མདུན་ངོས།
About Us
Advertisement
བོད་ཀྱི་དུས་བབ།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
བོད་ཀྱི་དུས་བབ།
No Result
ཆ་ཚང་གཟིགས།

གཞོན་ནུ་ཚོགས་པར་ཞུཊ་རོཊ།

བོད་ཀྱི་དུས་བབ།
༢༠༡༡/༡༠/༠༧
Share on FacebookShare on TwitterShare on EmailShare on Whatsapp

དེ་རིང་གངས་སྐྱིད་དུ་བོད་ཀྱི་གཞོན་ནུ་ལྷན་ཚོགས་དབུ་བརྙེས་ཏེ་མི་ལོ་ ༤༢ འཁོར་བའི་དུས་དྲན་སྲུང་གཙི་བྱས་ཏེ། ངྷ་ས་ས་གནས་གཞོན་ནུའི་ཚོགས་གཞོན་བསྟན་འཛིན་བརྩོན་འགྲུས་ལགས་ཀྱིས་བོད་པ་གང་མང་གཞོན་ནུའི་ཚོགས་ཁོངས་སུ་ཞུགས་རོགས་ཟེར།

དེ་རིང་ཕྱི་ཚེས་ ༧ ཉིན་གྱི་ཕྱི་དྲོའི་ཆུ་ཚོད་ ༤ པའི་སྟེང་གངས་སྐྱིད་སྤོ་ལོ་རྩེད་ཐང་དུ། བོད་ཀྱི་གཞོན་ནུ་ལྷན་ཚོགས་དབུ་བརྙེས་ཏེ་ཁྱོན་མི་ལོ་ཧྲིལ་པོ་ ༤༢ འཁོར་བའི་དུས་དྲན་སྲུང་གཙི་བྱས་ཡོད་ཅིང་། མཛད་སྒོེར་བཀའ་བློན་ཁྲི་ཟུར་བསོད་ནམས་སྟོབས་རྒྱལ་མཆོག་གཙོས་པའི་གཞོན་ལྷན་གྱི་ཚོགས་གཙོ་ཟུར་པ་རྣམ་པ་དང་། རྒྱུན་ལས། ས་གནས་མི་མང་བཅས་ཁྱོན་མི་ ༢༥༠ ལྷག་འདུ་འཛོམས་བྱུང་སོང་ལ། མཛད་སྒོའི་ཐོག་མར་ས་གནས་གཞོན་ནུའི་ཚོགས་གཙོ་བསྟན་འཛིན་བརྩོན་འགྲུས་ལགས་ཀྱིས། གཞོན་ལྷན་གྱི་འདས་པའི་ལོ་རྒྱུས་དང་བྱས་རྗེས་སོགས་མང་ཚོགས་ལ་ངོ་སྤྲོད་དང་སྦྲགས། མ་འོངས་པར་བོད་པ་གང་མང་མང་གཞོན་ལྷན་སྒྲིག་འཛུགས་ནང་འཛུལ་ཞུགས་དགོས་པའི་འབོད་སྐུལ་ཞུས་པ་མ་ཟད། ས་གནས་གཞོན་ནུ་ཁག་གི་ལས་འགུལ་གྱི་ནུས་ཤུགས་ཆེ་རུ་གཏོང་ཆེད། མི་འགྱང་བར་ནོར་གླིང་གཙོས་པའི་ས་གནས་ཁག་ཅིག་ཏུ་གཞོན་ལྷན་ས་གནས་ཡན་ལག་གསར་འཛུགས་རྒྱུ་ཡིན་སྐོར་བརྗོད་སོང་།

དེའི་རྗེས་དབུས་བོད་ཀྱི་གཞོན་ནུ་ལྷན་ཚོགས་ཚོགས་གཞོན་དོན་གྲུབ་ལྷ་དར་ལགས་ཀྱིས་དུས་དྲན་སྲུང་གཙིའི་གནས་ཚུལ་སྒྲོག་སྦྱང་གནང་ཡོད་ཅིང་། བསྒྲགས་ཡིག་དེའི་ནང་།  “ བོད་ཀྱི་གཞོན་ནུ་ལྷན་ཚོགས་ཀྱིས་ལོ་ངོ་ ༤༢ རིང་བོད་རང་བཙན་སླར་གསོའི་འཐབ་རྩོད་རྒྱུན་འཆང་མདུན་སྐྱོད་དང་དམངས་གཙོ་གོང་འཕེལ། ཆོས་རིག་སྲུང་སྐྱོབ། སྤྱི་ཚོགས་ཞབས་ཞུ། བོད་མིའི་རྡོག་རྩ་གཅིག་སྒྲིལ་སོགས་ཀྱི་ཐད་རླབས་ཆེན་གྲུབ་འབྲས་མི་དམན་པ་བཞག་ཡོད་པ་ནི། མང་ཚོགས་ཀྱི་རྒྱབ་སྐྱོར་དང་བཙན་བྱོལ་གཞུང་གི་རང་དབང་དམངས་གཙོའི་ཁོར་ཡུག གཞོན་ལྷན་དབུས་སའི་རྒྱུན་ལས་དང་ཚོགས་མི་ཚོའི་འབད་བརྩོན་ལ་བརྟེན་ནས་བྱུང་བ་ཞིག་ཡིན་ཞིང་། དེ་ནི་ང་ཚོ་ཐུན་མོང་གི་གཟི་བརྗིད་དང་རིན་ཐང་ཡིན་སྟབས་མུ་མཐུད་ནས་གཅེས་སྤྲས་རྩོད་ལེན་གནང་དགོས།  ” ཞེས་འཁོད་འདུག

