མདུན་ངོས།
About Us
  • English
Advertisement
བོད་ཀྱི་དུས་བབ།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
བོད་ཀྱི་དུས་བབ།
English
No Result
ཆ་ཚང་གཟིགས།

རྒྱ་ནག་གཞུང་གི་རང་རྣ་བཀབ་སྟེ་དྲིལ་བུ་རྐུ་བའི་བྱེད་ཐབས།

བོད་ཀྱི་དུས་བབ།
༢༠༡༡/༡༠/༠༦
Share on FacebookShare on TwitterShare on EmailShare on Whatsapp

ཤར་ཙོང་བདེ་ལྡན།

ད་ལོའི་ཕྱི་ཟླ་ ༩ ཚེས་ ༢༦ ཉིན་རྔ་པ་ཀིརྟི་དགོན་དུ་གྲྭ་རྐྱང་དཀྱུས་མ་གཉིས་ཀྱིས་བོད་མིའི་རང་དབང་གི་ཆེད་དུ་རང་ལུས་མཆོད་མེར་བསྒྲོན་ཏེ་དཀྱུས་མ་མ་ཡིན་པའི་རླབས་ཆེན་གྱི་ལས་དོན་ཞིག་ཡང་བསྐྱར་བསྒྲུབས་སོང་། གནས་ཚུལ་དེས་བོད་གཞིས་བྱེས་གཉིས་ལས་བརྒལ་ཏེ་གོ་ལ་ཧྲིལ་བོ་ཧ་ལས་སུ་བཅུག་ཅིང་། དམར་གཞུང་གི་དབང་འཛིན་པ་རྣམས་ཀྱང་སྐྱི་གཡའ་བའི་གནས་སུ་བསྐྱལ་ཡོད། རྒྱལ་ཁབ་དང་མི་རིགས་ཤིག་གི་དོན་དུ་འདི་ལས་ལྷག་པའི་རླབས་ཆེ་བའི་མཛད་རྗེས་ཤིག་གང་ན་ཡོད་དེ། འདི་ནི་བོད་མི་རིགས་ཀྱི་རང་དབང་འཐབ་རྩོད་ནང་གསར་དུ་བསྣན་པའི་འོད་སྟོང་འཕྲོ་བའི་ལེའུ་ཞིག་ཡིན་ལ། གནས་ཚུལ་འདི་མ་བྱུང་བའི་ཉིན་གསུམ་གྱི་སྔོན་ཏག་ཏག་ལ་དབང་འཛིན་པས་རྔ་པ་དང་འབར་ཁམས་ས་ཁུལ་དུ “ ཁྲིམས་ལུགས་སློབ་གསོ་སྦྱོང་བརྡར་གཏིང་ཟབ་བྱ་དགོས” ཞེས་བཙན་ཚུགས་ཀྱིས་སྐུལ་སློང་ཚོགས་ཆེན་ཞིག་འཚོགས་འདུག ཚོགས་འདུ་མགོ་འཛུགས་བྱས་ཏེ་ཉིན་གསུམ་ལས་མ་ཕྱིན་བར་ཚོགས་འདུའི་དམིགས་ཡུལ་ལས་ལྡོག་པའི་མཇུག་འབྲས་འདི་བྱུང་ཡོད།  

 

