ཁ་ཕྱི་ཚེས་ ༩ ཉིན་གྱི་སྔ་དྲོའི་ཆུ་ཚོད་ ༡༡ དང་ཕྱེད་ཀའི་ཐོག་༧གོང་མཆོག་བཞུགས་སྒར་ནས་ཆིབས་ཐོན་གྱིས། གྷ་གྷལ་གནམ་ཐང་བརྒྱུད་རྒྱལ་ས་ལྡི་ལིར་འབྱོར་ཡོད་འདུག་ལ། ཕྱི་ཚེས་ ༡༣ ནས་ ༡༥ ཉིན་བར་ཧྥ་རན་སིའི་ཊོ་ལཱོ་སི་ཞེས་པའི་ས་གནས་སུ་སློབ་དཔོན་ཀཱ་མཱ་ལཱ་ཤིའི་མཛད་པས་༼སྒོམ་རིམ་བར་མ་༽བཀའ་ཁྲིད་གནང་དང་། མང་ཚོགས་ལ་༼བདེ་སྐྱིད་ཀྱི་འབྱུང་རྩ་༽ཞེས་པའི་བརྗོད་གཞིའི་ཐོག་བཀའ་སློབ་སྩོལ་རྒྱུ་ཡིན་འདུག ཨེ་སི་ཊོ་ནི་ཡ་ (Estonia) ནང་པའི་ཆོས་ཚོགས་ཀྱི་གོ་སྒྲིག་འོག ཕྱི་ཚེས་ ༡༧ ཉིན་ཡུལ་དེའི་རང་དབང་ལྷ་མོའི་སྣང་བརྙན་མདུན་ཐང་དུ་མང་ཚོགས་ཁྲི་སྟོང་བརྒལ་བར་༼འཇིག་རྟེན་ཀུན་ཁྱབ་ཀྱི་འགའ་འཁུར་༽ཞེས་པའི་བརྗོད་གཞིའི་ཐོག་བཀའ་སློབ་དང་། ཕྱི་ཚེས་ ༢༠ ཉིན་ཧྥིན་ལན་ཌི་( Finland )བོད་ཀྱི་རིག་གཞུང་སྲུང་སྐྱོབ་ཚོགས་པའི་གདན་ཞུས་ལྟར། ཡུལ་དེའི་བྷ་རོ་ནཱ་ཞེས་པའི་ཚོགས་ཁང་དུ། བཀའ་བདམས་དགེ་བཤེས་གླང་རི་ཐང་པའི་མཛད་པས་༼བློ་སྦྱོང་ཚིག་བརྒྱད་མ་༽བཅས་བཀའ་ཁྲིད་གནང་རྒྱུ་ཡིན་འདུག
འདི་ནི་སྐབས་གསུམ་པའི་བཀའ་ཁྲི་མཆོག་གི་ཁྲི་འདོན་མཛད་སྒོ་ཚོགས་རྗེས་༧གོང་ས་མཆོག་ཕྱི་ཕྱོགས་སུ་ཆིབས་བསྒྱུར་གནང་བ་ཐོག་མ་དེ་ཆགས་ཡོད།
གསར་འགོད་པ། དཔལ་ལྡན།
སྐུ་ཚེ་ཞབས་སྐལ་བརྒྱར་བསྟན་པ་ཤོག
༧གོང་ས་མཆོག་སྐུ་ཚེ་ཁྲི་ལོ་བརྟན་པར་ཤོག
མགོན་པོ་ཁྱོད་ཀྱི་ཞལ་གྱི་དབུགས་ཙམ་ཡང་། །མཐའ་དག་འགྲོ་ལ་སྨན་པའི་རྒྱུར་འགྱུར་ན། །ཚོགས་གཉིས་སྤྱོད་པ་གཞན་ལྟ་སྨྲོས་ཅི་དགོས། །ས་གསུམ་སྐྱེ་རྒུའི་གཉེན་ལ་གསོལ་བ་འདེབས། །མཁས་གྲུབ་རྗེས་དེ་ལྟར་གསུངས།
༧གོང་ས་༧སྐྱབས་མགོན་རིན་པོ་ཆེ་མཆོག་ནས་སྐུ་ངལ་མང་ཙམ་གནང་ཧྲ་གི ངོ་མ་ཤར་ཕེབས་ནུབ་སྐྱོད་ཀྱི་མཛད་འཆར་མང་དྲག་ནས་ཐང་འཆད་རྒྱུ་མེད་དམ།
༧གོང་ས་མཆོག་ལགས། འཛམ་གླིང་འདི་དང་ང་ཚོའི་མདུན་ལམ་གྱི་ཆེད་དུ་ཁྱོད་ཀྱི་ཕྱག་ལས་མང་དུ་སོང་བ་ལས་ཉུང་དུ་ཕྱིན་མེད། ད་ནི་མགོན་པོ་ཁྱེད་ཀྱི་ཞལ་གྱི་དབུགས་ཙམ་ཡང་སྐྱེ་འགྲོ་ཀུན་གྱི་སྲོག་གི་གཞི་རྟེན་དུ་གྱུར་ཟིན་པས་ཁྱེད་ལ་ངལ་གསོ་སྐར་ཆ་ཙམ་ཐོབ་མ་བྱུང་། མགོན་པོ་མཆོག་གི་སྐུ་ཚེ་བརྟན་པར་ཤོག