༧གོང་ས་མཆོག་གི་མཇལ་ཁར་རིན་ལེན་པའི་སྲོལ་ཡོད་དམ།

དོན་དངོས་སུ་བརྗོད་ན། ༸གོང་ས་མཆོག་གི་གསུང་ཆོས་སོགས་ལ་ཁ་གཡར་ཏེ་ཚོང་ལམ་བྱེད་པ་ནི་བོད་གཞུང་བདེ་སྲུང་ལས་ཁུངས་གཙོ་བྱས་ཏེ་ཚོང་གཉེར་བྱས་གྱིན་ཡོད་པ་དངོས་ཡོད་རེ། སྤྱིར་ཡིན་ན། གལ་སྲིད་ཚོང་དེ་རྒྱག་དགོས་ཀྱི་ཡོད་ནའང། གསུང་ཆོས་ལག་ཁྱེར་གཅིག་གིས་ལོ་གཅིག་ལ་འགྲིག་དགོས་བ་ཆགས་ཡོད་མོད། བདེ་སྲུང་ལས་ཁུངས་ལ་མཚོན་ན།གསུང་ཆོས་ལོ་གཅིག་གི་ནང་ཐེངས་བཅུ་ལ་གསུང་ཆོས་ཡོད་ན་སྔོན་མ་འཛིན་བྱང་དེ་ཚོ་བེད་མེད་ཡིན་པ་བཞིན། ད་ཐེངས་གི་གླེང་རྙོག་དེའང་དེ་ལས་མ་འདས། སྤྱིར་༸གོང་ས་མཆོག་གདན་ཞུ་བྱས་ཏེ་ཚོང་གཉེར་བྱེད་བཞིན་པ་ནི་གཙོ་ཆེ་བ་ཕྱི་རྒྱལ་གི་སྒེར་གྱི་ཚོགས་པ་ཁག་ཡིན་ལ།དེའི་ནང་བོད་རིགས་རང་གི་ཚོགས་པའང་ཁ་ཤས་ཤིག་འདུ་ཡོད་པས། ངོ་མ་འདི་དག་ཕྱོགས་སུ་བསམ་བློ་རེ་བཏང་ན་ཡག་པོ་འདུག།

གོང་ས་མཆོག་འཇར་མེན་དུ་ཕེབས་ནས་བོད་རིགས་ཚོར་དམིགས་བསལ་འཇལ་ཁ་གནང་རྒྱུ་ཡིན་པའི་གཏམ་བཟང་དེ་ཐོས་མ་ཐག གསེར་ལས་ལྷག་པའི་གོ་སྐབས་དེ་དམ་འཛིན་གྱིས་ཆེད་དུ་མཇལ་ཁ་ཞུ་བར་སོང་བ་ཡིན། ཞོགས་པའི་ཆུ་ཚོད་བརྒྱད་པ་ཙམ་ལ་གོང་ས་མཆོག་བཞུགས་གནས་ HOTEL NASSAUER HOF ཞེས་པའི་མགྲོན་ཁང་དེའི་སྒོ་འགྲམ་དུ་སླེབས་སོང་། ང་ཚོ་དེར་འབྱོར་དུས་བོད་པ་ཁ་ཤས་ཤིག་ཀྱང་སླེབས་འདུག་ལ། འཇར་མེན་བོད་རིགས་ཚོགས་པའི་ཚོགས་གཙོ་ཧོར་གཙང་ལེགས་བཤད་ཟེར་བ་དེ་ཡང་ཁོ་ཚོ་དང་མཉམ་དུ་འདུག དེ་ནས་སྐར་མ་གཉིས་གསུམ་ཞིག་གི་རྗེས་ནས་ཚོགས་གཙོ་ཧོར་གཙང་ལེགས་བཤད་ཀྱིས་རྒྱབ་ཁུག་ནང་ནས་ཡིག་ཆ་ཁ་ཤས་བཏོན་ནས་མཇལ་བཅར་བ་ཚང་མས་རེའུ་མིག་འདིའི་ནང་དུ་རང་རང་གི་མིང་དང་ས་གནས་གང་ནས་ཡོང་མིན་སོགས་ངེས་པར་དུ་འབྲི་དགོས་ཟེར་གྱི་འདུག དེ་ནས་ང་ཚོས་རང་གི་མིང་ས་གནས་ཚོགས་གཙོར་སྔ་ས་ནས་སྤྲད་ཚར་ཡིན་ལབ་དུས། གང་ལྟར་འདི་ལ་ཐོ་འགོད་བྱ་དགོས་པ་རེད་ཟེར་གྱི་འདུག དེ་ནས་ཁོས་བཤད་པ་བཞིན་ང་ཚོས་ཀྱང་ཐོ་འགོད་བྱས་པ་ཡིན། དེ་ནས་ཚོགས་གཙོ་ཁོ་ལས་རོགས་སྐྱེས་དམན་ཞིག་དང་མཉམ་དུ་ཡོང་ནས་ང་ཚོ་ལ་ཁ་བྱང་དུ་མཇལ་ཁ་ཞེས་བྲིས་པའི་ཤོག་བུ་ཆུང་ཆུང་རེ་སྤྲད་སོང་ལ། ཤོག་བུ་དེའི་རིན་དུ་ཡོ་སྒོར་བཅུ་རེ་དགོས་པ་རེད། དེ་མ་སྤྲད་ན་མཇལ་ཁར་གཏོང་གི་མ་རེད་ཟེར་གྱི་འདུག དེ་ནས་ང་ཚོས་འདི་ག་རེ་རེད་ཅེས་དྲིས་དུས་ཞལ་འདེབས་རེད་ལབ་སོང་། སྐབས་དེར་ང་ཚོས་ཞལ་འདེབས་དེ་ངེས་པར་དུ་སྟེར་དགོས་པ་ཞིག་ཡིན་མིན་གྱི་དོགས་པ་ཞིག་རང་བཞིན་གྱིས་སླེབས་སོང་། མཇལ་ཁ་གནང་སའི་ཚོགས་ཁང་སོགས་འགྲོ་གྲོན་གྱི་ཕྱོགས་ཡིན་ཚེ་ཡོ་སྒོར་ག་ཚོད་ཡིན་ཡང་འབུལ་དགོས་ངེས་ཡིན་མོད། མཇར་མིན་བོད་རིགས་ཚོགས་པའི་མ་དངུལ་ཆེད་བསྡུས་པ་ཡིན་ཚེ། ང་ཚོ་ཧྥ་རིན་སི་ནས་ཡོང་མཁན་ཚོས་སྟེར་དགོས་དོན་ཨེ་ཡོད་བསམ་བྱུང་། ཡིན་ན་ཡང་། ཚོགས་གཙོའི་ལས་རོགས་སྐྱེས་དམན་དེས་སྒོར་མོ་བསྡུ་བ་འདི་ཚོགས་ཁང་གི་གླ་དངུལ་ཡིན་ཚུལ་གྱིས་ཚ་འདེད་བྱས་པ་དང་། ཚོགས་ཁང་གི་གླ་དངུལ་ཡིན་ཚེ་སྤྲོད་དགོས་དང་དགོས་བསམ་ནས་དགའ་བཞིན་སྤྲོ་བཞིན་དུ་ཕུལ་བ་ཡིན། དེ་ནས་མི་མང་ཚང་མ་བང་སྒྲིག་ནས་ཚོགས་ཁང་དུ་ཡོང་སྐབས་སྒོ་འགྲམས་ན་སྔོན་གྱི་ཤོག་བུ་ཆུང་ཆུང་དེ་ཡོད་མེད་ཞིབ་བཤེར་བྱེད་ཀྱི་འདུག མཇལ་ཁ་ཞུས་ཚར་ནས་ཚོགས་ཁང་གི་ཕྱི་རོལ་དུ་ཐོན་རྗེས་དེར་ཡོད་བོད་རིགས་ཚོས་ཡོ་སྒོར་བཅུ་རེ་བསྡུས་པ་དེའི་སྐོར་ལ་སྐད་ཆ་འདྲ་མིན་བཤད་ཀྱི་འདུག་ལ། འགའ་རེས་བླ་མ་མཇལ་བར་རིན་པ་ལེན་པ་འདི་ལམ་སྲོལ་ཡག་པོ་མ་རེད་ཟེར་ནས་ངར་ངར་བྱེད་ཀྱི་འདུག འཇར་མེན་བོད་རིགས་ཚོགས་པའི་ཚོགས་གཞོན་ཟུར་བ་ཞིག་གིས་དེའི་ཐད་ནས་ཚོགས་གཙོར་ཁ་རྩོད་མི་ཉུང་བ་ཞིག་བརྒྱབ་སོང་ཞེས་མི་མང་ནང་ཚ་ཚ་འུར་འུར་གྱིས་གླེང་གིན་འདུག ཡིན་ན་ཡང། ང་ཚོ་ལ་མཚོན་ན་ས་ཐག་རིང་པོ་ནས་ཆེད་དུ་རྒྱལ་བའི་ཞལ་ཙམ་མཇལ་བ་དང་གསུང་ཙམ་ཐོས་བར་རེ་བ་བརྒྱབ་ནས་ཡོང་མཁན་ཡིན་པས་སྐད་ཆ་དེ་ཚོ་རྒྱུན་ལྡན་གྱི་རྙོག་དྲ་ཙམ་དུ་བརྩིས་ནས་དམིགས་བསལ་གྱི་དོ་སྣང་གང་ཡང་བྱས་མེད། དེ་རིང་ས་གནས་གསར་འགོད་པས་བཏང་བའི་གནས་ཚུལ་འདི་ཞིབ་བཀླགས་དུས། ང་ཚོས་མཇལ་ཁ་ཞུ་སའི་ཚོགས་ཁང་དེ་རིན་མེད་ཡིན་པ་དང་། ཚོགས་གཙོ་དང་ལས་རོགས་སྐྱེས་དམན་དེ་གཉིས་ཀྱིས་མཇལ་ཁའི་གོ་སྐབས་དེ་བེད་སྤྱད་ནས་ཚུལ་དང་མི་མཐུན་པའི་ལས་ཀ་བྱས་ཡོད་པ་འདི། སེམས་ལ་དེ་ཙམ་བདེ་བོ་རང་མ་བྱུང་སྟབས། སྐབས་དེའི་གནས་ཚུལ་འགའ་ཁ་གསབ་ཀྱི་ཚུལ་དུ་བཀོད་པ་ཡིན།

