གྲྭ་བ་གཉིས་ཀྱིས་རང་ལུས་མེར་བསྲེཊ།

སྙིང་རྗེའི་བསམ་པ་མ་དག་པར། །ལུས་འདི་བཏང་བར་མི་བྱའོ། ། ཞི་བ་ལྷས་སོ།

ཚེ་སྲོག་མཆོད་མེ་ལ་སྤར་དུས།
ས་ཆེན་གྱིས་མ་ཐེགས་པའི་ན་ཟུགས་ལྕི་མོ།
སུ་ཞིག་གི་ཆེད་དུ།
རེ་བ་དང་ཡིད་ཆེས་ཀྱིས།
དད་པ་དང་ལ་རྒྱས།
ཁྱོད་རང་འདི་ལྟར་ཁྲིད་སོང་ངམ།
ངོ་མ་བཤད་ན།
ཁྱོད་ཀྱིས་མི་ཡུལ་དུ་རེ་བ་ཅི་ཞིག་བཅོལ་ཡོད།
ཁ་ཆེབས་ཅི་ཞིག་བཞགས་ཡོད།

ལར་ནས་སྨུག་པོ་གདོང་གི་བརྒྱུད་པ་འདིར་ལོ་རྒན་བརྒྱད་ཅུ་ལའང་དཔའ་རྩལ་མི་ཉམས་པ་དང་སྣང་ངུ་ལོ་ན་བཅུ་གསུམ་ལའང་དཔའ་རྒོད་དུ་བུད་པ་འདི་སྔར་ཡང་ཡིན་ལ་ད་ཡང་རེད། ང་ཚོའི་གླིང་སྨུག་པོ་གདོང་གི་སྣང་ངུ་འདི་གཉིས་ལ་ཕྱི་མའི་ལམ་སྣ་ཆོད་པའི་སྨོན་ལམ་བྱ་རྒྱུ་ལས་མི་འདུག འཕགས་པ་སྤྱན་རས་གཟིགས་མཁྱེན་ནོ། །སྣང་ངུ་འདི་གཉིས་ཕྱག་ནས་མ་གཏོང་རོགས།

རྒྱལ་གཅེས་དཔའ་བོ་གྲྭ་བློ་བཟང་སྐལ་བཟང་དང་གྲྭ་བློ་བཟང་དཀོན་མཆོག་རྣམ་གཉིས་ལ་སེམས་ཀྱིས་བྱས་པའི་ཕེབས་སྐྱེལ

ཉི་ཟེར་མག་མོག་དེའི་ངོགས་ནས
ངས་ཁྱེད་གཉིས་ཀྱི་རྟོགས་བརྗོད་སེམས་ཀྱིས་ཀློག་དུས
ངའི་མིག་ཆུ་སེམས་ཀྱིས་སྒུལ་བྱུང
ཟླ་འོད་རབ་རིབ་དེའི་འོག་ནས
ངས་ཁྱེད་གཉིས་ཀྱི་ཞབས་རྗེས་སེམས་ཀྱིས་འཚོལ་དུས
ངའི་སེམས་པ་མིག་ཆུ་ཡིས་གཤེར་སོང

ཁྱེད་གཉིས་ཀྱི་བློ་སྟོབས་དེས
ཁྱེད་གཉིས་ཀྱི་ཆོད་སེམས་དེས
ནམ་མཁའ་འདི་ཧར་གྱིས་གཤགས་སོང
ས་ཆེན་པོ་འདི་ངང་གིས་སྒུལ་བྱུང

བློ་ལས་འདས་པའི་བློ་སྟོབས་དེས
རི་རབ་འདར་སོང གཙང་པོ་སྐྱོམ་སོང

ནམ་མཁའ་ལ་མི་ཤོང་བའི་སྙིང་སྟོབས་དེ
ས་ཆེན་པོས་ཀྱང་མི་ཐེག་པའི་བློ་སྟོབས་དེ
ངས་ཐ་སྙད་ཅི་ཞིག་གིས་ད་གཟོད་གསལ་པོར་སྟོན་ཐུབ་བམ
ངས་པིར་སྨྱུག་གང་ཞིག་གིས་ད་གཟོད་གསོན་ཉམས་ལྡན་པར་འབྲི་ནུས་སམ

ངས་ངོ་མ་བཤད་ཤེས་མ་སོང
རྣོ་ལྕགས་ཀྱིས་བཞེངས་པའི་ཁྱེད་གཉིས་ཀྱི་དཔའ་བློ་ཁོག་དེ
ངས་འགྲེལ་བརྗོད་ཀྱི་འགོ་གང་ནས་བརྩམས་དགོས་སམ
ངས་ཞིབ་འབྲི་ཡི་གསོན་ཉམས་ཇི་ལྟར་འདོན་དགོས་སམ

