འདྲེ་མགོ་རྡོ།
སྲིད་སྐྱོང་ཁྲི་རབས་གསུམ་པ་འདིས། རྩ་དོན་གསུམ་གྱི་དར་ཆ་འཕྱར་ནས། བོད་མི་སྐྱ་སེར་རྒན་གཞོན་མེད་པར་ས་སྒུལ་གནམ་སྒུལ་བྱས་ཏེ། བཀའ་ཁྲིའི་འོས་ཤོག་གནམ་སའི་བར་ཁྱད་ཡོད་པའི་གྲུབ་འབྲས་ཐོབ་ནས། མི་རྣམས་ཀྱི་ཁ་རུ་བློ་བཟང་སེང་གེ་ཟེར་བའི་ཁྱབ་ཅིང་། མྱི་གསར་བར་རེ་བ་གསར་བ་ཞིག་བརྒྱབས་ཤིང་། སྐུ་ཞབས་བློ་སེང་ཨ་རི་ནས་རྡ་སར་ཕེབས་ཐེངས་རེ་རེར། རྡ་ས་ནས་ཨ་རིར་ལོག་ཐེངས་རེ་རེར་། མི་རྣམས་ཀྱིས་ཁོང་ཉིད་གར་བཞུགས་གང་ཕེབས་ཀྱི་གནས་ཚུལ་ཚུན་ཆད་ཞིབ་ཚགས་པོ་མཁྱེན་གྱི་ཡོད། ཉིན་ཞིག་བཙུན་པ་ཟམ་གདོང་ལ་ཐུགས་རྗེ་ཆེ་ཞུའི་མཛད་སྒོའི་སྟེང་། སྐུ་ཞབས་བློ་བཟང་སེང་གེས་རང་གི་རྩ་དོན་གསུམ་པོ་བཙུན་པ་ཟམ་གདོང་གིས་སྔར་ནས་གནང་འདུག་ཅེས་པའི་གཏམ་བཤད་སྤེལ། སྐད་ཆ་དེས་རེ་བ་ཁོང་ལ་བཀལ་བའི་བོད་མི་ཚོ་བསམ་གཞི་ཡ་མཚན་ཞིག་སྤྲད།
དེ་ལྟར་ཡ་མཚན་པའི་ཚོར་ཤེས་དེ་ཁྱེར་ནས་སྐུ་ཞབས་བློ་སེང་ལ་ཨོ་བྷ་མ་ལྟར་རེ་བ་བརྒྱབས། སྐུ་ཞབས་བློ་སེང་གིས་དམ་འབུལ་མཛད་སྒོ་བར་གྱི་བྱེད་ཕྱོགས་ཀྱིས་བཙུན་པ་ཟམ་གདོང་གི་སྒམ་ཚུགས་དང་རྒྱས་སྤྲོས་མེད་པའི་གཤིས་ཀ་ཇེ་གསལ་དུ་བཏང་། ད་དུང་བཙུན་པ་ཟམ་གདོང་གི་ ” ཐབ་ཆུང་ཆུང་མེ་ཚ་བོའི་” བབ་བརླིང་བརྟན་གསུམ་མངོན་པར་བྱས། དམ་འབུལ་མཛད་སྒོའི་ཁྱབ་བསྒྲགས་དང་རྫིག་ཉམས་ཀྱིས་གནམ་ས་རེ་ཞིག་ཁའང་སྦྱོར་ལ་ཉེ་བ་བྱས། ༧ཏཱ་ལའི་བླ་མས་འཇམ་མཉེན་ཕྱག་གིས་སྐུ་ཞབས་བློ་སེང་གི་སྐེ་ནས་བསྡམས་ཤིང་ཁོང་གི་སྐུ་ལུས་དང་སྦྱར། མགོ་ཕྱག་མདུད་དམར་པོ་དང་ཁ་བཏགས་དཀར་པོས་གཡོགས། དགུང་ལོ་བཅུ་དྲུག་སྟེང་ཁ་ཆག་སྣ་རུལ་དུ་གྱུར་བའི་སྲིད་དབང་འགན་བཞེས་གནང་བ་དེ་སྐུ་ཞབས་བློ་སེང་ལ་གནང་བའི་བཀའ་ཡི་གནང་བ་གཙང་མར་བསྩལ། བཙུན་པ་ཟམ་གདོང་གིས་ཀྱང་འཆར་ཅན་གྱི་མཛད་སྒོ་མིན་པའི་གལ་གནད་སྐད་གསེང་མཐོན་པོས་བསྒྲགས་ཤིང་། ད་དུང་མཁས་དབང་བློ་བཟང་སེང་གེ་ཞེས་པའི་མཚན་གྱི་དབྱར་རྔ་ཤུགས་ཀྱིས་བསྩལ། སྐུ་ཞབས་བློ་སེང་གིས་ཀྱང་སློབ་དཔོན་པདྨའི་འཁྲུངས་སྐར་ཉིན་མོ་ཡིན་པ་ཤུགས་ཀྱིས་སྒྲོག་བཞིན། དཀར་ཕྱོགས་སྐྱོང་བའི་སྲུང་མ་མཐའ་དག་ཉེ་སར་བོས་པ་ན། དངོས་གནས་དད་པ་ཅན་ཞིག་ཡིན་ན། དེ་རིང་མི་འདི་དག་གི་མཁའ་དབྱིངས་སུ་མཆེ་གཙིག་སྡེར་བགྲད་རེ་འགའ་གློག་འཁྱུག་པ་ལྟར་འཁོར་ལོས་ཡོད་བསམས་ངེས་པ་ཞིག་རེད།
དེ་ལྟར་༧ཏཱ་ལའི་བླ་མ་དང་བཙུན་པ་ཟམ་གདོང་གཉིས་ཀྱི་བརྗིད་ཉམས་འོག་ཏུ། སྤྲུལ་སྐུ་ན་གཞོན་ཀརྨ་པ་དང་། ཨའོ་བྷ་མ་གཉིས་པར་གྲགས་པའི་བོད་ཀྱི་ཧ་ཝ་ཌི་སྐུ་ཞབས་བློ་སེང་བཅས་ནི་སེང་གེ་གནམ་མཆོང་ལྟ་བུར་འགྱིང་ཞིང་། རེ་འབྲས་ཀྱི་མིག་འབུར་ཡོད་ཚད་སྐུ་ཞབས་བློ་སེང་གི་ཐོག་ཏུ་བསྐྱལ་བའི་སྐབས་དེར། ཞོལ་དུ་སྐྱ་སེར་ཀུན་གྱིས་ཐལ་མོ་རྡེབ་བཞིན་ཀི་སྒྲ་བསྒྲགས། གཏམ་བཤད་རེ་རེའི་བར་མཚམས་སུ་ཀི་སྒྲ་དང་ཐལ་མོས་ཁེངས་པའི་སྐབས་དེ་ཤེད་དུ། འབུམ་རམས་པ་སྐུ་ཞབས་བློ་སེང་བོད་ཡིག་སྐྱོར་ཀློག་ལ་ཤིན་ཏུ་ངལ་ནས། བློ་ཅན་རེ་འགའ་སེམས་ཁྲལ་གྱི་གནས་སུ་བསྐྱལ། ཡི་གེ་བཀླགས་ནས་མར་ཕེབས་རྒྱུ་ལས་མཚམས་རེར་ཕྱིར་ལོག གཏམ་བཤད་ཡིག་ཆ་གཟིགས་ནས་ཀློག་རྗེས་འགྲང་བའི་༧ཏཱ་ལའི་བླ་མ་སོགས་ཆེན་པོ་རེ་འགའི་དབུ་ཡང་ཡར་གཡུག་མར་གཡུག་བྱེད་དགོས་པ་ཆགས། མི་རྣམས་ཀྱིས་ཤ་གྲུང་པོ་བྱས། ཤ་ཚ་ཅན་རྣམས་ཀྱི་ལག་པ་བསྡམས་ནས་ལག་མཐིལ་རྔུལ་ནག་གིས་ཁེངས། སྐུ་ཞབས་བློ་སེང་གི་དབུ་འང་ནང་དུ་བཀུག་ནས་བཀུག་ཏུ་ཕྱིན། སྐབས་དེ་མཚམས་ཤིག་ལ་བོད་རྒྱལ་ལོ་ཞེས་པའི་སྐད་གསེང་མཐོན་པོ་དེས་གསུང་བཤད་མཇུག་རྫོགས། ཡང་བསྐྱར་དབྱིན་སྐད་དུ་སྐྱོར། དབུ་མཐོ་ལ་གསུང་མཐོ་བས་མི་རྣམས་ལྷོད་ལ་བབས། སྐུ་ཞབས་བློ་སེང་གིས་ཀྱང་ཉམས་འགྱུར་དང་ཚིག་སྦྱོར་ལེན་ཕྱོགས་ལྟ་ན་སྡུག་གང་ཐུབ་བྱས་ཤིང་། རྒྱ་ནག་གི་བོད་ལ་གང་བྱས་ངོ་འཕྲོད་བྱེད་སྐབས་སྤོབས་པའི་ཉམས་དེ་ཇེ་གསལ་ནས་ཇེ་གསལ་དུ་ཕྱིན། གཏམ་བཤད་གྲུབ་མཚམས། ༧ཏཱ་ལའི་བླ་མས་ཕྱག་འཇུ་གནང་བཞིན། ཐལ་མོ་སྦྱོར་བཞིན་སྐུ་པར་རྒྱབ་ཆོག་པའི་གནང་བ་བསྩལ། སྐུ་ཞབས་བློ་སེང་གི་ཚོར་བ་ནི་ཚིག་གི་མཚོན་ག་ལ་ཐུབ་སྟེ། བོད་ལ་རེ་བ་ཞིག་ཨེ་ཡོད་བསམས་པའི་རེ་བའང་གནམ་ནས་གནམ་དུ་འཕུར་བར་གྱུར།
ཉིན་མ་གཉིས་པར་རྒྱལ་ཁབ་འདྲ་མིན་ནས་ཕེབས་པའི་སྐུ་མགྲོན་རྣམས་ཀྱིས་གཏམ་བཤད་སྤེལ། ཚོགས་སྐྱིད་ཁག་གིས་གླུ་གར་གྱི་གཟིགས་མོ་བཤམས། མི་མང་གི་མདུན་དང་སེམས་སུ་འགྲོ་བཞིན་པའི་སྐུ་ཞབས་བློ་སེང་གིས་ལོ་རྒྱུས་ནང་བསྡུས་མ་མྱོང་བའི་དམ་འབུལ་མཛད་སྒོ་ཞིག་འཚོགས། ༧རྒྱལ་དབང་བདུན་པ་ཆེན་པོས་བསྩལ་བའི་བཀའ་ཤག་གི་ལས་ཐམ་སྲི་ཞུ་བདེ་སྐྱིད་མ་བཙུན་པ་ཟམ་གདོང་གི་མདུན་ནས་ཞུས་འཕྲལ་བཀའ་ཤག་ལས་ཁུངས་གསར་བར་བཅར།
དེ་ལྟར་ལས་ཁུངས་སུ་བཅར་ནས་ཉིན་གཅིག་གཉིས་ལས་མ་སོང་བའི་སྐབས་དེར། ཨ་རི་ནས་ཆེད་མངགས་ཕེབས་པའི་གསར་འགོད་པ་གྲགས་ཅན་སྐལ་ལྡན་བློ་གྲོས་ཀྱིས་སྐུ་ཞབས་བློ་སེང་ལ་བཅར་འདྲི་ཞུས། གསར་འགོད་པ་ཁོས་དྲི་བ་གཏོང་སྟངས་ནི་རྩོམ་གཞན་དུ་བཤད་པ་ལྟར། ད་ཐེངས་ཀྱང་ནུབ་ཨ་རི་ནས་ཁོ་རང་ཆེད་གཏོང་གནང་དགོས་དོན་ལའང་རྒྱུ་མཚན་རེ་འགའ་ལོས་ཡོད། ངས་ཁོང་གཉིས་ཀྱི་དྲི་བ་དྲིས་ལན་ལ་ཉན། ཞིབ་ཚགས་པོས་ཉན། ཡང་ནས་བསྐྱར་དུ་ཉན་རྗེས། སྐུ་ཞབས་བློ་སེང་ནི་དངོས་གནས་ཡར་དཀྱོག་མར་བཀུག་བྱེད་མཁས་པོའི་བཀའ་མོལ་གནང་མཁན་ཞིག་ཏུ་ཚོར། དེ་ནི་ལོས་ཡིན་ཏེ། སྲིད་སྐྱོང་བའི་ཁྲི་ལ་ཞབས་སོར་འཁོད་རྗེས་འོས་བསྡུའི་ལས་རིམ་ནང་གི་བཀའ་མོལ་དང་ཁས་ལན་བརྗེད་འགྲོ་བ་ནི་སྐུ་ཞབས་བློ་སེང་ཁོ་རང་གཅིག་པུ་ག་ལ་ཡིན། དེ་ནི་ཁོས་དཔེ་ལྟ་སའི་ཨ་རི་རང་ལའང་བྱུང་མ་མྱོང་བ་ཞིག་རྩ་བ་ནས་མིན།
སྐུ་ཞབས་བློ་སེང་ལ་ཨའོ་བྷ་མ་ལྟར་མི་རྣམས་ཀྱིས་རེ་བ་ཧ་ཅང་ཆེན་པོས་བཀའ་ཁྲིའི་ཁྲི་ལ་བཀོད། ཡིན་ནའང་། དེང་སང་ཨའོ་བྷ་མས་འོབ་མ་འདུས་པའི་དཀའ་ངལ་འཕྲད་བཞིན་པ་ལྟར། ཉིད་ལའང་དེ་ལྟར་མི་བྱུང་རྒྱུའི་བསམ་བློའི་ནང་དུ་བརྒྱ་ཆའི་ག་ཚོད་ཅིག་གི་གྲ་སྒྲིག་ཡོད་དམ། ཞེས་པ་ནི་ངས་བལྟས་ན་བོད་མི་རྣམས་ཀྱི་རེ་བ་རེད་ལ། དྲི་བའང་རེད། རེ་བ་ཅི་ལྟར་རེད་ཅེ་ན། སྐུ་ཞབས་བློ་སེང་གིས་འོབ་མ་འདུས་པའི་གནས་སྟངས་ཤིག་སྟོན་རྒྱུར་བོད་མི་ཚོས་རེ་བ་རྒྱག་གི་མེད་ལ། དེ་ལས་ལྡོག་སྟེ། ཁོང་གིས་འོས་བསྡུའི་སྐབས་བཀྲམས་པའི་སེང་གེའི་ལས་འཆར་དེབ་དེ་བརྟན་པོར་སེམས་ལ་ཉར་ཡོད་པས། གལ་སྲིད་འོབ་མ་འདུས་པ་འདྲ་ཞིག་བྱུང་ཚེ། དང་པོ་བསྐྱལ་ས་ཞིག་ལ་སྲིད་སྐྱོང་བ་རང་ཉིད་ཐོག་མར་བསྐྱལ་ཐུབ་ངེས་ཀྱི་ཡིད་ཆེས་བརྟན་པོ་དེས། ཁོང་ལ་རྣམ་དཔྱོད་ཡོངས་སུ་དཀྲུགས་ནས་འོས་ཤོག་བླུགས། འོས་ཤོག་རྒྱལ་ཁའི་ངང་ཐོབ་པ་རེད་མོད།
སྐུ་ཞབས་བློ་སེང་གིས་བཤད་ན། གལ་སྲིད་འོབ་མ་འདུས་པའི་གནས་ཚུལ་ལ། སེམས་ནས་གྲ་སྒྲིག་གང་འཚམ་བྱས་ཡོད་མོད། ཁ་སང་དམ་འབུལ་སྐབས་༧གོང་ས་མཆོག་གིས་བཀའ་སློབ་ཕེབས་སྟངས་ནས་ཞིབ་ཏུ་བསམ་བློ་ཞིག་བཏང་བ་ཡིན་ན། ངེད་རང་སྲིད་སྐྱོང་པའི་ཁྲི་ལ་འཁོད་དགོས་པ་ནི་ལས་ཤིག་མིན་འགྲོ་བསམས་ལ། ལས་ཀྱིས་གནང་བའང་མིན་འགྲོ་ཟེར། ཁོང་གི་དྲིས་ལན་འདི་གོ་མ་ཐག་ངའི་སེམས་སུ་ཟུག་གཟེར་རྒྱབ། ཞེ་གཏིང་ནས་སྐྱོ་བཞིན། ཅི་ཞིག་ཚོར་སོང་ཞེ་ན། སྐུ་ཞབས་བློ་སེང་འདི་ཉེན་ཁ་ལས་གཞོལ་ཤེས་མཁན་ཞིག་རེད་བསམས་སོང་ལ། ཁོས་སྐད་ཆས་གནམ་མཁའི་མཐའ་བསྐོར་ན་མ་བསྐོར་ན། ཁོང་ལ་འོས་ཐོབ་པ་དང་སྲིད་སྐྱོང་བའི་ཁྲི་ལ་བཀོད་ནས་མི་རྣམས་ཀྱིས་རེ་བཞག་འདི་ལྟར་བྱས་ཚུལ་ཚང་མ་” ལས་ ” ཁོ་ནའི་ངོ་བོར་འགྲེལ་བཤད་རྒྱབ་དུས། མཇུག་འབྲས་གང་འབྱུང་ཡང་ལས་ཀྱི་གྲས་སུ་འདོག་མཁན་ཞིག་ཡིན་པ་ནི་ཐག་བཅད་ཆོག་པ་ཞིག་རེད།
ད་དུང་ཁོང་གིས། ལོ་ལྔ་ཚན་གཅིག་གི་རིང་། རེ་ཤོས་ཀྱིས་མཆོད་མི་འདུག་དང་རེ་ཤོས་ཀྱིས་དཔེ་ཡག་པོ་རེད་ཅེས་གང་སྨྲས་ཀྱང་ཁྱད་པར་ཁྱོན་ནས་མེད། ངའི་ངོས་ནས་ལྷག་བསམ་རྣམ་དག་དང་། འོབ་མ་འདུས་ནའང་ང་སྒེར་ནས་མ་འདུས་པ་བྱུང་ན་རྦད་དེ་བྱེད་རྒྱུ་མིན། མ་བྱུང་ན་ཉུང་ཙམ་ཞིག་བྱེད་ངེས་རེད་ཅེས་གསུངས་སོང་། ངས་ཁོང་གི་ཆོད་སེམས་དང་བློ་ཁོག་འདི་དག་ལ་ཉན་པས། ཆབ་སྲིད་པ་ཐབས་ཆག་ཁ་ཤས་ཀྱིས་མི་མང་གི་ས་ནས་འོས་ཐོབ་རྗེས་འགན་རང་སྟེང་དུ་མི་ལེན་པར། སྤྱི་གཞུང་ལ་གཡུག་བཞིན་པའི་བྱ་སྤྱོད་དེ་དྲན་པར་སོས་ཤིང་། སྐུ་ཞབས་བློ་སེང་འདི་ཤེས་ཡོན་གྱིས་རབ་ཏུ་ལྕི་བ། ཀུན་ནས་ལྕི་བ་ཞིག་གཏན་ནས་མ་ཡིན་པའི་ངེས་ཚོར་ཐོབ་ཅིང་། ཆབ་སྲིད་ཀྱི་གཡོ་གར་ཁྲོད་ནར་སོན་པའི་འབུམ་རམས་པ་ཡངས་མོ་ཞིག་ཏུ་ཚོར།
གལ་སྲིད་ཤེས་ཡོན་པ་རྣལ་མ་ཞིག་དང་། མི་མང་གི་བདེ་སྡུག་ཁོ་ན་བསམས་མཁན་ཞིག་ཡིན་ན། ཁོང་གིས་གནའ་ནས་ཚར་ཁྲི་སྟོང་མང་པོར་གསུངས་བ་བཞིན། རང་ཉིད་ཀྱི་སྐྱེས་ཁུངས་ཉམས་ཆུང་བ། མི་ཚང་དབུལ་བོ། དཀའ་སྡུག་གང་མང་མྱངས་བ། མི་དཀྱུས་མའི་འཚོ་བ་ནས་སློབ་གྲྭ་འགྲིམས་སྟེ་ཤེས་ཡོན་ཐོབ་ཅིང་། རྒྱལ་ཁབ་དང་མི་རིགས་ལ་ཞབས་འདེགས་སྒྲུབ་རྒྱུའི་འདུན་པ་སྲོག་ལས་ཀྱང་གལ་ཆེ་ཚུལ། ཤེས་ཡོན་དང་རྣམ་དཔྱོད་གཙོ་བོ་ཡིན་པའི་དེང་དུས་སྤྱི་ཚོགས་ཤིག་གི་ཆེད་དུ། མ་འོངས་པའི་བོད་ལ་ངས་གང་མིན་ཚད་བྱེད་ངེས་ཡིན། ང་ནི་མི་རབས་གསར་བ་བསམ་བློ་གསར་བ། ཐ་ན་བོད་ཀྱི་ད་ལྟའི་བློ་ཁོག་དང་སྙིང་སྟོབས་ཡིན་ཚུལ་གསུངས་བ་རྣམས་དྲན་པ་གཏིང་བརྗེད་དུ་གྱུར་བ་མིན་ནམ་སྙམ་སྟེ་ཡིད་ཅི་འདྲིའི་མུག་པ་ལ།
ཁོང་གིས་” འབྱུང་འགྱུར་ལས་དོན་ནང་དཀའ་ངལ་ཡོང་སྲིད་པ་རེད། ཡིན་ནའང་། དཀའ་ངལ་དེ་གདོང་ལེན་བྱེད་དུས་ང་ལ་བོད་ཕྱི་ནང་གཉིས་ཀྱི་བོད་མི་ཚོས་གནང་བའི་སྙིང་སྟོབས་དང་རེ་བཞག་ཡོད། ༧གོང་ས་མཆོག་གིས་གནང་བའི་སྲིད་སྐྱོང་བའི་དབང་ཐང་ཡོད་པས། གལ་སྲིད་བོད་ཀྱི་གནས་སྟངས་ད་དུང་ཉམས་ཆག་ཕྱིན་པ་ཡིན་ནའང་། དང་པོ་དེ་ང་བཀའ་བློན་ཁྲི་པ་བློ་བཟང་སེང་གེས་དཀའ་ངལ་དེ་དག་ཁུར་གི་ཡིན། ང་དུས་གཏན་དུ་མི་མང་དང་མཉམ་དུ་ཡོད། ང་མི་མང་དཀྱུས་མ་དང་མཉམ་སྡོད་བྱེད་ཐུབ་པ་འདི་ཕལ་ཆེར་བོད་ཀྱི་དབུ་ཁྲིད་ཚོའི་ནང་ནས་ཨང་དང་པོ་ཆགས་སྲིད་པ་རེད། དེ་བས་ང་ཚོས་ཆིག་སྒྲིལ་དང་ཡིད་ཆེས་བློས་འགེལ་བྱས་ནས་དཀའ་ངལ་ལ་གདོང་ལེན་བྱེད་རྒྱུ་ནི་ལྷ་དང་དཀོན་མཆོག སྲུང་མའི་ནུས་པ་ལས་ཀྱང་ཆེ་ངེས་ཡིན་ཞེས་ ” བཀའ་ལན་མ་གནང་བ་ཅི་ཞིག་ཡིན་ནམ།
ཁོང་གིས་ཅིའི་ཕྱིར་རང་གི་འབྱུང་འགྱུར་ལས་དོན་ཐད་ཀྱི་གྲུབ་འབྲས་རྣམས་ལས་ལ་བཅོལ་བ་ཡིན་ནམ། སྐད་ཆ་འདི་ཅི་ལྟར་ཁོའི་ཁ་ནས་ཐོན་པ་ཡིན་ནམ། ལས་ཀྱི་རྣམ་བཞག་མི་ཤེས་མཁན་ཞིག་གིས་བོད་ཀྱི་མ་འོངས་པ་ལས་ལ་བཅོལ་བའི་བློ་ཁོག་ཅི་ལྟར་སྐྱེས་པ་ཡིན་ནམ། འདིས་ནི་དོན་ངོ་མར་ཅི་ཞིག་མཚོན་གྱི་ཡོད་དམ། སྐུ་ཞབས་བློ་བཟང་སེང་གེ་ལགས།
དྲ་འབུ་རིག་འཛིན་ལགས། འཕྱི་ཁྱོན་ནས་མི་འདུག བསམ་ཚུལ་མི་འཁོར་ནས་ཡོང་དགོས་པ་ཡོད་ན་གསུང་རྐྱང་གནོང་། ངས་ཀྱང་དགའ་བསུ་ཞུ་ངེས།
བསམ་འཆར་ཅུང་ཕྱི་དྲག་འདུག་པས་དགོངས་སེལ་ཞུ།
ཡིན་ཡང་འདི་ནས་འགོ་འཛུགས་མཁན་རྣམས་ཀྱིས་ཐོག་མར་བཀློག་ངེས་པས་འབྲི་ན་འདོད།
འདྲེ་མགོ་རྡོ་ཡིས་བཤད་བཤད་གཏམ་གྱི་སྙིང་པོ་འདི་རེད་ཟེར་རྒྱུ་མེད་པར་མ་ཟད་རྒྱུ་མཚན་དང་ཁུངས་ལུང་གང་ཡང་མེད་པའི་སྤྲ་གཏམ་ཁོ་ནར་དུས་ཚོད་གཏོང་མཁན་ཞིག་ཡིན་ཐག་ཆོད་་་་་ང་ཚོའི་རྒྱབ་ལོག་ཏུ་ཡང་མི་ངན་འདི་འདྲ་རིགས་འགའ་ཞིག་གིས་སྟོང་བཤད་རྐྱང་རྐྱང་བྱས་ཆོལ་ཁ་དང་ཆོས་ལུགས་དཔོན་པོ་དང་བླ་ཆེན་བར་འགལ་ཟླ་མང་པོ་བཟོས་ཡོད་་་་་ད་དུང་ཡང་མི་འདི་ཚོའི་ཁ་ལ་ཉན་ན་་་་རྩོད་ཉོག་ལུང་པ་གང་བཟོ་ཐག་ཆོད་རེད་་་་དེས་ན་དྲྭ་གྲོགས་ཚོས་ངན་འདིའི་རིགས་ཀྱི་གཏམ་ངན་ལ་ཚད་མ་མི་འཛིན་ནས་་་་རང་རང་གིས་རྣམ་དཔྱོད་བེད་སྤྱོད་གནང་རོགས།
རྒྱུ་མཚན་ཡོད་པར་ཧང་སང་རྒྱུ་ཅི་ཡོད། རྒྱུ་མཚན་ལ་ཡག་ཉེས་མང་པོ་ཡོད་པ་སྐུ་ཞབས་ཁྱེད་རང་ལ་ཐུགས་མངའ་ཡོད་ཤག་རེད། མ་གཞི་བྱས་ན། ཁྱེད་རང་གིས་ཞེ་ཆགས་པའི་རྩོམ་འདི་ཡང་རྒྱུ་མཚན་ལྟར་སྣང་ལས་མཆེད་འདུག ཧི་ཧི།
ཀུ་རྩེ་ཡིན་ཏ། གྲོགས་མཆོག
དབང་འདུས་ལགས་ཕེབས་ནས། འགོ་མ་འཚོས་པའི་མཆན་གྱིས་ངའི་རྩོམ་གྱི་ཁོར་ཡུག་ལ་བཙོག་པ་མ་བཟོ་རོགས།
ཁྱེད་ཀྱི་ཡི་གེ་བརྒྱ་དང་ཁུག་རྟའི་ཡི་གེ་གཅིག་ལས་ངས་ཁུག་རྟའི་ཡི་གེ་གཅིག་བདམས་ངེས་ཡིན། དེ་ང་རྒྱུ་མཚན་ཡོད།
བཀྲིས་སྒྲོལ་མ་ལགས། དངོས་ཡོད་དང་ཉེ་ན་དངོས་ཡོད་མ་རེད། ཧ་གོ་སོང་། འཐོམ་ལས་སྒྲོལ། སྒྲོལ་མ་ལགས།
ཤར་ཕྱོགས་ཀྱི་གཉིད་ཁུག་བསྡད་པའི་རྟ། ཁྱེད་རང་གིས་ཤེས་པ་ཤིག་གཞན་ལ་རྒྱུས་མི་མངའ་ཟེར་བ་དང་། དེ་ཡང་རྣམ་རིག་བཀྲ་བའི་སྲིད་སྐྱོང་བ་ཁོང་ལྟ་བུ་ཞིག་གིས་ལས་སྐོར་ཤེས་ཀྱི་མ་རེད་ཟེར་ན། ངའི་བསམ་པར་ཁུག་རྟ་ཁྱེད་རང་། དངོས་གནས་མ་རིག་རྨོངས་པའི་ང་རྒྱལ་ཆེ་གྲགས་འདུག་དྲན། ཁུག་རྟ་ལགས། གཉིད་ཁུག་མ་བསྡད་ལོ།
དེ་རིང་འདྲེ་མགོ་རྡོས་དངོས་ཡོད་དང་བར་ཐག་ཅུང་ཉེ་བའི་གླེང་བརྗོད་ཅིག་སྤེལ་འདུག དེ་ལ་ཡག་བྱང་ལབ་རྒྱུ་ཡིན།
གལ་ཏེ་ཁྱོད་ལ་ཆུ་ཚོད་ཡོད་ན་འདིའི་ནང་དུ་ཡོད་པའི་དཔར་ལ་གཅིག་ལྟོས་དང། སངས་རྒྱས་ཀྱི་བསྟན་པ་འཛིན་མཁན་འདི་ན་འདུག
http://www.facebook.com/profile.php?id=775080986&ref=ffa#!/media/set/?set=a.250349488320688.64901.100000369175335
རྒན་ཨབ་ཕྱི་དཀོན་མཆོག་དབང་འདུས་དང་འཇམ་དབྱངས་སོགས་ཕེབས་ནས་བསམ་ཚུལ་གསུངས་བ་ཐུགས་རྗེ་ཆེ།
འཇམ་དབྱངས་ལགས་ཀྱིས་བཤད་པ་ལྟར། སྐུ་ཞབས་བློ་སེང་གི་དམ་འབུལ་གཏམ་བཤད་ཐད་ལ་དོགས་སློང་རེ་བྲིས་ཡོད་མོད། ཕྱིར་བཏོན་པ་ཡིན་ན་གནས་སྐབས་ཕན་རྒྱུ་ལས་གནོད་འཚབ་ཆེ་བ་འདྲ། རྦད་དེ་ཕྱིར་མ་བཏོན་ནའང་། དུས་ཚེ་དེ་དུས་ཀྱི་གནས་སྟངས་ཤེས་བཞིན་དུ་མི་མང་གི་ཕྱོགས་ནས་མ་ལངས་པ་འདྲ་ཞིག་འདུག གང་ལྟར། ཁོང་གིས་བྱིས་པ་མངར་མོ་བསྟན་ནས་འགུགས་རྐྱང་བྱེད་པའི་བྱ་སྤྱོད་ཁ་ཤས་དངོས་ཡོད་དང་རྦད་དེ་ལོག་ཀ་རེད་འདུག་པས། དུས་ཚོད་ཡག་པོ་བྱུང་མཚམས། ༼ སྐུ་ཞབས་བློ་སེང་གི་ཁ་ཡག་༽ཅེས་པ་དེ་འདོན་ངེས་ཡིན།
༼ ལས་ ༽འདི་དཱ། སྐུ་ཞབས་བློ་བཟང་སེང་གེ་ལགས་ལ་༼ ལས་ ༽ཀྱི་རྣམ་བཞག་སྐོར་ལ་རྒྱུས་ཞེ་དྲག་ཨེ་ཡོད་ན།
འདྲེ་མགོ་རྡོ་ཁྱེད་རང་བཀའ་བློན་གསར་པ་ཡོད་པ་ལས་འཁྲུངས་པ་དང་དེ་ཡང་རྒྱུ་ཚོགས་ཚང་བ་ལས་སྐྱེས་པ་ཞིག་ཡིན་པ་དོན་མི་ཟ། འོན་ཏེ་རྒྱུ་ཚོགས་དེའི་ངོ་བོ་ཇི་འདྲ་ཞིག་ཡིན་མིན་ལ་ངས་དཔྱད་པ་ལྷུག་ལྷུག་བྱེད་རྒྱུ་འདུག
སྐྱོན་ཡོད་ན་བསང་དགོས་པ་དམངས་གཙོ་ཡང་དག་པའི་འགྲོ་སྟངས་དང་། སྐྱོན་མེད་པ་ལ་སྐྱོན་འདོགས་པ་ཡང་དམངས་གཙོ་ངན་པའི་སྲོལ་ངན་རེད། འདི་གཉིས་ལས་སྔ་མ་ནི། ཀུན་སློང་བཟང་པོ་དང་བཟང་ངན་འདྲེས་མ་དང་། ཕྱི་མ་ནི་འཁྲུལ་བའི་བློ་དང་། ཀུན་སློང་ངན་པ། དེ་གཉིས་འདྲེས་མ་གང་རུང་ཞིག་ལས་འབྱུང་བ་ལས་མི་འདའ།
གྲོགས་པོ་ཁྱེད་རང། ཡཡཡཡཡ། ལྟོས་ཨ། ཨུམམམ། རེད་རེད། ངའི་བྱས་ན། ཁྱེད་རང་ངའི་བརྟག་པ་གཉིས་པའི་གསུམ་པའི་ནང་ལ་ཐེ་འདུག
ཁྱེད་རང་གིས་ལས་ལབ་པ་དང་། བཀའ་བློན་མཆོག་གིས་ལས་གསུངས་པ་གཉིས་ལ་ཁྱད་པར་ཡོད་པའི་ཚོར་སྣང་ཁྱེད་རང་ལ་མ་སྐྱེས་པ་དེ་དྲ་གྲོགས་ང་ལ་འབྱུང་། ཨ། ཡ་མཚན་ལ་མ་བསམ་ཞིག། མི་དང་མིའི་བར་ལ་རྣམ་དཔྱོད་ལ་ཁྱད་པར་ཡོད་པ་དངོས་ཡོད་རེད།
ཁྱེད་རང་གི་ལས་ཀྱི་གོ་བ་དེ་ཆུང་གྲགས་ཙང་། ཁྱེད་རང་ལ། འོ་ཛི་ད་ཡིན་ན་ངའི་མགོ་བོའི་སྟེང་གི་བོད་ཀྱི་གནམ་དེ་རྡིབ་འོང་ས་རེད། སྙམ་པའི་སྡུག་བསྔལ་ཚ་འབུར་འབུར་འབྱུང་བ་རེད། སྲིད་བློན་མཆོག་གིས་གསུངས་པའི་ལས་ནི་མཐོང་རྒྱུ་མེད་པའི་གློ་བུར་བའི་བྱེད་པོའི་རང་བཞིན་ཅན་གྱི་ལས་ཞིག་ལ་བསམ་རྒྱུ་དྲན་རྒྱུ་བརྗོད་རྒྱུ་ཨེ་ཡོད། ཁོང་གི་ད་ལྟའི་མི་ཚེ་བཟང་པོ་སྡུག་དཀའ་ལས་ལ་བརྟེན་ནས་འབྱུང་བ་རེད་ལ། སྲིད་བློན་གྱི་བསོད་ནམས་ཡང་རྒྱུ་རྐྱེན་གྲངས་ཚང་བསགས་པ་ལས་ཐོབ་པ་རེད།
ཁོང་གི་ཉམས་མྱོང་དང་། ཡོན་ཏན། རྣམ་དཔྱོད་ཀྱི་རྩལ་ཕྱོགས་གང་ནས་བལྟས་ཀྱང་། ཁོང་གིས་ལས་རེད་ཞེས་པ་ནི། དཀའ་སྡུག་ཡང་ན་རྒྱུ་རྐྱེན་མ་ལུས་པ་བསགས་པའི་ལས་ལ་བརྟེན་ནས་འབྱུང་ཞེས་པ་དང་། རང་དང་བོད་མི་དམངས་ཀྱི་ད་ལྟ་དང་མ་འོངས་པའི་ལས་དབང་ཐམས་དེ་འདྲའི་ལས་ལ་རག་ལུས་ཡོད་གསུངས་པ་རེད།
ད་དུང་ཧ་གོ་མ་སོང་མདོག་མདོག་བྱས་ནས། སྙོམས་ཆུང་ཚུལ་ལྡན་ལ་ཐུབ་ཚོད་ཀྱིས་སྐྱོན་འཚོལ་དང་། འདྲེ་ཁྱོད་སློབ་དཔོན་ངས་སྙིང་བརྩེ་བས་འདུལ་རྐྱང་ཡིན། ཧ་ཧ་ཧ། ཀུ་རེ་ཡིན་ཏ། ངས་འདྲེ་ཞིག་གི་མགོ་ལ་རྡོ་ག་པར་ཞུ་ནུས།
མགོ་རྡོ་འདྲེ་ལགས། བསམ་ཚུལ་དཔེ་ཡག་པོ་བྱུང་འདུག
རྗེས་སུ་ཡི་རངས་དང་བཀླགས་ཟིན་པའི་བརྡ་ལན་ཙམ་དུ།
མ་གཞི་ནས་ཐེར་འདོན་བྱེད་པ་ནི་ཡར་རྒྱས་དང་ཚུགས་ཚུད་ཀྱི་ལམ་བུ་ཞིག་ཡིན་པས། ང་ཚོར་འདྲེ་མགོ་རྡོ་དགོས་ལ་བློ་བཟང་སེངྒེ་ཡང་དགོས་པར་མ་ཟད། ང་ཚོ་ཚང་མ་མཉམ་རུབ་ཀྱིས་བློ་བཟང་སེངྒེ་ལ་སྐྱོན་བརྗོད་ཀྱང་བྱེད་དགོས་ལ་རྒྱབ་སྐྱོར་ཡང་བྱེད་དགོས།
བོད་རིགས་ཡིན་ནོ་ཅོག་གི་སེམས་སུ་ཡོད་པའི་རེ་བ་ཆེ་ཤོས་ནི་བོད་ལ་རང་དབང་ཐོབ་རྒྱུ་དང་༧གོང་ས་མཆོག་བོད་ལ་ཕེབས་རྒྱུ་དེ་ཡིན་པ་དང་། གལ་གནད་ཆེ་བའི་དོན་དག་དེའི་ཆེད་དུ་འབད་བརྩོན་བྱེད་རྒྱུ་ཡིན་ཞེས་བརྗོད་ན་བོད་པ་སུ་འདྲ་ཞིག་ཡིན་ཀྱང་དགའ་བསུ་དང་རྒྱབ་སྐྱོར་བྱེད་ངེས་རེད། དེར་བརྟེན་བློ་སེང་གིས་གོ་སྐབས་དེ་དམ་དུ་བཟུང་ནས་སྤྱང་གྲུང་སྒོས་བོད་མི་རྣམས་ཆེས་དགའ་ཤོས་ཀྱི་མི་སྣ་ “ྋགོང་ས་མཆོག་བོད་ནང་ྋཞབས་སོར་འཁོད་ཐུབ་པ་ཡོང་ཆེད་འབད་བརྩོན་སྒོ་ཀུན་ནས་ཞུ་རྒྱུའི་ཁས་ལེན་ཞུ་རྒྱུ་ཡིན།” ཞེས་འུར་གཏམ་ཚ་བོ་ཞིག་བསྒྲགས་དང་སྒྲོག་བཞིན་པའི་མུ་ནས་རང་ཉིད་ཀྱི་སེམས་ཕུག་གི་རེ་འདུན་ཉག་གཅིག་སྟེ། བོད་ཀྱི་སྲིད་སྐྱོང་གི་གོ་གནས་དེ་རག་པ་རེད། བསམ་གཞིགས་ཇི་ལྟར་བྱས་ཀྱང་ཁོས་བྱེད་སྟངས་འདི་ནི་སྐབས་འཚོལ་རིང་ལུགས་པ་དང་། སྐད་ཆ་དེ་ནི་ཁ་སྟོང་ནང་གི་ཚིག་སྟོང་ལས་མ་འདས་པ་ཤེས་ཐུབ་སྟེ། “འབྱུང་འགྱུར་ལོ་ཉི་ཤུའི་ནང༌། བཙན་བྱོལ་བོད་མི་ཆིག་འབུམ་ལྷག་གི་ནང་ནས་ཁྱད་ལས་པ་ཆིག་ཁྲི་ཐོན་ཐུབ་པའི་དམིགས་ཚད་བཟུང་རྒྱུ་དང༌། བོད་ནང་ཁྱད་ལས་པ་ཆིག་འབུམ་ཐོན་ཐུབ་པའི་རེ་བ་ཞུ་རྒྱུ་ཡིན།” ཞེས་པའི་སྐད་ཆ་འདི་ནི་བོད་རིགས་གཞོན་སྐྱེས་རྣམས་རང་ཕྱོགས་སུ་འགུག་པའི་ལག་ཆ་ཞིག་ལས་མ་འདས་ཏེ། “ངས་ལོ་བཅུ་དྲུག་ཙམ་རིང་ཧར་ཝཊ་གཙུག་ལག་སློབ་ཁང་དུ་རྒྱ་རིགས་སློབ་ཕྲུག་བརྒྱ་ཕྲག་ཁ་ཤས་དང་མཉམ་དུ་འབྲེལ་བ་བྱེད་མྱོང་།” ཞེས་བཤད་པ་ལྟར། ལོ་དེ་འདྲའི་མང་པོ་ཞིག་ལ་མིང་ཆེན་པོ་དེའི་འོག་ནས་རྒྱ་རིགས་སློབ་ཕྲུག་བརྒྱ་ཕྲག་རེ་ཟུང་ལས་འབྲེལ་བ་བྱེད་ཐུབ་མེད་པའི་མི་ཞིག་གིས། བོད་ནང་ལ་འབྲེལ་ལམ་བཙུགས་ཏེ་ཁྱད་ལས་པ་ཆིག་འབུམ་ཐོན་ཐུབ་པའི་སྲིད་ཇུས་ཇི་ལྟར་ལག་བསྟར་བྱེད་རྒྱུ་ཡིན། འདི་ནི་སྐབས་འཚོལ་རིང་ལུགས་པས་བོད་ནང་གི་མི་རྣམས་རང་ཕྱོགས་སུ་འགུག་ཐབས་ཀྱི་གཡོ་གཏམ་ཙམ་ལས་མ་འདས་པ་མཐོང་ཐུབ། དུས་རབས་ཉི་ཤུ་བའི་ལོ་རབས་བརྒྱད་ཅུ་པའི་ནང་ཀུན་གཟིགས་པཎ་ཆེན་རིན་པོ་ཆེས་རྒྱ་ནག་གིས་བོད་མིའི་ཚེ་སྲོག་འཕྲོག་པའི་རིན་ཐང་ལྟ་ཅི། ཐ་ན་དགོན་པ་ལྷ་ཁང་དང་སྐུ་གསུང་ཐུགས་རྟེན་གཏོར་བཅོམ་འཕྲོག་འཁྱེར་བྱས་པའི་རིན་ཐང་ཡང་གཞལ་མི་ཐུབ་ཅེས་དཔའ་ངར་ཞུམ་མེད་ཀྱིས་རིན་ཐང་མེད་པར་བསྒྲགས་ཡོད་ཀྱང་། སྲིད་སྐྱོང་གསར་པས་ “བོད་ས་ཡོངས་རྫོགས་དམག་གིས་མཐའ་བསྐོར་ཏེ། ཨ་སྒོར་ས་ཡ་མང་པོའི་རིན་ཐང་ལྡན་པའི་ཤིང་ནགས་དང༌། གསེར་ཟངས་ཀྱི་གཏེར་ཁ་རྣམས་གང་བྱུང་སྔོག་འདོན་བྱེད་འགོ་ཚུགས་པ་རེད།” ཞེས་རྒྱ་དམར་གྱིས་ད་བར་རྐུ་འཕྲོག་བཅོམ་གསུམ་གྱིས་འཁྱེར་བའི་བོད་ཀྱི་རིན་ཆེན་གཏེར་དངོས་རྣམས་ཨ་སྒོར་ས་ཡ་ཁ་ཤས་ལ་བརྗེ་འདུག་པ་ནི། བོད་ཀྱི་བང་མཛོད་རྣམས་དང་དཔེ་མཛོད་ཁག དགོན་སྡེ་ཁག་གི་གནའ་དངོས་རིག་རྫས་དང་། རིན་ཆེན་སྣ་ཚོགས་རྣམས་ལ་འཛིན་པའི་རིན་ཐང་ཧ་ཅང་དམའ་དྲགས་པར་མ་ཟད། དེ་ལས་ཀྱང་ཆེས་ཚབས་ཆེ་བའི་གཏམ་འཆལ་ཞིག་ནི་ “མེ་འཁོར་ལྕགས་ལམ་བཟོས་པའི་དབང་གིས་བོད་ཀྱི་གཏེར་ཁ་བསྔོག་འདོན་བྱེད་ཤུགས་ཆེ་རུ་སོང་བ་དང༌། བོད་ནང་རྒྱ་རིགས་མི་འབོར་སྤོ་ཞུགས་ཆེ་རུ་ཕྱིན་པར་བརྟེན། བོད་མིའི་རིག་གཞུང་དང་ངོ་བོ་ཉམས་རྒུད་འགྲོ་བཞིན་ཡོད།” ཅེས་སྤྱི་ལོ་ ༢༠༠༡ ནས་ ༢༠༠༦ བར་གྱི་མདོ་སྨད་ན་གོར་མོ་ནས་ལྷ་སའི་བར་བཟོས་པའི་ལྕགས་ལམ་དེ་རྒྱ་དམར་གྱིས་བོད་ལ་བཟོས་པའི་ལྕགས་ལམ་དུ་ངོས་འཛིན་འདུག་པ་ནི་ཅི་འདྲའི་ཐབས་སྐྱོ་བོ་ཞིག་མ་རེད་དམ། སྲིད་སྐྱོང་གསར་པ་མཐོང་རྒྱ་ཆེ་དྲགས་ནས་“བོད་”ཅེས་པ་རྒྱ་དམར་གྱིས་འདོད་པའི་རང་སྐྱོང་ལྗོངས་ཙམ་མམ་རྒྱ་དམར་གྱིས་བསྒྲགས་པའི་རང་སྐྱོང་ལྗོངས་དང་ཁོ་པའི་ཕ་ཡུལ་ཙམ་དུ་གཟིགས་འདུག སྲིད་སྐྱོང་གསར་པའི་སྐད་ཆ་བཤད་སྟངས་དེ་ནི་དེ་སྔའི་བོད་སྡེ་པ་གཞུང་གི་སྐུ་དྲག་ཚོའི་དྲོད་མ་ཡལ་བའི་བཙན་བྱོལ་གཞུང་གི་མི་དྲག་ཏུ་བཏགས་པའི་རྐུན་ཆུང་རྣམས་ཀྱི་སྐད་ཆ་བཤད་སྟངས་ལས་མ་འདས་པས། ཕྱིས་སུ་གང་ཅིར་ཡིད་གཟབ་བྱེད་དགོས་པ་ནི་ལོ་རྒྱུས་ཀྱི་དགོས་འདུན་ཡིན།
བཀུར་འོས་དོ་སྣང་ཅན་དག་དང་། ལྷག་པར་འདི་འདྲའི་སྐོར་ལ་ཚོར་བ་རྣོ་བའི་མདུན་རྒྱབ་བར་བཞུགས་རྣམ་པ་ཚོས་ངའི་རྩོམ་འཆལ་དག་ལ་མཆན་འདེབས་དུས། ངའི་རྩོམ་འཆལ་དག་གི་སྙིང་དོན་བཟུང་ནས་མཆན་བཏབས་མེད་པའམ། མགོ་ཁ་དང་ལག་པ་རྐུབ་བྱས་ཏེ་ཡི་གེ་འབྲི་བ། ཡང་ན་གང་ཟག་རང་གི་དོགས་པ་རྒྱ་ཡན་པའི་སྣང་བརྙན་བྲིས་པ་སོགས་བྱུང་ཚེ། ངས་དེ་དག་ལ་ཡ་ལན་ཡི་གེ་ན་གཅིག་ཀྱང་གཏོང་གི་མིན། འདྲེ་མགོ་རྡོ་དང་མཉམ་ཏུ་བགྲོ་གླེང་བྱེད་པའམ། འདྲེ་མགོ་རྡོར་དག་ཐེར་བྱེད་ཀྱི་ཡོད་ན། གང་བརྗོད་བཞིན་པའི་དཀྱིལ་སྙིང་མ་གཡུག་པར་གླེང་སློང་བྱེད་རོགས། དེ་མིན་ང་འདྲེ་མགོ་རྡོས་ཁྱེད་ཀྱིས་དཀའ་ལས་རྒྱབ་རྒྱབ་ནས་བྲིས་པ་དག་རང་དགར་གཡུག་བཞག་པ་ཡིན་ན། སྐུ་ཉིད་ངོ་ཚ་བའམ་ཡང་ན་ཕྲན་ལ་གུས་ལུགས་མི་འདུག་བསམ་སྲིད་པས། དེ་ཡག་པོ་མི་འདུག་གཱ།
རྣམ་པ་ཚོས་ངའི་རྩོམ་འཆལ་དག་ལ་མཆན་འདེབས་དུས། ངའི་རྩོམ་འཆལ་དག་གི་སྙིང་དོན་བཟུང་ནས་མཆན་བཏབས་མེད་པའམ། མགོ་ཁ་དང་ལག་པ་རྐུབ་བྱས་ཏེ་ཡི་གེ་འབྲི་བ། ཡང་ན་གང་ཟག་རང་གི་དོགས་པ་རྒྱ་ཡན་པའི་སྣང་བརྙན་བྲིས་པ་སོགས་བྱུང་ཚེ། ངས་དེ་དག་ལ་ཡ་ལན་ཡི་གེ་ན་གཅིག་ཀྱང་གཏོང་གི་མིན། འདྲེ་མགོ་རྡོ་དང་མཉམ་ཏུ་བགྲོ་གླེང་བྱེད་པའམ། འདྲེ་མགོ་རྡོར་དག་ཐེར་བྱེད་ཀྱི་ཡོད་ན། གང་བརྗོད་བཞིན་པའི་དཀྱིལ་སྙིང་མ་གཡུག་པར་གླེང་སློང་བྱེད་རོགས། དེ་མིན་ང་འདྲེ་མགོ་རྡོས་ཁྱེད་ཀྱིས་དཀའ་ལས་རྒྱབ་རྒྱབ་ནས་བྲིས་པ་དག་རང་དགར་གཡུག་བཞག་པ་ཡིན་ན། ངོ་མ་ཚའམ་ཡང་ན་གུས་ལུགས་མི་འདུག་མ་བསམས་རོགས།
འདྲེ་འདི་ཏན་ཏན་ཅིག་འགྲིག་མེད། བསམ་བློ་ལོག་པ་རྐྱང་རྐྱང་རེད།
བོད་ཡིག་སྐྱོ་བོ་ཟེར་ན་བདེན་པ་རེད། ཡིན་ཡང་ང་ཚོའི་སྤྱི་ཚོགས་སུ་བོད་པ་བརྒྱ་ཆ་དགུ་ཅུ་ཡིག་རྨོངས་པ་ཡིན་པ་མ་ཟད། མི་ལོ་ཉི་ཤུ་ནས་སུམ་ཅུའི་བར་དུ་བོད་ཡིག་ལ་བརྟེན་དགོས་པའི་གཞུང་འབའ་ཞིག་ཉིིན་མཚན་བར་མེད་དུ་སྦྱོང་མཁན་གྲྭ་བའི་སྤྱི་ཚོགས་སུ་ཡང་གོང་གི་་བརྒྱ་ཆ་དེས་ཟིན་ཡོད་པས། དེ་བློ་སེང་གཅིག་པུའི་སྐྱོན་རྩིས་ན་དྲང་བདེན་མིན་པའི་སྐད་ཆ་ཞིག་རེད། གང་ལྟར་ཁྱོད་ལ་དོན་གནད་ཡོད་པའི་སྐྱོན་བརྗོད་ཞིག་ཡེ་ནས་མེད་པས་ཕྱིན་ཆད་གནས་ལུགས་དྲང་བརྗོད་ཀྱི་སྐད་ཆ་རེ་བཤད་པ་ཅིས་ཀྱང་གཟབ་རེམ།
དེ་མིན་བློ་སེང་ལ་ཅི་ཁག ༼ལས༽ཞེས་པ་དེ་བོད་ཀྱི་རིག་གཞུང་གི་སྙིང་པོ་རེད། སྙིང་པོ་མ་འཇུས་ཚེ་ཅི་ཞིག་སྲུང་སྐྱོབ་བྱེད་དགོས་ཀྱི་ཡོད་དམ། ༼ལས༽བསྙོན་འབྱིན་བྱས་པའི་ཕྱི་ཉིན། བློ་སེང་ལགས་དེང་རབས་ཀྱི་འུ་དམ་བཙན་པོ་ཆགས་ཡོད་པས། ཡང་དེང་རབས་ཀྱི་ལྷ་ལུང་དཔལ་རྡོར་ཞིག་ཡོང་ནས་གསོད་ཀྱི་མ་རེད་དམ།
ཨ་རོགས་ཨ་མདོ་མགོ་རྡོ། ཁྱོད་དངོས་གནས་སྤྱི་དོན་ལས་སྒེར་དོན་མི་བསམ་མཁན་ཞིག་ཡིན་ན། འདི་ལྟར་སྐྱོན་བརྗོད་གནང་བ་ལས་བཙན་བྱོལ་ནང་དུ་དེང་སྐབས་ཁྱད་མཚར་མང་པོ་བྱུང་བཞིན་པའི་ཐད་ནས་བཀའ་ཁྲི་གསར་བར་འབོད་བསྐུལ་གྱིས་གཏིང་ཐག་ཆོད་པ་ཞིག་གནང་རན་མེད་དམ། དཔེར་ན། སྐྲ་བྲེགས་སྣ་བཅད་དམར་ཧྲེང་དུ་བཙན་ཁྲིད་ཀྱིས་ཁྲོམ་བསྐོར་བྱས་པའི་དོན་རྐྱེན། སུ་ཇ་སློབ་གྲྭ་ནས་རྒན་བདག་གིས་སློབ་ཕྲུག་ཅིག་བསད་པའི་དོན་རྐྱེན། མ་སུ་རི་སློབ་གྲྭ་ནས་སློབ་ཕྲུག་བུ་མོ་ཞིག་རྡུང་ནས་སྨྱོས་ཟིན་པའི་དོན་རྐྱེན། འདི་དག་འདྲེ་ཞིག་ཡིན་རུང་སྙིང་ན་དགོས་པའི་དོན་རྐྱེན་མ་རེད་དམ།
བཙུན་པ་ཟམ་གདོང་ཚང་གི་ཁྲི་རབས་གཉིས་ཀྱི་ལས་དུས་དང་བསྡུར་ན། སྲིད་སྐྱོང་པ་སྐུ་ཞབས་བློ་སེང་གི་དུས་ཚོད་འདིར་ང་ཚོ་མང་གཙོ་དང་དེར་ཞུགས་ཐུབ་ཀྱི་མཐུན་རྐྱེན། ཞུགས་ཕྱོགས་སོགས་གང་ས་ཅི་ཐད་ནས་ཡར་རྒྱས་ཕྱིན་ཡོད་པས། མ་འཕྱི་མ་སྔ་བའི་སྒོ་ནས་ཆིག་སྒྲིལ་དང་ཐེར་འདོན་ཟུང་འབྲེལ་གྱིས་འགྲོ་ཐུབ་ན། ཕ་རོལ་རྒྱ་ལ་གང་མགྱོགས་གས་ག་ཤོར་བ་མི་མཐོང་ཡང་། ང་ཚོ་ནང་ཁུལ་གྱི་རྩ་དོན་འཐབ་རྩོད་ཀྱི་ཤེས་བྱའི་ནང་ཁོག་རབ་ཏུ་ཀུན་ཏུ་ལྕི་ནས་ལྕི་རུ་འགྲོ་རྒྱུ་ནི་སྨྲ་མི་དགོས་པའི་གནད་དོན་ཞིག་རེད།
གཉིས་ནས་ང་འདྲེ་མགོ་རྡོ་འདི། སྐུ་ཞབས་བློ་སེང་ཡོད་པ་ལས་སྐྱེས་པ་རེད་ཅེས་ནའང་ཐལ་ཆ་མེད་ལ། ཁོང་གིས་རྗེས་འདེད་གཏོང་རྒྱུ་འདི་ངའི་རང་ལ་བཀལ་བའི་ལས་དང་རང་གིས་བཞག་པའི་དམ་བཅའ་ཡིན།
དེས་ཕྱིས། རེ་འགའི་ཐུགས་ལ་ཕོགས་རྒྱུ་ཡོང་སྲིད་པས། ཁྱེད་ཅག་གིས་ཀྱང་བསམ་ཤེས་གུ་ཡངས་དང་། ཡང་ན་ཡིག་ཐོག་རང་ནས་འདྲེ་མགོ་རྡོས་གང་བཤད་རྣམས་ཡངས་མོ་བལ་ལ་བསྒྱུར་ན་ངས་དེ་ལ་མི་གུས་གང་ལ་གུས། ང་ཚོས་ཆ་འཕྲིན་དུས་རབས་ནང་རྩ་དོན་དཀྱིལ་སྙིང་དུ་བཞག་ནས་གནད་དོན་ཆེ་ཕྲ་ཚང་མར་བགྲོ་གླེང་བྱེད་ཡ།
བཀའ་བློན་ཁྲི་བ་བློ་བཟང་སེངྒེ་མཆོག་ཁྲི་ལ་བཞུགས་མ་ཐག་ཏུ་སྐྱོན་བརྗོད་བྱེད་རྒྱུ་དེ་སྔ་དྲག་པ་རེད། སྲིད་དོན་མཁས་དབང་ཟམ་གདོང་བླ་མས་ཐ་ན་གཞུང་གི་མིང་བྱང་ཡང་ཤུལ་དུ་བསྐྱུར་མེད་པས། ད་ག་རེ་ལས་དགོས་པ་རེད་དམ། སྔར་ཟམ་གདོང་བླ་མས་གསུངས་པ་བཞིན་གངས་སྐྱིད་ནི་མོ་ཊ་ཀོབ་ཏོ་ཞིག་ཡིན་ཚེ། ད་ལྟ་མོ་ཊ་མ་ཡིན་པར་འདྲུད་འཐེན་འཕྲུལ་འཁོར་སྣུམ་མེད་ཅིག་ཆགས་ཡོད་སྟབས། ཚང་མས་བསམ་བློ་བཏང་ནས་སྔ་རྗེས་ཁྱབ་མཉམ་གྱིས་གནས་ཚུལ་དབྱེ་ཞིབ་བྱེད་རྒྱུ་ཧ་ཅང་གི་གལ་ཆེན་མ་ཡིན་ནམ།
འདྲེ་མགོ་རྡོ་ལགས་དང་རྗེས་འབྲང་པ་དག་ལ་ཞུ་རྒྱུར།
༸་གོང་ས་མཆོག་གིས་བཀའ་ཁྲི་གསར་པའི་མཛད་སྒོ་ཐོག་གསུངས་དོན།
རྒྱུ་མཚན་ལྡན་པ་དང་དྲང་བདེན་གྱི་རྐྱོན་བརྗོད་ཡིན་ན་མ་གཏོགས་དེ་མིན་གང་བྱུང་བཤད་ན་ཡག་པོ་མེད་ཅེས་སྙན་དབྱངས་གསུང་གི་བདུད་རྩི་ལས་བསྐྲུན་པའི་གདམས་ངག་ཟབ་མོ་དེ་ལ་བསམ་བློ་གཏོང་མི་དགོས་པ་དང་གསུང་དེར་སྙིང་པོ་མེད་པ་ཞིག་ཨེ་ཡིན་སྙམ།
བཀའ་ཁྲི་གསར་པས་ཕྱག་ལས་མ་གནང་སྔོན་ནས་ཁྱེད་རྣམས་ནས་རྐྱོན་བརྗོད་དེ་
དག་བྱས་པ་ནི་དགོས་པ་དང་རྒྱུ་མཚན་གང་མེད་པའི་རང་མཚང་འབའ་ཞིག་ལས་
མ་འདས།་ཁྱེད་རྣམས་ལ་མིའི་རྣམ་བཤད་དང་བསམ་བློ་རེ་ཡོད་ན་ཕྱི་ནང་ཤེས་པའི་
ཐོག་ནས་སྐད་ཆ་ཤོད་དགོས་པ་ནི་བོད་ཀྱི་རྩ་དོན་རེད་ལ་འགྲོ་བ་མིའི་ལུགས་སྲོལ་དེ་བས་ཡིན།
རང་གི་མི་རིགས་དང་རང་གི་དཔོན་རིགས་རང་གི་ཚོགས་པ་སོགས་ལ་རང་ངོས་
ནས་རིན་ཐང་རྒྱབ་དགོས་པ་ལས་དགྲ་དགའ་གཉེན་སྡུག་གི་གཏམ་འཆལ་ཁོ་ན་
བཤད་ནས་དགེ་མཚན་གང་ཡང་མེད་པ་ཤེས་
དགོས་སོ།ཕྱོགས་རིགས་སྡང་སེམས་ཁོ་ན་ལ་བརྟེན་ནས་བྱུང་བའི་ཁྱེད་རྣམས་ཀྱི་སྙིང་ནད་རྣམས་གསོ་བའི་སྨན་གཏན་ནས་མེད་པ་གང་ནས་ཡིན།་
བཀའ་ཟུར་བཀྲ་ས་མཐོང་ལ་ཕམ་ཁ་བྱུང་བའི་སྙིང་ནད་རྣམས་རོ་ལངས་རྒྱབ་པ་ནི་
བོད་ཀྱི་རྩ་དོན་ལ་ཕན་ཐོག་མེད་ལ་བསམ་ཤེས་ཅན་ཞིག་ཡིན་ན་འཛམ་གླིང་སྤྱིའི་ལུགས་སྲོལ་དང་འགལ་བའི་བྱ་སྤྱོད་ཁོ་ན་རེད་མོད་།ཁྱེད་རྣམས་ནས་ད་དུང་མི་ཤེས་ཨེ་ཡིན།
འདྲེ་མགོ་རྡོས་ཡག་པོ་བྲིས་འདུག ཐུགས་རྗེ་ཆེ།
ང་ཚོ་སྲིད་སྐྱོང་བ་མཁས་དབང་བློ་བཟང་སེང་གེ་མཆོག་ནི་ཁྲིམས་ལུགས་ལ་ཆེད་མཁས་ཡིན་པ་ཡོངས་བསྒྲགས་བྱས་ཡོད་ལ། ཁོང་མི་ཚང་སྐྱོ་བོའི་ཁྱིམ་གྱི་དཀའ་ངལ་ནང་ནས་འཚར་ལོང་བྱུང་བར་བརྟེན་ཉམ་ཐག་ལ་བདག་སྐྱོང་གནང་རྒྱུ་ཡིན་པ་ཁོང་གིས་ཡང་ཡང་ཁྱབ་བསྒྲགས་བྱས་ཡོད། དེ་དག་ངོ་མ་ཡིན་ན་ཁོང་གིས་ཕྱག་ལས་མགོ་མ་དེ་ནི་ཉེ་སྔོན་བསྟན་འཛིན་སྒང་གཞིས་ཆགས་ནང་ཉམ་ཆུང་བུ་མོ་ཞིག་ལ་མི་ཁག་གཅིག་གིས་གཅར་རྡུང་ཚད་མེད་བཏང་འདུག་ཟེར་བ་དེའི་གྱོད་དོན་བློ་སེང་གིས་ཐུགས་ཐོག་ནས་བདག་པོ་རྒྱག་མིན་ལ་ང་ཚོས་ལྟ་དགོས་པ་རེད། རྒྱུ་མཚན་ནི་ཉམ་ཐག་གི་གནས་ཁོང་གིས་མཁྱེན་བཞིན་པ་དང་། ཁྲིམས་ལུགས་མཁས་པ་ཡིན་པར་མ་ཟད་འགན་དབང་སོགས་ཀྱི་ཆ་ནས་རེད།
ལས་བཅོལ་བྱེད་རྒྱུ་བོད་པ་སྤྱིའི་རེ་བ་གཏད་ས་རེད་་་་ཁྱེད་ཚོས་ལྟོས་དང་མགོ་མཇུག་བར་གསུམ་ཚང་མས་ལས་ལ་བཅོས་ནས་བསྡད་ཡོད་པ་རེད་་་་
དང་པོ་ནས་བསམ་གཞིགས་བྱ་་རྒྱུ་དེ་དོན་པོའི་ནང་གི་དོན་པོ་ཡིན། ད་ནི་བཤད་ཀྱང་ཁྱི་ཟུག་འདྲ། འགྱོད་ཀྱང་ཕྱིས་ཚར་འདུག སླར་ཡང་བསྐལ་བ་སྔ་མར་ཕྱིར་བཤོལ་བྱས་ནས་ལས་ལ་སྒུག་རྒྱུ་རེད།
བློ་ཕྱོགས་སུ་མ་ལྷུང་བའི་ཤེས་ལྡན་གངས་ཅན་པའི་དྲྭ་གྲོགས་ཚོ། སྐུ་ཞབས་འདྲེ་འབུ་མགོ་རྡོ་བོད་ཀྱི་འབུམ་རམ་པ་འདིའི་གཙོས་པའི་མཆན་འདེབས་གནང་བ་འདི་ཚོའིབསམ་ཚུལ་མཐོང་དུས། སྤྱི་ཚོགས་ཆུང་ངུ་འདི་གི་ནང་དུ་སྐྱོན་བརྗོད་ཡོད་ཚད་སློང་ཐུབ་མཁན་དང་སློང་ཤེས་ཉན། དེ་ནང་ནས་ད་ལྟའི་བཀའ་ཁྲི་གསར་རྙིང་ཐད་གློ་རྒྱག་པ་ཚུན་ཆད་ས་ལེར་མཁྱེན་ཐུབ་མཁན་དང་། གནས་ཚུལ་ངོ་མ་འཁོ་སྤྲོད་བྱེད་ཐུབ་ཉན་གྱི་ལྕེ་རྩེ་རྣོན་པོ་ཞིག་དང་འཇོན་ཐང་ཆེན་པོ་ཞིག་འདུག་པར་གཟིགས་ཀྱི་ཡོད་དམ། བསམ་ཚུལ་འདོན་པ་པོའི་ངོས་ནས་རྒྱུད་བསྒྲག་པུས་དག་པོ་ཞིག་བྱུང་ཡོད་བསམ་པའི་སྤོབས་པ་དང་ཡི་རང་ངང་རྒྱུད་བསྐུལ་བྱེད་ཐུབ་ཡོད་བསམ་གྱི་འདུག་གམ། མ་རེད། གུས་པའི་བསམ་ཚོད་ལ། འདི་ནི། རང་མཐོང་ཅན་དེ་སྐྱོན་བརྗོད་མཁས་ཟེར་བ་ལྟར།
རང་གི་བྱ་བྱེད་ལ་མིག་ལྟོས་དང་ས་ཆ་གར་ཡོད་ཀྱང་མི་ཤེས་བཞིན། འདི་འདྲའི་བསམ་ཚུལ་དང་གནས་ཚུལ་ཅུང་ཙམ་བྲི་ཤེས་ཚད་ཐམས་ཅད་མཁོ་གཏོང་དང་སྐྱོན་འདྲུ་ཚོད་མེད་པར་མང་པོ་བྱེད་ཆེ་ན་གཞིས་བྱེས་བོད་མི་ཡོངས་ལ་ཕྱོགས་ཅིག་ནས་མི་ཕན་ཁར། མི་ཚང་མའི་སེམས་རྒྱུད་ལ་མ་འོང་པའི་རེ་བ་དང་། སྲིད་སྐྱོང་གཞུང་གི་ཕྱག་ལས་ཀུན་ལ་མཐོང་དགག་པ་མ་ཚད། ཕྱི་ནས་རྒྱ་མི་དམར་པོས་སྐྱོན་གཏོད་ཅི་ཐུབ་བྱས། ནང་དུ་བོད་མི་རྣམས་ཀྱི་སྐྱོན་གཏོན་ཅི་ཐུབ་བྱས་ན། མི་རིགས་འདི་གཞན་པའི་རྒྱལ་ཁབ་ཀྱི་མི་རིགས་ཤིག་དང་མི་འདྲ་བའི་རྒྱུ་མཚན་གྱིས་ཕྱག་ལས་གནང་བ་པོ་རྣམས་ལ་ལྷག་བསམ་རྣམ་དག་གི་ཆོད་སེམས་དང་འཆར་གཞི་ཞིག་ཡོད་ན་ཡང་། སེམས་ནང་ལ་འདི་ཚོའི་རིགས་གོ་ཐོས་ཡོང་དུས། ལས་ཀ་དེ་བྱེད་ཉན་མི་སྤྲོ་བ་དང་བྱེད་མི་ཕོད་པ། མི་ཐུབ་པ། བྱེད་མི་བསམ་པ། བྱེད་པ་ཁྲལ་སོད་དང་
སྒྱིད་ལུག་པ་སོགས་མི་འབྱུང་བའི་ངེས་པ་ཞིག་མི་འདུག་སྙམས། རྒྱལ་ཕྱི་ནང་ག་བ་ལ་སྐྱེས་པའི་མི་ཡིན་ན་བོད་མི་ཞིག་གི་ཁྲག་རུས་ནི་རྒྱུད་དེ་ཉིད་ལ་གནས་ཡོད་པ་ཡིན་པ་མཁྱེན་གསལ་རེད།
དེ་འདྲ་མ་རེད། འདི་འདྲའི་གནས་ཚུལ་འཁོ་གཏོང་བྱེད་པ་ཡིན་ན་ཕྱག་ལས་གནང་བ་པོས་ཡང་བསྐྱར་ཕྱག་ལས་དེ་ལ་རིག་པ་བསྒྲིམ་ནས་འབྱུང་འགྱུར་གྱི་ཕྱག་ལས་ལ་དོགས་སེལ་དང་དོན་གནད་ཚང་མ། གོ་བར་འགྱུར་བའི་དགོས་པ་ཡོད་རེད་ཞེ་ན། དེ་འདྲ་ཡིན་ན་རྒྱུད་བསྒྲག་བྱེད་ལུགས་དང་སྐད་ཆ་བཤད་སྟང་སོགས་ལ་ཚུལ་ལྡན་མ་ཡིན་པར།
ཡི་མ་རང་བ་དང་། མ་འདོད་པའི་རྣམ་འགྱུར། ལེ་ཁའི་ཟུར་ཟ་འདི་ཚོ་བྱེད་དགོས་པའི་རྒྱུ་མཚན་གང་ཡིན་ནམ?
མདོར་ན་མ་འོངས་པའི་བོད་ཀྱི་བདེན་མཐའ་འདི་ལ་བོད་མི་མགོ་ནག་ཡོངས་རྫོགས་ཀྱིས་ཕྱར་གྲུ་མཉམ་འདེགས་བྱེད་དགོས་པ་ཞིག་ལས་སྲིད་སྐྱོང་ཁོ་ན་དང་ལས་བྱེད་ཁོ་ནའི་དོན་དག་ཞིག་མིན་ཙང་།
མཛུ་གུ་ལྔ་བཅང་། སེན་མོ་དྲུག་འདུས་ཤིག་བྱེད་དགོས་པ་ནི་ཁ་ཚ་དགོས་གཏུག་གི་བྱ་བ་ཞིག་མིན་ནམ?
དེ་ལྟར་མ་ཡིན་པར། ར་རུ་རྣམས་དབྱེ་བྱས། ལུག་རུ་རྣམས་སྒུར་བྱས་ན། བོད་མི་རིགས་འདིའི་བདེན་མཐའ་དེ་ཇི་འདྲ་བྱེད་ནས་སེལ་ཐུབ་དགོས་སམ?
ཆིག་བསྒྲིལ་དང་། གསར་གཏོད། རང་མགོ་རང་ཐོན་སོགས་ག་འདྲ་ཞིག་བྱེད་ན་ཡང་། དུམ་གཅིག་གི་ཞོག་འདེགས་གང་ཐུབ་ཅི་ཐུབ་བྱས། དུམ་ཅིག་གི་གཡས་ངོས་ནས་སྐྱོན་བརྗོད་དང་ལེན་བལྟ་བྱེད་བསྡད་ན་མཐའ་འབྲས་དེ་ཇི་འདྲ་ཞིག་འབྱུང་གི་ཡོད་དམ?
ཉེ་ཆར་བཀའ་ཁྲི་ཁྲི་འདོན་སྐབས་ཀྱི་རྣམ་རྟོག་སླང་བ་དེས་གཞིས་བྱེས་བོད་མི་ཡོངས་ལ་སེམས་གཏིང་ན་མི་དགའ་བའི་རྒྱུད་བསྐུལ་ནག་ཐིང་ཐིང་ཞིག་ཁྱོད་རང་ཡིད་ཚིམ་པོ་མཛོད་དང་ཐུབ་འདུག དུས་བབ་གནས་ཚུལ་འཁོ་གཏོང་བའི་ལས་བྱེད་ཚོ་ངོས་ནས་མཆན་རྣམས་ལ་ཞིབ་གཤེར་ཚག་ཚུད་པོ་ཞིག་མ་གནང་ན། ང་དང་ང་ལྟ་བུའི་མི་འཁྱར་འདི་ཚོས། དོན་མེད་པའི་དོག་སློང་དང་དཀྲུག་གཏམ་འདིས་ཉོག་གྲྭ་ཆེན་པོ་ཞིག་སློང་པའི་ཅོང་བརྡ་ཞིག་ཀྱང་མིན་ནམ་སྙམས་པའི་ཉན་ཁ་ཆེན་པོར་མཐོང་གི་འདུག དྲྭ་བ་འདི་བོད་མི་གཞིས་བྱེས་ཡོངས་ཀྱི་སྤྱི་ཚོགས་ཞབས་ཞུ་ཁྱབ་ཆེན་པོ་ཞིག་ཡིན་པ་དང་གནད་འགགས་ཆེན་པོ་ཞིག་ཡིན་ཙང་གུས་པའི་གཏམ་བསྐུལ་འདི་ལ་གནས་ལུགས་མེད་པ་མ་དགོང་རོག་ཞུ་གི་ཡོད།།།།།།།།།
དྲ་གྲོགས་གསུམ་ཕེབས་འདུག་པས་དགའ་ཡོད། འོན་ཀྱང་གནད་དོན་འདིའི་རིགས་ལ་ང་ཚོས་སྐྱོན་བརྗོད་བྱེད་ཤེས་པ་བྱེད་རྒྱུ་ལས། གང་དྲན་བྱུང་རྒྱལ་དུ་ཡི་གེར་བྲིས་ན་འགྲིག་གི་མ་རེད། ང་ཚོས་ཁོང་གི་རྐུབ་དུ་ཁྱི་བཞིན་འདེད་ཐུབ་ན། ད་གཟོད་ཁོང་གཟབ་ནན་ཏན་ཏན་ཏིག་ཏིག་མི་གནང་རང་གནང་ཆགས་ཀྱི་རེད།
དཔེར་ན་ཁ་སང་གི་དམ་འབུལ་དུས་ཚེས་ལྟ་བུ་རེད། ཁོང་གིས་འགྲེལ་བཤད་མི་རྒྱགས་རང་རྒྱགས་ཆགས་ཡོད་པ་རེད།
གཞན་རྦད་དེ་སྤངས་དགོས་པ་ཞིག་ནི་སྒེར་འཁོན་དང་སྐུར་འདེབས་རིགས་ཡིན། དེ་དག་ངའི་རྩོམ་ཡིག་གི་ཁོར་ཡུག་ཏུ་ཁྱེར་ཡོང་ན་ངས་དགའ་བསུ་མི་ཞུ།
བློ་སེང་ལ་ད་ལྟ་ནས་རེ་བ་མེད་པར་བཤད་ན་སྔ་དྲག་པ་རེད། ཉུང་མཐའ་ཡང་ལོ་གཉིས་གསུམ་ཞིག་ལ་བལྟ་དགོས་རྒྱུ་རེད་སྙམ།
སྐུ་ཞབས་བློ་སེང་གིས་དམ་འབུལ་ཞུས་རྗེས་ཀྱི་བཅར་འདྲི་དེར་གཟིགས་འདོད་ཡོད་ན། ཨེ་ཤ་ཡ་རང་དབང་རླུང་འཕྲིན་ཁང་གི་དྲ་གནས་སུ་བཀོད་འདུག
འདྲེ་མགོ་རྡོར་མཚམས་འདྲི་དང་བཀྲ་ཤིས་བདེ་ལེགས་ཡོད།
ཁྱེད་ཀྱིས་བསམ་ཚུལ་ཆ་ཚང་ཀློག་པ་ཡིན། དེ་ནི་ངའི་བསམ་ཚུལ་དང་ཡང་ཡོངས་སུ་མཐུན་སོང་ལགས། དེ་ཙམ་མ་ཟད། ངའི་ཉེ་འཁོར་བ་རྣམས་ཀྱིས་ཀྱང་དེ་བཞིན་གླེང་སློང་བྱེད་བཞིན་འདུག གང་ལྟར་མཛད་སྒོའི་ཉིན་དེ་ངས་ཀྱང་བལྟས་པ་ཡིན་སྲིད་སྐྱོང་གསར་པས་བོད་ཡིག་ཀློག་སྐབས་ཚིག་འབྲེལ་དཀའ་བ་མ་ཟད། མགོ་བོ་མཐུར་དུ་གུག་བཞིན་ཅི་ཞིག་མྱ་ངན་བྱེད་པའི་ཚུལ་དུ་འདུག་པ་ཡང་བདེན་པ་རེད། སྐབས་དེར་ངས་ཀྱང་མཆན་ཞིག་བྲིས་ཡོད།དེ་ནི་ཉེ་སྔོན་འདྲེ་མགོ་རྡོས་གསུངས་པ་ལྟར་བོད་ཀྱི་རིག་གཞུང་། སེམས་ཁམས་ནི་ཀླད་གོར་ཡིན་པའི་དཔང་རྟགས་གསལ་བཏོན་བྱས་པ་རེད་ལ་ཁྱེད་ཀྱིས་བཤད་པར་བདེན་ཁ་འཐོབ་པ་རེད། ད་དུང་ཁོང་གིས་མ་འོངས་པའི་སྲིང་སྐྱོང་ཚགས་ཚུད་ཡོང་མིན་ནི་ལས་ལ་རག་ལུས་པའི་དྲི་ལན་སོགས་ལས་ལ་ཁག་གཡོག་བྱེད་པ་ནི་ངོ་མ་རང་ཉིད་ཀྱིས་གང་ཡང་མི་འཇོན་པའི་རྟགས་ཞིག་དང་། གསར་བཏོད་བྱ་རྒྱུ་ཁོང་གི་རྩ་བའི་སྐད་ཆ་ཞྀག་ཡིན་ཀྱང་བར་ལམ་ནས་གསར་བཏོད་ཕལ་ཆེ་བ་ཟམ་གདོང་བླ་མས་གནང་ཟིན་པས་ད་ངས་གསར་བཏོད་བྱེད་དགོས་པ་མམཐོང་གི་མིན་འདིག་ཟེར་བ་སོགས་སྔ་རྟིངས་མེད་པའི་ཆོ་མེད་ཀྱི་སྐད་ཆ་དེ་ཚོས་འབད་དེ་རྙོབ་བཅུག་སོང་ལ། ངས་འོས་འཕེན་པའི་རེ་བ་ཡང་ཕལ་ཆེར་སྟོང་ཟད་དུ་འགྲོ་མི་ཡོང་ང་སྙམ་པའི་ཐེ་ཚོམས་ཞིག་ཀྱང་ཡོང་བཞྀན་ཡོད།
དྲ་གྲོགས་འདྲེ་མགོ་ལྡོག་ལགས་ལ་ བརྒྱ་ཆ་བརྒྱ་ཐམ་པ་རྒྱབ་སྐྱོར་ཡོད་ད་ནི་བོད་ལ་རེ་བ་མི་འདུག བཙན་བྱོལ་ནང་མི་ལོ་༦༠ཡས་མས་བོད་མི་ས་ཡ་༦་གི་བདེ་སྡུག་གི་མིང་ཐོག་ནས་རོག་དངུལ་མཐུན་རྐྱེན་འོག་སློབ་སྦྱོང་རྩེ་ཕུད་ཞིག་གི་གཏམ་བཤད་ཧ་ཧ་ཧ སྐྱོ་བ་ལ
བློ་སེང་གི་ཧམ་པས་བོད་དོན་སྒྲུབ་ཨེ་ནུས་། བོད་ཡིག་ནང་གི་གནས་ཚུལ་རྣམས་བློ་སེང་གིས་ཧ་མི་གོ་། མི་གསར་ཧམ་པ་ཅན་གྱིས་བོད་མིའི་རེ་འདོད་སྐོང་ཨེ་ཐུབ་།
བོད་མིའི་སེམས་ཁམས་དང་མཐུན་པའི་སྐད་ཆ་ཞིག་ཁོང་གིས་ཨེ་བཤད་།
ཕལ་ཆེར་ཁག་པོ་རེད་།