ད་ལོའི་རྒྱལ་ཡུམ་ཆེན་མོའི་དྲན་རྟེན་གསེར་གྱི་རྟགས་མའི་རྐང་སྤོལ་འགྲན་བསྡུར་ཁྲོད། བྷེལ་ཀོབ་གྷོ་ལཱ་ཐཱ་ལཱ་རུ་ཁག་ལ་ཨང་དང་པོ་དང་། ཀ་ལི་མན་ཊོན་རུ་ཁག་ལ་ཨང་གཉིས་པ་བཅས་ཐོབ་འདུག
འདི་ལོའི་རྒྱལ་ཡུམ་ཆེན་མོའི་དྲན་རྟེན་གསེར་གྱི་གཟེངས་རྟགས་ཀྱི་མཐའ་མའི་རྟིང་རྩོད་ཀྱི་རྐང་སྤོལ་འགྲན་བསྡུར་དེ། དེ་རིང་ཕྱི་ཚེས་ ༤ ཉིན་གྱི་ཕྱི་དྲོའི་ཆུ་ཚོད་ ༣ པའི་སྟེང་རྒྱ་གར་ལྷོ་ཕྱོགས་མོན་གྷོ་འདོད་རྒུ་གླིང་གཞིས་ཆགས་སུ་མགོ་འཛུགས་གནང་ཡོད་ལ། དང་ཐོག་སྦེལ་ཀོབ་ ( Gollathala FC ) རུ་ཁག་དང་རྡེར་རྡུན་ཀ་ལོན་མན་ཊི་རུ་ཁག་གཉིས་ཀྱིས་མཐའ་མའི་རྟིང་རྩོད་འགྲན་བསྡུར་བྱས་ཀྱང་། རུ་ཁག་དེ་གཉིས་ཀྱིས་སྤོ་ལོ་གཅིག་ཀྱང་བླུགས་མ་ཐུབ་པར་བརྟེན། མཐར་རྩེད་འགྲན་པ་མི་ལྔ་རེ་བྱས་ཏེ་མི་རེ་རེ་བཞིན་སྤོ་ལོ་བླུགས་སྐབས་གྷོ་ལཱ་ཐཱ་ལཱ་རུ་ཁག་གིས་སྤོ་ལོ་ ༤ བླུགས་ཏེ་ཨང་དང་པོ་ཐོབ་སྟེ། ༢༠༡༡ ལོའི་རྒྱལ་ཡུམ་ཆེན་མོའི་དྲན་རྟེན་གསེར་གྱི་གཟེངས་རྟགས་དང་ཧིན་སྒོར་ལྔ་ཁྲི་ ༥༠༠༠༠ ཙམ་གྱི་བྱ་དགའ་ཐོབ་ཡོད་པ་དང་། ཀ་ལི་མན་ཊོན་དོན་འགྲུབ་གླིང་རུ་ཁག་གིས་སྤོ་ལོ་ ༢ བླུགས་ཏེ་ཨང་གཉིས་པ་ཐོབ་སྟེ། དངུལ་གྱི་གཟེངས་རྟགས་དང་ཧིན་སྒོར་སུམ་ཁྲི་ ༣༠༠༠༠ ཙམ་གྱི་བྱ་དགའ་བཅས་ཐོབ་ཡོད་འདུག
ད་ལོའི་རྒྱལ་ཡུམ་ཆེན་མོའི་རྐང་སྤོལ་འགྲན་བསྡུར་ནང་རུ་ཁག་ ༡༤ ཙམ་ཞུགས་ཡོད་པ་དེ་དག་ནི། ཤི་ལོང་གངས་ལྗོངས་རུ་ཁག་དང་། རྡེ་ར་རྡུན་ཀ་ལི་མན་ཊོན་རུ་ཁག སྦེལ་ཀོབ་གྷོ་ལཱ་ཐཱ་ལཱ་རུ་ཁག བྷེལ་ཀོབ་བདེ་སྐྱིད་སླར་གསོ་རུ་ཁག