མི་རྣམས་ཀྱིས་ད་ལྟ་རྔ་བ་གླེང་ཚེ
གནས་དེའི་དཔའ་བློ་ཁོག་ཅན་གྱི་མི་བུ་སྟེ
ངའི་ཡིད་ལ་ཁྱེད་གཉིས་དྲན་འོང
མི་རྣམས་ཀྱིས་ད་ལྟ་ཁྱེད་གཉིས་ཀློག་དུས
དཔའ་བོའི་ཕ་ས་སྟེ
ངའི་སེམས་ལ་རྔ་བ་དྲན་བྱུང

ཨེ་མ
ངོ་མཚར་ཆེ གཞོམ་གཞིག་མེད་པའི་དཔའ་བློ་ཁོག་དེ
ཨོ མ་རེད དེ་ནི་གསེར་སྣག་གིས་བྲིས་པའི
དེ་ནི་བློ་སྟོབས་དང་ཆོད་སེམས་ཀྱིས་བྲིས་པའི
སྒང་པ་བོད་པ་ཚང་གི་འགུལ་གྱིན་པའི་ལོ་རྒྱུས་གསོན་པོ་ཞིག་སྟེ
མཚོ་བཞི་གླིང་ལྔའི་སྐྱེ་བོ་དག་གིས
ད་ལྟ་ཀློག་གིན་འདུག སེམས་ཞིབ་མོས་ཀློག་གིན་འདུག
ངས་འདི་ན་ཁྱེད་གཉིས་ཇི་ལྟར་བཞེངས་སྐྲུན་བྱེད་རྒྱུར་བསམ་གཞིགས་བྱེད་དུས་ཀྱང
མི་རྣམས་ཀྱིས་ཏག་ཏག་ཁྱེད་གཉིས་ཀློག་གིན་འདུག
ངོ་མ་མི་ཅི་འདྲའི་མང་པོ་ཞིག་གིས་ཁྱེད་གཉིས་ཀློག་གིན་འདུག་ཨང

ལྷ་ཚོགས་ཀྱི་ཁྲེལ་རྒོད་ཀློང་ནས
ངས་ཁྱེད་གཉིས་ཀྱི་རྟོགས་བརྗོད་སྙིང་ནས་ཀློག་གིན་ཡོད
འདྲེ་སྲིན་གྱི་ཧབ་ཆའི་བར་ནས
ངས་ཁྱེད་གཉིས་ཀྱི་ཞབས་རྗེས་སེམས་ནས་འཚོལ་གྱིན་ཡོད
ཀྱེ་མ ཁྱེད་གཉིས་ཀྱིས་དཔའ་བོའི་དག་ཞིང་ནས་ཁ་ཕྱིར་འཁོར་ཏེ
ང་ཚོ་ལ་མགོན་སྐྱབས་ཤིག་གནང་རོགས

ཉི་ཟེར་མག་མོག་དེའི་ངོགས་ནས
ངས་ཁྱེད་གཉིས་ཀྱི་རྟོགས་བརྗོད་སེམས་ཀྱིས་ཀློག་དུས
ངའི་མིག་ཆུ་སེམས་ཀྱིས་སྒུལ་བྱུང
ཟླ་འོད་རབ་རིབ་དེའི་འོག་ནས
ངས་ཁྱེད་གཉིས་ཀྱི་ཞབས་རྗེས་སེམས་ཀྱིས་འཚོལ་དུས
ངའི་སེམས་པ་མིག་ཆུ་ཡིས་གཤེར་སོང
༢༠༡༡ ལོའི་ཟླ་ ༩ ཚེས་ ༢༦ དགོང་མོ་ཉལ་ཁང་དུ་བྲིས།

བོད་ཀྱི་གནད་དོན་འདི་ཇི་སྲིད་ཞི་འགྲིག་མ་བྱུང་བ་དེ་སྲིད་དུ་གནད་དོན་འདི་དང་འདི་འདྲ་བ་རྒྱུུན་མར་ཡོང་ངེས་ཡིན། ཆབ་སྲིད་ཀྱི་ལས་འགུལ་ནི་རྒྱ་མཚོའི་རྦ་རླབས་བཞིན་ནམ་ཡང་འཇགས་མི་སྲིད། མཚོ་མོ་འཁྱོམས་ན་ཉ་མོ་ལས་ཀྱིས་འཁྱོམས་ཞེས་པ་ལྟར། བོད་རྒྱ་གཉིས་འབྱུང་འགྱུར་མཉམ་གནས་ཡོང་བའི་རེ་བ་ནི་ཇེ་ཕྲ་ཇེ་ཕྲར་འགྱུར་རྒྱུའི་སྟ་གོན་དང་རྒྱུ་ཚོགས་རིམ་པར་ཚང་བཞིན་འདུག །

