛིན་རྣམ་པས་བཀའ་གྲོས་དང་ཕྱག་ལས་གནང་སའི་ལས་ཤག་ཅེས་མཆན་བུ་ཞིག་བཏབ་ནས་རང་སོར་འཇོག་ཆོག་ལ། ཡང་ན་སྲིད་སྐྱོང་གཞུང་ལས་ཁང་ལྟ་བུར་སྒྱུར་ཆོག

མི་རབས་གསར་བའི་སྲིད་སྐྱོང་ཐོག་མས་བོད་ཀྱི་བདེན་མཐའ་མྱུར་དུ་སེལ་བའི་སྨོན་འདུན་དང་མཆོག་ཉིད་ལ་མཚམས་འདྲི་བཀྲ་ཤིས་བདེ་ལེགས་ཞུ།

བོད་མའི་སྒྲིགས་འཛུགས་ཀྱི་སྲིད་སྐྱོང་བ་མཁས་དབང་བློ་བཟང་སེང་གེ་ལགས་སུ་འཚམས་འདྲིའི་བཀྲ་ཤིས་བདེ་ལེགས་ཞུ་བ་དང་སྦྲགས། སྐུ་ཉིད་ཀྱིས་ཇི་ལྟར་ཁས་བླངས་དམ་བཅའ་བཞིན་གེགས་མེད་ལམ་ལྷོངས་ཡོང་བ་དང་། བསམ་དོན་ལྷུན་གྱིས་འགྲུབ་པའི་སྨོན་འདུན་ཞུ་རྒྱུ་ཡིན།

ཐོག་མར་སྲིད་སྐྱོང་བ་བློ་བཟང་སེེངྒ་མཆོག་ལ་བཀྲ་ཤིས་བདེ་ལེགས་ཞུ། འོན་ཀྱང་དམ་འབུལ་དུས་ཚེས་རྒྱ་ལུགས་ལ་གཞི་བཅོལ་བ་བློ་ལ་བབས་པོ་མ་བྱུང་། གསུང་འཔྲིན་སྒྲོག་སྦྱང་སྐབས་བོད་ཡིག་ཀློག་གནང་སྐབས་བག་འཁུམ་དང་གདེངས་ཚོད་མེད་པའི་སྣང་བ་ཞིག་རང་བཞིན་གྱིས་མངོན་པ་མ་ཟད། གཅོད་མཚམས་ཀྱང་མི་ལེགས་པ་ཐེངས་འགར་བྱུང་སོང་། དབྱིན་སྐད་ཐོག་གསུངས་སྐབས་གདེངས་སྤོབས་ཆེ་མདོག་དང་གསུང་སྐད་ཀྱི་ངར་ཤུགས་ཆེ་ཙམ་བྱུང་སོང་། ངའི་མཐོང་སྣང་ཅམ་ཡིན། སླར་ཡང་བཀྲ་ཤིས་བདེ་ལེགས།

མི་རིགས་ཤིག་གི་བདེན་དོན་ཆེད་དུ། རང་ཡུལ་མེད་པའི་སྐྱབས་བཅོལ་ཞིག་ནས། མི་རིགས་ཤིག་གི་ཤི་གསོན་ཆེད་དུ། སྤོབས་པ་དང་བཅས་དེ་བོད་ཀྱི་བཀའ་བློན་དུ་ཕེབས་མཁན་བློ་བཟང་སེང་གེ་ལགས། ཐོག་མར་རྟེན་འབྲེལ་ཞུ། དེ་ནས་ཉིད་ཀྱིས་རང་གི་ཚེ་སྲོག་ཚུན་ཚད་བོད་ཁ་བ་གངས་ཅན་པ་ཚང་གི་བདེ་སྡུག་ཆེད་དུ། ཉིན་མཚན་ལྟོས་མེད་དུ། ཕྱོགས་རུས་དབྱེ་བྲལ་གྱི་ལམ་བུ་ཞིག་ནས། ལས་ལ་བརྩོན་ཞིང་དབའ་ངར་ལྡན་པའི་བཙན་པོ་དག་གི་ཤུལ་རྗེས་ཟིན་པར་ཕྱོགས་པར་སེམས་གཏིང་ནས་སྐུལ་མ་ཡོད་ལགས།

གངས་ཅན་པ་ཡི་བདེན་པའི་འོད་སྣང་གིས།།གངས་རི་རྭ་བའི་མུན་པ་གསལ་རན་སྐབས།།གངས་ཕྲུག་གསར་པས་མ་ནོར་སྒྲོན་མེ་བཏེགས།།གངས་སེང་རྒྱལ་པའི་གསེར་ཁྲི་མངའ་གསོལ་ལོ
འཚམས་འདྲི་བཀྲིས་བདེ་ལེགས་གྲང་མེད་ཞུ།།།

ཤེས་ཡོན་དང་ལྷག་བསམ་གྱི་རབ་ཏུ་ཕྱུག་པས་བཀའ་ཁྲི་གསར་པ་མཁས་དབང་བློ་བཟང་སེངྒེ་མཆོག་ལ་འཚམས་འདྲི་བཀྲིས་བདེ་ལེགས་གྲངས་ཞུ།
སློབ་གྲོགས་IGNACIO AND JHON WOOLF OR KADE PORTER སློབ་གྲོགས་མང་པོ་ཞིག་འཚམས་འདྲི་གྲངས་མེད་ཞུ་བཞིན་འདུག ཅང་མེད་ནས་་་SPANISH་་་་་་གུས་ཕུལ།
ཉིད་ཀྱིས་བོད་གངས་ཅན་ལྗོངས་ཀྱི་བདེན་མཐའ་མྱུར་དུ་གསལ་བའི་ལས་དོན་རྣམས་གེགས་མེད་ཡིད་བསམ་ལྟར་ལྷུན་གྱིས་འགྲུབ་པའི་སྨོན་འདུན་གྲངས་ཀྱི་མི་ལོངས་བརཞུ་ཞུ།

བོད་ནང་གི་ལྷག་བསམ་དང་སྙིང་སྟོབས་ཅན་གྱི་བོད་མི་ཡོངས་ཀྱི་ཚབ་ཞུ་སྟེ་མཚམས་འདྲི་བཀྲ་ཤིས་བདེ་ལེགས་གྲང་མེད་ཞུ།

བཀའ་ཁྲི་མཆོག་གིས་༧གོང་ས་མཆོག་བོད་དུ་ཕེབས་ཐུབ་རྒྱུར་འབད་བརྩོན་ཅི་བྱས་ལ་ངས་རང་ནུས་གང་ཡོད་ཀྱིས་རྒྱབ་སྐྱོར་ལྷོད་མེད་བྱ་རྒྱུ་ཡིན།

མཚུངས་མེད་བཀའ་བློན་ཁྲི་པ་མཁས་དབང་བློ་བཟང་སེང་གེ་མཆོག་གི་བཀའ་ཁྲིའི་ཁྲི་འདོན་ལ་མཚམས་འདྲིའི་བཀྲ་ཤིས་བདེ་ལེགས་གྲངས་མེད་ཞུ་རྒྱུ་དང་། ཉིད་ཀྱིས་བོད་གངས་ཅན་ལྗོངས་ཀྱི་བདེན་མཐའ་མྱུར་དུ་གསལ་བའི་ལས་དོན་རྣམས་གེགས་མེད་ཡིད་བསམ་ལྟར་ལྷུན་གྱིས་འགྲུབ་པའི་སྨོན་འདུན་ཞུ་ཞུ་ཞུ། སེར་ར་ནས་བློ་བཟང་དཔལ་ལྡན་གྱིས་གུས་ཕུལ།