གླུ་མ་གྲགས་ཅན་ཧན་ཧུང་ལགས་ཀྱིས་ཆབ་མདོ་དྭ་ཕྲུག་ཁང་དུ་རྒྱ་སྒོར་ཁྲི་སུམ་བཅུ་ལྷག་གི་ཞལ་འདེབས་ཕུལ་ཡོད་པ་མ་ཟད། མ་འོངས་པར་ས་ཁུལ་དེར་འཕྲོད་བསྟེན་སྐོར་ལས་དོན་མང་པོ་ཞིག་བརྩམ་འཆར་ཡོད་འདུག
ཉེ་ཆར་བོད་ཀྱི་གླུ་མ་གྲགས་ཅན་ཧན་ཧུང་ལགས་དང་ཁོང་གིས་ཆེད་འཛུགས་གནང་བའི་ ༼ ཧན་ཧུང་བྱམས་སེམས་ལག་ལེན་ཚོགས་པ ༽ ཚོགས་པའི་ལས་བྱེད་བཅས་ཆབ་མདོ་ས་ཁུལ་གྱི་དྭ་ཕྲུག་གཅེས་སྐྱོང་ཁང་དུ་ཕྱིན་ཏེ་དྭ་ཕྲུག་རྣམས་ཀྱི་སློབ་སྦྱོང་དང་འཚོ་བའི་མཐུན་རྐྱེན་ཇེ་ལེགས་སུ་གཏོང་ཆེད་རྒྱ་སྒོར་ཁྲི་ ༣༠ ལྷག་གི་ཞལ་འདེབས་ཕུལ་ཡོད་པར་མ་ཟད། དེར་ཡོད་དྭ་ཕྲུག་ ༡༠༠ ཙམ་ལ་སློབ་སྦྱོང་གི་མཁོ་ཆས་ཀྱང་སྤྲད་ཡོད་འདུག
གླུ་མ་ཧན་ཧོང་ལགས་ཀྱིས་ཝུན་ཁྲོན་ས་འགུལ་ཁྲོད་ཀྱི་དྭ་ཕྲུག་མང་པོ་ཞིག་ལ་འཚོ་བའི་མཐུན་རྐྱེན་སྦྱོར་གྱིན་ཡོད་འདུག་ལ། ཡུལ་ཤུལ་ས་འགུལ་གྱི་གནོད་ཐེབས་མང་ཚོགས་ལ་ཡང་རྒྱ་སྒོར་ཁྲི་ ༣༠ ལྷག་གི་ཞལ་འདེབས་ཡང་ཕུལ་ཡོད་འདུག ཐེངས་འདིར་ཁོང་གིས་ཆབ་མདོ་ས་ཁུལ་གྱི་ལོ་ ༦ ལོན་པའི་ཕྲུ་གུ་ཞིག་གསོ་སྐྱོང་བྱ་རྒྱུའི་ཁས་ལེན་བྱས་ཡོད་འདུག དེ་བཞིན། ཁོང་མོ་དང་གླུ་མ་དབྱངས་ཅན་སྒྲོལ་མ་གཉིས་ཀྱིས་ཆབ་མདོ་མགུ་རོ་གྲོང་བརྡལ་སྨན་བཅོས་ས་ཚིགས་སུ་ཕྱིན་ཏེ། ས་ཐག་རིང་བོའི་ཡུལ་མི་ཚོར་སྨན་བཅོས་འཕྲོད་བསྟེན་གྱི་ཤེས་བྱ་ངོ་སྤྲོད་གནང་ཡོད་པར་མ་ཟད། ཐེངས་འདིར་འབྲོག་དམངས་ཀྱི་འཚོ་བའི་གནས་སྟངས་རྒྱུས་ལོན་བྱས་པ་བརྒྱུད་ལམ་རྒྱུད་དུ་ཡོད་པའི་གྲོང་སྡེ་ ༡༣༨ ནང་གི་ཁྱིམ་ཚང་ ༡༤༠ ལ་བདེ་ཐང་ཁྱིམ་གཞིས་བསྐྲུན་རྒྱུ་དང་། དུད་ཁྱིམ་རེར་བརྙན་འཕྲིན་དང་༼ཧན་ཧུང་བྱམས་སེམས་བདེ་ཐང་ཁྱིམ་གཞིས་སྨན་བཅོས་རྒྱུན་ཤེས། ༽ཞེས་པའི་འོད་སྡེར་ ༡༥༠༠༠ བཅས་འབུལ་འཆར་ཡོད་འདུག