དེ་ཡང་ཟླ་ ༩ ཚེས་ ༢༡ དང་ ༢༣ ཉིན་རྔ་བ་ཁུལ་དང་འབར་ཁམས་རྫོང་གཉིས་ཀྱིས་ཁྲིམས་ལུགས་དྲིལ་བསྒྲགས་སློབ་གསོ་གཏིང་ཟབ་གསོ་སྐྱོང་སྦྱོང་བརྡར་དགོས་པའི་སྐུལ་སློང་ཚོགས་ཆེན་ཚོགས་འདུག་ལ། ཚོགས་ཐོག་ཏུ་སྲིད་གཞུང་གི་མགོ་ཁྲིད་པས། གྲྭ་བཙུན་ཚོས་རྔ་པ་རྫོང་གི་ ༣།༡༦ གྲྭ་པས་རང་བསྲེགས་དོན་རྐྱེན་དང༌། ལྷིང་འཇགས་སྲུང་སྐྱོང༌། ཁ་བྲལ་ལ་ངོ་རྒོལ་བཅས་ཀྱི་ཐད་རིག་པ་དྭངས་གསལ་ཀྱི་གོ་རྟོགས་དགོས་སྐོར་བརྗོད་འདུག ཚོགས་ཞུགས་པ་རྣམས་ལ་ད་དུང་༼ རྔ་པ་རྫོང་གི་ ༣།༡༦ གྲྭ་པས་རང་བསྲེགས་དོན་རྐྱེན་དཔེ་མཚོན་སློབ་གསོ་བརྙན་ཕབ ༽ ཅེས་པར་ཡང་ལྟ་རུ་བཅུག་འདུག གལ་གནད་ཆེ་བའི་ས་ཁུལ་དང༌། གལ་གནད་ཆེ་བའི་དགོན་པ། གལ་གནད་ཆེ་བའི་མི་ཚོགས་དག་དམིགས་ཡུལ་དུ་བཟུང་སྟེ་ཁྱོན་ཡོངས་ནས་བྱེད་ཐབས་ལག་བསྟར་དང་དུས་ཐོག་རྗེས་འདེད་བྱེད་དགོས་ཚུལ་བཤད་ཡོད་པ་དང༌། ཁྲིམས་ལུགས་གཞིར་བཟུང་ཐོག་ཞིང་འབྲོག་མང་ཚོགས་ལ་ ༣།༡༦ གྲྭ་པས་རང་བསྲེགས་དོན་རྐྱེན་ཞེས་པ “ཁྲིམས་འགལ་ཉེས་བསགས” ཀྱི་སྤྱོད་ཚུལ་ཡིན་ཚུལ་ཞིབ་གསལ་འགྲེལ་བཤད་བརྒྱབ་སྟེ། མགོ་ཁྲིད་དང་མང་ཚོགས། གྲྭ་བཙུན་རྣམས་ཀྱིས་དོན་དངོས་ཀྱི་གནས་ཚུལ་ལ་རྒྱུས་ལོན་གང་ལེགས་བྱས་ཏེ། རྒྱལ་ཁབ་ཕྱི་ནང་གི་དགྲ་འཛིན་སྟོབས་ཤུགས་ཀྱིས་བོད་ཁུལ་གྱི་དར་རྒྱས་གོང་འཕེལ་ལ་གཏོར་བརླག་དང༌། སྤྱི་ཚོགས་ཀྱི་རྒྱུན་ལྡན་སྒྲིག་ལམ་ལ་གནོད་སྐྱོན་བཏང་བའི་ཁྲིམས་འགལ་བྱ་སྤྱོད་ལ་སྔར་ལས་ལྷག་པར་མཚང་འབྱིན་དགག་རྒྱག་བྱ་དགོས་ཚུལ། རྒྱ་ཆེ་བའི་ཞིང་འབྲོག་མང་ཚོགས་ལ་མེས་རྒྱལ་གཅིག་གྱུར་གྱི་ངེས་ཤེས་བརྟན་པོ་བསྐྲུན་དགོས། ཞེས་དང༌། ད་དུང་མིའི་བབ་དང་བསྟུན་ནས་སློབ་གསོ་བྱ་དགོས་པ་དང༌། ༢༠༡༡ ལོའི་རྔ་པ་རྫོང་དུ་ ༣།༡༦ གི་གྲྭ་པས་རང་བསྲེགས་དོན་རྐྱེན་གྱི་ཁྱོན་ཡོངས་ལ་ཉམས་ཞིབ་བྱས་ཏེ། ཁྲིམས་ལུགས་སློབ་གསོ་གཏིང་ཟབ་བྱ་རྒྱུ་མང་ཚོགས་ཀྱི་དགོས་མཁོ་དང་མཐུན་ཞིང་། ཁྲིམས་ལུགས་ཀྱི་ངེས་ཤེས་གོང་མཐོར་གཏོང་བ་ནི་ཛ་དྲག་གི་ལས་དོན་ཡིན་པ་བཅས་ཀྱི་སྟེང༌། ཞིང་འབྲོག་དང་གྲྭ་བཙུན་རྣམས་ཀྱིས་ཁྲིམས་ལུགས་མི་སྦྱོང་བ་དང༌། མི་ཤེས་པ། མི་སྲུང་བ་བཅས་ཀྱི་གནད་དོན་རྩ་བ་ནས་གཏན་འགོག་བྱས་ཏེ། བོད་ཁུལ་མཆོང་སྐྱོད་ལྟ་བུའི་འཕེལ་རྒྱས་དང་ཡུན་རིང་བདེ་འགོད་ལ་སྐུལ་འདེད་བྱ་དགོས། ཞེས་གཏམ་རྙིང་བསྐྱར་ཟློས་ཡང་ཡང་བྱས་འདུག

 