བསྒྲགས་ཡིག་ནང་མུ་མཐུད་དུ།  “ ལོ་མི་ཞེ་གཉིས་རིང་དགྲ་བོའི་བཙན་འཛུལ་གཉའ་གནོན་འོག་གཞིས་ལུས་སྤུན་ཟླའི་རྒྱལ་ཞེན་སྙིང་སྟོབས་ལ་འགྱུར་བ་མེད་པར། བོད་རྒྱལ་ཁབ་སླར་གསོའི་འཐབ་རྩོད་རྒྱུན་འཆང་གནང་བ་མ་ཟད། ལྷག་པར་དུ་  ༡༩༨༧ ནས་དབུ་བཙུགས་ཏེ། ༢༠༠༨ ལོ་ནས་གངས་ཅན་མི་རབས་གསར་པ་ཚོས་རང་གི་རྒྱལ་ཁབ་ཀྱི་བདག་དབང་དང་། བླ་ན་མེད་པའི་དབུ་ཁྲིད་ལ་གུས་བཀུར་བྱས་ཐོག་བོད་རང་བཙན་སླར་གསོའི་འཐབ་རྩོད་ཚད་མཐོར་གཏོང་འདོད་གནང་བ་ནི། ང་ཚོ་གངས་ཅན་པའི་གཟི་བརྗིད་དང་མདུན་ལམ་གྱི་འོད་ཟེར་ཡིན་ཞིང་། འདི་ལོར་དེ་བས་ཀྱང་བོད་རྔ་པ་དང་དཀར་མཛེས་སོགས་བོད་ཀྱི་ས་ཁུལ་མང་ཆེ་བར། རྒྱལ་གཅེས་དཔའ་པོ་དཔའ་མོ་ཚོས་རླབས་ཆེན་གྱི་ཞི་བའི་ལས་འགུལ་སྣ་མང་སྤེལ་བཞིན་ཡོད་ལ། དེ་དག་ནི་རྒྱ་ནག་གི་དབང་བསྒྱུར་དེ་བོད་ལ་དགོས་མཁོ་མེད་པའི་བཙན་ཤེད་ཀྱི་དབང་སྒྱུར་ཞིག་ཡིན་པ་གསལ་པོར་བསྟན་པ་རེད།  ” ཅེས་འཁོད་འདུག

མཐའ་མར་བསྒྲགས་ཡིག་དེར།  “ ང་ཚོའི་འགྱུར་བ་མེད་པའི་རྟག་བརྟན་གྱི་སྟོབས་ཤུགས་ནི། ལོ་རྒྱུས་ཀྱི་བདེན་དབང་དང་བླ་ན་མེད་པའི་དབུ་ཁྲིོད། རང་གཞུང་ལ་གུས་བཀུར་དང་ཡིད་ཆེས། བོད་ཀྱི་ངོ་བོ་སྲུང་སྐྱོབ། བོད་མིའི་ཆོག་སྒྲིལ་གྱི་ནུས་པ་བཅས་ཡིན་པས་དེ་དག་རྩ་འཛིན་གཅེས་སྤྲས་བྱ་རྒྱུ་ཧ་ཅང་གལ་ཆེ་ལ། ལྷག་པར་དུ་གཞོན་སྐྱེས་ཚོས་ཆོད་སེམས་དང་ཁ་ཕྱོགས་མ་ནོར་བར་མི་ཚེ་མདུན་སྐྱོད་དང་མི་ཚེའི་རིན་ཐང་འཚོལ་དགོས་ཤིང་། དེའི་ཆེད་དུ་གནའ་དེང་ཤེས་ཡོན་སློབ་སྦྱོང་དང་། བོད་དང་རྒྱལ་སྤྱིའི་ལོ་རྒྱུས་ལ་སློབ་སྦྱོིང་བྱས་ཏེ། རང་ཉིད་སུ་ཡིན་པ་དང་། གང་དུ་ཡོད་པ། མ་འོངས་པར་ཇི་ལྟར་བསྒྲུབ་དགོས་མིན་ངོས་འཛིན་དང་ཁ་ཕྱོགས་གསལ་པོ་བཟོ་དགོས་རྒྱུ་དག་ནི། ང་ཚོ་ཐུན་མོང་གི་ལས་འགན་ཆགས་ཡོད  ” ཅེས་འཁོད་འདུག