བྷེལ་ཀོབ་བོད་ཁྱིམ་རུ་ཁག ཧོན་སུར་རབ་རྒྱས་གླིང་རུ་ཁག ཀོ་ལི་གྷལ་དོན་ལྡན་གླིང་རུ་ཁག ལྷོ་ཕྱོགས་ཅི་ནེལ་རུ་ཁག གྷོ་ཝ་ཁུལ་གྱི་རུ་ཁག ཨོ་རི་ས་ཕུན་ཚོགས་གླིང་རུ་ཁག ཝ་རཱ་ནཱ་སི་རུ་ཁག ངྷ་རམ་ས་ལ་རུ་ཁག བལ་ཡུལ་རུ་ཁག་བཅས་ཡིན་འདུག
དྲན་རྟེན་གསེར་གྱི་གཟེངས་རྟགས་འགྲན་བསྡུར་དེ་ ༡༩༨༡ ལོར་གསར་དུ་དབུ་འཛུགས་གནང་བ་ཞིག་ཡིན་འདུག་ལ། ལོ་རྗེས་མ་ཕྱི་ལོ ༢༠༡༢ ལོའི་འགྲན་བསྡུར་དེ་བཞུགས་སྒར་ངྷ་རམ་ས་ལར་འཚོགས་རྒྱུ་ཡིན་འདུག
གསར་འགོད་པ། དཔལ་ལྡན།
སྦེལ་ཀོབ་གྷོ་ལ་ཐ་ལའི་རུ་ཁག་ལ་འདི་ལོའི་རྐང་སྤོལ་འགྲན་བསྡུར་གྱི་ཐ་མའི་རྒྱལ་ཁ་ཐོབ་པ་ལ་དགའ་བསུ་ཞུ་རྒྱུ་ཡིན། སྤྱིར་བཏང་ཀི་ལེ་མན་ཊའོན་རུ་ཁག་དེ་རྩེད་རྩལ་གྱི་ཆ་ནས་དེ་ཙམ་གྱི་ཡག་པ་ཞིག་མིན་ཀྱང་ལོ་མང་རིང་ཐ་མར་སླེབས་ཐུབ་པ་ནི་ངོས་ནས་བལྟས་ན་རུ་ཁག་དེ་མདུན་མཆོང་བྱེད་ནུས་པའི་གདོང་ལེན་གྱི་ནུས་པ་དང་ཐད་ཀར་བྲིས་ན་ཧམ་སེམས་ཆེན་པོ་ཡོད་པས་རེད་འདུག ཡང་འགའ་ཞིག་གིས་རུ་ཁག་དེའི་རྩེད་འགྲན་པ་རྣམས་ཀྱིས་གཞན་ལ་སྡིག་ར་བསྐུལ་བ་སོགས་བྱེད་པའི་ལོ་རྒྱུས་ཀྱང་ལན་མང་གོ་མྱོང་ཡོད་ཀྱང་བདེན་པ་ཡིན་མིན་ཆ་མ་འཚལ།
བློ་ཕམ་པ་གཅིག་ལ་དུས་བབ་དྲ་རྒྱ་ནང་དུ་མཐའ་མའི་རྩེད་འགྲན་རྒྱལ་ཁ་ཐོབ་མཁན་གྱི་རུ་ཁག་གི་འདྲ་པར་བཀོད་མིན་འདུག རྒྱ་མཚན་གང་ཡིན་མི་ཤེས། འགྲོ་སྟངས་ལྟར་བྱེད་ན་མཐའ་མ་རྒྱལ་ཁ་ཐོབ་མཁན་གྱི་འདྲ་དཔར་བཀོད་པ་ནི་འགྲོ་སྟངས་ཤིག་མ་རེད་དམ། གསར་འགོད་པ་ཞིག་གི་ངོས་ནས་བློ་ཕྱོགས་སུ་མ་ལྷུངས་པ་དང་དྲང་པོ་ཞིག་དགོས་རྒྱུ་དེ་གལ་ཆེ་ཤོས་རེད། དྲང་པོར་བཤད་ན་གསར་འགྱུར་འགོད་སྟངས་ཀྱི་ཆ་ནས་བོད་ཀྱི་བང་ཆེན་གསར་འགྱོར་འགོད་སྟངས་དེ་དྲང་ཆེ་བ་འདུག འདི་ནི་ངོས་ནས་ལོ་མང་རིང་དྲ་རྒྱའི་གསར་འགྱུར་ཀློག་པའི་ཉམས་མྱོང་ཡིན།