“ བོད་མི་རྣམས་ཀྱི་ཁྲིམས་ལུགས་མ་ཤེས་པའི་དབང་གིས་རང་ལུས་མེར་བསྲེགས་པ་རེད ” ཅེས་པའི་རྒྱ་ནག་གཞུང་གི་གཏན་ཚིགས་རིག་པ་འདི་ནི། མཁྱེན་ལྡན་རྣམས་ལ་ཇི་འདྲའི་དགོད་བྲོ་བ་ཞིག་རེད་ཨང༌། དེ་ལྟར་ན་གདོད་མའི་སྤྱི་ཚོགས་སུ་ད་ལྟ་བཞིན་ཁྲིམས་ལུགས་རྣམ་གྲངས་མང་པོ་མེད་པ་མ་ཟད། ཁྲིམས་ལུགས་ཤེས་མཁན་དེ་བས་ཀྱང་མེད་སྟབས། སྐབས་དེའི་མི་ཚང་མས་རང་ལུས་མེར་བསྲེགས་གཏོང་དགོས་པའི་སྡོམ་ཚིག་ཅིག་བཀོད་ཡོད། ཡིན་ནའང་འགྲོ་བ་མིའི་རིགས་ཀྱི་ལོ་རྒྱུས་དེབ་ཐེར་ནང་དཔེ་མཚོན་འདི་ལྟ་བུ་གང་དུའང་མཐོང་ཐོས་མ་བྱུང་ལ། རྒྱལ་ཁབ་བམ་སྲིད་དབང་ཞིག་གི་ཁྲིམས་ལུགས་མ་ཤེས་པའི་དབང་གིས་རང་ལུས་མེར་བསྲེགས་པ་དེ་རྒྱུ་མཚན་ཡང་དག་ཡིན་ན། དེང་སང་རྒྱལ་ཁབ་ཅིག་ནས་རྒྱལ་ཁབ་གཞན་ཞིག་ལ་གནས་སྤོ་བྱ་རྒྱུ་ནི་རྒྱུན་ལྡན་ཡིན་པ་ལྟར། གནས་སྤོ་བས་གནས་སྤོ་ཡུལ་གྱི་ཁྲིམས་ལུགས་ལ་རྒྱུས་མངའ་མེད་པར་རང་ལུས་མེར་བསྲེགས་ཀྱི་གནས་ཚུལ་རྒྱུན་ལྡན་ཡིན་དགོས་ཀྱང་། ཁྲིམས་མ་ཤེས་པས་རང་ལུས་མེར་བསྲེགས་ཀྱི་གནས་ཚུལ་ཞིག་ད་སྔ་མ་ཐོས་ལ་ད་ཕྱིན་ཡང་ཐོས་སྐལ་དབེན།  

 

ཏ་ཟིག་ཨི་རག་དང་ཨབ་གྷན་སོགས་ཀྱི་རྒྱལ་ཁབ་ནང་རྟུལ་ཕོད་ཅན་གྱི་མི་རིགས་རིང་ལུགས་པ་རྣམས་ཀྱིས་རང་ཉིད་ཀྱི་དད་མོས་དབང་གིས་མི་ལུས་འགས་མདེལ་བྱས་ཏེ། ཚེ་སྲོག་གིས་མཐའ་མཇུག་གི་དམིགས་ཡུལ་མངོན་འགྱུར་བྱེད་ཀྱི་ཡོད། ཡིན་ནའང་ཨ་རིའི་གཞུང་གིས་དེ་རྣམས་ལ་ཨ་རིའི་ཁྲིམས་ལུགས་མ་ཤེས་པའི་དབང་གིས་མི་ལུས་འགས་མདེལ་བྱས་རབས་བརྗོད་མྱོང་མེད་ལ། དོན་དངོས་ཐོག་ཏུའང་རང་ལུས་མེར་བསྲེགས་པ་ནི་ཁྲིམས་ལུགས་མ་ཤེས་པ་ཞིག་གཏན་ནས་མིན། དེ་ལས་ལྡོག་སྟེ་ལག་ལེན་གསེར་གྱི་ཐིགས་པ་དང༌། ཁ་བཤད་ཆུ་ཡི་ཝུ་བ་ཟེར་བ་བཞིན། ལོ་ངོ་བརྒྱ་ཕྲག་ཁ་ཤས་རིང་གཉིད་དུ་ཡུར་བའི་མི་རིགས་ཤིག་རྨོངས་གཉིད་ལས་སད་མགོ་ཚུགས་ཏེ། མི་རིགས་རང་ལ་དབང་དགོས་པའི་རང་དབང་དང༌ཐོབ་ཐང༌། འདྲ་མཉམ། ལ་རྒྱ། མདུན་ལམ་སོགས་ཀྱི་སླད་དུ་དབང་སྒྱུར་པ་རྣམས་ལ་བསྒྲགས་པའི་ཐ་ཚིག་ཅིག་དང་། ཁྲིམས་ཀྱི་དབང་བསྒྱུར་ལ་མོས་པ་སྐྱེ་བཞིན་པའི་མངོན་རྟགས་ཤིག་ཆགས་ཡོད།

 