མཇུག་ཏུ་བཀའ་ཟུར་བསོད་ནམས་སྟོབས་རྒྱལ་མཆོག་གིས་གཞོན་ལྷན་རྒྱུན་ལས་རྣམས་ཀྱི་ལྷག་བསམ་དང་སྙིང་སྟོབས་ལ་བསྟོད་བསྔགས་དང་འབྲེལ། མ་འོངས་པར་ཡང་འབྲེལ་ཡོད་ལས་བྱེད་ཚང་མས་མུ་མཐུད་བོད་རང་དབང་ཆེད་འབད་བརྩོན་གནང་དགོས་སྐོར་གྱི་འབོད་སྐུལ་བཅས་ཞུས་སོང་།  

མཛད་སྒོ་གྲུབ་རྗེས་ས་གནས་གཞོན་ནུའི་གོ་སྒྲིག་ལྟར། ཉེ་ལམ་ནས་གངས་སྐྱིད་སྤོ་ལོ་རྩེད་ཐང་དུ་རྩེ་བཞིན་པའི་ཕོའི་རུ་ཁག་ངྷ་ས་རུ་ཁག་དང་འབྲོག་པ་རུ་ཁག་དང་། མོའི་རུ་ཁག་ཤེས་རབ་དགའ་ཚལ་སློབ་གླིང་རུ་ཁག་དང་སུ་ཇཱ་བོད་ཁྱིམ་རུ་ཁག་གཉིས་ཀྱིས། ཐེངས་འདིའི་ལག་རྩེད་སྤོ་ལོའི་འགྲན་བསྡུར་གྱི་མཐའ་མའི་རྟིང་རྩོད་འགྲན་བསྡུར་དེ་མགོ་འཛུགས་གནང་སོང་།

བོད་ཀྱི་གཞོན་ནུ་ལྷན་ཚོགས་ནི་གཞུང་འབྲེལ་མིན་པའི་ཚོགས་པ་ཆེ་ཤོས་ཤིག་ཡིན་ལ། ཚོགས་པ་འདིར་ད་ཆར་འཛམ་གླིང་གང་སར་ཚོགས་མི་ ༢༠༠༠༠ ལྷག་ཡོད་འདུག

གསར་འགོད་པ། དཔལ་ལྡན།

འབྲེལ་ཡོད་གསར་འགྱུར།

Opening ceremony prayers. Photo Courtesy: Tibet.net
Mobile App

མོན་གྷོ་འདོད་རྒུ་གླིང་ནས་ཁྱིམ་ཚང་ ༤༠ ལ་སྡོད་ཁང་མཁོ་སྤྲོད་བྱས་འདུག

ཆུ་ཚོད་ ༦ སྔོན་ལ།
Director-General of the World Health Organisation (WHO) Dr. Tedros Adhanom Ghebreyesus attends the World Health Assembly at the United Nations in Geneva, Switzerland, May 21, 2023. (REUTERS/Denis Balibouse)
Mobile App

འཛམ་གླིང་འཕྲོད་བསྟེན་ཚོགས་ཆེན་ཐེངས་ ༧༦ པ་མཇུག་སྒྲིལ། 

ཆུ་ཚོད་ ༧ སྔོན་ལ།
Front Slider

ཉིན་གཉིས་རིང་གི་བཀའ་ཆོས་མཇུག་སྒྲིལ།

ཆུ་ཚོད་ ༧ སྔོན་ལ།
༧གོང་ས་མཆོག་གིས་བོད་པའི་སློབ་ཕྲུག་རྣམས་ལ་འཇམ་དཔལ་དབྱངས་ཀྱི་རྗེས་གནང་སྩལ་སྐབས། བོད་ཀྱི་དུས་བབ་ཀྱི་པར། པྱི་ལོ་ ༢༠༢༣ ཟླ་ ༥ ཚེས་ ༣༡ ཉིན།
Mobile App