གངས་ཅན་པ་རྣམས་ཕོ་ཟད་མོ་ལ་ཐུག།
ལག་ཟད་དཔུང་ལ་ཐུག །
ཤ་ཟད་རུས་ལ་མ་ཐུག་བར་བོད་དོན་ཆེད་ཡོད་ཚད་གཏོང་བའི་བློ་སྟོབས་ཡོད།

ད་བར་སྐུ་སྲོག་མེ་ལྕེར་མགྲོན་པའི་དཔའ་བོ་རྣམས་ལ་མྱ་ངན་གུས་བཏུད་དང་། ཁོང་རྣམས་ཀྱི་སྙིང་སྟོབས་དང་ལྷག་བསམ་དེ་བདག་སོགས་བོད་མི་མང་གི་རྒྱུད་ལ་མྱུར་བ་ཉིད་དུ་བསྐྱེད་པར་ཤོག ད་ལྟ་ཉིད་དུ་བསྐྱེད་པར་ཤོག །

ཨོ་མ་ཎི་པདྨེ་ཧཱུྃ༔ ཨོ་མ་ཎི་པདྨེ་ཧཱུྃ༔ ཨོ་མ་ཎི་པདྨེ་ཧཱུྃ༔ ཨོ་མ་ཎི་པདྨེ་ཧཱུྃ༔
ཨོ་མ་ཎི་པདྨེ་ཧཱུྃ༔ ཨོ་མ་ཎི་པདྨེ་ཧཱུྃ༔ ཨོ་མ་ཎི་པདྨེ་ཧཱུྃ༔ ཨོ་མ་ཎི་པདྨེ་ཧཱུྃ༔
ཨོ་མ་ཎི་པདྨེ་ཧཱུྃ༔ ཨོ་མ་ཎི་པདྨེ་ཧཱུྃ༔ ཨོ་མ་ཎི་པདྨེ་ཧཱུྃ༔ ཨོ་མ་ཎི་པདྨེ་ཧཱུྃ༔
ཨོ་མ་ཎི་པདྨེ་ཧཱུྃ༔ ཨོ་མ་ཎི་པདྨེ་ཧཱུྃ༔ ཨོ་མ་ཎི་པདྨེ་ཧཱུྃ༔ ཨོ་མ་ཎི་པདྨེ་ཧཱུྃ༔

ཨོ་ དགེ་འདུན་པ་རྣམས་ཀྱི་ཆབ་སྲིད་ཀྱི་ཆེན་དུ་རང་ལུས་མེར་བསྲེགས་པ་སོགས་ཆབ་སྲིད་ཀྱི་ལས་མགུལ་ཤུགས་ཆེན་སྤེལ་རྒྱུ་འདི་ཆོས་དང་མཐུན་མིན་རྟོགས་དཀའ།

བཙན་གཤོལ་བོད་མའི་ཁྲོད་ན་བོད་སྤྱིའི་བདེ་སྡུག་ལ་བསམ་བློ་བཏང་མཁན་གཞི་ནས་མེད། རང་རང་གི་སྐུབ་སྟེག་ཙམ་དང་འཚོ་རྟེན་ཙམ་གྱི་ཆེན་དུ་བོད་དོན་ལ་ཁ་གཡར་ནས་བསྡད་ཡོད་པ་རེད།
མ་ཟད་བཙན་གཤོལ་བོད་མི་གཞོན་སྐྱེས་ཕར་ཆེ་བ་ནང་ཆོས་ལ་དད་པ་གཞི་ནས་མེད་ཐོག དགེ་འདུན་པ་ལའང་དངོས་ཤུགས་བརྒྱུད་གསུམ་ནས་སྨོད་ཅི་ཐུབ་བྱེད་བཞིན་ཡོད། གནས་ཚུལ་འདི་བོད་ནང་གི་བོད་མི་ཚོའི་ད་དུང་གསལ་པོ་ཤེས་མེད་པ་རེད།།