གལ་ཏེ “ ཁྲིམས་ལུགས་མ་ཤེས་པའི་དབང་གིས་བོད་མི་དག་གིས་རང་ལུས་མེར་བསྲེགས་བཏང ” ཞེས་པ་དེ་རྒྱུ་མཚན་ཡང་དག་ཡིན་ན། རྒྱ་ནག་གཞུང་གིས་རྒྱལ་གཅེས་རིང་ལུགས་དང་ཁྲིམས་ལུགས་སློབ་གསོ་སྦྱོང་བརྡར་ཞེས་བོད་ཁུལ་ཡོངས་སུ་ལོ་ནས་ཟླ་བསྟུད་དེ་ལས་འགུལ་འདི་སྤེལ་དང་སྤེལ་བཞིན་ཡོད། ཡིན་ནའང་དོན་རྐྱེན་བྱུང་བ་སྔར་ལས་ཇེ་མང་ནས་ཇེ་དྲག་ཏུ་འགྲོ་བཞིན་ཡོད། དེ་ཡང་སྤྱི་ལོ་ ༡༩༩༨ ལོའི་ཟླ་ ༤ ཚེས་ ༢༩ ཉིན་འདི་ག་རྒྱ་གར་དུ་དཔའ་བོ་ཐུབ་བསྟན་དངོས་གྲུབ་ཀྱིས་མི་རིགས་ཀྱི་དོན་དུ་རང་ལུས་མེ་བསྲེགས་བཏང་བ་ནས་བཟུང༌། དེའི་ཤུགས་རྐྱེན་བོད་ནང་ཐེབས་ཏེ་སྤྱི་ལོ་ ༢༠༠༩ ལོའི་ཟླ་ ༢ ཚེས་ ༢༧ ཉིན་བཀྲ་བྷེ་མཆོག་གིས་རང་ལུས་མེར་བསྲེགས་བཏང་ཞིང་། ༢༠༡༡ ལོའི་ཟླ་ ༣ ཚེས་ ༡༦ ཉིན་གྲྭ་ཕུན་ཚོགས་མཆོག་གིས་རང་ལུས་མེར་བསྲེགས། ༢༠༡༡ ལོའི་ཟླ་ ༨ ཚེས་ ༡༥ ཉིན་ཚེ་དབང་ནོར་བུ་མཆོག་གིས་རང་ལུས་མེར་བསྲེགས། ༢༠༡༡ ལོའི་ཟླ་ ༩ ཚེས་ ༢༦ ཉིན་བློ་བཟང་སྐལ་བཟང་དང་བློ་བཟང་དཀོན་མཆོག་གཉིས་ཀྱི་དུས་མཉམ་དུ་རང་ལུས་མེར་བསྲེགས། ༢༠༡༡ ལོའི་ཟླ་ ༡༠ ཚེས་ ༣ ཉིན་སྐལ་བཟང་དབང་ཕྱུག་གིས་ཀྱང་རང་ལུས་མེར་བསྲེགས་སྐབས་ལམ་ལྷོང་མ་བྱུང་བ་བཅས་ཀྱི་ངོ་མཚར་བའི་གནས་ཚུལ་འདི་དག་བྱུང་ཡོད། ལྷག་པར་དུ་སྤྱི་ལོ་ ༢༠༡༡ ལོ་གཅིག་པུར་གངས་ཅན་ལྗོངས་ཀྱི་དཔའ་བོ་བཞིས་བསྟུད་མར་རང་མི་རིགས་ཀྱི་རང་དབང་དོན་དུ་གཅེས་སྲོག་ཕུལ་བ་འདི་ཁྲིམས་ལུགས་མ་ཤེས་པའི་རྐྱེན་ཞིག་ག་ལ་ཡིན།

           