ཉིན་གཉིས་རིང་གི་བཀའ་ཆོས་མཇུག་སྒྲིལ།

ཆུ་ཚོད་ ༨ སྔོན་ལ།
དྷ་ས་ཐེག་ཆེན་གཙུག་ལག་ཁང་དུ་གཞོན་སྐྱེས་ཚོར་ནང་ཆོས་ངོ་སྤྲོད་དབུ་འཛུགས་མཛད་པ། ༢༠༢༣།༠༥།༣༠ དུས་བབ་ཀྱི་པར།
༸གོང་ས་མཆོག གསར་འགྱུར།

གཞོན་སྐྱེས་རྣམས་ལ་ནང་ཆོས་ངོ་སྤྲོད་དབུ་འཛུགས་མཛད།

༢༠༢༣/༠༥/༣༠
ཡུན་ནན་ཐོང་ཧེ་རྫོང་ཁོངས་ཀྱི་ཁ་ཆེའི་ལྷ་ཁང་རྙིང་ཤོས་ནཱ་ཇཱ་ཡེན། དྲ་ལམ་གྱི་པར།
Mobile App

རྒྱ་ནག་གཞུང་གིས་ཁ་ཆེའི་ལྷ་ཁང་རྙིང་ཤོས་ཤིག་གཏོར་རྩིས་བྱས་ཏེ་གདོང་ཐུག་ཆེན་པོ་བྱུང་འདུག 

༢༠༢༣/༠༥/༣༠

མཆན། 12

  1. འདྲེ་མགོ་རྡོ། says:
    ལོ་ 12 སྔོན།

    ད་ཀློག་དགོས་རྒྱུ་མི་འདུག པར་དེ་ལ་ཅིག་ལྟ་དུས། གཞོན་ནུ་ལྷན་ཚོགས་གང་དུ་སླེབས་མིན། ག་ཚོད་འཇོན་མིན་ཧ་ཅང་གསལ་བོ་རེད། འདི་ཚོས་སྐུ་མགྲོན་མི་སྤུས་ཅན་ཞིག་རེག་གི་མེད་དུས་ད་གཞན་པ་བཤད་དགོས་དོན་མི་འདུག

    ཟླ་བ་ཕུན་སྐྱིད་ཕུད། རིམ་པར་ཅིག་གྲངས་ཀ་བརྒྱབས་ན། འདི་ཚོས་རང་བཙན་ལོན་རྒྱུ་རེད་དམ་མ་རེད། མི་འདི་ཚོས་རང་སྲོག་ཕར་ཞོག ད་བར་རང་ཁེ་ཙམ་པོ་ཞིག་དོར་མྱོང་མེད་ལ། རང་ཁེ་དེའི་ཆེད་དུ་བྱེད་རྒྱུ་མེད་པ་མ་གཏོགས་མ་བྱས་པ་གཅིག་ཀྱང་མེད་པ་ཀུན་ལ་གསལ་ཚོད་ཡིན་པས། ད་ཚོགས་པར་ཞུགས་རོགས་ཟེར་ན་ཐང་ཆད་འགྲོ་བ་ཞིག་མིན་ནམ།

    གཞོན་ནུ་ལྷན་ཚོགས་འདི་ཕ་རྒོད་པོའི་བུ་སྐྱག་ཟའི་ལག་ཏུ་ཟགས་ཐ་ཡ། བོད་རང་བཙན་ལགས།

    Reply
  2. མི་ཆུང་། says:
    ལོ་ 12 སྔོན།

    བོད་ཀྱི་གཞོན་ནུ་ལྷན་ཚོགས་ལ་ཚོགས་མི་ག་ཚོད་ཀྱིས་མང་བ་དེ་ཚོད་ཀྱི་ལས་འགུལ་སྔར་རྒྱུན་ལྟར་མིན་པ། སྒྲིག་འཛུགས་ཡོད་པ། འཆར་གཞི་ཡོད་པ། ནུས་པ་ཡོད་པའི་སྒོ་ནས་སྤེལ་ཐུབ་ཀྱི་ཡོད་ན། བཙན་བྱོལ་བ་འབུམ་གཅིག་ཙམ་ཚོགས་པར་ཞུགས་ཐུབ་ངེས་རེད།
    འོན་ཀྱང་གཞོན་ནུ་ལྷན་ཚོགས་ལ་ཚོགས་མིའི་གྲངས་ཚད་ཀྱིས་ཕོངས་མེད། ཚོགས་མི་ཆོད་སེམས་དང་། ལྷག་བསམ། ཤེས་ཡོན། ཆིག་སྒྲིལ་མེད་པ་དེས་ལན་པ་རེད།