འོད་སྡེར་དེ་དག་ནང་བོད་ཡིག་ཐོག་ཕབ་བསྒྱུར་བྱས་པའི་རྒྱལ་ཁབ་ཕྱི་ནང་གི་སྨན་པ་གྲགས་ཅན་ཁག་གི་སློབ་ཁྲིད་དང་། ཆབ་མདོ་ས་ཁུལ་གྱི་བོད་སྨན་མཁས་པས་འགྲེལ་བཤད་བྱས་པའི་སྨན་བཅོས་སོགས་ཀྱི་འཕྲོད་བསྟེན་རྒྱུན་ཤེས་སྐོར་ཡིན་འདུག
གླུ་མ་ཧན་ཧུང་ལགས་ནི་རྒྱ་ནག་ནང་སྐད་གྲགས་ཆེ་བའི་དེང་རབས་ན་གཞོན་གླུ་མ་ཞིག་ཡིན་ཞིང་། ཁོང་མོའི་གླུ་གཞས་ཕལ་ཆེ་བའི་གཞས་ཚིག་རྒྱ་སྐད་དང་། གཞས་གདངས་དེང་རབས་ཅན། གཞིས་ཚིག་གི་ནང་དོན་བོད་པའི་སྐོར་ཡིན། རྒྱ་ནག་ནང་ཁོང་མོར ( བོད་པའི་གླུ་མ་ཧན་ཧུང) ཞེས་འབོད་ཀྱི་ཡོད་པ་ལས། ཁོང་མོ་གང་དུ་སྐྱེས་པ་དང་ཕ་མ་སུ་ཡིན་སོགས་ཀྱི་ཞིབ་ཕྲའི་གནས་ཚུལ་ཤེས་རྟོགས་མ་ཐུབ་ཀྱང་། ཡོངས་གྲགས་སུ་ཁོང་མོའི་ཕ་མ་གང་རུང་ཞིག་གི་ཕ་ཡུལ་བོད་གཞིས་ཀ་རྩེ་ཡིན་རབས་བཤད།
གསར་འགོད་པ། དོན་གོ
དེ་ལྟ་བུའི་སྦྱིན་ཡུལ་མ་ནོར་བའི་གཏོང་ཕོད་ཅན་ཁོང་ལ་རྗེས་སུ་ཡིད་རང་དང་ཐུགས་རྗེ་ཆེ་ཞུ་རྒྱུ་ལས་མ་འདས་སོ།།
གླུ་མ་ཧན་ཧོང་ལགས་ཀི་འདིོ་འདྲིའི་བྱམས་སེམས་དང་ལྡན་པ་སྟོབས་ཤུགས་དང་ལྡན་པའི་ངང་ནས་རང་གི་བོད་མི་རིགས་ལ་རོགས་རམ་དང་རྒྱབ་སྐྱོར་གནང་བ་སྙིང་ནས་ཐུགས་རྗེ་ཆེ་ཞུ་གི་ཡོད། དམིགས་གསལ་གི་དྭ་ཕྲུགས་ཚོ་ལ་རོགས་རམ་གནང་བ་བཀའ་དྲིན་ཆེའོ།
