དེ་རིང་སེ་ར་ཐེག་ཆེན་གླིང་གི་དགེ་འདུན་འདུས་མང་གིས་རང་ལུས་མེར་བསྲེག་གཏོང་མཁན་གྲྭ་ཚེ་དབང་ནོར་བུ་ལགས་ཀྱི་ཆེད་དུ་སྨོན་ལམ་འདུ་ཚོགས་ཆེན་པོ་ཞིག་བསྐངས་ཡོད་འདུག
གནས་ཚུལ་བཏང་འབྱོར་ལ། དེ་རིང་ཞོགས་པའི་ཆུ་ཚོད་ ༨ ཀྱི་སྟེང་རྒྱ་གར་ལྷོ་ཕྱོགས་དབུས་གངས་ལྗོངས་རང་བདེན་རྩོད་ལེན་མཐུན་ཚོགས་དང་། སྦེལ་ཀོབ་ས་གནས་གཞོན་ནུ་དང་བུད་མེད་བཅས་ཀྱིས་སེ་ར་ཐེག་ཆེན་གླིང་གི་སྐྱབས་རྗེ་མཁན་རིན་པོ་ཆེ་རྣམ་པ་གཉིས་དང་དགེ་བསྐོས་རྣམས་གཉིས། དབུ་མཛད་རྣམ་གཉིས་གཙོས་པའི་བླ་སྤྲུལ་དགེ་བཤེས་དང་། དགེ་འདུན་པ་སྟོང་ཕྲག་གཉིས་ལྷག་གི་སྨོན་ལམ་འདུ་འཛོམས་གཞི་རྒྱ་ཆེ་བ་ཞིག་བསྐངས་ཏེ་ཐུགས་སྨོན་གང་ལེགས་གནང་ཡོད་འདུག
སྐབས་དེར་གསུངས་བཤད་གནང་མཁན་དང་པོ་དབུས་གངས་ལྗོངས་རང་བདེན་རྩོད་ལེན་མཐུན་ཚོགས་ཀྱི་ཚོགས་གཙོ་བློ་བཟང་དཔལ་ལྡན་གྱིས་རྒྱལ་གཅེས་དཔའ་བོ་གྲྭ་ཚེ་དབང་ནོར་བུ་ལགས་ཀྱིས་བོད་གངས་ཅན་ལྗོངས་ཀྱི་བདེན་མཐའ་གསལ་ཆེད་གཅེས་པའི་རང་ལས་མེར་བསྲེག་ནས་རྐྱེན་འདས་སུ་སོང་བར་ང་ཚོ་ཚང་མས་ཁོང་གི་ཉེ་འབྲེལ་རྣམས་ལ་གདུང་སེམས་མཉམ་སྐྱེད་ཆེད་འདུ་འཛོམས་འདི་གོ་སྒྲིག་བྱས་ཚུལ་དང་། རྒྱལ་གཅེས་དཔའ་བོ་ཁོང་གི་ཆོད་སེམས་ལ་བསྔགས་བརྗོད་སོགས་ཀྱི་གཏམ་བཤད་གནང་རྗེས། སེར་སྨད་མཁན་རིན་པོ་ཆེ་ངག་དབང་འབྱོར་ལྡན་མཆོག་གིས་ཀྱང་། རྒྱལ་གཅེས་དཔའ་བོ་ཁོང་གིས་རང་གི་ལུས་ལ་མེད་བསྒྲོན་པ་འདི་ནི། རྒྱ་གཞུང་ལ་ཚུལ་མཐུན་བསམ་ཚུལ་བཤད་ས་མེད་པས་ལམ་ཁ་འདི་འདེམས་པ་རེད་སོགས་ཀྱི་གསུངས་གནང་། དེ་རྗེས་སེར་བྱེས་མཁན་རིན་པོ་ཆེ་བློ་བཟང་དཔལ་ལྡན་མཆོག་གིས་རྒྱལ་གཅེས་དཔའ་བོ་ཚེ་དབང་ནོར་བུ་ཁོང་རྒྱུན་དུ་དམར་ཟས་རིགས་ཉུང་ཉུང་བྱེད་དགོས་ཚུལ་གྱི་ལས་འགུལ་སྤེལ་མཁན་ཞིག་ཡིན་ཚུལ་གྱི་ལོ་རྒྱས་དང་འབྲེལ་བའི་གསུངས་བཤད་གནང་སོང་།