    Reply
  3. མི་ཉག་བཙན་པོ says:
    ལོ་ 12 སྔོན།

    གཞོན་ནུ་ཚོགས་པ་ལ་ཁ་ཞེ་མཉིས་མེད་ཀྱི་རང་བཙན་གྱི་ལྟ་བ་ཞིག་དང་བཅོས་མིན་གྱི་ལངས་ཕྱོགས་ཤིག་ཡོད་པ་དང། ལྟ་བ་དང་ལངས་ཕྱོགས་དང་མཐུནཔའི་ནུས་པ་དངར་ཆ་ལྡན་པའི་ལས་འགུལ་དང་བོད་ས་ཡོངས་རྫོགས་དང་བོད་མི་ཡོངས་རྫོགས་ལ་རང་བཙན་སྒྲུབ་བྱེད་ཀྱི་འཆར་ཞིག་དང་ལྡན་པའི་ལས་འགུལ་སྤེལ་ཐུབ་པ་ཡིན་ན།བོད་ཀྱི་གཞོན་ནུ་ཚོགས་པར་མི་བཞུགས་མཁན་གདོང་དམར་རྩམ་ཟན་སུ་ཞིག་ཡོད།
    བོད་ཀྱི་གཞོན་ནུ་ཚོགས་པ་ནས་ཁ་ནས་རང་བཙན་སྟོང་བཤད་བྱས་པ་ཙམ་དང་སྡ་སའི་སྲང་ལམ་ཐོག་མར་མེ་ཁྲོམ་སྐོར་རེ་དང་རྒྱ་ཆེ་ས་ནས་བཤད་ན་རྒྱལ་ས་ལྡི་ལིལ་སྐད་འབོད་རེ་དང་། བོད་རང་བཙན་ཁ་ལ་ཁུར་ནས་ཕྱི་རྒྱལ་ལ་འགྲོ་བའི་གོ་སྐབས་རེ་འཚོལ་རྒྱུ་ཙམ་ལས་མེད་པ་ཡིན་ན་གཞོན་ནུ་ཚོགས་པ་ནང་བཞུགས་དགོས་དོན་གང་མ་མཐོང་།
    མ་ཟད་ཚོགས་པ་དེ་ལ་མ་བཞུགས་ན་དགེ་མཚན་ཆེ་བ་དང་༸་གོང་ས་མཆོག་དང་བོད་མི་སྒྲིག་འཛུགས་ཀྱི་ལངས་ཕྱོགས་ལ་མཐའ་གཅིག་ཏུ་རྒྱབ་སྐྱོར་བྱས་ནས་
    ཕྱག་ལས་ལ་ཞུགས་ན་དགེ་མཚན་ཆེ་སྙམ།
    བོད་གཞོན་ནུ་ཚོགས་པ་དབུ་བརྙེས་ནས་མི་ལོ་40་ལྷག་ཕྱིན་འདུག་པས་དེའི་རྒྱུད་རིང་ནང་བོད་ནང་ཡང་ན་ཕྱི་རྒྱལ་ཁག་ཏུ་རང་བཙན་གྱི་ལྟ་བ་དང་ལངས་ཕྱོགས་དང་མཐུན་པ་དང་།
    བོད་བཙན་བྱོན་སྒྲིག་འཛུགས་ནས་སྤེལ་ཐབས་མེད་པའི་ལས་འགུལ་སྣ་གཅིག་སྤེལ་མེད་པ་ནི་ཕྱིར་མིག་ཞིག་བལྟས་ན་ཤེས།བོད་ཀྱི་གཞོན་ནུ་ཚོགས་པ་དེ་ལྟ་བ་དང་
    ལངས་ཕྱོགས་དང་མཐུན་པའི་ཚོགས་པ་ཞིག་ཡིན་ན་རྒྱ་ནག་གཞུང་ནས་བོད་ལ་ཆབ་སྲིད་ཀྱི་འཛུགས་བསྐྲུན་དང་བོད་དང་རྒྱལ་སྤྱིའི་སྟེང་ཆབ་སྲིད་ཀྱི་ནུས་ཤུགས་དང་ལས་དོན་གང་ཡིན་ཐམས་ཅད་བགེགས་མེད་ལམ་ལྷོང་དང་བསམ་པ་དོན་ཐོག་ཁེལ་དགོས་དོན་གང་ཡིན་ཤེས་པར་བགྱིས།
    བོད་ཀྱི་གཞོན་ནུ་ཚོགས་པ་ལ་ཚོགས་དངུལ་སྤྲོད་པ་ཙམ་གྱི་བོད་རང་བཙན་ཉོས་ཐུབ་ན་ངེས་པར་དུ་ཚོགས་དངུལ་སྤྲོད་དགོས་པ་རེད།དེ་མིན་གང་།