མཁས་པའི་དབང་བོ་ཐེ་ཀོར་གྱིས། “ མི་བུའི་རྟག་གཏན་གྱི་བདེ་སྐྱིད་ནི་དངོས་བོ་ཅི་ཙམ་ཐོབ་པ་དེ་མ་ཡིན་པར་རང་གི་ཚེ་སྲོག་ལས་རླབས་ཆེ་བའི་ལྟ་བའི་ཕྱིར་དུ་རང་ཉིད་བསྔོ་བ་གནང་རྒྱུ་དེ་ཡིན་པ་རེད ”  ཅེས་གསུངས། རང་རེའི་མི་རིགས་འདིར་རང་དབང་གི་དོན་དུ་འཕག་འཚག་གི་བརྒྱུད་རིམ་ཤིན་ཏུ་རིང་ནའང་གོང་སྨྲས་མཁས་དབང་ཐེ་ཀོར་གྱིས་གསུངས་པ་བཞིན། སྦས་གསང་མེད་པར་དྲང་པོར་ཞུས་ན་རང་ཅག་རྣམས་ལ་ཆབ་སྲིད་ཀྱི་ཕྲ་ཕུང་ཅུང་དཀོན་པ་ལས་རང་སྲོག་བློས་གཏོང་གི་སྙིང་སྟོབས་ཆོད་སེམས་ཀྱིས་མ་འདང་ས་མེད། དུས་ནམ་ཡང་རང་ཉིད་ཀྱི་ལྟ་བའི་ཕྱིར་དུ་ལུས་སྲོག་ལོངས་སྤྱོད་བློས་གཏོང་གི་གྲ་སྒྲིག་དང་མི་རྟག་འཆི་བའི་ཆོས་ཉིད་ཀྱི་བློ་སྦྱོང་གི་གོམས་བྱང་ཡོད། འདི་ནི་གཞན་མི་རིགས་ལ་མེད་པའི་བོད་མི་རིགས་ཀྱི་ཐུན་མོང་མ་ཡིན་པའི་རིག་གནས་ཤིག་ཡིན་ཞིང་། ད་ལྟ་གནས་བབ་ཛ་དྲག་གི་སྐབས་འདིར་བོད་མི་རིགས་ཀྱིས་འདི་ལྟར་རང་གི་ལུས་སྲོག་ལེགས་སྐྱེས་སུ་ཕུལ་བ་ནི། རྒྱུ་མཚན་གཞན་ཅི་ཡང་མིན་པར་ཚད་ངེས་ཅན་ཞིག་གི་ཐོག་ནས་བཤད་ན། ཕྱོགས་གཅིག་ནས་ལོ་རྒྱུས་ཐོག་རང་མི་རིགས་ལ་དབང་པའི་རང་གི་གནས་ཡུལ་དུ་མེས་པོ་རྣམས་ཀྱི་ཤུལ་བཞག་རིག་གནས་སྲུང་སྐྱོང་དང༌། ས་གཙང་ཞིང་ཆུ་དྭངས་པའི་ཁྱད་པར་ཅན་གྱི་ཡུལ་ཁམས་སྲུང་སྐྱོང༌། ལོ་ངོ་སྟོང་ཕྲག་འགའི་ལོ་རྒྱུས་ལྡན་པའི་བོད་མི་རིགས་ཀྱི་ངོ་བོ་སྲུང་སྐྱོང་བཅས་ཀྱི་སླད་དུ་ཡིན་ལ། ཕྱོགས་གཞན་ཞིག་ནས་རྒྱལ་སྤྱིའི་བཅའ་ཁྲིམས་ཀྱི་དགོངས་དོན་ལྟར། སྨྲ་བརྗོད་ཀྱི་རང་དབང་དང༌། རང་ཐག་རང་གཅོད་ཀྱི་ཐོབ་ཐང་། ཆོས་ལུགས་དད་མོས་ཀྱི་རང་དབང༌། རྩོམ་འབྲི་དཔེ་སྐྲུན་གྱི་རང་དབང༌། འདུ་འཛོམས་ཤོག་སྒྲིལ་གྱི་རང་དབང༌། མནོ་སེམས་བསམ་གཞིག་གི་རང་དབང༌། རྒྱུ་ནོར་ལོངས་སྤྱོད་ཀྱི་རང་དབང་སོགས་གཞི་རྩའི་འགྲོ་བ་མིའི་ཐོབ་ཐང་འཐོབ་རེ་ཡི་འབོད་སྒྲ་རེད། མདོར་ན་བོད་མི་རིགས་ཀྱི་རང་དབང་དོན་དུ་མགོ་རུལ་རྣ་བས་མི་ཚོར་པའི་དབང་སྒྱུར་པ་རྣམས་ལ་ལུས་སྲོག་རིན་དོད་དུ་བཏང་སྟེ་ཡང་ཡང་ཐ་ཚིག་སྒྲོག་གི་ཡོད།  

           