གླུ་མ་ཧན་ཧུང་ནི། ཕྱི་ལོ་༡༩༧༡ ལོའི་ཟླ་༩ ཚེས་༢༡ ཉིན་ཆབ་མདོར་སྐྱེས་པ་དང། བོད་མིང་ལ་དབྱངས་ཅན་སྒྲོལ་མ་ཟེར། ཁོ་མོའི་ཕ་ནི་ཧྲན་ཏུང་གི་མི་ཡིན་པ་དང། ཨ་མ་ནི་བོད་རིགས་མིང་ལ་ཡོང་ཤི་（雍西）ཟེར་འདུག ཕ་ཡི་ནང་མི་པེ་ཅིན་དུ་གནས་སྤོར་རྗེས་བོད་སྐྱོད་དམག་མི་ཞུགས་པ་དང། གཡུལ་སར་འཚམ་འདྲི་འཁྲབ་སྟོན་ཞིག་གི་སྐབས་སུ་སྐུ་གྲོངས་ཡོད་འདུག དེ་དུས་མོ་དགུང་ལོ་དྲུག་རེད་འདུག ཁོ་མོའི་ཨ་མའི་དེ་སྔོན་ཁྲིན་ཏུའུ་དམག་ཁུལ་ཁང་གི་ཟློས་གར་འཁྲབ་སྟོན་པ་ཡིན་པ་དང། ལོ་བཅོ་བརྒྱད་སྟེང་པེ་ཅིན་དུ་སོང་ནས་དུས་སྐབས་དེར་སྐད་གྲགས་ཆེ་བའི་<<པེ་ཅིན་གསེར་རི་སྟེང་གི་>>ཟེར་བའི་གཞས་དེ་མའོ་ཙེ་ཏུང་དང་ཀྲིག་ཨེན་ལེ་སོགས་ཀྱི་མདུན་འཁྲབ་སྟོན་བྱས་མྱོང་བ་དང། དགུང་ལོ་དགུ་ཡི་སྟེང་དུ་ཨ་མས་ཁོ་མོ་རྨོ་མོ་ཡི་འཁྲིས་སུ་པེ་ཅིན་དུ་བརྫངས་པ་དང། རྨོ་མོས་འཁྱག་པ་བྱེ་རིལ་བཙོང་བའི་ཡོང་འབེབས་ལ་བརྟེན་ནས་འཚོ་བ་སྐྱེལ། ༡༩༨༠ ནས་བཟུང་གཞས་སྣ་སྦྱངས་ཏེ་འཁྲབ་སྟོན་ནང་དུ་ཞུགས་པ་དང་འགྲན་བསྡུར་གང་མང་ཞིག་གི་ཁྲོད་དུ་བྱ་དགའ་མི་ཉུང་བ་ཞིག་བླངས་འདུག མི་མང་གི་རེ་འདུན་ལྟར་གར་སྟེགས་སྟེང་ཧན་ཧུང་གིས་ཡང་ཆིན་རྡུངས་པ་དང་ཨ་མས་<<པེ་ཅིན་གསེར་རི་སྟེང་གི་>>ཞེས་པའི་གཞས་དེ་འཁྲབ་སྟོན་བྱས་པ་དང་མི་དམངས་ཀྱི་དགའ་བསུ་ཆེན་པོ་ཐོབ་མྱོང་སྐབས། ཕྱི་ལོ་༡༩༩༨ ལོར་རྨོ་མོས་འཁྱག་པ་བྱེ་རིལ་བཙོང་ནས་གསོག་འཇོག་བྱས་པའི་སྒོར་ཁྲི་གསུམ་བཏང་སྟེ་ཁོ་མོའི་གླུ་གཞས་ཆེད་སྒྲིག་<<གངས་རིའི་གཟི་འོད་>>ཅེས་པ་བཏོན་པས་སྤྱི་ཚོགས་སྟེང་ཤུགས་རྐྱེན་མི་དམན་པ་ཞིག་བཞག་སྟེ་སྐད་གྲགས་ཆགས། མོ་རང་གི་ཀྱག་ཀྱོག་ལམ་ཆེན་མང་པོ་ཞིག་བརྒྱུད་དེ་ད་ལྟ་རླབས་ཆེན་གྱི་བྱ་གཞག་མང་པོ་ཞིག་བསྒྲུབ་པ་ནི་ཡི་རང་གི་གནས་སོ། །
རྒྱ་ཡིག་གཟིགས་འདོད་ན་དྲ་ཐག་འདི་ན་འདུག་http://hi.baidu.com/%F6%CE%D3%EE%CE%DE%CF%DE/blog/item/b463ef0a9a325037b0351db3.html
གཏོང་འཕོད་ཀྱི་ཕྱག་ཟུང་ཡངས་པའི་བུད་མེད་འདིའི་ལོ་རྒྱུས་འདྲ་ངོ་སྤྲོད་ཡོད་ན་ཡག་གི་ཡ། ལོ་ངོ་དུ་མའི་སྔོན་ལ་ཕོ་བྲང་དམར་པོའི་སྒང་དུ་འབབས་ཀྱི་ཡིན་ཟེར་ནས་རྒྱ་མོ་གླུ་མ་གྲགས་ཅན་ཞིག་གིས་བཤད་པ་རེད་ཟེར་ནས་གོ་མྱོང་བ་ལས། བོད་པ་ཕྱེད་ཀ་ཡིན་པའི་བུད་མེད་གླུ་མ་ཞིག་ཡིན་པ་དེ་རིང་མ་གཏོགས་མ་ཤེས་མ་སོང་།
སྐད་གྲགས་ཅན་གླུ་མ་”ཧུན་ཧོང”ལགས་ཀྱི་ལྷག་བསམ་དང་སྦྱིན་སྟོབས་ལ་ཐུགས་རྗེ་ཆེ་དང་ཆབ་ཅིག་ཏུ་བོད་ཀྱི་གླུ་བ་གླུ་མ་དག་གི་མིག་དཔེ་བལྟ་ས་ཞིག་འདུག
རླབས་ཆེན་གྱི་སྤྱིར་རྗེས་ལ………………….
མོའི་ཕ་ཡུལ་གང་དང་མོ་བོད་རིགས་གཙང་མ་ཞིག་ཡིན་ནམ་མིན་འགྲེལ་བཤད་ལ་སྒུག,,,,,,,,,,,,,,,,,,,,,,,,,,,,,
ངོ་མ་ཡག་པོ་རེད། གཞས་མ་གྲགས་ཅན་ཧན་ཧུང་ལགས་ཀྱི་མཛད་རྗེས་འདིས་ཁོང་གི་མི་རིགས་ལ་བཅངས་པའི་ལ་རྒྱ་དང་ལྷག་བསམ་ཇི་འདྲ་ཡོད་པ་ཡང་མཚོན་ཐུབ་སྙམ། སྤྱིར་མོ་རང་གི་བོད་ཀྱི་ས་ཁུངས་ངོ་མ་གཙང་ཕྱོགས་ནས་ཡིན་ཀྱང་། ཆབ་མདོ་དང་ཟི་ཁྲོན་ཝིན་ཁྲོན། དེ་བཞིན་ཡུལ་ཤུལ་སོགས་ལ་གནོད་འཚེ་ཕོགས་པའི་ས་ཁུལ་ཁག་ལ་རོགས་རམ་གནང་བ་འདིས་ཀྱང་ཁོང་གི་ཕྱོགས་རིས་བྲལ་བའི་ལྷག་བསམ་ཡང་མཚོན་ཐུབ། དེ་མིན། བོད་རིགས་གྲགས་ཅན་འབྱོར་ལྡན་ཁག་སྐྱ་སེར་གང་ཡིན་རུང་མང་ཆེ་བ་ནི་རང་རང་གི་ས་ཁུལ་ཁོ་ན་ལ་མ་གཏོགས་ཉམས་ཉེས་ཕོག་པའི་ས་ཁུལ་གཞན་ལ་དོན་དམ་པར་ཁ་ཡོད་ལག་ཡོད་ཀྱི་རོགས་རམ་གནང་མཁན་ཧ་ཅང་དཀོན་པོ་རེད་འདུག
རང་མི་རིགས་ལ་བྱམས་སེམས་དང་བཏང་སེམས་ཅན་ཧན་ཧུང་གི་སྙིང་སྟོབས་མཐོང་དུས་དགོན་པ་རྒྱུ་སྟོབས་ཅན་དང་བླ་མ་དགེ་བཤེས་སྙན་གྲགས་ཆེན་དེ་ཚོས་ང་ཁོང་ཁྲོ་དང་སྡུག་བསྔལ་གྱི་གཟི་ཅིག་གིན་འདུག འདུ་ཁོང་ཆེན་པོ་དང་ལྷ་སྐུ་ཆེན་པོ་བཞེངས་པ་ལས་བོད་ཕྲུག་རྣམས་ལ་ཤེས་ཡོན་གྱི་མཐུན་ཅན་ལའགྲོ་གྲོན་བཏང་རོགས།།
ཧ་ཅང་ཡག་པོ་རེད་།་གཞས་མ་ཧང་ཧོང་ལགས་ལ་ཐུགས་རྗེ་ཆེ་ཞུ།
བོད་ཀྱི་བླ་སྤྲུས་བྱམས་དང་སྙིང་རྗེ་ཡོད་ལབ་མཁན་ཚོས་ཀྱང་
དེའི་འདྲ་པོ་བྱེད་ན་དངོས་གནས་དགེ་བ་སག་ངེས་རེད
འདི་ལྟར་རང་མྱི་རང་གིས་བདག་པོ་རྒྱབ་ན་ངོ་མ་བཀའ་དྲིན་ཞུ་འོས་པ་ཞིག་རེད།
གླུ་མ་གྲགས་ཅན་ཧིན་ཧོང་ནི་ཕ་རྒྱ་དང་མ་བོད་རིགས་གཙང་པ་ཞིག་ཡིན་པ་གྲགས།་ཁོང་མོ་ནི་བོད་སྐད་ནང་གླུ་གཞས་གཏོང་ཤེས་ཀྱི་མེད་རུང་ཡིན་ནའང་བོད་མི་རིགས་ཀྱི་སེམས་ཁམས་མཚོན་པའི་རྒྱ་སྐད་ནང་གླུ་གཞས་གང་མང་གཏོང་གི་ཡོད་ལ།་ལྷག་པར་བོད་ཀྱི་ཡུལ་ལྗོངས་དང་རིག་གནས་ལ་བསྟོད་དབྱངས་ལེན་གྱི་ཡོད།་ཁོང་མོས་ཆབ་མདོ་དྭ་ཕྲུག་ཁང་ལ་ཞལ་འདེབས་རོགས་དངུལ་གནང་བར་དགའ་འོས་པའི་ལས་དོན་བཟང་པོ་ཡིན་པས་ཡིད་རང་བསྔགས་བརྗོད་ཡོད་ལ།་བོད་ནང་གི་གླུ་བ་དང་གླུ་མ་གཞན་རྣམས་ཀྱིས་ཀྱང་དེ་ལྟར་གནང་དགོས་པའི་སྐུལ་ལྕག་ཐེབ་ངེས་རེད།
གཞས་མ་གྲགས་ཅན་ཧན་ཧོང་ལགས་ཀྱི་གཏོང་སྤོབས་དེ་ལ་ཡི་རངས་ཞུ། གློ་བུར་དུ་གཉིད་ལས་སད་པ་འདྲ་བོ་ཞིག་རེད་དེ། ད་ཡིན་ན་ཡག་པོ་རེད། སྔོན་ཞིག་ལ་པོ་ཏ་ལའི་དབུ་རྩེར་བབ་རྒྱུ་ཡིན་ཟེར་དུས་རྩོམ་པ་མོ་འོད་ཟེར་ལགས་ཀྱིས་བཀག་པ་རེད། ཡང་དེ་འདྲ་མི་ཤོད་པའི་རེ་བ་ཡོད།