སྨར་ལུང་དཔའ་ལའི་རྒྱུ་མཚན་དེ་ནི་ལྟར་སྣང་ཡིན་པ་འདྲ། དེ་མིན་པར་འདྲ་པར་དེ་ཕྱི་གདང་བསློགས་ཡོད་པའི་དབང་དུ་བཏང་ན་གོང་གི་འཕྲེད་དར་ཐོག་གི་ཡི་གེ་དེ་ཡང་ཕྱི་གདང་་སློགས་ལུས་དགོས་སྙམ་ལགས།
སྨར་ཀླུང་ལགས། དཔར་དེ་རྒྱག་མཁན་ང་ཡིན། དུས་བབ་ཀྱིས་བཞག་སྟངས་ནོར་མི་འདུག
དུས་བབ་གསར་འགོད་པས་ཡག་པོ་གཟིགས་དང་པར་དེ་ཕྱི་དམ་སློག་ནས་བཞག་མི་འདུག་གམ། མི་དེ་གི་རྒྱལ་རྟགས་ཀྱང་ལག་གཡོན་པས་ཁེར་འདུག་པ་མ་ཚད།
གོང་གི་སྐུ་ཞོག་དེའི་པར་ལ་ལྟོས་དང་གཟན་ཤམ་ཕྱི་དམ་སློག་ནས་སྡོད་འདུག་པས། ཕྱག་ལས་རྣམས་ལ་ཞིབ་ཚག་པོ་དང་པུས་དག་པོ། ཀུན་གྱིས་ཡིད་བཏོན་ཁེར་ཐུབ་པའི་ཐུགས་ཚག་ལྷོད་པོ་གནང་བ་ཐུགས་རྗེ་ཆེ། ཞུ་ཧོམ་དུ་མ་དགོང་རོག
ཅིག་ཐཽབ་ཡོད་པ་འདྲ། འུར་སྐད་ཀྱི་གནམ་འཁའ་རྒྱང་བཞིན་འགྲོ་གིན་འདུག རླང་འཁོར་ཆུང་བ་དང་སྤག་སྤག་སོགས་རུ་བསྒྲིགས་ནས་འགྲོ་གིན་འདུག ད་ཅི་བཤད་དགོས་མིན་མི་ཤེས་་་་གང་ལྟར་ང་ལ་དགའ་ཚོར་མི་འདུག
འོ་ཡ། ཡག་པོ་བྱུང་འདུག ལོ་མང་རིང་གོ་ཐོས་མ་བྱུང་བའི་རུ་ཁག་ཞིག་ལ་རྒྱལ་ཁ་ཐོབ་འདུག
གོང་གསལ་གྱི་འདྲ་པར་དེ་ནི་ཀལ་མེན་ཊོན་དོན་གྲུབ་གླིང་རུ་ཁག་གིས་ཨང་གཉིས་པ་ལེན་བཞིན་པའི་སྐབས་ཡིན།
རྡ་སའི་རུ་ཁག་མི་འདུག་ལ། གོང་དུ་མ་གསལ་བ་མོན་གྷོ་འདོད་རྒུ་གླིང་རུ་ཁག་དང་། མོན་གྷོ་གཞིས་སློབ་རུ་ཁག་འདུག