    Reply
  4. བཀྲ་ཤིས། says:
    ལོ་ 12 སྔོན།

    གཞོན་ནུ་ཚོགས་པ་རྒྱལ་གྱུར་ཅིག

    Reply
  5. བཙན་བྱོལ་བ་ says:
    ལོ་ 12 སྔོན།

    རེད། བསྟན་འཛིན་བརྩོན་འགྲུས་ཀྱིས་གསུངས་པ་བདེན་པ་རེད། བོད་མི་རྣམས་གང་མང་ཚོགས་པ་འདིར་ཞུགས་ཐུབ་ན་ཡག་པོ་རེད། སྤྱིར་ཚོགས་པ་འདིའི་ཚོགས་མིའི་གྲས་སུ་མི་གྲངས་ཉིས་ཁྲི་ལྷག་ཡོད་པར་བཤད་མོད། དོན་ངོ་མར་བཤད་ན་རང་བཙན་ལྟ་གྲུབ་ལ་རྒྱབ་སྐྱོར་བྱེད་མཁན་ནི་དེ་བས་ཀྱང་མང་། བྱས་ཙང་། ལྟ་གྲུབ་གཅིག་གི་ངོ་བོའི་ཐོག་ནས་ཞུགས་དགོས་པ་རེད། གལ་སྲིད་ཁྱེད་རང་ལམ་དབུ་མར་རྒྱབ་སྐྱོར་གནང་མཁན་ཞིག་ཡིན་ན་དབུ་མའི་ལས་འགུལ་ཚོགས་པ་ལ་འཛུལ་ཞུགས་བྱེད་དགོས་པ་ཡིན། འདི་ནི་ལྟ་གྲུབ་ཀྱི་མིང་ཐོག་ནས་ཚོགས་པ་ཞིག་ཏུ་གྱུར་པ་ཡིན་པས་དམངས་གཙོའི་ཡར་ཐོན་གྱི་རྣམ་པར་བསྐྱོད་པའི་རྟགས་མཚན་རེད།

    Reply
  6. རྐྱང་ཕྲུག ཁེར་རྐྱང་གི་ཆིག་ལབ། says:
    ལོ་ 12 སྔོན།

    དེ་སྔོན་ཡིན་ན་བོད་ཀྱི་གཞོན་ནུ་ལྷན་ཚོགས་ལབ་དུས་སེམས་ནང་རྩིས་འདང་ཞིག་ཡོད་ཀྱང་། ཕྱི་ལོ་༢༠༠༨ལོ་ནས་རེ་བ་དེ་སྦད་དེ་རླག་སོང་། ད་དུང་བོད་རང་བཙན་འཐབ་རྩོད་ཀྱི་ཁ་ཕྱོགས་བཟུང་པ་ཙམ་ལས། རང་བཙན་ལེན་རྒྱའི་འཆར་གཞི་མེད་པ་དང་། ཕར་དགྲ་བོ་རྒྱ་དམར་ལ་ཁ་གཏད་མི་གཅོག་པར་བཙན་བྱོལ་ནང་། བོད་གཞུང་གི་མིང་དོན་བརྩོད་གླེང་ཤུགས་ཆེ་བྱས་པའི་སྙོག་སློང་འདི་ཚོ་མཐོང་ཡོང་དུས། རྒྱའི་སློབ་དེབ་ཅིག་གི་ནང་བྱི་ལ་ཉ་འཛིན་སྤུན་གཉིས་ཀྱི་
    སྒྲུང་དེ་ཡོད་ལ་དྲན་ཡོང་གི་འདུག དེ་ལྟར་འདྲེ་ཤར་སྒོ་ན་གནས་བཞིན། ཀླུད་ནུབ་སྒོར་གཏོང་བ་ཟེར་པའི་དཔེར་འགྱུར་ཉེན་ཡོད་པས་དེ་འདྲ་མ་གནང་ན་ལེགས་སྙམ། ལྷག་པར་དུ་ངས་འབོད་སྐུལ་ཞིག་ཞུ་རྒྱུ་ལ། རང་གཞུང་ལ་མཛད་དཀའ་མ་བཟོ་རོགས་གནང་ཞུ་རྒྱུ་དང་། བོད་མི་ས་ཡ་དྲུག་གི་རེ་བའི་མི་ཟུང་གྱེན་དུ་བཏེགས་ནས་ལ་རྒྱའི་ཁུ་ཚུར་གནམ་ལ་ཕྱར་དོན་ནི། ༧གོང་ས་མཆོག་བོད་དུ་གདན་འདྲེན་ཞུ་རྒྱུ་དང་། ཁོང་གིས་བཙུགས་པའི་གཞུང་གི་སྒྲིག་འཛུགས་འདི་ལ་རྒྱབ་སྐྱོར་དང་འདིའི་ཕྱོགས་ནས་གཏམ་སྙན་མོ་ཞིག་ཡིན་ནའང་ངང་སྒུག་བྱས་ནས་ཡོད་པའི་གཞིས་ལུས་རྒྱ་ཆེའི་མང་ཚོགས་ཀྱི་མངོན་འདོད་དངོས་གནས་དེ་མཁྱེན་པའི་ཐོག་ནས་ཕྱག་ལས་གནང་རོགས་ཞུ་རྒྱུ་ཡིན།

    Reply
  7. ཀརྨ་རྡོ་རྗེ། says:
    ལོ་ 12 སྔོན།

    ངྷ་ས་ས་གནས་གཞོན་ནུའི་ཚོགས་གཞོན་བསྟན་འཛིན་བརྩོན་འགྲུས་ལགས་ཀྱིས་བོད་པ་གང་མང་གཞོན་ནུའི་ཚོགས་ཁོངས་སུ་ཞུགས་རོགས་ཟེར། ཞེས་འབོད་བསྐུལ་བྱ་དགོས་དོན་རྒྱུ་རྐྱེན་གང་ལ་ཐུག་གམ། དབུ་མའི་ལྟ་གྲུབ་སེམས་ནང་མེད་པེ་ཡིན་ནམ། རང་བཙན་འཁྲེགས་འཛིན་ཁ་ལ་འཁྱེར་ནས་ཡིན་ནམ། ཡང་ན་དོན་རྐྱེན་གཞན་ཞིག་ཡོད་རེད།

    Reply
  8. ཐུབ་བསྟན། says:
    ལོ་ 12 སྔོན།

    བླ་མ་མཁྱེན། ད་ག་རེ་རེད། འོག་ལ་གཞོན་ནུས་ཚོགས་མིར་ཞུགས་རོགས་ཞེས་སྐད་ངན་ཤོར་ཤོར་དང་། སྒང་གི་སྐུ་མགྲོན་གཙོ་གྲས་ནི་མི་ངན་མགོ་བདེ་རྫུན་མ་ཤ་སྟག་སླེབས་པར་ལྟོས་དང་། ༡ ཟླ་ཕུན། ༢་ཀར་ཡེས། ༣་ཀར་ཆོས་ར་བཟི། ༤ཁམས་རྫུན་གསེར་རྟ་པ། ད་ཚར་འདུག་ དངོས་གནས་ཚར་བཞག

    Reply
  9. ཏ་ལའི་ཕོ་ཉ། says:
    ལོ་ 12 སྔོན།

    ཚོགས་པ་གང་ཡིན་ཡང་རང་གི་རིན་ཐང་ལ་གུས་པ་ཞུས་འོས་པ་རེད་་་་ཡིན་ཡང་གཞོན་ནུ་ཚོགས་པའི་རང་གི་རིན་ཐང་རང་གི་མེད་བ་བཟོ་གི་འདུག་གང་ཡིན་ཟེད་ན་ང་ཚོས་ཚོགས་ལ་ཞུ་རོགས་ཞེས་སྐད་ངན་ཤོར་འདུག་གལ་སྲིད་ཚོགས་པ་འདི་ཡག་པོ་ཡོད་ན་དེ་འདྲ་སྐད་ངན་རྒྱབ་དགོས་ཡ་ཡོད་མ་རེད་་་་་མི་མང་ཆུ་རྒྱུག་བ་ནང་ཞིག་གཞོན་ནུ་ཚོགས་པ་ནང་འཛུལ་ཡོང་གི་རེད།

    Reply
  10. ཆབ་བྲག་ལྷ་མོ་སྐྱབས། says:
    ལོ་ 12 སྔོན།

    གཞོན་ནུ་ཚོགས་པའི་སེམས་ཤུགས་དང་ལར་ཞེན་དེ་ཚོ་སྤྱིར་བཏང་མི་རིགས་ཤིག་ལ་ཡོད་ངེས་པ་དང་དགོས་ངེས་ཤིག་ཀྱང་ཡིན་པ་འདྲ། ད་དུང་ལས་དོན་སྣ་མང་སྤེལ་བ་དང་ཕན་ནུས་ཐོན་པ་ཡང་བཤད་ཅི་ལ་དགོས། འོན་ཀྱང་གཞོན་ནུ་ཚོགས་པའི་གྲུབ་ཆའི་ཐད་ལ་དོགས་པ་ཁ་ཤས་རེ་ཡོད་པས་གསལ་བཤད་ཡོང་བའི་རེ་བ་ཡོད།
    ༡༽ མ་གཞི་གཞོན་ནུའི་ཚོགས་སྡེ་ཟེར་བ་དེ་ལོ་ཚོད་ཅིག་གི་ངོས་ནས་འཇོག་དགོས་པ་འཇིག་རྟེན་སྤྱི་སྲོལ་ཡིན་ན་ཡང་ངའི་མིག་ལམ་ཚོགས་སྡེ་འདིར་དར་མ་དང་རྒན་རྒོན་ཡང་གང་མང་ཞིག་མཐོང་ལ་ཡང་སེམས་གཞོན་ན་ལུས་གཞོན་མི་དགོས་ཟེར་བ་ཞིག་ཀྱང་ཐོས་པས་དེ་བདེན་མིན།
    ༢༽རྒྱ་དམར་གྱི་གུང་གཞོན་ཚོགས་པར་ཞུགས་ན་ཆ་རྐྱེན་མང་དག་ཅིག་འཛོམས་དགོས་མོད། བོད་ཀྱི་གཞོན་ནུ་ཚོགས་པར་ཞུགས་ན་ཆ་རྐྱེན་གང་ཡང་དགོས་པ་མ་རེད་ཐོ་བརྒྱབ་ནས་ཚོགས་དངུལ་སྤྲད་པ་གཅིག་པུས་འགྲིག་གི་རེད་ཟེར་བས་དེ་ཡང་བདེན་མིན།
    ༣༽ ད་ལྟ་མང་པོ་ཞིག་གིས་ཚོགས་དངུལ་སྤྲོད་ཀྱིན་མེད་ན་ཡང་ཚོགས་མི་རང་ལ་བརྩི་གིན་འདུག་ཟེར་བས་དེ་ཡང་བདེན་མིན།
    ༤༽ ཚོགས་མི་ཁྲི་གཉིས་ལྷག་ཡོད་ཟེར་བ་དེག་ཚང་མས་ཚོགས་དངུལ་སྤྲོད་ཀྱི་ཡོད་མེད་དང། དེ་དག་ཚང་མའི་ཆབ་སྲིད་ལྟ་བ་བོད་རང་བཙན་རང་ཡིན་མིན།
    ༥༽ བདག་གིས་བལྟས་ན་གཞོན་ནུ་ཚོགས་པའི་སྤུས་ཚད་ཡར་རྒྱས་གཏོང་རྒྱུར་མི་ཤུགས་གཅིག་པུ་མིན་པར་ལངས་ཕྱོགས་དང་ལས་དོན་གྱི་ཐད་ནས་ལེགས་བཅོས་རེ་གནང་དགོས་པར་མཐོང་བའི་བསམ་ཚུལ་ཞིག་དང་བཅས་སོ།

    Reply
  11. མང་ཐོས། says:
    ལོ་ 12 སྔོན།

    ཉིས་སྟོང་བརྒྱད་ལོར་རྒྱ་གཞུང་གིས་གཞོན་ནུ་ཚོགས་པ་དྲག་སྤྱོད་པ་རེད་ཅེས་ཁྱབ་བསྒྲགས་བྱས་པ་ན།
    གཞོན་ལྷན་སྐྲག་ཐག་ཆོད་ནས་ང་ཚོ་དྲག་སྤྱོད་པ་མིན་ང་ཚོ་ཞི་བདེ་ལ་དགའ་ཞེས་རྒྱ་གཞུང་ལ་དཀར་འདོན་བྱེད་གང་ཐུབ་བྱས་ཡོད།
    ཧ་ཅང་གི་སྡར་མའི་ངང་ཚུལ་འདིས་ཡིད་ཆད་དུ་བཅུག་སོང་སྡར་མ་ཁྱུ་གཅིག་ནང་ལ་ཞུགས་དང་མ་ཞུགས་གཅིག་རེད་དོ། །

    Reply
  12. ཇོ་བོ་རྣམས་གཉིས། says:
    ལོ་ 12 སྔོན།

    རང་བཙན་གཙང་མ་རྩོད་ལེན་བྱེད་མཁན་ཡིན་ཚེ་གཞོན་ནུ་ལྷན་ཚོགས་སུ་འཛུལ་ཞུག་དགོས་ངེས་ཡིན་པས་རང་གི་ལང་ཕྱོགས་ལྟར་ཚོགས་ཞུག་གནང་རོག

    Reply

དཔྱད་མཆན་སྤེལ། Cancel reply

Your email address will not be published. Required fields are marked *

སྤྱི་ཚོགས་དྲ་གནས།

ཁྱབ་བསྒྲགས།

དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།

གློག་འཕྲིན།

editor@tibettimes.net | office@tibettimes.net

ཁ་པར།

+91-98823-47075 | +91-92189-38041 | +91-81972-44372
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese

Welcome Back!

OR

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist