སེམས་ངོགས་འདི་ན་བཤད་དཀའི་བསྡུས་གཟུགས་ཤིག།
ནམ་ཡང་ཚུར་ལ་རྒོལ་བའི་ངང་ཚུལ་འདིས།།
རང་ཉིད་གཅིག་བུར་དམ་དུ་བཏགས་པ་དང་།།
ཁོམ་མེད་ཤེས་པ་ཕྲ་མོའི་བྲན་དུ་གྱུར།།
གོམ་པའི་ཉམ་མྱོང་བསྟེན་པར་འབད་ཁུལ་མོད།།
ཕྱི་ནང་ཁ་ཁར་སོང་བའི་གཤིས་ཀ་འདིས།།
མྱི་ལ་སྐྱི་མོའི་གཡོགས་པ་ཙམ་ཞིག་ལས།།
ཆགས་པའི་མེ་རུ་དམར་པོ་གྱེན་དུ་འབར།།
སོང་ས་བསྡད་སར་ཚོར་བའི་གཏིང་རོལ་ན།།
གཟེར་བའི་ནད་ཀྱི་སྙིགས་རོ་ཉོན་རྨོངས་འདིས།།
འཇིག་རྟེན་མི་ཆོས་ལྷ་ཡི་བཀའ་ལུང་སོགས།།
རང་དབང་མེད་པར་རྒྱབ་དུ་འབོར་བཞིན་འདུག།
གོ་ལ་ཧྲིལ་བོར་ཆོས་ལུགས་འདྲ་མིན་ཡོད།།
རང་ཉིད་ནང་བའི་རྗེས་སློབ་ཡིན་པར་གླེང་།།
ལག་ལེན་གོ་བ་ལྡོག་པའི་བྱེད་སྟངས་རིགས།།
གཅིག་གིས་རྗེས་སུ་གཅིག་ཉིད་མཐུད་དེ་འོང་།།
གམ་དུ་བལྟས་ན་ཤ་དང་སྐྱི་མོ་ཞིག།
ལག་པའི་རེག་ན་སྙི་མོའི་སྲེད་སློང་དེ།།
བུད་མེད་མིང་ལ་སེམས་ཀྱི་རྐུན་པོ་འདི།།
ཚུགས་ཀ་མེད་པར་དུས་རྒྱུན་རྒྱུགས་ཤིང་འདར།།
ཁ་ལ་ཐོག་པ་བྱམས་དང་སྙིང་རྗེའི་གཏམ།།
ཁོག་པར་དྲན་པ་འདོད་སྲེད་དམར་པོའི་གཟུགས།།
གཅིག་ནས་གཅིག་འཐབ་ཐ་མར་འདོད་ཆགས་ཀྱིས།།
གང་དུ་བཀོལ་བ་དེ་ནས་མགོ་བོ་སྨད།།
༡༦།༨།༡༡།རང་ལ་ཞིབ་དུ་བལྟས་རྗེས་སུ། འདི་ལྟར་རང་ཉིད་ལ་བཤད་པའི་སྐད་ཆ་ཞིག་སྙན་ངག་གི་ལམ་དུ་སྤྱར་བ་འདི་ཉིད་བོད་ཀྱི་རུས་སུ་སྐྱེ་བའི་དྲ་ཐོག་གི་སྤུན་ཟླ་དག་གི་མིག་མདུན་དུ་ཕུལ་བ་ཡིན།
གོང་ས་མཆོག་གི་བཀའ་རྒྱལ་འགལ་དང་བོད་རིགས་མི་མང་ཡོངས་ཀྱི་ཆིག་སྒྲུལ་གཏོར་བཤིགས་བཏང་མཁན་
གཞོན་ནུ་ཚོགས་གཙོ་ཚེ་དབང་རིག་འཛིན་དང་ས་གནས་གཞོན་ནུ་ཚོགས་གཙོ་བསྟན་འཛིན་བརྩོན་འགྲུས་
གཉིས་ཀྱི་གཙོའི་རང་བཙན་རྩོད་ལན་བྱེད་མཁན་ཚོ་ལ་ཞུ་རྒྱུ་གལ་སྲིད་སྤྱི་དོན་ཁ་ནས་བཤོད་བཞིན་རང་དོན་
སེམས་ལ་དྲན་ཀྱིན་མེད་ན་གང་མགྱོགས་མགྱོགས་སྐྱབས་་མགོན་རིན་པོ་ཆེའི་བཀའ་བཞིན་རང་བཙན་རྩོད་རྒྱུ་
མཚམས་བཞག་ནས་ཆིག་སྒྲིལ་ངང་དབུ་མའི་ལམ་དུ་གནང་རོགས་ཞུ་རྒྱུ་ཡིན།
གལ་སྲིད་ད་དུང་གོང་ས་མཆོག་གི་བཀའ་སྣང་མེད་དུ་བཞག་ན་ང་ཚོའི་ཁྱེད་ཅག་གི་འདྲ་པར་དང་མཉམ་དུ་
ཚགས་པར་ནང་སྟོན་པ་དང་གྱང་ངོས་སུ་གསལ་བསྒྲགས་སྦྱར་བ་སོགས་ཀྱི་ལས་འགུལ་གནང་འཆར་ཡོད་པས་
དགོངས་བཞེས་གནང་རོགས། ཚོགས་པ་ག་གེ་མོ་ནས།