རྒྱལ་གཅེས་ཀྱི་དཔའ་བོ་གཉིས་ལ་གུས་འདུད་དང་མྱ་ངན་སྙིང་ནས་ཞུ། མི་རིགས་དང་རྒྱལ་ཁབ་རྩ་བའི་བླ་མའི་དོན་དུ་འདི་ལྟར་བྱེད་ཐུབ་པ་ནི་ཤིན་ཏུ་སྙིང་སྟོབས་ཆེ་བ་ནི་ངོ་མ་ཧང་སངས་དགོས་པའི་ཕྱག་ལས་ཤིག་རེད། འདི་ལྟ་བུའི་གནས་ཚུལ་ལ་བོད་གཞིས་བྱེས་ཡོངས་ཀྱི་སེམས་ནང་ལ་མི་ཕང་བ་སུ་ཞིག་ཡོད། ཁོང་གཉིས་ནི་ལོ་ན་ཆུང་ལ་ཤེས་ཡོན་གྱི་ལམ་ཁར་སྙེགས་བཞིན་པའི་བཙུན་པ་ཉམས་ཆུང་གཉིས་ཡིན་པ་ཐག་ཆོད། ངོ་མ་ཕང་པ་ལ། གཞིས་བྱེས་གཉིས་ཀྱི་བོད་མི་ཡོངས་ཀྱིས་ཁོང་རྣམ་པ་ལ་རྒྱབ་སྐྱོར་བྱེད་དང་བྱེད། ཡིན་ཡང་ཞུ་འདོད་པ་ཅིག་ལ་(འགྱུར་མེད་བསྟན་འཛིན་)ཞེས་པ་ཁྱོད་རང་ངས་བསམ་ན་ཕལ་ཆེར་གསར་འབྱོར་ལོ་མང་སོང་བ་ཞིག་མིན་པའི་ངོས་འཛིན་ཐོག་ནས་ཐུགས་བསམ་ཡག་པོ་ཞིག་བཞེས་ནས་གསུང་སྐྱོན་ན་མ་གཏོག ཁྱོད་རང་མཁས་པ་དང་འཇོན་པོ། བོད་ལ་ཤ་ཞེན་ཡོད་པའི་མི་ཞིག་ཡིན་དང་ཡིན་རྒྱུ་རེད་དེ། རང་ཤ་གཏུབ་ནས་ཁྱི་སྔོན་དང་། རང་སྐྲ་གཏུབ་ནས་ལྷམ་འཚོང་ཡིན་པ་ཤེས་ཀྱི་མེད་དམ། དེ་འདྲ་སྐད་ཆ་ཡོད་ཚད་བཤད་ཆོག་ཞིག་གཏན་ནས་མིན་པར་ཁྱོད་རང་གཟབ་གཟབ་ཞིག་བྱེད་ན་མི་རན་སམ། མི་ཡོད་ཚད་ཀྱི་བཤད་མ་ཤེས་པ་ཞིག་གཏན་ནས་མ་རེད། ཁྱོད་རང་ཚོད་ཟིན་ན་མཁས་པ་ཞིག ཟིན་བྲིས་ཡོད་ཚད་ལ་ལྟོས་དང་། བསམ་བཟང་གི་ཞེན་བསྐུལ་ཡིན་པ་ལས་གཞན་རྒྱབ་མདུན་ཟུར་ལེབ་གང་ཡང་མེད།

བདག་གི་དཔའ་བོ་ཚོ་འདི་ལྟར་བཞུད་སོང

དམར་ལྷབ་ལྷབ་ཀྱི་མེ་ལྕེ་དེའི་ཁྲོད་ནས་བཞུད་སོང

གཅིག་རྗེས་གཉིས་མཐུད་དུ་བཞུད་སོང

སྨག་རུམ་སྟུག་པོའི་མཚན་གཞུང་དེ་གཤགས་ནས་བཞུད་སོང

འཇིག་རྟེན་འདིའི་གྲུ་ཟུར་ཞིག་ནས་སྣང་བ་ཡི་འོད་དཀར་དང་འགྲོགས་ནས་བཞུད་སོང

བདག་གི་དཔའ་བོ་ཚོ་འདི་ལྟར་བཞུད་སོང

ས་ཡ་དྲུག་གི་མྱ་ངན་གྱི་འོ་དོད་ཁྲོད་ནས་བཞུད་སོང

གཅིག་རྗེས་གཉིས་མཐུད་དུ་བཞུད་སོང

གཞིས་བྱེས་གཉིས་ཀྱི་སྡུག་ཡུས་ཀྱི་མིག་ཆུ་དང་བསྡོངས་ནས་བཞུད་སོང

རང་དབང་གི་མཁའ་དབྱིངས་བོར་ཟིན་པའི་ང་ཚོའི་ཆེད་དུ་ཚག་སྒྲ་རྐང་གཅིག་དང་འགྲོགས་ནས་བཞུད་སོང

བདག་གི་དཔའ་བོ་ཚོ་འདི་ལྟར་བཞུད་སོང

མཛེས་སྡུག་གི་རྨི་ལམ་དེའི་ཁྲོད་ནས་བཞུད་སོང

གཅིག་རྗེས་གཉིས་མཐུད་དུ་བཞུད་སོང

ཁྲིམས་ལུགས་ལ་བེད་སྤྱོད་མེད་པའི་ངེས་ཤེས་དང་མཉམ་དུ་བཞུད་སོང

གནས་ལུགས་ལ་དབང་ཆུང་ཞིང་རྒྱུ་འབྲས་ལ་བློ་མིག་ཞ་བའི་གནས་ལུགས་དེ་འཁུར་ནས་བཞུད་སོང

བདག་གི་དཔའ་བོ་ཚོ་འདི་ལྟར་བཞུད་སོང

མཚར་སྡུག་གི་སང་ཉིན་དེ་བསྒོམས་ནས་བཞུད་སོང

གཅིག་རྗེས་གཉིས་མཐུད་དུ་བཞུད་སོང

ཕྱིར་མི་ལྡོག་པའི་ཐ་ཚིག་དེའི་ཁྲོད་ནས་བཞུད་སོང

སྔོ་སིང་སིང་གི་མཐོན་མཐིང་བོར་ཟིན་པའི་ང་ཚོའི་ཆེད་དུ་སྐྱ་ཐིང་ཐིང་གི་གནས་ལུགས་ཤིག་འཁུར་ནས་བཞུད་སོང

རང་ལུས་མེ་སྲེགས་བཏང་བའི་རྒྱལ་གཅེས་དཔའ་བོ་ཚོར་གུས་འདུད་གྲངས་མེད་ཞུ
གཞལ་དཀའ་བའི་དངོས་པོ་ནི་འགྲོ་བ་མིའི་ཚེ་སྲོག་ཡིན་ལ་གཅེས་སུ་འོས་བའང་ཚེ་སྲོག་ཡིན་པས་རྒྱལ་གཅེས་བ་འདི་དག་གིས་ཅིས་ཕྱིར་རང་ལུས་མཆོད་མེ་རུ་སྦར་བ་རེད་བོད་ཅེས་བའི་མི་རིགས་ཉམས་ཐག་འདིའི་མ་འོངས་བའི་ཕུགས་བསམ་གྱི་ཆེད་་ མདུན་ལམ་གྱི་ཆེད་ བདེ་སྐྱིད་ཀྱི་ཆེད་ རང་དབང་གི་ཆེད་ མདོར་ན་རླབས་ཆེ་བའི་གཞན་དོན་སེམས་བསྐྱེདཞེས་བ་འདི་ལྟ་བུའོ་ཅེས་ཐ་ཚིགས་སྒྲོག་བཞིན་འུ་ཅག་དང་ཁ་བྲལ་སོང་བ་བློ་ཕམ་གྱི་རང་བཞིན་་ཡིད་སྐྱོ་བའི་གནས་ཚུལ་ཞིག་ལས་དབུས་ས་གཉིས་ན་འཇམ་ཐང་ཐིང་རེད་་་་་་ཨ་ཁ་ ་་་་་་་་་་་་་„

ཀྱེ་མ་རྒྱལ་གཅེས་དཔའ་བོ་རྣམས་གཉིས་ལ་བསྔགས་བརྗོད་དང་བཅས་གུས་འདུད་གྲངས་མེད་ཞུ།
ཁྱེད་རྣམས་པ་གཉིས་དག་པའི་ཞིང་དུ་སྐྱེ་བར་ཤོག ཁྱེད་གཉིས་འདོད་པར་ལྟར་་་ཐུང་མྱུར་ངང་བོད་རང་དབང་མྱུར་ཏུ་ཐོབ་པའི་སྨོན་འདུན་ཆབས་ཅིག་ཏུ་དག་པའི་ཞིང་ནས་འཇལ་བར་སྨོན།