མཐར་དབུ་མཛད་ལགས་ཀྱིས་བྱང་ཆུང་སེམས་མཆོག་དབྱངས་རྟ་བཏང་བ་དང་དགེ་འདུན་མང་གིས་བྱང་ཆུབ་སེམས་མཆོག་དབྱངས་རྟ་གཏོང་བཞིན་སྨོན་ལམ་འདུ་ཚོགས་གྲོལ་ཡོད་འདུག
པར་འདི་སྤྱི་ལོ་༢༠༠༧ ལོ་དེ་རེད་འདུག གང་རེད།
སེར་བྱེས་སེར་སྨད་གཉིས་མཉམ་འཛོམ་གྱི་རྒྱལ་སྤྱིའི་དཔའ་བོ་ཁོང་དང་བོད་བསྟན་པ་ཆབ་སྲིད་ཀྱི་ཆེད་རང་ལུས་ཤོར་བའི་དཔའ་བོ་དཔའ་མོ་ཚོའི་ཆེད་དུ་བསྔོ་བ་སྨོན་ལམ་གསུང་རྒྱུ་ནི་གྲྭ་ས་ཁག་གི་ལས་འགན་རེད། འོས་འགན་བསྒྲུབ་པ་ཡག་པོ་བྱུང་། རྗེས་ཕྱོགས་ཡང་འདི་འདྲེས་སྐབས་ལ་གདུངས་སེམས་མཉམ་སྐྱེད་བྱ་རྒྱུ་རེ་བ་ཡོད།
སེ་ར་ཐེག་པ་ཆེན་པོའི་གླིང་གི་ལས་སྣེ་དགེ་འདུན་ཡོངས་ལ་བཀའ་དྲིན་ཆེ། རྗེས་སུ་ཡིང་རིང་ཡོད།
བོད་ནང་འདི་ལྟར་ལས་འགུལ་སྤེལ་ན་ང་ཚོའི་ཇི་ལྟར་བྱེད་དགོས་སམ།
ང་ཚོའི་ཤ་ཁྲག་རུས་གསུམ་ཡང་གངས་རིའི་རྩེ་ནས་ཟགས་པ་མ་ཡིན་ནམ།
བོད་མི་རིགས་དང་རྒྱལ་ཁབ་ཀྱི་དོན་དུ་རྒྱལ་གཅེས་དཔའ་བོ་དཔའ་མོ་ལུས་སྲོག་བློས་གཏོང་གནང་བ་རྣམས་བདེ་བ་ཅན་གྱི་ཞིང་ཁམས་སུ་སྐྱེས་གྱུར་ཅིག།
དངོས་གནས་གྲྭ་ས་དང་དགོན་པ་ཆེ་ཁ་ཚོས་གནས་ཚུལ་འདི་འདྲའི་སྐབས་བསྔོ་སྨོན་གྱི་སྐྱབས་འཇུག་གནང་བ་འདི་འདས་པོ་དང་ཤུལ་ལུས་ཚང་མ་ལ་ཕན་ངེས་རེད་། གནས་སྟངས་འདི་འདྲའི་སྐབས་མ་འོང་པ་ལའང་དེ་ལྟར་གནང་སྐྱོང་ཡོང་བ་མཁྱེན་
སེ་ར་ཐེག་པ་ཆེན་པོའི་གླིང་གི་ལས་སྣེ་དགེ་འདུན་ཡོངས་ལ་ཐུགས་རྗེ་ཆེ་ཞུ།
སེ་ར་ཐེག་པ་ཆེན་པོའི་གླིང་གི་ལས་སྣེ་དགེ་འདུན་ཡོངས་ལ་ཐུགས་རྗེ་ཆེ་ཞུ། ནམ་རྒྱུན་སྤྱི་པའི་དོན་དུ་ཐུགས་སྨོན་དང་སྨོན་ལམ་རྒྱ་ཆེན་པོ་ག་ཚོད་ཚོགས་ནའང་དྲ་རྒྱ་ཐོག་འགོད་རོགས། ལས་སྣེ་གཉིད་ཁུགས་ནས་བཞུགས་རོགས།
ཐེག་ཆེན་དར་རྒྱས་གླིང་ལ་སྐྱབས་སུ་འཆིའོ། ང་ཚོ་གྲྭ་བ་ཚོའི་ལས་འགན་ནི་དཔའ་རྒོད་གྲྭ་ཚེ་དབང་ནོར་བུ་ལ་སྨོན་ལ%E
ང་ཚོའི་ཚོགས་སྡེ་དང་ཆོས་སྡེ་དེ་ཚོའི་སེ་ར་ཐེག་ཆེན་གླིང་གི་རྗེས་རྙེགས་རོགས་ཞུ།
རྒྱལ་དཔའ་བོ་ཁོང་ལ་སྨོ་སྨོན་དང་ཁོང་གི་ནང་མའི་གཙོའི་བའི་འབྲེལ་ཡོད་དེ་ཚོ་གདུངས་སེམས་མཉམ་སྐྱེད་བྱ་རྒྱུ་ང་ཚོའི་འོས་འགན་རེད།
སེ་ར་ཐེག་ཆེན་གླིང་གི་དགེ་འདུན་འདུས་མང་ཡོངས་ལ་ཕྱག་མཚལ་ཞིག་སྐྱབས་སུ་འཆིའོ། རྒྱལ་སྤྱིའི་དཔའ་བོ་ཁོང་བོད་གངས་ལྗོགས་ཆོས་ལྡན་གྱི་ཞིང་ཁམས་སུ་མྱུར་དུ་འཁྲུངས་བར་བྱིན་གྱི་རློབས།
ང་ཚོ་དགེ་འདུན་པའི་སྡེ་ལ་མཚོན་ན་བསྔོ་སྨོན་གསུང་རྒྱུ་དེ་ཧ་ཅང་གལ་ཆེན་དང་བོད་ནང་གི་ཤུལ་ལུས་ཕ་མ་ཉེ་འབྲེལ་གྱིས་གོ་ན་ཡང་དེ་ལས་ལྷག་ཅིག་ཡོད་པ་མ་རེད། དེའི་ཕྱིར་ཚོགས་སྡེ་ཁག་དང་དགོན་པ་མཉམ་རབ་ཀྱིས་ལས་འགུལ་ལམ་གདུང་སེམས་མཉམ་སྐྱེད་དུ་སེ་ར་ནས་འཚོགས་པ་བཟང་གི གྲོང་སྡེར་འཛོམ་རྒྱུ་ལས་སེ་ར་དགོན་ནས་འཚོགས་པ་གཟི་བརྗིད་ཅིག་རེད། ཆོས་ཆོས་སུ་སོང་བའི་བཟོ་ལྟ་འདུག
བོད་མི་རིགས་དང་རྒྱལ་ཁབ་ཀྱི་ཆེད་རང་ལུས་མཆོད་མེ་འབུལ་མཁན་རྒྱལ་གཅེས་དཔལ་བོ་ཁོང་གི་ཆེད་འདུས་པ་རྒྱ་མཚོས་སྨོན་ལམ་རྒྱས་པ་ཞིག་ཚོགས་པར་དངོས་གནས་རྗེས་སུ་ཡི་རང་ཞུ། ཨཱོཾ་མ་ཎི་པདྨེ་ཧཱུཾ༔ ཨཱོཾ་མ་ཎི་པདྨེ་ཧཱུཾ༔ ཨཱོཾ་མ་ཎི་པདྨེ་ཧཱུཾ༔ ཨཱོཾ་མ་ཎི་པདྨེ་ཧཱུཾ༔ ཨཱོཾ་མ་ཎི་པདྨེ་ཧཱུཾ༔ ཨཱོཾ་མ་ཎི་པདྨེ་ཧཱུཾ༔ ཨཱོཾ་མ་ཎི་པདྨེ་ཧཱུཾ༔ ཨཱོཾ་མ་ཎི་པདྨེ་ཧཱུཾ༔ ཨཱོཾ་མ་ཎི་པདྨེ་ཧཱུཾ༔ ཨཱོཾ་མ་ཎི་པདྨེ་ཧཱུཾ༔ ཨཱོཾ་མ་ཎི་པདྨེ་ཧཱུཾ༔ ཨཱོཾ་མ་ཎི་པདྨེ་ཧཱུཾ༔ ཨཱོཾ་མ་ཎི་པདྨེ་ཧཱུཾ༔ ཨཱོཾ་མ་ཎི་པདྨེ་ཧཱུཾ༔ ཨཱོཾ་མ་ཎི་པདྨེ་ཧཱུཾ༔ ཨཱོཾ་མ་ཎི་པདྨེ་ཧཱུཾ༔ ཨཱོཾ་མ་ཎི་པདྨེ་ཧཱུཾ༔ ཨཱོཾ་མ་ཎི་པདྨེ་ཧཱུཾ༔