༧གོང་ས་མཆོག་ཕྱི་རྒྱལ་དུ་གསུང་ཆོས་དང་མང་ཚོགས་ལ་བཀའ་སློབ་གནང་ཆེད་གོ་སྒྲིག་ཞུ་སྐབས་ཚོགས་ཁང་གཡར་གླ་སོགས་འགྲོ་གྲོན་ཕོན་ཆེན་ཡོད་པར་བརྗོད་མི་དགོས་ཤིང་། དེའི་འགྲོ་གྲོན་ཁ་གསབ་ཆེད་ཀྲི་སི་ལག་འཁྱེར་ཚོང་བ་ནས་མ་གཏོགས་ཡོང་ཐབས་མེད། དེ་ནི་སྤྱིར་བཏང་འགྲོ་སྟངས་ཞིག་ཡིན་པས་ཧང་སང་དགོས་པའི་གནས་ཚུལ་ཞིག་མ་ཡིན། ཕྱི་རྒྱལ་ནང་སྡོད་མཁན་བོད་མི་འགའ་རེ་ནས་༧གོང་ས་མཆོག་གང་དུ་ཕེབས་སྐབས་མཇལ་ཁ་ཞུ་རུ་བཅར་གྱི་ཡོད་ནའང་། བོད་མིའི་སྒྲིག་འཛུགས་ནང་ཞུགས་ཀྱི་མེད་ཅིང་། མཐའ་ན་དྭང་བླངས་དཔྱ་ཁྲལ་མ་བསྡུ་མཁན་གང་མང་ཡོད། དེ་མཚུངས་ད་རེ་ཇར་མན་བོད་རིགས་ཚོགས་པར་༧གོང་ས་མཆོག་གི་མཇའ་ཁ་སྐབས་ཁ་བརྩོད་རྒྱབ་མཁན་བོད་མི་འདིའི་སྐད་ཆ་བཤད་སྟངས་ལ་བལྟས་ན་སྤྱི་ཚོགས་ནང་ཁ་བདེ་པོ་བཤད་ནས་དཔྱ་དེབ་མ་བསྡུ་མཁན་བཟོ་འདྲ་འདུག དུས་བབ་གསར་འགོད་པ་ནམ་མཁའ་ལགས་དང་ཇར་འཁོད་བོད་རིགས་ཚོགས་པའི་ལས་སྣེ་ནས་ལྕེ་བདེ་པོ་བཤད་མཁན་བོད་མི་འདི་ནས་དཔྱ་དེབ་བསྡུ་ཡི་ཡོད་མེད་ཞིབ་འཇུག་གནང་ནས་འཐེར་འདོན་བྱ་དགོས་མཐོང་། ལྷག་པར་དུ་༧གོང་ས་མཆོག་གི་ཆིབས་བསྒྱར་དང་འབྲེལ་བའི་གནད་དོན་ཐད་ཚང་མས་མཚན་བཤད་མི་འགྲོ་ཆེད་བོད་རིགས་ཐ་དག་ལ་འགན་འཁུར་ཡོད་པ་མ་ཟད། ཚང་མས་ཡིད་གཟབ་དང་དམ་དོན་གནང་དགོས་པའི་འབོད་བསྐུལ་ཞུ་རྒྱུ།

སྒེར་བ་ཆོས་ཚོགས་དཔོན་པོ། བླ་མ་སོགས་ཀྱིས་ད་བར་འཚོང་ནས་རྒྱགས་ཡོད་ཚོད་ཡིན་དུས། འདི་དོན་དག་གསར་བ་འདྲ་མ་རེད།

དྲ་གྲོགས་ཚོ་ལྷོད་ལྷོད་གནང་ནས་བསམ་ཚུལ་སྤེལ་དང་། ས་གནས་གསར་འགྱུར་གཏོང་མཁན་བྱིས་པ་སོ་ཅན་ཞིག་གིས་ལོང་བས་རི་མོ་དྲིས་པ་བཞིན་གནས་ཚུལ་མཉམ་བསྲེས་བྱས་ནས་སྤྱི་ཚོགས་ལ་འུར་གཏམ་སྒྲོག་པར་ཡ་མཚན་རྒྱུ་ཅི་ཡང་མེད་པ་རེད།

མཇལ་ཁར་དངུལ་ལེན་པ་དེ་མཇའ་ཁའི་རིན་ཡང་མ་རེད་ལ་ལར་ནས་ཚོགས་ཁང་གི་རིན་ཡང་སྟེར་མ་དགོས་པ་བྱུང་བ་རེད།་་་་་ང་ཚོ་བོད་རིགས་ཚོགས་པར་སྤྱིར་མ་དངུལ་ཡོངས་ཁུངས་མེད་པ་དང་།་་་་་གང་ཡོད་པ་དེ་ལོ་རེར་སུམ་དུས་དང་བོད་ཀྱི་ལོ་གསར་སྲུང་བརྩི་བྱེད་པ། དེ་བཞིན་ངེས་མེད་ཀྱི་ལས་འགུལ་དང་བོད་པ་གནས་སྟངས་ཉམ་ཐག་ཅན་རིགས་ལ་རོགས་དངུལ་ཀྱང་ཕྲན་བུ་སྤྲད་དང་སྤྲོད་བཞིན་པ་རེད།
གནས་ཚུལ་རྒྱས་པ་རྗེས་ནས་གསལ་འདེབས་ཡོང་བ་ཞུ།

གང་བལྟ་ཡང་མཇལ་ཁར་རིན་ལེན་པ་དེ་གང་གི་ཆེད་དུ་ཡིན་མིན་དོགས་གཞི་ཆགས་ཡོད་པས་འབྲེལ་ཡོད་མགོ་ཁྲིད་དག་གིས་དོགས་བཅད་བྱེད་དེ་ངེས་པ་དུ་གསལ་པོ་བཟོ་དགོས།

ཡ་མེས་གོང་མའི་འཕྲེང་ཐག་ནས། དུས་རབས་ཉེར་གཅིག་འདིའི་བར། །
སྐྱེས་ཆེན་དམ་པར་མཇལ་ཁ་ལ། །རིན་གོང་ལེན་པའི་སྲོལ་ཡང་མེད། །
དེ་རིང་རྣ་བར་འདི་ཐོས་དུས། །སེམས་ཀྱི་ཚོར་སྣང་སྐྱོ་གདུང་ཞིག །
བསླུ་མེད་དཀོན་མཆོག་གསུམ་པོ་དང་། །བྱམས་ལྡན་བླ་མ་འཚོང་ལ་བསྒྱུར། །
ངེད་ཚང་བོད་པའི་ལྕགས་གདོང་ཅན། །ཁ་བ་ཅན་པའི་ཞབས་འདྲེན་ཡིན། །
ཤོག་དངུལ་དཀར་པོ་འདི་ཡི་དོན། །ལས་འབྲས་ངན་པའི་ཆུ་ལ་བསྐུར། །
ཞི་བདེའི་དེད་དཔོན་འགྲོ་བདེར་བསྙེགས། །སྲི་ཞུ་བོད་མས་ཆོས་འཚོང་རྒྱབ། །
ལྟོ་གོས་གཉིས་ཀྱི་བདེ་དོན་ལ། །བྱམས་ལྡན་བླ་མ་དབུ་ལ་སྐོར། །
འདི་འདྲ་ངེད་ཚང་ལས་ངན་ཞིག །ཞི་བདེའི་དེད་དཔོན་བཀའ་དྲིན་བརྗེད། །
ཇི་སྲིད་བླ་མ་སྐུ་འཚོ་རིང་། །དེ་སྲིད་ཆོས་འཚོང་དགོས་དོན་མེད། །
ཇི་འདྲ་ཅི་ལམ་འུ་ཐུག་ཀྱང་། །དྲིན་ཆེན་བླ་མ་ཉེས་མ་བསྒྱུར། །
སྲི་ཞུ་པ་རྣམས་གྲོད་ལྟོགས་ན། །རང་རེའི་བདེ་སྡུག་གླེང་ནས་སློང་། །
ཆོལ་གསུམ་བོད་མའི་གཙུག་གི་ནོར། །འཚོང་རྫས་མ་བསྒྱུར་སྲི་ཞུ་བ། །
ས་འཛིན་དཀར་པོའི་ལག་གཉིས་སྦྱོར། །བླ་མའི་བཀའ་དྲིན་ཡེ་མ་བརྗེད། །
ཟླུམ་གཟུགས་གོ་ལའི་འདི་ནང་ལ། །གངས་ཅན་པ་ཞེས་ཡང་ཡང་གྲགས། །
ཞི་བདེའི་དེད་དཔོན་ཐུགས་རྗེས་ཡིན། །ང་ཚོའི་བོད་མའི་བླ་སྲོག་ཡིན། །

དངུལ་དེ་དག་གང་ཞིག་ཏུ་འགྲོ་ཡི་ཡོད་བཤད་ཚོད་ཐིག་ཁག་པོ་རེད། དེང་སྐབས་བོད་པ་ནང་ཁུལ་དུ་༧གོང་ས་མཆོག་མཇལ་ཁ་རུ་དངུལ་སྒོར་ལེན་པ་འདི་མ་འོངས་པར་རྩོད་གཞིའི་དངུལ་སྒོར་དུ་འགྱུར་པ་ལས་ཕན་ཐོགས་ཨེ་ཡོད་བསམ་སོང་། འདིའི་རིགས་རྩ་ཁྲ་དེ་ཚོ་ཡང་ཚད་ལྡན་ཡོད་པ་ཞིག་ཡིན་པའི་སྐད་ཆ་མི་འདུག

ཉེ་ཆར་ཨ་རིར་དུས་འཁོར་དབང་ཆེན་སྐབས་ཀྱང་། དུས་དབང་གི་ཆེད་དང་འཁྲུངས་སྐར་གྱི་ཆེད་དུ་དངུལ་སྒོར་འབོར་ཆེན་བླངས་པ་མ་ཟད། དེའི་རིགས་ལ་སྐལ་ལྡན་བློ་གྲོས་ཁོང་ཚོས་བྱེད་སྟངས་ལ་ཡི་མ་རངས་བ་བྱེད་མཁན་མང་པོ་ཡོད་པ་རེད་ལ། དངོས་སུ་དངུལ་སྒོར་བྱུང་བ་དང་། རྗེས་ཀྱི་རྩིས་ཁྲ་ལ་ཧེ་བག་ཆེན་པོ་བྱུང་ཡོད་པ་རེད། ཚོང་པ་འདི་ཚོར་བྱེད་རྒྱུ་ཡོད་པ་རེད་༌༌༌༌༌༌༌༌༌༌༌སྤྱི་ཚོགས་ཀྱི་བདེ་རྩལ་འགྲོ་ཐུབ་ན་དངུལ་དགོས་ཀྱང་ཨོ་ཙམ་རེད། བར་ཟས་དེ་ཉེན་ཁ་ཚ་བོ་འདུག འདི་ལོའི་དུས་དབང་ལྟ་བུ་རེད་༌༌༌༌༌༌༌༌༌༌༌

འཇར་མན་བོད་རིགས་ཚོ་དཔལ་འབྱོར་གྱི་དཀའ་ངན་ཡོད་ན་འབྲེལ་ཡོད་ཁག་སྙན་ཞུ་རྒྱབ་ནས་ཐབས་ཤེས་གནང་ན་ལུགས་མཐུན་རེད་བ། དེ་ལས་ལྡོག་ཏེ་བོད་མི་རིགས་དང་གོང་ས་མཆོག་གི་ཞབས་འདྲེན་པའི་ལས་ཀ་འདི་འདྲ་བྱས་ན་ཡག་པོ་ཁྱོད་ནས་མི་འདུག