དེ་བཞིན་ཐ་ཚིག་སྒྲོག་སྟངས་དེ་ཡང་མི་རིགས་གཞན་དང༌། ལྷག་པར་དུ་དབྱི་སི་ལན་ཆོས་ལུགས་ལ་དད་མོས་བྱེད་མཁན་གྱི་མི་རིགས་ཐལ་སྐྱོད་པའི་བྱེད་ཐབས་ལྟ་བུའི་ཁྱོད་ཤི་ང་གསོན་དང༌། མི་ལུས་འགས་མདེལ་བྱས་ཏེ་རང་གཞན་ཚང་མ་སྐད་ཅིག་ཏུ་རྩ་མེད་བཟོ་བ་ལྟ་བུ་སོགས་མ་ཡིན་པར། དུས་དང་ནམ་པ་ཀུན་ཏུ་ནང་པ་སངས་རྒྱས་པའི་ལྟ་གྲུབ་དང་ྋརྒྱལ་བ་ཐམས་ཅད་མཁྱེན་པའི་འཚེ་མེད་ཞི་བའི་དགོངས་དོན་ལས་མ་བརྒལ་བར། ཚེ་སྲོག་གི་མཐའ་མཇུག་ཏུ་བསླེབས་ཀྱང་མི་གཞན་ལ་གནོད་རྐྱེན་སྤུ་ཙམ་མི་བཟོ་བར་རང་ཉིད་ཀྱི་གཅེས་སྲོག་ཁོ་ནས་དབང་འཛིན་པ་རྣམས་རྨོངས་གཉིད་ལས་དཀྲོགས་ཐབས་བྱས་པ་རེད། ང་ཚོས་འདི་ལྟར་བསམ་གཞིག་བྱས་ཚེ། དེང་དུས་གངས་ཅན་ཡུལ་གྱི་དཔའ་བོ་འདི་དག་ནི་ཇི་འདྲའི་རླབས་ཆེན་དང་གུས་བཀུར་ཞུ་འོས་པ་ཞིག་རེད་ཨང༌། དགོད་བྲོ་བའི་རྒྱ་ནག་དབང་འཛིན་པ་རྣམས་ཀྱིས་མི་དམངས་ཀྱི་འདོད་བློ་དང་མི་རིགས་ཀྱི་གནད་དོན་བཅས་ལ་ཅི་མི་སྙམ་དུ་བཞག་སྟེ། ད་དུང་བོད་མི་ཚོས་ཁྲིམས་ལུགས་མ་ཤེས་པས་རང་ལུས་མེ་བསྲེགས་གཏོང་གི་ཡོད་ལུགས་བརྗོད་དེ། བོད་རིགས་རྣམས་ལ་བཙན་དབང་གིས་ཁྲིམས་ལུགས་སྦྱོང་བརྡར་བྱེད་དུ་འཇུག་བཞིན་པ་ནི་བླུན་རྟགས་ “ རང་རྣ་བཀབ་ནས་དྲིལ་བུ་རྐུ་བ ”ཞེས་པའི་དཔེ་ལས་མ་འདས་སོ།།

 

༢༠༡༡ ལོའི་ཟླ་ ༡༠ ཚེས་ ༠༣ ཉིན།

 

 

འབྲེལ་ཡོད་གསར་འགྱུར།

Mobile App

བཙན་འོག་གི་གྲོས་མཐུན་དོན་ཚན་ ༡༧ ནུས་མེད་ཆགས་པ་རྒྱལ་སྤྱིའི་ཐོག་ཁ་གསལ་བཟོ་དགོས།

༢༠༢༥/༠༥/༢༣
དབྱིན་ཇིའི་རྒྱལ་ཁབ་སི་ཀོ་ཊི་ལན་ཌིས་༧གོང་ས་མཆོག་གི་ཡང་སྲིད་ཀྱི་གནད་དོན་ཐད་ལངས་ཕྱོགས་གསལ་བོ་བཟོས་འདུག བོད་ཀྱི་དུས་བབ་གསར་ཁང་གིས་པར་སྒྲིག་སྦྱོར་བྱས། ༢༠༢༥།༥།༢༣
Mobile App

སི་ཀོ་ཊི་ལན་ཌིས་༧གོང་ས་མཆོག་གི་ཡང་སྲིད་ཀྱི་བདག་དབང་ཐད་ལངས་ཕྱོགས་བརྟན་པོ་བཟོས་འདུག

༢༠༢༥/༠༥/༢༣
ཧཱ་ཝར་ཌི་གཙུག་ལག་སློབ་གཉེར་ཁང་། དྲ་ལམ་གྱི་པར།
Mobile App

ཧཱ་ཝར་ཌི་གཙུག་ལག་སློབ་གྲྭར་རྒྱལ་སྤྱིའི་སློབ་མ་བཀག་སྡོམ་གནང་འཆར་ཡོད་འདུག

༢༠༢༥/༠༥/༢༣
དྷ་ས་ས་གནས་མགོ་འཛིན་དཀོན་མཆོག་མིག་དམར། དུས་བབ་ཀྱི་པར། ༢༠༢༢།༦།༤
Mobile App

དཀོན་མཆོག་མིག་དམར་ལགས་བསྐྱར་དུ་དྷ་ས་ས་གནས་མགོ་འཛིན་དུ་འདེམས་ཐོན་བྱུང་།

༢༠༢༥/༠༥/༢༣
བོད་ཀྱི་གནས་མཆོག་གངས་རིན་པོ་ཆེ། དྲ་ལམ་གྱི་པར།
Mobile App

རྒྱ་གར་གྱི་གནས་མཇལ་བ་ ༧༥༠ གངས་རིན་པོ་ཆེར་གནས་མཇལ་དུ་གཏང་རྒྱུ་ཡིན་འདུག 

༢༠༢༥/༠༥/༢༢
༸གོང་ས་མཆོག གསར་འགྱུར།

ཡེ་ཤུ་ཆོས་དཔོན་ཕོབ་ལེའོ་མཆོག་ལ་༧གོང་ས་མཆོག་དང་ལྷན་དུ་མགྱོགས་མྱུར་མཇལ་འཕྲད་གནང་བའི་འབོད་སྐུལ་ཞུས།

༢༠༢༥/༠༥/༢༢

མཆན། 6

  1. འདྲེ་མགོ་རྡོ། says:
    ལོ་ 14 སྔོན།

    ཡག་པོ་བྲིས་འདུག

    Reply
  2. ཀརྨ་རྡོ་རྗེ། says:
    ལོ་ 14 སྔོན།

    རྒྱ་གཞུང་གི་བསམ་སྦྱོར་ངན་པ་མྱུར་དུ་ཞི་འགྱུར་ཅིག །

    Reply
  3. སྨར་ཀླུང་དཔའ་ལ། says:
    ལོ་ 14 སྔོན།

    ཤར་ཙོང་བདེ་ལྡན་ངོ་མ་ཁྱེད་ཀྱི་གསུང་རྩོམ་ལ་བྲོ་བ་འདུག ད་དུང་རྒྱ་ནག་དམར་ཤོག་གི་བྱེད་གཏེ་ཚོས་གོ་ཚོར་མེད་མདོག་གིས། དོན་རྐྱེན་ཞིག་བྱུང་ནས་བཟུང་གློག་འཕྲིན་ཡོད་ཚད་ཀྱི་ཕྲིན་བརྡ་བཀག་པ། དྲྭ་འབྲེལ་བཀག་པ། བཙན་བཤད་ཀྱིས་གླ་པས་བརྔན་པའི་བོད་མི་ཞིག་ལ་བཟང་རབ་དགའ་རབ་ཀྱི་ཕྱི་དྲིལ་བྱེད་དུ་བཅུག་པ། མེ་མདའ་དང་བཙོན་ཁང་གི་སྐྲག་སྣང་བསྐུལ་ནས་བྱིའུ་ཆུང་ཐོག་ལ་ལྕགས་ཀྱི་མདའ་མོ་གཟིར་བ། འདས་ཟིན་བོད་མིའི་བྱུང་རབས་གླེང་ནས་གསར་སྐྱེས་རྣམས་ཀྱི་བློ་ཁ་བསྒྱུར་ཐབས་བྱེད་པ། ས་གཙང་ཆུ་གཙང་གི་རང་བྱུང་གཏེར་ཁ་གཏོན་པའི་ཡོང་འབབ་ཡོད་ཚད་སྐུང་ནས་ཁྲ་ཁྲ་ཟིང་ཟིང་གི་ས་ལས་རྡོ་ལས་ཀྱིས་བོད་མི་མགོ་བསྐོར་བཏང་པ། མི་མང་གསར་རྗེ་མི་མང་ཀུང་ཧྲེ་སོགས་ཀྱི་ཁྲག་དྲི་མི་སྣོམ་བཞིན་དུ་མེས་རྒྱལ་ཞེས་ངོ་ཚ་མེད་པའི་རང་བསྟོད་རྒྱང་བསྒྲག་བྱེད་པ། དམར་ལུགས་མགོ་ཁྲིད་པ་ཡོད་ཚད་རྐུབ་གཏུག་ནས་རུལ་སུང་འཛམ་གླིང་ནང་བྱུང་མྱོང་མེད་པ་དག་ལ་སུས་ཀྱང་སྐྱོན་བརྗོད་བྱེད་མི་ཆོག་པ་སོགས་ཀྱིས་བྱེད་སྟང་འདི་ཚོ་ལ་གཞིག་དུས། སྲིད་ཇུས་མི་ཤེས་པ་དེ་དམར་པོའི་མགོ་བྱེད་པ་ཚོ་ལས་བོད་མི་རྣམས་དུས་ཡང་མིན་པའི་འབྲས་རྟགས་གསལ་པོ་རེད། དོན་རྐྱེན་ཡོད་ཚད་ཁོ་རང་ཚོའི་བྱེད་སྟང་མི་འགྲིགས་པའམ་མ་ཤེས་ནས། བཙན་བྱོལ་གཞུང་དང་༧གོང་ས་ཡིད་བཞིན་ནོར་བུ་ལ་འགེལ་རྐྱང་བྱེད་པ་འདི་དག་ནི། སྒེ་ཁུང་ཤར་ལ་གཏོད་ནས། ཕུར་མ་ནུབ་ཏུ་གཡོག་པ་དང་གཅིག་མཚུངས་རེད། བོད་མི་གཞིས་བྱས་གཉིས་ཆར་ལ་དགོས་རྒྱུ་མཐུན་སྒྲིལ་དགོས་ཀྱི་གཏོར་གཤིག་གཏན་ནས་མི་དགོས། རང་ལུས་མཆོད་པའི་མེ་སྒྲོན་དུ་སྦར་བ་འདི་ཚོ་ཡོད་ཚད་ཀྱི་མཐུན་སྒྲིལ་དུ་མཐུད་དགོས་པའི་བསམ་ཚུལ་ག་ཚོད་བཏོན་ཀྱང་། དམར་པོའི་མགོ་བྱེད་ཚོ་ལ་བཤད་པས་མ་གོ བོད་མི་རིགས་འདི་ལ་རང་དབང་བདེན་དཔང་ནང་ནས་རྙེད་པའི་ཆོད་སེམས་ཡོད་ཀྱང་ཚིག་ཤར་ཅིག་ཀྱང་བཤད་མི་ཆོག་པར། མཐར་འུ་ཐུག་གེ་ཟད་ཀྱིས་དོན་རྐྱེན་སྤེལ་བ་འདི་ཚོ་ད་དུང་སྲིད་ཇུས་མི་ཤེས་པར་བསྒྱུར་བ་ནི་ངོ་ལག་པས་བཀབ་ནས་ང་མི་མཐོང་བའི་དཔེ་དང་ཀུན་ནས་མི་མཚུངས་སམ། གང་ལྟར་དམར་པོའི་དབང་འཛིན་པ་རྣམས་ཀྱིས་ངེས་པར་དུ་བསམ་བློ་གཏོང་དགོས་པའི་གནས་སུ་གྱུར་འདུག