ཅང་མེད་ངའི་གང་ཐུབ་གོ་ལ་འདིའི་ཐོག་ཏུ་ཁྱབ་བསྒྲགས་བྱེད་ངེས་ཡིན།

དབུ་མའི་ལམ་གྱིས་བོད་དོན་བདེན་མཐའ་གསལ་གྱི་རེད་་་་་་་་་རང་སྲིད་རང་སྐྱོང་ཐུབ་ཀྱི་རེད་་་་་་་་རྒྱལ་བ་རིན་པོ་ཆེ་བོད་ལ་ཕེབས་ཐུབ་ཀྱི་རེད་་་་་་་་་་་བོད་རྒྱལ་ཞི་མོལ་བྱ་གི་ཡིན་་་་་་་་་འཛམ་གླིང་ནང་བོད་དོན་རྒྱབ་སྐྱོར་ཇེ་མང་དུ་འགྲོ་བཞིན་ཡོད་་་་་་་་་་འགྱུར་བ་ཞིག་འགྲོ་གི་རེད་་་་་་་་་རྒྱ་ནག་དམང་གཙོ་ཅན་ལ་འགྱུར་གྱི་རེད་་་་་་་་་་ཨོ་སྐད་ཆ་འདི་ཚོས་མི་ལུས་རིན་ཆེན་དུ་མ་ཞིག་འཕྲོགས་བརླས་བཏང་སོང་་་་་་་་་་་ཨ་ཁ་ཁ་་་་་ཨ་ཁ་ཁ་་་་་་་་་ཨ་ཁ་ཁ་་་་་་་བོད་ནས་ཚེ་སྲོག་མཆོད་མེ་ལ་སྤར་ནས་་་་་་་མི་རགས་ཀྱི་རིག་གཞུང་རྩོད་ཀྱི་འདུག་་་་རྩོད་བཞིན་པ་རེད་་་་་་རྩོད་པར་འགྱུར་བ་རེད་་་་་་་་་་རྡ་ས་ནས་མི་རིགས་ཀྱི་རིག་གཞུངས་དང་སྐད་ཡིག་མི་ཤེས་པའི་དབུ་ཁྲིད་རྐྱང་རྐྱང་གམ་སོང་་་་་་་་་་་ཤུ་་་་་་་་ཤུུུུུུུུུུ་་་་་་་རྡ་ས་ནས་ཆོས་ལུགས་ཀྱི་ཐོབ་ཐང་རྩོད་ཀྱི་འདུག་ལུང་ཚན་གྱི་འཐེན་ཁྱེར་བྱེད་ཀྱི་འདུག་་་་་་་གནས་ཚུལ་འདི་ངོ་ཚ་དང་ཕམ་ཁ་ཞིག་ཡིན་པ་་དུང་ཡང་ཤེས་མི་འདུག་རང་རྒྱལ་གཞན་ཕམ་རྩོད་ཀྱི་འདུག་་་་་་་་་སྐུ་ངོ་ཚོས་མི་རིགས་ཀྱི་རྩ་དོན་ཟེར་བ་དེ་མགྲིན་པ་ཡན་ཆོད་ཀྱིས་རང་དོན་བསྒྲུབ་པའི་ངོ་འབག་ཅིག་རེད་ཤག་་་་་་་་ད་དེ་ལྟར་རེད་ཤག་དྲང་མོ་བཤད་ན་དེ་ལྟར་རེད་ཤག་་་་་་་་སྐད་ཆ་འདི་ཚོས་ཞེ་སུན་རུ་བཅུགས་སོང་དཀོན་མཆོག་མཁྱེན་་་་་་་་་་་

རང་ལུས་མེ་མཆོད་སྒྲོན་པའི་རྒྱལ་གཅེས་དཔའ་བོར་གུས་འདུད་ཞུ་ཞུ།

བལྟས་ཡོང་ན། ལོ་རྒྱུས་དང་རིག་གཞུང་གཏིང་ཟབ་ཡོད་པའི་བོད་མི་རིགས་འདི། འདྲ་འདྲའི་ནང་ནས་མི་འདྲ་བ་ཞིག་འདུག འདི་ནི་རིག་གཞུང་གིས་ཟིན་པའི་དད་པའི་སྙིང་སྟོབས་དང་། ལོ་རྒྱུས་ཀྱིས་བསྐྲུན་པའི་བཙན་པོའི་མི་གཞི་སྙིང་སྟོབས་གཉིས་རེད། ངས་བསམ་ན། མ་འོངས་པའི་ལོ་ཤས་ནང་། བོད་ནང་ལ་དཔའ་པོ་ཐུབ་བསྟན་དངོས་གྲུབ་བརྒྱ་ཕྲག་བརྒལ་བ་འབྱུང་རྒྱུ་རེད། འདི་ནི། བོད་ཀྱི་དགེ་འདུན་པས་རང་ལུས་མེར་སྲེག་བཏང་བ་ཐེངས་དྲུག་པ་དེ་ཆགས་ཡོད། དགེ་འདུན་པ་ཁོ་ནས་རང་ལུས་མེར་སྲེག་བཏང་ན། མཚམས་རེར་བོད་ཀྱི་གནད་དོན་འདི་རིག་གཞུང་གི་གནད་དོན་ཞིག་རེད་བསམ་པ་ཞིག་དྲན་ཡོང་གི་འདུག ཡིན་ནའང་། རྗེས་ཕྱོགས་བོད་ནང་དུ། རིག་གཞུང་གི་གནད་དོན་དང་། འགྲོ་བ་མིའི་ཐོབ་ཐང་གནད་དོན། ཁོར་ཡུག་གནད་དོན་སོགས་གནད་དོན་རེ་རེའི་ཐོག་རང་སྲོག་བློས་གཏོང་གནང་མཁན་མང་དུ་འགྲོ་ཀྱི་རེད།

གངས་རིའི་གཅེས་འཕྲུག་དག་གིས་རིན་ཐང་བྲལ་བའི་ཚེ་སྲོག་ཤོར་སོང་། རང་ལུས་མཆོད་མེ་བྱས་སོང་། རང་རྣམ་ཤེས་གངས་ཅན་པར་ཆགས་ཡོད། ཚེ་སྲོག་གངས་ཅན་པར་ཕུལ་ན། ང་ཚོས་ད་ཡང་ཁ་སྟོང་ཚིག་སྟོང་རེ་ལབ་ནས་འདུག་རྒྱུ་ཡིན་ནམ།
ཆེས་མཐའ་མ་དེ་བས་མ་ཐུབ་ཀྱང་།
ང་ཚོ་རང་དབང་ལུང་བར་ཡོད་པའི་བོད་མི་ཡོད་དོ་ཆོག་གིས། རང་རང་གནས་པའི་རྒྱལ་ཁབ་དང་། གྲོང་ཁྱེར་དེ་དག་་ཏུ། གསལ་འགོད་པར་སྐད་སྔོན་བཏང་གིས། ཟས་བཅད་སོགས་ཀྱིས་མཚོན་པའི། ངོ་རྒོལ་ཤུགས་ཆེན་རེ་བྱེད་མ་ཐུབ་ན་ནི། ང་ཚོ་གངས་ཅན་པའི་ཞབས་འདྲེན་དང་ཁྱི་འཕྲུག་ཡིན་རྟག་ཡིན། ས་གནས་སོ་སོའི་བོད་རིགས་མགོ་ཁྲིད་ཚོ། ལོང་ཤོག
བྱེས་བཞུགས་གངས་ཅན་པ་ཀུན་ལོང་ཤོག
སྙིང་རྗེའི་བདག་པོ་དག་། ལོང་ཤོག
ལོང་ཤོག ལོང་ཤོག

དེ་རིང་དགོང་མོ་རང་ལུས་མེར་སྲེག་གཏང་མཁན་དཔའ་གཉིས་ཀྱི་ཆེད་དུ་རྡ་སའི་མེག་གྷན་ནས་ཐེག་ཆེན་ཆོས་གླིང་གཙུགས་ལགས་ཁང་བར་མར་མེའི་ཁྲོམ་སྐོར་གི་ལས་འགུལ་ཞིག་སྤེལ་ཆར་འདུག་པས་དུས་རྒྱུན་ལྟར་གསར་འབྱོར་ཀྱང་མ་ཡིན་པར་གཞིས་ཆག་ཀྱང་གང་མང་མང་ཞིག་ཕེབས་རོགས་གནང།

ཀྱེ་མ་ཀྱེ་ཧུད་
ཆོས་ལྡན་གངས་ཅན་པ་རྣམས་ཅི་ཡིས་ནོངས།
འོན་ཀྱང་སྔོན་བསགས་དཀར་མིན་ལས་ཀྱིས་མཐུས།
བརྣག་དཀའི་དུ་ཁ་བཅུ་ཕྲག་ཟུང་ལྷག་ལོར།
མྱང་པའི་ཉམས་ཐག་ངང་ཚུལ་འདི་ལགས་ན།
ལྷག་པར་དགོངས་ཤིག་བརྩེ་ཆེན་ཐུགས་རྗེ་གཏེར།
བསྟན་དང་དེ་འཛིན་ཆབ་སྲིད་རང་རིགས་སླད།
གཅེས་པའི་ལུས་སྲོག་ལོངས་སྤྱོད་ཡོངས་བཏང་སྟེ།
དཀའ་བ་བརྒྱ་ཕྲག་སྒྲུབ་པའི་སྐྱེས་བུ་རྣམས།
གྲུ་འཛིན་མགོན་དེས་ཐུགས་རྗེས་སྐྱོང་བར་མཛོད

སྙིང་སྟོབས་ལ་ཡི་རང་དང་ཆོད་སེམས་ལ་གུས་འདུད་ཞུ།
ཚེ་སྲོག་ལ་ཕངས་སེམས་ཤོར་སོང། ས་ཡ་དྲུག་པོ་འདི་ལྟར་གཅིག་འགྲོ་གཉིས་འགྲོ

གསོན་པའི་ཆེད་དུ་འཆི་བ་ནི་ཆེས་རླབས་ཆེ་བའི་བྱ་བཞག་ཅིག་ཡིན་པས། འདི་ལྟར་འུ་ཚང་གི་གཅེས་ཕྲུག་ཚོའི་ཚེ་སྲོག་རེ་རེ་བཞིན་མེ་རུ་བསྒྲོན་སོང་ཡང་། འུ་ཅག་གིས་ཅི་ཞིག་ནུས་སམ། ཡང་བསྐྱར་ཚོགས་པ་ག་གེ་མོ་ཞིག་གི་སྣེ་ཁྲིད་དེ་མེག་ལོའི་རླངས་འཁོར་འབབ་ཚུགས་ནས་གཙུག་ལག་ཁང་བར་དུ་རྒན་རྒོན་འགས་མར་མེའི་ཁྲོམ་སྐོར་ཞིག་བྱ་རྒྱུ་རེད། དེ་ལས་ཅི་ཡང་ནུས་ནི་མ་རེད། མྱ་ངན་གུས་འདུད་ཅིག་ཀྱང་ཞོར་དུ་ཞུ་འཆར་ཡོད་ངེས། དེ་མིན་ཅི་ཞིག་བྱ། གཅེས་ཕྲུག་ཚོ། ཁྱེད་ཅག་བདེ་བར་ཕེབས་རོགས།

བོད་ནང་གི་མི་འདི་ཚོའི་ལ་རྒྱ་དང་སེམས་ཤུགས་རེ་མཐོང་ཡོང་དུས་བཙན་བྱོང་ནང་གི་མི་ང་ཚོའི་རིགས་ངོ་གནོང་དགོས་བ་རེད།
ང་ཚོ་ཟེར་བ་འདིའི་ནང་དུ་གསེར་ཁྲི་ཐོག་གི་བླ་མ་དང་སྲིད་ཁྲི་སྟེང་གི་མཁས་དབང་མན་ང་ཡན་ཆད་ཀྱི་བོད་པ་ཡོད་ཚད་ལ་གོ་དགོས།

ཨོ་རྒྱལ་གཅེས་དཔའ་བོ་དགེ་འདུན་པ་གཉིས་ཀྱིས་རང་ལུས་རང་མི་རིགས་ཀྱི་སླད་དུ་མཆོད་པ་ཕུལ་བར་བཀའ་དྲིན་ཆེ་ཞེས་ཞུ་དགོས་ཀྱང་འོན་ཀྱང།
བཙན་བྱལ་སྤྱི་ཚོགས་ནང་དུ་ཀླད་མེད་ཚོས་ཆོས་ལུགས་སྤྱི་འཐུས་མི་དགོས་རབས་ཀྱི་སྐད་ངན་ལུང་པ་གང་བཤད་ཀྱི་འདུག ད་བར་རང་ལུས་མེར་བསྲེག་གཏོང་མཁན་བརྒྱ་ཆ་དགུ་བཅུ་གོ་དགུ་དགེ་འདུན་པ་རེད། ཡིན་ནའང་བྱས་པར་བསྟོད་པ་མེད་པར་ད་དུང་ཆོས་ལུགས་སྤྱི་འཐུས་མི་དགོས་རབས་དང་དགེ་འདུན་པས་མི་འཇོན་རབས་རྐྱང་བཤད་བསྡད་ཀྱི་འདུག་པ་ནི་ཀླད་མེད་རང་རེད།

ངས་དེ་ལྟར་ནུས་ཀྱི་མི་འདུག་སྟེ།ཁྱོད་ཀྱི་སྙིང་སྟོབས་དང་ལར་ཞེན་ལ་སེམས་དབུས་ནས་ཡི་རངས་ཡོད། ཐུགས་རྗེ་ཆེ།

ཨ་ཁ་ཁ།མི་ལུས་རིན་ཆེན་ཟེར་བ་དེ་གལ་ཆེན་པོ་རེད།བཙན་བྱོལ་ནང་ནས་ད་ལྟ་བར་དུ་གྲུབ་འབྲས་ཐོན་པའི་ལས་ཀ་ཞིག་སྟོན་རྒྱུ་མེད་ཀྱང།འདི་ནས་ཆ་སྲིད་པ་ཚོས་མགྲིན་པ་ཡན་ཆོད་ཀྱི་ཚིག་སྐམ་པོས་སྐད་ཆ་སྙན་པོ་རྐྱང་རྐྱང་བཤད་ནས་བོད་ནང་གི་མི་འདི་འདྲའི་མང་པོ་ཞིག་གི་ཚེ་སྲོག་འཕྲོ་བརླགས་བཟོས་ཚར་སོང་།ཨ་ཁ་ཁ་་་་་་་་་ཨ་ཁ་ཁ་་་ཨ་ཁ་་་ཁ་་་་་་་་་

འཛམ་གླིང་ས་ཕྱོགས་གང་ས་གང་དུ་གསོན་པོར་གནས་པའི་བོད་རིགས་སྤུན་ཟླ་ཡོད་དོ་ཅོག་ཡར་ལོངས་ཤིག། བོད་རང་བཙན་ཁོ་ནའི་ཆེད་དུ་ཡང་ལོངས་ཤིག བོད་མི་ས་དྲུག་གི་ཆེད་དུ་ཡར་ལོངས་ཤིག

ཁོང་གཉིས་འདས་གསོན་གྱི་གནས་ཚུལ་འདྲ་ཐོས་ཐབས་གྱིས།
སྙིང་སྟོབས་རེ་ཡ་ངོ་མ་ལ་རྒྱལ་ཡོད་ཁུ།