གཟའ་ལྷག་པའི་ཉིན་ཆབ་མདོ་རྫོང་རྫ་རྒྱུད་ཀརྨ་ཞང་སྲིད་གཞུང་ལས་ཁུངས་ལ་འབར་རྫས་གས་གཏོར་གྱི་དོན་རྐྱེན་བྱུང་སྟེ་ད་ཆར་དགོན་གྲོང་གཉིས་ཀ་བཀག་སྡོམ་བྱས་ཡོད་འདུག
གནས་ཚུལ་འབྱོར་གསལ་ལ། ཕྱི་ཚེས་ ༢༦ ཉིན་གྱི་བོད་ནང་གི་ཆུ་ཚོད་ ༤ པ་ཡས་མས་སུ་ཆབ་མདོ་རྫོང་ཁོངས་རྫ་རྒྱུད་ཀརྨ་ཞང་སྲིད་གཞུང་དུ་འབར་རྫས་གས་གཏོར་གྱིས་ལས་ཁུངས་གཏོར་བཤིག་བཏང་ཡོད་འདུག་ལ། སྲང་ལམ་གྱི་རྩིག་གྱང་ངོས་སུ་མཚོན་དམར་པོས་བོད་རང་བཙན་ཞེས་པའི་ཡི་གེ་དང་སྦྱར་ཡིག་ཀྱང་བཀྲམས་ཡོད་འདུག
ཐེངས་འདིའི་འབར་རྫས་གས་གཏོར་གྱིས་སྲིད་གཞུང་གི་མི་སྣ་དང་མི་མང་ལ་གནོད་སྐྱོན་ཐེབས་མེད་ཀྱང་། ཉིན་དེར་ཆབ་མདོ་རྫོང་ས་གནས་ཉེན་རྟོག་པ་དང་དམག་མི་མང་པོ་ཡོང་སྟེ་ཀརྨ་དགོན་པ་སྒོ་བརྒྱབ་ཡོད་པ་མ་ཟད། དགོན་པ་དང་ས་གནས་སུ་དམག་མི་མང་པོ་འགྲེམས་འཇོག་གིས་དགེ་འདུན་པ་རྣམས་ཀྱི་འགྲོ་འོང་དང་ས་གནས་ཀྱི་འགྲིམ་འགྲུལ་བཀག་སྡོམ་བྱས་ཡོད་འདུག
ཆབ་མདོ་རྫ་རྒྱུད་ཀརྨ་དགོན་པ་ནི། རྒྱལ་དབང་ཀརྨ་པ་སྐུ་ཕྲེང་དང་པོ་དུས་གསུམ་མཁྱེན་པ་མཆོག་གིས་ཕྱག་བཏབས་ཤིང་། ད་བར་ལོ་ ༩༠༠ ལྷག་གི་ལོ་རྒྱུས་ཡོད་པའི་དགོན་རྙིང་ཞིག་ཡིན་འདུག
གསར་འགོད་པ། དོན་གོ
![FILE - Venezuelan opposition leader Maria Corina Machado gestures at a protest ahead of the Friday inauguration of President Nicolas Maduro for his third term, in Caracas, Venezuela January 9, 2025. [File photo: Reuters/Maxwell Briceno]](https://tibettimes.net/wp-content/uploads/2025/10/Maria-Corina-Machado--360x180.jpg)
![Hungary's Laszlo Krasznahorkai poses for photographers in London [File: Matt Dunham/AP]](https://tibettimes.net/wp-content/uploads/2025/10/Screenshot-2025-10-10-at-2.23.17-PM-360x180.png)
༸གོང་ས་མཆོག་བཞུགས་རིང་བོད་མི་ཚོས་ནམ་ཡང་དྲག་པོའི་ངོ་རྒོལ་བྱེད་མི་སྲིད་པས་དེ་རྒྱ་ནག་གཞུང་གིས་བརྫུན་བཟོ་བྱས་པར་ཐག་གིས་ཆོད
ད་ཡང་ཁག་ཅིག་གིས་བརྟག་དཔྱད་མ་གནང་བའི་གཏམ་བཤད་རྫིག་པོ་ཁག་གང་བྱུང་དུ་གནང་བཞིན་འདུག གཤམ་གྱི་རྒྱ་ཡིག་གི་ཟིན་བྲིས་འདིར་ཞིག་གཟིགས་དང་། རྒྱ་མི་གཞུང་གིས་ཆེད་དུ་བཟོས་པའི་དོགས་པ་ཡོད་ཚུལ་བཀོད་འདུག
http://blog.boxun.com/hero/201110/dongsai/18_1.shtml
གནས་ཚུལ་བཀླགས། བསམ་བློ་བཏང་། གཞན་གྱི་དགོངས་ཚུལ་ལ་ཉན། དེ་ནས་སྐད་ཆ་བཤད་དགོས་པ་ལས་སྐབས་ལ་ལར་བོད་ནང་དུ་གོད་ཆག་བཟོ་བའི་རྒྱུ་རུ་འགྱུར་སྲིད་པས། ཚང་མ་ལོས་བསམ་བློ་བཏང་། ཞིབ་དཔྱད་གནང་། གཞན་ལ་ཉན་ནས་སྐད་ཆ་བཤད་པར་འབོད་བསྐུལ་ཡོད།
ང་ཚོ་བོད་གངས་ཅན་པ་།
སྙིང་རྗེ་ཡི་བདག་པོ་། ཞི་བདེ་་ཡི་མི་རིགས་ཞིག་ཡིན།
ང་ཚོ་བོད་གངས་ཅན་པ་། སངྒེ་སྐོམ་ཡང་རྙོག་པའི་ཆུ་མི་འཐུང་། སྤྱང་ཀི་ལྟོགས་ཡང་གྲོགས་པོའི་ཤ་མི་ཟ།
ང་ཚོ་བོད་གང་ཅན་པ་། པུས་མོ་གཏུབ་ཡང་། རྐང་པའི་སྐྱིལ་ཀྲུང་མི་ཞིག། དཔུང་པ་བཅག་ཡང་། ལག་པའི་ཐལ་མོ་མི་ཞིག་པའི་། དཔེ་ལྟར་རང་ཉིད་ཀྱི་སྐྱབས་གནས་དམ་པའི་ཞལ་གཞེས་དམ་བཅའ་དང་དུས་ཡན་ཡང་མི་འགལ་། ད་རེའི་ཀྱི་ཆབས་འདོའི་འབར་རྫས་གལ་གཏོར་དེ་རྫུན་བཟོ་ཁོ་ན་ཡིན།
གས་གཏོར་དེ་དོག་པ་ཟ་དགོས་པ་ཞིག་ཏུ་མཐོང་གང་ཡིན་ཞེ་ན་བོད་ནང་ཆུ་ཚོད་༤ཟེར་བ་ཉིན་དང་མཚན་གཉིས་ཡོད་ལ་ཉིན་ལ་ཡིན་ན་ནི་ལས་བྱེད་ཡོད་མོད་མཚན་ལ་ཡིན་ན་དེ་ལས་དོག་པ་ཆེ་རུ་སོང་བ་རེད། ང་ཚོ་ལ་རྒྱལ་སྤྱིའི་ཐོག་རྒྱབ་སྐྱོར་མི་ཡོང་ཆེད་རྐང་བཙུགས་ནས་བྱས་པ་འདྲ་བོ་འདུག དེ་ཚོ་བོད་མི་ལ་རྒྱ་ཅན་ཞིག་གི་བཟོས་པ་མིན་པ་ཐག་ཆོད་ཡིན། རྒྱ་མིའི་ལས་བྱེད་དག་གི་ངན་བསྐུལ་བྱས་ནས་ཡོང་པ་ཡིན་སྲིད་པ་ཙམ་རེད།
བོད་སྡེབ་གསོད་བཏང་བ་དེ་ཞི་བ་དང་། གནོད་སྐྱོན་ཅིག་ཀྱང་འཐེབ་མེད་པའི་འགས་གཏོར་འདི་བོད་མིས་བཏང་བའི་དབང་དུ་ཆ་བཞག་ཀྱང་དྲག་པོ་དང་འཇིག་སྐུལ་ལ་འགྲོ་མི་སྲིད།
གནས་སྟངས་འདི་འདྲའི་འོག་ལ་ཅི་ཡང་ཡོང་སྲིད་པ་ཞིག་རེད། འོན་ཀྱང་བོད་ས་ཡོངས་ནས་བོད་མི་ཚང་མས་འཚེ་མེད་ཞི་བའི་འཐབ་རྩོད་ཀྱི་དར་ཆ་ཤུགས་ཀྱིས་འཕྱར་རྒྱུར་དངོས་ཤུགས་བརྒྱུད་གསུམ་ནས་བརྡ་ལན་གསལ་བོ་འཕྲོད་དགོས།
ངོ་མ་ཆབ་སྲིད་ཀྱི་གཡོ་སྒྱུ་ནི་ཧ་ཅང་མགོ་རྙོག་པོ་དང་གཏིང་ནག་པོ་ཡིན་པ་བཤད་མ་དགོས་མོད། རྒྱ་འདི་ཚང་ལ་ཞི་དྲག་གཉིས་ཐོག་ནས་ར་སྤྲོད་ཡག་པོ་
ཞིག་བྱེད་དགོས་ཚོད་རེད།
འདི་རྒྱ་ནག་ཚང་གིས་རྐང་བཙུགས་ནས་བཟོས་བ་ཁོ་ཐག་ཡིན། འདི་ཚང་གི་བྱེད་སྟངས་འདིས་རྒྱལ་སྤྱིའི་མིག་ནང་ལ་ང་ཚོ་འཇིག་སྐུལ་རིང་ལུགས་པའི་བཟོ་འདུག་ཟེར་འདོད་པ་རེད། བོད་ཕྱི་ནང་གཉིས་ནས་གནས་ཚུལ་འདིའི་རིགས་ལ་ཉམས་འཇོག་ཚད་མཐོན་པོ་རེ་བྱེད་རོགས།
འདི་ནི་ངོ་མ་ཁོ་བ་ཚང་གི་སྒྱུ་འཕྲུལ་ཞིག་ཡིན་ཤས་ཆེ། དུས་སྐབས་འདི་འདྲ་ཞིག་ལ་ཁོ་བ་ཚང་གིས་ལག་ཆ་གསར་བ་ཞིག་མ་རྙེད་ཡོད་ནི་རེད།
གཡུ་དྲུག་དཀར་ལགས་ཀྱིས་གསུང་པ་བདེན་པར་འདོད། འདི་འདྲའི་དོན་རྐྱེན་བྱུང་དུས་དངོས་གནས་གཟབ་གཟབ་བྱ་དགོས་པ་གལ་ཆེ། གསར་འགྱུར་ནང་འགོད་མཁན་ཉན་མཁན་གཉིས་ཀས་དོ་སྣང་བྱེད་དགོས། ད་རེས་ཀྱི་དོན་རྐྱེན་འདི་འདྲ་བ་རྒྱ་གཞུང་གིས་བཟོས་ཞིག་ཡིན་སྲིད་པ་རེད། ཨ་མདོ་རྔ་བའི་འཚེ་མེད་ཞི་བའི་ལས་འགུལ་གྱི་དོན་རྐྱེན་འདི་ལ་རྒྱ་གཞུང་གིས་འཚེ་བ་དང་། འཇིགས་སྐུལ་བ་རེད་ལབ་ནས་རྒྱལ་སྤྱིའི་ཐོག་བསྒྲགས་གང་ཐུབ་བྱེད་ཀྱིན་ཡོད། འོན་ཀྱང་གནས་ལུགས་དང་བདེན་པ་ར་སྤྲོད་བྱེད་མ་རག་པར་རྒྱུ་མཚན་གང་ཡང་མེད་པའི་འཁྱོག་བརྗོད་ཀྱི་གཏམ་ཉོག་སྤེལ་བཞིན་ཡོད། ལྷག་པར་དུ་འདི་འདྲའི་རིགས་རྫུན་བཟོ་བྱས་ཡོད་མེད་དེ་བོད་པ་རང་གི་ངོས་ནས་ཞིབ་འཇུག་བྱེད་གལ་ཆེ། དེ་སྔོན་༨༠༠༨ལོའི་ཞི་རྒོལ་སྐབས་ཀྱང་ལྷ་སའི་ལས་འགུལ་བའི་ནང་རྒྱ་གཞུང་གིས་ཆེད་མངགས་གཏོར་བཅོམ་བྱེད་མཁན་བཏང་ཡོད་པའི་སྐད་ཆ་ཡང་གོ་རྒྱུ་ཡོད། དེ་འདྲའི་ཉམས་མྱོང་གཞི་ལ་བཞག་ནས་ང་ཚོས་ངེས་པར་དུ་སྤྱང་པོ་བྱེད་གལ་ཆེ། ལྷག་པར་དུ་ས་ཁུལ་དེའི་མི་མང་ཚོས་དོ་སྣང་བྱེད་གལ་ཆེས་པར་སེམས།
བོད་མིས་ནམ་ཡང་མི་གསོད་ཕོད་གི་མི་འདུག ག་དུས་ཡིན་ན་ཁང་སྟོང་དང་རྒྱལ་སྒོ་བཅས་ལ་གཡུགས་གི་རེད། ནད་མ་ཁྱོག་དུས་རྣམ་འགྱུར་སྟོན་བྱེད་ཅིག་རེད།
གནས་སྐབས་འདི་འདྲར་ང་ཚོས་གསར་འགྱུར་གཏོང་སྟངས་དང་། ལུས་འགུལ་སྤེལ་སྟངས་སོགས་ལ་ངེས་པར་ཏུ་གཟབ་གཟབ་བྱེད་དགོས། གང་ཞེ་ན་ཐེངས་འདིའི་འབར་རྫས་གས་གཏོར་དེ་རྒྱ་གཞུང་གིས་ང་ཚོར་ཞ་མོ་ནག་པོ་འགེབས་ཆེད་རྐང་བཙུགས་ནས་གཏོར་བ་ཞིག་ཡིན་སྲིད། གང་ཞེ་ན་ཆབ་མདོ་ནི་ད་ལྟའི་བར་དུ་བོད་དོན་ཆེད་གྲགས་འགུལ་ཆེས་ཉུང་བའི་ས་ཁུལ་ཞིག་ཡིན།