    Reply
  4. ཤར་ཕྱོགས་ཁུག་རྟ། says:
    ལོ་ 14 སྔོན།

    སྐུ་ཞབས་བདེ་ལྡན་གྱིས་ཚད་ལྡན་བྲིས་འདུག བཙན་བྱོལ་སྒྲིག་འཛུགས་ནང་གི་རྒྱ་སྐད་ལ་མཚུངས་ཟླ་མེད་པ་དེས་བཞེངས་བཞག་ཡོད་ཀི

    Reply
  5. ཨ་ར་དཀར་པོ says:
    ལོ་ 14 སྔོན།

    བོད་ནས་ད་བར་བོད་རང་དབང་རང་བཙན་གྱི་ཆེད་དུ་རང་ལུས་མེར་བསྲེགས་མཁན་གྱི་དཔའ་བོ་ལྔ་བྱུང་སོང་ལ། སྡེ་ར་ལྡུན་བདེ་སྐྱིད་གླིང་གཞིས་ཁོངས་ནས་ཀྱང་ད་བར་རང་ལུས་མེར་བསྒྲོན་མཁན་ལྔ་བྱུང་བ་རེད་ཟེར། ཨོ་དེ་ཚོ་བོད་རང་དབང་གི་ཆེད་དུ་མ་རེད། ལྔ་ལས་གསུམ་ཤི་ཚར་འདུག མེར་བསྲེགས་གཏོང་མཁན་ཐ་མ་དེ་མདངས་དགོངས་རང་རེད། བུ་མོ་ཆུང་ཆུང་ཞིག་གིས་རང་ལུས་མེར་བསྒྲོན་ནས་ལུས་ཀྱི་བརྒྱ་ཆ་དྲུག་ཅུ་ཙམ་འཚིག་འདུག་ཟེར། མེར་བསྒྲོན་དོན་ནི་ཕ་མ་གཉིས་ཀྱིས་བཟའ་འཁོན་བྱས་པར་བརྟེན་ཡིན་འདུག བཟའ་འཁོན་བྱེད་སྐབས་མོ་རང་གིས་ཁྱིམ་མཚེས་གཡས་གཡོན་ནས་ས་སྣུམ་གཡར་ནས་རང་ལུས་བསྒྲོན་པ་རེད། སྙིང་རྗེ་མོ་ད་ལོ་འཛིན་གྲ་བཅུ་གཉིས་ཐོན་ཚར་ཙམ་རེད།

    Reply
  6. ཀུན་དགའ། says:
    ལོ་ 14 སྔོན།

    ཚར་གཅིག་བཀླགས་ཡིན། ཡག་པོ་བྲིས་འདུག མུ་མཐུད་དུ་་་་་་་་་་་་་་་

    Reply

དཔྱད་མཆན་སྤེལ། Cancel reply

Your email address will not be published. Required fields are marked *

སྤྱི་ཚོགས་དྲ་གནས།

ཁྱབ་བསྒྲགས།

དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།

གློག་འཕྲིན།

editor@tibettimes.net | office@tibettimes.net

ཁ་པར།

+91-98823-47075 | +91-92189-38041 | +91-81972-44372

Welcome Back!

OR

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist

No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese